حبايب ما تنسوا التصويت
بعد اسبوع: -
نبأ اصحي ي نبو قومي ااااااااي صحيت مخلوعه سبو في شنو انتي كويسة بطني اااخ بطني وااااي وماسكاني بي كل قوتا مع صرخاتا دي جات امي فتحت ليها الباب قالت لينا مالا اختك قلت ليها بتتوجع قالت لي بس زمنا لسه وهي بتصرخ وانا ملهوفه وخايفه م عارفه اعمل شنو شلت تلفوني اتصلت لي سجود كم جرس م ردت امي قالت لي اتصلي لي راجلا انا بجهزا نمشو المستشفي اتصلت ليهو الساعه كانت واحدة بالليل غالب سبأ تعبت بتكلم * جاي عليكم طيب * لا ح نمشي المستشفي الحقني هناك * ح تلقو عربية لكن * ح نتصرف يلا باي اتصلت لي اسامة مكالكتين ف اخر جرس رد لي وهو نعسان قلت ليهو اسامة عايزين امك سريع سبأ تعبانة قال لي جاين عليكم حكايه 5دقايق سبأ دي م سكتت نهائي من الصراخ جات خالتو سلوي وسجود واسامة كويس انو هي دكتورة ومعاهم عربية انا شلت توبي وطلعنا خليت مصطفي وسجود وبتها ونحن طلعنا معاهم خالتو سلوي قالت لينا دا م وجع ولادة زمنا لسه بتكون تعبانة بس قلت ليها كانت كويسة لحدي المسا بعد المغرب قالت لي حاسه بي طعنات اديتا المحلول قالت لي نوديها المستشفي البتابع فيها لانو ف حالة زي دي م ينفع دكتور تاني يتولي الامور اتصلت لي غالب قلت ليهو نحن ماشين علي المستشفي شوف لو دكتورة ريم موجودة لانو قاطعني قال لي انا اتصلت ليها قالت ح تجي انتو تعالو سريع قفلت منو وانا ماسكة يدها وهي بتصرخ الوقت كلو وحراراتا ارتفعت وبترجف جسمها لما معرق وانا بحاول اهديها وامي بتبكي معاها واسامة دا سايق بي سرعه خياليه شوية ووصلنا نزلناها سريع دخلناها بقينا منتظرين غالب دخل معاها انا دي م قادرة هبطة وبرجف وبحاول اقوي امي اتصلت لينا ليان قلت ليها نحن ف المستشفي قالت لي مصطفي دا انتي عارفاهو بتعب كيف لما يخاف كان تسوقو اسي اتصل لي هو ببكي م فهمت منو شي الا سجود فهمتني قلت ليها نحن خليناهو يقعد مع سجود لانو م ممكن نجي كلنا ونخليها قالت لينا جايه عليكم قلت ليها خليكي تعالي الصباح قالت لي م بقدر احنا اتحركنا اصلا قعدنا من الساعه 2نحن مساهرين وواقفين للساعه 4الدكتورة طلعت قالت لينا حالتا سيئه وممكن نضطر نعمل ليها عملية هنا انا خلاص انتهيت م قدرت اقيف كنت ح اقع لو م غالب ثبتني وامي دي ضغطها ارتفع دخلوها ادوها درب وانا قاعدة وببكي لما نفسي اتكتم شويه جاتنا لونة قعدت معاي نحن قاعدين علي اعصابنا الصبح مشيت صليت وجيت قاعدة الساعه 6قالو لينا فتحت امي دخلت ليها قالو زول واحد يدخل ليها م ترهقوها كتير والدكتورة نادت غالب انا طوالي قمت وراهو قال لي نبأ ارجعي بتكلم مع الدكتورة واجي قلت ليهو لا عايزة اعرف هي مالا نهرني قال لي م بتخافي عليها اكتر من امها القاعدة دي ولا اكتر مني ارجعي وقت لاقااني مصرة واقفه بعاين ليهو جا مسكني من يدي ونادا مؤيد قال ليهو سوقا خليها تقعد مؤيد قال لي نبو ياخ اسمعي الكلام نحن م ف وقت بسمح لينا نتناقش خليك واعيه قعدت وعيوني علي مكتب الدكتورة اول م جا طالع ملامحو م بتتفسر زاتو مشيت عليهو قلت ليهو مالا هي كويسه قال لي اهدي ح تبقي كويسه قلت ليهو كيف يعني ح تبقي هي م كويسه يعني وليه الا عمليه وريني الحاصل شنو مسكني قال لي نبأ انتي فاهمة وعارفه دا شغل اطباء م تدخلي خليك هادية م تجوطي لزيتو قلت ليهو م تكذب علي هي مالا غالب اتكلم عشان انا م امشي قال لي ياااخ هي تعبانة وم كويسه الترسيب زاد وعمل حموضه واسي البيبي زاتو م كويس قال كدا بي نهرة وختة يدو ف عيونو قش دموعو انا بقيت شايفه طشاش طشاش اخر شي متزكراهو اني مسكت راسي
