عدينا الايام كدا انا قاعدة مع ليان وكل يومين بمش اسلم لامي ومصطفي بالكتير بقعد ساعتين وبرجع ولو مشيت م بدخل غرفتنا متأثرة شديد حالتي حقت البكي الهستيري خفت شوية يمكن لانو بتها شاغلاني وبتقلني شوية انا جاني ادمان اسمو غفران ياخ انا البت دي شدة م بحبها لما الناس بتستغرب 24ساعه انا قاعدة جنبها لو جيت اصلي بمسكا لي ليان اول م اخلص بشيلا بحسب ليها بالساعات عشان ترضعا بغير ليها ملابسا وبهتم بيها شديد مرة مشيت مع غالب طلعنا ليها شهادة ميلاد في مرة جنبي قالت لي دي بتك ماشاءالله عليها قربت اقول ليها م بتي بس سكتا جارات ليان متعاطفين معاي شديد والله بجو يقعدو معانا مرة الحبشيه الشغالة معاها البتجي تغسل ليها وتكوي قالت لي نبأ انت مالك مع بت دا كل ساعه قاعد جنبو ضحكت قلت ليها م بقدر اخليها براها انتي عارفه م عندها زول غيري * مالو لين بقعد برا امو شغال * انتي م ح تفهميني عشان كدا * قصدك م بفهم انا * ههههه لالا منو قال كدا طيب احكي ليك لين امها جنبها بتحس بيها لو عطشت او جاعت او لو بكت هي بتفهما والمسا ابوها بجي يرقدا جنبو بس غفران م عندها زول انا م امها م بقدر افهما كل البعملو اني الاحظ للساعه عشان اعرف هي ح تجوع متين وحتي لو بكت انا برتبك م بعرف اذا هي بتبكي لانها جيعانه ولا واجعاها حاجه عشان كدا بحاول اخلي بالي منها لحدي م تكبر شويه واقدر افهما * الله ياخ بس انت م عارف الام م بلدي بس الام البربي دا انت امو هسي وبتهبو كمان * عسل انتي ياخ اي صاح انا بحبها شديد وح ابذل جهدي م اخليها تحتاج لاي شي طول م انا عايشة * بس بكرة يكبر انت ح تتزوج ساح تخلي لمنو * كلاما دا وجعني شديد صاح انا م فكرت لقدام ح يحصل شنو عندي جامعه م تميتا انا البت دي اعمل ليها شنو وبكرة لو كبرت هي ح تكون محتاجه تقول ماما محتاج ابوها جنبها انا ح اعيش ليها كل العمر هزتني مشيت وين انا بكلمك * م ف شي م ف شي يلا انا ماشة اصلي الضهر جا دخلت الغرفه اتوضيت صليت جيت قعدت جنبها وبتكلم معاها وهي بتعاين لي وتبتسم نسيت الموضوع دي مشكلتي بحاول اتناسي 💔ابوها م بقصر يومي بجيها بقعد ساعه ساعتين وبمش وبتصل طوالي يطمن عليها لونة ومؤيد م فرزوها من لين بهتمو بيها شديد قاعدين نتغدا انا قمت جريت الغرفه لقيتا بتبكي رفعتها وجايه خلاص خلاص ي عمري له له مين بكاكي دا منو دا كنتي مسخنة معليش حبيبتي انا مشيت خليتك براكي خلاص وعد تاني م اخليك براك بهز فيها وبتكلم معاها سكتت مؤيد عاين لي لونة وسكتو انتبهت ليهم جيت قلت ليهم اكلتو خليتوني * هههه م اكلنا منتظرينك اقعدي واصلي *قعدت باكل لقمة وبنشغل معاها مؤيد قال لي نبأ اكلي وادي البت لي ليان هي بتهتم بيها ولا رفعت راسي عاينت ليهو بتكلم معاها قلت لي حبي جيعانه طيب انتظري اسي انا باكل ونمش ندو غفورة الحلوة لبن وبعدها نحمما ونطلعو برة ويجيها بابا بالعربية اسي فجاة نهرني قال لي ياااخ بطلي جنك دا انتي ح تجني بالطريقه دي جيبي البت دي واكلي جا عايز يشيلا * فكها م عايزة اكل انا شبعت. *ليان هيي مالكم ف شنو رجعتو تتناقشو قال لي معليش ي نبأ اسف