بعد اسبوع من العرس نزلنا الجامعه علا م جات اول يوم قاعدة براي وحاسة بالملل فجاة تلفوني اتصل دي علا رديت ليها قالت لي هي بتجي بكرة ماشة وبتكلم معاها وبشاكل فيها فجاة شفت د/غالب جاي باتجاهي قفلت منها طوالي واتلفت غيرت اتجاهي م عارفه بس كنت عايزة اشوفو. وفي نفس اللحظة م عايزة اتلاقي معاهو ياخ نبا رجعت لي رديت ليها قالت لي رصيدك بح ولا شنو قلت ليها لالا بس المكالمة فصلت *كيف يعني تفصل ساي*علا ياخ م تتجرجريني فصلت بس*بتكلم معاها واقفه بعاين لغالب ولا مركزة معاها بتقول ف شنو صرخت قالت لي نبببأ قلت ليها هااااا* اقفلي مني وقت م عايزة تتكلمي*اوك بعدين برجع ليك
عدت الايام وانا كم مرة بتحاشي اتلاقي مع د/غالب حتي علا لاحظت لي مرة نحن ماشين علي اللاب لاقانا سلم علينا انا م اتكلمت علا قالت لي نبأ بالغتي مالك م رديتي قلت ليها م ف شي ارح م نتاخر انا زاتي م عارفه بتصرف معاهو كدا ليه ياخ بس بدون ارادتي اي بكون متمنية اشوفو بس لما اشوفو اووف بس عدت علينا فترة بالطريقه دي علا قالت لي نبأ بكفي تتصرفي كدا انتي مالك من نزلنا وانتي بتتصرفي تصرفات غريبة قلت ليها م ف شي انتي براك فاهمة غلط رجعت البيت فاتحه تلفوني داخله الفيس لقيت منشور كاتبو ابو الرئبال
(الي اؤلئك البعيدين القريبين لكم منا سلام)
تلقائيا لقيت نفسي برد عليهو قلت عسي ان يبلغهم السلام جا رد لي وبقيت ارد ليهو فتحت المسنجر قال لي كيفك بقيت اتونس معاهو قال لي بالنسبة لكلامك الفي المنشور قلت ليهو انت شكلك محتار وجواك حاجات م قادر تحكيها او خايف قال لي والله ممكن تقولي كدا والموضوع دا شاغلني شديد قلت ليهو. ممكن اساعدك مع اني م عارفه الموضوع بس من كلامك ليهو علاقه بالحب قال لي صاح مع اني كنت معمم الكلام بس قاصد زولة معينة قلت ليهو (اسمع خوف عاطفي لعمار كمال)قال لي طيب وانتي قلت ليهو انا م م م لالا م فيني شي قال لي ومرتبكة كدا مالك قلت ليهو م ف شي تصبح ع خير عملت منشور
(ادركت ان فاقد الشئ يعطيه)
قفلت الداتا وركبت سماعتي بقيت اسمع في (خوف عاطفي)انا من جواي مقتنعه انو الزول م مفروض يخاف من الحب ويواجهو ويتقبلو ويفرح بيهو بس م عارفه شي مانعني ف حاجه جواي بتقول لي اني م اتقبل الموضوع احساسي م بغيب انا انكسرت قبل كدا والزول لما يتكسر ببقا خايف انو يغوض اي تجربة مماثلة سمعتها قريب 10مرات قفلتها ونمت كل الايام كانت ممله متشابهة كل م ادخل الفيس بتكلم مع ابو الرئبال دا معي اني م بعرف عنو اي معلومة جا علق لي علي منشور فاقد الشي يعطيه قال ومرات بندي شي للناس ونحن ف اشد الحوجة ليهو واستمرت علاقتنا كدا بعلق لي وبعلق ليهو لا هو يوم سألني اي معلومة عني ولا انا سألتو حتي اسمو م بعرفو غبت فترة من الفيس كنا نازلين امتحانات كان غالب كل يوم بجي هو كنترول الامتحانات بجي كل يوم اول م اشوفو انا قلبي بوجعني مرتين جا وقف ف راسي مسافه. انا ف اللحظة دي قلبي حسيتو طلع مني