الصباح صحينا جهزنا وطلعنا اتلاقينا مع اسامة ف الشارع سلم لينا واقفين للمواصلات جا كريز فيهو مقعد واحد بس ركبت لونة لانها قالت ح تتاخر نحن فضلناواقفين مسافه كدا جات حافلة ركبنا كان هو مشمع مدا لي الدفتر حقو مسكتو ليهو سبأ قالت لي واااااي ي حليلو ياخ اسي ناس زي دي تشمع ضحكت قلت ليها حال الدنيا😂😂قالت لي عايني ليهو ياخ حمرت ليها قلت ليها خلاص وطي صوتك ح يلاحظ والله 🌚قالت لي م مشكله اليلاحظ ساي دا الانا عايزاهو زاتو بنتكلم كدا تلفونا اتصل بقت تتكلم نزل زول سبأ رجعت ورا جا اسامة قعد جنبي قلت ليهو اخيرا ضحك قال لي اي والله حالتو امي قالت لي اوصلك بالعربية بس انا ابيت قلت ليها بتاخريني قلت ليهو كان احسن لو انتظرتها 😂قال لي لا يااااخ م كان ح القاك اسي تاني صلح كلامو قال لي ح القاكم 😂قلت ليهو كيف الدراسة قال لي الحمدلله م فضل كتير وانتي كيف قلت ليهو ماشي الحال☺️قال لي كليتكم دي جادعينها بعيد كدا ليه *هههه م عارفه والله *قاعدة تفوتكم حاجات سمحة ف السنتر *سبأ طوالي بتمش لكن انا نادرا م امش*طيب لو عزمتك م ح تجي*نططة عيوني 😳 قلت ليهو اممم والله علي حسب جدولي*قال لي يوم الاتنين شغاله كم محاضرة*لاب ومحاضرة بس*طيب تجيني ف كليتنا ونمشي سوا ف عندهم يوم ثقافي *سكتة مسافه عاين لي قال لي ولا م بتعرفي كليتنا وين😂*لالا بعرفا ومشيتا مرتين*خلاص اتفقنا اديني تلفونك عشان نبقي علي تواصل*سجلت ليهو رقمي جرس لي سيفت رقمو واتفقنا*سبأ وقفت الحافلة قالت لي ارح م كنت منتبها معاها زاتو قال لي تصلو بالسلامة ونزلنا سبأ قالت لي اتخيلي مازن طلع ساكن ف كافوري وقال لي تاني كل يوم بجيني ونمش الجامعه سوا قلت ليها بي خلعه كدا وانتي وافقتي😱قالت لي بري طبعا عملت روحي تقيلة😌✋قلت ليها مازن دا م عارفه بس حاساهو ماسك بيك زمن احسن تسيبي دربو ضحكت قالت لي براهو البعرف يمسك زمن انا زاتي م عندي ليهو اي شي هو بكرة ح يتخرج وينسي وانا بنسي ايزي م تشيلي هم قلت ليها اوك قالت لي اها وانتي كنتي بتقولي شنو مع اسامة قلت ليها قال لي اجيهو يوم نمشي السنتر عندهم يوم ثقافي قالت لي كويس والله وركبنا هي طلعت تلفونا اتصلت لصحباتا وانا فتحت تلفوني لما وصلنا قالت لي ارح معاي اكلم مستر غالب اني ح احضر معاكم اللاب قلت ليها طيب مشينا مكتبو دخلنا سلمنا كان متجه عكسنا قال لينا اتفضلو انا سكتا سبأ قالت ليهو ي مسترعندي ظروف حاصله انا عايزة احضر اللاب مع قروب Bقال ليها وانتي ف اي قروب قالت ليهو Cكل دا وهو مشغول بي حاجه ولا عاين لينا زاتو قال ليها بس معروف العدد مكتمل واي زول يحضر في القروب بتاعو لشنو عايزة تغيري التفت علينا لما اتخلع قالت ليهو لموضوع سفر و قبل تتم كلاما قال ليها كويس م مشكله بس زكريني احضر ليك قالت ليهو شكرا وطلعنا طوالي قالت لي مرض مالك ساكتةانتي م تتكلمي معاي قلت ليها انتي العايزة يبدلو ليك انا لو اتكلمت ح يقول لي انتي دخلك شنو مشينا اللاب لقيت علا جات سلمت عليها وسلمت لمتولي قال لي سبأ الليله جابك لابنا شنو قالت ليهو جيت احضر معاكم عندك اعتراض علا عاينت لي قلت ليها م تعايني لي كدا كلمت الدكتور😂قعدنا اول م الاستاذ جا داخل وبدا يشرح لينا سبأ قالت لي تاني ح احضر معاكم قلت ليها اسكتي طوالي الاستاذ عاين لينا بعد اللاب خلص بدا يشيل الحضور قال لي شيلي المفتاح دا افتحي درجي جيبي لي حضور قروب Cعشان انا كنت قاعدة اول واحدة شلتو مشيت المكتب لقيت عندنا دكتور اسمو عبدالله ظريف كدا قال لي توينز كيفك سلمت عليهو قال لي عايزة شنو قلت ليهو مستر غالب رسلني قال لي رسلك لا لسلك😂😂بقا يضحك انا خلاص بقيت قدر السمسمة قال اتفضلي فتحت الدرج شلت الحضور وطلعت مشيت وديتو ليهو لقيتو خلص حضر لي سبأ وطلعنا سبأ قالت لي واااااااي انا قلت ليها عليك الله ي سبو م تبدي لينا انبراشاتك دي م ناقصين من اول الصباح 🌚نزلنا تحت تلفوني اتصل دا احمد اول م فتحت الخط:سسسجم وين انتي:ح اكون وين يعني:تعالي مكانا الكنا بنتلاقي فيهو طيب وقفل الخط حيوان🌚قلت لي علا علوش تعالي معاي قالت لي علي وين ان شاءالله قلت ليها انتي مالك تعالي بس خليت سبأ واقفه مع صحباتا قلت ليها شوية كدا بتصل عليك عشان نطلع قالت لي اوك مشينا اول م وصلنا شايفه احمد واقف جا علينا علا بقت متصمغه ف حتتا قال ليها سبرايز😍احممممدد اصلو م بصدق 😍كيفك ياخ قال ليها خشي خشي حضن 😂😂😂قلت ليهم نحن ف مكان عام ممكن تحترمني 🌚قال لي سجم ياخ الشوق واقفين ربع ساعه بنتسلم اي والله دا كلو سلام ونبز 😂قال لينا تعالو نفطر بعداك نتفاهم قعدنا وديك الونسة والشمارات طبعا السجم دا متكرش ف علا 😂😂وهي زاتا متكسرة فيهو بس قايلاني م عارفه وانا عامله روحي م عارفه😂😂😂اتونسنا قال لينا والله جبت ليكم هدايا بس نسيتا هناك ياخ 🌚قلت ليهو مالك م نسيت نفسك 🌚علا قالت ليهو م مشكله النية واصله(م قلت ليكم مكسرة فيهو 😂)قال لي اتعلمي عليك ا
لله كوني كيوت زي علا كدا قلت ليهو لما انت تبقي زيها انا ح ابقي😂وقعدنا نتشاكل ونتونس زي ساعه كدا قلت ليهم انا ماشة نحن مسافرين مفروض نتحرك قال لي علي وين قلت ليهو بورتسودان قال لي ليه🌚قلت ليهو وانت مالك بتحقق معاي كدا 🌚علا قالت ليهو عرس بت خالتا 😂قال لي اصلا الله يخليها تمشي تبارك للناس يوم م سمعنا انو نضمو فيها ولا بالغلط😂😂قلت ليهو كل البعرفهم سجم زيك كدا😂😂😂قال لي معليش ياخ انا زاتي عايز اخطب يلا انتي خليك قاعدة كدا حبيت اغيظو قلت ليهو علا قاعدة معاي🌚م خايفه حمر لي وعلا دي ملامح وشها اتغيرت من هو قال كدا وبقت ساكتة قلت ليهم يلا هوي انتو رمتالة ساي اقعدو اتونسو بس م تقطعو فيني🌚قال لي يلا يلا وريني عرض كتافك قلت ليهو ليك يوم ودعتهم وطلعت اتصلت لي سبأ قالت لي انتظريني جمب البوابة مشيت وطلعنا رجعنا البيت شلنا القروش وملابسناوامي دي وصتنا جنس وصايا ساعه هي بتتكلم معانا 😂😂حالتو نحن م ماشين برانا ماشي،معانا مؤتمن ولد عمي عبدالله