بليز ما تنسوا التصويت على الحلقات
دخلنا غرفتنا ومعانا ليان سبأ قعدت محتارة انا تلفوني اتصل طلعت رديت ليهو قال لي مالك م طمنتيني عنك * معليش بس انشغلت شوية * م مشكله وصلتي كيف * تمام الحمدلله وانت *الحمدلله طيب شكلك م متعودة تتكلمي بالتلفون بالليل م اعمل ليك مشكله * اي والله نهائي م حصل اتكلمت بالزمن دا * خلاص بالصباح بتقدري تتكلمي *اي ان شاءالله *ح تنومي ولا ح تدخلي الواتس *لا ح انوم طوالي تصبح ع خير *وانتي من اهلي * ههههههه خلاث امش نوم * من عيوني
مشيت لقيت سبأ قاعدة سرحانة جيت قعدت جنبها قلت ليهو سبو مالك قالت لي نبو انتي مبسوطة كدا ف حياتك قلت ليها م فهمتك مالك بتتكلمي كدا الليله قالت لي م فاهمة شي انا من حياتي دي ياخ
( لي الحياة دي صعبة كدا نحن ليه مضطرين نلقي سند يسندنا من قمنا فيها بنتعلم المشي ونحن مسنودين ونكبر ومحتاجين زول يسندنا ويقيف معانا صديق او حبيب او زوج ولحدي م نكبر بنحتاج اولاد يسندونا ف العمر كبير يعني م ممكن نعيشا كدا بس رغم انو مرات م بنلقي الحاجه العايزينها بس لسه بنعافر رغم المهاترة والضغوطات الواحد فينا بكون متأمل وعايز يعيش الحياه بنحبها اكتر من الموت غريبة يا الحياة)
استغربت وحسيت نفسي م فاهماها كانت بتتكلم وكانها بتلوم الحياة او انها عايزة تشكي لي من حاجه م فهمتها بس قلت ليها سبو كلنا جينا الحياه بدون ارادتنا وهي م دايمة لينا ف خلينا نعيشا بقدر السعادة البتجينا وم نضيع الفرصه اما بالنسبة للسند هو حاجة اساسيه انت براك م ح تقدر تدبر امور الحياه دي محتاجين اهل واصحاب ويمكن حبيب او زوج يقيف معانا عشان نكمل الرحله التي تدعي حياة قالت لي بس م لدرجة الحاصل معاي دا ياخ ليه بس انا عايني انا عايشة بكليتك وحاسة حياتي دي مقلوبه رأسا
علي عقب وكمان م بلقي الشي العايزاهو بقيت م قادرة اتخذ قراري الناس كتيرين جمبي ويمكن تقولي ف منهم ناس بحبوني بس انا م قادرة استقر بطلع معاهم عشان صحباتي بعملو كدا بس انا م مبسوطة مع اي زول لسه م قادرة احدد انا عايزة شنو محتارة عاينت لي مسافه قالت لي انتي صحبتك واحدة ومبسوطة معاها بتنصحك م تعملي غلط،دايما بتمشو سوا م محتاجين تتصنعو لانكم اي واحدة بتعمل العايزاهو م عندكم اصحاب كتار بس كل الناس بتعرفكم معقوله ماخدين الحياه دي بالبساطة دي دراسة والبيت مبسوطة انك كدا حتي م بتفكري ف الارتباط م عرفت ارد ليها سكته مسافه قالت لي طيب انتي م عايزة ترتبطي،ليه اسي رفضتي الزول قبل تشوفي ليه (انا من جواي كنت متمنية احكي ليها اقول ليها ف زول معين ف بالي بس اسي هي حاليا ف حالة م عارفه اسميها شنو بس اول مرة هي تجي تحكي لي الجواها م حبيت اقاطعا كنت عايزاها تحكي وتتكلم تطلع كل الجواها)
*لما يجيك زول عايز يفضفض ليك اتماشي معاهو انصت ليهو اي اجابه او كلام ح يغير مسار الحديث خليهو يطلع كل الجواهو بعداك لو عندك شي تقدمو ليهو حاول بقدر امكان م تحبطو قول ليهو شي يطمنو لانو م ساهل عليهو يتخلص من كل التراكمات الجواهو دي*