صحيت لقيت لونة ومؤيد جنبي قالو لي حتي انتي عايزة تقعي لينا م كفايه سبأ وامي قمت فكيت الدرب مؤيد قال لي م خلص لسه ماشة وين قلت ليهو ماشة بس مسكني قلت ليهو فكني ي مؤيد مشيت لقيت امي قاعدة برة قعدت جنبها مسكتني قالت لي بالغتي ي نبأ تبقو علي الاتنين مالكم عايزيني اموت يعني رقدت ف رجلينا وببكي قالت لي م تبكي اختك ح تبقي كويسة دا تعب الولادة بس م شفتي ليان كان تعبت كيف قلت ليها ان شاءالله جات الممرضه وقالت لينا ح تدخل العمليه بعد نص ساعه قالت عايزة تتكلم معاكم امي دخلت شوية وطلعت بتبكي ودخلت ليها ليان ومؤيد قالو لي قالت عايزاك انا طوالي دخلت معاها ومشيت عليها كانت شاحبه وعيونا واقعات وحالاتا تحنن اول م شافتني قالت لي نبو قشيت دموعي قلت ليها الخوااافه * هههههه انا ولا انتي * انتي دي م تخافي ح تقومي بالسلامة * يمكن بس * سبو ياخ م تتكلمي لانو الدكتورة قالت م نزعجك يلا ارتاحي كلها يومين والبيبي المتعبك دا ح يجي انا ح اجضمو اول م يطلع لانو خوفنا عليك * اقعدي عايزة اتكلم معاك * نتكلم انا قاعدة ليكي ف وشك دا لكن اسي الدكتورة قالت م تتكلمي ح تدخلي بعد شويه م تخافي نحن جنبك وغالب وامي ولونة كلنا * بس يمكن م اكون قاعدة ليك * جيت جنبها مسكتا يدها سبو م تقولي كدا بزعل منك انتي ح تبقي كويسه اوك وبس تطلعي ح اسمعك لاخر العمر لو عايزة * ان شاءالله والله يخليك خلي بالك من البيبي *خلااااص انا دموعي قدر م حاولت اوقفهم ابو م تتخيلو الموقف صعب قدر شنو انك تكون ضعيف وتحاول تقوي زول قلت ليها سبو خلاص ح تبقي كويسة بعد العمليه وح نربي البيبي سوا بساعدك بس م كتير تتعلمي براك ضحكت قالت لي كويس جيت طالعه قالت لي سلمي لي صفصف قولي ليهو انا بحبو قلت ليها هو عارف انك بتحبي بس تصحي ح تكلمي طلعت ورجليني م شايليني يمكن الخوفه دي عادية اي زول داخل عمليه بفتكر نفسو يمكن م يرجع تاني بس الخوفة الكانت جوانا نحن اكبر من اي شي اتمالكت نفسي ومشيت للدكتورة قلت ليها دكتورة وريني هي ح تبقي كويسه صاح حلفتك م تغشيني هي مالا قالت لي اقعدي قعدت مدت لي مويه وقالت لي اهدي انتي مؤمنة نحن ك دكاترة المريض دا اهم شي عندنا وبنعمل البطلع ف يدنا وربنا هو البتحكم ف الروح ان شاءالله ح نعمل البنقدر عليهو ح نولدا قبل الزمن عشان البيبي م يتغذا علي غذاء ملوث العملية دي ضرورية وم خطيرة انتي لازم تقوي ح تبقي دكتورة يوم من الايام كيف لو انتي كدا قشيت دموعي قلت ليها دكتورة سبأ اختي م عندي شي اهم منها عليك الله خليها تبقي كويسة جا غالب داخل قال لي خلي الدكتورة تشوف شغلها ساقني وداني لي لونة قال ليها خليها جنبك فضلنا قاعدين دخلوها العملية امي مشت اتوضت دخلت المسجد لونة واقفه ماسكة بتها تتحرك ماشة وجايه م قعدت انا قاعدة مدنقرة راسي ومغطياهو بي يديني ابكي غالب واقف قدام باب غرفه العمليات مؤيد دا شدة م حنسني قنع مشي جا اسامة حنسني مشي خلاني خالتو سلوي قالت لي طيب امشي اقعدي مع امك صلي شوية قلبك برتاح ولا رديت لاي زول دموعي دي مطرة بس امي جات بعد فترة م عارفه تميت كم ساعه الزمن كان بمشي براحه