الموهم طلعنا اتصل علي مؤتمن قال لي وين انتو قلت ليهو جمب البيت جانا بالعربية سلم علينا سبأ قالت لي م ظريفه الاتنين نركب معاهو ورا هوم سواقنا اركبي انتي قدام قلت ليهااركبي انتي ياخ قالت لي ياخ انا م عايزة اتونس عايزة افتح تلفوني اركبي انتي قال لينا يلا م نتاخر ركبت معاهو وبقا يتونس معاي هو اكبر مننا بي سنة وقرينا الاساس سوامع اختو مزن هوكان ف 8لما جينا م عندنا معاهم احتكاك كتير صاح ود عمي بس نحن م بنتزكر اخر مرة مشينا بيتهم متين امو وامي م متفقين لكن ابوهو كويس معانا وبقيف معانا طوالي وامي بتحترمو شديد وبتستشيرو ف امونا طوالي لما قلنا مسافرين كلمتو وقال ليها خلاص برسل معاهم مؤتمن هو زاتو يمشي يشوف ناس حبوبتو وعماتو لانو طول منهم (حبوبة ام ابوي)هو ود هادئ ونادرا م يتكلم كتير بدرس هندسة معمار سنة تالتة بقينا نتونس وسالتو من اختو مزن والدراسة وكدا سبأ فاتحه تلفونا م شغاله بينا قال ليها شنو ي سبأ ساكتة كدا وبعداك قفلت تلفونا بقت تتونس معانا ماشين مسافه تلاته ساعات كدا نزل جاب لينا بارد وكيك وموية قال لينا الرحله طويله بتكون جوعتو عدينا اليوم كلو امي كل شوية تتصل لينا وصلنا متاخرين قال لينا انزلو بيتو ف بيت حبوبه والصباح امشو لناس خالتك قلت ليهو لالا البيت بعيد شوية واصلا بكرة المناسبة خلي نمش ليهم اسي وبنجي لناس حبوبه مرة تانية ودانا اول م وصلنا بيت خالتو نجوي البيت كان مليان السلام ساي عايز ليهو ساعه كل شويه يقولو لينا امكم وين كرهونا زاتو من لقيت خالتو نجوي سلمت لينا قلت ليها خالتو ندي وين قالت لي تلقيها هناك مشيت سلمت ليها حضنتني بقت تبكي وانا ابكي معاها قعدت جنبها وتونس فينا جا خالو محمد داخل طبعا زول صعب وصارم كدا سلم لينا قال لينا كيف امكم تخلي بنات يجو من هناك سبأ قالت ليهوجابنا مؤتمن قال ليها ودا يطلع منو قالت ليهو ولد عمي عبدالله قال ليها طيب هي وقت عايزاكم تجو كان تكلمني ارسل واحد من اولادي يجيبكم بس اصلا راسا قوي وم بتسمع الكلام وطلع مشي يلا قبل اي شي اعرفكم خالتو نجوي اكبر من امي عندها بتين وولد(تبيان عمرها 22تقوي قدرنا كدا ومحمد ف سابع)خالتو ندي اصغر من خالتو نجوي عندها بت وولد(مأب ف تامن ومعاذ ف خامس)خالو محمد دا اكبر ناس امي(عندو منذر عمرو 24 خريج محاسبةشغال معاهو ومؤيد 22خريج اداب لغه انجليزية)وخالو احمد دا حنين شوية. وبحب ماما وم برضي زول يزعلا عندو بت واحدة مسميها علي امي نجاة قعدنا مع خالتو ندي جابت لينا عشاء وقالت لينا ادخلو استحمو وارتاحو قلت ليها تقوي وين انا مشتاقه ليها قالت لي ف بيت ناس عمها قلت ليهاضروري امش اسلم ليها قالت لي اكلي واستحمي وبنادي مأب توديكم ليها سبأ قالت لي انا تعبانة وم ماشة اضافه لي انو بنات عمها ديل انا م بحبهم قلت ليها نومي طيب انا بمش ليها وفعلا طالعه كدا مع مأب لاقيت خالو احمد حضني وبقا يسلم لي لما عيونو دمعت الناس تعاين لينا وبقو يتكلمو ديل