عدت فترة وانا بفكر ف الموضوع غالب م سألني منو نهائيا نظام يخليني علي راحتي وكدا 🌚لا لحظة هو بقا مطنشني دي م علي راحتي حتي لما يجي يشوف غفران م بقعد كتير وم بتصل لي ولا شغال بي اصلا وصراحة انا الموضوع حرقني شديد كيف يتجاهلني كدا كلنا بنعرف ندلل 😏جا مرة ناديت ليان قلت ليها ودي ليهو غفران * وم توديها انتي م يومي بتوديها الليلة الجديد شنو لما ناديتيني * لونة ياااخ شيليها وبس انا مشغولة * ههههه مشغولة ولا زعلانة منو م عايزة تشوفيهو * ياخ شيليها وبطلي كلام كتير * شالتا طلعت انا حلفت م اطلع الليله عشان اشوفو بعد نص ساعه ليان جابتا رقدتا وانا قاعدة م عايزة اسألا اذا مشي او لا وفي نفس الوقت م عايزة اسالا بعد جات طالعه قالت لي سأل منك عملت روحي م مهتمة م رديت ليها ضحكت وطلعت يااااخ بالجد فارق معاي مشتاقه لي مكالمات الاطمئنان ديك وسماع صوتو وكل شي فيهو ياخ حتي عطرو العالق ف غفران اول م رفعتها زكرني بيهو شكلي م بقدر اغش علي نفسي اكتر من كدا بس م عارفة ف شي جواي رافض كل م اقرب منو بحس بالاشمئزاز م قادرة انسي انو هو يوم من الايام كان مع اختي وبألمني اكتر انو هي رحلت من الدنيا ودا كان الشي الوحيد الحبتو انا بعدها اجي امتلكو ببساطة عشان كدا كل م افكر ف الموضوع بتألم م عارفه اعمل شنو دخلت الواتس غيرت حالتي بي ;-
(جزء يشتاق وجزء يلعن 💔)
لقيتو عامل حالة:-
(قلب المعنا من خيالك م خلا والنوم بعدك ي حبيبي م حلا
ف انا الذي بهيامه وغرامه اهواك ي قمرا علي رأس الملا
لما رأني ف هواه متيما عرف الحبيب مقامه ف تدللا
فلك الدلال وانت بدرا كاملا. ويحق للمحبوب ان يتدللا)
يومين م جا شاف غفران وم اتصل لي وانا مقلقه عايزة اعرف مالو مشيت اتونست مع ليان بدردق فيها قالت لي اتصل قال عيان شوية عشان كدا م جا لكن ح يجي المسا للحظة قلبي وجعني معقولة كنت بالانانية دي وم اتصلت عليهو عشان كنت خاته اعتبارات تانية بس،تاني قلت يلا هو كان بامكانو يتصل لي وكسرت حنك اني اتصل ليهو 😂😂😂💔(خليكم صامدات🌚)تاني يوم جا انا اصلا كنت جاهزة حارساهو يجي طلعت بي غفران برة عشان لما يجي نظام انا م كنت متوقعاهو. وكدا 😌✋ليان مشت فتحت ليهو دخل لقاني بلعب غفران وبتونس معاها قال لي نبا كيفك * اهلين غالب اتفضل وقمت طوالي *للدرجة دي م عايزة تشوفيني يعني * وقفت قلت ليهو اذا انت م عايز تشوفني انا اريحك مني بس * اقعدي نتفاهم * قعدت وساكتة رفع غفران قال ليها شايفه نبو زعلانة مني وم عايزة تتكلم معاي قلت ليهو م ح تفهمك م ف داعي تشكي ليها *بس انتي يوم قلتي لي بتفهم اسي غيرتي رايك ليه * لانها بس بتفهمني انا * ي سلااام وليه يعني * عشان وسكتا قال لي تطلعي معاي استغربت عايز مني شنو بدون تردد قلت ليهو وين * بعد نطلع ح نحدد نمش وين * الزمن اتاخر * م ح نمش بعيد * طيب ناديت ليان شالتا قلت ليهو اغير واجيك قال لي م تاخرينا * 😒خلاص بمش بي التوب دا * اي كدا احلي زاتو يلا ارح واتقدم طلع طوالي طلعنا ساكت مسافة بقا يدندن براهو قلت ليهو