الصباح صحيت وصحيتهم كالعادة اتجهزو هم طلعو انا م عندي جامعه قاعدة ف البيت نضفت وامي قالت طالعه ماشه لمديرة المدرسة الشغاله فيها قلت ليها يمة تخلوني براي وابوي ومصطفي طلعو قالت لي البسي ارح معاي قلت ليها ياخ م ناوية امش معاك انا م بعرف صحبتك دي قالت لي كيف م بتعرفي استاذة خالدة دي مديرة المدرسة الانا شغاله فيها ارح بدل تقعدي براك قلت ليها طيب لبست وشلت تلفوني وطلعنا اول امي قالت لي الندخل لسلوي دي اسلم ليها طولت منها من عرس بتها م جيتا تاني دخلنا سلمنا ليها والكلام جاب الكلام انتي ي خالتو سلوي قولي لي امي امس سألت منك بتك والله وكنتي ف بالي اجيك قالت ليها غريبة م جابو لي سيرة والله الحمدلله انها م بتفرز بينا انا وسبا احيانا الحتة دي دايما بتكون ف صالح سبأ هي بتستقل الشبه البينا بس المرة دي جات ف صالحي 😂😂😂💔عملت لينا عصير والونسة جرت وانا قاعدة مالا جنس ملل 😴كتر خير التلفزيون الكان شغال واريتو لو شغال شي نافع 😂😂😂بعد نص ساعه طلعنا لاقينا اسامة ف الباب سلم لينا وطلعنا طول الطريق امي تونسني وانا ولا شغاله بيها 😂😂😂💔سرحانة بالشباك لما وصلنا البيت فتحت لينا البت الشغاله وفضلتنا جوة وانا قاعدة اقول دا شنو دا م يجي زول من ناس البيت اسي يا امي لو دي انتي جاك زول ترسلينا كلنا نستقبلو وامي تشيل وتقرصني تقول لي. اسكتي دا شنو عايزة تبقي لي زي سبأ الشغاله ماشة وجايه شي مويه شي عصير وزول من ناس البيت م عبرنا انا شغاله جواي اقول اسي م عندهم زوق كدا ليه 😒م يجو يقولو اتفضلو ويمشو ان شاءالله😒بيس عليهم😒ناس م عندهم اتكيت 😒جات مرة نازلة من السلم بي راحتا شويه وصلتنا حضنت امي والسلام الحلو داك وتعتذر معليش كنت بصلي فوق ونادت البت الشغاله قالت ليها ضيفتيهم وجات سلمت لي بالحضن كيفك حبيبه حي ماشاءالله ي نجاة بناتك كبرو دي التومة ولا الكبيرة ولا بتدي فرصه يردو ليها زاتو 😂💔امي قالت ليها دي نبأ الكبيرة ليان وقعدو ماشاءالله والله ربنا يحفظهم ليك واتونسو شويه امي قالت ليها حي ي خالدة نحن فوتنا الضهر قالت لينا تعالو معاي ودتنا فوق الحمامات وطلعت لينا الصلايات قعدنا صلينا شويه قالت لي معليش ي بتي انا م عندي بنات يتونسو معاك شكلك مليتي بس،اقعدي هنا عندي اختي ساكنة معاي مشت الجامعه اسي بتجي انتظريها ف غرفتا هنا وفتحت لي التلفزيون ونادت الشغاله قالت ليها جيبي لينا القهوة وهم نزلو خلوني اجي اجي ي جماعة😳جادين انا اقعد براي ف الغرفه دي 😒م احسن لي بيتنا كان😒تاني ي امي عشان امش معاك مكان😒دخلت وانا بتكلم مع نفسي طلعت طرحتي وقعدت فتحت التلفزيون لقيت فيلم شغال قعدت احضر نص ساعه كدا جات بت داخله سلمت علي قالت لي انا اسمي خلود قاعدة مع اختي هنا ف بيتا بقرا ف جامعه بحري بيطرة السنة التانية قلت ليها اتشرفنا انا نبأ بدرس ف الخرطوم اشعه برضو تانيه قالت لي واو حلو بس دقيقه اخش الحمام واجيك ضروري وجرت بقيت