صحيت الصباح فتحت تلفوني م لقيت لا رساله لا مكالمة منو!😊💔عادي احسن كدا زاتو مشيت شربت الشاي جات سبأ:نبو بقيتي كيف * تمام التمام * طيب امشي ارتاحي انتي معفيه الايام دي من الشغل * ههههه هو وينو الشغل زاتو * غسيل ومكوي ونضافه وتجهيز فطور دا كلو م شغل * من ليان بس زمان دا م كان بالنسبه لينا شغل * اي والله ي حليلا فرقت معانا ياخ
مشيت دخلت غرفتنا رقدت بفكر ليه غالب م اتصل لي؟ للدرجة دي انا م بهمو؟ جادي اني م فارقه معاهو؟ يعني فاكر انو لو ابتعد مني خلاص؟ طيب ليه مهتم وعايزني اكون مبسوطة ووافق؟ انا بس كنت عايزاهو يعرف كان يرفضنا الاتنين م كنت ح ازعل 😔💔اوووف قمت فتحت تلفوني دخلت الواتس وغيرت حالتي
(رفقا بقلوب انهكها التعب 😊💔)وخاتة صورة قلب مكسور وبقيت افكر ارسل ليهو اقول ليهو انا م بكلما خلي هو يكلما ولا لا فضلت محتارة قريب الساعتين جات سبأ رقدت قالت لي وووااي ياخ فترت فتر م رديت ليها قالت لي،سرحانة وين انتي شالت تلفونا فتحت الواتس قالت لي مالك خاته بروفايل حزين كدا انتبهت ليها قلت ليها م ف شي عجبني بس قالت لي م عجبك الا القلب المكسور دا قلت ليهو اممم
سكتت مني انا رجعت لتفكيري وهي ماسكة تلفونا فجاة قالت لي وااااي عايني غالب خاتي شنو ف اللحظة دي قلبي قبضني شديد قلت ليها انتي عندك رقمو يعني قالت لي منو الماعندو رقمو ضحكت قالت لي الا كم انتي الدفعه كلها مسيفه رقمو نسيتي هو معانا ف قروب الشرح جات قالت لي شوفي كاتب شنو
(احدهم يهمك وانت تهمه والاخر تهمه ولا يهمك والذي لا يهمك يهمه الذي يهمك غريب امر الاهتمام😊)
قريتا كم مرة قالت لي كلااام عميق اها ي متفلسفه اشرحيهو لي انا الكلام الزي دا م بفهمو قلت ليها انا زاتي م فهمتو ياخ قالت لي عليك الله ياخ مستحيل تكوني م فهمتي قلت ليها يااااخ قلت ليك م عارفه بي نهرة كدا لما هي اتخلعت حسيت علي نفسي قلت ليها معليش،ي سبو بس انا مزاجي م رايق قامت مشت طوالي ي دي النيله 😢زعلت اووف بس قعدت اتامل الحاله كتير لقيتو اخر ظهور قبل دقيقتين كان اون لاين وم رسل لي عارف اني كنت عيانة بس،م كلف نفسو يسأل مني هو بتجاهلني يعني
عدا اليوم كلو م سأل مني صادفتو مرة ف الفيس،كان اون لاين وتاني ف الواتس بس م سأل مني وانا م سألت منو عدينا اليوم عادي واليوم التاني برضو كدا وقت شافني م مهتمة شديد رسل لي قال لي رسلي لي رقم سبأ فتحت جهة اتصالي مسجلاها تؤام روحي رسلت ليهو الرقم وطلعت خليتو يكتب بقدر استحمل اي شي الا برودو معاي دا بس لازم اتعود فرضا انو وافق يعرسا انا محلي ح يكون شنو عشان كدا بقيت بقنع ف نفسي لازم اتأقلم مع الوضع اليوم كلو م فتحت الواتس عشان م عايزة اشوفو كتب شنو واليوم التاني ابيت انشط،تالت يوم فتحت تلفوني لقيت منو رساله كاتب فيها
غريب انو هي تؤام روحك وفي نفس الوقت تؤام روحي انا (قصدو نبأ روحو)
رديت ليهو انا م روحك ولا روح زول م تفسر علي كيفك انا مسجلاها كدا لانها هي تؤامتي وانت بامكانك تغير الاسم
لا م ح اغيرو موش انتي عايزة كدا * اوك م تغيرو * كلمتيها ولا لسة * لسة م كلمتها وم ح اكلما * انتي لو م كلمتيها انا م بكلما * قصدك شنو يعني * والله زي م تفهمي انا رسلت ليها اسي وقلت ليها نبأ تكلمك قدامك حلين ي اما تعترفي ليها وحسب فهمك انك ح تخسريها وي اما تضحي بحبك وحسب فهمي ح تخسريني يلا اختاري * غالب انت م عايز تفهمني ليه انا سبق وكلمتك رأي شنو م تختني ف موقف زي دا معاها م ح اقدر اشرح ليها ولا كلمة ولو سمحت غير حالتك دي * بس انت كلمتها بعدا اتفاهمي معاها وحالتي م بغيرا العايز يفهما كلو يفهما بما فيهم هي *
