عدت الايام في الجامعه بتلاقي مع سبأ وغالب كل يوم بوصلا دايما مرة بالمسا قالت لي ارح بدل تمشو بالمواصلات غالب يوصلكم معاي قلت ليها لالا نحن داخلين السوق انتو امشو بعد اتخلصت من سبأ البحلني من علا منو مسكتني موضوع لحدي م وصلنا واتكررت المواقف كل مرة كنت بتحجج ليها بسبب وخلاص خلصو اسبابي زاتو 😞انا م عايزة اتلاقي معاهو كفايه انو بشوفو يومي مرة اثناء المحاضرة ف الدرس كان مرتبط،بي حاجه من السمستر القبل الفات حق تانيه سألنا منها وكلنا م مستذكرينها كويس قال لينا لو جاوبتوها ح اعفيكم من البحث لو م جاوبتوها ح تمشو تجيبو لي الدرس دا كامل بحث واسالكم منو المحاضرة الجايه كلكم تكونو عارفينو 😒يعني نحن ناقصين الدراسة الجديدة لما نرجع للقديمة علا رفعت يدها بدت تجاوب وهو شكلو حالف يكتبنا البحث وكل مرة الاجابه ناقصه وبسال زيادة متولي جاوب ولسه هوم مقتنع ياخ هي حاجة من سنة نعرفا ليهو 😒زهجني شديد وانا حالفه م اجاوب كمان خلي اكتب بحث ان شاءالله 10صفحات قال لينا كلكم م ف زول عارف الاجابه وقت بدا يستفزنا شديد عصرت معلوماتي قلت لي علا الاجابه قالت لي وم تجاوبي انتي قلت ليها لو عايزة جاوبي عشان م يكتبونا لو م عايزة انا م عندي مشكله ح اكتب اصلا قاعدة ساي والاقلام عندي علا رفعت يدها جاوبت عاين لي مساااافه وقال الله ستركم المرة دي وم تهملو الحاجات الورا ح تحتاجو ليها ارجعو ليها من وقت لاخر الزول م لازم ينسي قديمو حتي لو عندو 100جديد ولا م كدا قلت دا مالو اسي 🌚 مرات كتيرة ف اللاب بتعمد يتكلم معاي قلت عشان سبأ م معاي ف نفس القروب عايز يستقل الفرصه مرة كان علا قالت ماشة بيت خالتا طلعت خلتني خلصت وطلعت راجعه البيت وسبأ م جات كانت عيانة طلعتي من الجامعه لقيتو واقف لي بالعربية كانو منتظرني اطلع قال لي اركبي قلت ليهو شكرا واتحركت قال لي نبأ بطلي عنادة واركبي اوصلك قلت ليهو شكرا ليك بمش بالمواصلات اللحظة المسكني من يدي وجراني فتح الباب قال لي بتكلم معاك كفايه تتجاهليني كدا عشان الناس اتفكيت منو وركبت ساكتة قال لي ان شاءالله مبسوطة *بتسأل مالك م يكون انت م مبسوط * معقوله اكيد ح اكون مبسوط البخليني ازعل شنو * نفس الشي انا كمان م ف شي بخليني ازعل * وطيب بتتجاهليني مالك * انا حرة اتجاهلك ولا لا دا شي برجع لي * بتتعاملي مع مؤيد برضو بنفس الطريقه * سكتا م رديت ليهو *سكوتك دا معناهو انتي لسة ف شي جواك لي وكلمتك انا قبل المرة انو م ح نكون مبسوطين لا انا ولا اختك ولا انتي بس مصرة وم بتسمعي الكلام * اوك خليني ازكرك انا م جبرتك تعرسا وانت وقت م بتقدر تسعدا قلت ليك انسحب كل القلتو ليك اني م بقدر استمر معاك م بتزكر اني قلت ليك عرسا براك اخترت كدا * سألتي نفسك انا اخترت كدا ليه * م بتهمني اسبابك علي قدر م بتهمني سعادة اختي وسبق وقلت ليك انا عشانا بعمل اي شي حتي لو اضطريت ادوس علي مشاعري وفعلا بحاول بس انت بتطلع لي من م ف * وانا وعدتك انو لو دا ببسطك انا ح اعملو واهو بضغط،علي نفسي عشان اخليها مبسوطة انا للان البعملو دا كلو عشانك وريني انتي عملتي شنو عشاني؟ * غالب ممكن نقفل الموضوع دا وياريت م تنسي انك راجل اختي ابقي قدر مكانك دا وم تتخطي معاي الحدود مسكتك لي دي م تكررا * طيب انتي كمان بطلي تعامليني علي اساس اني حبيبك القديم واتزكري اني راجل اختك *