مرة طلعت متاخرة شويه والمواصلات زحمه اتاخرت 15دقيقه من الامتحان م دخلوني قالو لي الا تمشي للكنترول انا خلاص اتوترت وزهجت وحسيت المعلومات طشت مني ماشه المكتب لقيتو طالع قال لي نبأ الاخرك شنو غريبة اول مرة تتاخري قبل ارد ليهو قال لي تعالي معاي انا ماشة وساكته جينا جمب الباب قال لي،ادخلي وريلاكس اوك دخلت بس لسة متوترة م قادرة اكتب شي جا لفه كل القاعه جا قال لي نبأ اهدي وركزي اشر بيدو جات واحدة جابت ليهو موية ادانا ليها ياخ هو م عارف انا طاشة بي سببو ووكلامو معاي ووقفتو جنبي دي 💔 خلصنا الامتحان بعد طلعت لقيتو واقف برة قال لي اشتغلتي كيف قلت ليهو الحمدلله 😊وطلعت طوالي مشيت البيت يوم اخر امتحان طلعنا مشينا توتي انبسطنا ورجعنا البيت لقيت ليان قاعدة جيت حضنتها قلت ليها لونة ي كعبه وين انتي لو عرستي م بتجينا 🌚هههه م كدا ياخ بس مشغوله الشغل والبيت * اها قاعدة معانا ولا راجعه * لا قاعدة معاكم يومين تلاته *كويس اغير ملابسي واجيك * جيت اتغدينا واتونست معاها جات سبأ داخله مع المغرب امي شاكلتا قالت ليها اها ي السايبه عشان اخر امتحان بتتاخري قدر دا 😂😂💔بقت تحنك فيها جات داخله لقتني مع ليان حضنتا وبقت تتونس معاها ساهرنا للصباح ونسة تاني يوم نزلت الواتس ودخلت الفيس لقيت رساله من ابو الرئبال دا قال لي مختفيه وين * والله امتحانات بس *اها كويس موفقه ي رب *تسلم
بس كدا وطلعت
مرة بنتونس ف الوااتس ف قروب الدفعه فجاه جا متولي،قال لينا ي نبأ م تتونسو هنا بنزعج الاستاذ برسايلنا *يلا انا استغربت لانو اخر مرة وقت كنت ف القروب م كان فيهو استاذ هم بس كانو بشرحو فيهو وبرسلو المحاضرات قلت ليهو استاذ ف القروب🌚 *اي استاذ ضفناهو يشرح لينا ايام الامتحانات * وليه م كلمتوني 🌚* انتي بتمسحي الواتس علي طول 😒نكلمك كيف *اه م مشكله * طيب ارح بهناك *ارح
😂😂😂💔بعد خلصنا الونسة حتي مشينا فجاه جاتني رساله من رقم غريب من ضمن القروب الاسم كان
مكتوب بالزخرفه م ركزت فيهو افتكرتو زول من الدفعه عادي
نبأ * اهلين * كيفك *تمامو انا * اشتغلتي كيف ف الامتحانات *والله الحمدلله * م عرفتيني صاح * نووو😴😴 * ههههه م تتكلمي انجليزي معرب * اوك 🌚 * طيب م عايزة تعرفي منو *ح يكون منو يعني معانا ف قروب الدفعه اكيد زول من دفعتنا وبعدين الاسم مكتوب زي درب النمل اعرف كيف *ههههههه وانتي حقارة كدا مالك *بالجد م كنت قايلة روحي حقارة تصدق 🌚 * انتي عكس الحقيقه انخدعت فيك * 😂😂😂م تضحكني عليك الله خدعه شنو كل القصه اني،م عرفتك بس عشان كدا بتكلم معاك كدا. * بس انتي م عايزة تعرفي انا منو * انت الماعايز توريني انت منو *ليه واثقه اني ولد * اولا لانو عندي كل ارقام البنات الفي القروب مسيفاهم عندي وتانيا من حالتك دي. 🌚 * طيب معاك غالب * غالب منو م معانا ولد بالاسم دا 🌚 *يااااخي متاكدة ف انتي
