نرجع محل م كنا🌚💔شايفاكم رجعتو بالزمن ل22سنة ورا اصحو نحن بنحكي قصه ناس،سبأ ونبأ خالتو نجاة دي انتهينا منها زمان 😂😂
نبأ قامت استغفرت وغسلت وشها وصلت المغرب ورقدت جاتا لونة نبوويتي بقيتي كيف تمام انا طيب سمعينا صوتك ياخ البيت مسيخ بدونك جات سبأ اي والله ياخ من الصباح م اتشاكلت مع زول مصطفي قال ليها رايك شنو اديك البوكس دا 👊لما اغير ليك معالم وشك الجغرافية 😈هيي انت ي فصعون احسن م تتراهق فيني واسكت 🌚💔انا م قدرك ي صفصف اولا م تقولي لي صفصف شايفاني بت😡وتانيا م تتكلمي معاي بت عاررض خلاص 😒لفي بلاي وشك الكلو الوان دا 🌚ياااي خوووفت منك عان دا بلاي انت بتفهم شنو ف المكياج اسكت كدا م ناقصاك نبأ قالت ليهو صطوف تعال بجاي م تحرق دمك معاها 😂😂جا لي نبأ قعد جنبها سبأ قالت م اشوف ولد ف غرفتنا انا عايزة اغير ملابسي سريع يطلع برة 🌚طوالي وقف علي حيلو قال ليها اسي اطرشك ليك مشيتك دي والله 😒سكتت م اتكلمت😂😂(م قلنا نوبة🌚)طلع خلاها ليان لبست وسبأ اتظبطو وطلعو قال ليهو نبو والله م نفسنا نمشي نخليك بس دي مناسبة م بتتفوت 😂ضحكت قالت ليهم عادي عادي انبسطو ياخ طلعو لامهم قالو ليها امي نحن طالعين قالت ليهم اسمعو كويس،العشاء دا يلقاكم جوة البيت انا لو م بيت خالتكم سلوي زاتو م بخليكم تمشو لكن سلوي دي جارتي الوحيدة وكويسة معاي امشو سريع باركو ليهم وتعالو سبأ قعدت قالت م ماشة لو كدا اسي العشا فضل ليهو شنو😭💔امها قالت ليها خلي مصطفي يقدمكم وبعدين برسلو ليكم نادتو قالت ليهو قدم اخواتك بت سلوي هنا وتعال بعدين ساعه كدا تمش تجيبهم طلعو بتزمر سبأ قالت الحمدلله م عندنا اخو كبير 🤤لونة قالت ليها لو كان عندنا وقت دا ابوي م جدعنا💔مصطفي ماشي قدام طبعا هو لسة صغير م فاهم شي كتير بس عارف انو ابو متزوج وعندو اولاد اتنين قدرو ودايما بتسأل ليه ابوهو مشي خلاهم وليه اخوانو قدرو💔 وليه م شافهم يوم 💔وليه امو م بتجيب ليهو سيرتهم 💔وصلهم بيت ناس سلوي وجا طالع لقا اسامة اي دا بيتهم😍👌سلم عليهو قال ليهو ي بطل كيفك سبأ ضحكت قالت البكاي دا 😂😂حمر ليها قال ليها علي الاقل م بغمر وبتراجف زي الضارباني كهربة 😂ليان حمرت ليهم اسامة سلم ليهم وقال ليهم اتفضلو جوة وبقا يتكلم مع مصطفي وقدمو جنب البيت ورجع مصطفي من جا لقا امو ونبا بتكلمو من شافو سكتو جا قعد جنبهم وقال ليهم وصلتهم واسامة وصلني للبيت امو قالت ماشاءالله الود دا قبيل كان واقف معانا والله م قصر نهائي الادوية دي جابهم من جيبو ابا يشيل زاتو مصطفي قال وهو الانقذ سبأ قبيل لما الربو قام عليها امو وقفت علي حيلا سبو تعبت تاني قال ليها قبيل والله لو م هو كان م عارف اعمل شنو نجاة دي مسكت راسا وقعدت واااي انا ي اولادي الحاصل عليكم شنو نبو قالت ليها امي خلاص كلو من الله ابتلاءت وبنتجاوزا اصبري بس الموهم قعدو سوا يتونسو وبهناك سبأ ولونة باركو لسجود وقاعدين الحفله شغاله (سجود اخت اسامة الليله عرسا وناس سبأ مشو لانها دي صحبتهم الوحيدة ف كل الحلة)بعد ساعه ونص جاهم اسامة سالهم نبأ بقت كيف سبو اتزكرت انها الصباح اتنرفزت فيهو بقت تعتزر منو وتشكرو قال ليهم طيب حصل خير انا يوم ح اكون دكتوور وبعرف حاله اهل المريض مفروض اتعود 😊سال ليان عن الدراسة وقالت ليهو انا اتخرجت واتعرف بي سبأ كان بس بعرف انهم بنات صحبت امو وبالكتير بلقاهم ف الشارع بس اتونس معاهم شوية وجاهم مصطفي قال ليهم تسلمو ع الجية واختكم ربنا يعافيها ي رب لو احتجتو اي حاجه نحن جنبكم ابتسمو ليهو ومشو سبأ بدت تنبرش واااي ي لونة عاينت لمصطفي بعاين ليها سكتت😂😂😂(م تنبرشو قدام الشفع)
رجعو البيت بقو يحكو لي نبو عن الحفلة بعد غيرو ملابسهم ورقدو وطفو النور سبأ فتحتو قالت ليها نبو المز بسلم عليك 😍نبو متغطية ولا اتجهت ليها قالت ليها سبو نومي عليك الله م ناقصين نحن لونة صحت قالت ليها وووووبعلي بس من الدكتور😭💔ي نبأ لو شفتي الرقي والبرستيج انا م عندي زيو 😂😂نبأ اتخلعت قامت قالت ليها لونة حتي انتي! 😳سبأ قالت ليها بري بري كعبين ناسنا اكتشفت انو ف دكتور ف حلتنا وانا م جايبة زيتو وووواااي ياااخ
لونة:انتي م شفتي البسمة والحنية الفي الكلام بكون قدري كدي اححسب عمري وعمرو😂😂
سبأ:هي بري م قدرك ياخ دا بكون قريب لي 😍
نبأ:😂😂😂جادات انتو الاتنين في ولد واحد
لونة:لاياخ بكون قدري نفترض انو نجح من تالته من اول مرة وجاب الطب دخل الجامعه 17واسي هو بقرا 6سنة عمرو يداب 22او 23بالكتير وانا يداب 21اي ياخ قدري😍😍
سبأ:متين يتخرج ويشتغل ياخ دا م قدرك انتي اصلا اسي بايرة وحدا اتخرجتي وبقيتي خاله خلي البراعم ديل لينا سنتين هو بشتغل وانا بكون خريجة احيييي وح اوافق لو جاني 😍
نبأ:يااااااامي بصوت عالي
لونة وسبأ:رجعو اتغطو عملو روحهم نايمين😂😂😂
نبأ:م كنتو بتخططو لعرسكم قلت انادي امي تسمعكم وتساعدكم 😂😂😂😂
لونة وسبأ:انتي واحدة حيوانة وجزمة وعوقه وكلو وم عند
ك ك دم
سبأ:اريتني انا السأل مني! 😭😭💔
لونة:أريتني قبيل الوقعت وثبتني 😭💔
نبأ:😒😒😒😒😒😒
سبأ:ووووبعلي م شفتي كيف كان حنين معاي 🙈
لونة:بت المحظوظة 🌚💔احسسسسددددك
نبأ:والله انادي امي بالجد م تتخمدو خلوني انوم 😒
سبأ:نبأ انتي عشان م شفتي وم اتكلم معاك بس والله كان اتكلم معاك م بتقولي كدا😭
لونة:اي العوقه هي كمان بسلمو عليها ولا علي بالا المتخلفه
نبأ:ويعني شنو موش دا اسامة اخو سجود ود خالتو سلوي البقرا ف الخرطوم طب دا ولا غيرو
سبأ:بتعرفي زيتو من وين ي بت تاريك ماكي هينة😳
لونة:سبو قصوك حدا هي عارفاهو يلا انا خليتو م بحب الحاجات المتاحه للجميع ارجع واقول مؤيد بس😂😂(دا ضابط حارد فشفاش لونة محل شغاله معاهم هناك بحكي ليكم عنو🌚)