بنات نجاة وفتحو المواضيع القديمة وعملو ليهم موضوع بينا💔خالو قال لي نبويتي شنو الجفا دا معقوله بس م تسالو من اهلكم قلت ليهو والله في بالنا ي خالو بس ساقني معاهو وداني لي مرتو سلمت عليها طبعا ظريفه وحنينه زيو كدا وقال لي للاسف نجاة نايمة كان تفرح لما تشوفك دايما بتسألني منككم بوستها وقلت ليهو ماشاءالله بتك تشبه ماما قال لي عشان كدا سميتا عليها قال ليها ي بدور اعملي ليها عصير قلت ليهو لالا والله انا مليانة ماشة لي تقوي ف بيت عمها قالو لي اسلم عليها قال لي خلاص امشي وتعالي نومي بهنا مع بدور دي الحوش داك مليان م ح تلقي مكان قلت ليهو طيب طلعنا بتونس مع مأب قالت لي انا دايما بسأل امي منكم قلت ليها ي حليلك ياخ جا ولد طالع وقف قال ليها مأب ماشة وين مع الزمن دا ودي منو المعاك دي قالت ليهو بت خالتو نجاة ماشة اوديها لي تقوي قال لي اوووبت عمتي كيفك قلت ليهو اهلين قال لي م عرفتيني ولاشنو قلت ليهو منذر ولا مؤيد قال لي ا
نا منذر مد لي يدو قال لي نبأ ولا سبأ قلت ليهو انا نبأ ضحك قال لي اللجنة كيفك *ههههه تمام الحمدلله انتو كيف*عايشين والله فاقدينكم بس*م تفقدو عزيز ي رب ومبروك لي تقوي *الله يبارك فيك وعقبالك *تسلم قال لي اتفضلو م ااخركم مشينا البيت كان قريب دخلنا ف غرفه كلها بنات ودتني ليها مأب قالت ليها توتة شوفي منو جا قالت ليها منو قالت ليها بت خالتو نجاة صرخت قالت ليها قولي والله جات حضنتني وبكينا جنس بكا البنات يحنسو فينا قالو لينا ليكم كم سنة م اتلاقيتو اصلو تقوي دي كانت اعز زول. عندي يمكن هي اقرب لي من سبأ اليوم كلو بنقعد سوا رغم انو امها بتمنعامني وامي بتحذرني امش معاها البيت بس برضو م بنفترق وف المدرسة سوا لدرجة لو ابوها جاب ليهم حاجه ف البيت موز حلاوة بسكويت اي شي بتجيب لي معاها
(م ف احلي من شعور يكون عندك زول بحبك شديد من دون الناس بعاملك معاملة خاصه بميزك عن الجميع يشاركك ادق تفاصيلو فرحو وحزنو❤️ سعادتو م بتكتمل بدونك اول م يحصل معاهو شي انت اول زول بيخطر علي بالو❤️)
انا م مصدقه ياخ بقيت ماسكاها من يدها ودموعي حالفه م تقيف وهي تشيل تقش لي دموعي وتقول لي خلاص نبو انا جنبك ح نقضيها بكي يلا انا الليله م ح انوم تونسيني للصباح دا احلي يوم ف حياتي سألتني من امي واخواني قالت لي جات معاك لونة ولا سبو قلت ليها سبأ بس تعبانة نامت قالت لي بكرة بلاقيها تعالي احكي لي اخبارك شنو بقينا نتونس بنات عمها قالو ليها خلاص بيعتينا قالت ليهم ابيعكم وابيع السودان كلو عشان نبأ دي ضحكو قالو ليها كويس قالت ليهم يلا ح تكون من الشباين بكرة قلت ليها مجنونة انتي انا م جاهزة قالت لي انا جهزت ليك الفستان عليك بالمك اب بس 😂قالت لي ومالك قال صغيرونة كدا 😂😂😂قلت ليها يخسي عليك م شايفه الطول دا قالت لي قولي راء😂😂😂لبعتها قولتا ليها ابيت بقو يضحكو فيني اتونسنا للساعه 2حتي قالو ليها نومي بكرة م تجيك حالات تبقي زي دب الباندا 🐼قلت