زيـنـــــة

الجزء السادس والعشرون

روايه زينة ،،،،،، بقلم اسماء سليمان

الجزء السادس والعشرون

امجد : مش عارف ليه او السر فين - كل اللي اعرفه اني ببقي مبسوط وانا معاها وضحكتي بتطلع من قلبي - فرحان وانا بشوفها وبسمعها - سعيد ببساطتها وشقاوتها واعتزازها بنفسها - بيعجبني براءتها واحترامها لاهلها - بعشق ثقتها بنفسها ، بحبها كلها علي بعضها - وتسالني دا حصل ازاي او امتي هقولك معرفش - تقدر تقول اني اتخطفت وغرقت ومش قادر ومش عايز اقاوم الغرق والخطف

زين : انت بتحبها بجد ولا صعبانه عليك بعد اللي عملته فيها

امجد : انت معشتشحياتي ولا شفت اللي انا شوفته – واعتقد اني ناضج كفايا علشان افرق بين الحب والعطف- وبكرة تتاكد اني عديت مرحله الحب منزمان

زين : يارب ترجع بالسلامه

امجد اتصل علي مصطفي في وجود حسن واكدوا علي الخطة اللي وضعها امجد وكل فرد فهم دورة كويس استعدادا لاي مفاجاة يفجرها عابد – واللواء فهمي نسق مع ادارة السجون والشرطة لان في الوقت دا كان المساجين اللي حددهم عابد كانوا في الطريق لبيوتهم

يوم الاحد

10 صباحا الاحد التليفون الغامض رن وكان عابد

امجد : اظن اللي طلبته اتحقق والمساجين في بيوتها

دكتور عابد : يله اركب عربيتك حالا وخلي التليفون مفتوح

امجد : وزينة

دكتور عابد : هسلمك زينة علي الرغم انها غاليه عليا قوي

امجد : المطلوب ايه

دكتور عابد : الاسم رقم 21 - مش بقولك اركب عربيتك وخلص انت اللي بضيع في الوقت مش انا وهتتاخر علي حبيبه القلب

امجد : انا كنت عارف انك عايزني من قبل ما أشوف الاسماء اللي في الورقه

دكتور عابد : انت كنت صيد صعب قوي يا امجد وتعبتنا كتير

امجد : بس انا لازم اتاكد اني هستلم زينه الاول قبل ما اسلمك نفسي

دكتور عابد : متقلقش سلم واستلم

امجد خرج والتليفون في ايده والخط مفتوح زي ما عابد قال له وشاور لحسن ومصطفي اللي كانوا معاه في المكتب يبدوا التنفيذ ، امجد ركب عربيته وانطلق بيها

امجد : اروح فين

وبدا دكتور عابد يقوله التعليمات مرة شمال ومرة يمين ومره علي طول لمده 3 ساعات

امجد بنرفزة : في ايه يا عابد ما تخلص انا عمال الف وادور

دكتور عابد : معلش اصل اصحابك مش عايزين يسبونا في حالنا - وبعدين خلاص وصلنا في مول علي ايدك اليمين انزل وادخل فيه