روايه زينة ،،،،،، بقلم اسماء سليمان
الجزء العاشر
امجد مستغرب من علاقة زينة وزين قريبين قوي من بعض وتحس انهم في سن بعض علي الرغم ان الفرق بينهم 8 سنين ، امجد وزينة ركبوا العربية
زينهة : عربيتك دي
امجد : اه
زينة : لطيفة ، هنروح فين
امجد: هنشتري فستان ليكي ، كان المفروض نشتريه قبل الدهب بس معلش ملحوقه نروح نشتري علي السريع
زينة : بس انا بحب الف علي المحلات كلها في الاول- وبعدين اقرر هشتري من اي واحد فيهم
امجد : لا انا مليش في الجو دا ، هندخل محل واحد تختاري منه وخلاص
زينة ( بعصبيه ) : قول يارب الاقي حاجة كويسه
دخلوا مول كبير وفيه كل حاجة هدوم وشنط وجزم وفعلا زينه لقت درس لونه روز طويل ودخلت البروفا تقيسه وطلع علي مقاسها وحلو جدا عليها
امجد : ايه الاخبار
زينة : كويس
زينة حست انه بيسالها تقضية واجب وخلاص - معملش زي العرسان في انه يشوفها وهيا لبساه او اي حاجة ، ودا حيرها
امجد : ماشي ، يله نجيب شنطة وجزمه وحجاب من الدور الرابع انا سالت علي مكانهم وبعدين نروح ناكل
زينة : تمام
في المطعم
امجد : هتاكلي ايه
زينة : نجرسكوا بقالي كتير ماكلتهاش ، واستاذنت منه تروح الحمام
امجد لاحظ انها مسالتش علي مكان الحمام وكانها عارفة الطريق
امجد لما رجعت : المطعم حلو صح ، انت جيتي هنا قبل كدا
زينة : كتير
امجد : لوحدك
زينة : الخروج دايما محتاج اللمة
امجد : جيتي مع مين
زينة : زمايلي - وكمان عندنا ساعات في الكليه بنعمل مؤتمر او ورشه عمل وبيبقي البريك هنا
امجد باستقطاب : ماشي
زينة لاحظت ان امجد بياكل وعمال كل شويه يلتفت يمين وشمال ، يعني لا اختار معاها شبكتها - ولا بص عليها وهيا بتاكل وتنكسف ومتعرفش تاكل ، ولا حتي حاول يمسك ايديها زي ما بتسمع من زمايلها ، حتي لما لبسها الدبله لا باس ايدها ولا راسها ، دا حتي مطلبش يشوف الفستان بعد ما جربته ،
طيب اي حاجة من الحاجات اللي بتسمع عنها من زمايلها في يوم الخطوبه- ولا زمايلها ضحكوا عليها والحاجات دي من خيالهم وبس - ولا كانوا عايزين يغيظوها وخلاص
أنت تقرأ
زيـنـــــة
Romansaجميع حقوق الطبع والنشر محفوظة باسمي اسماء سليمان الحب لا يعترف بقناعاتك الشخصية ولا يقبلها سواء قبلته او رفضته او حتي انكرت وجوده كبطل رواياتنا ، لانه بمجرد ان دخل قلبك ولمسه سري في عروقك مسري الدم واصبح كالهواء والماء دونهما لا حياة الروايه خلي...