م قاصد اعلي صوتي عليكي بس انتي م شايفه حالتك بقيتي كيف نحن خايفين عليكي كلنا بنحب غفران وعارفين م عندها غيرنا بس م بالطريقه دي انتي ح تضيعي اسي اخر مرة سألتي من صحباتك متين انتي عارفه انو الجامعه الاسبوع الجاي اصحي علي نفسك ي نبأ نحن خايفين عليكي * انا عارفه بس اعمل شنو يعني قاطعني صوتا وهي بتبكي قمت بيها طوالي ومشيت دخلت الغرفه وكالعادة م اشتغلت بكلام مؤيد بقا شغلي الشاغل غفران انا م بنوم الليل كويس اقل حركة بحس بيها لو صحت نص الليل بصحا كانت ليان بتشيلا تنوما معاها انا الليل كلو بكون صاحية لما بقت تخليها لي وابوها دا لما يجي انا بكون ماسكاها لو هو ماسكا بكت طوالي بشيلا منو مرة جا انا مشيت حميتا وغيرت ليها ملابسا واقفه بتكلم معاها دق لي الباب مشيت فتحت قلت ليهو اتفضل يداب لبستها عشان كدا اتاخرت ليك قاطعني انا جاي اتكلم معاك انتي ي نبأ * خير اتكلم سامعاك * ممكن نقعد برا * جيت ختيت ليها المخدات وخفضت التكيف وفتحت النور وطلعت قلت ليهو سريع عشان هي م بتحب تقعد برا قال لي نبأ ممكن تعايني لي هنا شوية انتي بقيتي م شايفه زول غير غفران الوقت كلو متلهيه بيها سكتا م رديت قلت ليهو اقعد مشيت المطبخ لقيت ليان جهزت العصير شلتو وجيت اديتو قال لي الجامعه قربت وانتي م سألتي من نتيجتك وم ماشه تسجلي يعني م منتبهة للحياة اذا ماشة ولا واقفه قاعدة بين اربعه حيطان الوقت كلو * قررت اجمد السنة دي * م ح تجمدي انتي قربتي تخلصي وم شايف سبب يخليك تجمدي * انا م مستعدة انزل وم لي نفس اقرا * لشنو م عايزة تقري اديني سبب مقنع * ح تجبروني علي شي م عايزاهو يعني * ي نبو م ف زول ح يجبرك بس انتي لازم تواصلي حياتك * م عايزة الجامعه م بتعني الحياة قلت ح اجمدا وخلاص م ف زول يجادلني وقمت مشيت جوة قعدت جنبها م مشكله ك
لها سنة ح اقعد اهتم بيها لحدي م تكبر شوية امها وصتني عليها م ح اخليها مر اسبوع جاتني علا قالت لي نبو الليله اول يوم ف الجامعه مالك م جيتي * ح اجمد السنة دي * بتبالغي لشنو ح تجمدي م صدقنا نحن ح نخلص * ظروف ي علا م مشكله الجامعه م كل شي * عشان غفران صاح * لا اصلا انا م بقدر اركز واقرا السنة دي بنزل السنة الجاية باذن الله * م ح اتجادل معاك بس اطلعي لي من دور المرأة الحديدية دي وبطلي تضحياتك دي م ح تفيدك شي * اها اعمل شنو لكن هي بت اختي * اوووف سلسله لكن دي م ح تنتهي زمان لكن هي اختك واسي لكن هي بت اختك ي بت انتي ح تعيشي للناس طيب وحياتك ح تعيشي لنفسك متين معليش كلامي جارح بس لمصلحتك نبأ مرة واحدة اعملي شي لنفسك م تفرحي عشان الناس فرحانة افرح لانك انتي عايزة كدا بغض النظر عن الناس عايزة شنو قبل ارد ليها طلعت خلتني