طلع طوالي انا بقيت قاعدة علي اعصابي اسي ي رب بكون قال ليها شنو ولو جات تسألني بصفتي منو عشان انا اوريها رايو من متين وانا بعرفو لما اعرف رايو طبعا م ح يفوت عليها شي زي دا جات داخله غمضت عيوني وخلاص انتهيت انا لو فتحت خشمها دا معاي 😭💔بس الحمدلله م اتكلمت معاي ولا سألتني يمكن عشان هي زعلانة مني من يوم قلت ليها. م عارفه لاحظت ليها بطنشني اها م قلت ليكم زعلا كعب اذا انا اتنهرت فيها زعلانه مني 3يوم وم بتتكلم معاي ف مابالكم لو عرفت 😢 عدا اليوم كلو وانا علي اعصابي م عارفه اعمل شنو وسبو م بتتكلم معاي هي بس،بالكتير لو جات قالت لي بنادوك وبتمشي طوالي وحتي ف الغرفه بتجي زمن النوم بتقول لي اطفي النور بس ليها كم يوم معاي بالاسلوب دا ويمكن انا م راضيتا ولا اشتغلت بيها. عشان انا زاتي م عايزة كدا 😞حاليا عايزة ابتعد منها كل م اشوفا بتزكر
#في_بيت_ناس_غالب جا طالع السلم وامو وخلود نازلين
خالدة:حمدالله ع السلامة مستعجل كدا مالك
غالب:وقف وقال ليهم كيف امسيتو
خلود: انت وين من كم يوم تطلع من الصباح ترجع بالليل
خالدة : خليهو شكلو متهرب مني عشان موضوع العرس
خلود: هههههههه بكون م بستبعد شي منو
وقف عاين ليهم قال ليهم ممكن تزحو من الطريق امو مسكتو من يدو ونزلتو تعال عايزة اتكلم معاك خلود تضحك فيهو وهو ي امي ف شنو عليك الله انا جاي،تعبان وراجع بعد شويه
خالدة: من متين غيرت دوامك لاحظت ليك الاسبوع دا كلو م قعدت ف البيت ولا يوم لا صباح لا مسا
ي امي والله مشغولين بس سادي لي،صحبي حاصله ليهو ظروف
خالدة: اقعد كلها 5 دقايق م بتاخد من وقتك خلود جيبي الغداء * انا م جعان ي امي اتكلمي ف شنو
خالدة: غالب واحد +واحد يساوي اتنين اتاكد دي اخر مرة انا امك دي لو تاني جبت ليك سيرة عرس زكريني ي،خلود والله والله م اسألك لو لما اموت م بجيب سيرتو ي امي عليك م تقاطعني شفت ي اما اسي توريني انت عايز تتزوج ولا لا ي امي جاوبني لا ولا نعم اي وانا قلت ليك انو خلاص كويس انا م جابراك لي زول بتك العايزا دي بعد بكرة الجمعه دي انا واعمامك وخوالك بنشيل رجولنا نمشي ليها ف بيتهم نطلبا ليك بس انت اشر لي لكن ي امي حاليا غالب من متين انت م بتسمع كلامي انت مالك ي ولد الناقصك شنو البيت واسع والقروش عندك الشغل الحمدلله ف شنو وريني كن للعمرر م صغير ي ولدي انا م عايزة منك شي غير اني اطمن عليك وافرح بيك انت ولدي الوحيد حضن امو ي حجة م تخافي ياخ م بحصل ليك شي طول م ولدك جمبك وموضوع العرس دا اديني اسبوع وح احسمو ليك كدا مرتاحه خلود قالت ليهو وبالنسبه للبت الشفتها قال ليها قصدك سبأ Not bad امو ضحكت قالت ليهو عينك عينك قدامي كدا قال ليها ي حجه نحن ف القرن الواحد وعشرين م تبالغي انا بس،قلت انها ماشي حالا م قلت ليك عاجباني ولا قلت ليك ح اعرسا طيب نحن نقول ليهم شنو م من الزوق نفتح الموضوع ونخلي معلق * اريحك ي امي انا بلاقيها وبتفاهم معاها لو اتفقنا بكلمك م اتفقنا ربنا م جعلو. كدا مرتاحه * والله شكلي م ح ارتاح الا لما اشوفك عريس * ضحك وطلع * قالت ليهو اتاكد قدامك لي يوم الجمعه بس والليله الاربعاء دخل غرفتو جدع نضارتو وساعتو ف السرير دخل الحمام وطلع شال تلفونو ضغط علي الرقم جرسين تلاته اربعه م ف رد شغال ردي ردي ياخ
ف الطرف الاخر نبأ قاعدة ارد ولا م ارد اسي بكون عايز مني شنو هو بستغباني يعني امس قال لي كلميها وهي م سألتني بهددني يعني لعلمو م انا البتهدد فتحت الخط ف اخر جرس وسكتت
الوو* ي هلا * كيفك * الحمدلله * م عايزة تسأليني انا كيف * هنا بالجد انا ضعفت وفجاه حنيت عليهو نبرة صوتو وهو بسألني كدا م قدرت حاولت اتجاهلو وقررت اني م اتكلم معاهو بي حنيه تاني بس القلب دا ضعيف شديد سكتة قال لي * حبيبي بتكلم معاك انا * دموعي نزلت قلت ليهو انت ليه م عايز تفهمني؟ ليه بتعذب نفسك وتعذبني؟ سبق وقلت ليك نحن م ممكن نستمر م ممكن * هدي حبيبي م تبكي انا اسف اني خليتك تبكي واسف لاني كنت بتعامل معاك بالفظاظة دي واسف علي كل شي بس والله انا زاتي علي ضغوطات امي صباح ومسا بتزن ف راسي وعايزة تدي رد لي اهلك وحتي لو م اخترت اختك هي م ح تخليني ف حالي قالت لي البت العاجباك انت بس اختارا وانا بمش معاك وريني انا اعمل شنو موقفي م اخف من موقفك الله يخليك ساوي الامور بعرف م ساهل عليك بس لازم تحاولي عشان نفسك وعشاني وعشان حبنا * م عرفت ارد ليهو بقيت ببكي زيادة قال لي فكري ف الموضوع قدامك يومين عشان تنقذي حبنا وقفل طوالي 💔
فكرت ف الموضوع كتير بس كل مرة بصل لنقطة واحدة واني م لازم اتراجع عن قراري واظلم اختي ح اعيش،حياتي كيف اذا اختي خسرتني 💔قمت صليت ودخلت الفيس عملت منشور اشعر بالحيرة: -
(م اصعب ان تكون بين أمرين احلاهما مر)
جات سبأ علقت لي قالت لي اختاري الاخف قدرا * قلت ليها المشكله ف الاخف دا زاتو
قالت لي اسمعي قلبك هو م ح يختار ليك غلط * طيب لو كان الخيار الاختارو قلبي دا الأمر * ي زولة م عليكي بي شي اهم شي ترضي نفسك بس بغض النظر جات ضحكت قالت ي منفسنة طالعي نحضر المسلسل بطلي نفسنة مشيت معاها قعدنا ف التلفزيون بس انا بالجد اقتنعت
( لما تكون مضايق شديد وقافله معاك احسن حاجه تعملا اقعد مع نفسك وبس لانو يمكن لما تقعد مع ناس لو قالو حاجه ساي بتفتكرا ليك لو قريت شي ح تحس مكتوب ليك )
بنحضر ف مسلسل سرقت زوجي انا مسهية وبالي مشغول م منتبه للمسلسل اصلا ومن سؤ الحظ سبو متفاعله شديد وفي الفاصل بتتناقش معاي ف امور المسلسل بعد خلصت جدعت الرمود وقالت ووووواااي من الخيانة ضحكت قلت ليها ي بت روقي والله لو تتابعي،لي،الهنود ديل ح تضيعي،قالت لي ياخ م الهنود بالجد الموضوع دا حساس كيف تخون صحبتا يعني قلت ليها بس ي سبو انا م شايفه الموضوع بالنظرة دي يعني تعمل شنو اذا حبت راجل صحبتا دا غلط،منو قالت لي طبعا غلط،كبير هي عارفاهو راجل صحبتا وهي اكتر واحدة عارفه انو صحبتا بتحب راجلا قدر شنو ف داعي للخيانة * انا اتصدمت من طريقه تفكيرا اذا دا مسلسل ردت فعلا كدا ف الواقع ح تعمل شنو وكمان انا اختها 💔* قلت ليها بس ي سبو الحب م بيعرف انو دا صحبك ولا اخوك لما يجيك انت م بتقدر * قاطعتني م ف حاجه كدا طالما هي عارفاهو راجل صحبتا وعارفه صحبتا بتحبو يبقي مفروض ولا ف الاحلام م يخطر علي بالا * قلت ليها طيب راجل صحبتا زاتو م خانا وحب صحبتا ليه م عليهو حساب يعني * ي بيبي انا م بلوم راجل علي الخيانة بالعكس