زيـنـــــة

الجزء الثالث

روايه زينة ،،،،،، بقلم اسماء سليمان

الجزء الثالث

زين دخل بسرعة علي زينه : يا لهووووي يا لهووووووي يا لهوووووي

زينه : خير في ايه العريس تخين وبكرش واصلع وشكله وحش صح

زين : الواد قمر انا نفسي ممكن أعاكسة انا مش عارف هيقبل ازاي وحدة معفنه زيك ، انا لو مكانه كنت استوردت عروسة من لندن او باريس

زينه : بس يا يله اختك برودا جامدة وجاحدة وبكرة تشوف ان ما اترفضش زي غيره مبقاش انا ، وبعدين مش كنت حلوة من شويه

زين : دا قبل ما اشوف العريس ، يله علي شان تدخل يا جاحد انت يا جامد ، وزغزغها في جنبها فصوتت

زينه (وهيا بتضربه) : ماشي يا رخم هتفضحنا

زينه بمجرد ما خرجت من باب اوضتها حست ان قلبها بيدق بسرعة ، ووشها سخن وعود الكبريت يتولع من عليه ، مش واثقة من نفسها ، ومتلخبطة كأنها كانت في الاوضه واحدة وخرجت واحدة تانية خالص 

زوزو اهدي مالك ايه اللي جري ، كل مرة بيجي فيها عريس عمرك ما اتهزيتي او حتي اتاثرتي لا قبل ما تشوفيه ولا بعد ما تشوفيه ، خير يا رب هو ايه اللي بيحصلي دا

رجعنا تاني في المستشفي امام باب العمليات

تنبهت زينه الي حركة خروج ودخول ناس من والي غرفة العمليات وعند محاولة السؤال يكفتوا باطمني يا استاذه ادعيله

زينه بعصبية شديدة : هما مش بيطمنونا ليه

حسن : اهدي شويه ، هيبقي بخير ان شاء الله وبعدين دي مش اول مرة يعمل عملية واحنا متعودين علي كدا

زينه : هو الموت والالم والدم فيه تعود منطق غريب عليا

حسن ( عايز يبقي لطيف ويقدر اللي هيا فيه ) : انت اخر مرة اكلتي امتي

زينه : من يوم الخميس اللي فات ، امجد كان عزمني علي الغدا وبعدها اتخطفت

حسن : طيب هروح اجيبلك حاجة تاكليها

زينه : متتعبش نفسك مش هاكل غير لما امجد يقوم بالسلامة

حسن : بس انت كدا ممكن يغمي عليكي من قله الاكل من يوم الخميس ودلوقتي احنا الاثنين اخر النهار ما اكلتيش حاجة ، وبعدين مش عارفين العملية هتخلص امتي وهيفضل بعد العمليه اد ايه علي ما يفوق

زينه : قلت لك مش عايزة لا اكل ولا اشرب انا بخير

حسن : انت عنيدة كدا ليه ومش بتسمعي الكلام ، زي امجد بالظبط ما مجمع الا ما وفق

زينه ابتسمت ورجعت تاني للجدار تشكيله وتحكيله وتداري عن الرايح والجاي دموعها اللي مش عايزة تسكت