كلهم جاطو فيني امي وعمي عبدالله وابوي زاتو جانا قعد معانا فترة م اشتغلت بيهم عدا شهر من الناس نزلو انا م مشيت اصلا عشان اجمد مرة وديت غفران المقابله الدكتورة قالت لي كويس حالتا مستقرة م فيها مشكله يداب اطمنت عليها من اتوفت ليها 3شهور وانا كل يوم بتزكرا م نسيتا ولا لحظة م مر علي يوم م بكيت عشانا حياتي بدونا م ليها اي طعم الله م يضوق زول طعم الفقد 💔مرة قاعدة ببحث ف النت عن حاجات تغذية طبيعيه عشان غفران اول م فتحت الشبكة جات كترت رسايل واشعارات 3شهور م فتحت النت صاح كلامهم انا حسيت حياتي اتوقفت ف اخر نقطة م متزكرة حاجه حلوة كل البتزكرو ذكري اليوم المؤلم دا عاينت لغفران لقيتا تعاين لي ساي بستها وقفلت تلفوني قعدت اهز فيها لحدي م نامت طلعت لقيت لين برة قعدت اشاغل فيها ي،الله شكلها نستني زاتو زمان م كنت بزح من جنبها وبحبها شديد لدرجة لما تجينا وترجع انا ببكي كل مرة جا مؤيد قال لي ماشاءالله الليلة عملتيها كيف * سسجم ياخ الزول م يعمل حاجه بس تشغلا ليهو * والله حتي كلمة سجم دي اشتقت ليها ياااخ * امش م تقيف لي ف راسي انا مشتاقه لي لين دي طولت منها مشي وانا بقيت العب معاها ورفعتها دخلتها جوة سرحت ليها امها جات قالت لي سجمي دا شنو العملتي ف بتي * هههههه بالله هي كانت بت عايني حتي شعرا م كان مسرح يداب بقيتا ليك بت * نبأ حرام عليكي البت سنتين م تمت م تبهدليها بالتسريح لاحقاهوتكبر تتسرح خليها لي * لاااع من اسي تتجيه كدا بكرة ح تطلع معولقه م بهما تتسرح موش لي لينو * مؤيد جا طالع قلت ليهو شوف بقيت ليك بتك بت ضحك قال لي كتر خيرك تصدقي كنت قايلا ولد قلت ليهو وح نمشي بعدين نركب ليها حلق ليان جات قالت لي بري انتي م طبيعيه خلي لي بتي حلق شنو البتعملي ليها قلت ليها انتي اسكتي وشوفي بس ورفعتها ومشينا اتصل لي غالب
مساء الخير * مساء النور * كيف امسيتي * الحمدلله كيف انت * الحمدلله اها بتعملي ف شنو * بلعب غفورة ولينو * ههههه بقيتي دادة الايام دي * احلي شي ياخ * طيب اجهزو نطلع * اوك بس البسهم * جاي عليك * طيب
قفلت منو لبست غفران ومشيت لبست لين امها قالت لي هيي علي وين * قريب ياخ م تخافي * معاكم غالب * يب
نص ساعه الجرس رن مشيت فتحت سلم لينا وجيت جبت غفران مسكتها ليهو وسوقت لين وطلعنا ف العربية كان سايق ويشاغل غفران قلت ليهو ركز ياخ انا كم مرة قلت سكتا طوالي قال لي م نسيت كلامك سكتنا بقينا لافين بالعربية جينا. جمب صيدلية قلت ليهو اقيف عايزة حاجه قال لي انتي كويسة قلت ليهو بطل تخاف علي م فيني شي انزل نزل رفع لين وانا شايله غفران دخلنا للبت قلت ليها عايزة اركب ليهم حلق قالت لي جيبي الكبيرة اول ركبو ليها وركبت لغفران وشلت مناديل وبدرة اطفال وصابون واويل هو واقف يعاين لي قلت ليهو حاسبا يلا ضحك قال لي والله انتي م طبيعية طلعنا قال لي انا م اتغديت وقاعد هايم معاكم كدا * انا زاتي م اتغديت وهايمة معاك * خلاص ارح نتغدا بعداك * مع الشفع ديل م بقدر ح نسوي جوطة * لا ياخ م ح يجوطو ماياهم هادين * دا لانو نحن برانا لكن محل الناس ح يجوطو * شايفك اتعلمتي تتعاملي معاهم * اتعودت عليهم وبقيت افهمهم