قلت ليها طيب انتي عايزة شنو يمكن اقدر اساعدك قالت لي م المشكله انا زاتي م عارفه كل العايزاهو اني استقر احس بالسعادة نفسي بس يوم القي حاجة اتمنيتا مرة واحدة بس عايزة اعيش لي نفسي م عشان صحباتي بطلعو اطلع معاهم لا عايزة اطلع عشان انا نفسي اطلع البس،الشي البجي ف مزاجي م عشان كل صحباتي بلبسو اكل من المكان البعجبني واتونس مع اي زول زيك كدا م الا يكون ود حلو ولا عندو عربية م الا يحبني ولا يتكلم معاي باسلوب ياخ ان شاءالله زول م بعرف الكلام الموهم انا انبسط،قلت ليها اوك هدي ممكن تعملي كل العايزا انا م شايفه انو الزول لازم يتقيد بي صحبات معينات ولا يعمل الهم بعملو عادي جدا تعيشي،حياتك بالطريقه البتعجبك دي حياتك انتي م هم قالت لي انا بقول ليك كدا لانو، دا جواي اما واقعيا انا اندمجت مع الحياه البتشوفيني عايشاها دي صحباتي ديل من قمت وانا معاهم تصرفاتنا دي نحن الالفناها عاجبنا اسلوبنا دا انتي م ح تفهميني قلت ليها فعلا انا يمكن م افهمك بس طالما انتي حكيتي لي انا م ح اخليك كدا قالت لي انتي رايك شنو بولد صحبه امي دا قلت ليها انا م شفتو وم بعرفو بس امو كويسه ومشينا بيتهم مرة وهي صحبه امي اكيد ح تكون عارفاها وبما انو هي قالت عايزة واحدة مننا لي ولدا اكيد م ف ام بتختار شي كعب لي ولدا انتي اتعرفي بيهو وشوفي لو م نفع معاك م اجبار ارفضي عادي يمكن يبقا سبب سعادتك قالت لي اممممم دا رايك طيب لو قلت ليك انا عندي زول ف بالي اعمل شنو * والله علي حسب الزول اذا واثقه انك عايزاهو وح يجيك بالباب انتي وزولك ح تكونو متفاهمين اكتر من انو يدبرو ليكم علاقه البتختارو بفهمك وعارفك بكل عيوبك م زي الاهل بختارو ليك* وقفت قالت لي ياخ بس انا م عارفاهو اذا هو عايزني او لا بس انا من جواي عايزاهو وحتي بقيت افكر فيهو كتير ونهيت علاقاتي الجانبيه كلها كل م اشوفو انا بكون عايزاهو اكتر حاولت اشيلو من بالي بس م قدرت * احترت قلت ليها دا منو السرق قلب اختي بالعادة انتي صعبه الارضاء م ساهل تلقي زول يعجبك وريني دا منو * قالت لي بوريك ليهو اصبري. بس لكن اسي انا اصلا بما اني م واثقه اذا كان هو بحبني او لا احاول اشيلو من بالي واسمع كلامك اشوف ود استاذة خالدة دا لو نفع معاي اذا به ولا م نفع م خسرانة شي * اوك طيب ممكن تكلمي امي كدا * جات ليان داخله قالت لينا اها اقتنعتو بالدكتور قلت ليها انا كلامي واحد م بغيرو سبو قالت ح تشوفو قالت لي كويس نتخارج من سبأ اول بس *اها بس شنو * ي ربي م ح يكون كبير *سبأ نطت قالت واااي م فكرت ف الحته دي يمكن اسي كبير انا اتورط لي بي زول كبير م يفهمني قلت ليها * م بالضرورة يكون كبير علي فكرة ف ناس بقرو ويتخرجو ويشتغلو وهم ف بدايه عمرهم * لونة قالت بس،طب دا م شي ساهل اكيد بياخد نص عمر الزول لنفترض دخل الجامعه 17قضي 6سنة اتخرج 23واتخصص سنتين دي 25ومثلا حضر 2دي 27وعلي بال يشتغل ويلم ويبقي قدر الزواج عايز ليهو كم سنة * قلت ليها كلامك صاح بس م مهم دي اسي م لاحقه 30يعني م كبير شديد واصلا زواج الشباب دا م بدوم الواحد بكون لسه عندو طيش وم قدر المسؤلية والرجال ديل م بشيخو سريع عادي يكون عمرو 40ولسه عندو شغف العشرين احسن ليك زول كبير وواعي وفاهم من واحد منجرف ورا مشاعرو يعرسك 5سنة يقنع من الحياه المقيدة دي والعجب لو جبتو شافع ح يمل منك ومنو * سبأ قالت فعلا صاح كلام نبو يلا انا الفكرة دي ركبت راسي