كتمان الشوق

الجزء 01

ﺍﻟﻘﺼﺔ ﺣﻘﻴﻘﻴﺔ

ﺍﻧﺎ ﻳﺎﺟﻤﺎﻋﻪ ﻣﻜﺴﺮﺭﻩ ﺷﺪﻳﻴﻴﺪ ﻓﻲ ﻭﻟﺪ ﺟﻴﺮﺍﻧﺎ ﻫﻮ ﺳﻤﺢ ﻭ ﺣﻼﺗﻮ ﻛﺪﻫﻪ ﻭ ﺍﻧﺎ ﺍﻟﺤﻤﺪ ﻟﻠﻪ ﻻ ﺟﻤﺎﻝ ﻻ ﻣﺎﻝ ﺍﻛﺒﺮ ﺑﺎﻳﺮﻩ ﻓﻲ ﺍﻟﺴﻮﺩﺍﻥ ﻋﻤﺮﻱ ﺳﺘﻪ ﻭﻋﺸﺮﻳﻦ ﺳﻨﻪ ﻭﻟﻮﻧﻲ ﺍﻓﺘﺢ ﻣﻦ ﺍﻟﺰﻳﺘﻮﻧﻪ ﺑﺸﻮﻳﻴﻪ ﺑﺲ ﻭ ﺑﻌﺪ ﺩﻩ ﻣﺎ ﻋﻨﺪﻱ ﺍﻱ ﺍﻫﺘﻤﺎﻡ ﺑﻲ ﻧﻔﺴﻲ .. ﺍﻱ ﻧﺤﻨﺎ ﻓﻲ ﻋﺎﻟﻢ ﺍﻟﻔﺴﺦ ﻭﺍﻟﺠﻠﺦ ﻭ ﺍﻟﻨﻀﺎﻓﻪ ﺑﺲ ﺍﻧﺎ ﺑﻌﻴﻴﻴﺪﻩ ﻛﻞ ﺍﻟﺒﻌﺪ ﻋﻦ ﺍﻟﻌﺎﻟﻢ ﺩﻩ ﻭﻻ ﻳﻮﻡ ﻓﻜﺮﺗﺎ ﺍﺧﺘﺮﻉ ﺗﺴﺮﻳﺤﻪ ﺳﺎﺍﻱ ﻟﻲ ﺷﻌﺮﻱ .. ﺍﺳﺘﻮﺏ ﻫﻮ ﺩﻩ ﺍﺫﺍ ﻓﻲ ﺷﻌﺮ ﺍﺳﺎﺳﺎ ﻓﻲ ﺣﺎﺟﻪ ﻛﺪﻫﻪ ﻧﺎﺍﺷﻔﻬﻪ ﻭﺍﻗﻔﻪ ﻓﻲ ﻧﺺ ﺭﺍﺳﻲ ﻣﻠﻴﺎﺍﺍﻧﻪ ﻟﺒﻴﻚ ﻭ ﺍﻱ ﺷﻲ ﻗﻤﻞ ﺯﺍﺗﻮ ﺷﻜﻠﻮ ﻓﻲ ... ﺍﻱ ﺣﺎﺟﻪ ﻣﻤﻜﻦ ﺗﺨﻄﺮ ﻋﻠﻰ ﺑﺎﻝ ﺍﻟﻮﺍﺣﺪ ﺑﻴﻠﻘﺎﻫﺎ ﺟﻮﻩ ﺷﻌﺮﻱ ﻣﺮﻩ ﺑﺎﻛﻞ ﻭ ﺑﺤﻚ ﻓﻴﻬﻮ ﻛﺪﻩ ﻃﻠﻌﺖ ﻟﻲ ﻗﺸﻪ ﻃﻮﻳﻴﻴﻠﻪ ﺟﺎﺕ ﻣﻦ ﻭﻳﻴﻦ ﻣﺎ ﺑﻌﺮﻑ .. ﺍﻻﻛﻞ ﻋﻨﺪﻱ ﺍﻫﻢ ﺣﺎﺟﻪ ﻓﻲ ﺍﻟﺪﻧﻴﺎ ﺑﻘﻴﺖ ﺣﺎﺟﻪ ﻛﺪﻩ ﻣﺮﺑﻌﻪ ﻣﻦ ﻓﻮﻕ ﻭ ﺗﺤﺖ ﻭ ﻛﺎﺷﻪ ﻣﺎﺷﻪ .. ﺑﺼﺤﻰ ﺍﻟﺼﺒﺎﺡ ﻛﺎﻟﻌﺎﺩﻫﻪ ﺑﻌﺪ ﺍﺻﻠﻲ ﻭﺍﺷﺮﺏ ﺍﻟﺸﺎﻱ ﺑﺠﺮﺭﻱ ﺟﺮﺭﻱ ﺍﺩﺧﻞ ﻓﻲ ﻋﺒﺎﻳﻪ ﺳﻤﻴﻴﻴﻨﻪ ﻛﺪﻩ ﻭ ﻭﺍﺳﻌﻪ ﻗﺪﺭﻱ ﻭ ﺩﻳﻚ ﻳﺎ ﺍﻟﺸﺮﺍﺑﺎﺕ ﺍﻟﺴﻮﺩ ﻛﻤﺎﻥ ﺍﻟﻄﻮﻳﻴﻠﻪ ﻭ ﺍﻟﺠﻮﻧﺘﺎﺕ ﺍﻟﺴﻮﺩ ﻭ ﺍﻟﺸﻌﺮ ﺩﻩ ﺑﺮﺑﻄﻮ ﺑﺲ ﺑﻲ ﺑﺎﻧﺪﻩ ﻛﺪﻩ ﺑﺎﻟﻐﺼﺐ ﻭﻟﻮ ﺍﺗﺠﻬﻴﻴﻴﺖ ﺷﺪﻳﻴﻴﺪ ﻛﺪﻩ ﻳﻌﻨﻲ ﺑﻤﺴﺢ ﻭﺷﻲ ﺑﻲ ﻓﺎﺯﻟﻴﻦ ﻭ ﺑﺠﻮﻁ ﻣﻌﺎﻫﻮ ﺍﻟﺨﺸﻢ ﻭ ﺍﻟﺤﻮﺍﺟﺐ .. ﻭ ﻳﺠﻲ ﻣﺪﺭﺩﻗﻪ ﻧﺎﺯﻟﻪ ﺑﺎﻟﺴﻠﻢ ﺑﺘﺼﺒﺢ ﺑﻲ ﺍﻟﻮﺵ ﺍﻟﺴﻤﺢ ﺩﻩ ﻳﺎ ﻳﻤﻰ ﺍﻟﺮﻳﺤﻪ ﺑﺸﻤﻬﺎ ﻣﻦ ﻭ ﺍﻧﺎ ﺟﻮﻩ ﺍﻟﺒﻴﺖ ﻭ ﻛﻞ ﻣﺎ ﺃﻗﺮﺏ ﻟﻲ ﺑﺎﺏ ﺍﻟﺸﺎﺭﻉ ﺑﺸﻤﻬﺎ ﺯﻳﺎﺩﻩ ﺍﻟﺰﻭﻝ ﺍﻟﺴﻤﺢ ﺍﻟﻨﻀﻴﻴﻒ ﺍﻟﻘﻴﺎﻓﻪ ﻣﻞ ﻳﻮﻡ ﺑﻘﻴﻒ ﺯﻱ ﺍﻟﻬﺒﻠﻪ ﻭﺭﺍ ﺑﺎﺏ ﺑﻴﺘﻨﺎ ﺑﺸﻮﻓﻮ ﻭ ﻫﻮ ﺑﺮﻛﺐ ﻋﺮﺑﻴﺘﻮ ﻭ ﻣﺎﺷﻲ ﺑﻘﺮﺏ ﺍﺟﺮﻱ ﺍﻛﺸﺢ ﻣﻮﻳﻪ ﻭﺭﺍﻫﻮ ﻋﺸﺎﻥ ﻳﺠﻴﻨﻲ ﺭﺍﺟﻊ ﺳﺎﺍﻟﻢ ﻏﺎﺍﻧﻢ ﻛﺪﻩ ﻭ ﺑﺴﻄﺘﻲ ﺩﻱ ﺩﺍﺋﻤﺎ ﻗﺎﻃﻌﺎﻫﺎ ﻟﻲ ﺻﺤﺒﺘﻲ ﺍﻟﻮﺣﻴﺪﻩ ﻓﻲ ﺍﻟﺪﻧﻴﺎ ﺩﻱ ﺍﺳﻤﻬﺎ ﺯﻫﺮﻩ ﻭ ﻳﺎﺥ ﻫﻲ ﻟﻜﻦ ﻣﺎ ﺯﻫﺮﻩ ﺍﺳﻢ ﻭ ﺟﺴﻢ ﻭ ﻭﺵ ﻣﺒﺘﺴﻢ ﺑﺎﻟﻠﻪ ﺗﺸﻮﻑ ﻭﺷﻬﺎ ﺍﻟﺼﺒﺎﺡ ﻟﻤﺎ ﻗﻠﺒﻚ ﻳﻨﺸﺮﺡ ﻧﻀﻴﻴﻔﻪ ﻧﻀﺎﺍﻓﻪ ﺍﻟﺸﻌﺮ ﻭ ﺍﺍﻟﻤﻴﻚ ﺍﺏ ﺍﻟﻜﺎﻣﻞ ﻭ ﺍﻟﻠﻮﻥ ﺍﻟﻨﻀﻴﻴﻒ ﻳﺎﺥ ﺑﺖ ﺗﺮﺩ ﺍﻟﺮﻭﺡ ﻣﻀﻴﻌﻪ ﻗﺮﻭﺵ ﺍﺑﻮﻫﺎ ﻛﻠﻬﺎﺍ ﻓﻲ ﺍﻫﺘﻤﺎﻣﻬﺎ ﺑﻨﻔﺴﻬﺎ .. ﺍﻱ ﻧﺤﻨﺎ ﻧﻔﺲ ﺍﻟﻮﺿﻊ ﺑﺲ ﻣﺎ ﻋﺎﺭﻓﻪ ﺍﻧﺎ ﻟﻴﻪ ﻣﺎ ﺑﺤﺐ ﺍﻻﻫﺘﻤﺎﻡ ﻭ ﻣﺎ ﻋﻨﺪﻱ ﺍﺧﻼﻕ ﻟﻴﻬﻮ .. ﻫﻮ ﺍﻧﺎ ﻟﻜﻦ ﻓﺎﺿﻴﻪ ﻣﻦ ﺍﺟﻲ ﻣﻦ ﺍﻟﺸﻐﻞ ﻭ ﺍﺟﺪﻉ ﺍﻟﺸﺮﺍﺏ ﺑﺘﺎﻉ ﺍﻟﺒﺎﻳﺮﺍﺕ ﺩﻩ ﺑﺠﺮﻱ ﺍﻟﺒﻠﻜﻮﻧﻪ ﺑﻘﻴﻒ ﻣﺘﻨﺤﻪ ﺍﺭﺍﻗﺐ ﺃﺳﻤﺮ ﻣﻦ ﻓﻮﻭﻕ ﻛﺪﻫﻪ ﻳﻮﻣﻲ ﻛﻠﻮ ﺿﺎﺍﻳﻊ ﻓﻲ ﺍﻟﻤﺮﺍﻗﺒﻪ ﻣﺎﺷﻲ ﻭ ﺟﺎﻱ ﻭ ﺷﺎﻳﻞ ﻻﺑﺘﻮﺑﻮ ﺑﻜﺘﺐ .. ﻭ ﻋﻠﻰ ﻛﺪﻩ ﻗﺼﻪ ﺣﻴﺎﺗﻲ ﺑﺘﻨﺘﻬﻲ .. ﺯﻫﺮﻩ ﺩﻱ ﻭﺍﺍﻗﻔﻪ ﻟﻲ ﻋﺎﺭﺽ ﻣﻦ ﻳﻮﻣﻬﺎ ﻻﺯﻡ ﺗﺪﻳﻨﻲ ﻣﺤﺎﺿﺮﻩ ﺍﻟﺼﺒﺎﺡ ﻭ ﺍﺣﻨﺎ ﻣﺎﺷﻴﻴﻦ ﻓﻲ ﺍﻟﺸﺎﺭﻉ ﻳﺎﺑﺖ ﺍﻫﺘﻤﻲ ﺑﻲ ﺭﻭﺣﻚ ﻳﺎ ﺑﺖ ﺍﻟﻜﺮﻳﻢ ﺍﻟﺠﺒﺘﻮ ﻟﻴﻚ ﻣﺎ ﻣﺴﺤﺘﻲ ﻣﺎﻟﻚ ! ﻳﺎ ﺯﻓﺘﻪ ﺍﻧﺎ ﻣﺎ ﻣﺮﻩ ﺍﻗﻮﻝ ﻟﻴﻚ ﻣﺴﺤﻲ ﺷﻌﺮﻙ ﻳﺎﺧﻲ ﺍﺭﺣﻤﻴﻬﻮ ﻭﺍﺭﺣﻤﻴﻨﺎ ﻣﻌﺎﻙ ﺭﻳﺤﺘﻮ ﻃﻠﻌﺖ ﺯﻳﻦ ﺍﺑﻮﻧﺎ ﺯﺍﺗﻮ .. ﻭ ﻻ ﺣﻴﺎﻩ ﻟﻤﻦ ﺗﻨﺎﺩﻱ ، ﺑﻮﺳﻪ ﺑﺎﻟﻴﻤﻴﻦ ﻭﺑﻮﺳﻪ ﺑﺎﻟﺸﻤﺎﻝ ﺑﻮﺩﻋﻬﺎ ﻭ ﻫﻲ ﺑﺘﺒﻜﻲ ﺍﻣﺠﺎﺩ ﻟﻠﺸﻐﻞ .. ﻭﺍﻧﺎ ﻳﺎ ﺍﻟﻤﻮﺍﺻﻼﺕ ﻭ ﺍﻟﻤﺪﺍﻓﺮﻩ ﺟﺎﻙ ﺯﻭﻝ .. ﺯﻫﺮﻩ ﺗﻌﺎﻳﻦ ﻟﻲ ﺑﺎﻟﺸﺒﺎﻙ ﻭ ﺗﻜﻮﺭﻙ ﻳﺎ ﻋﻮﺍﻟﻴﻘﻖ ﻧﻔﺴﻲ ﺍﻋﺮﻑ ﻗﺮﻭﺵ ﺍﺑﻮﻙ ﺩﻱ ﺑﺘﻮﺩﻳﻬﺎ ﻭﻳﻦ ﺍﺗﻤﺮﻣﻄﻲ ﺍﺻﻠﻚ ﺷﺒﻪ ﺍﻟﻤﺮﻣﻄﻪ .. ﻭﺍﻧﺎ ﻭﻻﺍ ﻛﺄﻧﻮﺍ ﻳﺘﻜﻠﻤﻮﺍ ﻣﻌﺎﻱ ﺍﺩﻱ ﺩﺍﻙ ﻟﺰﻩ ﻭ ﺩﻱ ﻋﻔﺼﻪ ﻭ ﺍﻟﻮﺭﺍﻱ ﺧﺒﺘﻪ ﻭ ﺍﻟﻘﺪﺍﻣﻲ ﻗﺮﺻﻪ ﻭ ﺍﺭﻛﺐ ﺍﻟﺤﺎﻓﻠﻪ ﻣﺤﺎﻓﻈﻪ ﻋﻠﻰ ﺷﺮﻓﻲ ﻭ ﺳﻤﻌﺘﻲ ﻭ ﺳﻂ ﺍﻟﺒﺸﺮ ﻟﺤﺪﻱ ﻣﺎ ﺍﺻﻞ ﻟﻠﻤﻜﺘﺐ ﺻﺒﺎﺡ ﺍﻟﺨﻴﺮ ﻟﻠﺒﻮﺍﺏ ﻭﺻﺒﺎﺡ ﺍﻟﺨﻴﺮ ﻟﺨﺎﻟﺘﻮ ﻧﻔﻴﺴﻪ ﺳﺖ ﺍﻟﺸﺎﻱ ﻭ ﻃﻮﺍﻟﻲ ﺑﺤﻤﺎﺍﺱ ﻛﺪﻩ ﻟﻠﻤﻜﺘﺐ .. ﺑﻠﻘﻰ ﺍﻟﻘﻀﺎﻳﺎ ﻗﺎﺍﻋﺪﻩ ﻣﻨﺘﻈﺮﺍﻧﻲ ﻃﺒﻌﺎ ﺷﻐﺎﻟﻪ ﻋﻨﺪ ﻣﺤﻤﺎﻣﻲ ﺷﺎﺍﻃﺮ ﻛﺪﻩ ﻭ ﺑﺘﺪﺭﺏ ﻣﻌﺎﻫﻮ ﺷﻐﻞ ﺍﻟﻤﺤﺎﻣﺎﻩ .. ﺍﻫﺎ ﻣﻜﺘﺒﻨﺎ ﺩﻩ ﻓﻴﻬﻮ ﺗﻼﺕ ﻣﻜﺎﺗﺐ ﺻﻐﻴﺮﻩ ﻭ ﺗﻼﺗﻪ ﻣﺤﺎﻣﻴﻴﻦ ﻭ ﻧﺤﻨﺎ ﺑﺎﻟﺼﻼﻩ ﻋﻠﻰ ﺍﻟﻨﺒﻲ ﻛﺪﻩ ﻛﻠﻨﺎ ﻣﺤﺎﻣﻴﺎﺕ ﺑﺎﻳﺮﺍﺕ ﻧﻤﺎﺭﻕ ﻭ ﻫﻨﺎﺩﻱ ﻭ ﺍﻧﺎ .. ﺍﻟﻔﺮﻕ ﻫﻢ ﺑﻨﺎﺕ ﻭ ﺍﻧﺎ ﻣﺤﻤﺪ ﻭﻟﺪ .. ﺑﺪﺧﻞ ﺍﻟﻤﻜﺘﺐ ﺑﻠﻘﻰ ﺍﻱ ﻭﺣﺪﻩ ﻣﺠﻠﺒﻄﻪ ﺣﺎﺟﻪ ﻓﻲ ﻳﺪﻫﺎ ﺑﺎﻟﻠﻪ ﻟﻤﺎ ﺍﺳﻠﻢ ﻋﻠﻰ ﺍﻟﻮﺣﺪﻩ ﺑﻘﺮﺏ ﺍﺗﺰﺣﻠﻖ ﻣﻦ ﺍﻟﻨﻌﻮﻭﻣﻴﻪ ﻭ ﺍﻧﺎ ﻳﺎﻳﻤﻰ ﺍﻭﻝ ﺳﺆﺍﻝ ﻳﺴﺄﻟﻮﺍ ﺍﻫﺎ ﺍﻟﻠﻴﻠﻪ ﻓﻄﻮﺭﻧﺎ ﺷﻨﻮ ! ﻃﺒﻌﺎ ﻧﻤﺎﺭﻕ ﺩﻱ ﺣﻨﻜﻮﺷﻪ ﻛﻴﻴﻒ ﺭﺩﻫﺎ ﻋﺠﻴﺐ ﻛﺪﻫﻪ ﺑﺼﻮﺕ ﺭﻧﺎﻥ ﻛﺪﻩ ﻧﺤﻨﺎ ﻣﺎ ﺟﻌﺎﻧﻴﻦ ﻫﺴﻲ ﻭ ﺑﻌﺪﻳﻦ ﻣﻤﻜﻦ ﻧﺠﻴﺐ ﺯﺑﺎﺩﻱ ﻋﺸﺎﻥ ﺍﻧﺎ ﻋﺎﻣﻠﻪ ﺭﺟﻴﻴﻴﻢ .. ﻃﻴﺐ ﻳﺎﺧﺘﻲ ﻫﻠﻲ ﺍﻟﺮﺟﻴﻢ ﻳﻨﻔﻌﻚ ﺍﺳﺎﺳﺎ ﺍﻟﻤﻜﺴﻠﻨﻲ ﻣﻦ ﺍﻻﺟﺘﻬﺎﺩ ﺍﻧﻮ ﺍﻟﻌﺮﺳﺎﻥ ﻛﺎﻥ ﺑﺠﻮﺍ ﺑﺎﻟﺠﻴﻬﻪ ﻛﺎﻥ ﺟﻮﺍ ﻟﻠﻤﻌﻮﻟﻘﻪ ﻧﻤﺎﺭﻕ ﺩﻱ .. ﺑﻘﻌﺪ ﻟﻲ ﺯﻱ ﺳﺎﻋﺘﻴﻦ ﻛﺪﻩ ﻭ ﺑﻨﺰﻝ ﺗﺤﺖ ﺑﺎﻣﻞ ﻣﻊ ﻋﻤﻮ ﻣﻮﺳﻰ ﻭﺧﺎﻟﺘﻮ ﻧﻔﻴﺴﻪ ﺑﻮﺵ ﻛﺎﺍﺍﺭﺏ ﻛﺪﻩ ﺑﻈﺒﻄﻮﺍ ﻟﻴﻨﺎ ﺑﺘﺎﻉ ﺍﻟﺪﻛﺎﻥ ﻭ ﺑﻨﺠﻴﺐ ﺩﺍﻙ ﻳﺎ ﺍﻟﺒﻴﺒﺴﻲ ﺍﻟﻘﺰﺍﺯ ﻭ ﻧﺴﻄﻠﻬﺎ ﺍﻟﺘﻼﺗﻪ ﻛﺪﻩ ﻣﻊ ﺑﻌﺾ ﺍﻃﻠﻊ ﻟﻠﻤﻜﺘﺐ ﻣﺮﺭﺭﺧﻤﻪ ﺍﻟﻘﺘﻞ ﺍﺧﻮﻫﻮ ﺍﻗﻮﻝ ﻟﻴﻬﻢ ﻃﻠﻌﻮﺍ ﻭ ﺍﻟﺸﺮﻕ ﻗﺮﻭﺵ ﺍﻗﻮﻝ ﻟﻴﻬﻢ ﺍﺩﻭﻫﻮ .. ﻭ ﺑﻲ ﻛﺪﻫﻪ ﻳﻮﻣﻲ ﺍﻟﻌﻮﻻﻕ ﺑﺨﻠﺺ ﻭ ﺑﺘﺒﺪﺍ ﺭﺣﻠﻪ ﺍﻟﻤﻌﺎﻓﺮﻩ ﻭ ﺍﻟﻤﺪﺍﻓﺮﻩ ﻟﻠﺮﺟﻮﻉ ﻋﺎﺩ ﻟﻜﻦ ﺍﻟﻤﺮﻩ ﺩﻱ ﺩﺍﻳﺮﻩ ﺍﺟﺘﻬﺎﺩ ﻭ ﺍﻧﺎ ﺑﻜﻮﻥ ﺍﺗﺴﻄﻠﺘﺎ ﺑﺎﻟﺒﻮﺵ .. ﺑﻘﻌﺪ ﻛﺪﻩ ﻭ ﺑﻔﺮﺵ ﺟﺮﻳﺪﺗﻲ ﻓﻲ ﻧﺺ ﺍﻻﺳﺘﺎﺩ ﻭ ﻟﻤﺎ ﺍﻟﻠﻪ ﻳﺤﻦ ﻋﻠﻲ ﻭ ﻳﺮﺳﻞ ﻟﻲ ﻭﺍﺣﺪ ﻣﻦ ﺍﻭﻻﺩ ﺍﻟﺠﺎﻣﻌﺎﺕ ﻳﻜﻮﻥ ﻓﺮﻗﻲ ﻣﻨﻮ ﻳﻮﻣﻴﻦ ﺍﻭ ﺷﻬﺮﻳﻦ ﻳﻨﺎﺩﻳﻨﻲ ﺑﻜﻞ ﺍﺩﺏ ﻛﻤﺎﻥ ﻗﺎﻝ ﻳﺎ ﺧﺎﻟﻪ .. ﺧﺎﻟﻪ ﻓﻲ ﻋﻴﻨﻚ ﻳﺎ ﻛﻠﺐ ﺍﻟﻤﻬﻢ ﺍﻧﻮ ﻓﻲ ﺯﻭﻝ ﻏﺒﺮﻧﻲ ﻓﻲ ﻫﺬﺍ ﺍﻟﻌﺎﻟﻢ ﺍﻟﺒﺎﺋﺲ ﺍﻟﻔﻘﻴﺮ .. ﺑﺠﺮﻱ ﺍﺭﻛﺐ ﻗﺒﻞ ﻣﺎ ﺗﻌﺤﺒﻮﺍ ﻟﻴﻚ ﻭﺣﺪﻩ ﻣﻦ ﺍﻟﺨﺎﻻﺕ ﺍﻟﻤﺠﻴﻬﺎﺕ .. ﺑﺎﻟﻠﻪ ﺑﺘﻤﺪﺩ ﻓﻲ ﺍﻟﺤﺎﻓﻠﻪ ﻭ ﺍﻟﻜﺮﺳﻲ ﺩﻩ ﻻﺍﺍﺯﻡ ﺍﺧﻠﺺ ﺍﻟﺘﻼﺗﻪ ﺟﻨﻴﻪ ﺣﻘﺘﻲ ﻓﻴﻬﻮ ﺍﻟﺘﻘﻮﻝ ﺣﻘﺖ ﺍﺑﻮﻱ ﻭ ﻟﺤﺪﻱ ﻣﺎ ﺍﺻﻞ ﻛﺪﻩ ﺑﻜﻮﻥ ﺍﺧﺪﺗﺎ ﻟﻲ ﺷﺨﺮﻩ ﺷﺨﺮﺗﻴﻴﻦ ﺍﻛﺴﺐ ﺯﻣﻨﻲ ﻣﻦ ﻣﻌﻄﻪ ﺍﻟﻜﺒﺮﻱ ﻭ ﺷﻜﻠﻪ ﺍﻟﻜﻤﺴﺎﺭﻱ ﻣﻊ ﺍﻟﺮﺍﻛﺐ ﺍﻟﻮﺭﺍ .. ﺑﻨﻮﻡ ﻭ ﺑﺼﺤﻰ ﺑﻠﻘﻰ ﻧﻔﺴﻲ ﻭﺻﻠﺘﺎ ﺍﻟﺒﻴﺖ ﺑﻨﺰﻝ ﻣﺎﺍﺷﻪ ﺣﺘﻪ ﺣﺘﻪ ﻋﺸﺎﻥ ﺍﻟﻤﺢ ﺃﺳﻤﺮ 💔 ﺑﻠﻘﺎﻫﻮ ﻣﺎ ﺟﺎ ﻭ ﺍﻟﻌﺮﺑﻴﻪ ﻣﺎﻓﻲ ﺑﺪﺧﻞ ﺍﻟﺒﻴﺖ ﻭ ﺟﺮﺭﻱ ﻋﻠﻰ ﺍﻟﺜﻼﺟﻪ ﺍﻓﺘﺶ ﻓﻲ ﺷﻨﻮ ﺑﻴﺎﻛﻠﻮﺍ ﺑﺎﻟﻠﻪ ﺍﻟﻮﺵ ﺑﻘﻰ ﻗﺪﺭ ﻃﺒﻖ ﺍﻟﺒﻴﺾ .. 😂💔 ﺑﻜﻮﻥ ﺧﺘ
ﻴﺖ ﻟﻲ ﺻﺤﻨﻴﻦ ﻛﺪﻩ ﺿﺮﺑﺘﻬﻢ ﻟﺤﺪﻱ ﻣﺎ ﺍﺻﻠﻲ ﺍﻟﻤﻐﺮﺏ ﻭ ﺍﻗﻴﻒ ﻓﻲ ﺍﻟﺒﻠﻜﻮﻧﻪ ﺑﻠﻘﻰ ﺍﻟﺴﻤﺢ ﺳﻴﺪ ﺍﻟﻨﺎﺱ ﻭﺻﻞ

يتبع...