شوية كدا وصلنا كافتيريا وكان فيها برة كراسي وكدا قام حجز مكان ونادا الجرسون طلب اكل وقال ليهو ممكن نكون برانا اذا حد سال قول المكان محجوز وبحاسبك انا بعد جابو الاكل قال لي اها كدا مرتاحه م ح يجي زول يضايقنا وهم م ح ينزعجو قلت ليهو ليه بتعمل كدا. * اكلي خلي الكلام اتغدينا وقعدنا نتونس م حسينا بالزمن فجاة الجو بدا يبرد قلت ليها نمش عشان لبسهم خفيف ح يمرضو ركبنا قال لي انبسطة شديد لي زمن م وسكت قلت ليهو معليش الظروف بس جينا جمب محل ايس كريم نزل جاب لي وبقا يتكلم معاي ف موضوع الجامعه * اي صاح هي بقت كويسة وكلهم ح يهتمو بيها انا واثقه بس فاتوني شهر وحاجه م ح اقدر الحق خليها بس،* نبأ شاطرة انتي الفاتك م كتير لو صممتي تنجحي م ح يفوتك شي ح تنجحي انا واثق * م عارفه بس م لي نفس اطلع مكان ولا اتلاقي مع الناس خليني ي غالب * فكري ف الموضوع ح تضيعي سنة بدون سبب دفعتك ح يفوتوك ح يبقي الموضوع صعب عليك السنة الجاية م ح تلقي صحباتك وعلي فكرة غفران محتاجه ليك اكتر لما تكبر اسي هي صغيرة م بتلاحظ الماسكا منو كلهم ح يهتمو بيها بس لما تكبر شوية ح تفرز الناس * طيب بحاول افكر ف الموضوع * انا سجلت ليكي لاني عارف انك ح توافقي * عاينت ليهو مسافه قلت ليهو ليه واثق * قال لي لاني عارفك م ح تغيبي ظني *سكتا م رديت وصلنا نزل معاي المغرب جا دخلهم معاي غفران كانت نايمة مشي رقدا وجا طالع قال لي فكري ف الموضوع صليت وجيت حكيت لي ليان عن الموضوع قالت لي. نبو صاح كلامو انتي م ح تضيعي حياتك انزلي وعلا بتساعدك وانتي زاتك لو عايزة تقري م بغلبك شي خليها علينا انا وامي بنهتم بيها بالليل الساعه 12اتصل لي
الو * اهلين * كيفك * الحمدلله وانت * الحمدلله مالك م نمتي للزمن دا * م نعسانة بس * م نعسانة ولا بتفكري * م عارفه والل
ه * م عالفه ولا م عارفه * بطل يااااخ انا م قادرة انوم وانت بتضحك علي كلامي * طيب ح ابطل بس انتي م تفكري الموضوع م عايز ليهو تفكير قولي انك ح تنزلي بس وتشوفي الامور بتتسهل ليك كيف انا موجود ح اساعدك بشرح ليكي كل الفات والجاي * طيب بشوف * خلاص الصباح لازم تجي الجامعه عشان م تضيعي محاضرات اكتر * لالا م من بكرة خلي بنزل يوم الاحد * وليه لحدي الاحد ح تفوتي تلاته ايام عشان تنزلي بداية الاسبوع انزلي طوالي بنتظرك بكرة اوك * طيب * يلا امشي نومي عشان تصحي بدري * تصبح علي خير *وانتي من وسكت سكتا مسافه قلت ليهو اقفل غفران صحت عايزة اشوفا * سمعيني صوتا * دقيقه طيب رفعتها غفورة اسمعي دا بابا عايز يقول ليكي شي ضحك قال لي جادة بتتكلمي معاها هي م ح تفهمك * منو قال ليك م بتفهم بالعكس هي بتفهم اي شي وسامعه اسي زعلت منك * هههه خلاص قولي ليها بابا قال ليك معليش انتي بتفهمي يلا نومي عشان م تتعبي نبو خليها تنوم بكرة عندها جامعه * شوية رجعت نامت قلت ليهو نامت معسلامة وقفلت منو رقدت م جاني نوم بقيت اعاين ليها مسااافه. غطيتا وقفلت الباب ونمت صحيت الصباح الساعه كانت 5ونص اتوضيت صليت ولبست عبايتي وجيت لغفران لقيتا يداب بتصحا قعدت اتكلم معاها. حبيبي انا ح امشي الجامعه الليله خليك هادية اوك بلاش تبكي وتزعلي انا بمش واجيكي سريع بس اجي ح احكي ليك كل الحاصل م تعبي لونة اوك بستها وطلعت لقيت ليان بتسوي الشاي قالت لي علي،وين من الصباح * الجامعه * ي سلااام ايوة كدا رجعت نبو البنعرفا * خلي بالك منها لو بكت اتصلي لي * نبو انتي امشي وركزي ف دراستك انا ح اهتم بيها وح نمش لامي لاني طولت منهم طيب طلعت مشيت وصلتي الجامعه اتصل لي قال لي نورتي * ههههه منورة بي ناسا * جا علي قفلت منو سلم لي وقال لي شغالين محاضرتين الليله الاولي والتالته بس * لحدي التالته قلتها بي خلعه كدا! 