*😱😱😱😱😱😱😱لحظة دقيقة وووووبعلياااااااا دي انا مصدومة اتزكرت انو القروب فيهو استاذ واااي لااااا دا شنو دا البحصل معاي دا انا اتكلمت بالفظاظه دي مع د/غالب قفلت الشبكة وبقيت افكر الليله لو دا طلع هو انا خلاص انتهيت 😭😭💔فتحت الواتس راجعت الرقم اتصلت لي علا اول م فتحت الخط
قلبوش * وااي الحقيني * بسم الله مالك * انتي استاذ منو المعانا ف القروب * اي قروب ي بت * قروب الدفعة * مستر. غالب. * وااااي م تقوليها * مالك ياخ فهميني ف شنو * ادخلي الواتس بفهمك * دخلت رسلت ليها كابشر للدردشة * قالت لي انتي واحدة سسجم علي فكرة * ياخ دا م وقتك اسي انا اعمل شنو * اعتذري منو بس * اعتزر باي وش 😭💔 * هاك وشي اعتزري بيهو 😒انتي مكبرة الامور ساي هو الجاكي اول مفروض يفهمكم اول * لحظة اي هو عايز مني شنو 😳 * لحظة خليك من عايز مني شنو عرف كيف انا داخله باسم مستعار * امممم معروف عايز شنو القروب دا فيهو 222نفر منهم 157بت جاك انتي ليه 😉 واسمك ي هبلة متولي قبيل وقت قال ليكم م تتونسو ف القروب بكون عرفو *🌚 دا ع اساس انك متاكدة من كل بنات الدفعه انهم م جا ليهم 😒 * م كل البنات بس طالما اختك وشلتا م لفتو نظرو تاني م ف بت ف الدفعه بتلفت نظر راجل 😉 * علا ياخ اصلو م منك فايدة انتي خليني ف حالي
لقيت منو رسالتين خليتهم معلقات م فتحتهم 😭💔ووووووبعلياااااااا من الموقف دا بقيت الليل كلو افكر ف الموضوع دا الصباح
من اصبحنا فتحت الواتس لقيت رسايلو الامس فتحتهم الحمدلله هو م كان داخل كاتب لي فيها
(نبأ انا بالجد اسف دا غلطي م تتحسسي. من الموضوع ياخ والله انا م عارف زاتو الخلاني اتصرف معاك كدا رقمك دا من فترة معاي بس م حاولت ارسل ليك ولا مرة والله لكن قبيل لما لقيتك اون لاين بدون اي تفكير رسلت ليك من الاخر كدا انا بحبك ي نبأ والله حاولت اقاوم الشعور دا كم مرة بس م قدرت كل م اشوفك انا بزداد تعلق بيك وشعوري دا بزيد تجاهك انتي الوحيدة من بين كل البنات الفي الكليه. قدرتي تحركي شي جواي لي فترة انا فقدت اتزاني اقنعت نفسي عدة مرات انو البعملو دا م صاح انتي طالبتي بس الحب لما يختارك م براعي ليك بصيبك وخلاص بتتمني تتفهميني )
طلعتي يعني طيب اذا م عايزاني اتراسل انا بعتذر م تخلي الواتس وتطلعي عشاني م ح ارسل ليك تاني 😊واسف مرة تانيه
رديت ليهو (م يهمك ي مستر انا بالجد اسفه زاتي م عارفه ليه رديت ليك كدا والله بس م اتخيلت تكون انت )
رسلت لي علا ي علا الحقيني 😭 * قالت لي اها ف شنو المرة دي *رسلت ليها الدردشة *وااااي ي نبو وووووبعلي منك ختيرررة الزول دا عملتي ليهو شنو واقع بي كلو كدا😉 م اتعرفنا ي صحبتي * 😒انا ف شنو وانتي ف شنو ياخ بيس عليكي😒 * طيب طيب نكون جادين شوية وريني ح تعملي شنو * انا لو عارفه م كان بجي اسألك 😭 * هو بحبك وانتي بتحبي واصلو علي كدا * 🌚والقال ليك انا بحبو منو * 😏م علي ي نبو انا بعرفك اكتر من نفسي معاشراك 5سنة مستحيل م اكون عارفاك اذا بتحبي او لا غشي زول غيري بالكلام دا 😌 * علا ياخ انا جادة معاك 😴 * نبأ بطلي حركاتك