الصباح نبأ صحت وصحت اخواتا اتجهزو سريع وطلعو صبحو لامهم ولقو مصطفي بشرب ف الشاي من شافهم عاين ليهم قال ليهم زي الفكوكم بي نبله جاين سوا مالكم🌚
نبأ:ههههههه صطوف والتشبيهات القاتلة صباحك انا😍
سبأ:خمسة وخميسة م تسحرني بس عليك بسم الله بسم الله قل هو الله احد ي رب تحفظظنا وبقت تعمل حركات بيدينا😂
لونة:هيييي ي صفصف انت متين بقيت تعرف الكلام امس انا كنت بحممك احسن ليك تنقرع ي وليد(الكنداكة😂معليش انفعلت🌚)
امهم:الله يهديكم ي عيال م تقعدو ساي متين اصبحتو م تجيبو لي الضغط اشربو اطلعو
صطوف:اي اي فضو لينا البيت انا وامي عندنا مواضيع 🌚
نبأ:صطوووووووف اووووووختك انا م بتوريني عندك شنو😭💔مع ماما
سبأ:م ضروري هو انت بجي من وراك موضوع نافع😴
لونة:اطلعو اطلعو 🌚
طلعو مشو سوا ركبو المواصلات سبأ ولونة قعدو جنب بعض ونبأ قعدت ف مقعد النص الجنبهم بقو يتونسو
سبأ: شنو ي لونتي م قلتي يوم عازمانا من اشتغلتي م عزمتيني ولا لبان🌚
نبأ :اي اي ي لونة انا عايزة اشوف محل شغلكم دا ياخ
اممم انتو فاضين متين اعزمكم جنبنا محل بيتزا فظييييييييع😍سبأ :انا م عندي مشكله بدك ليك المحاضرة عادي ✋
نبأ :كرفست وشها 😞انا م فاضيه والله الا السبت م بقدر ادك المحاضرات 💔
جا نازل زول نبأ رجعت ورا وسبأ ولونة اتفقو انو سبأ تلاقيها الخميس لانو اصلا ثقافه اسلامية الاولي والتانية م شغالين ح تمش معاها وترجع الجامعه تحضر اللاب ويوم السبت ح تسوق نبأ دا كان الاتفاق بينهم اول م وصلو نزلو سبأ جات تدفع لونة قالت ليهم امشو بديهو انا(احييييييية انا اللهم اخت زي دا 😍اكتر حاجتين حلوات عازمك وم تدفع 😂)
مشو. وسبأ حكت لي نبأ بالاتفاق قالت ليها اوك م مشكله انبسطو اثناء م منتظرين مواصلات شافت متولي راكب باص والي اشر ليهم نظام اركبو م ف مواصلاات😂سبأ ضحكت قالت ليهو لا قام نزل جا سلم عليهم قاليهم.والله تتشحطو ساي المحاضرة تفوتنا ارح نركب اي شي اصلا واصلين نص المسافة بس نبأ ساكته م اتكلمت سبأ قالت ليهو بري مالنا بنتشحط ف باص الوالي وانا بضايق منو ياخ متولي 😒بطلي حنكشة ياخ ومالو باص الوالي نبأ ردت عشان عندها الازمة م بتستحمل الضيق😊اعتزر منها قال ليها اسف م قايل القصه كدا الموهم ننتظر شوية ح تجي حافلة وفعلا جات ركبو ومشو اول م وصلو دخلو القاعه نبأ مشت لي علا وسبأ مشت لصحباتا اتونسو شوية المحاضرة بدت لخصو وطلعو نبأ مشت لي سبأ قالت ليها القروش حقاتي معاك اديني سبأ ادتا قروشا ناس ميسو بقو يضحكو عليها نبو دي شنو حركات الشفع دي ياخ نحن كبار شيلي قروشك براك تاني سبأ قالت ليهم لا م كدا قبيل هي قاعدة وراي ومدت لي القروش ادفع ولما جينا نازلين م دفعنا وخلتهم معاي بس كدا (طبعا قالتا عشان م تحس باحراج قدام صحباتا م عشان تدافع لي نبأ💔)
