فجاة نص الليل مشيت لامي قاعدة وخالاتي جنبها قلت ليها البيبي وين امي قالت لي جابت بت وتعبانة شوية خاتينها ف الحضانة معاها خالدة وخلود * ماشة اشوفا * الساعه 2ي بت تمشي وين مع الليل دا * طلعت طوالي برة ولا اتفاهمت معاهم توبي دا بقا مبلول من الدموع وم عندي طاقه امش بيها معدتي فاضيه وكليتي واجعاني طلعت م عارفة بعمل ف شنو اتخطيت كل الناس البتتكلم معاي وبتوقفني وصلت برة البيت ف صيوان فيهو رجال قلت غالب مؤيد قال لي مالك ي نبأ * وين غالب * بصلي * لو خلص خليهو يجيني منتظراهو هنا انا * خشي جوة الدنيا ليل * سكتا م رديت وقعدت تحت جاني قال لي نبو انتي كويسة * مؤيد الله يخليك نادي لي غالب وبقيت ابكي * دخل نادهو من شفتو بقيت ابكي زيادة جاني قال لي نبو استهدي بالله كلنا يوم من الايام ح نمشي * ارح وديني عايزة اشوف بتها * عشان عارفني عنيدة م اتجادل معاي اصلا قال لي،ارح دور العربية وانا طول الطريق مدنقرة راسي ف رجليني وببكي اول م وصلنا قلبي بقا يوجعني اتزكرت كيف كانت هنا لسة صورتا ف عيوني م قادرة اتخيل انها خلاص م ح تكون معاي طول العمر تاني قعدت مسافه قال لي خلاص نرجع لو م قادرة م رديت ليهو فتحت الباب نزل ودخلنا لقينا خالتو خالدة وخلود قاعدين برة وهم زاتهم مناظرهم تحنن من شافوني حضنوني وبقينا نبكي غالب دخل نادا دكتور كدا اتكلم معاهو م ف. ناس كتار ف الممرات قال ليهو دخلا الحضانة دخلت كان ف اطفال كتار منظرهم يقطع القلب بقيت بعاين ليهم فجاة مشيت محل وصفو لي رقما عاينت ليها مسافه مسكينة م شافت امها وكمان عيانة اي حياه ظالمة ذي دي عملت شنو الصغيرة دي عشان تبدا حياتا كدا واقفه بعاين ليها فجاة شايفاها بتتحرك ي الله صاحيه الاطفال الفي عمرها ديل وقت دا نايمين ف حضن امهاتهم 💔بالجد الحياة دي م ساهله الزول مفروض صباح ومسا يحمد ربو بما انو م شايف الحاجات السيئة الحاصله فيها 💔(الحمدلله)
وقفت مسافه كل ملامحا ملامح سبأ نفس الوش والعيون والخشم والحواجب كل شي ابتسمت وهي بتتحرك وتغمض عيونا ظهرت غمازة علي جهتا الشمال مسكت خدي اتزكرت مرة كنا صغار بنتصور بي تلفون ابوي سبأ ضربتني ف كتفي قالت لي امسحيها نعيدا *مالا حلوة م نمسحا * ي زولة نمسحا انتي ظهرتي غمازتك قاصدة * ههههههه والله ي سبو انا م قاصدة هي زاتا م ظاهرة م بتظهر الا ف الصور * ي زولة م عايزة ليه انتي عندك غمازة حتي لو صغيرة وانا م عندي موش نحن تومات جبتيها من وين * هههههه م تزعلي مافي زول غيرك ملاحظ ليها والله م ظاهرة اها شوفي وابتسمت ليها * قالت لي خلاص اقيفي نتصور تاني بس انتي م تظهريها * طيب م ح ابتسم * لالا ابتسمي لكن م تظهري غمازتك * انتي مالك معاها * انا عايزة غمازة وم عندي وانتي م عايزاها عندك *ي سبو خلاص بعدين بتك ح تبقي عندها غمازة لانو ماما قالت هي زاتا م عندهم غمازة لكن خالتا عندها وجاتا منها * بالجد يعني بعدين انتي ح تدي غمازتك لي بتي * اي ماما قالت كدا
نزلت دمعه حارة رجعتني للواقع ي ريت لو انا المشيت م انتي ي سبأ كيف البت الصغيرة دي تعيش حياتا بدونك كيف نحن ح نقدر نعيش بدونك ملامحك وشبهك الفيني كل م اشوف نفسي ح اتزكرك اخخخخخ ي سبأ فراقك حار 😔💔
