الصباح الجو كان حلو صحينا قعدنا نتونس اليوم كلو جاتنا سجود وعلا وصحبات سبأ وجابت لينا معاها هدايا بقت توزعا ليهم لما جا دوري قالت نبو انتي اكتر زولة تعبتني م عرفت اجيب ليك شنو ضحكت قلت ليها للدرجة دي قالت لي بعد تعب وتفكير عميق انا جبت ليك الهدية طبعا كنت متشوقه اشوف جابت لي شنو فتحت كان صندوق فيهو مجسم صغير كدا حلو شديد بمثل ماليزيا ضحكو قالو ليها جبتي ليها ماليزيا لحدي عندها قالت ليهم دي فكرة غالب مشينا لما شافني محتارة قال لي شيلي ليها دي ابتسمت قلت ليها حلوة (يعني هو مشي ماليزيا وانبسط،وفوق دا كلو عايز يعمل لي فيها بتاع الحسنات وجايب لي مجسم لماليزيا اعمل بيهو شنو مثلا 😒)المسا جا عشان يسوقا ويرجعو بيتهم انا دخلت ابيت اطلع اسلم ليهو بعد طلعو امي قالت خلاص بنجي عليكم ان شاءالله قلت ليها ماشين وين قالت لي غالب قال عامل عزومة فطور للاهل يوم الجمعه قلت يعني ضروري امي قالت لي بسم الله ي نبأ مالك عرسان جدد وعايزين يباركو بيتهم ويلمو الناس يعملو كرامة مضايقه مالك انتي قلت ليها م م م م ف شي ي يمة بس انا يوم الجمعه عندي عرس خالة صحبتي وهي عزمتني * اعتذري منها بس وم تمشي اختك ح تزعل لو م جيتي * بس ي يمة صحبتي ح تزعل مني * خايفه علي زعل صحبتك وم خايفة علي زعل اختك * خلاص ي يمة
دخلت بتكلم مع نفسي يعني ضروري نحن نمش ليهم؟ ليه يعملو فطور هم مالم ومال الاكل؟ قروشهم دي م كان احسن يعملو بيها شي ينفعهم؟ بيييس 😒حركات المتزوجين ديل بحبو اللمة والناس بس اووف يعني كل م ح يجي انا اشوفو ضروري يجيبا ويجي يسوقا المواصلات دي عملوها لشنو 😒طيب انا ذنبي شنو اشوفو م يسلم لي ولا يعاين لي هو راجل اختي بس م يتكلم معاي م يسألني من اخباري ولا صحتي ان شاءالله اموت 😴فضلت علي الحال دا ساعه دخلت الفيس شوفت منشورو حق عيناها ك ترياق يداب بقيت انبز فيهو اكيد قاصد يوم شافني اسي لو سبأ لاحظت ليهو هو بتصرف كدا ليه دخلت الواتس،لقيتو رجع حالتو حقت اكاد اقسم اني افكر بك اربعه ايام ف الساعه قلت هو وقت م بقدر يكمل معاها بتزوجا ليه وبوعدني يقول لي ح يخليها مبسوطة لشنو كلهم كذابين هي م ليها ذنب اسي لو شافت المنشورات وحالاتو دي احسن شي اعملو الغي الصداقه زاتو ورقمو بمسحو من عندي عشان لا اشوف حالاتو لاشي جيت الغي الصداقه لقيت انو م بيني وبينو اصدقاء مشتركين قلت كمان حتي م مصاحبا ف الفيس دي خيانة عامل صفحه وعايش،حياتو اسي لو هي عملت كدا هو ح يرضا 😒بفتش ف صفحه نبأ لقيتا عامله ليهو منشن ف صفحه التانيه الداخل باسمو عامله انها تزوج قلت ايواه داخل بصفحتين واحدة عادية وتقريبا كل الجامعه مصاحباهو فيها والتانيه حقت ابو الرئبال دي عامل فيها روحو العاشق الولهان كان اخر منشور عملو
(خفت من التورط بك ولكني الان ادركت اني متورط بك حد الغرق)
اووووف منو احسن شي اعملو انا امسح الواتس والفيس واريح نفسي منو زاتو مسحت تطبيقاتي م خليت ولا شي غير المترجم يلا زاتو ح ننزل جامعه اتفرق للدراسة واااااااي ف الجامعه اكيد ح يدرسنا وح اضطر اشوفو دايما اوووف ياااااااخ دي شنو الورطة دي بفكر اليوم كلو زهجت زاتو اتمنيت كان يقعدو ف ماليزيا وم يجو زاتو بقيت اليوم كلو بقعد ف غرفتي سرحانة ف افكاري دي يوم الخميس بالمسا اتصلت لي سبو قالت لي: -
