كتمان الشوق

الجزء 15

ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﻧﺤﻨﺎ ﻣﻔﺮﻭﺽ ﻧﻤﺸﻲ ﻟﺪﻛﺘﻮﺭ ﺍﺳﻤﻮ ﻃﺎﺭﻕ ، ﻗﺎﻝ ﻟﻲ ﻋﺸﺎﻥ ﺷﻨﻮ؟ ﻗﻠﺖ ﻟﻴﻬﻮ ﻋﺸﺎﻥ ﺍﻟﺴﻤﻮﻡ ﺗﻄﻠﻊ ﻣﻦ ﺟﺴﻤﻚ ﻻﺯﻡ ﻳﻌﻤﻠﻮﺍ ﻟﻴﻚ ﻏﺴﻴﻞ ﻟﻠﺴﻤﻮﻡ ، ﻭﻗﻒ ﻋﻠﻰ ﺣﻴﻠﻮ ﻭ ﻗﺎﻝ ﻟﻲ ﻏﺴﻴﻞ ﺷﻨﻮ ﺍﻧﺘﻲ ﺟﻨﻴﺘﻲ؟ ﻗﻠﺖ ﻟﻴﻬﻮ ﻛﺪﻱ ﺍﻗﻌﺪ ﻭﺍﻫﺪﺍ ﻗﺎﻝ ﻟﻲ ﻣﺎ ﺑﻬﺪﺍ ﻭﻻ ﺣﺎﺟﻪ ﻣﺎ ﺗﻔﺘﺤﻲ ﻣﻌﺎﻱ ﻣﻮﺿﻮﻉ ﺯﻱ ﺩﻩ ﻳﻌﻨﻲ ﺍﻧﺎ ﻣﺎ ﻋﺎﺭﻑ ﺍﻟﺤﺎﺟﻪ ﺩﻱ ، ﺣﻴﻔﺘﺤﻮﺍ ﻣﻌﺎﻱ ﻣﻠﻴﻮﻭﻥ ﺗﺤﻘﻴﻖ ﻭ ﻛﻨﺖ ﺑﺘﺸﺘﺮﻱ ﻣﻦ ﻣﻨﻮ ﻭ ﻭﻳﻦ ﻭ ﺍﻟﺸﺮﻃﻪ ﺗﺪﺧﻞ ﻓﻲ ﺍﻟﻤﻮﺿﻮﻉ ، ﻗﻠﺖ ﻟﻴﻬﻮ ﻻ ﻳﺎﻋﺒﺪ ﺍﻟﻠﻪ ﺩﻛﺘﻮﺭ ﻃﺎﺭﻕ ﺩﻩ ﺍﻧﺎ ﺑﻌﺮﻓﻮﺍ ﻣﻦ ﺩﻛﺘﻮﺭ ﺍﺳﺎﻣﻪ ﻭﻣﺎ ﺣﻨﺪﺧﻞ ﻓﻲ ﺣﺘﺎﺕ ﺯﻱ ﺩﻱ ﻭﺍﻟﻠﻪ ﺍﻟﻌﻈﻴﻢ ﺑﺲ ﺡ ﺗﻌﻤﻞ ﻏﺴﻴﻞ ﻭﺗﺮﺟﻊ ﻣﺮﺗﻴﻦ ﻭﺧﻼﺹ ، ﻗﺎﻝ ﻟﻲ ﺍﻧﺘﻲ ﻋﺎﻳﺰﺓ ﺗﻮﻗﻌﻴﻨﻲ؟ ﻗﻠﺘﺎ ﻟﻴﻬﻮ ﻗﻠﺘﺎ ﺷﻨﻮ ؟ ﻗﺎﻝ ﻟﻲ ﻋﺎﻳﺰﺓ ﺗﺒﻠﻐﻲ ﻋﻨﻲ ﺻﺢ ﺩﻱ ﻛﻠﻬﺎ ﺧﻄﻪ ﻣﻨﻚ ﺑﺲ ﻭﺗﻘﻌﺪﻱ ﺗﺸﺒﻜﻴﻨﻲ ﺑﻌﺪﻳﻦ ﺍﻧﺎ ﺩﺍﻳﺮﻩ ﻣﺼﻠﺤﺘﻚ ﻭﺩﺍﻳﺮﺍﻙ ﺗﺘﻌﺎﻗﺐ ﻋﻠﻰ ﺫﻧﻮﺑﻚ ﻣﻦ ﻫﺴﻲ ﻭﻛﻼﻣﻚ ﺍﻟﻔﺎﺭﻍ ﺩﻩ .. ﻗﻠﺖ ﻟﻴﻬﻮ ﺍﻧﺖ ﺑﺘﺸﻚ ﻓﻴﻨﻲ ؟ ﻗﺎﻝ ﻟﻲ ﻭﻟﻴﻪ ﻣﺎ ﺍﺷﻚ ﻓﻴﻚ ﻋﺎﺩﻱ ﻣﻤﻜﻦ ﺗﻜﻮﻧﻲ ﻭﺣﺪﻩ ﻣﺮﺳﻠﻪ ﻟﻲ ﻗﺼﺔ ﺍﻟﻐﺴﻴﻞ ﺩﻱ ﻭﺭﺗﻨﻲ ﺍﻧﺘﻲ ﻣﻨﻮ ﺍﻃﻠﻌﻲ ﺑﺮﺍ ﺍﻟﺒﻴﺖ ﺩﻩ ﻭﺗﺎﻧﻲ ﻣﺎﺗﺪﺧﻠﻴﻬﻮ ، ﺩﻣﻮﻋﻲ ﻣﺴﻜﺘﻬﺎ ﺑﺎﻟﻌﺎﻓﻴﻪ ﻗﻠﺖ ﻟﻴﻬﻮ ﺡ ﺍﻃﻠﻊ ﺑﺲ ﺗﺎﻧﻲ ﻻ ﺇﻧﺖ ﺑﺘﻌﺮﻓﻨﻲ ﻭﻻ ﺍﻧﺎ ﺑﻌﺮﻓﻚ ، ﻭﻟﻤﻴﺖ ﺷﻨﻄﺘﻲ ﻭﺟﻴﺖ ﻣﺎﺭﻗﻪ ﻻﻗﻴﺖ ﻫﺎﺟﺮ ﻛﺎﻧﺖ ﻭﺍﻗﻔﻪ ﺑﺘﺒﻜﻲ ﻋﺎﻳﻨﺘﺎ ﻟﻴﻬﺎ ﻭﻣﺮﻗﺘﺎ ﺭﻛﺒﺘﺎ ﺍﻟﺴﻠﻢ ﻭﻧﺰﻟﺘﺎ ﺟﺎﺕ ﺟﺎﺭﻳﻪ ﻭﺭﺍﻱ ﻻﺣﻘﺎﻧﻲ ﺑﻘﺖ ﺑﺘﻌﺘﺬﺭ ﻭﺗﻘﻮﻝ ﻟﻲ ﺍﻣﺴﺤﻴﻬﺎ ﻟﻲ ﻓﻲ ﻭﺷﻲ ﻗﻠﺖ ﻟﻴﻬﺎ ﻣﺎ ﻟﻴﻜﻢ ﺩﺧﻞ ﺍﻧﺘﻮ ، ﻗﺎﻟﺖ ﻟﻲ ﻋﻠﻴﻚ ﺍﻟﻠﻪ ﻣﺎﺗﺰﻋﻠﻲ ﻣﻨﻮ ﻗﻠﺘﺎ ﻟﻴﻬﻮ ﺑﺲ ﺟﻴﺖ ﺍﺗﻜﻠﻢ ﻟﻘﻴﺘﻮ ﻭﺍﻗﻒ ﻓﻮﻕ ﻓﻲ ﺍﻟﺴﻠﻢ ﺑﻌﺎﻳﻦ ﻟﻴﻨﺎ ﻓﻲ ﺑﺎﺏ ﺍﻟﺸﺎﺭﻉ ﺍﻧﺎ ﺍﻟﻠﺤﻈﻪ ﺩﻳﻚ ﻋﻴﻮﻧﻲ ﻣﻠﻴﺎﺍﺍﺍﻧﻪ ﺩﻣﻮﻉ ﻭﻇﺎﺍﻫﺮﻩ ﻭﺍﻟﻌﺒﺮﻩ ﻭﺍﻗﻔﻪ ﻓﻲ ﺣﻠﻘﻲ ﻟﻜﻦ ﺣﻠﻘﺘﺎ ﻣﺎ ﺍﺑﻜﻲ ، ﻗﻠﺘﺎ ﻟﻴﻬﺎ ﺑﺼﻮﺕ ﻋﺎﻟﻲ ﻋﺸﺎﻥ ﺍﺳﻤﻌﻮﺍ ﺍﻧﺎ ﻋﺮﻓﺘﺎ ﻫﺴﻲ ﺍﻣﻮ ﻣﺎﺗﺖ ﻟﻴﻪ ﻭﻗﺒﻠﺖ ﻋﻠﻴﻬﻮ ﻛﻮﺭﻛﺘﺎ ﻓﻴﻬﻮ ﺍﻣﻚ ﻣﺎﺗﺖ ﻷﻧﻮ ﺍﻟﻤﻮﺕ ﺍﺭﺣﻢ ﻟﻴﻬﺎ ﻣﻦ ﻭﻟﺪ ﺯﻳﻚ ﻭﻟﻮ ﻛﺎﻧﺖ ﻋﺎﻳﺸﻪ ﻛﺎﻧﺖ ﺡ ﺗﻤﻮﺕ ﻛﻞ ﻳﻮﻡ ﺑﺴﺒﺒﻮ ﺍﻟﺤﻤﺪ ﻟﻠﻪ ﺍﻧﻬﺎ ﻣﺎﺗﺖ ﻭﺍﺭﺗﺎﺣﺖ ﻣﻨﻮ ﻭ ﻃﻠﻌﺘﺎ ﻃﻮﺍﻟﻲ ﻗﻔﻠﺘﺎ ﺑﺎﺏ ﺍﻟﺸﺎﺭﻉ ﻭﺭﺟﻌﺘﺎ ﺑﻴﺘﻨﺎ ﻏﻀﺒﺎﺍﺍﻧﻪ ، ﻋﺒﺪ ﺍﻟﻠﻪ ﺯﺍﺍﺩ ﺯﻳﺎﺍﺍﺩﻩ ﻓﻲ ﺍﻟﺤﺒﻮﺏ ﺍﻟﻴﻮﻣﻴﻦ ﺍﻟﺨﻠﻴﺘﻮ ﻓﻴﻬﻢ ﻭﺭﺟﻊ ﺗﺎﻧﻲ ﻳﺨﻠﻲ ﺍﻟﺼﻼﻩ ﻭﺍﻟﻘﺮﺍﻳﻪ ﻛﺎﻥ ﻣﻌﻈﻢ ﺍﻟﻮﻗﺖ ﺑﺮﻩ ﺍﻟﺒﻴﺖ ﺑﺸﺮﺏ ﻛﻼﻣﻲ ﺯﻋﻠﻮﺍ ﺷﺪﻳﻴﺪ ﻭ ﺑﻘﻰ ﺧﺎﺗﻲ ﺑﻔﻜﺮ ﺍﻧﻮ ﺍﻣﻮ ﻟﻮ ﻛﺎﻧﺖ ﻓﻲ ﺷﺎﻳﻔﺎﻫﻮ ﺑﺎﻟﺤﺎﻟﻪ ﺩﻱ ﻓﻌﻼ ﻛﺎﻧﺖ ﺡ ﺗﻤﻮﺕ ﻛﻞ ﻳﻮﻡ ﺑﺴﺒﺒﻮ ﻭﻫﻮ ﻋﺎﺭﻑ ﺍﻧﻮ ﻛﻼﻣﻲ ﺻﺎﺡ ، ﻛﺎﻥ ﺑﺸﺮﺏ ﺯﻳﺎﺍﺩﻩ ﻋﻨﺎﺍﺩ ﻟﻲ ﻭ ﻟﻨﻔﺴﻮ ﺗﻘﺮﻳﺒﺎ ﻋﺒﺪ ﺍﻟﻠﻪ ﺍﻟﻨﻮﻉ ﺍﻟﻤﺎ ﺑﻌﺘﺮﻑ ﺑﻐﻠﻄﻮﺍ ﺑﺎﻟﺴﺎﻫﻞ ﻗﺪﺍﻡ ﺯﻭﻝ ﻣﻤﻜﻦ ﻳﻜﻮﻥ ﻋﺎﺭﻑ ﻧﻔﺴﻮ ﻏﻠﻄﺎﻥ ﻟﻜﻦ ﻣﺎ ﻳﻮﺭﻳﻚ ﺍﻧﻮ ﻫﻮ ﻏﻠﻄﺎﻥ ﻭ ﺍﻟﺒﺮﻣﻲ ﻟﻮﻣﻮ ﻋﻠﻰ ﺍﻟﻨﺎﺱ ، ﺯﻋﻠﺘﺎ ﻣﻨﻮ ﺷﺪﻳﻴﻴﺪ ﺍﻟﻔﺘﺮﻩ ﺩﻳﻚ ﻭ ﺧﻠﻴﺘﻮ ﺍﺳﺒﻮﻋﻴﻦ ﻭﺗﻼﺗﻪ ﻣﺎ ﺑﺴﺄﻝ ﻋﻨﻮ ﻭﻻ ﻫﻮ ﻭ ﺍﻣﻲ ﻋﺸﺎﻥ ﺧﺎﺗﻪ ﻓﻲ ﺭﺍﺳﻬﺎ ﺍﻧﻮ ﻋﻨﺪﻱ ﻣﻌﻬﺪ ﺑﻀﻄﺮ ﻛﻞ ﻳﻮﻡ ﺍﻃﻠﻊ ﻣﻮﺍﻋﻴﺪ ﺍﻟﻤﻌﻬﺪ ﺑﻤﺸﻲ ﻛﺎﻓﻲ ﺟﻨﺒﻨﺎ ﺑﺸﺮﺏ ﻗﻬﻮﻩ ﻭﺑﻘﻌﺪ ﺳﺎﻋﺘﻴﻦ ﻭﺑﺮﺟﻊ ، ﻳﻮﻡ ﻭﺍﻧﺎ ﻗﺎﻋﺪﻩ ﺩﺧﻞ ﺍﺳﻤﺮ ﻣﻊ ﺍﺻﺤﺎﺑﻮ ﻣﺎ ﺷﻔﺘﻮ ﺣﺘﻰ ﻻﻧﻲ ﻛﻨﺖ ﻣﻬﻤﻮﻭﻣﻪ ﻭﺑﻔﻜﺮ ﻭﺳﺮﺣﺎﻧﻪ ﻫﻮ ﻛﺎﻥ ﺑﻌﺎﻳﻦ ﻟﻲ ﻣﻦ ﺑﻌﻴﻴﺪ ﻭ ﺍﻧﺎ ﻗﺎﻋﺪﻩ ﺑﺮﺍﻱ ﻟﻤﺎ ﺍﻟﻘﻬﻮﻩ ﺗﺒﺮﺩ ﻭﺑﻜﺐ ﻓﻴﻬﺎ ﻣﻴﺔ ﻣﻠﻌﻘﻪ ﺳﻜﺮ ﻟﻤﻦ ﺗﺒﻘﻰ ﻋﺼﻴﺮ ﺣﺘﻰ ﺍﺷﺮﺑﻬﺎ ، ﻫﻮ ﺑﻌﺪ ﺍﺧﺪﻭﺍ ﻗﻌﺪﺗﻬﻢ ﻗﺎﻝ ﻟﻲ ﺍﺻﺤﺎﺑﻮ ﺍﻧﺎ ﻣﺎﺷﻲ ﻟﻠﺒﻨﺖ ﺩﻳﻚ ﻭﺧﻼﻫﻢ ﻳﻄﻠﻌﻮﺍ ﻭﺟﺎ ﻗﻌﺪ ﻗﺪﺍﻣﻲ ﻗﺎﻝ ﻟﻲ ﻣﺴﺎﺀ ﺍﻟﺨﻴﺮ ﻳﺎﺩﻭﺏ ﺣﺘﻰ ﺷﻔﺘﻮ ﺍﻣﻦ ﺍﺗﺨﻠﻌﺘﺎ ﻗﻠﺘﺎ ﻟﻴﻬﻮ ﻣﺴﺎﺀ ﺍﻟﻨﻮﺭ ﺍﺳﻤﺮ ﻛﻴﻔﻚ ! ﻗﺎﻝ ﻟﻲ ﻛﻮﻳﺲ ﻭﺍﻧﺘﻲ ﻗﻠﺘﺎ ﻟﻴﻬﻮ ﺍﻟﺤﻤﺪ ﻟﻠﻪ ﻗﺎﻝ ﻟﻲ ﻭﻫﻮ ﺑﻀﺤﻚ ﺍﻟﻘﻬﻮﻩ ﺑﺸﺮﺑﻮﻫﺎ ﺳﺎﺍﺧﻨﻪ ﻭ ﺗﻘﻴﻠﻪ ﻭﺑﺪﻭﻥ ﺳﻜﺮ ﻗﻠﺘﺎ ﻟﻴﻬﻮ ﺍﻧﺎ ﺑﺤﺒﻬﺎ ﻛﺪﻩ ﻋﺎﻳﺰ ﺗﺠﺮﺑﻬﺎ ﺣﻠﻮﺓ ﻛﻴﻒ ! ﺷﺎﻝ ﻓﻨﺠﺎﻧﻲ ﻭ ﺷﺮﺏ ﻣﻨﻬﺎ ﻭ ﺧﺘﺎﻫﺎ ﺻﺮ ﻟﻲ ﻭﺷﻮ ﻗﻌﺪﺕ ﺍﺿﺤﻚ ﻓﻴﻬﻮ 😂😂 ﻗﻠﺘﺎ ﻟﻴﻬﻮ ﺻﺮﺗﻚ ﺑﺘﻀﺤﻚ ﻫﻮ ﺯﺍﺗﻮ ﺿﺤﻚ ، ﻗﺎﻝ ﻟﻲ ﺻﺤﺒﻚ ﻛﻴﻒ ! ﻗﻠﺖ ﻟﻴﻬﻮ ﻛﻮﻳﺲ ﻗﺎﻝ ﻟﻲ ﻗﻠﺘﻴﻬﺎ ﻛﺪﻩ ﻣﺎﻟﻚ ؟ ﻗﻠﺖ ﻟﻴﻬﻮ ﺯﻋﻼﻧﻪ ﻣﻨﻮ ﻟﻲ ﻛﻢ ﺍﺳﺒﻮﻉ ﻗﺎﻝ ﻟﻲ ﻣﺎ ﺍﺗﺼﻞ ﺭﺍﺿﺎﻙ ﻗﻠﺖ ﻟﻴﻬﻮ ﺑﻀﺤﻚ ﻣﻨﻮ ﺩﻩ ﻋﺒﺪ ﺍﻟﻠﻪ 😂😂 ﻋﺒﺪ ﺍﻟﻠﻪ ﻳﺮﺍﺿﻴﻨﻲ ﻫﻮ ﻋﺒﺪ ﺍﻟﻠﻪ ﺑﺘﻄﺮﺩ ﻓﻴﻨﻲ ﻛﻞ ﻳﻮﻡ ﻭﺍﻟﺘﺎﻧﻲ ﺍﻟﻐﻠﻂ ﻣﻨﻲ ﺍﻧﺎ ﺑﺪﻱ ﺍﻟﻨﺎﺱ ﺍﻛﺒﺮ ﻣﻦ ﺣﺠﻤﻬﺎ ﻋﺸﺎﻥ ﻛﺪﻩ ﺑﺘﻔﺮﻋﻨﻮ ﻓﻴﻨﻲ ، ﻃﺒﻌﺎ ﻗﺎﺻﺪﺍﻫﻮ ﺑﺎﻟﻜﻼﻡ ﻫﻮ ﺯﺍﺗﻮ ﻗﺎﻝ ﻟﻲ ﻳﻤﻜﻦ ﺍﻧﺘﻲ ﻣﺎ ﻣﻼﺣﻈﻪ ﺍﻧﻮ ﺍﻟﻨﺎﺱ ﺧﺎﺗﻴﻦ ﻟﻴﻚ ﻣﻜﺎﻧﻪ ﺑﺲ ﺍﻟﺘﻌﺒﻴﺮ ﺑﻔﺮﻕ ﻣﻦ ﺯﻭﻝ ﻟﻠﺘﺎﻧﻲ ﻗﻠﺘﺎ ﻟﻴﻬﻮ ﺍﻧﺖ ﻛﺎﺗﺐ ﻭ ﺍﻛﻴﺪ ﺍﻟﻜﻼﻡ ﺍﻟﺒﺘﻜﺘﺒﻮ ﺑﺘﻤﺸﻲ ﺑﻴﻬﻮ ﺻﺢ ﻭﺑﻌﺒﺮ ﻋﻨﻚ ﻣﺮﺍﺕ ﺍﻧﺖ ﺯﺍﺗﻚ ﺧﻠﻴﻬﻢ ﺍﻟﻤﺘﺎﺑﻌﻴﻦ ﻟﻴﻚ ﻗﺎﻝ ﻟﻲ ﺍﻳﻮﻩ ﺻﺢ ﺑﺪﻟﻴﻞ ﺍﻧﻲ ﻗﺒﻞ ﺍﺳﺒﻮﻉ ﻛﺘﺒﺖ " ﻣﺸﺘﺎﻕ ﻟﻲ ﻃﻠﺘﻬﺎ ﻭﻳﺎﺭﺏ ﺗﻌﻮﺩ ، ﻭ ﺍﻟﻠﻘﻴﺎ ﺗﺼﺒﺢ ﻗﺮﻳﺒﻪ " ﺳﺒﺤﺎﻥ ﺍﻟﻠﻪ ﺭﺑﻨﺎ ﺍﺳﺘﺠﺎﺏ ﻟﻲ ، ﻗﻠﺘﺎ ﻟﻴﻬﻮ ﻛﻤﺎﻥ ﺩﻋﺎﺋﻚ ﻣﺴﺘﺠﺎﺏ ﻳﺎﺯﻭﻝ 😂😂 ﻃﺒﻌﺎ ﻫﻮ ﻋﺎﻳﻦ ﻟﻲ ﻭﺳﻜﺖ ، ﺍﻧﺎ ﺑﻐﺒﺎﺋﻲ ﺍﻟﻜﺘﻴﺮ ﺩﻩ ﻣﺎ ﺭﻛﺰﺗﺎ ﺍﻧﻮ ﻗﺼﺪﻭﺍ ﺍﻧﺎ ﻭ ﺍﻧﻮ ﺷﺎﻓﻨﻲ ﻭﻣﺸﺘﺎﻕ ﻟﻲ ﻛﺎﻥ ، 😂😂 ﺍﻟﻤﻬﻢ ﻟﻤﻦ ﺍﺳﺘﻮﻋﺒﺖ ﺍﻟﺤﺎﺻﻞ ﻓﺠﺄﺓ ﻧﻄﻄﺘﺎ ﻋﻴﻮﻧﻲ ﻗﻠﺖ ﻟﻴﻬﻮ ﺃﺳﻤﺮ 😳 ﻗﺎﻝ ﻟﻲ ﻣﺎﻟﻚ ؟ ﻗﻠﺖ ﻟﻴﻬﻮ ﻗﺼﺪﻙ ﻣﻨﻮ ﺍﻧﺖ ! ﻗﺎﻝ ﻟﻲ ﻗﺼﺪﻱ ﺑﺖ ﺟﻴﺮﺍﻧﺎ ﺍﻟﻜﺎﻧﺖ ﺑﺘﻘﻴﻒ ﻓﻲ ﺑﻠﻜﻮﻧﺘﻬﺎ ﻭ ﺑﻘﺖ ﻣﺎ ﺑﺘﻘﻴﻒ ﻧﻬﺎﺋﻲ ، ﻗﺼﺪﻱ ﺍﻟﺒﺖ ﺍﻟﺴﻤﺮﺍﺀ ﺍﻟﺒﺘﺤﺐ ﺍﻟﻠﻮﻥ ﺍﻷﺑﻴﺾ ﻭﻋﻨﺪﻫﺎ ﻓﺴﺘﺎﻥ ﺍﺑﻴﺾ ﻛﺪﻩ ﻟﻤﺎ ﺗﻠﺒﺴﻮ ﺑﻠﻮﻥ ﺯﻫﺮﻱ ﺗﻘﺮﻳﺒﺎً ﺿﺤﻜﺘﺎ ﻭﻗﻠﺖ ﻟﻴﻬﻮ ﻟﺤﻤﻲ 😂😂 ﻗﺎﻝ ﻟﻲ ﺑﺲ ﻳﺎﻫﻮ ﻟﺤﻤﻲ ﺩﻩ ، ﺑﺘﻜﻮﻥ ﻗﻤﺮ ﻧﺎﺯﻝ ﻣﻦ ﺍﻟﺴﻤﺎﺀ ﺍﻟﺴﺎﻋﻪ ﺩﻳﻴﻚ ️❤ ﺍﻟﺰﻭﻟﻪ ﺩﻱ ﺍﻧﺎ ﻓﺎﻗﺪﻫﺎ ﺷﺪﻳﻴﻴﺪ ﻭ ﻣﺸﺘﺎﻕ ﻟﻴﻬﺎ ﻭ ﻫﻲ ﻣﺎ ﺷﺎﻳﻔﻪ ﺍﻟﻤﺸﺎﻋﺮ ﺩﻱ ﻛﻠﻬﺎ ، ﺍﻧﺎ ﺍﻟﺴﺎﻋﻪ ﺩﻳﻚ ﺍﺣﺴﺎﺳﻲ ﺟﻮﻩ ﻣﻠﺨﺒﻂ ﻓﺮﺣﺎﻧﻪ ﻋﺎﻳﺰﺓ ﺍﺭﻗﺺ ﻭ ﻣﺨﻠﻮﻋﻪ ﻭ ﻣﺼﺪﻭﻣﻪ ﻭﻣﺎﻗﺎﺩﺭﻩ ﺍﺻﺪﻕ ﺍﻧﻮ ﺍﺳﻤﺮ ﺑﺘﻜﻠﻢ ﻋﻨﻲ ﻗﻠﺘﺎ ﻟﻴﻬﻮ ﺍﺳﻤﺮ ! ﻗﺎﻝ ﻟﻲ ﺳﻨﺪﺱ ﻣﺎ ﺗﺴﺄﻟﻴﻨﻲ ﻛﻴﻒ ﻭ ﻭﻳﻦ ﻭﺑﺘﻴﻦ ﺣﺼﻞ ﺍﻟﻜﻼﻡ ﺩﻩ ﺑﺲ ﺍﻧﺎ ﻟﻲ ﻣﺪﻩ ﻣﺸﺘﺎﻕ ﻟﻴﻚ ﻭﻓﺎﻗﺪﻙ ﻭ ﻣﺎ ﺷﻮﻕ ﻝ ﺑﺖ ﺟﻴﺮﺍﻧﺎ ﻭﻻ ﻟﺼﺤﺒﺔ ﻋﺒﺪ ﺍﻟﻠﻪ ، ﺷﻮﻕ ﻟﺴﻨﺪﺱ ﺍﻟﺨﻠﺘﻨﻲ ﺍﺣﺒﻬﺎ ﺑﻄﺮﻳﻘﻪ ﺭﻳﺪﺓ ﻛﺪﻩ ﻏﺮﻳﺒﻪ ﻭﺣﻠﻮﻩ ﻓﻲ ﻧﻔﺲ ﺍﻟﻮﻗﺖ ﺍﺷﺘﻘﺖ ﻟﺴﻨﺪﺱ ﺣﺒﻴﺒﺘﻲ ﺍﻧﺎ ﺍﻟﻤﺤﺘﻔﻆ ﺑﻴﻬﺎ ﻟﻨﻔﺴﻲ .. ﻟﻤﻦ ﻗﺎﻝ ﻟﻲ ﺣﺒﻴﺒﺘﻲ ﻛﺪﻩ ﻭﻫﺠﻤﻨﻲ ﺑﺪﻭﻥ ﻣﻘﺪﻣﺎﺕ ﺷﻠﺖ ﻓﻨﺠﺎﻥ ﺍﻟﻘﻬﻮﻩ ﺷﺮﺑﺘﻮ ﻛﻠﻮ ﺟﻐﻤﻪ ﻭﺍﺍﺣﺪﻩ 😂😂 ﺍﻟﻜﺘﺎﺏ ﺩﻳﻞ ﻛﻼﻣﻬﻢ ﻛﺪﻩ 😳 ﻣﺎﻗﺪﺭﺗﺎ ﺍﻭﺻﻒ ﻭﻻ ﺍﻋﺒﺮ ﺍﺳﺎﺳﺎ ﺍﻟﻠﺤﻈﻪ ﺩﻳﻚ ﺗﻌﺎﺑﻴﺮ ﻭﺷﻲ ﻛﺎﻧﺖ ﻣﻀﺤﻜﻪ ﺷﺪﻳﻴﺪ ﻫﻮ ﻣﺎﻗﺪﺭ ﻳﺘﻢ ﻛﻼﻣﻮ ﺍﻟﺮﻭﻣﺎﻧﺴﻲ ﺩﺍﻙ ﻭﺿﺤﻚ ﻓﻲ ﻭﺷﻲ 😂😂 ﻗﺎﻝ ﻟﻲ ﺳﻨﺪﺱ ﺍﻧﺘﻲ ﻋﺎﻣﻠﻪ ﻛﺪﻩ ﻟﻴﻪ ! ﻗﻠﺘﺎ ﻟﻴﻬﻮ ﺑﺼﺮﺍﺣﻪ ﻳﻌﻨﻲ ﺧﻠﻌﺘﻨﻲ ﺑﻜﻼﻣﻚ ﺩﻩ ، ﺳﻜﺎﻧﺎ ﺍﻻﺗﻨﻴﻦ ﻭﺍﻱ ﻭﺍﺣﺪ ﺧﺠﻼﻥ ﻣﻦ ﺍﻟﺘﺎﻧﻲ ﻗﺎﻝ ﻟﻲ ﻧﻘﻮﻡ ! ﻳﺎﺳﻼﺍﺍﻡ ﻋﻠﻰ ﺍﻟﺠﻤﻊ ﻳﺎﺥ ️❤ ﻧﻘﻮﻡ ﻭﻧﻘﻌﺪ ﻳﺎﺳﻼﺍﻡ ️❤ ﻃﻮﺍﻟﻲ ﺑﺪﻳﺖ ﺍﺳﺮﺡ ﺑﺨﻴﺎﻟﻲ ﺡ ﻧﻌﺮﺱ ﻭﻧﺴﻜﻦ ﻭﻳﻦ ﻭﻛﺪﻫﻪ ﻭﻳﻌﻨﻲ ﺍﻧﺎ ﺍﺑﻘﻰ ﻣﺮﺕ ﺍﺳﻤﺮ ﺍﻟﻜﺎﺗﺐ ️❤😍 ﺍﺣﺢ ﻳﺎﻗﻠﺒﻲ ، ﻏﺎﻳﺘﻮ ﺑﻌﺪ ﻧﻘﻮﻡ ﺩﻱ ﻗﻤﺘﺎ ﺯﻱ ﺍﻟﺘﺮﺗﻴﺐ ﺍﻭﻝ ﻣﺮﻩ ﺯﻭﻝ ﻳﺄﻣﺮﻧﻲ ﻳﺎﺥ 😂😂 ﺭﻛﺒﻨﺎ ﻭﻭﺻﻠﻨﻲ ﺍﻟﺒﻴﺖ ﻧﺰﻟﻨﺎ ﺳﻮﺍ ﻗﺒﻞ ﻣﺎ ﺍﺩﺧﻞ ﻟﺒﻴﺘﻨﺎ ﺭﻥ ﻟﻲ ﻣﻦ ﺗﻠﻔﻮﻥ ﻗﻠﺘﺎ ﻟﻴﻬﻮ ﺍﻫﺎ ﺍﺧﻠﻌﻨﻲ ﺗﺎﻧﻲ 😂😂 ﺿﺤﻚ ﻗﺎﻝ ﻟﻲ ﻓﻜﻲ ﺣﻈﺮ ﺍﻟﻮﺍﺗﺴﺎﺏ ﻋﻨﺪﻱ ﻛﻼﻡ ﻛﺘﻴﻴﺮ ﻋﺎﻳﺰ ﺍﻗﻮﻟﻮ ﻟﻴﻚ ️❤ ﻗﻠﺘﺎ ﻟﻴﻬﻮ ﻃﻴﺐ ،، ﺩﺧﻠﺘﺎ ﺍﻟﻐﺮﻓﻪ ﻣﺒﺴﻮﻭﻃﻪ ﺳﺎﻋﻪ ﺍﻧﺎ ﺑﻨﻄﻂ ﻭﺑﺮﻗﺺ ﺟﻮﻩ ﺑﺮﺍﺍﻱ ﺑﻌﺪ ﻫﺪﻳﺖ 😂😂 ﺣﺘﻰ ﻓﺘﺤﺘﺎ ﻭﻓﻜﻴﺖ ﺍﻟﺤﻈﺮ ﻭ ﺍﺗﻜﻠﻤﺘﺎ ﻣﻌﺎﻫﻮ ️❤ ،، ﻭ ﻫﻮ ﺑﻘﻮﻝ ﻓﻲ ﻛﻼﻡ ﺣﻠﻮﻭ ﺷﺪﻳﻴﺪ ﻭ ﺑﻮﺻﻒ ﻓﻲ ﺷﻮﻗﻲ ﺣﺴﻴﺖ ﺍﻧﻲ ﺃﻣﻴﺮﻩ ﻛﺪﻩ ﻭﺑﻘﻴﺖ ﺍﻟﺒﻨﺎﺕ ﺟﺎﺭﻳﺎﺕ ،، ﻛﻼﻣﻮ ﻛﺎﻥ ﺑﺤﺴﺲ ﺍﻟﻮﺣﺪﻩ ﺑﺎﻟﻌﻈﻤﻪ ﻭﺍﻧﻬﺎ ﻣﺎ ﻋﻨﺪﻫﺎ ﺷﺒﻴﻪ ،، ﻳﺎﺥ ﺍﻟﻜﺘﺎﺏ ﺩﻳﻞ ️❤😍 ﻟﻤﻦ ﻳﺤﺒﻮﺍ ﺑﻨﺖ ﺑﺘﻜﻮﻥ ﻣﺤﻈﻮﻭﻭﻇﻪ ﻛﻔﺎﻳﻪ ﺍﻧﻬﺎ ﺑﺘﻜﻮﻥ ﺳﺖ ﺍﻟﻜﺘﺎﺑﻪ ﻭﻛﻞ ﺍﻟﻜﻼﻡ ﻣﻜﺘﻮﺏ ﻟﻴﻬﺎ ﻭﻋﻨﻬﺎ ،، ﻃﺒﻌﺎ ﻋﺒﺪ ﺍﻟﻠﻪ 😒👋 ﻗﻄﻊ ﻟﻲ ﻋﻈﻤﺘﻲ ﺍﻟﻜﻨﺖ ﺣﺎﺳﻪ ﺑﻴﻬﺎ ﺍﻟﻮﻗﺖ ﺩﺍﻙ ﻭ ﺭﺳﻞ ﻟﻲ ﻋﺎﻳﺰ ﺍﺗﻜﻠﻢ ﻣﻌﺎﻙ ، ﺭﺩﻳﺖ ﻟﻴﻬﻮ ﻣﺎﻓﺎﺿﻴﻪ ﻟﻴﻚ ﻗﺎﻝ ﻟﻲ ﻣﻮﺍﻓﻖ ﻗﻠﺘﺎ ﻟﻴﻬﻮ ﻋﻠﻰ ﺷﻨﻮ ﺍﻥ ﺷﺎﺀ ﺍﻟﻠﻪ ! ﺑﺲ ﻣﺎ ﺍﻛﻮﻥ ﺍﺗﻘﺪﻣﺘﺎ ﻟﻴﻚ ﻭﺭﻓﻀﺘﻨﻲ 😒😒 ﻗﺎﻝ ﻟﻲ ﻟﺌﻴﻤﻪ ﺧﻼﺹ 👋😒 ﻗﻠﺘﺎ ﻟﻴﻚ ﻣﻮﺍﻓﻖ ﺍﻣﺸﻲ ﺍﻟﺪﻛﺘﻮﺭ ﺑﺲ ﺑﺸﺮﻁ ﺗﻜﻮﻧﻲ ﻣﻌﺎﻱ ﻗﺒﻞ ﻭﺑﻌﺪ ﺍﻟﻐﺴﻴﻞ ﻗﻠﺖ ﻟﻴﻬﻮ ﻋﺸﺎﻥ ﺗﺘﺄﻛﺪ ﺍﻧﻲ ﻣﺎ ﺑﻠﻐﺖ ﻋﻨﻚ ﻭﻻ ﻛﻴﻒ؟ ﻗﺎﻝ ﻟﻲ ﻻ ﺑﺲ ﺩﻱ ﺣﺎﺟﻪ ﺑﺘﺮﺟﻊ ﻟﻲ ﻣﺎ ﻟﻴﻚ ﺩﺧﻞ ﺑﻴﻬﺎ ﺍﻟﻤﻬﻢ ﻣﻮﺍﻓﻘﻪ ! ﻗﻠﺖ ﻟﻴﻬﻮ ﺗﻤﺎﻡ ﺧﻠﻴﻨﻲ ﺍﺣﺠﺰ ﻋﻨﺪﻭ ﻭﺍﻭﺭﻳﻚ 

يتبع......