جاني غالب قال لي نرجع قلت ليهو لا م عايزة امش البيت خليني هنا قال لي امك اتصلت اسي تطمن عليك قلت ليها ح نجي * عليك الله م راجعه هناك خليني هنا انا بقعد مع امك وخلود م راجعه * طيب طيب روقي جا وقف جنبي عاين ليها قش دموعو انتبهت ليهو قلت ليهو مشت خلاص تاني م ح تحس نفسك مجبور قبل اتم كلامي قال لي عليك الله ي نبأ الفيني مكفيني طلعت قعدت تحت خلود قالت لي قومي ارقدي من الصباح قاعدة قلت ليها م عايزة خليني كدا مرتاحه قالت لي ارح المسجد طيب مشيت غسلت وشي اتوضيت ي اليوم دا كلو م صليت قعدت صليت لي ركعتين وقاعدة ببكي جنبي مرة كبيرة ماسكة سبحتا. قالت لي ربنا يصبرك الاتوفي ليكم منو رفعت راسي قلت ليها تومتي قالت لي امسكي مدت لي مصحف قالت لي اقري ليها وادعي ليها عاينت ليها مسافه قالت لي عارفاك م ف مزاج يسمح ليك تتكلمي بس خليني احكي ليك عندي ولد واحد وابوهو اتوفي خلاهو صغير ونحن ناس علي قدر حالنا انا اشتغلت اي شي عشان اربيهو وهو زاتو م قصر بعد المدرسة بشتغل امتحن تالته وجاب 91قال لي يمة عايز اقرا طب ف الخرطوم وقدم التقديم رفضو وتاني عاد جاب 94قدم شالو وهنا م عندنا زول بنعرفو انا كنت خايفه اخلي براهو بس دي رغبتو من صغير قال الا يقرا طب ويحقق حلم ابوهو انا وافقت ليهو والصباح ودعني واتحرك عمل حادث جابوهو هنا تعبان انا اتحركت من مكاني وصلتي لقيتو اتوفي 💔 انا يداب زدت ف البكي بالجد م قدر وجعتي الام دي صابرة اتزكرت احاديث الرسول (انما الصبر عند المصيبه الاولي) بقت تذكرني الاحاديث وقالت لي مهما كانت مشكلاتك اتزكري انو دي امتحانات وابتلاءات من رب العالمين بختبر صبرك انتي شكلك واعيه وقارية عارفه م تبكي بتعذبيها خليك قوية
شويه حضنتها قلت ليها هي كانت اختي البحبها انا انا بعمل اي شي عشان اشوفا مبسوطة م كنت برفض ليها شي دايما بقول لو م اسعدتها انا منو ح يعمل ليها كدا لدرجه وبقيت ببكي قالت لي فضفضي ي بتي م تشيلي جواك ابكي واحكي طلعي كل شي اعتبريني امك وقت شافتني ببكي شديد قالت لي اسكتي اسمعيني بقت تمسح لي راسي وتقرا لي قران م صحيت الا بي صوت الاذان قالت لي بقيتي كيف قلت ليها كويسة ح اتوضي واجي قالت لي سمح مشيت اتوضيت جيت قعدت جنبها صليت وقالت لي اقري سورة يس واوهبيها ليها قريت وشكرتها وقلت ليها يسلمو ي خالتو والله يصبرك علي ولدك * امين ي بتي وم تنسي كل م جات علي بالك وعايزة تبكي امسكي المصحف اقري ليها * باذن الله
(في ناس بنلقاهم بقعو لينا ف جرح بالجد م ف منهم بس مهمتم يخففو عنا ربنا برسلهم ليك ف اشد حوجتك م بخليك تضعف بنقذك بشتي الطرق ف الوقت الكنت محتاجه زول يسمعني لقيتا مع اني حتي م بعرفا بس زي الملاك خففت عني كتير 💔)
