Judul standar - Antologi Cerkak

Aurora

Ing kasunyatan, Lucius nyawang topeng ing tangane. Topeng sing nutupi pasuryane sing ala. Kesalahan sing nggawe sekabehane dadi ajur. Ora ana sing kesisa saka urip lan kerajaane.
" Ngalih! "
Kasedihan sing diiringi banyu mata, nyatane ora bakal bisa gawe mulihake kabeh kaya sadurunge. Mung pangurbanan kanthi titik getih terakhir sing bisa ngilangno kutukan iku. Charlos ora bisa ngomong amarga Lucias kudu bisa golek cara nganggo usahane dhewe. Kutukan ora bakal bisa diilangno yen wong kasebut ora nindakake usaha.
" Kowe kudu golek cara kanggo ngilangake kutukan iku. Topeng iku ora bakal bisa terus - terusan gawe kowe singitan lan mblayu saka kenyataan."
Sekabehe cara wes dilakoni Lucius, nanging ora ono sing hasil. Mung kegagalan sing tambah nggarai kutukane tambah parah.
" Aku nemokake wong sing mungkin bisa ngilangake kutukan iki. Wong saka dunya sing beda ambek kita. Dheweke bakal teka pas wulan purnama. "
----
Aurora yaiku detektif bayaran sing ngolehake dhuwit saka pelanggane. Penggawean detektif iki nggawe dheweke tansah ngadhepi bebaya. Bayaran sing luwih gedhe lan kasus sing luwih bahaya gawe Aurora tambah tertarik.
Aurora ditugasno gawe jupuk barang penting sing ana ing taun 1918. Nangin, nalika Aurora teka ing taun 1918, Aurora oleh surat sing nggawa dheweke menyang dunya fantasi karo macem - macem rahasia sing ana ing njerone. Aurora kejebak kutukan sing jenenge kutukan Dark King. Miturut ramalan, Aurora yaiku wong sing bisa ngilangake kutukan lan nyelamatno kerajaan. Aurora ora bakal bisa bali menyang dunyane, yen dheweke ora bisa ngilangake kutukan sing ana ing Lucius.
Mulai cilik, Aurora tansah kepikiran kenapa wong tuwane menehi jeneng Aurora. Nganthi ibune ngomong yen dheweke ngarep - arep yen Aurora bisa nduweni masa depan sing cerah kaya jenenge. Dadi wanita sing mulya lan nikah karo wong lanang saka kalangan sing mulya. Nanging iku kabeh duduk rencana urip Aurora. Akeh kegiatan sing pingin dicobak Aurora. Kayata kegiatan sing mbebayani lan menantang.
Aurora tangi saka turune. Suasana kamar sing beda nggawe Aurora éling yen dheweke ana ing panggonan sing aneh. Cepet, Aurora langsung ngadeg lan njupuk tas e. Nalika nyawang mudhun saka jendhela kamar, Aurora ngetokake mripate amarga panggonane saiki dhuwur banget. Aurora ora yakin dheweke bisa mudhuni kastil nggawe tali. Nganti akhire, Aurora mutusake metu karo mlaku alon - alon. Aurora ora ngerti yen ana wong sing ngelingi dheweke saka kadohan.
" Aurora "
Suara iku nggawe Aurora kaget. Ana Charlos sing ngadeg ana kono. Banjur Aurora sadar yen ana kejadian sing aneh banget. Saka ngendi wong lanang kuwi ngerti jenenge? Padahal Aurora ora ngomong babagan jenenge. " Saka ngendi kowe ngerti jenengku ? "
"Aku ngerti kabeh babaganmu." Charlos menehi esemane menyang Aurora. " Kowe manggon dhewe lan penggaweanmu yaiku dadi detektif bayaran. ''
Tambah suwe Aurora ngerasa akeh kejadian sing tambah gak masuk akal. Akhire Aurora milih meloki mlakune crita iki. " Duduk urusanmu. "
Charlos mlaku mudhun undhak-undhakan lan ngadeg ing sisihe Aurora. " Kowe ora bisa lunga saka Orizora, sadurunge nindakake sesuatu. "
" Ori.....opo? "
" Orizora. Panggonan mu saiki. Kowe ora bakal bisa bali menyang dunyamu yen kowe ora nepangi ramalan."
Apik. Aurora kejebak ana ing dunya fantasi lan wong lanang sing ana ing ngarepe ngomong kaya ngunu. Aurora ora pingin nyalahke sapa - sapa, nanging yen ana sing kudu disalahke, wong kasebut yaiku Moritz. Sakwise Aurora bali menyang dunyane, dheweke janji bakal menehi pelajaran gawe Moritz. " Aku saktemene ora ngerti opo sing kowe omongno. "
Charlos mung bisa mesem. Aurora yaiku wong sing isih asing ana ing Orizora. Aurora ora ngerti yen Charlos sing ngirim dheweke menyang Orizora. Gawe wektu iki, Charlos ora bakal menehi weruh Aurora babagan iki. " Pengin melok karo aku? Aku bakal jelasake menyang kowe, nango ora ing kene."
Aurora meloki Charlos saka mburi. Sakwise muter undhak-undhakan, Charlos lan Aurora teka ing ngarepe ruangan sing ana rong lawang sing dhukur. Wong lara pelayan mbukakno lawang iku. Ruangan iki kaya perpustakaan raksasa. Charlos njupuk cermin sing ana ing salah sijine rak karo nyawang tanpa suara. Cermin sing bisa nambani kangene menyang adhike.
Dumadakan Aurora bisa nyawang yen ana wong lanang sing nggawe topeng ana ing njero cermin iku.
" Iki adhikku. " ujar Charlos gawe jawab kebingungane Aurora.
" Kenapa dheweke bisa ana ing njero cermin iku ? lan kenapa nggawe topeng ?"
" Amarga dheweke duweni kutukan, lan mung kowe sing bisa nambani adhikku, Aurora. "
" Aku ? Kepriye carane aku bisa nambani ? "
" Aurora kowe pasti bisa. Percaya marang aku. Mung iki siji - sijine cara sing bisa nggawe kowe bali menyang dunyamu. "
" Muga - muga apa sing kowe omong iku bener. Dadi kepriye carane ? ''
" Kowe lan adhikku kudu bisa golek cara dhewe kanggo ngilangake kutukan iku. ''
-----
Aurora teka ing jembatan sing dadi batas antarane kerajaan putih lan kerajaan petheng. Sakdurunge ngalih, Charlos ngomong yen Aurora kudu bisa nemokake Lucias lan gawe rencana supaya bisa ngilangake kutukan iku.
Akhire sakwise mlaku suwe, Aurora nemokake gerbang sing dhukur banget. Aurora langsung mundhur sithik nalika gerbang sing ana ing ngarepe iki mbukak dhewe. Aurora kaget nalika ndelok lara makhluk aneh sing mbuka lawang gerbang. Loro makhluk aneh maeng mempersilahkan Aurora melbu menyang kastil.
Aurora saiki bakal ngelalikno rupane makhluk aneh maeng. Sing bakal dilakoni Aurora saiki yaiku nggoleki adhike Charlos sing jenenge Lucius.
"Apa kowe Aurora? '
Aurora langsung noleh mburi lan kaget yen apa sing anan ini ngarepe yaiku wong sing nggawe jubah serba ireng lan topengan.
" Iyo, apa kowe sing jenenge Lucius?"
" Pasti Charlos sing ngirim kowe menyang kene. Dadi opo rencanamu ? "
Akhire Lucias lan Aurora omong - omongan babagan iki , mulai nalika asale kutukan iki bisa ana.
----
Wis wiwit isuk Aurora lan Lucius njelajah alas larangan. Nanging kembang sing digoleki kanggo ngilangake kutukan ora ketemu - ketemu. Lucius noleh nalika Aurora mandheg mlaku.