نبأ:ي تسكتو ي انادي امي دا شنو المنبرشات ديل انتو متأكدين انكم اخواتي🌚💔
سبأ:طيب ي نبو بس اقول ليك شي هو عاجبني عليك الله جيبي لي رقمو من سجود هي صحبتك شديد وقبيل سألت منك
نبأ:سبأ عليك الله خليني ف حالي سجود زاتا عرست شهر م ح تجي لحدي الوقت داك بتلقي ليك زول ينسيكي ليهو بعرفك انا م حصل ثبتي علي زول 😒
سبأ:لا ياخ انتي بس،جيبي لي رقمو وخلي الباقي علي انا شوفه اولادي ف عيونو م بشوف تاني زول غيرو😍
لونة دي ضحكت بصوت عالي لما امهم جاتهم مالكم ي بنات جنيتو ولا عفوكم من الموت بتضاحكو مع الليل دا كدا 😒نومو يلا
نامو ونبأ بقت تفكر ف اسامة ووقفتو معاهم قبيل واتزكرت ابوها وايام كانت سوداء بالنسبة ليهم 💔لحدي م غرقت ف النوم الصباح صحو من النوم سبأ ونبأ م شغالين جامعه يوم السبت ولونة شالت اذن نظام اختها عيانة وكدا قضو اليوم ف البيت فطور وجبنة وونسة وجات علا قالت ليها نبو امس فاتتك حفله من الموت ياخ قالت اي والله لكن اصلي م عندي شي للحفل كتير كان ح يكون تغير جو بس قالت ليها تعالي معاي مشو جوة الغرفه علا قفلت الباب نبأ قالت ليها بسم الله مالك ي بت جنيتي 😂😂😂بتقفلي الباب علينا زي الحرامية قالت ليها دا موضوع سر عشان كدا قالت ليها اها احكي سرك دا قالت ليها م شوووفتي الليله لقيت منو نبأ قاعدة تعاين ليها ساي علا قالت ليها بس عليك م تقولي لي اها منو😒ضحكت قالت ليها م انتي اصلا جبتيني عشان تحكي لي لو م قلت ليك اها منو ح تكلميني 🌚علا قالت ليها خليتو زاتو باردة خلاص ن بحكي ليك 😒نبو قامت قالت ليها خلاص اها منو قالت ليها تتزكري ف اولي ثانوي الولد الكان بجي بالعربية وبنتظر جمب المدرسة لما نطلع نبأ قعدت طوالي وملامحا اتغيرت قالت ليها م متزكرة قصدك منو انتي علا قالت ليها بطلي ياخ 😒عارفاك اتزكرتي مشعل ياخ اخو مشاعر الكان صحبة ناس شهد نبأ قالت ليها اها ومالو 😊قالت ليها انتي اتزكرتي موش كان اتصاحبتو شديد قبل يسافر نبأ قالت ليها ومالو احكي عشان اسي،ح ينادونا علا قالت ليها لقيتو امس ف الحفله قال العريس ود خالتو هو جا من برة السودان عشان يحضر العرس واول م شافني انا م عرفتو بقا عليهو سماحه 🤤🤤هو عرفني جا وسألني منك نبأ دي اضايقت خلاص وقالت ليها يسأل منو الخير يلا ارح علا وقفتا نبو عايني لي هنا انا بتكلم معاك 😒نبأ قالت ليها موش خلصتي كلامك 😊الله يسلمو وحمدلله ع سلامتو ومبروك لود خالتو يلا ارح 🙂علا جرتا قالت ليها م خلصت كلامي وم جاوبتيني هو كان صحبك شديد فجاة مالكم م تقنعيني انو عشان سافر وكدا 😏م ف شي ي علو بس كبرنا واتغير كل شي 😊
علا: بس كدا اقنعيني😒
نبأ:اي م ف شي ارح يلا
علا:عايني م تتهربي انا متأكدة مليونين ف المية سبأ ليها يد ف الموضوع.