علا: شايفه ي نبأ انتي ليه م بتتغيري انا 4سنة بتكلم معاك بس كاني بنفخ لي ف قربة مقدودة 😒
نبأ:علويتي ياخ دا م وقتو يلا ارح نفطر نفسي ف اقاشي 😍من الصباح مشتهياهو ارح قبل الكافتريا تبقي زحمه
علا:اي اي اتهربي مني كويس 🌚
مشو فطرو واشترو بيبسي وقاعدين جا واحد من اولاد الدفعه عايين ليها مسافه قال ليها لالا م انتي ومشا 😂😂(الشبه مشكله🌚)
علا: الاهبل دا مالو م قاعدة اطيقو الولد دا م عارفه البنات بصاحبو لشنو زاتو
نبأ:علا انتي فايرة مالك 😂اسي المسكين م عمل حاجة جا قايلني سبأ ولما لقا دي م انا مشي خليهو م تشتغلي بيهو نحن مالنا ومال الناس ☺️
علا:واااااي منك الله يديني البرود العندك دا ياااااااخ 😒ابرد من التلاجه لا انتي ابرد من شعب الاسكيمو زاتو 😕✋م تتكلمي معاي
نبأ:شيلي باقي مشروبك دا وارح نسيتي التحدي البينا يلا عشان تخسري وتحولي لي الرصيد 😌✋
علا:وهي قايمة اووووووبااااا انا زاتي الليلة مقررة م احول رصيد وقافله عليك تخسري وتحولي لي يلا بينا م انا البخسر 😎
اتحركو مشو قعدو ف بينش كدا وبقا يزاكرو والاسئلة مسخنه واي واحدة ماشاءالله اشطر من التانية ساعه م سكتو زيتو المادة كلها وم غلطو لسة نبأ شغاله ليها لسة عندك علم كبيهو 😎علا اخخخ خلاص استسلمت ياخ كملنا المادة زاتو وم ف واحدة غلطت 😔شكلي ح احول رصيد من قروشك ي بابا (ابوي لو عرف انا مكملة قروشو ف الرصيد ببيعني انا وتلفوني 😂😂😂)
طلعو مشو الاستراحه لقو ناس سبأ قاعدين يتمكيجو ويضاحكو ساي من شافتهم دانة قالت المجتهدات جيتو 😉علا :اي والله قلنا نرتاح شوية بس شكلو المكان زحمه 😪
دانة:لا ي حبيبية تعالي نحن اصلا طالعين بعد كدا
نبأ:هههه دندون ياخ اقعدو علا دي جنها هظار تقيل م تزعلي منها
ميسو:الهظار نحن قدرو بس المطاعنة بالكلام وحركات الناس الشايفين روحهم م بتعجبني والله 😑
نونة:يلا ي سبويتي ارح نشرب لينا حاجة باردة وندخل المحاضرة م فضل فيها كتير وبعدين عايزاكم تقدموني السوق
سبأ:يلا بيبيهاتي ارح نبو وعلو ارتاحو نتلاقي ف القاعه باااااي 😗
الجو بقا مشحون ومكهرب بين صحبات سبأ وعلا اصلا من ف الثا
نوي م بطيقهم نهائي وعلي الحظ العليها جو جامعه واحدة ونفس المجال قالت الله يصبرني وقعدو شوية اتوضو صلو الضهر وطلعو علي اللكشر بعد ساعتين طلعو الشمس كانت حارة والدنيا صيف ناس سبأ قالو داخلين السوق مع نونة ونبأ قالت طيب انا بتقدم نتلاقي ف البيت سبأ قالت ليها امي لو سألت قولي ليها مشو السوق مع صحباتا بس وطبعا كان معاهم 4اولاد من ضمنهم متولي وتلاتة اصحاب ناس نونة وميسو ودانة واحد فيهم عندو عربية اسمو مصعب دا حبيب ميسون خريج خلاص والتاني حبيب دانة اسمو ماهر والتالت مكسر ف سبأ بس عامل روحو تقيل شوية اسمو مازن متولي دا مصاحبهم ساي بس اكتر شي مصاحب سبأ ونونة نونة مخطوبة لي ود عمتا ف السعودية بس شكلها م عايزاهو وامورا ماشة مع اصحابا عادي بتطلع وتنبسط معاهم وممشية امورا وضامنة ليها خطيب 💔
