غالب قال لي ح نسافر بعد 4ايام قلت ليهو طيب ح امش لناس امي وزاتو اشتقت لغفران وداني ليهم بعد يومين جاتنا ليان باتت معانا تاني يوم بالصباح قالت لي بما انك مسافرة ارح الكوفير ترسمي وانا زاتي عايزة ارسم كنت مترددة ف البداية بس تاني قالت لي ارح ياخ مسكنا لين وغفران لامي ومشينا المسا لما جينا اتصل لي قال لي اجهزي جاي اسوقك اشتقت ليكي ياخ * طيب تعال وح اسوق معاي غفورة تقعد معاي وبكرة ح ارجعا * اوك
بعد نص ساعه كدا جا جهزت غفران وقلت لي لونة ح اشيلا معاي وبكرة تعالي سوقيها * م ح تضايقكم لكن بعد الرسم والجيهة دي خليها وانبسطي 😉 * ضربتها قلت ليها لا م ح ضايقنا انتي التهي بي نفسك 😂💔 رفعتها وبتكلم معاها مشيت لقيتو جا خت يدينو ف كتوفي وواقف بتكلم مع غفران قلت ليهو غااااالب يااااخ اسي لو ليان جات داخله * م ح تدخل ياخ انتي ساي متحسسة هي بتكون عارفه انو نحن قرب مني باسني وقال شنو ي غفورة مشتاقين ياخ * غاااالب بطل "ياخ * طيب ارح بيتنا
طلعنا مشينا ركبنا قال لي سمحة كدا مالك الليله ماشاءالله م يسحروك لي * ي الله منك ركز ف سواقتك بطل مشاغله * وقف العربية وقال لي اها موش السواقه دي خليتا * ي الله انت مالك ياااخ اقعد ساي وبعدين شايفني مشغولة مع غفران سوق سواقتك خلينا نصل سريع * ي غفران شايفه نبو دي مطنشاني كلو بي سببك انا زعلان منك * بقيت اتكلم مع غفران. غفورة سامعه بابا قال انا مطنشاهو بي سببك صاح الكلام دا * اوك خليكي بتتونسي مع غفران بس بكرة لما اوديكي بعيد داك * بتهددني يعني اسي اقول م ماشة معاك 😂💔
وصلنا البيت كان يوم حلو انا وغفران الوقت كلو قاعدين سوا انا بونسا وهي بتضحك غالب دا خلاص وقت شافني م مهتمة ليهو طلع قعد ف التلفزيون نومتها ومشيت ليهو من جيت
اها فضيتي لي بعد باعتك ونامت * هههه م باعتني انا نومتها * ليه نومتيها كان تتونسو لسه الزمن بدري * عشان ف زول غيور قاعد براهو وماسك الرمود بالمقلوب وفاتح قناة طاشة اشارة قلت اجي اقعد معاهو لاني اشتقت ليهو * ضحك انتبه للقناه قفل التلفزيون وقال لي يااااخ هو زاتو اشتاق ليكي فتح يدينو قال لي خشي حضن
😉كاااات 🔕
الموووهيم! 🌚🌚اليوم التاني سافرنا الرحلة كانت طويلة لما وصلنا يااااخ دا المعني الحقيقي لكلمة حياة اكيد وقت اختارو الاسم دا هم شافو المكان دا 😍اقل حاجة اقولا عنووو احييييييييييييينا بس 😂😂😂😂😂💔ياااااخ بتشوف السعادة متحركة قدام عيونك م تسألوني كيف 😂😂💔جو حلو 😍والحياة دابة فيهو هنا مهرج ماسك بالونات جمبو اطفال 😍💙هنا بياع بوظة😍💚 وشي زهور 😍💛وشي موسيقي😍🧡 وحدائق😍🖤 وانوار😍💞 واشكال والوان 😍💜والموية تحت الكبري زاتا ليها شكل خاص😍💝 ناس مبتسمة دايما زول مكشر بالغلط،ماف حتي ذاك العجوز الاشيب الرأس يخلع قبعته ف يرسم علي محياه ابتسامة ينحني ليقول لك ليلة سعيدة 😉
(عجبتني ينحني دي هنا يطقشك ومعليش م يقولا ليك 😢💔)
خلونا من نيدو دي نووواصل 🌚