اضحك فيها شويه طلعت قالت لي طلعي عبايتك ساي م ف زول بجي قلت ليها لالا كدا مرتاحه نادت الشغاله قالت ليها اكل سريع انا ح اموت من الجوع ضحكت قالت لي اخ من جامعتنا البعيدة دي حظك الجامعه قريبة ليك قلت ليها م شديد بس احسن شوية قعدنا نتونس للمسا كدا نزلنا تحت الغداء اتغدينا وامي قالت ليها تسلمي ي خالدة يلا نحن ح نمشي قالت لينا النبي تقعدو شويه ولدي اسي بجي يوصلكم بدل المواصلات امي قالت ليها لالا المسافه م بعيدة من هنا للبيت قدمونا تحت وقالو لينا خلاص نحن زاتو ح نجيكم يوم باذن الله قلت ليها تنورو ي خالتو وانتي ي خلودة تجي معاها قالت لي بعد تجيني يوم ف جامعتنا ضحكت قلت مع انها بعيدة بس يلا بجيك شالت رقمي وطلعنا رجعنا البيت لقيت لونة وسبأ قاعدين ف الهول يحضرو قالو لي مشيتي وين حكيت ليهم وهم حكو لي كيف كان يومهم ودخلنا غرفتنا جهزت لي يوم بكرة طبعا الاربعاء دا يوم خاص لانو يوم محاضرة د/غالب 😂وبرانا مرتكبين جريمة انا خايفه يكون كشفنا سبأ تقول لي م تخافي ياخ اتصلت لي علا اتونسنا شويه وعدا اليوم علي كدا الصباح صحينا بدري جهزنا طلعنا مشينا الجامعه المحاضرة بدت جا وجاب معاهو الورق وقفل الباب انا بقيت قاعدة علي اعصابي قال لينا شباب يسعد صباحكم
وصباحك ي مستر (كل القاعه م عدا انا 😂)
الاسبوع الفات اخدنا Testصغير نقيس بيهو مستوي الدراسة وحابب اقول ليكم انا ك استاذ م محتاج اعرف الطالب من درجه امتحان يمكن حاصله ليهو ظروف م قدر يقرا ويشتغل ويمكن م حقو وروهو (انا هنا قلبي بقا شغال زي الدلوكة😹)عشان كدا انا م عايز الطلبه ياخدو موضوع الtestبجدية الواحد مفروض ينتبه ف المحاضرة واللاب ويزاكر دروسو اول باول بدون اي ضغط من الاساتذة انتو ناس جامعين م صغار عارفين مصلحتكم عشان كدا انا م ح اخت الدرجات دي ف االامتحان
م تخافو وعموما الشغل م كعب ف ناس كتار جايبين درجات كويسه اخر المحاضرة شيلو الورق بتاعكم وبدا يسأل من باقي المحاضرات طول المحاضرة انا مسهية م عارفه الشاغلني شنو زاتو م من عوايدي حتي م شاركت الناس جايطة وبتشارك معاهو الزول دا فيهو حاجه كدا بتخليك غصبا عنك تنتبه معاهو علي قول سبو م بتقاوم 😂😂لانو هو الدكتور الوحيد ف الجامعه دي فارض نفسو وشخصيتو م خوف بس الناس تلقائيا م بتخرق قوانينو ومتماشيه معاهو محاضرتو 7ونص كل الناس بتجي قبل الزمن ومادتو دي علي ظهر قلب الناس كلها عارفاها وفاهماها حتي اللاب حقو كميه التنظيم الفيهو لو كان ف 10اساتذة زيو السودان بتصلح🌚فجاه قطع تفكيري قال دا سؤال عبقري شوية وقبل اطرحو عايز زول يقيف ويطوع انو ح يجاوب الناس فجاه سكتو عاين ولفا ف القاعه قال طيب ازيد التحدي البجاوب عليهو عندو 5درجات بقا الموضوع محمس شوية ف كم نفر رفعو يدينهم قال لي اوائل الدفعه بس ي جماعه انا لما اقول كدا م مهتكر الحكايه لناس معينين الكل يشارك ان شاءالله لو م عارف ارفع يدك لو السؤال م