(نفسي اعرف البنات تفكيرهم بقا سطحي كدا ليه؟ الواحدة بقت همها كلو يبقا عندها معجبين وتظبط،روحا وتنبسط كونو ف ناس تعبرا وتتكسر فيها والاكعب من دا كلو عايزة واحد يكون سمح وعندو قروش بغض النظر عن انها بتتفق معاهو او لا تحبو او لا 💔وااااأسفاه عليكي حواء أصبحتي لا تكتفين ب ادم واحد 💔)
المووووهيم م علينا مصعب ساق ميسو ودانة وماهر ونونة والعربية اتملت مازن قال لي سبأ ممكن تركبي معاي اتقت مع مصعب نبركن عرباتنا ف حته بعد نتغدا انتو ادخلو السوق متولي قال ليهم انا راجع البيت عندي امور انتو انبسطو شافتا م ظريفه قالت ليهو اوك بس خلي نقدم معانا ناس متولي لحدي الاستاد هم يركبو من هناك ونحن نواصل اتفقو ركبو طول الطريق علا تشيل وتحمر لي نبأ ونبأ عارفه انو مرات اختها بل دايما بتتصرف غلط وبتحرجا وتدخلا ف مواقف ضيقه بس كالعادة بتتماشي معاها وتسامحا بعد وصلو العربي نبأ وعلا ومتولي نزلو وسبأ ركبت بقدام مع مازن ودورو مشو ف الطريق
مازن:سبو م كنت قايل عندك اخت مزة كدا 😉
سبأ:هههه كلنا مزز م عندنا زول م مز دي عائلة المزاميز 😌👌
مازن:بس انتي غير ياااااااخ 😉كان بعاين ليها
سبأ:عاين قدامك م تموتني لسة بدري علي
مازن:م مشكله نموت سوا ف احلي من كدا
سبأ:يخسي عليك تخلي ناسك لمنو ☺️بعد الشرر. وبعد خررررف
مازن:م عندي شي ل ناسي كفاية انتي معاي 😉
سبأ:اكتفت بابتسامة وسكتت
نشوف ناس نبأ
متولي اوووف بكره العربي دا عشان زحمتو وسخانتو دي ياخ 😣علا اي والله غياظ اسي لو كان ركبنا بحري مالو جايبيننا لي هنا مواصلات زاتو م ف نبأ:حصل الحصل اسي كلامنا م ح يغير شي خلونا نشوف الحافله دي بتكون بحري
مشو ركبو نبأ ومتولي قعدو جنب بعض وعلا قعدت ف الكراسي الوراهم متولي بقا يتونس معاها
متولي:تصدقي انتي واختك م بتتفرزو اسي بفرزوكم كيف
نبأ:بنتعلف والله من الكلام
متولي:ههههههه والماسمع كلامكم او م لكز معاكم
نبأ:هههههه م تتكلم زيي ياخ كفاية كل الناس بتشغلا لي
متولي:هههههههه معليش ياخ بس كلامك حلو
نبأ:بلي م حلو ولا شي بس نقول شنو ابتلاء من الله الحمدلله بس
متولي:ليه ياخ ف احلي من بت اسمها بحرف النون وعندها لدغه ف احد الحروف(طيب وانا ي جماعه برضو اسمي بالنون وعندي لدغتين كمان زول بعبلني م ف 🌚💔شكلن ليكم 💔)
نبأ:بابتسامة ههههههه حرف النون م بحدد شخصية الزول واللجنه دي ممكن يوم تخليني عادي
متولي:هههههه ياخ انتي م بتتحنكي زاتو خليتك