الرجال م بخونو النسوان هم البدوهم فرصه كان بامكانا توقفو وم تتمادا معاهو عشان كدا هي الخاينة * omgسبو بتبالغي ف شي اسمها مشاعر الزول م بقدر يتحكم فيها * يعني انتي م شايفه انك تحب حبيب زول خيانة * انا م عارفه دا بسمو شنو ي سبو بس انا م بقيف ضدد نفرين بحبو بعض وم بطلق عليهم مسمي خاينين بس،عشان هم حبو بعض * اممم معناها لاقدر الله لو يوم حبيتي زول وصحبتك مثلا شالتو منك ح تسامحيها عادي يعني * م بعرف ي سبو م تسأليني بس انتي مفروض تكوني متفهمة الحب وتراعي ليهو * ي زولة انا لو مكان مولي مستحيل اسامح نانديني علي عملتا دي م بقدر اسامح زول شال مني حاجه بحبها خاصه اذا كان عارف
انا كلماتا دي وقعت علي زي الصاعقه خلاص انا انهرت بعد كدا انا لو وافقت انا ح اتحمل الح يحصل معاي رقدت طول الليل انا بتزكر كلاما دا الصباح اتصلت لي غالب اول م فتح الخط
حبيبي صباحو ي انا * اهلين * مالك قايلاها بي طريقه جافا كدا * غالب انا قررت انت موش اديتني مهله لي بكرة * اوك قولي قرارك بس قبل داك خليني اقول ليك شي ختي ف بالك انا م حبيت بت غيرك ولا ح احب * اخدت نفس وقشيت دموعي قلت ليهو انت طلبت مني اكلم سبأ وانا اقتنعت ح اكلما * نبأ دا اخر كلامك * اي *طيب انتي بتبكي ليه ف زول جبرك منو اليزعل انا ولا انتي * سكتا م رديت * انتي م بتحبيني يعني * ببكي بس وم برد ليهو * اوك م عايزة تتكلمي معاي لا اخر مرة * غالب الله يخليك خلاص انسي كل شي وربنا يسعدك سبأ بتحبك واكيد ح تسعدك * وانتي *.......*سكوتك دا معناهو شنو *غالب خلاص عليك الله الله يخليك اسكت * عايزة كدا طيب دي اخر مرة اتكلم معاك فيها علي اساس اني الزول االحبيتك *فضل يتكلم معاي مسافه وانا الدموع دي لو كانت بتنتهي كان انا انتهيت منها بعد قفل مني
مشيت غسلت وشي وجيت التلفزيون لقيت سبأ قلت ليها انتي م بتملي من التلفزيون دا قالت لي اعمل شنو هو الشي الوحيد البفرق عني قعدنا نتونس
*ف الجانب الاخر* :-
غالب من قفل من نبأ اتكا ف الكرسي بتاعو ومسافه بفكر انو بالجد ف زول بضحي من اجل الاخرين كيف حياتو ح تكون مع سبأ اكيد ح يشوف نبأ كتير هو م عايز كدا بس ف نفس الوقت دي الحياة هو لمتين ح يقعد كدا يوما ما ح يتزوج غيرا وكدا هو ح يبعد عنها علي الاقل هو لو ارتبط بي اختها ح تكون قريبه منو وم ح يخسرا هو عارف انو كدا ح يتصرف بانانيه ح يظلم سبأ وف نفس الوقت هو واصل حياتو بس لسة م عايز يبعد عن حبو ساعه كاملة وهو بفكر اخيرا قام بتكاسل طلع مشا البيت لقا امو وخلود قاعدين سلم عليهم وقال لي خلود اعملي لي قهوة تقيله وماسخه امو قالت ليهو خير مالك * م ف شي ي امي بس مصدع شوية * دا الشغل الكتير دا بمرضك * م كدا بس،تعبان شويه * جات خلود شال القهوة وقبل يطلع قال لي امو انا موافق علي بت صحبتك دي كلميها خلود لحقتو قالت ليهو غالب ممكن نتكلم قال ليها الصباح م اسي ي خلود انا مصدع شديد * نتكلم الصباح
خالدة اتصلت لي نجاه كلمتا انو بكرة ح يجو يتكلمو معاها ف الموضوع
نجاة كلمت سبأ قالت ليها انتي وقت هو استاذك ف الجامعه عامله روحك م بتعرفيهو ليه * والله ي امي م كنت قايلاهو دا هو اكتشفت الشي دا يوم مشينا ليهم بس * خلاص م مشكله بكرة هم جاين يتكلمو ف الموضوع دا
سبأ جات لي نبأ كلمتا ابتسمت ليها وقالت ليها ربنا يتم ليك علي خير
يتبع.....