عرفتو اقعد م عيب طيب 10درجات ف اكتر من كدا ربع القاعه رفعو يدينهم 😂😂😂ناس بتحب الملح مع اني قارية المادة بس م رفعت يدي والله انا م عارفه الليله مالي فيني شي م طبيعي 🌚بتفاهم مع نفسي بعدين اسي ركزو انتو الموهم بدا يزيد العرض اغراء قال من الاخر خلينا الدرجات ف مكافأة قيمة للزول البجاوب ح اسأل وعايز اجابه كامله وم بالعربي والما متأكد من اجابتو م يحاول عايز زول واثق يجي يشرح للقاعه كلها الاجابه شال القلم وكتب ليهو اربعه سطور الناس بقت تتهامس علا قالت لي نبو الموضوع فيهو جائزة من غالب ركزي قلت ليها هااااااا 🤤🤤قريت السؤال عاينت للقاعه م ف زول عايز يجاوب قلت ليها علا م عارفاهو قريناهو ف المرجع ف المكتبه قالت لي خليني اجمع انتي عارفاني انا زوله حفظ بس اما الشرح دا م مركزاهو هو قال عايز اجابه كامله فجاه قال لينا العد العكسي بدا يلا ي جماعه والله الجائزة دي قيمة شديد قال م ف زول عايز يتحداني احلها انا رفعت يدي قال واثقه قلت ليهو suaringطلعت شرحت الاجابة قال ف زول عندو اي اضافه م اتكلمو قال ليها البروف ومشا لي علا قالت ليهو كلاما صاح بقا يضحك قال صفقو ليها رجعت مكاني قال لي سبأ ولا نبأ قلت ليهو نبأ قال لي طيب الناس كلها منتظرة تعرف الجائزة 😂😂والشمار حارقا شديد وهو طوالي بدا المحاضرة 😂ووووبعليااااااا جنس شي بعد المحاضرة قربت تخلص وزع الورق للناس قال لي تعالي شيلي ورقتك وتعرفي جائزتك من المكتب بس خلاص انا انتهيت اكيد عرف علا شغاله تهدي فيني قالت لي م بسالك ياخ امشي مشيت
المكتب فاضي اصلا هو مكتبو مع دكتور عبدالله والليله م بجي دخلت وانا بفرك ف يديني ومتوترة قاعد طلع نضارتو قال لي نبأ الامين سيد صاح وماسك الورقه قلت ليهو ايوا قال لي دخلتي المجال عن رغبه ولا نسبه قلت ليهو كنت عايزة صيدله بس،م شالوني فيها قال لي للقدر رأي اخر سكتا م رديت رفع راسو عاين لي مسافه قال لي انتي زولة ممتازة وباين عليك بتحبي قرايتك شديد وطموحه ممكن اعرف الخلاك تتصرفي مع اختك كدا شنو وووووووبعلياااااا خلاص انا بموت 😭😭😭💔وياقول سبو برستيجي اتكشح💔سكتا قال لي كان بامكاني اناديها هي واسألا بس انا م كنت متاكد اي واحدة فيكم سبأ بس لما قلت ليها تجي قدام وخليت ليها الحضور وجابتو لي ف المكتب انا اتاكدت منها من الكلام عرفتها اتعمدت اقيف بعيد من مكتبي ولما سألتني اي درج انا اتاكدت انو دي سبأ من كلمة درج دي الخدعه دي ممكن تنطلي علي استاذ تاني بس م علي انا وحتي لما اتبدلتو ف اللاب انا عرفتكم بس م حبيت اعاتبكم عارفه ليه انا بس،ساكتة طبعا قال لي لانك طالبه مميزة عندي م اتوقعت تصرف زي دا منك قلت يمكن عندها سبب خلاها تتصرف كدا بس لما عدتو التصرف يوم الtestانا م قدرت اسكت حسيت انو بتستغبوني قلت ليهو سوري ي مستر. م قصدنا كدا والله قال لي عارفك انتي طالبه ممتازة لايمكن اللاعيب دي تكون منك لما راجعت سجل النتايج شفت انك زوله كويسه انتو فخر الجامعه رجاءآ راعو لتصرفاتكم قلت ليهو حاضر قال لي اتفضلي ناولني ورقتي مديت يدي اشيلا شال الورقه عليهو قال لي انتي الوحيدة الجايبة الدرجه الكامله علي الرغم من انك حليتي لاختك نص الtestهي اشتغلت الباقي كويس بس م اديتا درجه كامله وانا م ناديتا هي عشان اتكلم معاها لانو احتمال كلامي. دا م يأثر فيها تسمعو بجاي وتفضي بجاي بتمني م يتكرر تصرف زي دا مع اي دكتور قلت ليهو حاضر ي مستر😊قال لي اتفضلي مدا لي ورقتي قمت ماشة قال لي م عايزة تعرفي جائزتك( هو طبعا انا كنت عايزة اعرف بس حضرتك مسختها علي 😂😂😂)قلت ليهو الجوائز م بتشكل فارق عندي علي قدر م بهمني مكانتي عند الاستاذ طبعا انا بالجد حسيت بي غلطي اي نعم سبأ اختي وبحب انها تتفوق زيي بس برضو م كان اجازف المجازفه دي عشانا انا عملت كتير عشانا بي سببا اسي د/غالب اخد موقف مني ودا شي م من صفاتي وانا ح اتحسس منو تاني فالكلام دا م كنت مخططة اقولو بس طلع ك ردة فعل مني انتبهت لنفسي قشيت دموعي وجيت طالعه قال لي نبأ وقفت م اتلفت اصلا قال لي مكانك زي م هو انا م غيرت نظرتي ليك وكان لو التصرف دا بدر من طالبه غيرك انا كان هزئتها قدام كل القاعه بس عشان دي انتي حبيت اوعيك علي غلطك هنا بدون م يعرف زول قلت ليهو باذن الله م ح تتكرر قال لي واثق م ح تعيديها وطلعت طوالي لقيت علا اول م سالتني دموعي جات نازلة 😭💔بالجد موقف علي قدر م هو محرج صعب كمان مشينا الاستراحة حكيت ليها قالت لي وااااي النبي غالب قال ليك الكلام الحنين دا 😍قلت ليها علا انا ف شنو وانتي ف شنو 😒قالت لي معليش،بس،انتي م ملاحظة لي غالب دا بعاملك بطريقه اسبشل 😉علاااااا ياااااااخ م ناااااقصاك انا 😒قومي ارح وبطلي حركاتك وعلي فكرة انتي واحدة سسسسجم بتعرفي الاجابه وبتسكتي تاني م بقرا معاك 😒قالت لي ياخ م دايما والله وبعدين هو بسأل اسئله عميقه بكون عايز زول يناقشو وانا م لي ف الحركات دي العلي افهم واحفظ،بس اما النقاشات دي م قدري 😀حيوانة علي فكرة بي سببك اسي راحت الجائزة كان لو جاوبتي انتي يمكن عرفناها شنو 😒ماشين بنتناقش لقينا ناس سبو وشلتا قالو لي نبأ ي ختيرررررة قلت ليهم اهلين 😊
ميسو:اشي وريتينا
نونة:هيي ماشاءالله من يوما كدا م قلتي لينا اداك شنو
سبأ:اي ورينا وجبتي كم
دانة:اشي دخلتي مكتب غالب لينا الله
علا:نبا وريهم عشان نمش
*جبت 20 وم سألتو من الجائزة شلت ورقتي وطلعت طوالي😊اذنكم*
طوالي مشيت منهم دخلنا حضرنا محاضرتنا حتي م فطرت م كان لي نفس زاتو 😒✋طلعنا لقينا متولي سلم علينا وقعد معانا ف الكافتريا فطرت. ومشينا صلينا وعدا اليوم عادي نهاية اليوم قلت لي علا م شفتي لي سبأ تلفونا قافل قالت لي قبيل مشو علي الباب وقت دا بكون طلعو طلعنا م لقيناهم قلت ليها ياخ ارح تجي بطريقتا قالت لي من زمان انا بقول كدا بس م بتسمعي كلامي مشينا ركبنا وصلنا نص المسافه اتصلت لي قالت لي وين انتي*قربت اصل بحري*مالك م انتظرتيني*فتشتك م لقيتك وتلفونك مغلق*خلاص انتظريني ف بحري نحن جاين م بنتاخر*م تكوني بعيدة وتخليني انتظرك*لام بعيدة شديد *اوك