دي هم خيارين م ف غيرهم ي اما تتقبلي وتسعدي نفسك ي اما تخسري وطول عمرك ح تندمي انك ضيعتي حبك بيدك * بس انا بالجد م عارفه اذا كان دا حب او لا 😥💔 * انا متاكدة انك بتحبي شعورك تجاهو دا من عرفتك م شفتك بالاحاسيس دي لما تشوفي ولما تتكلمي معاهو بطلي حركات لو خسرتي ح تخسري نفسك * طيب بفكر ف كلامك دا * م محتاجه تفكير ي نبأ غير البر عاجله 😉هو جاك لحدي عندك ودي حاجه بتتطلب شجاعه انتي دايما بتقولي لي الزول م يخجل من مشاعرو ويعبر عنها نسيتي 😒 * خلاص خلاص م تشغليها. لي 🙈
طلعت وانا بالجد م مصدقه كلام علا صاح هو الوحيد البقدر يحرك مشاعري لخبطتي لما اتكلم معاهو ولما اسمو يتذكر ساي انا قلبي بينبض كنت بقاوم الشعور دا بس خلاص م اكتر من كدا 🙈 لقيتو رد لي صباح الخير * صباح النور * كيف اصبحتي. * الحمدلله وانت * بخير نحمدو * 😊يدوم ي رب * ممكن اتصل عليك؟ "*(ووووبعليااا م كدا اصبر حبه خليني استوعب )قلت ليهو اوك.
قفلت باب الغرفه انا متوترة م عارفه الخلاني اقول ليهو يتصل شنو اصلا لا وهو عايز مني شنو. تلفوني اتصل مسااافه اتجمدت م قادرة ارد شويه كدا فتحت الخط وسكتة جاني صوت ف الطرف الاخر
صباح الخير * اهلين * اخيرا سمعت صوتك * كلها اسبوع من اجزنا * اسؤ شي اخترعو حاجه اسمها اجازة وتخريج * هههههه ليه بالعكس ديل احلي شي ياخ * لا والله بتحرمنا من ناس اتعودنا علي شوفتهم ف الجامعة وبقو جزؤ من حياتنا * واالله يمكن بس برضو دوام الحال من المحال لابد من نرحل * كلام عمييق * م تركز فيهو *بس كدا انتي تأمري * لحظة صمت م رديت * اها فكرتي ف الموضوع ولا لسه * اممم حاجات كتير لو قلنا نفكر فيها يمكن م نتوصل لحاجه ف النهايه بعض الامور م محتاجه تفكير * ايوا بالضبط كدا طيب ممكن اشوفك الليله ونتفاهم * م عارفه والله بس بشوف لو لقيت نفسي فاضية بكلمك * اوك ف انتظارك م طولي علي * ان شاءالله * طيب مع السلامة *باي
قفلت بقيت حاضنة تلفوني جات سبأ داخله ي الاخت من الصباح ماسكة تلفونك م عايزة شاي الليله امي بتسأل منك قلت ليها طيب بمش اشوفا اسي طلعت صبحت ليهم لونة ومصطفي قاعدين وامي ف نصهم قلت ليهو صطوف دا مكاني قوم لي قال لي ليان زحي لي من مكاني امي ضحكت قالت لينا بتبالغو عايزين تعملو موضوع من الصباح خليها ي مصطفي بتي بعدين بس بترجع. تخليني قام جيت قعدت جنب امي شربت الشاي قالت لي الليله اتاخرتي مالك * م ف شي يمة بس كنت مشغوله ف التلفون عشان كدا م جيت *كويس اشربي شربت ودخلت مع امي المطبخ جهزنا الفطور فطرنا اتصلت لي علا قالت لي نبو تطلعي معاي السوق وعايرة الاقي احمد قلت ليها قبل اسبوع م اتلاقيتو 🌚 ياخ عليك الله طولت منو بجيكي تمشي معاي *كنت عايزة ارفض بس خطرت علي بالي فكرة وقلت ليها طيب تعاليني دخلت الواتس قلت ليها عايني هو قال عايز يلاقيني وانا ف الاجازة دي م بقدر اطلع بما انك ماشه السوق تعاليني اتلاقي معاهو وانتي شوفي احمد وندخل السوق ونرجع سوا قالت لي طيب كلمت امي اني طالعه مع علا مشيت جهزت لبست وقاعدة قدام المرايه بعمل ميك اب سبأ قالت لي خلاص كفاك بسحروك ضحكت قلت ليها بسحرو فيني شنو انتي م سحروك يسحروني انا ضحكت قالت لي ياهو نفس الشي انا م احلا منك ف شي اذا بسحروني اكيد ح يسحروك ولفتني باتجاها قالت لي دقيقه صلحت لي الايلاينر قالت لي وكدا بقيتي ظابطة مشت فتحت دو