فجاة الممرضه طلعت سريع من الغرفه وجات راجعه معاها دكتورين انا م عارفه كيف قدرت مشيت لمحل غالب واقفه جنبو قلت ليهو مالا قال لي ادعي بس ح تبقي كويسة بعد شوية النور طفا انا قلبي دا خلاص ح يطلع من محلو الدكتورة طلعت وطلعت الكمامة غالب مسكا قال بقت كيف هزت راسا وسكتت انا م قدرت اقيف بس بعاين للدكتورة قعدت تحت غالب مسك الدكتورة من كتفها قال ليها اتكلمي سبأ كيف قالت ليهو انا لله وانا اليه راجعون دي اخر كلمة انا سمعتها 💔تاني م شايفه اي شي سامعه صوت صراخ بس بحاول اتكلم الكلام م طلع مني غالب دا قعد يبكي قدرتو وانا برجف وعايزة اصرخ م قادرة شايفاهم جنبي بصرخو وانا بس صوت الصراخ دا بتردد لي زي الصدا جا اسامة ومؤيد رفعو غالب وبتكلمو معاهو عمي عبدالله جا قومني شغال يهزني ويتكلم معاي يقول لي ي بت نبأ نبأ انا سرحانة بعيوني باتجاه واحد بس ودموعي م نزلت كان بضرب فيني كف خفيف شوية ضربني شديد عاينت باتجاه امي واتفكيت منو ومشيت ليها بحاول اتكلم م قادرة امي مسكتني وبتتكلم معاي انا بسمعا بعد مسافه هزوني وكفتوني دا كلو انا م حاسة بيهو اصلا كنت شايفه الحاصل بس،م قادرة استوعب شي،لسة بتزكر كل لحظة جمعتني معاها ونقاشاتنا وضحكاتنا وزعلنا لي اخر لحظة انا اخر زول اتكلم معاي شايفه ناس بتبكي وتصرخ انا ولا كاني عايشة ف العالم دا اصلا شويه اتحركنا البيت الناس دي كتيرة كترة طول الطريق كانو عمي وولدو واسامة ومؤيد بتكلمو معاي وانا لا كاني سامعاهم دخلونا جوة جيت ماشة ف الحشد دا كلو البمسكني وببكي انا بس ماشة م وقفت دخلت غرفتنا جاتني علا بتتكلم معاي وتبكي وانا بس بعاين ليها قلت ليها انتو بتبكو مالكم بقت تبكي لزيادة طلعت مشيت لامي قلت ليها وين سبأ الناس دي فجاة بقت تعاين لي امي دي زايدة ف البكي قلت ليها لونة انتي وريني لي جينا هنا وسبأ وين بتكلم معاكي انا دا م وقت تهظرو معاي مشيت لي لي خالتو سلوي قلت ليها وينا سبأ انتي موش قلتي هي كويسة بتغشوني مالكم جا غالب مشيت قلت ليهو انت م بتكذب علي ارح وديني ليها انا عايزة اشوف بتها قال لي نبأ استغفري قلت ليهو كويس بس يلا ارح من هنا انا م عايزة اقعد معاهم عاين ليهم عاملين كيف بقي يبكي م اتكلم معاي لقيت مؤيد قلت ليهو عليك الله ارح معاي لي سبأ هي قالت لي م اخليها والله تاني م ح اقول ليك سجم وح اكوي ليك ملابسك وم بجيكم ف بيتكم وم بتشاكل معاك بعمل ليك اي شي عايزو بس وديني ليها قال لي نبأ اصحي اختك الله يرحما انتي ليه م عايزة تفهمي قلت ليهو كذااااااب بكرهك انا م تتكلم معاي مشيت لي غالب قووووم انت م بتحبها موش عشان كدا خليتهم يقولو كدا صاح انا كم مرة قلت ليك انو اي شي ولا سبأ خلاص ارح وديني لاختي وانا بشيلا م بخليها تيعد معاك وقت م عايزا بس وديني ليها انتو ليه م عايزين تتكلمو معاي وم تصرخو فينا كدا شوفو لميتو الناس كيف ضربني كف قال لي ياااخ انتي براك بس بتحبيها دي م امها واختها الببكو ديل احسن منك ف شنو قلت ليهو اضربني بس وريني هي