Judul standar - Antologi Cerkak

Isyana Sawise Ratu Isyana

Urip ing donya iki bakal katon endah, yen saben-saben paraga ngrangkap dadi penulis saka skenario sing lumaku ing donya kang wus kebak karo lika-liku . Saben paraga pasti bakal milih urip kapenak ing donya mung sadelo iki . Tinimbang urip susah banting tulang anggone makarya kanggo nguber kauripan sing wus janjekake ing alam akhirat . Nanging, apa kang kita impikake ora kabeh sing bisa diijabah . Skenario wis katulis dening Gusti Kang Maha Agung . Kabeh paraga mung bisane nglakokake roda kauripan sing wis digarisake .
Kayata aku, salah sawijine mahasiswa anyar ing salah sawijine universitas favorit ing kuthaku . Saben dinane kedah banting tulang nata ati mung kanggo ngadepi saben tingkah polah senior kang maneka warna . Ya, aku Isyana Maura Franelsa . Mahasiswa mambu kencur nanging wis bisa kapilih dadi paraga utama ing drama kang bakal dipentasake ing salah sawijine event kang bakal diadakake kampusku . Akting, lan teater kuwi wis dadi oksigen tambahan kanggo nyambung uripku . Amarga kapilih dadi paraga utama, aku malah luwih kerep komunikasi kaliyan para senior .
"ISYANA !!!"
Kayata 'gayung bersambut' miturut mahasiswa Sastra Indonesia, apa kang sliweran ing angen-angenku wus dadi kenyataan . Komunikasi 'start' mode ON .
"I-S-Y-A-N-A !!!" panyelukke salah sawijine senior sing wis tak apal banget . Alka Fairuz Al-Qurtuby, sang ketua Teater . Ora ngenteni suwe maneh aku nyauti mas Alka .
"IYA, MAS ? ANA APA TA ?" jawabku kanthi banter . Amarga mas Alka kuwi ana ing ngarepe gedung teater . Lha aku wus arepe metu saka pelataran gedung teater .
"Cepet bali maneh kene !"
"Iya, Mas ."
Amarga gupuh, aku bali mlayu kanthi banter tumuju gedung teater . Aku ora ngerti yen wektu iku tali sepatuku wus arepe copot . Nganti...
SRETTT... GEDEBUK
"Aduh... Dengkulku payu..." aku mringis nalika nyawang dengkulku sing wis metu getih e . Sanadjan getih iku mung sethitik, perih kuwi krasa banget .
"Ckckck... Nyatane, Isyana ora mung manja wae... Nanging, uga ceroboh ta"
"Ish... Mas Alka iki kepriye ta ? Ana sing ceblok ngeneh iki ora ditulungi malah diceramahi"
"Isyana Maura Franelsa !"
"Siaga kapisan... Mas Alka wis ngucapake jenengku kanthi lengkap" mesthi wae dumelan mau mung wani daksuarakake ing batinku wae .
"Isyana, kamu itu sudah mahasiswa . Bersikaplah layaknya M-A-H-A-S-I-S-W-A !"
"Siaga Kapindo..." jerite batinku nalika ngerti mas Alka wis nggunakake basa persatuan negara kita . Aku yakin ora let suwe lahar emosi mas Alka bakal ngalir kayata Jakarta sing mesthi oleh banjir kiriman saka Bogor .
"Tapi, Mas ... Lututku benar-benar terluka" jawabku karo nyoba ngimbangi tutur katane mas Alka .
"Sudah ... Itu hanya luka kecil Isyana . Jangan memperparah luka tersebut . Cepat masuk dan bantu yang lain membereskan properti . Memangnya siapa yang sudah mengizinkan kamu pulang terlebih dahulu, hah !"
"Mas.. Please... Kali ini saja... Janji gak bakal gini la..."
"Sudah ! Tidak ada tapi-tapian... Jangan karena kamu terpilih sebagai pemeran utama kamu jadi bisa seenaknya sendiri . Satu lagi ... Kamu tidak boleh M-A-N-J-A !!! Contoh itu Erica ! Sudah rajin, disiplin, mandiri . Tidak seperti kamu yang manja, ceroboh, cengeng, dan..."
"STOP !!! Cukup, Mas... Cukup sudah Mas Alka membandingkan aku dengan Erica . Aku ya Aku, Mas... Isyana ... Aku bukan Erica . Kita berbeda !"