حبي*اهلين سبو * كيفك * تمام الحمدلله وانتي كيف * كويسه مالك مختفيه لا واتس لافيس * ههه مسحتهم بس * وم كلمتيني مالك * نسيت * خلاص تعاليني ف البيت ياخ انتي نسيتي بكرة الفطور وانا متوترة براي * م بقدر اجيكي ياخ بنجيكم الصباح * حرام عليكي تعالي انا م عارفه اتصرف كيف ياخ عارفاني م بعرف للحاجات دي * ي سبو الساعه 5جات ياخ واسي انا م بقدر بكرة بجيك من الصباح * نبو ياخ هو فطور نص الشغله ح تكون بالليل وكل اهلو ح يجو وخلود تعالي انا بكلم امي تخليك تجي تنومي معاي وهي ولونة يجو الصباح * لالالا عليك الله م تكلميها انا م جايه ياخ * خلاص تمام مع السلامة * اوووف زعلت طيب طيب م تزعلي ياخ بجيكم * هههههه م بتجي الا يعملوك كدا * عارفاني م بقدر ازعلك عشان كدا بتستقلي النقطة دي * بطلي فلسفه وسريع تعالي * مسافه السكة وبكون عندك
ي ربي 😭😭😭😭جهزت وطلعت هي كلمت امي قالت لي امشي طيب انا وليان الصباح بنجيكم طلعت ماشه براي وبنبذ وعشان تكمل معاي لقيت اسامة ف الشارع 🌚حظي الزي وشي دا لقاني سلم علي سلام عادي ومشي اجي دا مالو كمان يعني انا ناقصه حياتي دي مكرمشة كدا ليه 🌚واقفه للمواصلات وكل العربات جاية مليانة اتصلت لي سبا قالت لي ناويه تجي العشا يعني قلت ليها ياخ م ف مواصلات انتي عارفه بالمسا بجو مليانين يلا انا زاتي عايزاها تقنع وتقول لي خلاص خلي بس اسمع ليك دقيقه برجع ليكي شوية كدا اجي وطيب التشميع الا انا متشمعاهو دا اتشمعو كدا لمتين واقفه منتظراها رجعت لي قالت لي خلاص انتي م تجي بمواصلات العربي لانها بتجي مليانة اركبي بحري وكلمت غالب هو زاتو يداب طال
ع من المستشفي يلاقيك هنا ويجيببك * انا بقيت متصمغه ف مكاني قلت ليها لالا لا بنتظر اسي بتجي واصلا كدا اقرب لي زاتو لانها بتوصلني سريع خليهو هو يمش طوالي م يجي بي بحري انا بجي م تخافي علي * ي بت هبله انتي هو سايق عربية ح يصل سريع احسن ليكي من الوقفه وتاني ح تركبي عشان تصلي البيت مالك ومال الجرجرة انا اصلا مرسلاهو بحري يجيب لي حاجات منها زاتو ادخلي معاهو السوق هو قال لي م بعرف *اوووووف يااااخ دي شنو المسخرة الحاصله دي،قلت ليها طيب * غيرت شارعي ومشيت علي مواصلات بحري ركبت اول م وصلت اتصل لي طبعا من شهرين و20يوم م اتصل لي لما نغمتي المخصصاها ليهو رنت لما قلبي قرب يقيف رديت قال لي وين انتي * قدام مواصلاتنا * تعالي لي جمب القسم حق الشرطة * 😳 بدون م انتبه قلت ليهو القسم انت كويس ف شنو * م تخافي انا كويس معاي صحبي شغال هناك وصلتو ومبركن العربيه لانو سبأ قالت لي اجيب ليها حاجات من السوق بس * واااي للحظة قلبي كان ح يقيف قلت ليهو طيب جاية عليك * انا ماشة وقلبي بضرب بطريقه خياليه م غلطي،والله والله حاولت ابعد عنو وانساهو بس م مر علي يوم بدون م اتزكرو وصلت شايفاهو واقف لي جا سلم علي عادي وقال