دا طبعا ف المدينة اما الريف دا شي م بتوصف بكل م تحمل الكلمة من جدية 😍👌حاجة كدا للتصوير بس 😂💔منازل في شكل اكواخ اشكال هندسية عجيبة يااااخ عصافيرهم زاتا بتزقزق بي برستيج 😂😂😂💔ولا النجيلة دي كلام تاني 🌚اين نحن من هذا ي قوم الساحه الخضراء عاملينها للاحتفالات 😁
عدينا فيها اجمل ايام العمر 😍🙈الجو زاتو يفتح نفسك للمشي لا سخانة لا نهار جو كدا م معروف هو نهار ولا صباح 😂💔مشينا م خلينا حته ابتداءآ بال:-
المتحف 😍- مطاعم😍 -اي مطعم بي اسمو البيتزا براو حتي السوشي عندو مطعم كامل (هنا الكاشير تجي تقيف نص ساعه حتي تختار طلبك 😂😂💔) - مسارح 😍- الاثار 😍 - الملاهي 😍- م خلينا حته حكاية شهر و 13يوم نحن لفيناها كلها (اللهم اوعدنا🙈💝)
مرة ماشين جينا ف رصيف كدا فيهو فرقه موسيقيه عامله عرض واقفين بنتفرج قال لي حبيبي انتظري هنا شوية راجع ليك * اوك م تتاخر * شوية اشوفو نص الحشد الموسيقي دا وماسك زهور ف يدو وبدا يتكلم غير كلمة اونيو ماتي (مساء الخير اعزائي )تاني م فهمت منو شي😂😂😂💔 وهم يتبسمو ساي وشي يصفرو واتلفتو علي وبقو يقولو لي go. go. go. go ويصفقو انا بقيت م عارفه اعمل شنو لا شعوريا اتحركت باتجاهو قعد تحت ومدا لي الورود وقال لوووووووف يووووووووووو
اووووماااااي قااااااد خلاص سوووحت بالجد المرة دي 🙈🙈وهم المتحررين شغالين لي say love you too لا كدا كتير م جادين انتو نحن سودانين م بنعمل حاجات زي دي شكيت محنك ي غااالب. م هين تاريك 😂😂😂💔 قام مسكني من يدي وصلح لي توبي يداب اتزكرت
⬅️فلاش بااااااك➡️
حبيبي خلينا نطلع عازمك غداء ف مكان مميز الليله * ههههه كل الحتات هنا مميزة وانت كل مرة بتعزمني ف مكان احلي من التاني * لا حق الليله دا ح يكون ممميز وعمرك م ح تنسي * حتي لو م كان مميز انا م ح انساهو * اووووو نوووووو بقيتي تتكلمي زي الشعراء ولا دا جو النمسا الرومانسي دا بقاك كدا * ضحكت ومشيت واقفه اختار لي حاجه البسا * حبيبي البسي توب الليلة * امممم اوك طلعت وواحد باكسسواراتو ولبستو شويه هو جا طالع مطقم معاي 😍 مدا لي يدو وقال لي يلا م نتاخر مشينا اتغدينا واتمشينا شويه عاين لي،ساعتو قال لي يلا تعالي غير الشارع وصلنا شايفه العرض شغال وم من عاداتو يقول لي خلينا نحضرو يعني هو كان عارف انو ح يكون ف عرض ومخطط،ليهو فعلا حاجه مميزة ياخ 😍وعمري م ح انساها دي من اجمل المواقف الحصلت معاي
شكرهم وقال لي يلا بينا انا ساكته بعاين ليهو ياااااخ غلبني زاتو اقول ليهو شنو كل مرة بفاجئني بي تصرف احلي من التاني وصلنا البيت قال لي اها رايك شنو ف العرض حضنتو قلت ليهو لووف يووو كتييير ضحك قال لي عيديها تاني * ابببيييت 😕 انت من وين بتعرف كلامهم دا * نسيتي انا قريت مع اجانب وبعرف اتكلم كم لغه يعني م كتير بس حسب الوقت القضيتو معاهم اتعلمت منهم كتير * طيب انت قلت ليهم شنو * حكيت ليهم قصتنا بس * م تهظر معاي انت اتكلمت بسيط وريني قلت ليهم شنو رجع عاد لي الكلام بي رطانتو الما مفهومة دي * غاااالب ياااااخ قول الحقيقه *