اسي يعني جبتني عشان اسمعك وانت بتغني * ليه صوتي م عجبك * 😒😒 * م تعايني لي كدا وتعال اسألك انتي مالك الايام الفاتت دي * انا ولا انت *طبعا انتي ي انا * م فيني شي * بالعادة انتو البنات لما تقولو م فيكم شي بتكونو قاصدين انكم منفسنين * ماشاءالله شكلك بتعرف البنات كويس * والله مممكن تقولي كدا هم بلاحقوني 24 ساعه ف الجامعه ف المستشفي * اها وانت ملاحق شنو * تخيلي انا تارك اشغالي وملاحق واحدة م هاميها * وليه تعمل كدا الجابرك شنو * والله ي ستي للان م عارف ممكن تساعديني عشان اعرف * لا معليش، دي مشاكلك الخاصة حلها براك * نبو ياخ انتي مالك معاي انا عملت ليكي شنو * ولا شي * طيب ممكن اعرف في شنو * غالب م ف شي بس انا حبيت ابعد واقعد مع نفسي شوية * متأكدة * اي 😊
اوك لو كدا انا الح ابعد عنك * لا م كدا * اها كيف * م عارفه ياخ * طيب انا ح اسالك ابعد منك ولا لا * لا * ح نكون كدا لمتين انتي م عايزة تقتنعي ليه انك لسة بتحبيني واكتر من اول * اعمل شنو يعني * م تعملي شي اسمعي لقلبك مرة واحدة خلي الناس وم تشتغلي بيهم شوفي انتي عايزة شنو * طيب * وصلنا بيتهم قال لي انزلي ناس امي عايزين يسلمو ليك * م بقدر * وبعدين ي نبو لمتين ح تكوني كدا يلا حبيبي انزلي * غالب الحته دي بتزكرني بيها م بقدر انت ليه م بتحس * والله حاسي بيك بس لازم تطلعي من جو الحزن الانتي عايشاهو دا الموضوع ماشي لي سنة وانتي م عايزة تنسي فتح لي الباب قال لي يلا ادخلي دخلت سلمت لامو وخلود اتكلمو معاي كتير وبعداك رجعني البيت ليان قالت لي اها اقنعوك ولا لسة *لونة انتي رايك شنو * نبو دي حياتك وكلنا شفنا قدر شنو انتو بتحبو بعض وضحيتو جا الوقت التعيشو فيهو لنفسكم وانتي عاجبك تخلي غفران كدا بدون ام * م تقولي كدا انا م ح اخلي غفران * طيب وافقي واصلا دي وصية سب
و اذا هي قالت كدا انتي ضميرك يأنبك لشنو عملتي البتقدري عليهو وعلي فكرة ظاهر انك بتموتي فيهو بطلي حركاتك دي * مؤيد جا قال لي نبو انتي زي اختي الصغيرة وانا يوم م ادخلت ف شي بخصك بس خليني اقول ليك انتي لو بتسمعي وتتبعي كلام الناس م ح تعيشي ف الحياة دي وظاهر انو غالب بحبك وح ينسيك الفات كلو م ف زول بعمل لي زول حاجه لو م بحبو وم تظلميهو اكتر هو عشانك وافق عليها واسي انتي عشانو وافقي قلت ليهم طيب
بعد شهر من الكلام دا اتزوجنا كان حاجة بسيطة انا اصريت م يعملو شي وقلت ليهو انا م بسكن ف البيت الكانت ساكنة فيهو * م يهمك نحن زاتو م كنا قادرين نعيش فيهو بعناهو واشترينا واحد تاني وصلنا البيت كان جمب المستشفي الهو شغال فيها وكمان قريب لي من الجامعه دخلنا كان فاضي ناس امو مشو لاهلهم دخلنا