وطلعت لقيت غالب طالع. من المسجد قال لي نمشي بعد كدا قلت ليهو خليني اشوفا مشينا دخلنا كانت نايمة واقفه بعاين ليها فجاة صحت كانها حست قلت ليهو بتكون جيعانة قال لي اكيد بس الدكتورة قالت يخلوها ف العناية هنا 48ساعه بعداك * طيب هي اسي بتكون عارفه انو امها م ف * يمكن تحس وحتي مرضا دا يمكن حزن علي فراق امها * ليه بحصل كدا في ناس عايشين مبسوطين ذنبها شنو هي لسه صغيرة * استهدي بالله كل الناس دي علي قدر م كانت سعادتهم بتجيهم احزان الحياه م عادلة بس م انحيازية م بتظلم زول وتخلي زول اي زول بكون عايش قصه مؤلمة بس ربنا لطيف بعبادو اي شي بحصل معاك لي خير وح يعوضك عنو يوم بس خليك واثقة * قشيت دموعي قلت ليهو عايزة امسكا * م عارف بس قالو م يطلعوها للاوكسجين الطبيعي الا بعد 48ساعه * ح تشيلا مننا. عاين لي باستغراب م اتوقع مني سؤال زي دا قال لي دا م السؤال الصاح انتو الح تشيلوها مني * هي بتك فوق م انو الحياة اخدت منها امها تفتكر نحن ح نعمل كدا ونحرما منك * قال لي ارح للدكتورة نطمن عليها مشينا الدكتورة من شافتني دموعا نزلو قالت لي نبأ قلت ليها قضاء وقدر ي دكتورة البيبي كيف ان شاءالله اتحسنت قالت لينا والله انتو عارفين حصلت معجزة عديل البت دي،كانت ح تروح فيها ليها كمية الترسيب الكانت دي م بنجي منها زول لا الام ولا الطفل بس ربنا انقذا وهي ح تبقي كويسة كلها يومين عشان ولدوها قبل. وقتها شوية بس المشكله قلت ليها ف شنو كنت قاعدة وقفت قالت لي اطمني اقعدي غالب قال لي،براحه يوم بتموتي بي صدمة قالت لينا غذائا م كان كافي وخاصه ف الايام الاخيرة لازم تهتمو بيها شديد وم بنصح تدوها لبن صناعي حاولو تلقو ليها مرضعه طلعنا ونحن بنفكر وانا شايله همها شديد ياخ
طلعنا رجعنا البيت اول م وصلت بقيت اتزكرا دخلت كدا امي جات حضنتني قالت لي نبأ وين انتي قلت ليها مشيت شفت البت وطوالي دخلت جوة استحميت غيرت قفلت باب الغرفه وبقيت ابكي ياخ كل شي،بزكرني بيها جو دقو لي الباب ابيت افتح قلت ليهم خلوني براي * ي بت اطلعي م تقفلي نفسك براك كدا اطلعي الناس بتجي تعزيكم * عليكم الله خلوني م عايزة زول يجيني يعني لو جو ح يرجعوها لي امشو من هنا م تجوني وبقيت ابكي جات امي * نبأ انا امك افتحي لي * يمة امشي انا م عايزة اتكلم مع زول عليك الله خلوني * حتي انتي عايزة تمشي تخليني يعني ح تمرضي من امس م دخلتي شي ف خشمك افتحي اشربي ليك حاجه * م عايزة انا بس عايزة اقعد براي م عطشانة ولا جيعانة م قادرة اقعد معاكم خلوني براي بجيكم امشو خلوني * شوية م سمعتهم مشيت فتحت الدولاب بقيت واقفه قدامهم وبتزكر: -
نبوووو تعالي شوفي جبت لينا شنو * بتصرخي مالك ي بت * عايزة اليمين ولا الشمال * هو شنو * ياخ قولي بس * طيب اليمين * لاااااياخ انا عايزة اليمين * ههههههه والله انتي ي سبو م طبيعيه وقت انتي اخترتي بتجي تخيريني مالك م تديني بس * م عارفه بس حبيت اعرف ح تختاري شنو * اها وريني هم شنو * تراااااا شوفي جايبه شنو دباديب * ههههههه شفع نحن ي بت * م شفع بس بما انو دا عيد الحب وم ف زول عبرنا انا قررت اعبر نفسي وقلت اعبر تؤامتي معاي * انتي م نصيحه. والله ياخ * خلاص انا م نصيحه اسي الحل شنو انتي اخترتي الانا عايزاهو * بسيطة حب اديني التاني بس * متاكدة م ح تزعلي * وازعل ليه ي سبو انا م بزعل منك ابدا وبعدين دي هدية منك ح احتفظ،بيها طووول عمري * نبو ياخ انتي احلي اخت بحبك انا * ههههه وانا كمان بحبك يلا جيبيهو اشوفو ياخ
شلت الدباديب ورجعت قعدت ف السرير ماسكاهم ابيت اطلع وم خليت زول يدخل لي بكيت لما دموعي خلصت العصر سمعت الاذان قمت دخلت الحمام جيت طالعه راسي لافي بي حاولت اقعد ف السرير بس جيت واقعه تاني م حسيت باي شي فتحت عيوني لقيت غالب قاعد جنبي والدرب ف يدي من شافني صحيت قال لي نبأ صحيتي حمدالله ع السلامة انتي كيف حاسه بي شنو * انا وين * في المستشفي انتي وقعتي ناس البيت جو دقو ليكي الباب لانو المغرب اذن وانتي من الصباح رافضه تطلعي وقت م سمعو منك رد فتحنا الباب لقيناك مغمي عليك *حاولت اقوم قال لي م تتحركي اداني موية قال لي بتبالغي يوم كامل م تشربي موية م عارفه انو ممنوع تقعدي 8ساعات عطشانة كيف هم يخلوك تقعدي يوم كامل * يعني م هاميك الوضع الا حنا فيهو منو اكل ولا شرب انت ليه م قادر تفهم نحن فقدنا زول عاش معانا كل عمرنا اسي م ح يكون موجود وانت جاي تعاتبني عشان م شربت موية * الحياة م بتقيف اي كلنا زعلانين بس منو خلي الشراب كلهم بشربو انتي ح ترجعيها لو صمتي وم شربتي ولا اكلتي م شايفه حال امك دا بدل م تقعدي وتصبريها بتعملي ف نفسك كدا يوم سمعتي زول مات بعد زول طيب الناس امهاتهم بتموت برضو هم عايشين شايفه خلود القاعدة معانا دي وقت امها اللي هي حبوبتي ماتت خلتا صغيرة ربيناها انا وامي م حدي عايشة ومبسوطة في اكتر من ام يعني * انا بقيت زايدة ف البكي قلت ليهو اطلع مني م لقو زول غيرك يقعد معاي طيب خلي اموت هم وقت م مهتمين وجادعيني قاطعني قال لي هم م جادعينك ولا قصه م مهتمين كل القصة انو الفيهم مكفيهم كل الناس دي موجوعه ومحروقه علي موتتا م انتي براك * وانت؟ * فكرك انا م انسان يعني ولا م بحس حتي لو م بحبها انا عشت معاها الوقت القضيتو معاها بعادل نص العمر القضتو معاك يمكن هي اقرب زول بالنسبه ليك بس انا كنت اقرب زول بالنسبة ليها هي فارقه معانا كلنا دا بدل م تدعي ليها انتي بتفتشي ف الزكريات النستك تدعي ليها حتي خلاص اتقبلي الواقع البتعملي فيهو دا م صاح لا ف حق نفسك ولا ف حق اهلك صاح كلامو بس انا اعمل شنو 😭💔قشيت دموعي قلت ليهو ارح وديني لبتها قال لي بعد تاكلي وتشربي قلت ليهو م جيعانه مدا لي موية شربت حبه قال لي هي قدر شنو كمليها وبطلي تأذي نفسك شربت قلت ليهو ارح جا فك لي الدرب ومدا لي يدو قلت ليهو بمش براي انا بضغط علي نفسي لحدي م وصلنا قاعدة جنب البت بعاين ليها ساي قريب نص ساعه جا قال لي نرجع البيت لانو قلقانين عليكي من امس قلت ليهو م قادرة اقعد ف البيت قال لي لمتين قلت ليهو م عارفه بس م عايزة ارجع اسي قعد جنبي بقينا نعاين للبت قال لي بكرة الدكتورة قالت ممكن نطلعا قلت ليهو اتزكرت حاجه ارح البيت * مالك ف شنو اسي كنتي م عايزة تمشي * ارح بس اول م دخلنا نزلت وجريت افتش في لونة امي قالت لي نبو تعالي ماشة وين قلت ليها لونة وين مشيت ليها جريتا من نص الناس قالت لي مالك ي نبأ قلت ليها اقعدي عايزة اتكلم معاك * اها ف شنو دا اسلوب ليكي اسي معانا ناس سلام م تسلمي * لونة الله يخليك رضعي بت سبأ الدكتورة قالت م يدوها لبن صناعي سكتت م ردت قلت ليها بس حبه لحدي م تبقا كويسة وو قاطعتني قالت لي اهدي ي نبو بنتفاهم ف الموضوع دا اكيد هي بت اختي انا برضو م تنسي سبو م اختك بر