ليها طيب انا برجع الصباح بجيك قالت لي لالا والله تنومي معانا هنا يلا زيحو ليها رقدنا الصباح ساقوها الكوفير قالت لي بعدين وصيت ليك بتين مت بنات عمي يجيبوك لي ف الكوفير قلت ليها اوك لبعدين مشيت رجعت لقيت سبأ شغاله 😂😂💔قعدت اضحك فيها قالت لي حالتي قلت ليك م تبعيني من الصباح الناس شابكاني سلام وشغله يلا اترزعي جنبي هنا قعدنا لحدي بعد الفطور جاتني بدور قالت لي فطرتو قلت ليها لسة والله من قبيل مشغولين ساقتنا بيتا وجابت لينا اكل قعدنا مع بتها تونسنا ساي كيوتة شديد ياخ اول مرة احس بمعني الحياه لما تعيشا وسط اهلك عن كمية. السعادة البتغمرك لما ناسك واحبابك يكونو جنبك وتتشارك معاهم الفرح صاح نحن اسرة كبيرة بس الترابط كان ضعيف جدا يعني انا عندي اهل اول مرة اشوفهم وخوالي وخالاتي واولادهم ديل كلهم ناس مننا وفينا مفترض دايما نكون معاهم فرحه العيد والمناسبات م بتحلي بدون الاهل 💔
انا كنت مبسوطة شديد واي زول القاهو بسلم عليهو وبتونس معاهو سبأ ساكتة بس اصلا هي م بتحب اللمة والجوطة دي طلعنا قلت ليها تقوي سالت منك قالت لي يسال منها الخير امي اتصلت لي اتكلمت معانا واديتا خالتو نجاة والتلفون لافي اتكلمت مع كم نفر بعداك شلت تلفوني وملابسنا وطلعنا عشان نمشي لتقوي معانا بنات اتنين واقفين جا منذر سلم علينا وقال لينا علي وين قلنا ليهو الكوفير قال لينا زمن الصلاة قرب م بتلقو مواصلات تعالو اوديكم بالعربية كلهم ركبو ورا خلوني معاهو بي قدام يلا اصلا انا اكتر زول بعرف اهل امي لاني من صغيرة بقعد معاهم كتير عكس اخواني اتونس معاي وقال لي بتقري وين وتخصصك شنو وكدا مالكم م بتتواصلو معانا خلينا ننسي مشاكل اهلنا وم تنقطعو مننا انا زاتي دايما بمش الخرطوم لكن عشان م عندي تواصل معاكم
وشال رقمي قال لي خلاص تاني لو جيت بجيكم هناك قلت ليهو ان شاءالله وصلنا الكوفير واتجهزنا انا قاعدة جمب تقوي بعد العقد راجلا اتصل ليها وقاعد يتكلم معاها شوية كدا قفلت منو جات بقت تبكي قلت ليها تقوي ياخ م تخربي اليوم دا افرحي سبأ جات شغاله ليها احيييييا انا متين ابكي كدا 😂😂😂💔كلهم بقو يضحكو فيها قالو ليها محدثتنا البايرة وبقينا نتونس ونضحك المسا كدا الغدا كان ف الصاله جونا بالعربات وهججنا وكوركنا الظلط دا كان علي حسابنا بس كان يوم حلو خلاص 😍وصلنا الصاله انبسطنا شديد عشان العرسان مسافرين وكدا بعد الساعه 7الجو هدا ولا كانو كان ف عرس منذر قال لينا رايكم شنو نمشي نتمشي ف الكورنيش واوديكم تتفسحو شوية قلت ليهو اوك سوقنا البنات الكبار بس الشفع رجعناهم يلا تقوي عندها اخت اكبر منها اسمها تبيان هي اكبر من لونة بي سنه عمرها 22الناس قاعدة تشغلا ليها قالو ليها اختك الصغيرة عرست خلتك وكدا قالت ليهم انا قلت م عايزة اعرس الا اخلص الجامعه وتقوي م عايزة تقرا سبأ قالت لينا والله القراية دي مشوار طويل ساي انا لو جاني زول بعرس طوالي انا قلت ليها بالعكس والله تقري وتخلصي