لابا جابت رووج قلت ليها لالا م عايزة ياخ قالت لي م تخافي م كتير وم ظاهر جاي معاك انا استغربت طبعا هي اول مرة تعمل معاي كدا 😳قالت لي صاح انتي ماشة وين قلت ليها الحقيقه ماشة الاقي زول 🙈ضحكت قالت لي احلفي قلت ليها وحياتك ضحكت وسكتت شكلها م صدقتني 😢💔دي مشكلتي معاها بتتعامل معاي بسطحيه اكتر من اللازم 😔💔وم بتخليني افهم منها شي عشان كدا اشتباكاتنا كتيرة جات علا قالت لي حب 😍طالعه كيوت م يسحروك سبأ قالت ليها اي خلي بالك منها 😉طلعنا وانا متوترة اتصلت ليهو فصل الخط شويه رجع لي اول م فتحت الخط قال لي اها اسمع خبر حلو *ضحكت قلت ليهو ممكن * قال لي طيب القاك وين * انا حاليا ماشه علي بحري *خلاص لما تصلي ح تلقيني مستنيك هناك * طيب *يلا تصلي بالسلامة * تسلم
علا قالت لي السمع مكالمتكم يقول م اول مرة تتكلمو ضحكت قلت ليها اي والله بياخد الامور ببساطة تلقائيا بتلقي نفسك تتكلمي معاهو بدون اي حساب *قصدك م بتقاوم 😂😂💔 *اتزكرت سبأ طوالي 💔قلت لي علا خايفه اكون بجرح ف مشاعرا وفي نفس الوقت مشاعري انا * علا قالت لي م تخافي هي كل الدفعه معجبه بيهو م وقفت علي،سبأ يمكن دا كلام منها ساي بس * قلت ليها بتمني م اكون بغلط، وصلنا اتصل لي قال لي اها وصلتي * اي يداب وصلنا * طيب انا جمب مواصلات العربي تعالي لي *اوك
علا اتصلت لي احمد قالت لي خلاص امشي انا بعدين لو خلصت بتصل ليك مشيت وانا خايفه ومتوترة م عشان ح الاقيهو دي م اول مرة اشوفو بس قلبي قابضني يمكن لانو اول مرة اعمل كدا او موضوع سبأ دا شاغل بالي مشيت جنب مكان وصف لي شايفه عربيتو شافني من بعيد نزل جا سلم علي وفتح لي الباب. قال لي اها نمشي علي وين الخرطوم ولا امدرمان * البريحك بس اهم شي نرجع بدري لاني م عايزة اتاخر *عاين لي ساعتو قال لي الساعه 1ونص لو مشينا علي الخرطوم ح نتاخر بعدين الزحمة ارح امدرمان * قلت ليهو طيب طول الطريق كان بتونس معاي عادي وتقريبا قدر يمتص كل التوتر الجواي لما نسيت روحي زاتو 🙈وصلنا شارع النيل حق امدرمان الجو كان هادئ وفاضي الناس كانو بسيطين دي اول مرة اجي المكان دا قال لي ننزل ولا نلف بالعربية شويه قلت ليهو م عارفه * ضحك قال لي م عالفه عديل كدا * خجلني ياخ دنقرت تحت بيس كلو من لساني دا 🙈 قال لي خليني اوريك الحتات دي بعداك ننزل بقا لافي بينا بالعربية مسافه وقفا جمب محل ايس كريم جا شايل نكهات كتيرة قال لي يلا اختاري قلت لي نحن اتنين بس جبت كتير كدا ليه * قال لي م عارف انتي بتحبي اي نكهة عشان كدا جبتهم كلهم *نزلنا محل