خلاص م قايلاك واعيه قدر دا ي بت وضحكت لونة قالت لي انا اقول هي م بتفكر ف الارتباط ليه يعني فاهمة الحاصل سبأ قالت ليها مسكينة بس م هينة فاجئتني قلت ليهم اكسيوزمي انتو قاعدين تقللو من قيمتي انا جواي مواهب مدفونة 😌👌انتو بس م ملاحظين ضحكو ورقدنا حسيت انو ف هم انزاح كنت خايفه سبأ تكون لسه بتحب غالب وانا دا شي م ح اقدر اتجاوزو بس بما انها قررت ترتبط،انا ارتحت شويه بس م عارفه م قدرت انوم للساعه واحدة انا صاحيه سرحانة م عارفه بفكر ف شنو اصلا بقيت اتزكر لحظاتي معاهو كلها شلت تلفوني رسلت ليهو مسج
رد لي عيوني *صاحي يعني * اي لسة م نمت وانتي مالك م نمتي للزمن دا * اممم م قدرت بس * احكي لي مالك * م عارفه والله كنت بتونس مع اخواتي ورقدو هم نامو وانا م جاني نوم انت ليه م نمت للزمن دا *هههه نفس السبب المخليك صاحيه * ياااخ قول الحقيقه *والله كنت بصحح ف ورق وخلصت منو قبل شويه ورقدت بقيت اتزكرك * يعني انت كنت بتفكر فيني عشان كدا انا م قدرت انوم * والضمان شنو انك م كنتي بتفكري فيني انا زاتي م قدرت انوم * ههههههه م كنت بفكر فيك ياخ كل الحكاية اني م نعسانة بس * لالا لالا واضحه لانو كنا بنفكر ف بعض م قدرنا ننوم * ي الله منك ياخ خلاص بطل تفكير وامش نوم الزمن اتاخر *طيب انتي كمان يلا نومي *احلام سعيدة * واقع اسعد
رقدت طوالي نمت الصباح صحيت لقيت ناس سبأ م ف غريبه اول مرة اصحي متاخرة عاينت لتلفوني لقيتو 10%بس،امس نسيت اشحنو صبحت ليهو وقفلتو ختيتو ف الشحن طلعت شربت الشاي وقعدنا ننضف ونجهز الفطور ليان قالت لي ارح معاي بيتي بما انكم مؤجزين امي قالت ليها جيبي ليك بت تونسك م تشيلي لي بناتي ضحكت قالت لينا سامعين امكم بتابا بيكم كيف تقول حاجه سمحة وافقت انا امش معاها قالت لي ونسيني اتحنن وسوي لي الغداء وارجعي قلت ليها طيب ارح وصلنا هي دخلت تتحنن وانا بعمل ليها ف الغداء اتصل لي اول م فتحت الخط قال لي:
حبيبي *اهلين *نهارك سعيد * يسعد بوجودك * كيفك * تمامو انا وانت كيف * انا كمان تمام وين من الصباح * مع لونة والله * اختك القلتي لي متزوجه * ايون ياها زاتا * الوداك ليها شنو * هي جاتنا وقالت لي ارجع معاها * حلو ح تنومي معاها ولا بترجعي البيت * لا راجعه طوالي * ساكنة وين هي جمبنا ف الحلفايا * معاك منو * هههههه بتسأل ليه * حبيبتي وعايز اعرف انتي مالك * اوك صاح انا مالي خليها هي تكلمك * م تغلبيني معاك احكي معاك منو * انا البغلبك * اي وكتير كمان ياما غلبتيني * ههههه بس بالاخير غلبتني * احم دا اعتراف * لالا اعتراف * قولتي لي اسمو شنو * ههههه ياخ م تلكز ي ليت م كان ف حلف لاء زاتو *ضحك باعلي صوتو قال لي ياخ انا بموت ف كلامك دا ي ريت كل الحروف راء * سكتة * قال لي اوك لما تكوني طالعه اديني خبر اجي اسوقك * م ف داعي المسافه م بعيدة مواصلات واحدة وح اصل خليك مرتاح م اتعبك * تعبك راحه ياخ خليني اجيك عايز اشوفك زاتو * طيب * يلا خلي بالك ممن نفسك * وانت كمان
