روايه زينة ،،،،،، بقلم اسماء سليمان
الجزء الرابع
زينة : ناوي تسافر تاني
امجد : في الوقت الحالي مش بفكر في السفر وخاصة لان الحاج والحاجة كبروا ومحتاجين اللي ياخد باله منهم ، واخواتي البنات مش قريبين ، جه الدور عليكي وعرفيني بنفسك
زينة : اما انا بقه كان نفسي ادخل طب وابقي دكتورة بس محصلش نصيب دخلت كلية العلوم وطلعت من الخمسة الاوائل واتعينت معيدة فيها ، وبشتغل في الماجستير دلوقتي وبعد كدا الدكتوراه ان شاء الله
امجد : وليكي كام اخ واخت
زينة : ماما ولدت 2 قبلي واحد مات وهو بيتولد والتاني مات بعد الولادة بكام يوم ، علي شان كدا انا وزين اخويا كل دنيا بابا وماما ، بابا علي المعاش وماما مش بتشتغل ، بابا اشتغل فترة في السعوديه وانا زين اتولدنا هناك ، بس قبل ما ادخل الثانويه العامة نزلنا مصر واستقرينا نهائي
امجد : تمام ، بس زينة وزين جيت ازاي
زينة : هههههههه ماما وهيا بتولدني بابا كان قلقان قوي عليها وخايف ، فقرأ قران علي ما تقوم بالسلامه واول ما انولدت كان واقف عند الايه الكريمة " انا زينا السماء الدنيا بزينه الكواكب " في سورة الصافات ، فقال ان الكواكب هيا زينة السماء وحياتي هتكون زينتها زينة ، اما زين انا اللي سميته علي شان يبقي فيه توافق بين اسمه واسمي وبابا متعرضش وعجبه الاسم
دخل زين يقدم طبق الفاكهة وغمز لاخته وقال زنزون بهمس ، وامجد شافة وضحك من غير ما يخدوا بالهم
زين شاب وسيم قمحي اللون عيونه عسلي حواجبة طويله مرسومة طبيعي وعنده حسنة بين حواجبه ، ودمه خفيف جدا وكمان راجل ويعتمد عليه رغم صغر سنه
زين : بصوا بقه انا جبت الفاكهة وهسيب لكل واحد فيكم صابع موز واخد الطبق تاني وانا خارج اصل لسه متغدتيش وهموت من الجوع
امجد : هههه ولا يهمك اعتبرنا كمان خدنا صابع الموز واكلناه
زين : شكلي هحبك وهنتفق
زينة : حط الطبق وامشي يا زين
زين : انا شكلي بنطرد ماشي اخرج بكرامتي احسن
زين خرج ورجع تاني خد جوافة وخرج ، ودخل تاني وقال نسيت اخد موز وخرج
امجد : واضح انكم قريبين من بعض
زينة ( ضحكت) : زين دا عشق زينة
امجد ( بص ليها بخبث ) : دا اللي اكتر من الحب بشويه ، امال انا هبقي ايه
زينة (بكل ثقة ) : مش لما اوافق الاول
امجد بثقه : بس انا هعتبر انك موافقه خلاص مبروك عليكي واحد زي
أنت تقرأ
زيـنـــــة
Lãng mạnجميع حقوق الطبع والنشر محفوظة باسمي اسماء سليمان الحب لا يعترف بقناعاتك الشخصية ولا يقبلها سواء قبلته او رفضته او حتي انكرت وجوده كبطل رواياتنا ، لانه بمجرد ان دخل قلبك ولمسه سري في عروقك مسري الدم واصبح كالهواء والماء دونهما لا حياة الروايه خلي...
