زيـنـــــة

الجزء التاسع

روايه زينة ،،،،،، بقلم اسماء سليمان

الجزء التاسع

حسن : فاكرة يا زينه يوم الاتفاق

زينة : ايوه فاكرة بكل تفاصيله

حسن : طيب احكلي انت بقه ، اصل امجد مش بيعرف يحكي بالتفصيل - بيحكي خطوط عريضه

زينة : حاضر (فلاش بالك )

يوم الجمعة في بيت زينة اجتمع ابوها واخوها وماماتها وكمان امجد وابوه ومامته ، والحاج احمد رفض يجي وقال الاتفاق دا يخصكم انتم ،وبعد التعارف والتهنئه

ابو امجد : احنا اتشرفنا بيكم وكل طلباتكم علي راسنا

الحاج سالم : الله يكرمك الشرف لينا

ابو امجد : يعني انا بتكلم في المهر والشبكة والذي منه ، انتم تامرومنا بايه

الحاج سالم : انا هديك بنتي تفتكر في حاجة في الدنيا تسويها ، كل اللي عايزة من امجد انه يحافظ عليها

ابو امجد : دي في عنينا وهتبقي زي بنتنا - بس دي الاصول ودا حقها يا حاج سالم

الحاج سالم : خلاص انا هريحك الشبكة دي هديه امجد لزينه مش هتكلم فيها ، اما الجهاز هات يا بني الحاجات الاساسية في شقتك بس - والكماليات دي ابقي هاتوها مع بعض بعدين واللي مش هتقدر تجيبة انا سداد وموجود

امجد ( باستغراب من الموقف ) : عمي انا ------------

الحاج سالم (قاطعة ) : بص يا ابني اولا انا بنتي مش سلعة تتباع وتنشري ، وثانيا انت لسه هتشتري او تأجر شقة علي حسب ظروفك ولسه في عفش وفرح والذي منه - علي شان كدا بقولك اللي تقدر تجيبة هاته واللي مش هتقدر تجيبه انا هجيبة انت بقيت خلاص زي زين

امجد : بس لازم ---

الحاج سالم : مش لازم ولا حاجة انا مبحبش المغالاه في المهر والرسول امرنا بكدا ولا بحب العرايس اللي تجيب في جهازها من كل صنف ولون ونيش ومنيش ، هات المهم اللي علي العريس بس والباقي يجي بعدين

امجد : دي العادات والتق

زين : خلاص بقه يا عم امجد - يله نقرا الفاتحة شكلك مش حافظها ، فضحك الجميع وقروا الفاتحة

امجد : بعد اذنك يا عمي نروح بكرة نشتري الدبل ونلبس في المحل

زينه بصت لامجد باستغراب وحست انها بتتكروت وامجد عمل نفسه مش فاهم

الحاج سالم : وليه يا ابني روحوا هاتوا الدبل وبعدين نعمل ليكم خطوبه كبيرة عايزين نفرح بيكم ، لاحسن ام زينه متنيمناش في البيت النهارده ههههه

أمينه : كدا يا ابو زين ، ماشي بس انا بقه عايزة افرح واعمل لبنتي احلي خطوبه

زين : دا انا واصحابي هنعمل ليكم ليله ولا الف ليله