*طيب اسمعي انا بس وريتهم كيف بكون الحب السوداني حكيت ليهم كيف نحن بنحب بدون م نقول للبنحبهم كلمة احبك وانو م محتاجين نتلاقي صباح ومسا عشان نقوي حبنا وانو نحن مستعدين نعمل اي شي عشان البنحبهم حبنا المغموس بالوجع دا طعمو احلي من اي حب زواجنا البسيط،دا اسعد من اي زواج وانو نحن بنقدس العلاقات قبل م تكون حب باختصار قلت ليهم كانت طالبتي وبعداك حبيبتي وبعداك اخت مرتي وح تكون ام اولادي وكل حياتي *
ي الله منك غااالب بالجد انا محظوظة بيك يااااخ انت احلي حاجه حصلت ف حياتي دي * طيب يلا قوليها لي 🌚 * ابيييت ياااخ 😂😂💔 انت قبيل م كنت بتخطب فيهم وبتقول انو م بالضرورة نقول الكلمة دي * اي كلمة م متزكر 😉 * بعد تتزكر ح تعرفا زح مني * ي الله منك ياااخ نحن ح نرجع بعد كم يوم خلينا ننبسط * اي نرجع انا اشتقت ليهم ياخ * اوك خلينا نمشي لابوي اوريكي ليهو ونقعد معاهو كم يوم وبعداك نرجع * انت م حصل حكيت لي عن ابوك هو قاعد وين * ي ستي دي قصه طويلة اسي انا مشغول بيكي * 🙈
بعد فترة رجعنا كمان علا عرست احمد 😂😂😂زوا
ج الشفع دا كان يوم حلو ياخ الغريبة لقيت خالي محمد جانا ف البيت انا استغربت وسألت امي
يمة الليلة خالو دا اتزكرنا من وين * ههههههه ي بت عيب هو خالك جا يسلم علينا ووقت سافرتي جات اختي نجوي قعدت معانا اسبوع ورجعت * سبحان مغير الاحوال مالهم فجاة * الحياة بتخليك تتغير
جبت معاي غفران بقت حياتنا حلوة شديد غالب واهلو مبسوطين بي غفران وبعملو اي شي عشانا وانا مبسوطة بيهم كدا م بتمني اكتر من كدا 😊 مرة كنت ف بيتنا يومين اتصل لي قال لي اجهزو بجيكم شوية جانا رجعنا قعدنا ف التلفزيون ماسك غفران يتونس معاها غفورة انتي عايزة اخو صاح 😉 * غااالب انا كم مرة قلت ليك م تتكلم مع البت دي،كدا ياخ * مالك انا وبتي بنتونس صاح ي غفورة * شلتها منو ومشيت نزلت تحت لناس امو خلود من شافتا
غفوووووورتنا العسل جيبيها عليك الله اشتقت ليها شالتا ودخلت غرفتا قالت لي خليها معاي انتي امشي لي غالب *خلووود يااااخ انا جاية ليكي وانتي بتقولي لي كدا * ههههه حرام عليكي هو مشتاق ليك ليكي يومين م ف وانتي قاعدة لي هنا امشي ياخ * بيس عليكي 😒 تاني لو جيتك طلعت منها لقيت غالب جاي نازل قلت ليهو علي وين * جاي ليكي * ههههه انا متين مشيت منك * قبل 5 دقايق كدا * م تميت دقيقتين والله * ياااخ انتي لو تغيبي ثانية بتتشاف لي دقيقه * غااالب عاايز شنو 🌚 جيب من الاخر * ضحك مسكني قال لي بما انك عارفه اني عايز حاجه مالك * افتكرتك ح تخلي حركاتك دي * لا اطمنك م ح اخليها * طيب ماشي بي وين * غمض لي عيوني وقال لي ح تشوفي * ي الله منك طيب براحه ح اقع بعد شوية فتح لي عيوني مزين الغرفه الجمب غرفتنا كانت مزينة بي طريقه ومليانة العاب يعني بالجد حاجه