جهزت ليها الغداء ودخلت لقيتا خلصت حنتا وتلفونا بي رن قالت لي افتحي لي الخط دا مؤيد بكون فتحتو ليها اتكلمت بعد قفلت قالت لي عليك الله افتحي الدولاب طلعي لي مؤيد دا لبستو الكحليه اكويها ليهو قلت ليها هيي راجلي ولا راجلك ضحكت قالت لي اكوي وانتي ساكتة ياخ مشيت فتحتو وبقيت اكورك ليها لونة اي ضلفه وكل شويتين اسألا سؤال قالت لي الله يعين البعرسك قلت ليها يعني انا اسي بعدين اقعد ارتب ليهو ملابسو واكوي واختار ليهو يلبس شنو قالت لي اكيد وم تنسي الحنة متعبه شديد قلت ليها اها وتاني قالت لي ي زولة تعرسي وتعرفي براك قلت ليها بيس اصلو الزول م يسألك قالت لي ياخي وانتي بتسألي مالك م يكون ناويه تعرسي قلت ليها هيي لالا لا بتونس معاك ساي بس قالت لي نحن طالعين عشان كدا قال لي جهزي نفسك وانا قلت ليك اكوي ليهو الكحليه عايزة البس توبي الكحلي
قلت ليها اشي بطقمو كمان م هينين قالت لي اهم شي ياخ وقعدنا نتونس بعد خلصت قالت لي اعملي لي شعري سرحتها وطلعت قلت ليها انا برجع بعد كدا قالت لي اقعدي نتغدا ياخ قلت ليها م جيعانه راجلك ح يجي انا جهزت ليكم الغدا انتو اتغدو سوا قالت لي طيب اطلبي ترحال م تمشي بالمواصلات قلت ليها لالا براي م بطلب اي ترحال انتي اطمني انا ح اصل قالت لي،طيب طمنيني عليك اول م تصلي طلعتي منها اتصل لي قال لي وين انتي * يداب طلعت * بعد تطلعي حتي تكلميني * سوري نسيت * واقفه وين انا اصلا م اعتمدت عليك اتحركت من قبيبل اتوقعتك تنسي * هههه معليش،ياخ م مقصودة * م مشكله ح اتعود امس برضو قلت ليك طمنيني م اتصلتي عشان كدا اسي اخدت احتياطاتي * خلاص جايه علي الظلط * اوك تلقيني ف انتظارك *
5دقايق ووصلت الظلط شايفاهو واقف متكي علي العربيه لابس اسود في اسود وماسك نضارتو ف يدو ي الله ياخ الاسود يليق به جيت قال لي خشي وفتح لي يدينو قلت ليهو مستحيل نحن ف الشارع ضحك قال لي مطقمة معاي ليه عاينت لنفسي قلت ليهو صدددفه سلم لي فتح لي الباب ركبنا قال لي اها تمشي معاي المستشفي قلت ليهو انت ماشي مداوم يعني قال لي اي عاين لي ساعتو قال لي فضل لي ساعه ونص من زمني * شغال وين انت * ف رويال كير * بعيدة ح تتاخر * م تقولي اتغديتي بس * م جيعانه * باااس معناها ح تتغدي معاي الليله * خليها مرة تانيه انت عندك شغل وانا مفروض ارجع لونة ح تقلق علي لو اتاخرت * ي الله ياخ انتي عارفه انا لازم اجي اتكلم مع ناس بيتكم ديل عشان تاني م يسألوك * خلاص بعد تكلمهم انا ح اطلع معاك وانا مطمنة * وصلني بدايه الشارع قلت ليهو بركب ركشه من هنا للبيت انت امش م تتاخر حلف لي م اركب ركشه قلت ليهو م بعيدة المسافه والله م تخاف علي * طيب طمنيني عليك اول م تصلي واياك تنسي * حاااضر من عيوني * يسلمو لي عيونك نزلت وهو لسه واقف لقيت لي مرة ومعاها بت وقفو ركشه ركبت معاهم حتي اتحرك اتصل لي طوالي قال لي كويس لقيتي ليك ناس يرفقوك * اي ح انزل اولهم بيتنا م بعيد شديد * بيتكم بوين من شارع المستشفي * اممم مسافه كدا علي يمينك شارعين طوالي * جيت المكان دا قبل المرة بس بالليل م بتزكرو * خلاص يوم بخليك تشوفو * هههههه لازم نزلت وبقيت اتونس معاهو قربت اصل قلت ليهو انا وصلت * قال لي كويس نتونس بعدين *
اتصلت لي ليان طمنتها.ودخلت البيت لقيت امي وسبو بتونسو قعدت معاهم شويه ومشيت غيرت ملابسي ودخلت الواتس شويه وبعد المغرب دخلت الفيس شويه طلعت قعدت ف التلفزيون واتونست معاهو شويه ونمت 😴😴
يتبع.....