سكتنا سبأ اتصلت ليهو طبعا مسجلا تؤام روحي م غير الاسم الانا مسجلاهو بيها رد ليها
مساااء النور *............* بقيتي كيف *............*اتغديتي ولا لسة *...............*اوك شوية و اكون عندك
ولا فتحت خشمي معاهو وقت شافني م ح اتكلم معاهو قال لي م ح تكوني اول من يعايد لي بكرة عيد ميلادي.ولا نسيتيهو في اللحظة دي انا اتزكرت اول مرة اتلاقيتا وحكي لي عن نفسو لدقايق اتزكرت كل الزكريات دي انا بحاول اقوي وهو بحاول يضعفني بحسو بعاقب فيني عشان انا البقيت سبب ف انو الحب دا ينتهي قلت ليهو نسيت بس كل سنة وانت طيب 😊 قال لي ليه بتكابري ومصرة تنسي قلت ليهو لانو دا الصاح انا م عندي فيك حق انت الماعايز تفهم انو البينا من اساسو كان غلط قال لي بس عمرو الحب م كان غلطة وانتي م بحق ليكي تعاقبيني بالطريقه دي برودك وعدم مبالاتك دي بتوجعني قلت ليهو براك بتجيب الوجع لي نفسك ليه م بتنهي الموضوع من اساسو وتنساهو انت عشت حياتك وبديت صفحه جديدة خليني اعيش حياتي * تصحيح انتي الجبرتيني اعيش الحياه دي ودي م حياة اعيشا ولا ح اقتنع بيها انا بعمل ف واجب اتفرض علي ليس الا * اوك راحتك نزلني هنا بواصل براي دا شارعكم انت امش ف ناس منتظرينك * انا م مهتم وواصل طوالي * عايز تصل لشنو انت * ليكي انتي * عارف الشي دا مستحيل * ف حياتي م ف مستحيل * وفي حياتي ف مستحيل * اوك اعتبرو تحدي * اتنرفزت وقلت ليهو فاكرة الحياة لعبه يعني ليه م عايز تفهم انو سبأ اختي وهي بتحبك *خليني من سبأ وانتي؟ * سكتا م رديت ليهو حتي لو كذبت قلت ليهو م بحبو
هو عارف * شفتي بسكوتك دا انتي اثبتي لي انو لسه بتحبيني و قاطعتو و شنو اني م كان لازم استسلم واضحي بحبنا غالب خلاص رجاءآ ممكن ننهي المهزلة دي الفات مات وحصل الحصل * يعني حبنا مهزلة * اوووف حبنا حبنا حبنا م عندك موضوع غيرو يعني ربنا م اراد اقتنع وانسي كلها فترة وح تعدي * بعد تنسي صدقيني ح انسي * طيب اعتبرني من الان انا نسيت كل شي حصل الطلعات المكالمات وكلووو نسيتو * غشي نفسك بس م ح تغشيني
اوووف منو مالو مصر يحسسني بالذنب يعني انا ذنبي شنو اذا القدر م جمعني معاهو 😢
وصلني وقال لي سلمي لناس البيت قلت ليهو يصل جيت نازلة قلت ليهو غالب ممكن طلب قال لي تأمري ممكن تخلي بالك من سبأ وم تزعلا * صدقيني انا بحاول اعمل البقدر عليهو. * اوك
نزلت ماشة وبفكر ف الكلام القالو لي انا قرفانه من نفسي حاسه انو م صاح اتكلم معاهو ولا مجرد كلام طالما نحن لسه عندنا مشاعر لي بعض غلط البنعمل فيهو دا لو سبأ عرفت الح يحصل شنو وصلت امي قالت لي اختك بقت كيف قلت ليها كويسه لكن م جات قالت لي،ح تجي بكرة * طيب بكرة امشي ليها بتكون الايام دي محتاجه مساعدتك عندها اسبوع عيانة وم مشت الجامعه والشغله بتكون اتراكمت عليها والدراسة *يمة هي م قالت لي والغسيل بالغساله بتغسل بشرح ليها يوم نتلاقي ف الجامعه وطوالي طلعت مشيت غرفتي