كدا واو الشكل حقها ميكس وردي بازرق وفيها سريرين والعاب كتيرة وقفت مزهولة بعاين ليهو قال لي اها رايك شنو * واو حلوة عملتها كدا متين * لما كنتي م ف 😉 * ليه عاملا ميكس كدا *جا لافاني عليهو وقال لي عشان رئبال وغفران *انت ليه مصر علي الاسم دا * عشان هو عاجبك وانا قررت اعمل ليك كل الحاجات البتعجبك عاينت ليهو وم رديت قال لي يلا ياخ خلينا نجيب رئبال دا غفورة ملت وهي قاعدة براها * غااااالب ياااااخ انت م ح تبطل حركاتك دي فكني انا مشغولة * ياااااخ انتي م ح تبطلي حركاتك دي * لااااع بعد انت تبطل حركاتك بعداك
بعد فترة كدا يوم فاتحه تلفوني لقيت علا مرسلة لي
سسسسسجم * عيوووونا * كيفك ياااخ * تمامو انتي كيف * مشتااااااقه ليك بس * عايزة شنو انا قبل كم يوم م كنت معاك * ههههههه ويعني اسي غالب م بشتاق ليك وانتي الوقت كلو معاهو * داك غالب ودي انتي * الفرق شنو الاتنين بنحبك * سرررريعك عايزة شنو * طيب بما انك مصرة ح اطلب منك حاجه * ههههههه ياخي هو انتي اساسا جاية لي حاجه * اممم عايزاك تمشي معاي المركز بكرة * مركز شنو 🌚 * يااااااخ المركز يااااخ * استغفر الله م قلت ليك مركز شنو ف مية مركز تسوق ومراكز بيع مخفض ومراكز تدريب 🌚 * لا ياااخ المركز التاني 🙈 * علا انتي م شاربة حاجه صاح 😳 * 😂😂مررض من متين وانا بشرب * طيب اتكلمي عديل مركز شنو الامشيهو معاك دا * يااااخ المركز الواحد حق الدكاترة دا 🙊 * وممكن اعرف بتتخجلي كدا مالك م تقولي لي كدا من قبيل 😒 * بكرة بفهمك انتي بس قولي ح تمشي معاي * خلاص م ناقصاك بجيكي اسلم لي امي ومنها امش معاك * لا انا ف الشقه ما مع ناس امي * احمد جا يعني 😉 * اي وم تغمزي لي 🙈 * 😉😉😉😉😉 كدا كيف * نبوو ياخ انتي م عندك راجل يلمك مني امشي يلا * غالب لسه م جا عشان كدا قاعدة ليكي هنا لو كان في بتشوفيني ماسكة تلفوني 🌚 * سسسسسجم طيري يلا
اليوم التاني مشيت وديت غفران لي ليان قالت لي طولت منها وطلعت اتصلت لي علا قالت لي اتاخرتي مالك * جاية عليكي مشيت ليها اها خير ماشة المركز ليه * بعد نمشي ح تعرفي * علا بطلي حركاتك دي وريني الحاصل شنو * يااااخ م حاصل شي ارح بس وصلنا فحصت وانا بعاين ليها واضحك يداب فهمتها غايتو حركات العروسات الجديدات كعبه 😂😂😂💔
قالت لي انتي م عايزة * شنوووووووو * اسكتي خلاص م تكوركي فيني كدا *هههههههههههه والله لو شفتي منظرك بتضحكي في نفسك اسي جايباني عشان وبقيت اضحك فيها * نبوووو يااااخ بطلي حركاتك دي انا جبتك عشان اتاكد عندي كم يوم حاسة نفسي فترانة وبطني طامة ومصدعه علي طول عشان كدا * ووووووبعلياااا نفس الاعراض م تقولي لي * هههههههه بس ياهو امشي افحصي * لا م عايزة عشان امس كنت شغاله ف البيت كتير بس فترت وصدعت وبطني طمت لاني اكلت ملح وسكر سوا بس م اكتر * اوك انتي افحصي م ح تخسري شي * طيب
بعد الفحص طلع ايجابي م بعرف جاتني فرحه كدا بس تاني اختفت 😂😂
قلت لي علا مستحيل انا كدا اقدر لغفران اول ياخ هي مرات لو بكت انا ببكي معاها والعجب لما تمرض بتلخبط،لخبطة م عادية تاني يجيني بيبي غيرا ح انتهي * هبلة ياااخ م كدا لما تبقي ام بالجد ح تحسي بالشعور افرحي م تفكري ف الحاجات السيئة * امممم بفكر ف الموضوع * ضحكت علي قالت لي بتفكري بعد شنو