واطي كدا لتحت جنب الموية قعدنا بقا يونسني قال لي طبعا للان م بتعرفي شي عني صاح هزيت ليهو راسي بمعني ايوة ضحك قال لي بحب البراءة الفيك دي غمضت عيوني ضحك قال لي خليتك خلاص طيب اعرفك بي اسمي غالب المعيد فضل عمري 29الا 3شهر من مواليد شهر 11/يوم 11انا اتشرقت طوالي وكحيت عاين لي مسافه قال لي انتي كويسه ومد لي موية شربت قال لي مالك قلت ليهو م ف شي كمل بوريك بعدين قال لي طيب درست طب تخصص اشعه مقطعيه ف جامعه كلوفورنيا وقضيت الماستر وحضرت الدكتوراه وجيت السودان راجع مع انو ابوي اصر اني اقعد واشتغل بس عشان امي انا الوحيد جيت راجع واسي ياهو من جيت هنا لي سنتين شغال محاضر وف مستشفي بس اغلب الاسبوع بكون ف الجامعه انا ساكته هو بيحكي واسمع ليهو جواي بفكر بقول اسي زول صغير لسه ماشاءالله وانجز وحضر وف كلوفورنيا كمان ماشاءالله انا اقول الشخصيه دي جابا من وين تاري م من السودان هنا 😂💔قال لي اها دورك تحكي قلت ليهو اسمي نبأ االامين سيد عمري 19الا تلاته شهور مواليد شهر 11يوم 12ضحك قال لي حلوة الصدف عشان كدا قبيل اتشرقتي قلت ليهو اي الباقي انت عارفو م عندي انجازت لسه ضحك قال لي م انتي لسه صغيرة علي الانجازات قلت ليهو م شديد قربت للعشرين ولسه م انجزت شي فجاة قال لي تتزوجيني انا عاينت ليهو باستغراب وصدمة وكلو 😂😂قال لي ولا الزواج م انجاز بلعت ريقي قلت ليهو م اظن دا انجاز ياخ ضحك قال لي طيب وريني انتي عايزة تعملي شنو عشان تشوفي انجاز قلت ليهو اخلص دراستي واحضر واشتغل قال لي اسألي مجرب القراية والشغل دي حاجات م بتنتهي الانجاز ف الحياه انك تعيشا وتصنع فيها زكريات حلوة عاين لي قال لي وانك ترزق حب انا قلت ليهو بس كدا قال لي لما نعيش مع الناس البنحبهم ح تحسي بالانجاز انك تسعدي نفسك دا ف حد زاتو انجاز قلت ليهو وجهة نظر برضو قعدنا قريب الساعتين اتصلت لي علا الساعه كانت 5 الا ربع قلت ليهو نمش لانو اتاخرنا قال لي م حسيت بالوقت معاك بس يلا عشان م تتاخري رجعت لي علا بي مسج قلت ليها يداب اتحركنا انتي امشي عشان م تتاخري ردت لي طيب لما تصلي طمنيني عنك قلت ليها اوك كان سايق براحه قلت ليهو ح نصل متين وانت ماشي بي السرعه دي قال لي ياخ م عايزك تمشي مني انا خلاص سحت عديل كدا 😂😂💔بقا يحكي لي شافني وين اول مرة وم خلا موقف جمعني بيهو م زكرني ليهو قلت ليهو طيب 2تقريبا انت ساكت فجاة الخلاك تجي تعترف شنو قال لي 3اسباب اولا انتي ف البداية م كنتي بتبادليني الشعور شايفاني دكتور عادي زيو وزي اي زول لكن من فترة حسيتك بقيتي تفهمي علي وتانيا لما ف الفيس اتكلمتي معاي وقلتي لي اسمع خوف عاطفي لعمار كمال انا طوالي قلت ليهو يعني ابو الرئبال دا انت قال لي افتكرتي منو انا ف اللحظة دي م عارفه الاحساس الحسيت بيهو بوصفو كيف 😂💔قال لي تالتا الاجازة دي ياخ م بتتخيلي انا الاسبوع الماشفتك فيهو دا كنت مشتاق ليك قدر شنو يلا المرة دي انا بالجد سحت عديل كدا