😱 * مالك هو السمستر دا محاضراتو فاضيه اكتر شي التانية * لا م بقدر غفران ح تبكي ياخ * ي الله ي نبأ م تخافي ولا تشغلي بالك ح تكون ف امان امك وليان معاها وامي زاتو قالت ح تمشي ليهم الليله انتي ركزي ف دراستك * طيب * يلا شوفي صحباتك وين بعد تخلصي رني علي * ماشي
اتصلت لي علا قلت ليها سسسجم وين انتي * ووووبعلي انا بسمع غلط،ولا دي نبو * ياخ وين انتي بطلي حركات * في القاعه * عارفاكي ف القاعه قصدي اي قاعه * لحظة انتي بتحققي معاي مالك * ياخ اطلعي لي برة انا جمب الكلرات الجمب قاطعتني جيتي جامعه قولي والله * اي ياخ تعالي لي * شوية وجاتني جات حضنتني بقت تلمس راسي انتي محمومة ي نبو دي انتي بالجد الجابك شنو اقصد جيتي ليه * ي مجنونة نزلت الدراسة ح اكون جيت عشان اشوفك * سسسجم يداب تنزلي بعد فوتناك بي شهر * م مشكله ح الحقكم * طيب ارح البنات يسألو عنك * اول م دخلت القاعه وشفت صحبات سبو دموعي نزلو جو البنات يسلمو علي قلبنا القاعه دي بكي والله حتي ف اولاد بكو معاي الدكتور جا لقانا ف منظر مزري شديد لغا المحاضرة عشان كدا م كنت عايزة انزل كل الناس ح تتزكرا لما تشوفني 💔للدكاترة كانو بتكلمو اول م شافوني منهم القالو لي كويس انك نزلتي اتشجعي دي الحياه م بتقيف لازم نكمل مهما حصل كان يوم رجعني لنقطة الصفر من اول وجديد 💔افتكرت اني اتخطيت الموضوع واني بقدر اكمل بس ضعفت شديد منظر الناس وهم ببكو معاي اذا هم قرو معاها بس اشتاقو ليها واول م شافوني اتزكروها انا كل يوم بتزكرا وعشت معاها لحظات م ح اقدر انساها وبتها الحته منها كل يوم قدامي ياخ حتي لما اعاين لي نفسي بشوفا يمكن لو م كانت تومتي الموضوع ح يكون اخف قدرا بس نحن مرتبطين روحيا م قدرت اكمل اليوم اتصلت لي لونة اطمنت علي غفران اتصل لي قال لي فطرتي صوتي كان متغير من البكي قال لي تعالي المكتب مشيت ليهو اول م شافني قال لي نبو مالك انتي كويسة * م فيني شي انا راجعه البيت * لا م ترجعي عارف الموضوع م ساهل عليك بس لازم تواجهي الليله لو رجعتي ح تكوني ضعيفه وم ح تقدري تواجهي الموضوع تاني خليكي استحملي كلها فترة وح تعديها * زدت ف البكي جا قال لي،خلاص م تبكي ي نبأ م ممكن انتي بتعذبي ف نفسك بقا يحنس فيني وانا خلاص والله م قادرة ياخ علي الاقل اول انا كنت بعيدة من البيت وم بطلع قاعدة 24ساعه حته واحدة اتعودت زاتو وفجاه الليله لما جيت الجامعه اتزكرتها ساعه انا ببكي وحلفت م اقعد وهو بحاول يقنعني جا دكتور عبدالله داخل اتكلم معاي مسافه قال لي سبأ م بس اختك هي طالبه عندنا وبالجد كانت ليها مكانه بين زملاءآ كلنا متأثرين بس دي سنة الحياة وانتي مفروض م تضعفي كدا طلع معاي غالب قال لي يلا امشي غسلي وشك واحضري المحاضرة وانا بوصلك دخلت وانا بحاول اوقف دموعي طول المحاضرة ببكي بس م فهمت ولا شي علا جاتني اتكلمت معاي مسافه والبنات كلهم جو سكتوني اتصل لي طلعت معاهو طول الطريق بتكلم معاي لحدي م وصلنا اول م دخلت مشيت اطمنت عليها واتونست مع ناس امي ومصطفي ولقيت ابوي قعدت معاهو المسا جا مؤيد يسوق ليان امي قالت لي ا