ياااااخ انا م عااايزة امش بيتو كل شي بزكرني بيهو لدرجة سبأ بقت تزكرني بيهو 😞💔 اصعب شي انك تحاول تنسي حبك
عدت علي فترة اتأزمت شديد لدرجه امي لاحظت لي وعلا دي شدة م شاكلتني زهجت مني بقت تسكت مني مرة سبأ جات باتت معانا بنتونس بالليل قالت لي ارح معاي المطبخ قلت ليها عايزة تاكلي مع الزمن دا الساعه كانت 12ونص قالت لي والله نفسي ف بيض عاينت ليها مسافه قلت ليها بيض من متين وانتي بتحبي قالت لي م عارفه بس عايزاهو ارح معاي مشينا وانا نعسانة قعدت انتظرتها عملتو بعد م خلصت قالت لي ارح قلت ليها اكلتي خلاص قالت لي م عايزة قلت ليها انتي منفسنة ولا شنو اسي قومتينا من السرير عشان نجي نعملو وتقولي م عايزة قالت لي بطني طمت منو ياخ اطلعي خليني اقفل انا يداب صحصحت كويس وعاينت ليها مسافه قلت ليها حاسه بشنو تاني قالت لي م حاسه بشي انتي الحاسه بشنو بتسأليني كدا قلت ليها اقول ليك شي دي حركات لونة لما كانت بتتوهم مرة بالليل مشينا لحدي بيت خالتو سلوي عشان ليمون ووقت جابتو ابت تاكلو وانتي اسي بقت تتبسم ساي زي المجنونة قلت ليها اقنعيني انك ح ضحكت قالت لي الدنيا ليل نتفاهم الصباح انا زاتي م متاكدة صراحه فرحت ليها شديد ياخ انا م بعرف بس علي قدر م اكون زعلانه الحاجه البتفرحا وتخليها تضحك بتفرحني انا اضعاف نسيت كل شي وفرحت معاها الصباح مشيت معاها المركز اتاكدت طلع الفحص ايجابي قلت ليها ي سلام ح ابقي خاله لبنوتين حلوين انا مبسوطة لونة برضو قربت تجيب بت قالت لي يمكن م بت م تفرحي ساي قلت ليها لا ياخ عايزة بنوتات انا قالت لي غالب عايز ولد في اللحظة دي زي الكشحو فيني مويه تلج لما حسيت جسمي خدر وم قادرة امش شيييت يااا انا نسيت تماما انو الانا فرحانه بيها دي يمكن تكون بتو او حتي ولدو ايا كان غيرت ملامحي وسكتا لحدي م وصلت م اتكلمت تاني كل م اقول بديت اتجاوزو وانساهو يحصل شي يزكرني بيهو خشيت استحميت وطلعت لقيتا بتتونس بالتلفون طلعت طوالي قالت لي سرحي لي شعري جيت سرحتو ليها قالت لي مالك انتي قلت ليها م ف شي ي سبو *متاكدة من قبيل م طبيعيه * لالا عادي نعسانة بس * اممممم اكلم امي كيف * لقيت روحي بضحك بعد م كنت مكشرة ضربتني بي المشط قالت لي م تضحكي ياخ ساعديني * غمزت ليها وقلت ليها انا ساعدتك وقت احم قبل اتم كلامي قالت لي سسسجم غلطانة انا البسالك زحي مني شالت تلفونا واتصلت لي ليان بدو يتونسو طلعت المطبخ اجهز الغداء نسيت الموضوع عملت اكل وجينا نتغدا قالت لي الاكل مليان توم م عايزة امي قالت ليها والله م فيهو اي توم انتي ساي بتاعت حركات انا الضحك شرطني امي مسهيه ولا معانا زاتو وهي بتحاول تفهما وانا اضحك علي منظرا قلت ليها يمة سبأ حمرت لي قالت لي بتصرخي مالك م طرشت انا سامعاك ف شنو *اممممم انتي ح تبقي حبوبه ي حليلك *بطلي قله ادب ي نبأ م ابقي انا لاقيه هو العمر دا م معروف انا عايزة اشوف اولادكم كلكم م بس ليان *طيب شوفي عيال سبأ وليان انا وصفصف لسه صغار سبأ دي بقت زي الطماطمة وانا اضحك عليها اخر شي قرصتني قلت ليها سسسسسسسجم ياخ م تقرصي امي قالت لينا انتو مالكم بتقلو ادبكم احترمو الاكل عيب ي،نبأ م تنبزي