ساكت م اتكلم معاي ولا انا سألتو جا قال لي العشا جاهز * م جيعانة * نبأ انتي ليه بتعملي كدا خلاص كفاية بكي انتي م اول بت تتزوج من الصباح بتبكي الاتغير شنو انا سئمت وانا بحنس فيك طول الطريق م سألتك * واسي م ف داعي تسألني ببكي بي دموعي جا قعد جنبي اها وبعدين معاك بتبكي علي شنو ممكن اعرف * م عارفه ي غالب خليني ف حالي * ف زول جابرك علي انا سألتك اسي وموش وافقتي بارادتك مالك اسي * سكتا م رديت. قش لي دموعي وقال لي قومي اكلي ليك حاجه من الصباح انتي بالحاله دي ح تمرضي * م عايزة اظن كلامي دا عربي خليني ي غالب موش الزواج دا اهو اتزوجتك عايز مني شنو تاني * لحظة انتي بتتكلمي معاي كدا ليه م تفتكري اني اتزوجتك لهدف بتي انا بعرف اربيها حتي لو امها اتوفت وم اتزوجتك لنفسي انا عمري كلو عايش وحيد م بغلبني اعيش الباقي دا اتكلم معاي بي نهرة كدا وشال مخدتو وطلع انا تميت ليلي داك كلو بكي الصباح صحيت طلعت برة م لقيتو رجعت قعدت ف محلي للساعه 8جا داخل م اتكلم معاي دخل استحمي وجا جاب لي شاي قال لي صباح الخير * اهلين * اصبحتي كيف * تمام * دا الشاي اشربي والفطور جاهز لو عايزة تاكلي انا نازل قاعد برة لو احتجتي حاجه وطلع طوالي
دا مالو اسي 😒نفسي اعرف الواحد بستحملك 20سنة وبعد الزواج ساعتين لو نكدتي عليهو م بستحملك 😒شربت ودخلت استحميت وسرحت شعري اووف جيعانة لبست توب ودخلت المطبخ لقيتو قاعد ف الهول وماسك الرمود بحضر ليهو ف فيلم لقيت الاكل جاهز جبتو قلت ليهو الفطور* م جيعان اكلي انتي * رفعت الصينية ومشيت المطبخ لحقني قفلت الاكل وجاية طالعه قال لي نبا ممكن اعرف بتتصرفي كدا ليه * م ف شي * لا ف شي وعايز اعرفو اسي * غالب قلت ليك م في شي زح لي انا طالعه * ولو م زحيت ليك * علي فكرة دا م اسلوب تتعامل بيهو معاي * طيب وانتي البتعامليني بيهو دا يسمو شنو * م عملت شي انت براك طوالي جا مسكني من يدي وقال لي تعالي معاي جاريني وانا بقول ليهو فكني انت ماشي بي وين ياخ فك لي يدي بمش براي دخلنا الغرفه قال لي نبأ م براك زعلانة اوك وم براك عندك قلب كلنا بشر وبنحس لمتين انتي ح توقفي حياتك اوك انا كنت اناني ودا غلطي م كان اوافق بس م كنت عايز اخسرك لاني بحبك كنت مستعد اعمل اي شي عشان اكون جنبك والطريقه الوحيدة عشان م ابعد منك كان اني اوافق علي اختك وبي كدا انا ح اضمن انك ح تكوني قريبة مني لاخر لحظة انا كنت مفتكرك ح تغيري وتوريها بعلاقتنا بس وقت بقيتي علي رايك وابيتي تتنازلي انا اتاكدت انو م انتي البت الح توافق تستمر معاي حتي لو اتزوجت احترت كتير م لقيت غير الحل دا انو اكون مع اختك وبي كدا ح اكون قريب منك انا حبيتك بطريقه انا مرات بستغرب ف نفسي انتي م اول بت تدخل حياتي بس اخر واحدة شايفه الليل دا يمكن انتي كنتي بتتألمي وتتحسري وتبكي علي حبك الضاع ف اللحظة دي انا كان مفروض اتصنع السعادة مفروض ارضيها لاني بجي القاها منتظراني كرهت حياتي انا النهار والليل لازم اتصنع الفرح وامثل اني عايش حياة سعيدة احسن انتي المك اخف اولا لانك اقتنعتي انو اتنازلتي عشان اختك بس انا عكسك م مقتنع بكل الحصل وتانيا الليل عندك تتخلصي من كل الجواك انا عكسك كل م اقرب منها بتزكرك فببقي بين واجبي المفروض علي وبين قلبي الرافض انا وصلت مرحله بتهرب من البيت غيرت دوامي مسائي اهون لي المستشفي من البيت حاولت بشتي الطرق