كتمان الشوق

الجزء 17

ﻳﻌﻨﻲ ﺃﻧﺎ ﻟﻤﻦ ﺍﻛﻮﻥ ﺩﺍﻳﺮﻩ ﺯﻭﻝ ﻭﻫﻮ ﻣﺎﺩﺍﻳﺮﻧﻲ ﻭ ﻟﻤﺎ ﻳﺮﺟﻊ ﻭﻳﻘﻮﻝ ﺩﺍﻳﺮﻧﻲ ﻳﻈﻬﺮ ﻟﻲ ﻏﻴﺮﻭ ، ﻣﺎ ﺃﻧﺎ ﻣﻦ ﺯﻣﺎﻥ ﻗﺎﻋﺪﻩ ﺑﺎﻳﺮﻩ ﺣﺒﻜﺖ ﻫﺴﻲ ﺗﺤﺒﻮﻧﻲ ﻛﻠﻜﻢ ﻳﻌﻨﻲ ﻋﻮﺍﺭﺽ ﺑﺲ ﻏﺎﻳﺘﻮ .. ﻭﺃﻧﺎ ﺑﺘﻜﻠﻢ ﻣﻊ ﻫﺎﺟﺮ ﺟﺎ ﺩﻛﺘﻮﺭ ﻃﺎﺭﻕ ﻃﺎﻟﻊ ﺑﺮﻩ ﻗﺎﻝ ﻟﻴﻨﺎ ﺍﻟﻌﻤﻠﻴﻪ ﺧﻠﺼﺖ ﺑﺲ ﻫﻮ ﻟﺴﻪ ﻣﺨﺪﺭ ﺳﺎﻋﺘﻴﻦ ﻭﻳﻔﻚ ﺭﺑﻨﺎ ﻳﻜﺘﺐ ﺳﻼﻣﺘﻮ ﻗﻠﺘﺎ ﻟﻴﻬﻮ ﺗﺴﻠﻢ ﻛﺘﻴﺮ ﻭﻣﺎﻗﺼﺮﺗﺎ ﻳﺎﺩﻛﺘﻮﺭ ﻭﻣﺸﻰ ﺑﻌﺪ ﺍﻟﺒﻨﺞ ﻓﻜﺎ ﻗﻠﺘﺎ ﻟﻲ ﻫﺎﺟﺮ ﺍﺩﺧﻠﻲ ﻟﻴﻬﻮ ﺍﻧﺘﻲ ﻗﺎﻟﺖ ﻟﻲ ﻷ ﺃﺩﺧﻠﻲ ﺇﻧﺘﻲ ﺍﻧﺎ ﻋﺎﺭﻓﺎﻫﻮ ﻫﺴﻲ ﺑﻜﻮﻥ ﺩﺍﻳﺮ ﻳﺸﻮﻓﻚ ﺡ ﻳﺘﻄﻤﻦ ﻟﻤﻦ ﻳﺸﻮﻓﻚ ﺍﻭﻝ ﺯﻭﻝ ، ﺍﺗﺸﺠﻌﺘﺎ ﻏﺎﻳﺘﻮ ﻭﺩﺧﻠﺘﺎ ﻛﺎﻥ ﺭﺍﻗﺪ ﻭﺣﺎﻟﺘﻮ ﺗﺤﻨﻦ ﺷﺪﻳﺪ ﻣﻮﺭﻡ ﻛﻠﻮ ﻗﻌﺪﺗﺎ ﺑﻌﻴﺪ ﺷﻮﻳﻪ ﻓﻲ ﺍﻟﻜﺮﺳﻲ ﻭ ﻗﻠﺖ ﻟﻴﻬﻮ ﺍﻟﻒ ﺳﻼﻣﻪ ﻋﻠﻴﻚ ﻣﺎ ﺗﺸﻮﻑ ﺷﺮ ﺇﻥ ﺷﺎﺀ ﺍﻟﻠﻪ ﻗﺎﻝ ﻟﻲ ﺍﻟﻠﻪ ﻳﺴﻠﻤﻚ ﺣﺘﻰ ﻛﻼﻣﻮ ﻛﺎﻥ ﺗﻘﻴﻞ ﻭﻣﺎ ﻗﺎﺩﺭ ﻳﻌﻤﻞ ﺷﻲ ، ﻗﻌﺪﺗﺎ ﺯﻱ ﺳﺎﻋﻪ ﻛﺪﻩ ﺟﻮﻩ ﺳﺎﺍﺍﻛﺘﻪ ﺑﻌﺎﻳﻦ ﻟﻴﻬﻮ ﺑﺲ ﻟﻤﺎ ﺟﺎﺕ ﻫﺎﺟﺮ ﺩﺍﺧﻠﻪ ﻭﺳﻠﻤﺖ ﻋﻠﻴﻬﻮ ﻭ ﻗﻌﺪﺕ ﺟﻨﺒﻮ ﻓﻲ ﺍﻟﺴﺮﻳﺮ ﺑﻘﺖ ﺑﺘﺴﺄﻝ ﻓﻴﻬﻮ ﺇﻧﺖ ﺣﺎﺳﻲ ﺑﺸﻨﻮ ، ﺃﻧﺎ ﻛﻨﺖ ﺑﻌﺎﻳﻦ ﻟﻴﻬﻢ ﺍﻹﺗﻨﻴﻦ ﻣﻦ ﺑﻌﻴﺪ ﻭﻣﺎﺳﻜﻪ ﺗﻠﻔﻮﻧﻲ ﻓﻲ ﻳﺪﻱ ﺑﺘﻜﻠﻢ ﻓﻲ ﺍﻟﻮﺍﺗﺴﺎﺏ ﻣﻊ ﺃﺳﻤﺮ ، ﻫﺎﺟﺮ ﻛﺎﻧﺖ ﺳﺎﻳﻘﻪ ﻋﺮﺑﻴﻪ ﺑﻌﺪ ﻋﺒﺪ ﺍﻟﻠﻪ ﺻﺢ ﺻﺢ ﻛﻮﻳﺲ ﺍﺗﺠﻬﺰﻧﺎ ﻭ ﻧﺰﻟﻨﺎ ﺗﺤﺖ ﺍﻧﺎ ﺭﻛﺒﺘﺎ ﻣﻌﺎﻫﺎ ﻗﺪﺍﻡ ﻭﻫﻮ ﻭﺭﺍ ﻓﻲ ﺍﻟﻌﺮﺑﻴﻪ ، ﻛﻨﺖ ﻛﻞ ﻣﺎ ﺍﻋﺎﻳﻦ ﻟﻴﻬﻮ ﺑﺎﻟﻤﺮﺍﻳﻪ ﺑﻠﻘﺎﻫﻮ ﺑﻌﺎﻳﻦ ﻟﻲ ﺑﺲ ﺑﺒﺘﺴﻢ ﻟﻴﻬﻮ ﻭﻗﻠﺒﻲ ﺑﻘﻮﻝ ﻟﻴﻬﻮ ﻋﻠﻴﻚ ﺍﻟﻠﻪ ﻣﺎ ﺗﺤﺒﻨﻲ ﻟﺤﺪﻱ ﻣﺎ ﻭﺻﻠﻨﺎ ﺍﻟﺒﻴﺖ ﻭ ﻧﺰﻟﺘﺎ ﻣﻌﺎﻫﻢ ﻭﺩﺧﻞ ﻏﺮﻓﺘﻮ ﻭﺍﺭﺗﺎﺡ ﻟﻘﻴﺖ ﺧﺎﻟﺘﻮ ﺑﺘﺒﻜﻲ ﺧﻠﻴﺖ ﻫﺎﺟﺮ ﺩﺧﻠﺖ ﻣﻌﺎﻫﻮ ﺍﻟﻐﺮﻓﻪ ﻭ ﺍﻧﺎ ﻗﻌﺪﺕ ﻣﻊ ﺧﺎﻟﺘﻮ ﻗﻠﺘﺎ ﻟﻴﻬﺎ ﻣﺎ ﺗﺒﻜﻲ ﻭﻫﻮ ﺍﻟﻔﺘﺮﻩ ﺩﻱ ﻣﺤﺘﺎﺝ ﻋﻨﺎﻳﻪ ﻭ ﺍﻧﻮ ﻋﻴﻮﻧﻜﻢ ﺗﻜﻮﻥ ﻋﻠﻴﻬﻮ ﻭﺗﺤﺎﻭﻃﻮﻫﻮ ، ﻗﺎﻟﺖ ﻟﻲ ﺑﻘﺪﺭ ! ﺍﻧﺎ ﺧﺎﻳﻔﺎﻫﻮ ﻳﺮﺟﻊ ﺗﺎﻧﻲ ﻗﻠﺖ ﻟﻴﻬﺎ ﺑﻘﺪﺭ ﻟﻮ ﻛﻠﻨﺎ ﻭﻗﻔﻨﺎ ﺟﻨﺒﻮ ﻳﺎﺧﺎﻟﺘﻮ ، ﻫﺎﺟﺮ ﻟﻤﺎ ﻃﻠﻌﺖ ﻭﻟﻘﺘﻨﺎ ﺑﻨﺘﻜﻠﻢ ﻗﺎﻟﺖ ﻟﻲ ﺳﻨﺪﺱ ﺍﻟﻔﺘﺮﻩ ﺩﻱ ﻳﺎﺭﻳﺖ ﺗﻜﻮﻧﻲ ﻗﺮﻳﺒﻪ ﻣﻨﻨﺎ ، ﺃﻧﺎ ﻣﻘﺪﺭﻩ ﻭﺿﻌﻚ ﺍﻹﺗﻜﻠﻤﻨﺎ ﻋﻨﻮ ﻓﻲ ﺍﻟﻤﺴﺘﺸﻔﻰ ﺑﺲ ﻟﻮ ﺳﻤﺤﺘﻲ ﻣﺎ ﺗﺘﻐﻴﺮﻱ ﺍﺗﺠﺎﻩ ﻋﺒﺪ ﺍﻟﻠﻪ ﻋﺸﺎﻥ ﺍﻟﻤﻮﺿﻮﻉ ﺩﻩ ﺇﻋﺘﺒﺮﻱ ﺍﻧﻚ ﻣﺎﻋﺮﻓﺘﻴﻬﻮ ﻭﻫﻮ ﻣﺎﺻﺎﺭﺣﻚ ﺑﺤﺎﺟﻪ ﻣﺎ ﺗﺤﺴﺴﻴﻬﻮ ﺍﻧﻚ ﻋﺎﺭﻓﻪ ، ﻗﻠﺖ ﻟﻴﻬﺎ ﺃﻧﺎ ﻣﺴﺘﺤﻴﻞ ﺃﺧﻠﻴﻬﻮ ﻓﻲ ﺍﻟﻮﺿﻊ ﺍﻟﻬﺴﻲ ﺩﻱ ﻋﺒﺪ ﺍﻟﻠﻪ ﻣﺤﺘﺎﺝ ﻟﻴﻨﺎ ﻛﻠﻨﺎ ﻣﺤﺘﺎﺝ ﻳﺤﺲ ﺑﺎﻷﺳﺮﻩ ﻭ ﺑﻲ ﺍﻻﻫﺘﻤﺎﻡ ﻭﺍﻟﺮﻋﺎﻳﻪ ﻣﺤﺘﺎﺝ ﻳﺤﺲ ﺇﻧﻮ ﺣﻮﻟﻴﻨﻮ ﺃﺻﺤﺎﺏ ﻭﺣﻴﺎﻩ ﻃﺒﻴﻌﻴﻪ .. ﻗﻤﺘﺎ ﻣﻦ ﻣﻜﺎﻧﻲ ﻭﺩﺧﻠﺖ ﺍﻟﻐﺮﻓﻪ ﻟﻴﻬﻮ ﺍﻭﻝ ﻣﺎﺷﺎﻓﻨﻲ ﺍﺑﺘﺴﻢ ﺑﻄﺮﻳﻘﻪ ﻃﺎﻟﻌﻪ ﻣﻦ ﺟﻮﻭﻩ ﻗﻠﺒﻮ ﺍﻟﻔﺮﺣﻪ ﻗﻌﺪﺗﺎ ﻓﻲ ﺍﻟﻜﺮﺳﻲ ﻭﻗﻠﺘﺎ ﻟﻴﻬﻮ ﺍﻧﺖ ﺡ ﺗﺪﻟﻊ ﻛﺘﻴﺮ ﻛﺪﻩ ﻗﺎﻝ ﻟﻲ ﺍﻟﻤﺸﻜﻠﻪ ﻭﻳﻦ ﺃﻧﺎ ﻓﻲ ﺑﻴﺘﻲ ﻣﺎ ﺍﺗﺪﻟﻊ ،، ﻗﻠﺖ ﻟﻴﻬﻮ ﻭﺍﻧﺎ ﺫﻧﺒﻲ ﺷﻨﻮ ﺍﺩﻟﻌﻚ ﻛﻤﺎﻥ ﻗﺎﻝ ﻟﻲ ﺑﺮﺍﺍﻙ ﺍﻟﺠﺎﺭﻳﻪ ﻭﺭﺍﻱ ﻭ ﻻﺣﻘﺎﻧﻲ ﻗﻠﺖ ﻟﻴﻬﻮ ﻫﻬﻬﺎﻱ ﺃﺫﻛﺮﻙ ﺍﻟﺮﺳﺎﻳﻞ ﺑﺘﺎﻋﺖ ﺳﻨﺪﺱ ﺍﻧﺘﻲ ﺯﻋﻼﻧﻪ ﺳﻨﺪﺱ ﺭﺩﻱ ﻋﻠﻲ ﻳﺎﻛﻠﺐ
ﺑﻘﻴﻨﺎ ﺑﻨﻀﺤﻚ ﻋﺸﺎﻥ ﺍﻧﺎ ﺑﺤﺎﻛﻲ ﻓﻴﻬﻮ ، ﻗﺎﻝ ﻟﻲ ﺳﻨﺪﺱ ﺍﻧﺎ ﻋﺎﻳﺰ ﺍﻋﻤﻞ ﻟﻴﻚ ﺗﻮﻛﻴﻞ ﻗﻠﺖ ﻟﻴﻬﻮ ﻋﺎﻳﺰ ﺗﻮﺭﺛﻨﻲ ﺍﻟﺒﻴﺖ ﻗﺒﻞ ﻣﺎ ﺗﻤﻮﺕ ﻗﺎﻝ ﻟﻲ ﺍﻟﺤﻤﺪ ﻟﻠﻪ ﺩﺍﺧﻠﻪ ﻋﻠﻰ ﻃﻤﻊ ﻣﺶ ﻗﻠﺖ ﻟﻴﻬﻮ ﻋﺎﻳﺰ ﺷﻨﻮ ! ﻗﺎﻝ ﻟﻲ ﺍﻋﻤﺎﻣﻲ ﺃﻧﺎ ﻋﺎﻳﺰ ﺍﺳﺘﺮﺩ ﻣﻨﻬﻢ ﺍﻟﻮﺭﺛﻪ ﺍﻟﺸﺎﻟﻮﻫﺎ ﺍﻟﻮﺭﺛﻪ ﺗﺘﻮﺯﻉ ﺑﺎﻟﺸﺮﻉ ﺑﺲ ﻭﺍﻣﻼﻛﻲ ﺗﺮﺟﻊ ﻟﻲ ﻛﻠﻬﺎ ﺍﻟﻔﺘﺮﻩ ﺩﻱ ﺃﻧﺎ ﻛﻮﻳﺲ ﺟﺪﺍ ﺣﺘﻰ ﻟﻮ ﺣﺎﻭﻟﻮﺍ ﻳﺴﺘﻐﻠﻮﺍ ﺣﻜﺎﻳﺔ ﺍﻟﻤﺨﺪﺭﺍﺕ ﺡ ﻳﻌﻤﻠﻮﺍ ﻓﺤﺺ ﻭ ﻣﺎ ﺣﻴﻠﻘﻮﺍ ﺷﻲ ، ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﻗﺼﺪﻙ ﺷﻨﻮ ﺑﺎﻟﻔﺘﺮﻩ ﺩﻱ ؟ ﻗﺎﻝ ﻟﻲ ﻳﻌﻨﻲ ﻋﺸﺎﻥ ﻃﺎﻟﻊ ﻣﻦ ﺍﻟﻌﻤﻠﻴﻪ؛ ﻗﻠﺘﺎ ﻟﻴﻬﻮ ﻻ ﻋﺒﺪ ﺍﻟﻠﻪ ﻗﺼﺪﻙ ﺍﻧﻮ ﻣﻤﻜﻦ ﺗﺮﺟﻊ ﺗﺎﻧﻲ؟ ﻗﺎﻝ ﻟﻲ ﻣﺎ ﺡ ﺍﺭﺟﻊ ﻗﺼﺪﻱ ﺑﺲ ﻋﺸﺎﻥ ﺟﺴﻤﻲ ﻣﺎﻓﻴﻬﻮ ﺫﺭﺓ ﻛﺤﻮﻝ ﺣﺎﻟﻴﺎ ، ﻗﻠﺖ ﻟﻴﻬﻮ ﺣﺎﻟﻴﺎ ! ﻗﺎﻝ ﻟﻲ ﺑﺘﻌﺼﺐ ﺳﻨﺪﺱ ﻣﺎ ﺗﺰﻫﺠﻴﻨﻲ ﺍﻧﺘﻲ ﻛﺎﻥ ﻣﺎ ﻭﺍﺛﻘﻪ ﻓﻴﻨﻲ ﻣﺸﻴﺘﻲ ﻣﻌﺎﻱ ﺍﻟﻌﻤﻠﻴﻪ ﻟﻴﻪ ؟ ﻗﻠﺖ ﻟﻴﻬﻮ ﺍﻧﺖ ﺍﻟﺨﻠﻴﺘﻨﻲ ﻫﺴﻲ ﺍﺑﺪﺍ ﺍﺷﻚ ﻓﻴﻚ ، ﻗﺎﻝ ﻟﻲ ﺍﻋﻤﻠﻲ ﺍﻟﻘﻠﺘﻮ ﻟﻴﻚ ﺑﺲ ﻗﻠﺘﺎ ﻟﻴﻬﻮ ﺗﻤﺎﻡ ﺡ ﺍﻣﺴﻚ ﺍﻟﻘﻀﻴﻪ ﺑﺘﺎﻋﺘﻚ ﻟﻲ ﻣﺤﺎﻣﻲ ﺍﺷﻄﺮ ﻣﻨﻲ ﺑﻜﺘﻴﺮ ﻋﺸﺎﻥ ﺍﻋﻤﺎﻣﻚ ﺩﻳﻞ ﺧﺒﻴﺜﻴﻦ ﺩﺍﻳﺮ ﺭﺍﺟﻞ ، ﻗﺎﻝ ﻟﻲ ﻃﻴﺐ ﺷﻮﻓﻲ ﺍﻟﻼﺯﻡ ﺑﺲ ﻭﻣﺎ ﺗﺨﺎﻓﻲ ﺣﺄﺣﺎﺳﺒﻚ ﺑﻌﺪﻳﻦ ﻗﻠﺖ ﻟﻴﻬﻮ ﻭﺍﻥ ﺷﺎﺀ ﺍﻟﻠﻪ ﻗﺎﻳﻠﻨﻲ ﺑﻀﻴﻊ ﻟﻴﻚ ﺣﻘﻲ ﻳﺎ ﻓﺎﻟﺢ .. ﻗﺪﺍﻣﻮ ﺷﻠﺘﺎ ﺍﻟﺘﻠﻔﻮﻥ ﻭ ﺍﺗﺼﻠﺖ ﻋﻠﻰ ﻣﺤﺎﻣﻲ ﺷﺎﻃﺮ ﺍﺳﻤﻮ ﻣﺤﻤﺪ ﻛﺎﻥ ﻣﻌﺮﻭﻑ ﺧﺼﻮﺻﺎ ﻓﻲ ﻗﻀﺎﻳﺎ ﺍﻟﻤﻴﺮﺍﺙ ﺩﻱ .. ﺍﺗﻜﻠﻤﺖ ﻣﻌﺎﻫﻮ ﻗﺪﺍﻡ ﻋﺒﺪ ﺍﻟﻠﻪ ﻭ ﺷﺮﺣﺘﺎ ﻟﻴﻬﻮ ﺍﻟﺤﺎﻟﻪ ﺑﺘﺎﻋﺘﻨﺎ ﻗﺎﻝ ﻟﻲ ﻣﺎﻋﻨﺪﻭ ﻣﺎﻧﻊ ﻳﻤﺴﻜﻬﺎ ﻭ ﺣﺎﻟﻪ ﻋﺒﺪ ﺍﻟﻠﻪ ﻻﻗﺘﻮ ﻛﺘﻴﺮ ﻛﻞ ﺍﻟﻌﻠﻴﻨﺎ ﻧﺠﻴﺐ ﺗﻘﺎﺭﻳﺮ ﺍﻟﻄﺐ ﺍﻟﺸﺮﻋﻲ ﻭﻧﺮﻓﻊ ﻋﻠﻴﻬﻢ ﺩﻋﻮﻯ ﻣﻦ ﺍﻭﻝ ﺟﻠﺴﺘﻴﻦ ﺍﻟﻤﻴﺮﺍﺙ ﺣﻴﺘﻘﺴﻢ ﻣﻦ ﺍﻭﻝ ﻭﺟﺪﻳﺪ ﺍﻟﻤﻮﺿﻮﻉ ﻣﺎﻓﻴﻬﻮ ﺟﺮﺟﺮﻩ ﻃﺎﻟﻤﺎ ﺍﻟﻮﻟﺪ ﻣﺎ ﻣﺪﻣﻦ ﻭﻣﺎﻓﻲ ﺣﺎﺟﻪ ﺗﺜﺒﺖ ﺍﻧﻮ ﻣﺪﻣﻦ ﻭﻃﺎﻟﻤﺎ ﻫﻮ ﺍﻟﻮﻟﺪ ﺍﻟﻮﺣﻴﺪ ﻑ ﻣﻦ ﻧﺼﻴﺒﻮ ﻛﻞ ﺣﺎﺟﻪ ، ﻋﺒﺪ ﺍﻟﻠﻪ ﻛﺎﻥ ﺳﺎﻣﻊ ﻛﻼﻡ ﺍﻟﻤﺤﺎﻣﻲ ﻗﻠﺖ ﻟﻴﻬﻮ ﺍﻻﻗﻴﻚ ﻭﻳﻦ ﻳﺎ ﻣﻮﻻﻧﺎ؟ ﻗﺎﻝ ﻟﻲ ﺑﻌﺪ ﺍﻟﻌﺼﺮ ﻛﺪﻩ ﺑﺠﻲ ﻣﺎﺭﻱ ﻋﻠﻴﻚ ﻓﻲ ﺍﻟﻤﻜﺘﺐ ﺑﻌﺪﻳﻦ ﺍﻧﺘﻲ ﺯﻭﻟﻪ ﺷﺎﺍﻃﺮﻩ ﻭﻣﺎﺷﺎﺀ ﺍﻟﻠﻪ ﻋﻠﻴﻚ ﻳﺎﺳﻨﺪﺱ ﻟﻴﻪ ﻣﺎ ﻋﺎﻳﺰﺓ ﺗﻤﺴﻜﻴﻬﺎ ﻗﻠﺖ ﻟﻴﻬﻮ ﻷﻧﻮ ﻛﻠﻬﻢ ﺍﻋﻤﺎﻡ ﻓﻤﺎ ﻋﺎﻳﺰﺓ ﻳﺴﺘﻐﻠﻮﺍ ﺣﻜﺎﻳﺔ ﺍﻧﻲ ﻣﺤﺎﻣﻴﻪ ﺑﻨﺖ ﻭﻣﺎ ﺣﺎﺑﻪ ﺍﻇﻬﺮ ﻗﺪﺍﻣﻬﻢ ، ﻗﺎﻝ ﻟﻲ ﺗﻤﺎﻡ ، ﻗﻠﺖ ﻟﻲ ﻋﺒﺪ ﺍﻟﻠﻪ ﺍﻧﺎ ﺣﺎﻃﻠﻊ ﻋﺸﺎﻥ ﺍﻣﺸﻲ ﺍﻟﺒﻴﺖ ﺍﺭﺗﺎﺡ ﺷﻮﻳﻪ ﻭﺑﻌﺪﻫﺎ ﺣﺎﻣﺸﻲ ﺍﻟﻤﻜﺘﺐ ﺍﻻﻗﻴﻬﻮ ، ﻗﺎﻝ ﻟﻲ ﻣﺎ ﺗﻄﻠﻌﻲ ﻫﺴﻲ ﺧﻠﻴﻚ ﻗﻠﺘﺎ ﻟﻴﻬﻮ ﺍﻣﻤﻢ ﻟﻜﻦ ﻃﺒﻌﺎ ﺍﺗﻮﺗﺮﺭﺗﺎ ﻻﻧﻮ ﻛﻼﻡ ﻫﺎﺟﺮ ﻓﻲ ﺭﺍﺳﻲ ﻟﻶﻥ ﻗﻠﺘﺎ ﻟﻴﻬﻮ ﻋﺸﺎﻥ ﺍﻟﺰﻣﻦ ﻣﺎﺑﻜﻔﻲ ﺧﻠﻴﻨﻲ ﺍﻣﺸﻲ ﻳﻼ ﻣﻊ ﺍﻟﺴﻼﻣﻪ ، ﺯﻏﺘﺎ ﻃﻠﻌﺘﺎ ﺍﻟﺸﺎﺭﻉ ﻛﻠﻮ ﻣﺎﺷﻪ ﻭﺑﻔﻜﺮ ﺃﺳﻤﺮ ﻛﺎﻥ ﺑﻲ ﻭﺭﺍﻱ ﻓﻲ ﺍﻟﻌﺮﺑﻴﻪ ﻭﺑﻀﺮﺏ ﻟﻲ ﺑﻮﺭﻱ ﻭﺍﻧﺎ ﻣﺎ ﺳﺎﻣﻌﻪ ﻻﻧﻲ ﺷﺎﺍﺍﺭﺩﻩ ﻟﻤﺎ ﻗﺮﺏ ﻭﻓﺘﺢ ﺍﻟﻘﺰﺍﺯ ﻗﺎﻝ ﻟﻲ ﺍﻟﺤﻠﻮ ﻣﺎﺷﻲ ﻭﻳﻦ ! ﺍﻓﺘﻜﺮﺗﻮ ﻭﺍﺣﺪ ﻗﻠﻴﻞ ﺍﺩﺏ ﺑﺸﺎﻏﻞ ﺍﺗﻠﻔﺘﺎ ﺍﺷﺎﻛﻠﻮﺍ ﻟﻤﺎ ﻟﻘﻴﺘﻮ ﻫﻮ ﺿﺤﻜﺘﺎ ﻭﺭﻛﺒﺘﺎ ﻣﻌﺎﻫﻮ ﻗﻠﺖ ﻟﻴﻬﻮ ﻻﻓﻲ ﻭﻳﻦ ﺍﻧﺖ ! ﺍﺭﺡ ﻭﺻﻠﻨﻲ ﺍﻟﺒﻴﺖ ﻗﺎﻝ ﻟﻲ ﻻ ﺍﻧﺎ ﻋﺎﻳﺰ ﺍﺧﻄﻔﻚ ﻳﺎﺥ ﺍﺷﺘﻘﺖ ﺍﻗﻌﺪ ﻣﻌﺎﻙ ﻣﺸﻐﻮﻟﻪ ﻓﻲ ﺷﻨﻮ ﺩﻩ ﻛﻠﻮ ! ﻗﻠﺘﺎ ﻟﻴﻬﻮ ﺍﺳﻤﺮ ﻭﺻﻠﻨﻲ ﺍﻟﺒﻴﺖ .. ﺍﻧﺎ ﺑﺘﺠﺎﺩﻝ ﻣﻌﺎﻫﻮ ﻭﻫﻮ ﻻﻓﻲ ﻟﻤﺎ ﻭﺻﻠﻨﺎ ﺍﻟﺮﻳﺎﺽ ﻧﺰﻟﻨﺎ ﺍﻭﺯﻭﻥ ﻃﻠﺐ ﻟﻴﻨﺎ ﺍﻛﻞ ﻭ ﻗﻌﺪﻧﺎ ، ﻛﻨﺖ ﻣﺮﻫﻘﻪ ﺷﺪﻳﺪ ﺍﻟﻴﻮﻡ ﺩﺍﻙ ﻗﻠﺖ ﻟﻴﻬﻮ ﺍﺭﺗﺤﺘﺎ ﻛﺪﻩ ﺍﻧﺎ ﻋﻨﺪﻱ ﻣﺸﻮﺍﺭ ﻭﻛﺎﻥ ﻧﻔﺴﻲ ﺍﻧﻮﻡ ﻳﺎﺥ ﻗﺎﻝ ﻟﻲ ﻭﺑﺎﻟﻨﺴﺒﻪ ﻟﻲ ﻣﺎ ﺍﺷﻮﻓﻚ ﻳﻌﻨﻲ ، ﺍﻟﺘﻠﻔﻮﻥ ﺿﺮﺏ ﻭﻛﺎﻥ ﺍﻟﻤﺤﺎﻣﻲ ﻣﺤﻤﺪ ﺭﺩﻳﺖ ﻋﻠﻴﻬﻮ ﻗﺎﻝ ﻟﻲ ﺳﻨﺪﺱ ﻛﺪﻱ ﺭﺳﻠﻲ ﻟﻲ ﺭﻗﻢ ﺍﻟﻮﻟﺪ ﻋﺒﺪ ﺍﻟﻠﻪ ﻗﻠﺖ ﻟﻴﻬﻮ ﺗﻤﺎﻡ ﻭ ﻗﻤﺘﺎ ﺭﺳﻠﺘﻮ ﻟﻴﻬﻮ ، ﺍﺳﻤﺮ ﻗﺎﻝ ﻟﻲ ﻓﻲ ﺷﻨﻮ ؟ ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﺑﺲ ﻋﻨﺪﻭ ﻗﻀﻴﻪ ﻗﺎﻝ ﻟﻲ ﺗﺎﺍﺍﻧﻲ ﻋﺒﺪ ﺍﻟﻠﻪ ﺩﻩ ! ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﻋﻤﻞ ﻏﺴﻴﻞ ﻭ ﻫﻮ ﺣﺎﻟﻴﺎ ﺑﺘﻌﺎﻓﻰ ﻣﻦ ﺍﻻﺩﻣﺎﻥ ﻭﻋﺎﻳﺰ ﻳﺮﺟﻊ ﺣﻘﻮﻗﻮ ، ﻻﺣﻈﺘﺎ ﻟﻲ ﺃﺳﻤﺮ ﻣﻼﻣﺤﻮ ﺇﺗﻐﻴﺮﺕ ﻭ ﺻﺮ ﻭﻏﻀﺐ ، ﻗﻤﺖ ﻗﻠﺘﺎ ﻟﻴﻬﻮ ﺧﻼﺹ ﻣﺎ ﺗﺰﻫﺞ ﺡ ﺍﻗﻌﺪ ﻣﻌﺎﻙ ﻣﺎ ﺣﺎﻣﺸﻲ ﻗﺎﻝ ﻟﻲ ﺳﻨﺪﺱ ﺍﻟﻮﻟﺪ ﺩﻩ ﻣﺎ ﺡ ﻳﺴﻴﺐ ﺍﻹﺩﻣﺎﻥ ﻫﺴﻲ ﺍﻓﺘﺮﺿﻲ ﻳﻮﻡ ﻭﻫﻮ ﺳﻜﺮﺍﻥ ﻋﻤﻞ ﻟﻴﻚ ﺣﺎﺟﻪ ﺍﻣﺸﻲ ﻭﻳﻦ ﺍﻧﺎ ؟ ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﻟﻮ ﺟﻨﺎ ﻣﺎ ﺡ ﻳﺄﺫﻳﻨﻲ ﻗﺎﻝ ﻟﻲ ﻟﻴﻪ ؟ ﻗﻠﺖ ﻟﻴﻬﻮ ﻷﻧﻮ ﺑﺤﺒﻨﻲ ﻭﺍﻟﺒﺤﺐ ﺯﻭﻝ ﻣﺎ ﺑﻴﺄﺫﻳﻬﻮ ﻳﺎ ﺃﺳﻤﺮ ﻣﺎﺑﻴﺄﺫﻳﻬﻮ ﻓﻬﻤﺘﺎ ! ﻗﺎﻡ ﻋﻠﻰ ﺣﻴﻠﻮ ﻭﻗﺎﻝ ﻟﻲ ﻓﻬﻤﺘﺎ ﻫﺴﻲ ﺑﺲ ﻭ ﺭﻣﻰ ﺍﻟﻘﺮﻭﺵ ﻭﻃﻠﻊ ﺧﻼﻧﻲ ، ﻣﺎ ﻗﺪﺭﺕ ﺍﻛﻞ ﻭﻻ ﺍﻣﺸﻲ ﻟﻠﻤﺤﺎﻣﻲ ﻛﻨﺖ ﺯﻫﺠﺎﻧﻪ ﻭﻗﺮﻓﺎﻧﻪ ﻣﻦ ﺍﻱ ﺷﻲ ﺭﺟﻌﺖ ﺍﻟﺒﻴﺖ ﻭ ﺭﺳﻠﺖ ﻟﻲ ﺍﺳﻤﺮ ﻋﻠﻰ ﻗﻜﺮﻩ ﺣﺮﻛﺔ ﺍﻧﻚ ﺗﺨﻠﻴﻨﻲ ﻓﻲ ﺍﻟﻤﻄﻌﻢ ﺑﺮﺍﺍﻱ ﻭﺍﻧﺖ ﺍﻟﺴﻘﺘﻨﻲ ﺩﻱ ﺣﺮﻛﻪ ﻣﺎ ﻇﺮﻳﻔﻪ ﻣﻨﻚ ، ﺭﺩ ﻟﻲ ﻭﻟﻤﺎ ﺍﻧﺘﻲ ﺗﻄﻠﻌﻲ ﻭﺗﻨﺰﻟﻲ ﻣﻊ ﻭﺍﺣﺪ ﻋﺎﺭﻓﺎﻫﻮ ﺩﺍﻳﺮﻙ ﺣﺮﻛﻪ ﻇﺮﻳﻔﻪ ﻣﻨﻚ؟ ﻗﻤﺘﺎ ﺿﺮﺑﺘﺎ ﻟﻴﻬﻮ ﺍﻭﻝ ﻣﺎﺭﺩﺍ ﻗﻠﺖ ﻟﻴﻬﻮ ﻣﺎ ﺗﺮﺑﻂ ﺍﻟﻤﻮﺍﺿﻴﻊ ﺑﺒﻌﺾ ﻗﺎﻝ ﻟﻲ ﺍﻧﺘﻲ ﺑﺮﺍﻙ ﺍﻟﺒﺘﺠﻴﺒﻲ ﺍﻟﻤﺸﺎﻛﻞ ﻟﻨﻔﺴﻚ ﻗﻠﺖ ﻟﻴﻬﻮ ﺍﻧﺖ ﻋﺎﺭﻑ ﺍﻧﻮ ﻫﻮ ﺻﺤﺒﻲ ﺑﺲ ﻭﻫﺴﻲ ﻣﺤﺘﺎﺝ ﻟﻲ ﻟﻮ ﻣﺎﻟﻘﺎﻧﻲ ﻫﺴﻲ ﺣﻴﻠﻘﺎﻧﻲ ﺑﺘﻴﻦ ﻳﻌﻨﻲ ! ﻗﺎﻝ ﻟﻲ ﺍﻧﺎ ﻣﺎ ﻣﺮﺗﺎﺡ ﻟﻲ ﻋﻼﻗﺘﻚ ﻣﻌﺎﻫﻮ ﻗﻠﺘﺎ ﻟﻴﻬﻮ ﺍﻧﺎ ﺍﻋﻤﻞ ﺷﻨﻮ ﻳﻌﻨﻲ ﻣﺜﻼ؟ ﻗﺎﻝ ﻟﻲ ﺍﻗﻄﻌﻴﻬﺎ ﺑﺲ ! ﻗﻠﺖ ﻟﻴﻬﻮ ﺍﺳﻤﺮ؟ ﻗﺎﻝ ﻟﻲ ﻣﺎ ﺡ ﺗﻌﻤﻠﻲ ﻛﺪﻩ ﻭﻟﻮ ﻋﺸﺎﻧﻲ؟ ﻗﻠﺖ ﻟﻴﻬﻮ ﻣﺎ ﺡ ﺍﻋﻤﻞ ﻗﺎﻡ ﻗﻔﻞ ﺍﻟﺨﻂ ﻓﻲ ﻭﺷﻲ ، ﻏﻀﺒﺖ ﻏﻀﺐ ﺍﻟﺴﺎﻋﻪ ﺩﻳﻚ ﺷﻠﺘﺎ ﺍﻟﻜﺒﺎﻳﻪ ﺿﺮﺑﺖ ﺑﻴﻬﺎ ﺍﻟﺤﻴﻄﻪ ﻛﺴﺮﺗﻬﺎ ، ﺗﻠﻔﻮﻧﻲ ﺭﻥ ﺍﺑﻴﺖ ﺍﺭﺩ ﺭﻣﻴﺘﻮ ﺑﺮﺿﻮ ﺑﻌﻴﺪ ﻭ ﺭﻗﺪﺗﺎ ﺯﻋﻼﻧﻪ ﻭﻛﻨﺖ ﻣﺮﻫﻘﻪ ﺷﺪﻳﺪ ، ﻃﺒﻌﺎ ﻧﺴﻴﺖ ﻛﻠﻮ ﻛﻠﻮ ﻋﺒﺪ ﺍﻟﻠﻪ ﻭﺍﻟﻤﺤﺎﻣﻲ ﻭﺍﺗﺎﺭﻱ ﺍﻟﻜﺎﻥ ﺑﺘﺼﻞ ﻛﺘﻴﺮ ﻋﺒﺪ ﺍﻟﻠﻪ ﻣﺎ ﺍﺳﻤﺮ .. ﻟﻤﺎ ﺻﺤﻴﺖ ﺍﻟﺼﺒﺎﺡ ﺑﺪﺭﻱ ﻣﺸﻴﺖ ﺍﻟﺸﻐﻞ ﻟﻘﻴﺖ ﻧﻤﺎﺭﻕ ﻣﺴﺘﻨﻴﺎﻧﻲ ﻗﺎﻟﺖ ﻟﻲ ﺳﻨﺪﺱ ﻛﻨﺘﻲ ﻭﻳﻦ ﺍﻧﺘﻲ ﺍﻣﺒﺎﺭﺡ ؟ ﻗﻠﺖ ﻟﻴﻬﺎ ﻛﻨﺖ ﻓﻲ ﺑﻴﺘﻨﺎ ﻳﻌﻨﻲ ﺡ ﺍﻛﻮﻥ ﻭﻳﻦ ﻗﺎﻟﺖ ﻟﻲ ﺗﻠﻔﻮﻥ ﺍﻟﻤﻜﺘﺐ ﺩﻩ ﻣﺎ ﻫﺪﺍ ﻭ ﺑﻌﺪﻳﻦ ﻣﻮﻻﻧﺎ ﻣﺤﻤﺪ ﺟﺎ ﺳﺄﻝ ﻣﻨﻚ ﻭﺍﻧﺘﻈﺮﻙ ﻭﺍﻧﺘﻲ ﻣﺎ ﺟﻴﺘﻲ ﻗﺎﻝ ﻟﻲ ﻛﻠﻤﻴﻬﺎ ﺍﻧﻲ ﺟﻴﺖ ﺿﺮﻭﺭﻱ ﻗﻠﺖ ﻟﻴﻬﺎ ﻭﺍﺍﺍﻱ ﻳﺎﻧﻤﺎﺭﻕ ﺍﻧﺘﻲ ﻋﺎﺭﻓﻪ ﻣﺎﺷﻔﺖ ﺗﻠﻔﻮﻧﻲ ﻣﻦ ﺍﻣﺒﺎﺭﺡ ﻟﻤﺎ ﻃﻠﻌﺖ ﺍﻟﺘﻠﻔﻮﻥ ﻣﻦ ﺍﻟﺸﻨﻄﻪ ﻟﻘﻴﺖ ﻛﻤﻴﻴﻪ ﻣﻦ ﺍﻟﻤﻜﺎﻟﻤﺎﺕ ﻭ ﺍﻟﺮﺳﺎﻳﻞ ﻭﺍﻛﺘﺮ ﺍﻟﻤﻜﺎﻟﻤﺎﺕ ﻋﺒﺪ ﺍﻟﻠﻪ ﻛﺎﻥ ﻣﺮﺳﻞ ﻟﻲ ﺭﺳﺎﻟﻪ " ﺍﻧﺎ ﺣﺴﻴﺖ ﺑﻴﻚ ﻓﻲ ﺑﻴﺘﻨﺎ ﺍﻧﻚ ﻣﺎﻋﺎﻳﺰﺓ ﺗﺪﺧﻠﻲ ﻓﻲ ﺍﻟﻘﻀﻴﻪ ﻋﻤﻮﻣﺎ ﺍﺳﻒ ﻟﻮ ﺍﺯﻋﺠﺘﻚ ﻭ ﺍﻟﻤﺤﺎﻣﻲ ﺍﺗﺼﻞ ﻋﻠﻲ ﻭ ﻗﺎﻝ ﺍﻧﻚ ﻣﺎﺭﺩﻳﺘﻲ ﺍﺭﺟﻌﻲ ﻟﻴﻬﻮ ﻭﺍﻋﺘﺬﺭﻱ ﻋﻦ ﺍﻟﻘﻀﻴﻪ ﺑﺲ "
ﻋﺮﻓﺘﺎ ﺍﻧﻮ ﺯﻋﻼﻥ ﻭﻓﻬﻢ ﻏﻠﻂ ، ﺭﺟﻌﺘﺎ ﻟﻲ ﻣﺤﻤﺪ ﺳﺮﻳﻴﻊ ﻭ ﺍﺗﻜﻠﻤﺖ ﻣﻌﺎﻫﻮ ﺍﻋﺘﺬﺭﺗﺎ ﻟﻴﻬﻮ ﺍﻧﻲ ﻣﺎﺭﺩﻳﺖ ﻭﻗﻠﺖ ﻟﻴﻬﻮ ﻻﺯﻡ ﺍﺷﻮﻓﻚ ﻫﺴﻲ .. ﻻﻗﻴﺘﻮ ﻓﻲ ﻣﻜﺘﺒﻮ ﻣﺸﻴﺖ ﻟﻴﻬﻮ ﻗﻌﺪﺗﺎ ﻣﻌﺎﻫﻮ ﻭﺷﺮﺡ ﻟﻲ ﺡ ﻳﻌﻤﻞ ﺷﻨﻮ ﻓﻲ ﺍﻟﻘﻀﻴﻪ ﻃﻠﺐ ﻣﻨﻲ ﺗﻘﺎﺭﻳﺮ ﺍﻟﻤﺴﺘﻔﻰ ﻭ ﻛﺎﻥ ﻻﺯﻡ ﺍﻣﺸﻲ ﻟﺪﻛﺘﻮﺭ ﻃﺎﺭﻕ ﻃﻠﻊ ﻟﻲ ﻓﺤﻮﺻﺎﺕ ﻋﺒﺪ ﺍﻟﻠﻪ ﺍﻟﻨﻀﻴﻔﻪ ﻛﻠﻬﺎ ﺑﻲ ﻛﺪﻩ ﺣﺘﻰ ﺍﻟﻤﺤﺎﻣﻲ ﻗﺪﻡ ﺍﻟﻮﺭﻕ ﻟﻠﻤﺤﻜﻤﻪ ﻭ ﻃﻠﻌﺖ ﻃﻠﺐ ﺣﻀﻮﺭ ﻟﻲ ﻛﻞ ﺍﻋﻤﺎﻡ ﻋﺒﺪ ﺍﻟﻠﻪ ﺍﻻﺭﺑﻌﻪ ، ﻭﻟﻲ ﻋﺒﺪ ﺍﻟﻠﻪ ﺷﻠﺖ ﺍﻟﻨﺸﺮﻩ ﻣﻦ ﺍﻟﻤﺤﺎﻣﻲ ﻭ ﻣﺸﻴﺖ ﻟﻲ ﺑﻴﺖ ﻋﺒﺪ ﺍﻟﻠﻪ ، ﻓﺘﺤﺖ ﻟﻲ ﻫﺎﺟﺮ ﺳﻠﻤﺖ ﻋﻠﻴﻬﺎ ﻭﻣﺎ ﻛﺎﻧﺖ ﻋﻠﻰ ﺑﻌﻀﻬﺎ ﻗﻠﺖ ﻟﻴﻬﺎ ﻣﺎﻟﻚ ! ﻗﺎﻟﺖ ﻟﻲ ﻋﺒﺪ ﺍﻟﻠﻪ ﻣﻦ ﺍﻟﺼﺒﺎﺡ ﺣﺎﻟﺘﻮ ﻏﺮﻳﺒﻪ ﺟﺒﻨﺎ ﺩﻛﺘﻮﺭ ﻳﺸﻮﻓﻮ ﻭ ﻗﺎﻝ ﻟﻲ ﺍﻧﻮ ﺣﺎﻟﺘﻮ ﻃﺒﻴﻌﻴﻪ ﺑﺲ ﻫﻮ ﺑﺤﻚ ﻭ ﺑﻜﺮﺵ ﻓﻲ ﺟﺴﻤﻮ ﻭﻳﺪﻳﻨﻮ ﺑﻄﺮﻳﻘﻪ ﻣﺨﻴﻔﻪ ،، ﻗﻤﺘﺎ ﺟﺮﻳﺖ ﻋﻠﻰ ﺍﻟﺴﻠﻢ ﻧﺰﻟﺘﺎ ﻟﻠﺸﻘﻬﺎ ﺍﻟﺘﺤﺖ ﺩﺧﻠﺘﺎ ﻏﺮﻓﺘﻮ ﻟﻘﻴﺘﻮ ﺭﺍﻣﻲ ﺻﻴﻨﻴﺔ ﺍﻻﻛﻞ ﻓﻲ ﺍﻻﺭﺽ ﻭﺍﺳﺎﺳﺎ ﺷﻜﻠﻮ ﺑﺨﻮﻑ ﻭﻣﺎ ﻣﻔﺮﻭﺽ ﺯﻭﻝ ﻳﻘﺮﺏ ﻋﻠﻴﻬﻮ ﻟﻤﺎ ﻧﺎﺩﻳﺘﻮ ﻋﺒﺪ ﺍﻟﻠﻪ ! ﺍﺗﻠﻔﺖ ﻋﻠﻲ ﻏﻀﺒﺎﻥ ﻗﺎﻝ ﻟﻲ ﺟﻴﺘﻲ ﻟﻴﻪ ﺍﻧﺘﻲ ﺍﻃﻠﻌﻲ ﺑﺮﻩ ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﺍﻧﺎ ﻣﺎ ﺧﻼﻧﻲ ﺍﺗﻢ ﻛﻼﻣﻲ ﺳﺎﻗﻨﻲ ﻣﻦ ﻳﺪﻱ ﻗﺪﺍﻡ ﺧﺎﻟﺘﻮ ﻭﻫﺎﺟﺮ ﻭﺣﺒﻮﺑﺘﻮ ﻛﺎﻧﻮﺍ ﻓﻲ ﺍﻟﺼﺎﻟﻪ ﻓﻮﻕ .. ﺟﺎﺭﻳﻨﻲ ﺍﻟﺴﻠﻢ ﻛﻠﻮ ﻗﺎﻝ ﻟﻴﻬﻢ ﻃﻠﻌﻮﻫﺎ ﺑﺮﻩ ﻭﺗﺎﻧﻲ ﻣﺎ ﺗﻔﺘﺤﻮ ﻟﻴﻬﺎ ﺍﻟﺒﺎﺏ ﻭﻧﺰﻝ ﺩﺧﻞ ، ﺧﺎﻟﺘﻮ ﺩﻱ ﺩﻣﻮﻋﻬﺎ ﺟﺮﺕ ﻭﻫﺎﺟﺮ ﺍﺗﺤﺮﺟﺖ ﻣﻦ ﺍﻟﻤﻮﻗﻒ ﻭﺣﺒﻮﺑﺘﻮ ﺑﺲ ﺑﻘﺖ ﺑﺘﻌﺎﻳﻦ ﻟﻲ ﻣﺎ ﻗﺎﺩﺭﻩ ﺗﻌﺘﺬﺭ ﻭﺧﺠﻼﻧﻴﻦ ﻣﻨﻲ ، ﺑﻌﺪ ﺍﻟﻤﻮﻗﻒ ﺍﻟﻤﺤﺮﺝ ﺩﻩ ﻗﺮﺭﺗﺎ ﻣﺎ ﺍﺯﻋﻞ ﻭ ﻗﻌﺪﺗﺎ ﻣﻌﺎﻫﻢ ﻓﻲ ﺍﻟﺼﺎﻟﻪ ، ﻛﻠﻨﺎ ﻣﺘﻤﺤﻨﻴﻦ ﺑﺲ ﺑﻨﻌﺎﻳﻦ ﻓﻲ ﺍﻻﺭﺽ ﺑﻌﺪ ﺳﺎﻋﺘﻴﻦ ﺷﻠﺘﺎ ﺍﻟﻮﺭﻗﻪ ﺑﺘﺎﻋﺖ ﺍﻟﻤﺤﻜﻤﻪ ﻭﻧﺰﻟﺘﺎ ﻟﻴﻬﻮ ﺗﺤﺖ ﻗﺎﻟﺖ ﻟﻲ ﻫﺎﺟﺮ ﻣﺎ ﺗﻨﺰﻟﻲ ﻋﻠﻴﻚ ﺍﻟﻠﻪ ﻳﺎﺳﻨﺪﺱ ﻗﻠﺖ ﻟﻴﻬﺎ ﺡ ﺍﻧﻮﻝ ﻭﻣﺎﻓﻲ ﺯﻭﻝ ﻣﻨﻜﻢ ﻳﻠﺤﻘﻨﻲ ﺍﻟﺤﺒﻮﺑﻪ ﻗﺎﻟﺖ ﻟﻴﻬﺎ ﺧﻠﻴﻬﺎ ، ﻧﺰﻟﺖ ﻛﺎﻥ ﻗﺎﻓﻞ ﺑﺎﺏ ﺍﻟﺸﻘﻪ ﻛﻠﻮ ﻛﻠﻮ ، ﺑﻘﻴﺖ ﺑﺪﻕ ﺟﺎ ﺟﻨﺐ ﺍﻟﺒﺎﺏ ﻗﺎﻝ ﻟﻲ ﻣﻨﻮ ! ﻗﻠﺖ ﻟﻴﻬﻮ ﺍﻧﺎ ﺍﻓﺘﺢ ﻟﻲ ﻗﺎﻝ ﻟﻲ ﺭﺟﻌﺘﻲ ﻟﻴﻪ ! ﻗﻠﺖ ﻟﻴﻬﻮ ﻋﺸﺎﻥ ﺍﺷﻴﻞ ﻗﺮﻭﺷﻲ ﻣﻨﻚ ، ﻓﺘﺢ ﻟﻲ ﻭﻟﺴﻪ ﺻﺎﺭﻱ .. ﺩﺧﻠﺘﺎ ﺟﻮﻩ ﻗﺎﻝ ﻟﻲ ﻗﺮﻭﺷﻚ ﻛﻢ ﺣﻘﺖ ﻭﺭﻗﺔ ﺍﻟﻤﺤﻜﻤﻪ ﺩﻱ ! ﻗﻤﺘﺎ ﻗﻌﺪﺗﺎ ﻓﻲ ﺍﻻﺭﺽ ﻭ ﺑﻘﻴﺖ ﺑﺒﻜﻲ ، ﻃﺒﻌﺎ ﻫﻮ ﻭﺍﻗﻒ ﻣﺎﻋﺎﺭﻑ ﻳﻌﻤﻞ ﺷﻨﻮ ﻗﺎﻝ ﻟﻲ ﺑﺘﺒﻜﻲ ﻣﺎﻟﻚ ﻫﺴﻲ ! ﻗﻠﺖ ﻟﻴﻬﻮ ﻓﺘﺮﺗﺎ ﻗﺎﻝ ﻟﻲ ﺍﻧﺎ ﻣﺶ ﻃﻠﻌﺘﻚ ﻋﺸﺎﻥ ﺍﻧﺘﻲ ﻓﺘﺮﺗﻲ؟ ﻗﻠﺖ ﻟﻴﻬﻮ ﺍﻧﺎ ﻓﺘﺮﺗﺎ ﻣﻦ ﺍﻟﻄﺮﺩ ﺍﻧﺖ ﻟﻴﻪ ﺑﺘﻌﺎﻣﻠﻨﻲ ﻛﺪﻩ ! ﻗﺎﻝ ﻟﻲ ﺳﻨﺪﺱ ﺍﺭﺟﻌﻲ ﻟﻲ ﺣﻴﺎﺗﻚ ﻭﺍﻫﻠﻚ ﻭﺍﺳﻤﺮ ﺍﻟﻜﻨﺘﻲ ﺩﺍﻳﺮﺍﻫﻮ ، ﺣﻴﺎﺗﻲ ﺩﻱ ﻛﻠﻬﺎ ﺗﻌﺐ ﺧﻠﻴﻨﻲ ﻓﻴﻬﺎ ﺑﺮﺍﻱ ، ﺯﺩﺗﺎ ﻓﻲ ﺍﻟﺒﻜﺎ ﺯﻳﺎﺩﻩ ﺯﻱ ﺍﻟﺸﺎﻓﻌﻪ ،ﻋﺎﺭﻓﺎﻫﻮ ﺣﻨﻴﻦ ﻗﺎﻡ ﺩﺧﻞ ﺟﻮﻩ ﻏﺮﻓﺘﻮ ﻋﺸﺎﻥ ﻣﺎﻳﺸﻮﻓﻨﻲ ﺑﺒﻜﻲ ﺑﻘﻰ ﺑﻜﻮﺭﻙ ﺍﺳﺘﻐﻔﺮ ﺍﻟﻠﻪ ﺑﺲ ، ﺩﺧﻞ ﺟﻮﻩ ﺍﺗﻮﺿﺎ ﻭﻓﺮﺵ ﻣﺼﻼﻳﺘﻮ ﺻﻠﻰ ﺭﻛﻌﺘﻴﻦ ﺍﺗﺨﻠﻌﺘﺎ ﻓﻴﻬﻮ ﺟﻨﻨﻲ ﻭﺍﻟﻠﻪ ﺍﻟﻮﻟﺪ ﺩﻩ ، ﺩﺧﻠﺘﺎ ﺟﻮﻩ ﻋﺎﻳﻨﺖ ﻟﻴﻬﻮ ﻭﻫﻮ ﺑﺼﻠﻲ ﻟﻤﺎ ﺧﻠﺺ ﻭﺳﻠﻢ ﺷﻜﻠﻮ ﺭﺍﻕ ﺷﻮﻳﻪ ﻭﻫﻮ ﻓﻲ ﺍﻟﻤﺼﻼﻳﻪ ﺳﺄﻟﻨﻲ ﺍﺗﻌﻤﺪﺗﻲ ﺍﻧﻚ ﻣﺎﺗﺮﺩﻱ ﻟﻠﻤﺤﺎﻣﻲ ! ﻗﻠﺖ ﻟﻴﻬﻮ ﺍﻥ ﺑﻌﺾ ﺍﻟﻈﻦ ﺇﺛﻢ، ﻗﺎﻝ ﻟﻲ ﺻﺪﻗﺘﻚ ﻷﻧﻚ ﺟﺒﺘﻲ ﺍﻟﻮﺭﻗﻪ ﻭ ﻣﺪﺍ ﻟﻲ ﻳﺪﻭ ﻟﻠﻮﺭﻗﻪ ﺍﺩﻳﺘﻬﺎ ﻟﻴﻬﻮ ﻋﺎﻳﻦ ﻟﻴﻬﺎ ﻛﻮﻳﺲ ﻗﺎﻝ ﻟﻲ ﺍﻟﻤﺤﻜﻤﻪ ﺑﺘﻴﻦ ﻗﻠﺖ ﻟﻴﻬﻮ ﺑﻤﺎ ﺍﻧﻜﻢ ﻛﻠﻜﻢ ﻗﺎﻋﺪﻳﻦ ﻓﻲ ﺍﻟﺴﻮﺩﺍﻥ ﺍﻟﺨﻤﺴﻪ ﺑﺲ ﺡ ﻳﺴﺘﺪﻋﻮﻛﻢ ﻭﻳﺴﺘﺪﻋﻮﺍ ﺍﻟﻤﺤﺎﻣﻲ ﺍﻟﻘﺴﻢ ﺍﻟﻮﺭﺛﻪ ﺑﺲ ، ﻗﺎﻝ ﻟﻲ ﺑﺘﻴﻦ ﻳﻌﻨﻲ ؟ ﻗﻠﺖ ﻟﻴﻬﻮ ﺑﻌﺪ ﺑﻜﺮﻩ ﻗﺎﻝ ﻟﻲ ﺗﻤﺎﻡ ﻗﻠﺖ ﻟﻴﻬﻮ ﺣﻴﻤﺸﻲ ﻣﻌﺎﻙ ﻣﺤﻤﺪ ﺑﺲ ﻷﻧﻮ ﻣﺤﺎﻣﻴﻚ ﺡ ﻳﻌﻤﻠﻮﺍ ﻟﻴﻚ ﻛﺸﻒ ﺗﺎﻧﻲ ﻫﻨﺎﻙ ﻣﻦ ﺍﻟﻄﺒﻴﺐ ﺍﻟﺸﺮﻋﻲ ﺍﻟﺘﺎﺑﻊ ﻟﻠﻤﺤﻜﻤﻪ ، ﻗﺎﻝ ﻟﻲ ﻃﻴﺐ ﺗﻤﺎﻡ ﺗﺎﻧﻲ ﻓﻲ ﺣﺎﺟﻪ ؟ ﻗﻠﺖ ﻟﻴﻬﻮ ﺃﻱ ﺃﻧﺎ ﺟﻌﺎﻧﻪ ، ﻗﻌﺪ ﻳﻀﺤﻚ ﺍﻟﻜﻠﺐ ﺑﻌﺪ ﻣﺎﻋﺎﻣﻞ ﻓﻴﻬﺎ ﺯﻋﻼﻥ ،، ﻗﺎﻝ ﻟﻲ ﻃﻴﺐ ﺍﺭﺡ ﻓﻮﻕ ﻗﻠﺖ ﻟﻴﻬﻮ ﻷ ﻣﺎ ﺩﺍﻳﺮﻩ ﺃﻛﻞ ﺑﻴﺖ ﻧﻔﺴﻲ ﻓﻲ ﺑﻴﺘﺰﺍ ﺣﺎﺍﺍﺭﻩ ﻭ ﻗﻬﻮﻩ ﺑﺴﻜﺮ ﺑﺎﺍﺭﺩﻩ ، ﻗﺎﻝ ﻟﻲ ﻃﻴﺐ ﺍﺩﻳﻚ ﺍﻟﻘﺮﻭﺵ ﻭﻻ ﻛﻴﻒ ﻗﻤﺘﺎ ﻋﻠﻰ ﺣﻴﻠﻲ ﻭﻗﻠﺖ ﻟﻴﻬﻮ ﻳﺎﻓﺎﻟﺢ ﺍﻧﺎ ﻣﺎﺑﺪﻭﻧﻲ ﻗﺮﻭﺵ ﺍﻧﺎ ﺑﺸﻴﻞ ﺑﺮﺍﻱ ﻓﺘﺤﺖ ﺟﺰﻻﻧﻮ ﻭﺷﻠﺖ ﻗﺮﻭﺵ ﻣﻨﻮ ﻭﻗﻠﺖ ﻟﻴﻬﻮ ﺍﺭﺡ ﻋﺎﺯﻣﺎﻙ ﻗﺎﻝ ﻟﻲ ﺑﻘﺮﻭﺷﻲ ! ﻗﻠﺖ ﻟﻴﻬﻮ ﺍﻱ ﻳﻼ ﻗﻮﻡ ﺍﻟﺒﺲ ﺍﻧﺎ ﻓﻮﻕ ﻣﻨﺘﻈﺮﺍﻙ ،، ﻗﺎﻝ ﻟﻲ ﺗﻤﺎﻡ ﻟﻤﺎ ﺟﻴﺖ ﻃﺎﻟﻌﻪ ﻗﻠﺖ ﻟﻴﻬﻮ ﺍﺗﺬﻛﺮ ﺃﻭﻝ ﻣﺸﻮﺍﺭ ﺍﻃﻠﻌﻮﺍ ﻣﻌﺎﻙ ﻋﺰﻣﺘﻚ ﺍﻧﺎ ﻳﺎ ﻣﺎﻋﻨﺪﻙ ﺯﻭﻕ ﻗﻌﺪ ﻳﻀﺤﻚ ﻗﺎﻝ ﻟﻲ ﺍﻧﺘﻲ ﻭﺣﺪﻩ ﻫﺒﻠﻪ ﺑﺲ ﻣﺎ ﺍﻛﺘﺮ ..😂

يتبع......