علا قالت لي الله يعينك بس انتظرتها جات سالتني الحصل حكيت ليها بالتفصيل وقلت ليها تاني انا م بتورط قالت لي خوافه ساي انتي وصلنا البيت ارتحنا شوية قعدنا اتونسنا مع ابوي قال هو راجع يوم الجمعه قلنا ليهو يقعد بس اصر يرجع قال لينا بجيكم ف العيد تاني عدا اليوم عادي والبعدو برضو كان يوم عادي م فيهو شي يزكر يوم الجمعه بالصباح جهزنا الفطور اتزكرت اني وعدت اسامة من فترة 😂😂قلت لامي بما اننا عاملين عصيدة وكدا ح اودي لخ
التو سلوي بتحبها ضحكت قالت لي والله ي نبو بتفهميني انتي اسي كنت بفكر اناولا صحن طيب جهزت لي عمود قالت لي ودي ليها وتعالي شلت تلفوني اتصلت ليهو
الوو*اهلين اسامة كيفك*والله تمام فل الفل وانتي كيف*الحمدلله*دي شنو المفاجاه الحلوة دي*ههههه تقول شنو بس قلت اوفي ليك بوعدي حق العزومة*هههههههه انتي م جادة *جااادة والله*خلاص نشوف عزومتك *تلقاها ف البيت بانتظارك*ههههه كويس تسلمي*الله يسلمك
وصلت دقيت الباب خالتو سلوي جات سلمت لي قالت لي اتفضلي سبأ ولا نبأ ضحكت قلت ليها والله ي خالتو الا يعملو لينا علامه عشان تعرفينا قالت لي خلاص عرفتك ي اللجينه بس اسماءكم زاتو م بتتفرز لي *هههههههه دي مشكله تانيه برضو*اتفضلي حبيبة*مستعجله بس جبت ليكم الفطور دا الليله الجمعه وكدا*ي سلام م بتقصرو شوفه عينك بنضف ي حليلا سجود خلت لي البيت اوحش ومن الصباح بنضف. اسامه قال لي نعمل عصيدة قلت ليهو م ف طريقه*ههههه علي نياتكم ترزقون بالهنا *عليك الله كما م فطرتي معانا*مرة تانيه حارسيني للفطور*ههههههه حارسينك للفطور ولا حالسينك للفطول 😂😂😂دا اسامه الغياظ طبعا امو قالت ليهو مالك معاها م تكاويها ياخ قال لي م تفطلي معانا عليك الله قلت ليهو بالهنا مرة تانية قال لي نحن المفروض نشكرك م بتقصر معانا قلت ليهو ولو م يغلا عليكم ودعتهم قدمني قلت ليهو البيت قريب قال لي واجب الزيارة وكدا 😂قلت ليهو سجود كيف قال لي كويسه والله *سلم عليها*طيب يصل يلا تصلي بالسلامة*تسلم دخلت البيت فطرنا وعملنا الجبنه مصطفي قال لي اكوي لي جلابيتي ي نبأ قلت ليهوجيبا مشيت اكوي ليهو تلفوني اتصل دا اسامة رديت:الو:كيفك:الحمدلله:وصلتي كيف:هههه تمام وانت:الحمدلله قلت اشكرك بس: العفو ياخ م بيناتنا شكر:لحظة صمت كدا م عارفاها جات من وين 😂😂💔قال لي طيب زمن الصلاة قرب: تقبل الله: معسلامة وقفلت تلفوني كويت لمصطفي وقعدت افكر اسامة دا مالو فجاه بقا مهتم بس م يقعد يتونس ويتظارف يجي يوم يقول لي معجب والحركات دي انا م بقدر وسبأ لو عرفت 💔هو عاجبا شديد نفسي افهم الغلط،وين هي م بتعجبا الا الحاجات البتخصني ولا انا البشيل الحاجات البتعجبا اووووف لمتين نحن ح نكون ف الحلقه المفرغه دي 😔💔م عايزة يتكرر نفس الفات