"Bukan begitu maksudku Isyana ... Mas Cuma mau merubah kamu menjadi lebih baik ."
"Sudah...? Aku muak sama Mas Alka yang selalu membandingkan aku dengan Erica . Maaf untuk mengatakannya Mas... Mas alka cuma sebatas senior aku selama 4 tahun kedepan kalau mas Alka lupa . Mas Alka tidak punya hak sama sekali untuk mencampuri kehidupanku . Aku pamit dulu Mas !"
Sawise ngetokake kabeh uneg-unegku sing wis daksimpen rapet ana ing jero atiku sing paling dhasar . Aku mlayu metu nglalekake rasa perih ing dengkulku . Aku ngerti yen mas Alka terus nyeluk lan nguber aku . Nanging, akal pikiranku wis kalah karo hawa nafsu . Amarga mas Alka wus tambah cedhak . Ora mikir dawa maneh aku langsung mlayu nyebrang ana ing ngarepe kampusku . Aku ora ngerti yen saka arah kidul ana angkotan umum kang lumaku kanthi banter banget . Kabeh kedadeyan kuwi cepet banget nganti ora sempat kerekam ana ing memoriku .
B-R-A-K
"ISYANA !!!"

***

"Sshhh... Banyu... Banyu..." Aku mringis ngerasakake kerongkonganku sing wis garing banget .
"Narpati Isyana... Tabib... Tabib..." celathune mas Alka sing wis tak sawang kanthi samar-samar . Amarga sirahku sing mumet e nganthi ora ketulungan .
"Ngaturaken sembah kawula Patih..."
"Tabib... Narpati wis siuman Tabib..."
"Nyuwun izin kangge mriksa kahanan Sri Kusuma Narpati, Patih"
"Dakizinake... Cepet !!! Tabib!!!"
"Mangga dipununjuk jahnawi dawala ingkang sampun kawula campur kaliyan ramuan, Sri Kusuma Narpati"
"Jahnawi Dawala? Mas Alka apa kang dikarepake dening bapak iki ?" jawabku kanthi bingung .
"Bakti kawula Narpati... Mas Alka ? Mboten wonten pemuda ingkang asma Mas Alka ing kedhaton Narpati" jawab pemuda sing dakkira Mas Alka .
"Hah... Kedhaton ? Kedhaton apa?" jawabku tambah bingung .
"Inggih Narpati... Narpati Isyana punika Ratu ingkang wicaksana wonten kedhaton Hayakumbala niki . Lan kawula menika salah sawijining Patih Narpati Isyana, Patih Lokapada ." jelase Patih Lokapada kanthi rasa hurmat .
"Ssshhh..." Aku mringis ngrasakake mumet sing rasane tambah nemen kuwi . Ing wayah mumet kuwi dumadakan ana kepingan-kepingan memori ngenani salah sawijine Ratu kang pasuryane sulistya ayu . Dhewekke kuwi Ratu ingkang adil tur wicaksana nalika among praja . Nanging, sing aneh kuwi Ratu kuwi mirip banget kaya aku . Aku tambah bingung nalika Ratu kuwi sansaya tambah ngadoh saka pandhanganku .
"Tabib... Apa ana sing perlu dikuatirake saka kahanane Narpati ?" pitakone Patih Lokapada marang Tabib .
"Bakti kawula Patih... Kahanan Sri Kusuma Narpati saestu sae, Patih . Sri Narpati mung perlu istirahat kaliyan ngunjuk ramuan ingkang sampun kawula damel kalawau, Patih ."
Aku tambah bingung ngenani kahanan sing dakalami, ditambah maneh karo kepingan memori sing terus sliweran ing pikiranku . Mula kanggo ngusir pemuda kang ngaku Patih Lokapada lan Tabib kuwi, aku ngombe ramuan kuwi sing rasane enak banget nganti rasan-rasane aku pingin muntah .
Detik terus mlaku ngliwati menit kanthi jam . Dina sansaya terus ganti, minggu wis keliwat . Kahananku wis tambah kepenak . Ana kesimpulan sing wis bisa daktarik . Ing kene, panggonan sing ora dakkenali, kebiasaan, lan kabeh kedadeyan sing dak alami iki ora masuk akal . Aku ora ngerti apa aku ngalami perjalanan wektu kayata ing film-film sains saka negara sakura . Lan sing paling ora tak pahami yaiku 'kepriye caraku bali menyang alamku???'