حاولت اغير الموضوع قلت ليهو طيب ليه داخل باسم ابو الرئبال قال لي عاجبني الاسم دا عايز اسميهو لي ولدي قلت ليهو من متين قررت كدا قال لي من يوم شفت اسمك الداخله بيهو الواتس ام رئبال قررت كدا احييييييينا ياااااااخ مالك علي الزول ح يكتلني 😂😂😂💔انا م متعودة ولا بحياتي اتوقعت حاجه زي دي،تحصل معاي غلبني ارد ليهو جينا الكبري كان زحمه العربية ماشة خطوة خطوة قال لي اها م عايزة تعترفي قلت ليهو بي شنو 😳بخلعه كدا ضحك قال لي قدامك وقت لحدي م ننزل من الكبري كلها كلمتين م ح تاخد منك الوقت دا بس عشان انا كريم بديك الوقت دا كلو قلت ليهة غالب ياخ 🙈قال لي ي الله ياخ عيدي اسمي دا تاني قلت ليهو انت م كان تنتظر بعد اخلص جامعه اسي انا تاني بعد كدا لو لقيتك ف الجامعه اتعامل معاك كيف قال لي انكريني عادي بس 😂😂😂💔قلت ليهو اصلا قال لي لا ياخ انا ح اخطبك لحدي الوقت داك * عاينت ليهو قال لي زمنك قرب يخلص علي فكرة م عايزة تتكلمي قلت ليهو م الليله ياخ م تتسرع قام شغل اغنيه *بحبك ي حبيبك مني بهواك وبحس انك مني* وبدا يغني معاها انا مستغربة دا الدكتور الصارم الما بضحك صاح والله الناس لو م عاشرتهم م تحكم عليهم كان عليهو ابتسامة تحسها طالعه من جوة القلب كنت بعاين ليهو وهو مستمتع وبغني بعد انتهت الغنيه اشتغلت حلقه عمار كمال بدا يقول معاها بسم الله متين حفظا كمان 😂😂💔ي ريتني م وصفتها ليهو لما وصل لمقطع كون انت اول من يعبر قولا قال لي Ilove youنبأ بالجد بحبك انا هنا بالجد م عرفت اقول شنو تلقائيا قلت ليهو وانا كمان 🙈قال لي م اتوقعت الموضوع ح يكون بالبساطة دي قلت ليهو ولا انا قال لي عارفه دا احلي يوم ف حياتي قلت ليهو ان شاءالله دايما ايامك حلوة قال لي بوجودك ي قلب اتونسنا وصلني قلت ليهو. بس هنا ح اصل البيت قريب من هنا قال لي نعيدا متين تاني قلت ليهو م معروف جيت نازله قال لي خلي بالك من نفسك قلت ليهو حاضر تصل بالسلامة *طيب طمنيني عليك لما تصلي *اوك
مشيت اتصلت لي علا قلت ليها وين انتي قالت لي قريبه للبيت قلت ليها انا زاتي يداب راجعه قالت لي انتظريني جمب البقاله انتظرتها جات دخلت معاي البيت قلت ليها ارجعي بعد. كدا لو اتاخرتي ح يشاكلوك قالت لي غيري ملابسك وقدميني ضحكت قلت ليها مجرمة غيرت وقدمتها حكيت ليها ف الشارع قالت لي واااي انا اقول الجنتله دي من وين ضحكت قلت ليها يلا يلا بعد كدا رجعت البيت امي بعد المغرب لمتنا قالت لينا تتزكرو خالدة مديرة المدرسة صحبتي قالت لي عايزة واحدة من بناتك لي ولدي سبأ ضحكت قالت ليها قالت عايزة منو امي قالت ليها م حددت انا قلت ليها انا م عايزة سبو انتي شيلي سبأ قالت لي بري انا ولدا عامل كيف م بعرفو امي قالت لينا ولدا دكتور ماشاءالله عليهو والله م بتفوت لو فوتو الله يديكم غيرو انا قلت ليها والله م عارفه بس انا حاليا شايله الفكرة من راسي امي قالت سبأ انتي رايك شنو قالت ليها بفكر ف الموضوع
يتبع......