كان التفكير دا زمان قبل م * علااا يااااخ م تقفليها معاي * خلاص خليتك
رجعت البيت وانا بفكر ف الموضوع خلود قالت لي نبو غفورة وين * ليان قالت لي اوديها ليها اشتاقت ليها بكرة ح اجيبا * ي الله ياخ انا مسافرة الليلة كنت عايزة اودعا * علي وين * ماشة عندي عرس بت عمي ف البلد * اها كويس عقبالك * ههههه امين ياخ لحظة انتي مالك الليله * مممما فيني شي مالي * هههههه ومتوترة كدا ليه * ولا شي وطلعت دخلت الغرفه استحميت ورقدت شلت تلفوني اتصلت ليهو اتونسنا شويه وقفلتو بقيت م عارفه اكلمو كيف فجاة اتزكرت سبأ يااااخ بقيت ابكي بكي لحدي م نمت صحيت علي صوتو بصحي فيني حبيبي اصحي العصر اذن انتي نايمة كدا ليه غريبة م من عاداتك * رفعت راسي انت جيت متين * قبل شوية كدا انتي كويسة منظرك م عاجبني * م فيني شي مصدعه بس * بكيتي صاح ي الله كم مرة قلت ليك م ترجعي لنوبات البكي بتاعتك دي * طوالي حضنتو وبقيت ابكي وهو م خلي سؤال م سألني ليهو ويسكت فيني وانا عايزة اسكت بس دموعي م عايزة تقيف * اووك روقي ووريني الحاصل شنو قلقتيني عليك الله يخليكي كفي * سكتا وقشيت دموعي * متاكدة انو م ف زول زعلك ولا عمل ليك شي * م في شي ي غالب بس كنت مشتاقه ليها * ماشي قومي غسلي وشك وصلني الحمام وطلع غسلت وشي لقيتو جايب لي موية وعصير * يلا اشربي واهدي اوك دخل الحمام شوية رقدت الليله بالزات انا مشتاقه ليها اكتر من اي وقت مضي 😞💔اتزكرتها كتير جا لقاني م شربت * نبو ليه م شربتي العصير * م عايزة شي * اشربي عشان تهدي * زحو مني م عايزاهو ياااخ * مالك م انتي بتقولي الزول لو م رايق يشرب ليمون بهدي الاعصاب * م لي نفس فيهو بس زحو طلعو برة عاين لي باستغراب وطلع * جا قال لي طيب نطلع عشان تروقي شوية م تقعدي مضايقه كدا * م قادرة خليني هنا بس نطلع مرة تانية * اوك راحتك ح اجهز شي ناكلو * طيب شوية كدا جاني قال لي تعالي الاكل جاهز طلعت معاهو قعدنا عاينت للاكل مسافه قال لي اكلي * عايزة جبنة * اشوف ليك التلاجه مشي وجا جابا لي * م ف زيتون * عاين لي وقال لي م ف * خلي خلاص م جيعانه انا * اقعدي في مشي جاب لي * شلت حبة واحدة اكلتها وقلت ليهو جايبو كتير كدا ليه *ضحك قال عشان وحامك دا يخلص ف يوم واحد * اووووو شييييت 🙈🙈غااالب يااااخ عرفت كيف * وقف قال لي انتي جادة (شكلو م عارف بتكلم ساي وكشفت نفسي 😂😂😂💔)حضني وبقا يتكلم معاي كلام كتير مجنون ياخ 🙊
من اليوم داك وهو بقا م طبيعي 😂😂😂💔والله لدرجه لو رفعت غفران بقول لي جيبيها انا بشيلا م تتعبي نفسك لحدي م جبنا رئبال حلم العمر دا 😂😂😂💔المشكله انا م بعرف انطق اسمو صاح زاتو 😂😂😂💔خلصت الجامعه وعشت فيها احلي ايام مع غالب كان دايما السند لي اسعدني علي قدر م كنت حزينة علشان كدا بقول :-
*الحياة فعلا صعبة ومؤلمة وبتواجهنا فيها حاجات اكبر من طاقتنا كتير مرات بتحصل ليك انكسارت من ناس م كنت متوقعا بتتخت في مواقف بتتمني انو لو م جااليوم الحصلت فيهو دا ح تواجهك حاجات اكبر منك ومن طاقتك ح تستحمل كتير ويفيض بيك