Ing panggonan anyar iki, ing kedhaton Hayakumbala kene aku manggoni panggonan sing ora tau dak impekake . Ing kedhaton Hayakumbala kene, aku duweni tanggung jawab sing ora dakkepingini . Ning kene, aku kudu ngayomi kabeh rakyatku . Kudu ngatur negara sing wis dakpimpin . Ya, negara sing dakpimpin . Ing panggonan anyar iki aku owah saka Isyana Maura Franelsa, mahasiswa anyar ing salah sawijine kampus favorit ing kuthaku . Ning kene, aku dadi Ratu ing salah sawijine kedhaton ingkang makmur, kedhaton Hayakumbala .
Nanging, sanadjan kedhaton Hayakumbala makmur, ora ana sing jamin yen kedhaton kuwi adoh saka masalah . Aku kaget nalikane Patih Lokapada njlentrehake kabeh masalah sing bisa nggawe kabeh wong sing ngaweruhi dadi mumet . Wiwit saka ngadili masalah sepele antarane para pedagang . Nganti masalah para perdana menteri kerajaan kang pada nyeblokake .
Aku ora ngerti, kena apa saben perdana menteri kuwi pada 'gila kekuasaan' yen miturut mahasiswa hukum ing kampusku . Yen iling masalah kampus, aku pingin banget anggone bali menyang alamku . Luwih apik yen saben dina aku dibandingake karo Erica menyang mas Alka, tinimbang ngadepi masalah sing ora ana entek e ing kedhaton Hayakumbala iki .
"Bakti kawula, Narpati . Kawula ngaturaken lepat bilih kawula dados pengriduh wonten ing wekdal Narpati sonten menika ." celathune Patih Lokapada nalika marani aku ing taman kedhaton sore kuwi . Sore kuwi pancen aku lagi nikmati kaendahan kembang kang maneka warna ing taman sawise rapat karo para perdana menteri kayata sabendinane . Ngomong-ngomong ngenani Patih Lokapada, dheweke pancen mirip karo mas Alka . Mula ora salah, nalika aku sadar ing kapisanan wektu kuwi aku langsung ngira yen Patih kuwi mas Alka .
"Narpati..." celathune Patih Lokapada sing kapindho .
"Oh... Iya... Ana apa ta Patih ?" pitakonku .
"Narpati, kawula sampun gadah bukti ngenani pelaku ingkang bade nyidrani Narpati nalika andrawina punika ."
"Oh ya ? Sapa dalang kang dadi pangriduh ing pasugatan punika Patih ?"
"Mboten lepat malih Narpati, jalma menika inggih sudarma Kunta Reja ."
"Kunta Reja ?" jawabku kanti suara alon . Banjur dijawab dening Patih Lokapada kanthi detail .
Aku ora kaget yen pangriduh ing pasugatan kuwi Kunta Reja . Amarga, miturut apa kang dijlentrehake dening Patih Lokapada, Kunta Reja kuwi pancen seneng banget anggone dadi pangriduh . Ya, masalah sing kudu dakrampungake saiki yaiku ngungkap lan kudu menehi ukuman dateng sapa kang wis dadi pangriduh nganti mbahayakake kahananku yen ora ditangani tabib wektu kuwi . Wektu nalika aku sadar lan nemokakae aku wus ana ing alam sing ora dakkenali iki, kedhaton Hayakumbala . Wektu kuwi, miturut apa kang wis Patih Lokapada sampekake, wis ana sing menehi ramuan ing jamuan kang ana ing pasugatan kang diadakake dening kedhaton .
Nanging, apa kang nyebabake pawongan kang biasa dadi pangriduh ing saben acara, wis ora tahu ngriduh maneh ing setaun kapungkur . Saiki malah dadi pangriduh maneh ing pasugatan kedhaton . Kunta Reja, salah sawijine perdana menteri kuwi pancen remen banget anggone dadi pangriduh . Nanging, sawise apa kang dilakoni ing setaun kapungkur nyebabake cidra ing salah sawijine putrine . Kunta Reja kuwi wus ora tau maneh anggone ngriduh ing acarane kedhaton . Amarga kuwi, aku tambah bingung mangerteni berita kang wis disampekake dening Patih Lokapada .