" Lucius, apa kowe isih eling yen di buku kuno iku di tulis yen kembang sing kita golek i ana ing dasar alas iki. Apa kowe ngerti panggone ? "
Lucius meneng sedilut mikirno omongane Aurora, banjur dheweke langsung narik tangane Aurora.
" Apa sing kok tindakake Lucius ? "
" Aku ngerti ana ing endi panggone."
Akhire sakmarine iki Aurora bakal bali menyang dunyane. Dheweke lega banget. Aurora ora ngerti ana ing ngendi panggonan sing dimaksud Lucius. Aurora mung meloki nang endi wae Lucius nuntun. Akhire Aurora lan Lucius nemokake panggonan kembang iku.
" Apa iku kembange ? " pitakone Aurora nalika nyawang kembang sing paling mencolok ketimbang kembang liane.
Lucius manthuk alon - alon. Lucius lan Aurora mlaku nuju kembang iku, nanging sak durunge njupuk kembang iku Aurora lan Lucius ngerasa gepukan ing mburine sirahe lan ngerasa peteng sakmarine iku.
Aurora nyawang geger e wong wadon nggawe jubah nalika dheweke mbuka mripate. Sirahe Aurora kerasa sirahe lara banget, lan tangane dicancang tali, Lucius uga ngerasakno hal sing podho.
Azzola - wong wadon sing nggawe jubah iku ngadhep mburi lan ethok - ethok kaget nalika nyawang Aurora lan Lucius sing nyawang dheweke karo tatapan sing landhep banget. " Kowe kabeh wis sadar ? Nanging kowe kabeh saiki kayata pancet ana ing keadaan iki. Amarga aku wis oleh kembang sing ana ing buku kuno iku. "
Aurora nyawang Lucius sing nduduhno wajah ngamuk. " Kowe kenal wong iku ? " pitakone Aurora menyang Lucius kanthi suara sing alon.
" Azzola yaiku mantan pelayan kerajaan sing mutusno yen dheweke bakal dadi penyihir. Kembang iku bisa nggawe dheweke awet enom. Azzola bakal ajur yen tongkate di buwang menyang lautan geni. Apa kowe duwe cara kanggo kabur ?" jawabe Lucius.
Aurora mesem. Dheweke banjur usaha njuluk lading sing ana ing njero tas e. Sakwise nemokno lading, Aurora banjur medhot tali sing nyancang awake lan tali sing nyancang Lucias. Auroran lan Lucius banjur ngelaksanakake tugase dhewe - dhewe. Aurora berhasil njupuk kembang iku lan Lucius berhasil njupuk tongkate Azzola. Lucius nyawang lautan geni sing ana ing ngarepe, banjur nguncalaken tongkate Azzola. Ora suwe saka iku, Aurora lan Lucius krungu suara kelarane Azzola.
Sakwise ngalahno Azzola, kutukane Lucius bisa ilang. Topeng e Lucius ilang lan Lucius bisa mimping kerajaan maneh.
" Kita bakak kangen karo kowe " ucap Lucius lan Charlos bebarengan.
" Aku bakal ngerasa hal sing podo karo kowe kabeh." Aurora gantian ngerangkul Lucius lan Charlos. Aurora banjur mlaku menyang lawang sing mewah banget. Charlos ngomong yen lawang iku bisa gawe Aurora bali menyang dunyane. Sakdurunge mbuka lawang, Aurora noleh mburi lan mesem marang Charlos lan Lucius. Aurora bakal kangen marang Orizora.
Aurora mbukak lawang iku, banjur dheweke ngerasa ketarik ana ing njero gelombang. Aurora banjur mbukak mripate nalika gelombange mandhek. Aurora lega nalika dheweke bisa ndelok ibune lan moritz ing ngarepe. " Sepiro suwene aku lunga ? "
" Telung jam " jawab Moritz.
" Bukane aku lunga suwene telung minggu ?"
Sekabehe wong sing ana ing ruangan iku nyawang Aurora kaya wong bingung. " Hahaha kowe guyon ?" Moritz kepeksan ngguyu, banjur dheweke narik tangane Aurora. " Kayae aku kudu nggawa Aurora menyang rumah sakit."