نبأ:مشكلتك معاها شنو كل م يحصل لي شي بتقولي لي بسبب سبأ انتي نسيتي انها اختي وتؤامتي ولا شنو ي علا
علا:م كدا بس كمان لو اختك م معناها توقفي حياتك عشانا كفايه هي عايشة بكليتك تشيل منك كل شي يعني 😒
اسفه بس،دي الحقيقة ي نبو انتي م تبقي كدا
نبأ:مهما يحصل هي اختي وانا لو تشيل روحي م بتكلم م وقفت علي العلاقات دي عادي كان صحبي،وهي صاحبتو فيها شنو وبعدين هو برضو م صاحبا م لمتيهو لي يعني ولا بس اي شي بتختي ف سبأ
علا:اوك ي نبأ راحتك ي بت انا م بدخل بينكم تاني خلي تشيل اصحابك وحبايبك وابوكي وملابسك وكلو
نبأ:قعدت سرحت بعيد لي زمن قبل 4سنة
⏭فلااااااااش بااااااااااك⏮
لو سمحتي ي بت ''''''ي بت انتي لو سمحتي بتكلم معاك انا""""""دقيقه بس عليك الله اتلفت عليهو ايوة ف حاجة؟ اي معليش بس عايز اكلفك بي مهمة صغيرة تعمليها عشاني؟ اتفضل عايز شنو موش بتقري ف الثانوية دي؟ اي 🙂عليك الله بس،ممكن تشيلي معاك الارونيك دا وتدي للمسؤلة بتاعت فصل سنة اولي شيماء اختي بتقرا هناك وانا مفروض اوديهو لانها عيانة م جات وح تغيب كم فترة عشان الامتحانات وكدا يعزروها بس عربيتي اتعطلت والمسافه بعيدة شوية م بقدر امش اخلي العربية براها اوك تكرم جيبو مدا الورقه وقال شكرا ليك ياخ*العفو ولو *معليش سؤال🙂انتي اسمك منو*نبأ الامين*اتشرفنا وانا مشعل محمد *الشرف لي*اختي اسمها مشاعر بتقرا اولي يمكن تعرفيها يوم *اي بعرفا معانا ف نفس الفصل
*ي محاسن الصدف😍يعني انتي برضو اولي*اي 🙂*اوكي م ااخرك تسلمي مرة تانية *الله يسلمك
ومن اللحظة ديك اتوالت اللقاءت بين نبأ ومشعل مرة واتنين وتلاته ومية سنة كاملة هو كان بوصل اختو بالعربية وبشوف نبأ كم مرة ناداها ركبت معاهم واتصاحبو لحدي م يوم مشاعر واقفه مع سبأ نبأ جات ماشة مع علا سلمو عليها علا قالت ليهو ميوش خبرك وين الليله م شفناك قالت ليها تقولي شنو صحيت متأخرة ومشعل مشي خلاني اتخيلي جيت بالمواصلات وبقو يتونسو سبأ قالت ليها يعني داك اخوك البوصلك كل يوم قالت ليها اي بعرف اختك نبو بسألني منها طوالي سبأ نططة عيونا وقالت لي نبأ علي اساس م بنعرف اولاد ي نبو ولا دا شنو البتعرفي دا نبأ اتحسست شوية قالت ليها ابدا م كدا بس هو علا قاطعتا قالت ليها عادي ي سبأ م هو فيها شنو اذا نبأ عرفت ولد واحد انتي اصحابك كتار سبأ ضحكت وقالت لا بس قلت اختي كبرت وبقت تصاحب وانا اخر من يعلم 🌚وقلبو الموضوع هظار مرة طالعين من المدرسة سبأ قالت ماشة مع صحباتا ياكلو ايس كريم من محل فتحو جديد نبأ قالت ليها لالا انا م ماشة راجعه البيت طوالي