نبأ:احم لابس انت م بتعرف تحنك 😂😂(بعد دا كلو م بعرف يحنك 😂💔)
متولي:امممم ظريف ح اتعلم خلاص م قايلك ظريفه بشوفك زولة جادة شديد عكس اختك
نبأ:يمكن عشان سبو بتدخل ف الناس سريع وهي محبوبة اصلا ومشاغبه شوية الناس بتعرفا اكتر م زيي عشان كدا
متولي:والله ياخ ممكن تقولي كدا بس برضو دي حاجه كويسة فيك خلي الناس هي تكتشفك
نبأ:سكتت شوية وقالت اختك كيف
متولي:اتلفت عليها اخيرا نطقتي 😏افتكرتك ح تكوني ناكرة وم تتزكرينا
نبأ:لا م ناسياكم بس عشان افترقنا ف الثانوي وكدا وتاني ياهو م اتلاقينا وحتي ف الجامعه م كنت متزكراك شكلك اتغير
متولي:ي زولة حاجات واحدة م بتتنسي م هو كلها الثانوي 3سنة بس بتخليك تنسي يعني وبقولو زكريات الطفولة م بتتنسي وسبأ ليه م نست
نبأ:والله انشغالات بس الموهم فعلا حاجات م بتتنسي بس يلا تبقي زكريات وكنا شفع يداب عمر 12سنة واسي كبرنا
متولي:م مشكله الموهم مكانتكم زي م هو ونفس الود الزول م بنسي زكريات طفولتو ولو قضيناها مشاكل اكتر شي بس كل م اتزكرا بضحك عليك م زي م كنتي بقيتي هادية ورزينة شوية
نبأ:🌚اي عقلت شوية واصلا انت الكنت بتتشاكل معاي م انا 😂
متولي:والله قبل شوية م قلتي م متزكرة فجاة؟ ؟؟
نبأ:سرحت بعيد واتزكرت
⏩فلااااااااااااااااااااااش بااااااااااااااااااااااااك ⏮
لونة: ي امي اسي نحن جبتينا الخرطوم وم بنعرف زول هنا ياااخ وصحباتتنا ف المدرسة نحن نقرا ف مدرسة م بنعرفا يعني 😭💔بعدين انا يداب داخله الثانوي م بعرف ولا بت هنا والمدرسة م بعرفا
نبأ:يمة تاني م ح نرجع البلد ح نقعد هنا يعني للابد💔
سبأ:وصحباتي ناس تقوي م ح القاهم تاني
مصطفي:م ح القي ماما منال وماما هويدا تاني الرو
ضه
ح اقراها وين
امهم:اقعدو ي بنات ليان انتي اكبر اخواتك اتفهميني م صغيرة بعد كدا عمرك 15سنة انا ف البلد م بلقي شغل زي هنا والوضع دا محتاج يتغير ابوكم الله يخليهو مشي مصر م سائل منكن وانا محل م خالاتكم ديل قاعدين غلبني اقعد معاهم شايفه بعاملوكم كيف وانتي ي سبأ ناس تقوي ديل صاح بنات خالتك ومتعلقه بيهم شديد بس امهم دي م بدوركم عمي م شفتي لما تمشي ليهم بتطردكم وتقول ليكم انا عايزة ازاكر ليهم وعايزاهم ينومو وعايزة اسرحهم افهمو انتو م صغار اانا المسؤليه دي براي غلبتني عمكم عبدالله كتر خيرو لقي لي شغل سمح هنا ف روضه وانت ي مصطفي ح نسجلك ف روضه سمحه وعندها العاب حلوة وح تلقي فيها مامات جداد وكلها سنة وتدخل المدرسة وانتي ي نبو اكتر واحدة حساسة وعارفه صحبتك واحدة بس كانت بس لسه صغار ح تنزلو تقرو سابعه وتامنة ف مدرسة حلوة هنا فيها بنات ح تتصاحبو ف الثانوي تلقو لونة معاكم هي ح تكون تالته وتعرفكم ببنات وتحرسكم تمشو سوا وتجو سو قلبي مطمئن عليكم ي اولادي