لي هي اتصلت لي ادتني رقمك وقالت لي اتصل ليك عشان قلت ليهو كلمتني فضلنا ماشين جمب بعض وساكتين دخلنا السوق سبأ اتصلت لي قالت لي جيبي لي دقيق وسكر وصابون و و و و ملتني كلام قلت ليهو احفظ،معاي انا بنسي هي بتقول لي وانا بوريهو دخلنا السوق بقينا نشتري الحاجات وقفنا ف محل المكسرات والنكهات وبقينا نتخالط هو بقول لي قالت يجيبو روح موز وانا بقول ليهو م موز والله ساعه بنتخالط الزول جا قال لينا خير ي جماعه قلت ليهو عايزين نكهة فانيليا وروح اناناس غالب قال ليهو ادينا روح موز الزول قال ليهو اسمع كلاما هي بتعرف اكتر منك قال انت م بتعرفا هي م بتعرف شي قلت ليهو ي سلام اذا انا م بعرف انت زاتك م بتعرف وبقينا نتخالط الزول مشا جابهم لينا الاتنين قال لينا دا ليك مد ليهو روح الموز وقال لي دا ليكي انتي والاتنين مجان اعتبروهم هدية شلناهم ومشينا طول الطريق م اتكلمنا غير كم كلمة مشغل عمار كمال قلت ليهو بالنسبه لانك بتسمع حاجاتي قال لي لو وقفت علي الاستماع هين 🙂سكتا منو م رديت ليهو لحدي وصلنا البيت نزلت عايزة اشيل الحاجات قال لي خليهم بدخلهم انا ولا قصرت طوالي دخلت لقيت سبأ وخلود قاعدين تحت سلمت عليهم خلود قالت لي كعبه م بتجينا الا نشحدك ضحكنا قلت ليها خالتو خالدة وين قالت لي فوق جات نازله قالت منو البسأل مني سلمت لي بي بشاشه وحب كدا قعدنا غالب دخل الحاجات سبأ بقت تدخل معاهو وكانو بتونسو وهو يعاين لي ولا اشتغلت بيهم بقيت اتونس مع خلود جات سبأ بتشوف الحاجات قالت لينا دا شنو دا قلت ليها شنو قالت لينا الرروح دا قلت ليها موش قلتي عايزة بنكهة الموز قاطعني قال لي اناناس ولا موز ضحكت قالت لينا والله م جبت سيرة روح اصلا بس كويس،من جبتو بنحتاج ليهو بحلي المويه والعصير بقو يضحكو علينا سبأ مشت تجهز ليهو شي ياكلو وانا طلعت مع خلود غرفتا وقعدنا نتونس جات سبأ قالت لي م عايزة تشوفي بيتي قلت ليها راجلك قاعد قالت لي طلع تعالي مشيت معاها شفتو كان حلو وبسيط قلت ليها ماشاءالله حلو وكمان جمبك ناس م ح تحسي بالملل قالت لي اي بقعد مع ناس خلود لانو مرات بجي متاخر نزلنا تحت قعدنا مشغولين بالتجهيزات وجو اهلهم بنات عماتو وخالاتو والبيت بقا مليان لحدي الساعه واحدة نحن م نمنا قلنا لي سبأ انتي امشي نحن قربنا نخلص قالت لينا طيب مشت ونحن خلصنا ونمنا شويه الصباح اصبح والجيران بدو يجو والاهل ولمة وجوطة اتلاقيت مع غالب مرتين مرة سبأ قالت لي يديني فيهم توم شيلي الشاي دا ودي ليهو اضطريت اديهو الشاي وتاني زمن الفطور ناداني قال لي قولي لي،سبأ تجيب لي مفتاح العربية طالع قريب وجاي مشيت كلمتها عموما هو لحدي الان بتعامل معاي عادي ولا كأنو ف شي وانا بحاول جهدي اتخلص من مشاعري تجاهو وانسي المسا الناس خفو كتير قلت لي ناس امي انا راجعه معاكم سبو قالت لي اقعدي معاي م تمشي تخلو لي البيت جايط،كدا وكمان خلود بكرة عندها جامعه والموهم حنيت عليها قعدت معاها رتبنا البيت وغسلنا العدة وتاني يوم قلت ليها يلا بكرة الجامعه نتلاقي طلعت رجعت البيت
يتبع......