#ح_تتخذل_وتنجرح_وتنكسر_وتضعف_وتيأس_وتفقد_الثقه_ف_اقرب_الناس_ليك #يمكن_حتي_ف_نفسك
بس دا معناهو نهاية الحياة ولا يعني انو تستسلم للحياة وتكرها بالعكس مفروض الحاجات دي تقوينا تخلي دافعنا لقدام يكون اكبر نصمم نواصل رغم المهاترة عشان نصل للحياة النحن عايزينها
شفنا كيف كانت الحياة بالنسبه للتومات
واحدة بتفرح ف اللحظة التانية بتزعل بس مع ذلك واصلو حياتهم نلخص الموضوع سريع بداية بي امهم :-
لما تحارب كل الناس عشان زول وتخت ثقتك كلها فيهو تقيف ضدد كل الناس عشانو ويخذلك م تنكسر واصل رغم الالم دا كان حاصل معاها هي واجهة الحياة براها عشان اولادا م انكسرت ولا ضعفت دا دليل انو (وخلق من بعد ضعف قوة) 💙
ابوهم رغم حبو لامهم وكان واجه متاعب كتيرة عشان يصل ليها ضعف وسمع كلام الناس اتخلي عنها ف اشد لحظة كانت محتاجاهو فيها دا معناهو انو الحب م كل الحياة ف الحياة دي. نحن محتاجين حاجات تانية غير الحب عشان نقدر نقاوم مشاكل الحياة دي محتاجين ندوس علي كلام الناس ونعيش لنفسنا محتاجين نثق ف بعض لاقصي حد بحيث م نخلي اي كائن يدخل بيناتنا عندك زول بتحبو شديد عشان م تخسرو م تسمع شي من الناس ف حقو مهما كانو الناس ديل قريبين منك خلي البينك وبينو اكبر من اي شي اتمسك بيهو حتي اخر رمق 🙂وم تنسي اجعل بينك وبينو زي م قال ربنا (وجعل بينهم مودة ورحمة)
💜
نشوف ليان كانت اخت كبيرة بس م قامت بالدور بالشكل المطلوب من هنا حابة اقول الاخوان الكبار انتو بمثابة ام واب خليكم قريبين من اخوانكم الصغار م تفرزو بينهم اعتبروهم اصدقاءكم ابقو اقرب منهم من يكونو مع بعض اي نعم ف اي بيت ف اخوان بكونو قريبين من بعض وفي اتنين دايما ف حاله نقاش وممكن نقول م بتفقو بس دا م بنطبق علي الاخ/ت الاكبر لازم يكون قريب منهم كلهم برغم اختلاف سنهم اسمع ليهم لو كانت ليان بتتفق مع نبا زي م كان التناغم البينا وبين سبأ كان حاجات كتيرة اتغيرت 🙂 عشان كدا م تظلمو اخوانكم هم بحتاجو ليكم اكتر من اي صديق او حبيب الدليل (واجعل لي وزيرا من اهلي *هارون اخي * اشدد به ازري *واشركه ف امري *) الاخ نعمة حافظو عليها
❤️
اما بالنسبة لي سبأ ونبأ م ف شي غير اقول هم كانو وجهان لعمله واحدة من جوة البطن كانو سوا حكمة من الله انو هم يتشاركو الحياة دي من م بدوها لاخرا في نظركم يمكن سبأ م كانت ظالمه اختها كتير كل الحصل كان غلط،منها بس ف حاجه اسمها اسباب واقدار الحصل كلو كان قدر وسبأ م كانت الا مجرد سبب للبحصل نحن م بنختار كيف نكون يمكن نكون سبب ف حاجه حلوة بالنسبه لزول زي م كان غالب سبب ف سعادة سبأ وفي نفس الوقت ممكن نكون سبب ف حاجه مؤلمة لزول اخر زي م كانت بالنسبه لي،نبأ ففي الحياة دي نحن دايما نحاول بقدر الامكان نترك بصمة واثر جميل كل الظروف البتختنا ف مواقف صعبه خلونا نتغلب عليها ونرسم ابتسامه عمرك م تندم علي شي كويس عملتو حتي لو م كان لي زول بستاهل لانو ف الحياة دي كل شي عملتو