حتي تفكري ف العرس منذر قال لينا اسي المواضيع خلصت يعني لما تتكلمو ف عرس وم عرس مؤيد قال اصلا البنات ديل كدا دي بس مواضيعهم جانا مؤتمن عرفتو بيهم قلت ليهو ديل اولاد خالي وعرفتو بالبنات مشينا محمد قال لينا تعالو اوديكم مكان حلو مشينا ركبنا المركب الزجاجي فظيييع بتشوفو الموية تحت معكوسة والاسماك 😍حاجه قمة الابداع انبسطنا شديد واتعشينا رجعنا البيت الساعه 1وصلنا مؤتمن قلنا ليهو بكرة ح نجي نسلم لناس حبوبة ونرجع قال لي خلاص كويس وقت راجعين انا رجعت مع مؤيد وبنات عمو وسبأ وتبيان ركبو مع منذر وصلنا البيت قلت ليها اها لسة ف نظرك بنات عم تقوي حقارين قالت لي بالعكس ظريفين ساي كنت ظالماهم قالت لي البلد حلوة ي ريت كنا قاعدين فيها قلت ليها للاسف الامنيات م بتتحقق ضحكت قالت لي ومنذر دا مالو فجاة قلت ليها مالو قالت لي بري يتظارف ساي قلت ليها عشان نحن طولنا منهم وكدا بس مشينا نمنا الصباح من شراب الشاي جهزنا حاجاتنا وودعناهم ومشينا لي بيت حبوبة سلمنا عليها ودخلنا بيت عمي علي سلمنا ليهم وقلنا لمؤتمن يلا عشان م نتاخر الساعه كانت 9صباحا قالو لينا الا تفطرو ومالكم تقعدو مع خالاتكم وتجونا واقفين الموهم كلام اهل الابو المعروف داك قعدنا فطرنا معاهم واتحركنا اول م وصلنا قعدنا نحكي ليهم امي قالت لينا اخر مرة قاعدين كدا ابوي جا نسيت هو قال جاي يوم الخميس سبأ دي جرت حضنتو وسلمت ليهو وبكت ي سبحان الله سبأ دي لو مات زول الدموع بتفتشهم فتيش 😳اسي مالا انا سلمت ليهو وقعد يتونس معانا سبأ دي من جنبو م زحت ومصطفي قاعد بجهتو التانية حاضنهم وقاعد معاهم قال لي شنو ي نبأ قاعدة جنب امك كدا قلت ليهو ساي بس كيف ناس عاصم قال لي كويسين يسلمو عليكم سبأ قالت ليهو جبت لي الحاجات الوصيتك عليهم قال ليها لو م جبت ليك انا اجي لشنو رسل ليان جابت شنطتو فتحا طلع ليها مكوي سيرامك و3صناديق مكياج قال ليها واحدة ليك واتنين لاخواتك وطلع بناطلين قال ليها بس حذاري القاك لابساهم بدون عباية 😂شالت اتنين وادتني واحد ليان قالت ليها انا زاتي عايزة قالت ليها انتي كبيرة م ف ليك وطلع حاجات كتيرة بقا يشوفنا ويوزعهم لينا طلع تلفون قال ودا لي سبأ قالت لي اجيبو ليها قالت واااااي ياااخ من زمان عاجبني اخيرا مصطفي قال ليها طوالي تديني تلفونك قالت ليهو كويس وطلع توب قال دا لي ست الكل كلنا عاينا لامي ابتسمت قالت ليهو كويس م نسيتني
((علي الرغم من انو ف ناس بتكون سبب جروحنا بس برضو م بنقدر ننسي انو ف يوم من الايام كانو السبب ف فرحنا عشان كدا علي قدر م يجرحونا ويغلطو علينا لاشعوريا لما يعتذرو بنسامحهم ونرجع معاهم زي اول ولا كأنو حاصل شي)
قال زول بنسي ام بناتو مصطفي قال ليهم سويتوني بت خلاص😂😂💔الناس ف شنو قطع اللحظة الرومانتيكيه ابوي حضنو قال ليهو لاياخ انت سيدهم زاتو سبأ قالت راسو م يكبر براهو كبير اتونسنا كان يوم حلو وشايفه ماما مبسوطة
طوالي دخلنا نمنا😴😴
يتبع......