م تتعبوني انا بكرة بوديكم المدرسة تشوفوها وانتي ي لونة برضو الله يرضي عليكم م تعذبوني كفاية العلي💔الصباح صحو مشو اول مدرسة ناس سبأ عمهم سجلهم مع اولادو مدرسة خاصه مختلطة اولاد وبنات اولاد عمهم (مؤمتن سنة 8ومزن ف 7)اول م دخلو مزن جاتهم بنات عمو الامين صاح ابوها اي مزونة ديل بنات عمك ح يقرو معاكم سوقيهم وعرفيهم بصحباتك بابا هم ح يقرو معاي هنا ويصاحبو صحباتي(دي م حقادة لانو الشفع بريئين وم بحقدو علي زول بس بعبرو عن غيرتهم بالطريقه دي لما تلقي ابوك مهتم وبدلل ناس غيرك حتي لو اخوانك انت بتغير وتتصرف تصرفات م قدر عمرك )لالا ي مزن بس هم م بعرفو زول وم بعرفو المدرسة لحدي م يتعلمو هم بصاحبو ناس براهم انتي اسي قعديهم جنبك وسيبي الكلام طيب تعالو
ساقت سبأ انتي اقعدي معانا ونشوف لاختك مكان وقفت تعاين الفصل مليان كان ف ولد قاعد ومعاهو جنبو بت عاين لي نبأ واقفة وجات مزن قالت ليهو خليها تقعد جنبك ي متولي نبأ كانت زي الخايفه كدا بتعاين بس وساكتة قال ليها بس،الليله عشان ايلاف م جات لو جات بكرة تقوم ليها طوالي ونبأ قعدت ومسكت شنطتا قال ليها ختي شنطتك ف الدرج طلعتا ختتاا وسكتت البت الجنبو سلمت ليها قالت ليها انا اسمي مأب ودا اخوي متولي وانتي نبأ سكتت م ردت متولي اوبة اسكتي انتي بتتكلمي مع اي زول ساي 😡بكلم ليكي ابوي بعدين 😒نبأ قالت ليهو م تكلم ليها اسي هي سوت ليك شنو(اخيرا محامية الخير اتكلمت 😂 )
حمر ليها قال ليها اختي ولا اختك بكلم ليها انتي مالك ومالنا 😡وبدات الاشتباكات ومن يومهم داك كانت مشاكلهم زايدة وفي سنة تامنة فصلوهم الاولاد ف مدرسة والبنات ف مدرسة بس برضو المشاكل بين متولي،ونبأ م هدت وطبعا هي مصاحبة اختو مأب شديد وهو مصاحب سبأ بس نبأ دي م بطيقا نهائي وف سنة تامنة نص السنة جابو ليهم بت جديدة راقيه ومسكينة كانت جاية من مدرسة تانيه وبتجي بملابس المدرسة الاتحولت منها البنات بضحكو فيها بقولو ليها اليونفورم بتاعك م زي حقنا وبشاكلوها م عدا نبأ صاحبتا البت دي علا 😍بقت نبأ تجي التانية وعلا جات الاولي البنات صحبات سبأ نونة ودانة وميسو طبعا حاولو يفرقو بينهم قالو ليها شالت ليك مكانك عشان كدا علا عندها عقدة معاهم بس علا ونبأ صحبات وفي الاخر ايام المعسكر حق تامنة جابو الاولاد معاهم عشان يزاكرو ليهم سوا وكدا بقو اصحاب هي ومتولي وعلا لحدي م جات سبأ وصحباتا حرشوها وملو ليها راسا قالو ليها متولي كان صحبك زمان واسي علا ونبأ صاحبو بقا مطنشنا وحاولت مع صحباتا كل م يلقو متولي مع نبأ وعلا بقومو وبقولو ليها عايزين نسألك وامشي الفرن جيب لينا عيش للغدا لانو م بخلو البنات يطلعو من المدرسة ولحدي م خربو بينهم ونبأ كانت لاول مرة تتنازل لاختها ومن هنا بدت سلسله التنازلات دي تحت مسمي لكنها اختي 💔
كدا عرفنا علاقه متولي بي ناس نبأ من زمان نبأ رجعت للواقع اثناء م الكمساري طقطق متولي دفع ليهم وبقو يتونسو عادي قالت ليهو سلم لي مأب قال ليها الله يسلمك ونزلو مشو البيت
امها من جات داخله وين سبأ
نبأ:مشت السوق مع صحباتا
امها:انا كم مرة قلت للبت دي من الجامعه م تعمل لي دروب لما تجي
نبأ:يمة اسي بتجي وهي قالت لي اكلمك م ف داعي للمشاكل عليك الله خليها انا بتكلم معاها
مصطفي:نبو م كفرتي لي 😒
امها:طيب امشي ارتاحي وتعالي اكلي تلقاك جيعانة
نبأ:حاضر يمة وانت مالك ي صطوف اكفر ليك ف شنو م تقول لي عجلتك اتخربت عشان م اكفتك
مصطفي:وهو بمد ليها كباية الموية اقعدي احكي ليك الموضوع اكبر من عجلة
نبأ:شالت الموية وقعدت اها خير بس م تقول لي ناس مروة مسافرين وقلبك مكسور زي كل مرة 😒
مصطفي:لاياخ الموضوع اكبر من مرووة وقلبي انت م تسكتي خليني احكي ليك
نبأ:وهي بتشرب الموية اتنفست بعمق اها م تحكي وتريحنا طيب
مصطفي:اخوك بكرة يومو ح يتم 💔
نبأ:تف من خشمك اهبل انت ي ود ولا متخلف والله اسمعك تقول كدا م اخليك تاني
مصطفي:الحقيقه لكن اعمل شنو حاسي اني بكرة ح ا
نتهي 💔
نبأ:مصطططططفي ي تحكي ي تنقلع من هنا م افنك بالجذمة دي🌚
مصطفي:اخخخخ ي نبو بكرة لازم تقيفي جنبي بكرة يوم صعب محتاج ليك معاي
نبأ:بلا ياخدك م تجيب اخلاقي ي يممممممممممممممممممة
مصطفي:خلاص خلاص قالو بكرة النتااااااااااايج(😂😂كما نتايج تامنة ي صفصف انا يوم نتيجتنا كنت بلعب حجلة ف الشارع لحدي م طلعت م جبت خبرا 😂😂😂😂)
نبأ:بغضب الله ياذاك اسي لاعب باعصابي عشان تقول لي النتيجة زح كدا خليني اطلع
امهم :ي بنت انتي لسة قاعدة مع الاهبل دا امشي غيري ملابسك وتعالي اكلي
#سبأ بهناك مشو عفراء اكلو بيتزا ودخلو المول شوية نونة خطيبا رسل ليها قروش وقال ليها تشتري حاجه نظام تقشر ف خطوبة اختو وكدا (وووووووبعليييي بس 💔💔)
اشترت وانبسطو وطلعو متاخرين الساعه كانت 5ونص مازن مشي يوصلا قالت ليهو سررررريع عليك الله امي بتسوي لي موضوع قال ليها اختك تتصرف ليك معاها
سبأ:انت م بتعرف نبأ دي والله خوافه م بتعرف تتصرف ياخ دايما بتوقعني ف المشاكل(خيرا تفعل شرا تلقي سامعه ي نبأ 🌚💔)
مازن:اوووف ياخ كنت عايز اتونس معاك شوية ونلف بالعربية بس
سبأ:مرة تانية الليلة انا اتاخرت والله واسي الله يستر امي م تعمل لي موضوع
مازن:خلاص ي بيبي عشان م يشاكلوك بسببي م برضاها ليك ح اوصلك بس توعديني تطلعي معاي مرة تانية
سبأ:اوووكيشن ☺️
وصلا نزلا ف المحطة حقت المواصلات ومع نزلتا لقت لونة ف وشها
لونة:سبأ دا منو النزلتي من عربيتو دا 😏
سبأ:ما،، ما،، ما،،،دا مازن زميلي ف الجامعه