عشان امهم م تعمل ليهم موضوع وكدا نبأ انتظرت سبأ جمب المحطة قالت ليها اكلي وتعالي لي نرجع سوا علا مشت معاها منتظرين ف المظلة نص ساعه م جات وفجاة جا مشعل بعربيتو لمحهم وقف ليهم سلم عليهم وركبهم قال ليهم اوصلكم قالو ليهو لالا م مشين البيت منتظرة اختي قال ليها هي وين وصفت ليهو وداهم محل الايس كريم وكمان قال ليهم خلاص اعزمكم بالمرة دخل سلم عليهم واتعرف بيهم وسبأ قالت لي نبأ وقت عايزة تجي من البداية كان تجي ولا الا يعزموك زعلت منها شديد علا اتدخلت وقالت ليها ي سلام هي منتظراك ف المظلة زي الشحادة ووقت جيناك كمان عايزة تتمشكلي واتناقشو الموهم رجعو البيت اليوم التاني الصباح اي واحدة بتمشي بطريقتا طبعا سبأ ماشة لاقت مشعل وصلا واتونسو وسألا من نبأ قالت ليهو طلعت اولي بعد فترة خلصو الامتحانات ويوم النتايج قال لاختو مشاعر جيبي لي رقم نبأ عليك الله عشان ف الاجازة اكون متواصل معاها بعد تحانيس نبأ قالت لي مشاعر اديهو الرقم خلاص وايام الاجازة امهم وافقت ليهم يشغلو تلفونهم يلا حسب انهم كانو صغار وكدا امهم ماداهم تلفون واحد هم الاتنين سوا مشغلينو حتي الفيس كانو عاملين حساب باسم توينز
(😂😂جنس تخلف حق التؤام 😂😂بس حلوين ياخ التحية ليهم 😍👌)يلا كان عملو واتس واي واحدة نزلت ارقام صحباتا وف القروب بتونسو سوا ولما دخل ليها واتس لقا سبأ ماسكة التلفون رسل قال هاي: هاي والرحمة:😂
كيفك:انت منو اصلا😒:زول كدا ياخ:ياااي قايلاك كائن فضائي تخيل 🌚:😂حقارة دي انتي منتظرة منو يعني😉:بطل عليك الله م تخرب لي مزاجي ي تتكلم ي هاك البلوك دا😒✋:روقي ياخ م قايلك حقارة كدا 🐸:بي حقي واخر مرة اسالك منو معاي😒:معاك مشعل: هي مشعل منو وجبت رقمي من وين م بعرفك انا😒:اي انكريني كويس انتي تديني الرقم وتنكري🌚:معسلامة ي هناي انا اصلي معندي اخلاق للناس الزي ديل (قبل م تحظرو غير بروفايلو شافت الصورة اتزكرت طوالي 😂😂😂😂):قال ليها جادة انتي يااااخ بطلي هظار ياخ مشتاق ليك: 🙊🙊من الصباح بتتعولق ليه م تقول انك مشعل: عمل ليها ريبلي لي الرساله الكتب فيها انو هو مشعل ورسل ليها ايموجي! 😡😡:😂😂😂معليش ياخ انا كنت زهجانة اصلا م انتبهت :م يهمك ايزي اخبارك شنو:لحظة انت قايل انا منو دي انا التوينز التانية دقيقه انادي ليك نبأ😂😂:لاحولا ولاقوة الا بالله من قبيل مدردقاني كدا وبعدا طلعتي م ست التلفون🌚:ههههههه تلفونا واحد عشان كدا: اها م مشكله انا اصلا قلت البت دي بقت حقارة ليه😏:يعني انا حقارة 😕✋:😁ام سوووري م كدا بس:اها كيف😏:هي رايقه شوية وم بتتكلم مع الناس كدا متاكد لو كانت دي هي كان م قالت لي هاك البلوك دا🌚:هههه معليش ياخ قلنا غلطة عايز تزلني بيها:م مشكله سامحتك خلاص: يسلمووو يسلمووو😍:غواليك ي رب☺️❤️:
واستمرت الدردشة لحدي م جات نبأ سبأ قالت ليها انتي اديتي مشعل الرقم قالت ليها اي فيها شنو قالت ليها كان تكلميني اسي انا استعبطة معاهو ياخ برستيجي😭💔ضحكت قالت ليها م يهمك م ح يفهمك غلط هو ود ظريف ادتا التلفون طبعا بعد مسحت الدردشة 🌚رسل ليها المساء مساااااؤ:اهلينوو:كيفك توينز 1ولا 2:😂😂نبأ رقم كم:المسكينة توينز 2والشريرة توينز1😀:معاك توينز2:😍الشووووق ياااااااخ 😍
واستمرت الدردشة وتكرررت الصدف مرات بلقا توينز 1ومرات 2😂😂😂وهو ك ولد سوداني ح يتونس وم ح يرفض الونسة🌚💔وهم ك بنوتات مراهقات لسة لاقين الولد جديد ح يتونسو وم عليهم وخاصه نبأ م خاته فيها شي لحدي م انتهو بعد سنتين كدا اتعلقو بيهو وبقا صاحبهم المشترك وهو بقا يعرفهم من كلماتهم م محتاج يقول توينز 1ولا 2من ترد ليهو بعرف منو معاهو الموهم ممكن نقول نبأ اتنازلت لي سبأ عن اول صاحب ليها لما شافت انو اختها بتتونس معاهو ومتعلقه بيهو خلتو ليها ودي م اول تضحيه تحت مسمي لكنها اختي💔 نبأ اتزكرت الحاصل دا وقشت دموعا وغسلت وشا
ورجعت العريشة تشرب معاهم الجبنة كانو م حصل شي علا عاينت ليها وسكتت جات دانة صحبت سبأ قالت ليها سبو ارح معاي البوتيك الجمبكم دا ونجي سبأ قالت لي نبأ ناوليني طرحتك ي نبأ ادتا علا عاينت ليها وسكتت وقفت لبست نعال نبأ قالت ليها م كنت قايله نعالك دي حلوة وقت اشتريتها م عجبتني بس اسي حبيتا نبأ ابتسمت فداك شيليها لو عجبتك 😊تسلمي لي حبي 😚قامو طالعين دقيقه ي دندون نبويتي اديني جراب تلفونك عشان اتم التطقيم بالبنك الطرحه والنعال والجراب قالت ليها تلقي تلفوني ف الكومندينة جمب سريري طلعي الجراب شيلي وجيبي لي معاك اوكيشن 😚مشت شالتو وجات ادتا لونة داخله الفيس وعلا زعلت زعل من نبأ قالت ليها باي انا ماشة طلعت وراها مسكتا علوشتي م تزعلي مني عليك الله 💔انتي الوحيدة صحبتي عايزة تزعلي مني م عندي غيرك حضنتا قالت ليها م بقدر ازعل منك انا زعلانه عليم قالت ليها م مشكله كلو بهون 😊طلعت قدمتا وجات راجعه دخلت الواتس لقت متولي مرسل ليها اتونسو شوية دخلت الفيس عاينت لحسابهم الزمان حق توينز وخاتين صورة انمي بنوتات اتنين كدا. وشافت المنشورات عملت مشاركة لواحد وكتبت
(كم كنا اطفال لا يهمنا سوا ان نضحك كبرنا واصبحنا نتمني الضحك💔)
قفلت تلفونا رقدت شوية صلت المغرب حضرت مع مصطفي وجهزت شنطتا وشيتاتا وصلت العشا ورقدت نامت
يتبع......