انا م قلت ليك م تقولي كلمتك دي سبأ ضحكت فيني قلت ليها هي م تقرصني يعني شنو لو ح تبقي ام 🙊وطلعت طوالي 😂😂💔من يومي فتانة بولع النار وبمش بعد شوية جات لاحقاني قالت لي ررمة والله م اخليك احرجتيني مع امي وبقينا نطارد جوة الغرفه شويه كدا صرخت ومسكت بطنها جيت ليها جارية قلت ليها سبوو انتي كويسه مالك الواجعك شنو انا خايفه لما م قادرة اتنفس مسكتني قالت لي سسسجم م يجيبوك الا كدا وبدت تضربني قلت ليها يعني م حاصل ليك شي وخوفتيني عليك كدا يخسي عليكي بتبالغي والله م عارفه انا خوفت عليك قدر شنو مسكت بطنا وقالت بيبيني شايف خالتو نبو بتخاف عليك كيف ي حظك قلت ليها بطلي حركات هوم شايف ولا سامع لكن بس،يجي انا ح احكي ليهو عمايلك دي كلها بفضحك معاهو ضحكت قالت لي زي م فضحتيني اسي مع امي قلت ليها اسؤ من كدا 😂😂💔وبقينا نتونس قالت لي رايك شنو نمشي يوم الجمعه الجاية لي لونة نعملا ليها مفاجأة قلت ليها فكرة طولنا م مشينا ليها قالت لي هيي يلا غالب اسي ح يجيني انا لازم اجهز مشت استحمت وغيرت ملابسا وجاهزة قلت ليها كلمتيهو قالت لي اي وهو قال لي اجهزي اجي اسوقك قلت ليها اها كويس
▶️فلااااااااش بااااااااااااااك ▶️:-
فجاة اتزكرتو مرة بتونس معاهو قلت ليهو غير اسم الفيس،حقك* م ح اغيرو.* انت ليه واثق انو ح يجيك ولد وح تسميهو رئبال لما مسمي صفحتك كدا * اي صاح يمكن انا م واثق وم عارف بس من يوم شفت اسمك ف الواتس ام رئبال انا عملت الصفحة وم ح اغيرا واكيد ح يجي يوم واجيب رئبال واشوفو الصفحه * هههههههه مجنون هي كلها منشورات غراميه عايز تخرب الولد يعني * م مشكله اقول ليهو دي كتبتهم لي امك * وكمان بتخرب وش امو معاهو * ههههه دي انتي علي فكرة جهزي تبرري ليهو بعدين تفهمي لاني انا مصر اوريهو الصفحه والمنشورات * غالب ياااااخ * خلاص خلاص ياخ جنك تتخجلي يوم بطيرو ليك خجلك دا
رجعت للواقع بي صوت سبأ وهي بتقول لي سرحتي وين *لا
بت 😌 كيوت 😌:
لا م محل م سرحت * ههههههه دا منو الشايل عقل اختي * سبوووو ياااااااخ🙈بطلي * سمعنا زول بسلم برة وقفت قالت لي وااااي جا * ههههه وبتتخجلي كدا مالك جاي يعرسك يداب م ياهو غالب اليومي معاك دا * يااااخ انتي م حاسة باحساسي * اي صاح يلا اطلعي ليهو * ارح معاي * امشي انا بلحقك * لا نمش سوا ياخ م تخليني براي * لبست توبي وطلعنا لقيتو مع مصطفي واقفه بعيد قلت سلام عليكم * وعليكم السلام كيفكم * تمام الحمدلله. سبأ جات قعدت جنبو مصطفي جاني ف المطبخ عملت ليهو عصير واديتو لصفصف يودي ليهو وانا قاعدة ف المطبخ امي طلعت لخالتو سلوي سمعت سبأ قالت لي نبو نحن ماشين لو امي جات قولي ليها انا مشيت ابيت اطلع من المطبخ قلت ليها طيب تصلي بالسلامة واول م طلعو انا دخلت غرفتي بقيت ابكي م عارفه انا ببكي علي شنو بس كنت عايزة ابكي وخلاص جات امي قالت لي ي بت المغرب اذن انتي لسه راقدة قمت صليت وفتحت تلفوني نزلت الفيس وفتحتو اول م فتحتو لاقاني عامل منشور
(بعض الانجازات لا نفخر بها )
عملت منشور
(في هذه الحياة لن تحصل علي م تحب لذا حب كل م تحصل عليه)
وطلعت من الفيس صليت العشا ورقدت نمت😴😴
يتبع.....
