كتمان الشوق

الجزء 12

ﻏﺎﻳﺘﻮ ﺍﻟﻮﻟﺪ ﺩﻩ ﻋﻮﻳﺮ ﺧﻼﺹ 😂😂 ﺳﺎﻋﻪ ﺑﺴﺘﻮﻋﺐ ﻓﻲ ﺍﻟﺒﺎﺏ ﺍﻧﺎ ﻣﻨﻮ ، ﻗﺎﻝ ﻟﻲ ﺍﻟﺠﺎﻳﺒﻚ ﺷﻨﻮ ﻣﻦ ﺍﻟﺼﺒﺎﺡ ! ﺍﺻﺒﺤﻨﺎ ﻭﺍﺻﺒﺢ ﺍﻟﻤﻠﻚ ﻟﻠﻪ ﻗﻠﺘﺎ ﻟﻴﻬﻮ ﻛﻮﻳﺲ ﺍﻧﻚ ﺑﺘﻌﺮﻓﻬﺎ ﻗﺎﻝ ﻟﻲ ﻳﺎﺑﺖ ﺍﻧﺘﻲ ﻗﺎﻳﻼﻧﻲ ﻣﻦ ﺁﻝ ﺍﺑﻮ ﻟﻬﺐ 😒👋 ﺍﻧﺎ ﻣﺎ ﻛﺎﻓﺮ ﻭﺍﻟﻠﻪ ﻗﻠﺘﺎ ﻟﻴﻬﻮ ﻣﺎ ﺣﻨﻚ ﻛﺪﻱ ﺍﺳﻤﻌﻨﻲ ﺍﻧﺎ ﺡ ﺍﻣﺸﻲ ﺍﻟﺸﻐﻞ ﻭﺍﺟﻲ ﺑﻌﺪﻳﻦ ﻏﺎﺷﻴﺎﻙ ﺗﺎﻧﻲ ﺳﻤﻌﺘﺎ، ﻟﺤﺪﻱ ﻣﺎ ﺍﺟﻴﻚ ﻋﺎﻳﺰﺍﻙ ﺗﻜﻮﻥ ﺟﻬﺰﺗﺎ ﻟﻲ ﺳﻴﺮﻩ ﺫﺍﺗﻴﻪ ﻋﻨﻚ ؟ ﻗﺎﻝ ﻟﻲ ﻋﺸﺎﻥ ﺷﻨﻮ ﺑﺴﻢ ﺍﻟﻠﻪ ﻗﻠﺘﺎ ﻟﻴﻬﻮ ﺍﻧﺘﻲ ﻣﺎﻟﻚ ﺑﺲ ﻟﺤﺪﻱ ﻣﺎ ﺍﻻﻗﻴﻚ ﻗﺎﻝ ﻟﻲ ﺳﻤﺢ ﻏﺎﻳﺘﻮ ﺍﻧﺘﻲ ﺍﻟﺤﻤﺪ ﻟﻠﻪ ﺑﺲ ، ﻃﻮﺍﻟﻲ ﻣﺸﻴﺖ ﻋﻠﻰ ﺷﻐﻠﻲ ﻓﺘﺤﺘﺎ ﺍﻻﺍﺑﺘﻮﺏ ﻭ ﺑﻘﻴﺖ ﺑﻘﺮﺍ ﻋﻦ ﺍﻟﻤﺨﺪﺭﺍﺕ ﻭ ﺍﺳﺒﺎﺑﻬﺎ ﻭ ﻋﻼﺟﻬﺎ ﻭﻛﻼﻡ ﺣﺒﻮﺑﻪ ﺻﺎﺡ ﺍﻭﻝ ﺣﺎﺟﻪ ﻻﺯﻡ ﺗﺘﻌﺎﻟﺞ ﺍﻟﻮﺍﺯﻉ ﺍﻟﺪﻳﻨﻲ ﺑﻌﺪ ﻛﺪﻩ ﺍﻟﻄﺐ ﺍﻟﻨﻔﺴﻲ ﻗﻠﺘﺎ ﻳﺎﺳﻨﺪﺱ ﺍﻧﺘﻲ ﻟﻤﺎ ﺗﺨﺘﻲ ﻫﺪﻑ ﻓﻲ ﺭﺍﺳﻚ ﺍﻟﻜﺒﻴﺮ ﺩﻩ ﺑﺘﻘﺪﺭﻱ ﻋﻠﻴﻬﻮ 😂 ﻧﻤﺎﺭﻕ ﺍﻟﺸﻤﺎﺭ ﺣﺎﺭﻗﻬﺎ ﺳﻨﺪﺱ ﺩﻱ ﺑﺘﺠﻲ ﺑﻘﺖ ﻭﻣﺸﻐﻮﻭﻭﻟﻪ ﻛﺪﻩ ﻓﻲ ﺷﻨﻮ ! ﺗﻤﺸﻲ ﻭﺗﺠﻲ ﻓﻲ ﺭﺍﺳﻲ ﻟﻤﻦ ﻗﺒﻀﺘﻨﻲ ﺑﻔﺘﺶ ﻋﻦ ﺍﻟﻤﺨﺪﺭﺍﺕ ﻗﺎﻟﺖ ﻟﻲ ﺍﻳﻮﺍﺍﺍ ﺑﺲ ﺍﻧﺎ ﻋﺮﻓﺘﻚ ﺑﺘﻜﻮﻧﻲ ﻋﺎﻣﻠﻪ ﻟﻴﻚ ﻋﻤﻠﻪ ﻭﻋﺎﻳﺰﻩ ﺗﺘﻮﺑﻲ ﻋﺎﻳﻨﺘﺎ ﻟﻴﻬﺎ ﺑﻨﻈﺮﻩ ﺣﻘﺎﺭﻩ ﻛﺪﻩ ﻭﻗﻠﺘﺎ ﻟﻴﻬﺎ ﻳﺎﺑﺖ ﺍﺟﺮﻱ ﺷﻮﻓﻲ ﻛﺮﻳﻤﻚ ﺑﻲ ﻭﻳﻦ 👋 ﻗﺎﻟﺖ ﻟﻲ ﺍﺳﻤﺮ ﺳﺎﺍﺍﻓﻬﻚ ﺻﺢ 😒👋 ﻗﻠﺘﺎ ﻟﻴﻬﺎ ﻭﻣﻨﻮ ﺍﻟﻘﺎﻝ ﻟﻴﻚ ﺍﻧﺎ ﺷﻐﺎﻟﻪ ﺑﻴﻬﻮ ﻗﺎﻟﺖ ﻟﻲ ﺷﻔﺘﻮ ﻣﻨﺰﻝ ﺑﻮﺳﺖ ﻋﻦ ﺍﻟﺸﻮﻕ ﻭ ﻛﺪﻩ ﺷﻜﻠﻮﺍ ﻣﺮﺗﺒﻂ ﻗﻠﺘﺎ ﻟﻴﻬﺎ ﻧﻤﺎﺭﻕ ﺩﺍﺍﺍﻙ ﺍﺳﻤﺮ ﺧﺸﻲ ﺍﺳﺄﻟﻴﻬﻮ ﺍﻧﺎ ﻣﺎ ﻟﻲ ﺩﺧﻞ ﺑﻴﻬﻮ 😒 ﻋﻜﺮﺕ ﻟﻲ ﻣﺰﺍﺟﻲ ﻭ ﺟﺮﺕ ﻗﻌﺪﺕ ﻓﻲ ﻛﺮﺳﻴﻬﺎ ، ﻗﻤﺘﺎ ﺧﻠﻴﺖ ﻟﻴﻬﺎ ﺍﻟﻤﻜﺘﺐ ﻭﺭﺟﻌﺖ ﺑﻴﺘﻨﺎ ﺑﺲ ﺍﻓﺘﺶ ﻭﺍﻗﺮﺍ ﻋﻦ ﺍﻟﻤﺨﺪﺭﺍﺕ ﻟﻤﻦ ﺭﺍﺳﻲ ﺿﺮﺏ ﺯﺍﺗﻮ، ﻋﺮﻓﺖ ﺍﻧﻮ ﺍﻟﺘﻔﻜﻚ ﺍﻻﺳﺮﻱ ﻫﻮ ﺍﻟﺴﺒﺐ ، ﻗﻌﺪﺗﺎ ﻏﺎﻳﺘﻮ ﺍﺭﺗﺤﺖ ﻭﻧﻤﺘﺎ ﺑﻌﺪ ﺍﻟﻤﻐﺮﺏ ﻟﺒﺴﺘﺎ ﻭﺍﺗﻈﺒﻄﺘﺎ ﻭ ﻗﻠﺘﺎ ﻛﺪﻱ ﻣﺎﺷﻪ ﻟﻲ ﺑﻴﺖ ﻋﺒﺪ ﺍﻟﻠﻪ ﻧﺰﻟﺘﺎ ﻟﻘﻴﺖ ﺍﺳﻤﺮ ﺟﺎﻱ ﻣﻦ ﺍﻟﺸﻐﻞ ﻋﺎﻳﻦ ﻟﻲ ﻣﻦ ﺑﻌﻴﺪ ﺍﻟﺴﻼﻡ ﻋﻠﻴﻜﻢ ﻗﻠﺘﺎ ﻟﻴﻬﻮ ﻭ ﻋﻠﻴﻜﻢ ﺍﻟﺴﻼﻡ ﻭ ﻋﺎﻳﺰﺓ ﺍﻣﺸﻲ ﻭﻗﻔﻨﻲ ﺟﺎﻧﻲ ﻓﻲ ﻣﻜﺎﻧﻲ ﻗﺎﻝ ﻟﻲ ﺍﻧﺘﻲ ﻣﺎﻟﻚ ؟ ﻗﻠﺘﺎ ﻟﻴﻬﻮ ﺑﺨﻠﻌﻪ ﻣﺎﻟﻲ ! ﻗﺎﻝ ﻟﻲ ﻛﻨﺘﻲ ﺑﺘﻘﻴﻔﻲ ﻭ ﺗﺘﻮﻧﺴﻲ ﻭ ﺗﻬﻈﺮﻱ ﻣﻌﺎﻱ ﻣﺮﺍﺕ ﺣﺎﺳﻲ ﺍﻧﻚ ﺑﺘﺘﺠﻨﺒﻲ ﺗﺸﻮﻓﻴﻨﻲ ﻗﻠﺖ ﻟﻴﻬﻮ ﻻ ﺍﺑﺪﺍ ﺑﺲ ﺑﻜﻮﻥ ﻣﺸﻐﻮﻟﻪ ﻗﺎﻝ ﻟﻲ ﺷﻔﺘﺎ ﺍﻟﺒﻮﺳﺘﺎﺕ ﺍﻟﺒﺘﻨﺰﻟﻴﻬﺎ ﻓﻲ ﺍﻟﻘﺮﻭﺑﺎﺕ ﻭﺣﺴﻴﺖ ﻛﺎﻧﻲ ﺿﺎﻳﻘﺘﻚ ﺑﺪﻭﻥ ﻗﺼﺪ ؟ ﻗﻠﺖ ﻟﻴﻬﻮ ﻻ ﻭﺍﻟﻠﻪ ﺳﺎﻱ ﺑﺲ ﻛﻼﻡ ﻭ ﺑﻜﺘﺒﻮ ﻗﺎﻝ ﻟﻲ ﻣﺘﺄﻛﺪﻩ ! ﻗﻠﺘﺎ ﻟﻴﻬﻮ ﺍﻱ ﻭﺍﻟﻠﻪ ﻗﻠﺖ ﻟﻴﻬﻮ ﺍﻧﺖ ﻛﻴﻔﻚ ؟ ﻭ ﺣﺒﻴﺒﺘﻚ ﻭﻻ ﺧﻄﻴﺒﺘﻚ ! ﻗﺎﻝ ﻟﻲ ﺍﻧﺎ ﺍﻟﺤﻤﺪ ﻟﻠﻪ ﻛﻮﻳﺲ ﻭ ﺿﺤﻚ ﻗﻠﺘﺎ ﻟﻴﻬﻮ ﻣﺎﻟﻚ ﺑﺘﻀﺤﻚ ؟ ﻗﺎﻝ ﻟﻲ ﻷﻧﻮ ﺍﻟﻬﻈﺎﺭ ﻣﺎﺑﻨﻔﻊ ﻣﻌﺎﻙ ﺍﻧﺘﻲ ﺻﺪﻗﺘﻲ ﺍﻧﻲ ﻣﺮﺗﺒﻂ؟ ﺑﺎﻟﻠﻪ ﺍﻟﺴﺎﻋﻪ ﺩﻳﻚ ﺩﺍﻳﺮﻩ ﺍﺭﻗﺺ ﻣﻦ ﺍﻟﻔﺮﺣﻪ ﺑﺲ ﻋﻤﻠﺘﺎ ﻓﻴﻬﺎ ﺗﻘﻴﻠﻪ ﻗﻠﺘﺎ ﻟﻴﻬﻮ ﻳﻌﻨﻲ ﺍﻧﺖ ﻣﺎ ﻣﺮﺗﺒﻂ ﻃﻴﺐ ﻳﺎ ﺍﺳﺘﺎﺫ ﻳﺎﻛﺒﻴﺮ ﻳﺎﻛﺎﺗﺐ ﺑﺘﻜﺘﺐ ﻟﻲ ﻣﻨﻮ ﺍﻟﻜﻼﻡ ﺩﻩ؟ ﻗﺎﻝ ﻟﻲ ﺍﻟﻜﺘﺎﺑﻪ ﻣﺎ ﺩﺍﻳﺮﻩ ﻟﻴﻬﺎ ﺣﺎﻟﻪ ﻳﻤﻜﻦ ﺗﻜﻮﻥ ﺍﻟﻜﺘﺎﺑﻪ ﺣﺎﻟﻪ ﻣﺎﻋﺎﺷﻬﺎ ﺍﻟﻜﺎﺗﺐ ﻭ ﻛﺎﻥ ﻧﻔﺴﻮ ﻳﻌﻴﺸﻬﺎ ﻭ ﻗﺪﺭ ﻳﻌﺒﺮ ﻋﻨﻬﺎ ﺑﺎﻟﻜﻼﻡ ﺑﺲ ، ﻗﻠﺘﺎ ﻟﻴﻬﻮ ﺍﻳﻮﺍﺍﺍ ﻳﻌﻨﻲ ﺍﻧﺖ ﻣﺎﻣﺮﺗﺒﻂ 😍 ﻗﺎﻝ ﻟﻲ ﺍﻱ ﻣﺎ ﻣﺮﺗﺒﻂ 😂😂 ﻗﻠﺘﺎ ﻟﻴﻬﻮ ﻛﻮﻳﺲ ﻭﺍﻟﻠﻪ ﺩﺍﻳﺮ ﺷﻨﻮ ﺑﻮﺟﻊ ﺍﻟﺮﺍﺱ ﻗﺎﻝ ﻟﻲ ﻋﻄﻠﺘﻚ ﻣﺎﺷﻪ ﻭﻳﻦ ﺍﻧﺘﻲ؟ ﻗﻠﺘﺎ ﻟﻴﻬﻮ ﻣﺎﺷﻪ ﻣﺸﻮﺍﺭ ﻣﻬﻢ ﻭﺍﻟﻠﻪ ﻗﺎﻝ ﻟﻲ ﺍﻭﺻﻠﻚ ! ﻗﻠﺘﺎ ﻟﻴﻬﻮ ﻣﺎ ﺑﺤﺘﺎﺝ ﻳﻼ ﺳﻼﻡ ، ﻣﺸﻴﻴﺖ ﻣﺒﺴﻮﻭﻭﻃﻪ ﺑﻌﺪ ﺍﻟﺨﺒﺮ ﺍﻟﺴﻤﺢ ﺩﻩ ﻟﻤﻦ ﻏﺸﻴﺖ ﺍﻟﺒﻘﺎﻟﻪ ﻭﺍﺷﺘﺮﻳﺖ ﻋﻠﺒﺔ ﻣﺎﻛﻨﺘﻮﺵ 💕💜 ﻭ ﻣﺸﻴﺖ ﻟﺒﻴﺖ ﻧﺎﺱ ﻋﺒﺪ ﺍﻟﻠﻪ ﺍﺗﺒﺴﻢ ﺑﺮﺍﻱ ﺩﻗﻴﺖ ﺍﻟﺒﺎﺏ ﻓﺘﺢ ﻟﻲ ﻫﻮ ﻗﺎﻝ ﻟﻲ ﻛﻴﻔﻚ ﻳﺎﺳﻨﺪﺱ؟ ﻗﻠﺘﺎ ﻟﻴﻬﻮ ﺗﻤﺎﻡ ﺍﻟﺤﻤﺪ ﻟﻠﻪ ﻗﺎﻝ ﻟﻲ ﻛﻨﺖ ﻋﺎﺭﻓﻚ ﺡ ﺗﻤﺮﻱ ﻷﻧﻚ ﻣﺎ ﻋﻨﺪﻙ ﻣﻮﺿﻮﻉ ﻭﻓﺎﺭﻏﻪ ﺷﺪﻳﺪ 😂😂 ﻗﻠﺘﺎ ﻟﻴﻬﻮ ﺑﺎﻟﻠﻪ ﺯﺡ ﻣﻦ ﻭﺷﻲ ﻭ ﺩﺧﻠﺘﺎ ﺍﻟﺒﻴﺖ ﻗﺎﻝ ﻟﻲ ﻣﺎﺷﻪ ﻭﻳﻦ ﺍﻧﺘﻲ 😳 ﺩﺧﻠﺘﺎ ﻃﻮﺍﻟﻲ ﺟﺎ ﻭﻗﻒ ﻟﻲ ﻓﻲ ﻭﺷﻲ ﻗﺎﻝ ﻟﻲ ﻳﺎﺑﺖ ﺍﻧﺘﻲ ﺟﻨﻴﺘﻲ ﺍﻃﻠﻌﻲ ﻫﺴﻲ ﻟﻮ ﺷﺎﻓﻚ ﺯﻭﻝ ! ﺍﻧﺘﻲ ﻣﺎﻣﻤﻜﻦ ﺗﻜﻮﻧﻲ ﺟﺮﻳﺌﻪ ﻟﻠﺪﺭﺟﻪ ﺩﻱ ؟ ﻗﻠﺘﺎ ﻟﻴﻬﻮ ﻋﺮﻓﻨﻲ ﻋﻠﻰ ﺧﺎﻟﺘﻚ ﻭﻫﺎﺟﺮ ﻭﺣﺒﻮﺑﺘﻚ ﻗﺎﻝ ﻟﻲ ﻣﺎﻛﻔﺎﻳﻪ ﺍﻧﺎ ﺍﻟﻔﻠﻘﺘﻲ ﺭﺍﺳﻲ ﻭ ﺩﻱ ﺷﻨﻮ ﺍﻟﺤﻼﻭﻩ ﺩﻱ ﺟﺎﻳﻪ ﺗﺨﻄﺒﻲ ﻣﻨﻮ ﺍﻧﺘﻲ ﻋﺎﻳﻨﺖ ﻟﻴﻬﻮ ﻭﺿﺤﻜﺘﺎ ﻗﻠﺘﺎ ﻟﻴﻬﻮ ﺍﺧﻄﺒﻚ ﺍﻧﺘﻲ ، ﻭ ﻫﻮ ﺑﻘﻨﻊ ﻓﻴﻨﻲ ﺍﻃﻠﻊ ﻣﻦ ﺍﻟﺒﻴﺖ ﺣﻠﻔﺘﺎ ﻣﺎ ﺍﺗﺤﺮﻙ ﻭ ﻃﺒﻌﺎ ﺷﺎﻳﻔﻨﻲ ﻭﺍﻗﻔﻪ ﻣﺎ ﺍﺗﺰﺣﺰﺣﺘﺎ ﺑﺘﻜﻠﻢ ﻣﻌﺎﻱ ﺑﺼﻮﺕ ﻭﺍﻃﻲ ﻋﺸﺎﻥ ﺍﻃﻠﻊ .. ﻋﻨﺪﻫﻢ ﺳﻠﻢ ﻧﺎﺯﻝ ﻓﻲ ﺍﻟﺤﻮﺵ ﻭﺑﻌﺪﻫﺎ ﺑﺎﺏ ﺍﻟﺸﺎﺭﻉ ﻧﺤﻨﺎ ﻛﻨﺎ ﺑﻨﺘﻨﺎﻗﺶ ﻓﻲ ﺍﻟﺤﻮﺵ ﻭ ﺍﻧﺎ ﻣﻘﺒﻠﻪ ﻋﻠﻰ ﺍﻟﺴﻠﻢ ﻟﻤﺤﺘﺎ ﺑﺖ ﺟﺎﻳﻪ ﻧﺎﺯﻟﻪ ﻗﺒﻞ ﻣﺎ ﺗﺸﻮﻓﻨﻲ ﺷﻔﺘﻬﺎ ﺍﻭﻝ ، ﺑﺲ ﻃﻮﺍﻟﻲ ﻋﺎﻳﻨﺘﺎ ﻟﻌﺒﺪ ﺍﻟﻠﻪ ﻭﻗﻠﺘﺎ ﻟﻴﻬﻮ ﻋﺒﺪ ﺍﻟﻠﻪ ﻳﻌﻨﻲ ﺍﻧﺖ ﻫﺴﻲ ﺟﺎﻳﺒﻨﻲ ﻣﻦ ﺍﻟﺒﻴﺖ ﻋﺸﺎﻥ ﺗﻘﻮﻝ ﻟﻲ ﺧﺎﻟﺘﻚ ﺩﻱ ﺍﻟﺒﺖ ﺍﻟﺪﺍﻳﺮﻫﺎ ! ﻃﻴﺐ ﻣﺎ ﻛﺎﻥ ﻣﻤﻜﻦ ﻧﺘﻼﻗﻰ ﻓﻲ ﻣﻄﻌﻢ ﻣﻌﺎﻫﺎ ﺍﻧﺖ ﻋﺎﺭﻓﻨﻲ ﺍﻧﺎ ﺑﺨﺠﻞ ﻗﺪﺭ ﺷﻨﻮ ﻛﻤﺎﻥ ﻏﺸﻴﺘﻨﻲ ﻭﻗﻠﺖ ﻟﻲ ﻋﻴﺎﻧﻪ ﻋﺸﺎﻥ ﺍﺯﻭﺭﻛﻢ ! ﻳﺎﺥ ﺍﻧﺎ ﻟﻮ ﻣﺎ ﻫﻲ ﻋﻴﺎﻧﻪ ﻣﺎ ﻛﺎﻥ ﺟﻴﺖ ﻋﺒﺪ ﺍﻟﻠﻪ ﺍﻧﺎ ﻭﺭﻳﺘﻚ ﻟﺤﺪﻱ ﻣﺎ ﺍﻧﺖ ﺗﺨﻠﺺ ﺳﻨﺔ ﺍﻟﺠﺎﻣﻌﻪ ﺩﻱ ﺣﺘﻰ ﺑﻌﺪﺍﻙ ﻧﻜﺎﻡ ﺍﻫﻠﻨﺎ ﺑﻤﻮﺿﻮﻋﻨﺎ ﻟﻴﻪ ﻣﺴﺘﻌﺠﻞ ﺗﻌﺮﻓﻨﻲ ﻋﻠﻰ ﺍﻫﻠﻚ ﻫﺴﻲ 😂😂😂😂 ﺍﻟﻮﻟﺪ ﺑﻘﻰ ﺑﻌﺎﻳﻦ ﻟﻲ ﺑﺨﻠﻌﻪ 😳 ﻛﻨﺖ ﻋﺎﻳﺰﺓ ﺍﻟﺒﺖ ﺗﺴﻤﻊ ﻭﺳﻤﻌﺖ ﻓﻌﻼ ﻟﻤﺎ ﻧﺰﻟﺖ ﻣﻦ ﺍﻟﺴﻠﻢ ﻟﻔﺘﺘﻮ ﻋﺒﺪ ﺍﻟﻠﻪ ﻫﻮ ﺍﻟﺴﺎﻋﻪ ﺩﻳﻚ ﻣﺎﻗﺎﺩﺭ ﻳﻔﻬﻢ ﻭﻳﺴﺘﻮﻋﺐ ﺍﻟﻘﻠﺘﻮ .. ﻋﺎﻳﻦ ﻟﻴﻬﺎ ﻫﺎﺟﺮ ﺟﻴﺘﻲ ﺑﺘﻴﻦ ﻋﺎﻳﻨﺖ ﻟﻲ ﻧﻈﺎﻡ ﺩﻱ ﻣﻨﻮ ؟ ﻗﺎﻝ ﻟﻴﻬﺎ ﻫﺎﺟﺮ ﺳﻨﺪﺱ ﺳﻨﺪﺱ ﻫﺎﺟﺮ ﺑﺖ ﺧﺎﻟﺘﻲ ﻗﻠﺘﺎ ﻟﻴﻬﺎ ﺍﺗﺸﺮﻓﻨﺎ ﻗﺎﻟﺖ ﻟﻲ ﺍﻧﺎ ﺍﻛﺘﺮ ﻭﺍﻟﻠﻪ ﻭ ﺍﺑﺘﺴﻤﺖ ﻗﺎﻟﺖ ﻟﻲ ﺍﺗﻔﻀﻠﻲ ﻃﺒﻌﺎ ﻫﻮ ﺍﻟﻠﺤﻈﻪ ﺩﻳﻴﻚ ﻣﺎﺑﻘﺪﺭ ﺍﻟﻜﻠﺐ ﻳﻌﻤﻞ ﺣﺎﺟﻪ 😂😂😂 ﻗﺎﻝ ﻟﻴﻬﺎ ﺍﻱ ﺟﺎﻳﻴﻦ ﻳﻼ ﻳﺎﺳﻨﺪﺱ 😒 ﻫﻲ ﺍﺗﻘﺪﻣﺖ ﻗﺪﺍﻣﻨﺎ ﻭﺍﺣﻨﺎ ﺍﻻﺗﻨﻴﻦ ﺑﻲ ﻭﺭﺍﻫﺎ ﻗﺎﻝ ﻟﻲ ﺑﺼﻮﺕ ﻭﺍﻃﻲ ﻭﺍﻟﻠﻪ ﻫﺎﺟﺮ ﺩﻱ ﺗﻜﻮﻥ ﺳﻤﻌﺖ ﺍﻟﻜﻼﻡ ﺍﻟﻔﺎﺭﻍ ﺍﻟﻘﻠﺘﻴﻬﻮ ﻧﻬﺎﻳﺘﻚ ﺡ ﺗﻜﻮﻥ ﻋﻠﻰ ﻳﺪﻱ ، ﻗﻠﺘﺎ ﻟﻴﻬﻮ ﺑﻲ ﻣﻜﺎﻭﻩ ﺳﻤﻌﺖ ﻳﺎﺣﺒﻲ 😂😂 ﺍﺳﺎﺳﺎ ﺍﻧﺎ ﻗﺼﺪﺗﺎ ﺍﺳﻤﻌﻬﺎ ﻋﺸﺎﻥ ﺗﺎﻧﻲ ﺍﺩﺧﻞ ﺍﻟﺒﻴﺖ ﺩﻩ ﺑﻤﺰﺍﺍﺍﺟﻲ، ﻋﺒﺪ ﺍﻟﻠﻪ ﻧﻄﻂ ﻟﻲ ﻋﻴﻮﻧﻮ ﻗﺪﺭ ﺍﻟﻔﻨﺠﺎﻥ 😳😳 ﻣﺸﻴﺖ ﻗﺪﺍﻣﻮ ﺍﻋﺎ ﺩﺧﻠﻨﺎ ﺟﻮﻩ ﺍﻟﺼﺎﻟﻪ ﺑﻴﺘﻬﻢ ﻏﺮﻳﺐ ﺯﺍﺗﻮ ﺗﺤﺖ ﺍﻟﺤﻮﺵ ﻭ ﺍﻟﺴﻠﻢ ﺩﻩ ﺑﺪﺧﻞ ﻟﻠﺒﻴﺖ ﻭ ﻓﻲ ﺳﻠﻢ ﻧﺎﺯﻝ ﻟﺘﺤﺖ ﻓﻴﻬﻮ ﺷﻘﻪ ﻛﺪﻩ ﻭﺍﺍﺍﻭ ، ﺍﻟﻤﻬﻢ ﻫﺎﺟﺮ ﺗﺘﺒﺴﻢ ﺳﺎﺍﺍﺍﻱ ﻟﻤﻦ ﺷﺎﻓﺘﻨﻲ ﻭﺍﻧﺎ ﻋﺎﻳﺸﻪ ﺩﻭﺭ ﻣﺮﺕ ﺍﻟﻮﺣﻴﺪ ﻗﻌﺪﻧﺎ ﺍﻧﺎ ﻭﻫﻮ ﻓﻲ ﺍﻟﺼﺎﻟﻪ ﻭﺧﺘﻴﺖ ﻋﻠﺒﺔ ﺍﻟﺸﻜﻮﻻﺗﻪ ﺩﺧﻠﺖ ﺟﻮﻩ ﻧﺎﺩﺕ ﻟﻲ ﺍﻣﻬﺎ ﻭﺣﺒﻮﺑﺘﻬﺎ ﺳﺎﻳﻘﻨﻬﺎ ﺑﻜﺮﺳﻲ ﺍﻟﻤﺸﻠﻮﻟﻴﻦ 😿💔 ﺟﺎﺕ ﺳﺎﻳﻘﺎﻫﺎ ﻫﺎﺟﺮ ﺍﻣﻬﺎ ﺳﻠﻤﺖ ﻋﻠﻲ ﺑﺘﺮﺣﻴﺐ ﻭ ﻧﺎﺱ ﺑﺸﻮﺷﻴﻴﻴﻦ ﺷﺪﻳﻴﻴﺪ ﻭﻫﻮ ﻗﺎﺍﻋﺪ ﻋﻠﻰ ﺍﻋﺼﺎﺑﻮ ﻭ ﻣﺘﻮﺗﺮ ﻭﻳﻬﺰﺯ ﻓﻲ ﺭﺟﻮﻟﻮ ، ﻫﺎﺟﺮ ﺟﺮﺕ ﺣﺎﺑﺖ ﻟﻲ ﺍﻟﻌﺼﻴﺮ ﻭ ﺍﻟﻤﻮﻳﻪ ﻗﻠﺘﺎ ﻟﻲ ﺧﺎﻟﺘﻮ ﺍﻟﻒ ﺳﻼﻣﻪ ﻟﻴﻚ ﻳﺎﺧﺎﻟﺘﻮ ﻭﺍﻟﻠﻪ ﻋﺒﺪ ﺍﻟﻠﻪ ﻟﻤﺎ ﻛﻠﻤﻨﻲ ﺑﺎﻟﺘﻠﻔﻮﻥ ﺍﺻﺮﻳﺖ ﺍﺟﻲ ﺍﺷﻮﻓﻚ ﺑﻘﻴﺘﻲ ﻛﻴﻒ ﻣﻦ ﺍﻟﻠﻮﺯ ؟؟ ﻗﺎﻝ ﻟﻲ ﺍﻟﺘﻬﺎﺑﻚ ﺗﻘﻴﻴﻴﻞ ﻭﻫﻮ ﺑﺲ ﻳﻨﻄﻂ ﻓﻲ ﻋﻴﻮﻧﻮ ﻟﻲ 😳😳😳 ﻭﻃﺒﻌﺎ ﺍﻟﻤﺮﻩ ﻋﺎﻳﻨﺖ ﻟﻴﻨﺎ ﺍﻻﺗﻨﻴﻦ ﺑﻬﺠﻤﻪ ﻫﻲ ﻭﻻ ﻋﺎﻳﻨﻪ ﻭﻻ ﺣﺎﺟﻪ ﺧﺘﺘﻬﺎ ﻓﻲ ﻋﺒﺪ ﺍﻟﻠﻪ ﻗﺎﻟﺖ ﺍﺣﺘﻤﺎﻝ ﻳﻜﻮﻥ ﺳﻜﺮﺍﻥ ﻟﻤﺎ ﻗﺎﻝ ﻟﻴﻬﺎ ﺍﻟﻤﻬﻢ ﻣﺎ ﺩﺍﻳﺮﻩ ﺗﺤﺮﺟﻮ ﻗﺎﻟﺖ ﻟﻲ ﺍﻟﻠﻪ ﻳﺴﻠﻤﻚ ﺑﻘﻴﺖ ﻛﻮﻳﺴﻪ ﺍﻟﺤﻤﺪ ﻟﻠﻪ ، ﻗﻠﺘﺎ ﻟﻴﻬﺎ ﺍﻟﺤﻤﺪ ﻟﻠﻪ ﻭﺍﻟﺤﺒﻮﺑﻪ ﺩﻳﻚ ﺗﻔﺤﺺ ﻓﻴﻨﻲ ﻣﻦ ﻓﻮﻕ ﻟﺘﺤﺖ ، ﻗﺎﻟﺖ ﻟﻲ ﻋﺒﺪ ﺍﻟﻠﻪ ﺍﻟﺒﺖ ﺍﻟﺤﻠﻮﺓ ﺩﻱ ﺯﻣﻴﻠﺘﻚ ! ﻗﺎﻝ ﻟﻴﻬﺎ ﺍﻱ ﺯﻣﻴﻠﺘﻲ ﺟﺎﺕ ﺗﺸﻴﻞ ﻭﺭﻕ ﺍﻟﺠﺎﻣﻌﻪ ﺍﻟﻜﻨﺖ ﺑﺠﻬﺰ ﻓﻴﻬﻮ ﺍﻟﺼﺒﺎﺡ 😒 ﻗﺎﻟﺖ ﻟﻴﻬﻮ ﺍﻳﻮﺍﺍ ﻋﺎﻳﻨﺖ ﻟﻴﻬﻮ ﺑﻄﺮﻑ ﻋﻴﻨﻲ ﻭﻗﺮﺑﺘﺎ ﺍﺿﺤﻚ ، ﻫﺎﺟﺮ ﻗﺎﻟﺖ ﻟﻲ ﻣﺎ ﺣﺼﻞ ﺷﻔﺘﻚ ﻟﻤﺎ ﻛﻨﺖ ﺑﻤﺸﻲ ﺍﻟﺠﺎﻣﻌﻪ ﻟﻴﻬﻮ ﻣﺮﺍﺕ ﻗﻠﺘﺎ ﻟﻴﻬﺎ ﻋﺸﺎﻥ ﺍﻧﺎ ﺍﺗﺨﺮﺟﺘﺎ ﻭ ﺑﺲ ﺑﺠﻲ ﻋﺸﺎﻥ ﻋﺒﺪ ﺍﻟﻠﻪ ﻫﺴﻲ ﺍﻻﻳﺎﻡ ﺩﻱ ﺍﻟﺘﺴﺠﻴﻞ ﻓﺘﺢ ﻭ ﻗﻠﺘﺎ ﻟﻴﻬﻮ ﺍﻟﺠﺎﻣﻌﻪ ﻓﻲ ﻃﺮﻳﻘﻲ ﺑﺪﻝ ﺗﻘﻄﻊ ﻣﺸﻮﺍﺭ ﺑﺴﺠﻞ ﻟﻴﻚ ﺍﻧﺎ ' ﺍﻟﺤﺒﻮﺑﻪ ﺩﻱ ﺍﺗﺒﺴﻄﺖ ﺍﻧﺒﺴﺎﻃﻪ ﻗﺎﻟﺖ ﻟﻴﻬﻮ ﺍﺟﺮﻱ ﻳﺎﻭﻟﺪ ﺟﻴﺐ ﻟﻴﻬﺎ ﻭﺭﻗﻚ ﻗﺎﻝ ﻟﻲ ﺍﻱ ﻳﺎﻳﻤﻰ ﺣﺎﺿﺮ ' ﻋﺒﺪ ﺍﻟﻠﻪ ﺩﻩ ﻟﻤﺎ ﻗﺎﻝ ﻛﻠﻤﺔ ﻳﺎ ﻳﻤﻰ ﺩﻱ 😿💔 ﻗﻠﺒﻲ ﺍﺗﻘﻄﻊ، ﻗﺎﻡ ﻋﻠﻰ ﺣﻴﻠﻮ ﻭﻧﺰﻝ ﻏﺎﻳﺘﻮ ﺑﻴﺘﻬﻢ ﺩﻩ ﺍﺳﺘﺎﻳﻞ ﺗﺮﻛﻲ ﻭﻻﻛﻴﻒ ﻣﺎ ﻓﻬﻤﺘﻮ ﺍﻟﻤﻬﻢ ﺷﻲ ﻛﺪﻩ ﻋﺠﻴﻴﺐ ﺍﻫﺎ ﻟﻤﺎ ﻧﺰﻝ ﺑﻘﻴﺖ ﺍﻧﺎ ﻭﻧﺴﺎﺑﺘﻲ ﺍﻟﺠﺪﺍﺩ ﺩﻳﻞ 😂😂 ﺍﺗﺒﺴﻢ ﻭﺍﺗﺨﺠﻞ ﻭﻣﺎﻋﺮﻓﺘﺎ ﺍﻣﺸﻲ ﻭﻳﻦ ﻗﺮﺑﺘﺎ ﺍﺩﺧﻞ ﺗﺤﺖ ﺍﻟﻜﺮﺳﻲ .. ﺧﺎﻟﺘﻮ ﺟﺎﺕ ﻗﻌﺪﺕ ﺟﻨﺒﻲ ﻗﺎﻟﺖ ﻟﻲ ﺍﻫﻠﻚ ﻭﻳﻦ ﺣﺒﻴﺒﺘﻲ؟ ﻗﻠﺘﺎ ﻟﻴﻬﺎ ﺍﻟﺸﺎﺭﻉ ﺍﻟﺒﻌﺪﻳﻜﻢ ﻗﺎﻟﺖ ﻟﻲ ﺍﻳﻮﺍ ﻋﻠﻴﻚ ﺍﻟﻠﻪ ﻟﻮ ﻣﺤﺘﺎﺝ ﻣﺴﺎﻋﺪﻩ ﻓﻲ ﻗﺮﺍﻳﻪ ﻭﻻ ﻛﺪﻩ ﺳﺎﻋﺪﻳﻬﻮ ﻟﻮ ﻟﻘﻴﺘﻲ ﺯﻣﻦ ﻣﻦ ﺷﻐﻠﻚ ﻗﻠﺘﺎ ﻟﻴﻬﺎ ﻭﺍﻟﻠﻪ ﺑﺲ ﻋﺸﺎﻥ ﺍﻟﺸﻐﻞ ﻟﻜﻦ ﺍﻥ ﺷﺎﺀ ﺍﻟﻠﻪ ﺑﺤﺎﻭﻝ ﻗﺎﻟﺖ ﻟﻲ ﻋﻠﻴﻚ ﺍﻟﻠﻪ ﺍﻟﻮﺩ ﺩﻩ ﻳﺘﻴﻢ 💔 ﻃﺒﻌﺎ ﺍﻧﺎ ﻗﻠﺒﻲ ﻫﻨﺎ ﺑﺪﺍ ﻳﺮﻕ ﺷﺪﻳﺪ ﻗﺮﺑﺘﺎ ﺍﺑﻜﻲ ﻷﻧﻲ ﻛﺬﺑﺘﺎ ﻋﻠﻴﻬﻢ .. ﻗﻠﻨﺎ ﻟﻴﻬﺎ ﺍﻥ ﺷﺎﺀ ﺍﻟﻠﻪ ﻭ ﺳﻜﺘﺎ ﻫﺎﺟﺮ ﻗﺎﻟﺖ ﻟﻲ ﻭ ﺍﻟﻠﻪ ﺍﻧﺘﻲ ﺑﺲ ﺍﻻﻗﻨﻌﺘﻴﻬﻮ ﻳﺴﺠﻞ ﻟﺴﻨﺘﻮ ﺍﻻﺧﻴﺮﻩ ﺩﻱ ﻭﻫﻮ ﻃﻮﻝ ﻣﻦ ﺍﻟﺪﺭﺍﺳﻪ ﻳﺎﺭﻳﺖ ﺗﺪﻳﻬﻮ ﺯﻣﻦ ﻭﺗﻔﻬﻤﻴﻬﻮ ﺑﻤﺎ ﺍﻧﻚ ﻗﺮﻳﺘﻲ ﺍﺩﺍﺭﻩ ﺍﻋﻤﺎﻝ ﺑﺮﺿﻮ ، ﻳﺎﺩﻭﻭﺏ ﻫﻨﺎ ﺣﺴﻴﺖ ﺑﻘﻴﻤﺔ ﺍﻟﻜﺬﺑﻪ 💔 ﺍﻟﻨﺎﺱ ﺩﻳﻞ ﺧﺘﻮﺍ ﺍﻣﻞ ﻓﻴﻨﻲ ﻃﻮﺍﻟﻲ ﻫﺴﻲ ﺍﻓﻬﻤﻬﻢ ﻛﻴﻒ ﺍﻧﻲ ﻣﺤﺎﻣﻴﻪ 😿 ﻗﻠﺖ ﻟﻴﻬﺎ ﺑﺈﺫﻥ ﺍﻟﻠﻪ ، ﻟﻤﺎ ﺟﺎ ﻋﺒﺪ ﺍﻟﻠﻪ ﻃﻮﺍﻟﻲ ﻫﻢ ﺳﻜﺘﻮﺍ ﻭ ﻏﻴﺮﻭ ﺍﻟﻤﻮﺿﻮﻉ ﺍﻧﺎ ﺣﺴﻴﺖ ﺑﻲ ﺍﻧﻲ ﻟﻌﺒﺘﺎ ﺑﻴﻬﻢ 😿 ﻭﻫﻢ ﺍﻋﺘﻤﺪﻭﺍ ﻋﻠﻲ ﺣﻠﻔﻮﺍ ﺍﻻ ﺍﺷﺮﺏ ﻣﻌﺎﻫﻢ ﺷﺎﻱ ﺍﻟﻤﻐﺮﺏ ﻫﺎﺟﺮ ﻭﺧﺎﻟﺘﻬﺎ ﺟﺮﻭﺍ ﺟﻬﺰﻭﻩ ﻭ ﺟﺎﺑﻮ ﺑﺎﻟﻜﻴﻚ ﻭ ﺷﺮﺑﺘﺎ ﻣﻌﺎﻫﻢ ﻭﺍﺗﻮﻧﺴﻨﺎ ﻓﻲ ﺍﻟﺤﻜﻮﻣﻪ ﻭ ﺍﻟﺒﻠﺪ ﻭ ﺍﻟﻐﻼ ﻭ ﻛﺪﻩ ﻋﺒﺪ ﺍﻟﻠﻪ ﻛﺎﻥ ﺳﺎﻛﺖ ﺍﻫﺎ ﻗﻤﺖ ﻭﻗﻠﺘﺎ ﻟﻴﻬﻢ ﻳﻼ ﺍﻧﺎ ﺍﺗﺎﺧﺮﺗﺎ ﺍﻟﺨﺎﻟﻪ ﺣﻠﻔﺖ ﺍﻻ ﺍﻋﻴﺪﻫﺎ ﺗﺎﻧﻲ 😿💔 ﻗﻠﺖ ﻟﻴﻬﺎ ﺳﻤﺢ ﺍﻥ ﺷﺎﺀ ﺍﻟﻠﻪ ﺍﻫﺎ ﻛﻠﻬﻢ ﻃﺒﻌﺎ ﻗﻌﺪﻭﺍ ﻭ ﺑﺲ ﻋﺒﺪ ﺍﻟﻠﻪ ﺭﻛﺒﻨﺎ ﺍﻟﺴﻠﻢ ﻭﻧﺰﻟﻨﺎ ﻟﻠﺤﻮﺵ 😿 ﻟﻤﺎ ﺇﺗﺄﻛﺪ ﺍﻧﻮ ﻣﺎﻓﻲ ﺯﻭﻝ ﺳﺎﻣﻌﻨﺎ ﻛﺮﺍﻧﻲ ﻣﻦ ﻳﺪﻱ ﻭ ﻃﻠﻌﻨﻲ ﺑﺎﺏ ﺍﻟﺸﺎﺭﻉ ﻭ ﻗﻔﻠﻮ ﻗﺎﻝ ﻟﻲ ﺩﻱ ﺍﺧﺮ ﻣﺮﻩ ﺗﺪﺧﻠﻲ ﺑﻴﺘﻨﺎ ﺩﻩ ﺳﻤﻌﺘﻲ ، ﻭﺍﻧﺎ ﺳﺎﺍﻛﺘﻪ ﻗﺎﻝ ﻟﻲ ﺍﻟﻜﺬﺏ ﺍﻟﻜﺬﺑﺘﻴﻮ ﺩﻩ ﺍﻧﺎ ﺡ ﺍﺩﺧﻞ ﺍﻭﺭﻳﻬﻢ ﺍﻧﻚ ﻭﺣﺪﻩ ﺑﺘﺘﻌﺎﻃﻲ ﺑﺮﺿﻮ ، ﺍﻧﺎ ﻛﻨﺖ ﺳﺎﻛﺘﻪ ﻭﺑﻌﺎﻳﻦ ﻟﻴﻬﻮ ﻣﺘﺄﺛﺮﺓ ﻣﻦ ﺍﻫﻠﻮﺍ ﻭﻣﻦ ﻟﻬﻔﺘﻬﻢ ﻋﻠﻴﻬﻮ 😿 ﻛﻤﻠﺘﺎ ﻃﺮﻳﻘﻲ ﻭﺧﻠﻴﺘﻮ ﻳﺘﻢ ﻛﻼﻣﻮ ﺑﺮﺍﻫﻮ ، ﻗﺎﻳﻞ ﺍﻧﻮ ﺩﻱ ﺍﺧﺮ ﻣﺮﻩ ﺍﺟﻴﻬﻢ ﺑﺲ ﻣﺎ ﻋﺎﺭﻓﻨﻲ ﻛﻮﻭﻳﺲ ، ﺗﺎﻧﻲ ﻳﻮﻡ ﺍﻟﺼﺒﺎﺡ ﻭ ﺍﻧﺎ ﻣﺎﺷﻪ ﻟﻠﺸﻐﻞ ﺿﺮﺑﺘﺎ ﻟﻴﻬﻮ ﻗﻠﺘﺎ ﻟﻴﻬﻮ ﺗﻠﺒﺲ ﻭ ﺗﻼﻗﻴﻨﻲ ﻓﻲ ﺍﻟﻌﺮﺑﻲ ﻭﺍﻻ ﻭﺍﻟﻠﻪ ﺍﻋﻤﻞ ﻓﻴﻬﺎ ﻣﺮﺗﻚ ﺗﺎﻧﻲ ﻭ ﻋﺎﺭﻓﻨﻲ ﺟﻨﻲ ﻛﺬﺏ ﻗﺎﻝ ﻟﻲ ﺩﺍﻳﺮﻩ ﺷﻨﻮ ﻗﻠﺘﺎ ﻟﻴﻬﻮ ﺍﻭﺭﺍﻗﻚ ﻛﻠﻬﺎ ﻋﻨﺪﻱ ﻭﺭﻗﻤﻚ ﺍﻟﻮﻃﻨﻲ ﻭﻛﻞ ﺣﺎﺟﻪ ﻓﻲ ﺍﻟﻤﻠﻒ ﺍﻟﺠﺒﺘﻮ ﻟﻲ ﻭﺩﺧﻠﺘﻮ ﺷﻨﻄﺘﻲ ﻗﺎﻝ ﻟﻲ ﻣﺎ ﺟﺎﻱ ، ﻗﻠﺘﺎ ﻟﻴﻬﻮ ﺡ ﺗﺠﻲ ﺗﻼﻗﻴﻨﻲ ﻓﻲ ﺟﺎﻣﻌﺘﻚ ﻭ ﻣﺎ ﻋﻠﻰ ﻛﻴﻔﻚ ﺣﺘﺠﻲ 😒 ﺍﺧﺪﺗﺎ ﺍﺫﻥ ﻣﻦ ﺍﻟﺸﻐﻞ ﻭ ﻃﻠﻌﺘﺎ ﺭﻛﺒﺘﺎ ﻟﺠﺎﻣﻌﺘﻮ ﻣﻨﺘﻈﺮﺍﻫﻮ ﻭﻋﺎﺭﻓﺎﻫﻮ ﺣﻴﺠﻲ .. ﻟﻤﺎ ﻣﺮﺕ ﺳﺎﻋﺘﻴﻦ ﻭﺍﻧﺎ ﻣﻨﺘﻈﺮﻩ ﺑﻘﻴﺖ ﺑﺴﺄﻝ ﻓﻲ ﻧﻔﺴﻲ ﻳﺎﺭﺑﻲ ﺣﻴﺠﻲ ﻭﻻ ﻣﺎ ﺣﻴﺠﻲ 😿 ؟

يتبع.....