لونة:وصلت معاك يجيببك بالعربية لحدي الحلة اسي اتخيلي امي ولا واحدة من النسوان شافوك وبقو يتكلمو فينا 😒دي اخر تعب امي ف تربيتك
امي التعبت فينا وياما تتباهي وتقول بناتي بالف ولد وم قصرت فينا ي سبأ اخرتا عايزة تجي تلقاك نازلة من العربات وانتي جاية من وين 😡
سبأ:لونة م تفهمي غلط،انا قلت لامي ماشة السوق وهو قدمني عشان م اتأخر م ف مواصلات بس،والله
لونة:الموهم م تكرريها ي سبأ انا بتكلم كدا لمصلحتك 💔وعشان الناس م تقول شي ف تربيتنا😊
وصلو البيت قريب للمغرب امهم كانت متوضية ماشة تصلي م اتكلمت معاهم بعد خلصو صلاتهم سالتهم اتاخرتو ليه
سبأ:يمة مشيت السوق نبأ م كلمتك
امها:طيب تلفونك دا وين انا اتصلت ليك كم مكالمة م بتردي ليه، ؟وبعدين دي المرة الكم ي سبأ انا اقول ليك م تطلعي م من الجامعه مكان؟
سبأ:معليش بس نونة خطوبة حماتا الاسبوع الجاي وقالت اقدما السوق ومشينا المول معاها
امها:امشو جهزو الغدا نبأ دي جات من العصر وقالت بتنتظركم
لونة:نبويتي بقيتي كيف 😍
نبأ:تمام حمدالله ع السلامة جيتي
صطوف:لونة وين القلت ليك جيبي لي 😒(الود دا طبيعي صاري وشو 🐸)
لونة:هههههههه م جبت ليك بس هاك دي 20بتكفيك
نبأ:🌚انتو بتخططو لشنو سوا مصطفي بقيت تخبي عني 💔
صطوف:لالا ياخ معقولة بس كنت عايزا تجيب لي حاجه وم جابتا واسي ادتني 20عشان تخارجني بس قولي لاختك الجبارة دي م عايز قروش والحاجه م بي 20خلي عشرينا دي تشتري بيها فير يمكن ينفعا😒
لونة:ههههااااااااااي والله لكن ي مصطفي كبرت وبقيت تكشح برستيجي ماشي ي حبيبي بكرة بجيب ليك الحاجة م تزلني
مشو اكلو وقعدو اي واحدة ف تلفونا نبأ دخلت الواتس لقت متولي مرسل ليها جهة اتصال وقال ليها مساء الخير 😍
دا رقم اوبة م كلمتها فاجئيها اتونست معاهو شوية وقالت ليهو ثانكس😍❤️قال ليهو العفو اخيرا خلصنا من الدراما دي! 😂قالت ليهو اي دراما🌚قال ليها حقت انك عامله روحك م بتعرفني وكدا 🌚ياخي وانت زاتك كنت عامل روحك م بتعرفني عشان كدا 😂😂
اتونسو شوية ودخلت لمأب ف الواتس اتونسو وعملت ليها مكالمة فيديو اثناء م بتونسو جات سبأ نبأ قالت ليها سبو اتخيلي بتكلم مع منو 😍جات قالت ليها منو لقتا مأب اتونسو شوية وبعد قفلت
سبأ:نبوو لميتي في اوبة دي وين الليلة
نبأ:اداني ليهو متولي
سبأ:الحيوان يوم م جاب لي سيرت اختو
نبأ:هههههه بكون كالعادة نسيتي وم سألتي عشان كدا
سبأ:بكون انا اصلا كنت ناسياها زاتو هي صحبتك انتي اكتر شي
نبأ:م مشكلة الموهم هي م نستك
سبأ:امممممم كويس والله شايفاكم اتصاحبتو مع متولي الايام دي
نبأ:لالا م ف شي من دا والله بس قال بشرح لينا وكمان ركب معانا قبيل واتكلمنا شوية سالتو من مأب اداني رقما بس