#يتبع
#نهاية_الحلقه26
📚بقلم:نيدووووو📚
اك بس اتكلم مع مؤيد واكيد م ح ابخل ليها بي لبن قلت ليها طيب كلميهو سريع عشان هي بكرة ح يطلعوها من الحضانة * طيب ارح الناس بتسأل منك * لا انا م ماشة م يسألو مني كلهم م بفرزو بينا واسي حضنتني وبقت تبكي وانا ابكي جات خالتو سلوي قالت لينا عليكم الله خلاص ليكم ايام وانتو بالوضع دا راعو لامكم اسي ف زول سأل من ابوكم دا الزول لو مات الناس م بتوقف حياتا واحدة فيكم تشيل التلفون تطمن عليهو ساقت لونة قالت ليها بتك دي جادعاها لا بوها من ايام م شفتك قعدت جنبها ابوها دا برضعا تعالي امسكيها انا شلت تلفوني اتصلت ردت لي عمتي قالت لي والله يفتح ويهزي بكلمات م مفهومة الدكتور قال الصدمة اثرت عليهو لكن ح يبقي كويس،اول م يبقا كويس ح نجيكم قلت ليها طيب مشيت لامي من كم يوم انا م اتكلمت معاها اصلا ولا شفتها ومصطفي دا م لاقاني بالمرة قعدت جنبها شوية الناس داخله وطالعه خالاتي قالو لي وين انتي الناس بسألو منك جو ناس من البلد م لاقوكي طلعت مشيت افتش مصطفي لاقاني مؤيد قال لي بقيتي كيف ي نبأ * تمام كيف انت * الحمدلله عايزة شنو * نادي لي مصطفي * طيب امشي بهناك برسلو ليكي *مؤيد انت لسه زعلان عشان انا قاطعني قال لي نبو انا مقدر وضعك وعارف الحاسه بيهو م هين عشان كدا م زعلان منك امشي * شويه كدا جاني مصطفي ي الله اول مرة اشوفو بالمنظر دا الود الكان مشاغب وضحكتو تملا البيت اصلو م كان بسكت بقا هادئ وساكت جاني قال لي نبو انتي مالك بقيتي تعيي كتير كدا * م م فيني شي ي صفصف انا كويسة انت كيف * مشتاق ليها *قلت ليهو اقعد قعدنا قلت ليهو هي زاتا مشتاقه لينا وخلت لينا بتها ح نهتم بيها انا وانت صاح * طيب * يلا امش جات علا سلمت لينا وقعدت معانا مسافه ورجعت عدينا اليوم الصباح قلت لي امي ح نجيب البت لونة قالت لي انا برضعا مشينا المستشفي جبناها غالب قال لينا دا اليوم الرابع انا ح امش البيت اشوف امي وبجيكم قلت ليهو طيب عدت الايام وانا م عندي شي غير بت سبو مهتمة بيها شديد تم سبع يوم الناس بتسألنا من اسمها قلنا ليهم لسه م سميناها جا غالب قلت ليهو نايمة من قبيل قال لي هي كويسة * اي الحمدلله حالتا مستقرة * طيب معليش تخلي بالك منها * م توصيني اطمن صاح ح تسموها منو * م عارف اختارو الاسم البعجبكم * اكيد انت او امها كان عندها اسم ف بالا م ممكن نسميها نحن * انا م عندي مشكله سموها انتو * طيب ادخل شوفا فضلتو الغرفه وطلعت بعد 10دقايق جا طالع قال لي انا ح امش لو حصل اي شي اديني تلفون مشي قعد مع ناس امي شوية وطلع البيت فضا وخالاتي رجعو لاشغالهم واي زول رجع لطبيعتو الا انا لسه متأثرة الليل كلو بقضيهو بكي والنهار بكون ساكتة خشمي م بفتحو فقدت طعم اي شي الحياة مملة الليل طويل النهار مظلم كل شي مسيخ م ف حاجه تستحق الزول يعافر ويتحمل المهاترات دي كلها عشان حياة باهته زي دا 😔💔
يتبع.....