نحن ح نخسر بعض لو الحاجات دي استمرت وتاني حصل نفس الموقف 😭💔راسي طق من كترة التفكير مشيت ليهم لقيتهم بتونسو قلت ليهم امي وين قالو لي طلعت عندهم استاذة معاهم عرس بتها مشت قلت ليها اها كويس لونة قالت لي،نبو مؤيد دا لمح لي انو عايزني رايك شنو قلت ليها اخيرا نتفك منك 😂😂✋قالت لي ووواااي م تكونو قايليني بايرة وكدا قلت ليها لالا لساتك صغنونة بس لازم تحصل مناسبه ف بيتنا م ممكن نقعد كدا جدعتني بالمخدة قالت لي سسسجم عايزين تتخلصو مني قلت ليها البيت مسيخ بدونك ياخ واااي البدفع لينا ف المواصلات تاني منو والح يعمل لي سلطة اسود حلوة منو ولا الح يغسل لينا منو ووووبعلياااااا نسيت النضافه لا يااااااخ تاني جدعتني بالجداعه قالت لي سسسسجم انا لسه م عرست اصلا وانتي بديتي تفكري 😂😂 سبو قالت اسي انا البس شنو ف الحنه والعرس البس اي لون جاي معاي الاسود ولا الكبدي ح ابدا اطول اظافري ومفروض اصلح شعري عايزة لي حمام زيت بكون بي كم ي جماعه لونة قالت لينا والله م نصاح انا بقول ليكم الود لمح لي تلميح 😂😂💔سبا قالت ليها احيانا التلميح دا بالدنيا ف ناس م لاقين ولا نظرة زاتو انتي واصله مراحل متطورة مدام لمح ليك 😂😂💔كعبه ي سبو م للدرجه دي مشت خلتنا قالت لي مازن عايز يرجع لي بس انا خلاص قطعتها معاهو قلت ليها مازن منو 🌚قالت لي سسسجم ياخ بتااع التوسان داك قلت ليها اهااااااا ي زولة انسيهو قالت لي اصلا بس م ممكن ياخ اقعد سنجله كدا قلت ليها اها انا اعمل ليك شنو بس 🌚جدعتني بالجداعه ومشت هيييي مالهم ديل 🌚فرشت السراير ورجعت المخدات والجداعات ومشيت ليهم لقيتهم راقدين قلت ليهم ي بيبيهاتي الغداء. دا البسوي منو سبأ قالت انا يوم واحد بقعد قبيل غسلت وفرشت م بعمل شي تاني ليان قالت وانا نضفت ومسحن لما زيتي طلع من هنا م قايمة قلت ليهم ياخي والسوا مع امي الفطور وغسل العدة منو انا زاتي م بعمل خلاص اقعدو جيعانين 🌚لونة قالت لي خلاص اي زول يعمل حاجة مشينا المطبخ بقينا نتشاكل اي واحدة عايزة الساهل 🌚بعد ساعه عملنا الغدا ورجعنا غرفتنا طلعت ملابسي بقيت ارتب ف دولابي شافو الهدية الجابا احمد شالوها سبأ قالت لي واااااي عطر pinkوماركة والكبير نبأ عيد ميلادنا لسه لونة قالت ليها وعيد الحب لسه دا يداب شهر 4سبأ ضحكت قالت ليها عيد حب شنو النبأ بتعيدو شافو الورقه قالت افتحيها افتحيها انا ساكتة بضحك فيهم 😂😂لقوها مكتوبة الي السسسجم ماتو من الضحك قلت ليهم عشان تاني م تشطحو رتبت حاجاتي ومشينا اكلنا وامي جات قالت لينا سبأ ونبأ اسي بنات صحباتي كلهم عرسو الا انتو !🌚قلت ليها ي امي نحن لسه صغار🙈سبأ قالت ليها وينو العريس والله جيبو كما عرستو 😂💔قالت لينا سمح ف عريس قريب خليك جاهزة وانتي ي نبأ م بتغيري رايك قلت ليها لالا عايزة اقرا اول🌚لونة قالت لي عشان انتي عارفه امي بتهظر اسي لو جادة م قلتي بعد تقري 😂😂😂اتونسنا مسافه ومشينا نمنا 😴
يتبع.....