سبأ:هههههه ومالك مخلوعه كدا ي بت عادي عادي انا م عندي ليهو شي دا كان زمان كنا شفع ف الثانوي صاحبيهو ساي اسي هو زيو زي اي زول بس
لونة:سبو طبعا م حكيت ليك وااااااي
نبأ:بقت تعاين ليهم بس
*طبعا كمية التجانس بين سبأ وليان بظهر ف حاله يكونو طالعين سوا او لما يحكو لي بعض مشاكلهم وونساتهم بس نبأ عشان م بتتفاعل معاهم م شغالين بيها هي م بتحكي شي وهم م بحكو ليها بس بتقعد تسمعهم مرات بتديهم رايا ف موضوع*
سبأ:احكي مالك
لونة:الليلة ملاذ م شفتيها قاعدة تتونس مع مؤيد كيف 💔وهو يشيل ويضحك معاها احيييييييية انا 💔
سبأ:ههههههه شلبوكي خلاص قبل تبدو القصه انتهت
لونة:لالا م كدا م هي الحيوانة انا عشان متكرشة فيهو وكدا قالت لي دقي
قه اناديهو ليك تقري عينك وبقت تتظارف الجزمة معاهو وهو م قصر وانا قلبي واجعني💔
سبو:هههههه اقعدي اتقلي كدا لما يسلك امورو مع ملاذ شايفاهم قبيل ف قروب تاقها ف منشور حق حاجة حلوة ف حياتك بحرف الميم عمل ليها تاق انتي اقعدي لي 🌚
لونة:وووووبعلي م تقوليها بموت انا عارفه هو وملاذ اصحاب بس ياخ الغيرة حقيرة لاترحم
نبأ:ممكن اقول ليكم حاجة
سبأ:انتي قاعدة يعني 😀😂😂
لونة:نبو عليك الله لو ح تقعدي تنصحيني انا م ناقصه
نبأ:اوكي خلاص اقعدي م بسألك
سبأ:انتي م بتفهمي ف الامور دي ي نبو الحب دا اعمي يعني انت مرات بكامل وعيك بتتصرف تصرفات مجنونة لما تبقي قدام الزول البتحبو وبرضو اسي هي محتاجة لينا نواسيها م نقعد ننصحا نصايح العاقلين دي 🌚
لونة:انتو م حاسين بي ياخ الود مكسرني من م شفتو بس انا م بقدر قدامو لساني بتربط وبسكت وهو احيييييييييية انا بس 😭💔
نبأ:خلاص م دخلي صحبتك ف الموضوع موش بتحبيهو براك م كل شويتين تقولي لي ملاذ امشي اتكلمي معاهو ونادي اشوفو كدا ح تستفيدي شنو واحتمال كبير ملاذ تعجبو وتنسي انك صحبتا زاتو وتطلعي انتي،ساي
سبأ:لاحولا ولاقوة الا بالله دي انتي ي نبأ البتعتبري الصداقه حاجة مقدسة شكلك اتغيرتي وغيرتي مبادئك
لونة:دقيقه دقيقه كلام نبو فيهو شي من المنطق اسي يمكن هو يفتكر ملاذ بتحبو وملاذ تفتكر انو هو بحبها وتنشأ علاقه بينهم وااااااي م بقدر💔
سبأ:هبله انتي موش ملاذ بي زولا وكمان فاهماك م ف داعي تخافي
نبأ:صدقيني الحب اعمي انتي اسي قلتيها يمكن ف لحظة يتغير كل شي يستحسن ف الزمن دا م تثقي ف زول 💔
اتناقشو قريب ساعه الموهم بعد نقاش عقيم بين نبأ وسبأ لونة قررت تطلع صحب
تا من القصه وتنتظر اليحصل يحصل 💔وسبأ قالت ليها يوم الخميس كدا انا بمش اشوف مؤيدكم دا عامل كيف لو عجبني طوالي لونة قامت ليها شنو هو اسامة خليتو ليك بس والله مؤيد دا ولا تفكري زاتو ونبو بقت تضحك فيهم 😂😂جنس رقاد وانبررااااش قضو اليوم كلو كدا يتناقشو ويخططو لما نامو
يتبع.......