بس كل مرة بفشل ياخ انا بشوفك انتي ف عيونا كل م اقرب منها بتجيني صورتك انا السنة دي عشت فيها اسؤ ايام عمري كلو عشانك ي نبأ م انتي عايزة كدا عملتو ليك ح تشيلي ذنبي وذنبها وذنب نفسك اللسة بتعذبيها دي طوالي لقيت نفسي حاضناهو وببكي قال لي ابكي لاخر مرة اتخلصي من الجواك م هو لازم الزول ينسي غصب عنو مسافه انا ببكي قال لي كفاية كدا قومي غسلي وشك وتعالي نفطر مشيت غسلت وشي واكلنا قال لي بعد كدا الزول ممكن يوريكي خبر حلو * ههههه في شنو * لا خليهو مفاجاة * غااالب يااااخ * انتي ليه بتناديني بي اسمي * لانو الناس بنادووم باسماءم * طيب انا م قاعد اناديكي باسمك لكن * ياااااخ خلاص * ههههه انتي لسة بتخجلي مني يعني * غااالب ياااخ. قرب مني وقال لي روووحووو انا خلاص سحت ف اللحظة دي غمضت عيوني وسكتا باسني وقال لي خلاص فتحي خلصت 😂💔حيوان حمرت ليهو مسكني من يدي قال لي تعالي معاي * وين * تعالي بس انتي بتتكلمي كتير في الوقت المفروض تسكتي وبتسكتي ف الوقت المفروض تتكلمي ليه * طيب فكني انا بعرف امش علي فكرة * تاني م ح افكك محل م ماشي ح امسكك اتعودي دخلنا المطبخ قال لي موش مفروض نشرب عصير * منو فرضو * ههههه انا ياخ طيب اذا انتي م عايزة انا نفسي فيهو * اوك بالهنا ليك بس جايبني معاك ليه طيب * عشان اساعدك تعملي لي * ومنو قال ليك ح اعملو ليك قرب مني وحوطني بيدينو وقال لي اوك معناها م ح نطلع من هنا لو م عملتي كدا * طيب زح مني ح اعملو ليك * م عايزو * غاااالب ياااااخ م ممكن معاك * طيب زحيت منك اعملي وقفت بعمل ف العصير جا وقف وختة راسو بين
كتفي ورقبتي قال لي حبيبي لسة م خلصتي * ي الله منك انا متين بديت * طيب سريع انتي بطيئة كدا ليه * دا لانك م عايز تخليني اعملو خلاص خليتك عملتو قعدنا قدام التلفزيون بنشرب فجاة عصيرو اتكشح فيهو *اااخخخخ لاااا يااااخ * عملت كيف لما كشحتو فيك كدا *م عارف كنت بعاين ليك وم انتبهت فجاة * غااالب ياااخ م تقعد ساي * ماالي اسي م اعاين ليك يعني اغمض عيوني * م مشكله اشرب حقي دا اصلا انا م عايزة * طيب ولبستي اتوسخت * طلعا ح اغسلا ليك تاني ف شي * متاكدة اطلعا * ي الله منك انت مالك الليلة * خلاص خليتك وقام دخل الغرفه لميت العصير والكبابي دخلت المطبخ سامعاهو بنده لي مشيت اها ي غالب ف شنو عايز فنيلتي البيضاء وانت بتدخل الحمام بدون تشيلا مالك ياخ نسيتا انشغلت وافتكرت اني شلتها جيبيها وبطلي كلام * م عندك صبر انا بفتش ليك فيها * والله اطلع ليكي كدا * يااااخ اطلع م شايفني لقيتو جا طوالي غمضت عيوني مجنون انت م شايفني طلعتها ليك * ههههههه انتي قلتي لي اطلع لكن * ياااااخ انت شيلا طيب * اااااااخخخخخ فتحت عيوني قلت ليهو غاااالب انت كويس * الا يعملوكي كدا 😂💔 * صريت ليهو وشي وقلت ليهو اوك تاني لو اشتغلت بيك وقمت طالعه قال لي نبأ ناوليني البخاخ سريع وبدا يجر نفسو بصعوبة مخلوعه قلت ليهو غاالب ومسكتو ضحك قال لي اسي م قلتي م ح تشتغلي بي لو م بتقدري علي حاجه م تقوليها * ياااخ م تهظر معاي كدا بتخوفني عليك * يعني بتخافي علي * لااااع * طيب مالك اسي * بس م بحب اخاف * وبتحبي شنو * ولا شي * طيب و انا * اي * يعني م بتحبيني ولا لا * لا * معناها بتحبيني * غاالب ياااخ انا م قلت كدا * انتي قلتي لا وانا سالتك لو م بتحبيني ولا بتحبيني وانتي م قلتي م بتحبيني قلتي لا وهنا لا معناها بتحبيني * ضحكت قلت ليهو انت لخبطني * طيب ماشي المرة دي انا لخبطك انتي لسه ماسكاني ليه انا وريتك اني غشيتك بس انتي لسة خايفه علي وماسكاني * زحيت منو مسكني نبووو ياااخ خليك جنبي معليش م ح اخوفك تاني * سكتا م رديت * اوك سوووووري يلا ياخ انا امس م نمت تعالي خلينا ننوم شوية * نوم بالنهار * في زول قال ليكي امس م تخليني انوم * انا الماخليتك تنوم م براك شلت مخدتك وطلعت * م كنت فاكرك ح تقولي لي حبيبي خليك هنا معاي * ضحكت عليهو وقلت ليهو انت عارف اني م ح اقول ليك كدا ف داعي تجرب * م مشكله ننوم اسي م ورانا شي * تاني م تعمل كدا * ليه اشتقتي لي * لااا * جراني عليهو قال لي بالجد *م اطمنت علي غفران من امس فكني عايزة اتصل ليها * دا وقت غفران * غااالب ياااخ * طيب اتصلي ليها (قالا بي زعل كدا) * حركت ليهو شعرو قلت ليهو حبيبي الزعول برجع ليك *ي الله عيديها تاني * اسكت خليني اعرف اتكلم
عدينا اسبوع كدا مرات بالليل بنطلع نتعشي برة وعلي كدا الجامعه فتحت اصلا ضيعت اول اسبوع هو قال لي م تخافي بشرح ليك والحضور م ح تتحاسبي عليهو لانو شايلين اجازة وكدا ناس امو جو من البلد ظريفين معاي شديد م بخلوني اعمل شي بطلع الجامعه وبجي المسا غالب بجي بدري الساعه 7م الصباح بنمش الجامعه سوا هو دوامو ف المستشفي من الساعه 2 لو طلعت بدري برجعني البيت واصلا نص الوقت بنكون سوا ياخ لو عندنا محاضرة فاضية بناديني ف المكتب كل الدفعه بشغلوها لي طوالي وبمش كل يومين تلاته اطل علي غفران ويوم الجمعه مرات بنمشي لامي كلنا عشان م تحس بالوحدة نبيت معاها م نسينا سبأ كل م امش البيت بتزكرا ودايما لما اكون قاعدة ساي بشوف الدفتر وبتزكرا
عديت السمستر التاني دا علي كدا علاقتي مع غالب حلوة هو بتفهمني وم متطلب كل الهاميهو يشوفني مبسوطة دايما بقيف معاي ف اسؤ حالاتي بعد خلصنا السمستر قال لي تتزكري المفاجاه الكان * انت عارفني انا حاجات امس م متزكراهم ليك 😂😂💔 * ح ازكرك يوم كشحت عصيري قاصد وخوفتك كدا اتزكرتي 😂😂💔 * اها كويس انك اعترفت وعلي فكرة انا كنت متاكدة انك كشحتو قاصد بس م حبيت اسالك * ضحك قال لي كويس. انو بنفهم بعض 😉 يلا المفاجاة الكنت عايز اقولا ليك انو ح نمشي النمسا * اووو ماي قاد من كنت صغيرة بتمني اشوف المكان دا * اي عشان كدا انا ح اوديكي ليهو اعتبري شهر عسل متاخر بي 3شهور 😂😂 * خليني من دا عرفت كيف انو انا بحب المكان دا 😳 * ي بيبي مرة شفتك خاتة صور للنمسا ف الاستوري. * يعني انت مركز انا ختيت شنو وكمان م نسيتو الكلام دا انا م متزكراهو * اها شوفيهو انا محتفظ بالاسكرين * ههههه بتبالغ ياخ * م ببالغ بحبك بس
يتبع.....