قعدي الجامعه اقرب ليكي من بيت ليان قلت ليها لا م بخلي غفران برا هي بالليل بتبكي شاكلوني قالو لي خليها انتي ح تقعدي ليها كدا لمتين تميت يومي بكي الساعه 10اتصلت لي ليان اطمنت عليها وقمت غسلت وشي قلت كويس موش الجامعه البتحرموني بي سببا من غفران انا م عايزاها الصباح حلفت م امش جا غالب اتكلم معاي قلت ليهو م عايزاها يعني م عايزاها خلوني وبتك لو عايز تشيلا شيلا بس انا م ماشة اي جامعه * ي نبأ البت دي بتكم زي م هي بتي م ح اشيلا بس انتي م ممكن معاك اقري قرايتك هم ح يهتمو بيها اتكلم معاي ساعه طلع خلاني امي ابت لي اجيبا وم خلتني امش اقعد مع ليان انا عديت اسبوع ببكي الوقت كلو ابيت امش الجامعه مرة بالليل اتصل لي مؤيد قال لي افتحي الباب مشيت فتحتو لقيتو جابا لي حضنتها بقيت اتكلم معاها قال لي بتبالغي والله انتي يوم ح تموتي قلبك دا ح يقتلك قعد معاي ساعه قال لي يلا انا ح ارجعا موش شفتيها بكرة امشي الجامعه وتعالي اقعدي معانا انا بتكلم مع امك بعد رجع اتصلت اطمنت عليهو قال لي مصلحة انتي عايزة تطمني علي غفران م علي * سسجم م تستاهل والله عايزة اطمن عليك وكنت ح اشكرك بس مدام كدا يلا م بشكرك * م تشكريني بس عايزك تنزلي الجامعه لو عندي خاطر عندك بطلي البتعملي فيهو دا * خلاص م تبقي حنين كدا م جاي معاك * ياخ انتي عولاق خلاص دا شنو دا غلطان البفكر يخليكي مبسوطة اصلا لو م غالب قال لي اوديها ليك قاليك انا بجيكي نص الليل اسي انا اتشاكلت مع ليان عشان اجيبا ليك الليله ح تنومني ف الصالون كلو بي سببك * غالب هو القال ليك تجيبا لي * اسي م عجبك الكلام دا كلو الا تسألي من غالب يلا اقفلي مني ماشي احنس ليان دي قفلت منو واتصلت لي غالب
ي هلا * اهلين * كيف امسيتي * تمام الحمدلله وانت كيف * الحمدلله غريبة الليله متصله لي مالك * م م فيني شي بس وسكتا قال لي عارفك مشتاقه ليها عشان كدا قلت لي مؤيد يوديها ليكي تشوفيها ولو نزلتي الجامعه كل يوم ح اخليكي تشوفيها وكمان ح اجي اتكلم مع امك تخليكي تقعدي مع ليان وكدا ح تكون معاك كل الوقت * طيب يسلمووو ح انزل بس انا م قارية شي واي مادة فاتتني فيها 4محاضرات واللابات * م تخافي ح اشرح ليكي كل الفات
وفعلا نزلت الجامعه وبقا كل سبت وتلاتاء غالب م بمشي الشغل من الصباح بشرح لي الحاجات الفاتتني ويوم الجمعه بتجيني علا تشرح لي جازفت وقدرت افهم الحاجات الفاتتني واتعودت اني اغيب من غفران مرات يومين م بلقاها
(اصلا الحياه دي كدا تعويد بس الحاجه مهما كنت متعلق بيها وبتحبها لو اختفت عنك شوية شوية ح تعتاد غيابا اي نعم ف البدايه الموضوع بكون صعب بس بتتعود 💔)