وين قال لي عايزاها صاح تعالي معاي جراني مشينا غرفت ماما دق الباب قال لي خشي ليها امشي معاها لو عايزاها حدي،ليها شايفاها انا بقيت مصدومة واقفه بعاين ليها غمضت عيوني قلت ليهو دي م اختي دي م سبأ هي م بتحب اللون الابيض م تعملوها كدا فكوها صحو م تهظر معاي كدا وقعدت اصرخ باعلي صوتي جاتني خالتو سلوي حضنتني بقت تبكي وتتكلم كلام م فهمتو منها بقيت اتزكر كلاما الاخير القالتو لي وبصرخ جا غالب قومني قال لي ودعيها لاخر مرة ادخلي قلت ليهو انت م تتكلم معاي فكني كلو منك م عافيه ليك ليه خليتهم يعملوها كدا وبقيت اضرب فيها جات امي جرتني بقت تبكي وماسكاني لونة قاعدة جنبها وبتبكي دخلوني ليها من شفت منظرا بقيت اتنهد بس حتي صوتي راح غمضت عيوني وبقيت ابكي شديد علا قالت لي ودعيها دي اخر مرة تشوفيها قلت ليها م تتكلمي معاي م ف زول يتكلم معاي كلكم اطلعو برة جا مصطفي قاعد جنبي قال لي قولي ليها تصحا والله م اشاكلا وم ح اجي بالعجله جوة البيت والعجله زاتو م عايزا والله لو صحت انا تاني م برد ليها حتي لو هي نبزتني خليها تصحا وح امشي الدكان احول ليها رصيد من قروشي وكمان وكمان م ح اوسخ ملابسي بغسلهم براي والله بكلم امي م تقول ليها تغسل لي انا انا بحبها كلميها قولي ليها م تمثل خليها تصحا صحيها ي نبو انا انا انا وبقا يبكي بكل قوتو حضنتو بس يداب انا اتاكدت انها خلاص تاني م ح تكون معانا كلهم م كنت مصدقاهم بس لما شفت مصطفي كدا اتاكدت بقينا حاضنين بعض وبنبكي قام قال لي تعالي اتكلمي معاها هي لي ماشة تخلينا قولي ليها القلتو ليك موش انتي ح تخليها تلبس ملابسك قعد جنبها وقال سبو اصحي عليك الله نحن م ح نشاكلك تاني والله اسمعي نبو وريها نبا زاتا قالت ليك شيلي كل هدومو وكمان عايني انتي اسمح من نبأ كنت بغشك لما اقول ليك نبأ اسمح منك هي شينة انتي الاسمح كلك حلوة وحاجاتك اسمح من حاجاتا وحتي لو تلفونك م فيهو العاب هو اسمح كنت بهظر معاكي والله انتي اختي ال
بحبها اكتر من اي زول وتاني ح اقول لي كل الناس لو لقيتك ف الشارع سلمي لي واتكلمي معاي حتي شعري موش م عاجبك بحلقو كلو وفي العيد انتي الح تختاري لي ملابسي بس قومي عليك الله وووالله والله لو امي طلعت مكان بقعد معاكي ف البيت احرسك وكمان ح احضر معاكي علي زوقك ف التلفزيون وبخليكي تلعبي معاي بليستيشن نبأ قولي ليها كلميها قلت ليهو صفصف خلاص الله يخليك هي م عايزانا مشت خلتنا هي هي م زعلانة منك قالت لي اقول ليك بتحبك وكمان بقيت ابكي جا عمي عبدالله قومنا ساق مصطفي ونادا البنات ساقوني انا قاعدة ابكي وماسكة طرحتا من م دخلنا البيت طلعوها ويداب انا زدت ف البكي وعدينا اليوم كلو انا ببكي بس م اتحركت من مكاني امي جات قعدت جنبي شايله مويه قالت لي اشربي قلت ليها خليني اموت م عايزة اي شي زحو مني موية م دخلت ف خشمي وعيني دي م غمضت ودموعي م وقفت بالليل جو حبوبة وخالاتي وخوالي وتاني البكا زاد وانا كل م اسمع لي،زول ببكي يداب بزيد ف البكا جات تقوي حضنتني بقيت ابكي لزيادة وخالي احمد دا بكي معاي تقول م راجل حتي الشفع والرجال بقو يبكو ابوي اكتر زول متعلق بي سبأ كان بحبها شديد من سمع الخبر دخل ف غيبوبة دي كانت اسؤ ليلة ف عمري
يتبع......