يوم من الايام حتما ح يرجع ليك (كما تدين تدان) م بس ف الحاجات السيئة حتي الحاجات الحلوة ح ترجع ليك بتتسائلو ليه تضحي بشي بتحبو وهي عارفه انو م ح تكون مبسوطة لو عملت كدا صاح م ح تستفيد شي لنفسها بس رسمت ابتسامة او سعادة مؤقته لزول عزيز عليها شديد تفكيرا كان اكبر من انو تفكر ف نفسها ف ناس ارتقو ف الحياه دي وعرفو انها م مستاهله شي كل العايزينو الحواليهم م يتألمو لما نخت المبدأ دا ونبدا نتعامل بيهو صدقوني ح يتغير شي كتير جربو وعمرها م راحت التضحية ادراج الرياح نتخيل كان كسرت قلب اختها واتزوجت الزول الحبتو زول واحد ف الدنيا دي م بسعدك كان ممكن تخسر امها وعلاقتا تتوتر وممكن سبأ م تسامحا وم تقدر تنسي الزول الحبتو واحتمال ترتبط يوم ما بي زول م بتحبو كميه الخسائر دي كلها ف كفه والعملتو نبأ عشان تتفادي الح يحصل دا ف كفه اليوم دا واحد م بتغير هي ح تموت وح تخلي زكري بس وارجع واقول دا كلو قدر وهي كانت مجرد سبب لما تقتنع انو الحاجه الماليك فيها قسمة ونصيب م ح تجيك لو عملت السبعه وزمتا اقتنع بمبدأ (القسمة والنصيب) صدقني حاجاتك المقسومة ليك ح تجيك لحدي عندك بدون م تتعب ليها كتير شفنا كيف لما ربنا قاسم سعادة لي نبأ جاتا كيف بدون م هي تحاول
#حاجة_اخيرة:-
احساس الفقد بولد محبه خاصه بين الناس ف ليه الناس م تتحابب لحدي م تفقد بعض وتبقي في كنا وياريت كلنا بنعرف انو نحن م دايمين لي بعض 💔عارفين كويس،انو اليوم م معروف امكن الليله اكون معاك وبكرة تترحم ف ليه بنكبر الامور ونصعبا ونتخاصم ونتباعد وناخد الامور بجدية 😢💔تخيلو يوم تصحا تلقي فلان الكنت بتكرهو بي سبب موقف حصل معاك م ف ح تقول ي ريت لو اتسامحنا قبل يمش ولا اخوك الدايما بتناقش معاك وبامرك وبضربك ويمنعك م تطلع م اشوفك برة غسل اكوي لا ممنوع فجاة تصحا م تلقاهو ح تقعد تبكي وتقول ي ريت ترجع يوم واحد عشان اوريك اني بحبك فيهو ارتقو ي جماعه نحن م دايمين لبعض تحاببو وتسامحو هي دنيا وفانية ( افإن مت فهم الخالدين) الموت جاينا كلنا خلينا نكون حلوين لحدي م نموت 😊
كونو بخير احبتي ☺️💜طولت عليكم بس ظروف الدراسة وكدا وشكرا للمتابعين والدايما مترقبين الجديد حاليا الروايات دي صعبه علي شوية وم بقدر اكتب ف جو زي دا ومزاج متوتر الناس البتسأل من صفحتي ف الفيس داخله باسم الكاتبة نيدوو والعايزين االروايات القديمة هم 4 نشروهم ف التلغرام وقروبات ف الفيس وتلقوهم ف تطبيق الواتباد دي الروابط 👇
الرواية الاولي: - احببت مغرور
أعتقد أنك ستحب هذه القصة: " *احببت مغرور* بقلم Alkateba_Nedo على واتباد
2-لا اكراه ف الحب: -
أعتقد أنك ستحب هذه القصة: " لا اكراه ف الحب بقلم Alkateba_Nedo على واتباد
3-مابين حنين ووتين (دي باللغه العربية الفصحي)
أعتقد أنك ستحب هذه القصة: " مابين حنين ووتين بقلم Alkateba_Nedo على واتباد
#كتبتها يوم 8/1/2019عند الساعه 10صباحا وانتهت يوم 25/1/2019عند ال2:11ظهرا ☺️❤️
#كتبت_لكم_بحب
✍محبتكم_نيدوووووو