عدت 6شهور غفورة كبرت شويه بقت مشاغبه ولما اقعد معاها بنبسط لانها بتتفاعل معاي وبتضحك وتتحرك سوت لينا جو حلو ف البيت زمن امتحانات السمستر قعدت ف البيت علا جات قعدت معاي عشان نزاكر سوا وغالب كان بشرح لي برضو مرات بالتلفون مرات بسجل لي فيديوهات للشرح ساعدني كتير م قصر معاي اخر يوم ف الامتحان طلعت قال لي اخيرا المحنه دي عدت قلت ليهو ي الله اجازة شهر ح اقضيها مع غفران اعوض كل الايام الاشتقت ليهم فيها كل لحظة م قعدت معاها م ح افارقا تاني ح اديها كل ووقتي قال لي ي حظها غفران ضحكت قلت ليهو بالعكس حظي انا قال لي ممكن ساعه من زمن غفران دا عايز اقعد معاك شوية اترددت بس يلا يستاهل هو كان خلي كل اشغالو واداني وقتو اكيد م ح ابخل ليهو بي ساعه مشينا كافي هادئ قعدنا ساكتين مسافه قال لي وبعدين معاك انتي ح تقعدي ساكتة كدا * م بحب اتكلم * طيب اسمعي بما انك م بتحبي تتكلمي انا بحبك ي نبأ * انا قلبي اتقبض وحسيت كل اضلاع صدري اطبقت ف بعض غمضت عيوني شديد وحاولت اكذب الكلام السمعتو دا واصل قال لي وعايزك مشاعري تجاهك م اتغير فيها شي بالعكس زادت بس انا حاولت ويشهد الله انو ف كل صلاة كنت بدعي ربنا ينسيني حبك زي م ختاهو ف قلبي ينزعو مني بس اعمل شنو اذا م قدرت عملت كل البطلع ف يدي عشان اختك بس انا حسيتا هي زاتو استسلمت وفهمت انو ف شي غلط،م سألتني بس كان ضميري بأنبني لما اشوف صبرها علي لدرجة مرة سألتني اذا كنت م بحبها او ف بت غيرا ف حياتي م لقيت اجابه وحاولت م اخليها تشكي مني لانو دا كان وعدي ليك لاحظي لحدي الان وكل الحصل انا كنت بعملو عشانك وممكن نقول الشي الوحيد الكان صاح ف العلاقه دي قسمة الطفله دي ربنا م بعمل شي الا لي سبب لما كنتي بتقولي لي انو القدر هو البتحكم ف حياتنا وانو كل الحاصل دا شي مكتوب نحن مجرد اسباب ربنا بحركنا سواء كان لخير ولا لي شر انا اقتنعت وحابب اقول ليك انو ربنا ادانا فرصه تانيه ف الحياة دي عشان نعيش،من جديد فكري ف الموضوع حاليا 6شهور عشاني وعشان غفران م ترفضي المرة دي م عندك سبب * سكتا مسافه اتزكرت كلام سبأ لي قلت ليهو خلينا نمش * اوك بس م تستعجلي ف قرارك المرة دي
طول الطريق انا كنت ساكتة وهو زاتو م فتح خشمو معاي رجعت البيت لقيت امي نادتني قالت لي تعالي ي نباأ
جيت قعدت كانت هي وليان قاعدين اها يمة ف شنو * نبأ جاوبيني بي صراحة البينك وبين غالب شنو * في اللحظة دي غير صوت انفاسي بتتسارع م ف ولا حركة بلعت ريقي انا م بعرف اكذب لامي بالذات ليان قالت لي احكي نحن عرفنا كل شي انا قبيل عايزة اطلع ملابس غفران فتحت الدولاب لقيت الدفتر نحن عايزين نعرف القصه كلها منك انا طوالي بقيت ابكي بس،امي قالت لي امشي وقت م عايزة تحكي لي انا امك بتخبي عن حاجه زي دي قلت ليها يمة م قصدي انا كنت ناوية اكلمك بس عشان موضوع سبأ جا قلت بعد ينتهي بحكي ليكي وطلع غالب هو ولد استاذة خالدة عشان كدا م قدرت احكي لي اي زول تاني حتي سبأ م عرفت الا ف الاخير وربي انا خليتو من يوم عرفت انو امو اختارت ليهو سبأ حتي قبل م يوافق تتزكري يوم كنت عيانة ومشيت المستشفي انا مشيت قلت ليهو ننهي البينا يمة والله م كان في شي بيني وبينو بعد اتزوجا انا حاولت انساهو بعدت عنو حتي ف الجامعه م كنت بتكلم معاهو ولا ولا ف البيت لما يجي م م كنت بتكلم معاهو والله حضنتني وبقت تبكي وقالت لي انا مصدقاك بس زعلانة عليك انتي ليه اتحملتي كل دا براك انا امك كان جيتي حكيتي لي من زمان دا م كان حصل وبقت تبكي قلت ليها يمة قسمة ونصيب م تقولي كدا دا م غلط،زول فينا لونة قالت لي كدا برضو ي نبأ انا اختك وم بتحكي لي بعرف انو م كنت بفهمك وبشارك سبأ مواضيعي بس لو حكيتي لي اكيد انا ح اسمعك حرام عليكي عشتي الوجع دا كلو براك 💔بقيت ابكي طلعت كل الجواي انا من زمان محتاجه اللحظة دي عايزة افرغ كل احاسيسي دي محتاجه زول واحد يفهمني ان شاءالله بس اقعد جنبو وابكي بس بعد شنو 😔💔انتهي كل شي،لكن ان تأتي متأخرا خيرا من الا تصل دخلت غرفتي ادوشت وصليت جيت شلت غفران طالعه امي قالت لي ح تعملي شنو قلت ليها خلوني افكر الموضوع م ساهل علي مشيت بيها الغرفه وبقيت اتونس معاها اي والله هي الوحيدة البتكون ساكتة وسامعاني بدون م تعاتبني يمكن م بتفهمني بس انا برتاح معاها رقدت جنبها قلت ليها غفورة رايك شنو انتي كلهم ضاغطين علي ماماتك وصتني وباباك يضغط،علي انا بقيت م فاهمة حاجة حتي مشاعري تجاهو بقت باهتة م قادرة اعرف اذا انا لسة بحبو ولا لا عاينت ليها قلت ليها انا م ح ابقي ليك زي امك صاح م شفتيها انتي بس انا م هي تعرفي هي كانت متشوقه تعرف اذا انتي بت ولا ولد بس نحن رفضنا ليها ماما بتحبك حتي قبل م تشوفك صاح انا بحبك وم بقدر علي فراقك ولا لحظة يمكن لانك انتي بتها ودا شي طبيعي احبك ويمكن لاني اتعلقت بيكي شديد ويمكن عشان ابوكي ايا كان انا م عايزة يوم تكوني وحيدة م عايزاكي تفقدي امك انتي صغيرة م حلوة تبدي حياتك باحزان عايزة اكون جنبك لما تمشي ولما تتكلمي ولما تدخلي الروضه ولحدي م تتخرجي م بتخيل يوم اكمل حياتي مع زول تاني بعيد عنك انا ح اوافق بس عشانك تلفوني اتصل دا غالب اطمن علي وصلت كيف وقال لي نبأ دا دفتر شنو الامي بتتكلم عنو دا * يعني هم كلمو امك برضو * انا م فاهم شي هم منم احكي لي من قبيل امي بتتكلم لي،كلام م فاهم منها شي * دا سبأ كتبت فيهو كل شي وحتي انها كانت عارفه انو انا وانت قاطعني * كيف كانت عارفه انا م كلمتها * م ف شي بتخبي عرفت وخلاص * اها ناس امك قالو ليك شنو * م قالو شي بالاخر الموضوع دا م بقي برجع لي انا لانو هي ختتني ف الامر الواقع دي كانت وصيتا انو انا وانت نرتبط انا م بقدر اغش عليك بقيت م عندي احساس تجاه اي شي بقيت م عارفه اذا انا لسة بحبك او لا بس شي واحد انا عارفاهو غفران دي امانة عندي وعشان م نبقي بين امرين بكرة ح تكبر هي لا انت ح ترضي بتك تبعد عنك ولا نحن ح نرضي،تبعد عننا عشان م تضيع فيها انا موافقه * اخر الامر انتي بتوافقي عشان مجبورة نبأ وين الحب الكنا بنداريهو من الناس خليناهو جوانا وضحينا التضحية دي كلها عشانو نبأ انا م ح اجبرك علي شي انتي اكتر واحدة فاهمة يعني شنو احساس ومشاعر ح اخليك علي راحتك عشان م تندمي يوم وانا وانتي بنعرف كويس انو الحب لايمكن يموت كل القصه انك م قادرة تفهمي انتي عايزة شنو بس * اوك تصبح ع خير
قفلت منو وبقيت افكر ف كلامو دا لحدي م نمت😴😴
يتبع......
