كتمان الشوق

الجزء 13

ﺍﻧﺘﻈﺮﺗﻮ ﻳﺎﺟﻤﺎﻋﻪ ﻭﻣﺎ ﺟﺎ ﺳﺎﻋﺘﻴﻦ ﻭﺗﻼﺗﻪ ﻭ ﺍﻛﺘﺮ ﻣﻦ ﻛﺪﻩ ﻭ ﻣﺎ ﺟﺎﻧﻲ ﻛﻤﻴﺔ ﺍﻹﺣﺒﺎﻁ ﺍﻟﺤﺴﻴﺖ ﺑﻴﻬﺎ ﺍﻟﺴﺎﻋﻪ ﺩﻳﻴﻚ .. ﺭﺟﻌﺘﺎ ﺍﻟﺒﻴﺖ ﺯﻋﻼﻧﻪ ﻣﻨﻮ ﺷﺪﻳﺪ ﻭﻣﻘﻬﻮﺭﻩ ﺣﻠﻔﺘﺎ ﺗﺎﻧﻲ ﻣﺎ ﺍﺭﺩ ﻋﻠﻴﻬﻮ ﻳﻮﻣﻴﻦ ﺑﺪﻕ ﻟﻲ ﺍﺑﻴﺖ ﺍﺭﺩ ﻋﻠﻴﻬﻮ ﺗﺎﻟﺖ ﻳﻮﻡ ﻟﻤﻦ ﻏﻠﺒﻮﺍ ﺧﻼﺹ ﺭﺳﻞ ﻟﻲ ﺳﻨﺪﺱ ﺍﻧﺎ ﺟﻴﺖ ﺣﻠﺘﻜﻢ ﻭﺍﻗﻒ ﻓﻲ ﺍﻟﻤﻴﺪﺍﻥ ﻣﺎ ﻋﺎﺭﻑ ﺑﻴﺘﻜﻢ ﺑﻲ ﻭﻳﻦ ! ﻣﻤﻜﻦ ﺗﺠﻴﻨﻲ ! ﺍﻟﺴﺎﻋﻪ ﺩﻳﻚ ﻗﻠﺒﻲ ﻭﻗﻒ ﺍﻟﻠﻴﻠﻪ ﺍﺧﻮﻭﻱ ﻟﻮ ﺷﺎﻓﻮ ﺑﺲ ﻗﻤﺘﺎ ﻟﺒﺴﺘﺎ ﺍﻟﺘﻮﺏ ﻭ ﺑﻲ ﺷﻌﺮﻱ ﺍﻟﻤﻠﻔﻮﻑ ﻛﻌﻜﺎﺕ ﻭ ﺍﺳﺎﺳﺎ ﻫﻮ ﻣﺘﻌﻮﺩ ﻋﻠﻰ ﺍﻟﻤﻨﻈﺮ ﺩﻫﻪ ، ﻧﺰﻟﺖ ﺑﺴﻔﻨﺠﺔ ﺍﺑﻮ ﺣﻤﺎﻣﻪ ﺩﻳﻚ ﻣﻦ ﺍﻟﺮﻫﺒﻪ ﺟﺮﻳﺖ ﻟﻔﻴﺖ ﺍﻟﻤﻴﺪﺍﻥ ﻟﻘﻴﺘﻮ ﻭﺍﺍﺍﻗﻒ ﻣﻨﺘﻈﺮ ﻓﻌﻼ ، ﻗﻠﺖ ﻟﻴﻬﻮ ﺍﻧﺖ ﻣﺠﻨﻮﻥ ! ﺍﻟﺠﺎﺑﻚ ﺣﻠﺘﻨﺎ ﺷﻨﻮ ﺍﻣﺸﻲ ﻣﻦ ﻫﻨﺎ ﺳﺮﻳﻴﻊ ﻫﺴﻲ ﻟﻮ ﺷﺎﻓﻚ ﺍﺧﻮﻱ ﺡ ﻳﻀﺒﺤﻨﻲ ﻗﺎﻝ ﻟﻲ ﺍﻧﺘﻲ ﻟﺴﻪ ﺯﻋﻼﻧﻪ ﻣﻨﻲ؟ ﻗﻠﺘﺎ ﻟﻴﻬﻮ ﻳﺎﺧﻲ ﻣﺎ ﺯﻋﻼﻧﻪ ﻭﻻ ﺣﺎﺟﻪ ﺑﺲ ﻋﻠﻴﻚ ﺍﻟﻠﻪ ﺍﻣﺸﻲ ﻣﻦ ﻫﻨﺎ ﺳﺮﻳﻴﻊ ﻗﺒﻞ ﻣﺎ ﻳﺸﻮﻓﻚ ﺯﻭﻝ ﻭﺍﻗﻒ ﻣﻌﺎﻱ ﻗﺎﻝ ﻟﻲ ﺍﻧﺎ ﺍﺳﻒ ، ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﺍﻧﺎ ﺍﻷﺳﻔﻪ ﺍﻧﻲ ﺍﺗﺪﺧﻠﺘﺎ ﻓﻲ ﺣﻴﺎﺗﻚ ﺍﻛﺘﺮ ﻣﻦ ﺍﻟﻠﺰﻭﻡ ﻭ ﻋﻤﻮﻣﺎ ﺍﻋﺘﺒﺮ ﺍﻧﻚ ﻣﺎ ﺑﺘﻌﺮﻓﻨﻲ ، ﺍﺳﻤﺮ ﺟﺎ ﻣﺎﺭﻱ ﻣﻦ ﺑﻌﻴﺪ ﻣﻦ ﻭﺭﺍﻱ ﻭﺷﺎﻓﻨﺎ ﺑﻨﺘﻜﻠﻢ ﻭﻗﻒ ﺑﻌﻴﻴﻴﺪ ﻳﻌﺎﻳﻦ ﻟﻲ ، ﻗﻠﺖ ﻟﻴﻬﻮ ﻳﺎ ﻋﺒﺪﺍﻟﻠﻪ ﺍﻧﺖ ﻣﺎ ﺑﺘﻌﺮﻑ ﺍﺧﻮﺍﻧﻲ ﻋﻠﻴﻚ ﺍﻟﻠﻪ ﺍﻣﺸﻲ ﻣﻦ ﻫﻨﺎ ﻗﺎﻝ ﻟﻲ ﻣﺎ ﻟﻲ ﺩﺧﻞ ﺑﻲ ﺍﺧﻮﺍﻧﻚ ﺍﻧﺘﻲ ﻣﺘﻀﺎﻳﻘﻪ ﻣﻨﻲ ﻟﺴﻪ ؟ ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﺍﺳﺘﻐﻔﺮ ﺍﻟﻠﻪ ﺍﻟﻨﺒﻲ ﻓﻴﻚ ﺍﻣﺸﻲ ﻣﻦ ﻫﻨﺎ ﺳﺮﻳﻊ ، ﻗﺎﻝ ﻟﻲ ﺳﻨﺪﺱ ﺡ ﺃﺳﺠﻞ ﻓﻲ ﺍﻟﺠﺎﻣﻌﻪ ﻛﺪﻩ ﺭﺍﺿﻴﻪ ! ﺑﻌﺪ ﻣﺎ ﻛﻨﺖ ﻣﻨﻔﻌﻠﻪ ﻃﻮﺍﻟﻲ ﺭﺧﻴﺖ ﻗﻠﺖ ﻟﻴﻬﻮ ﻣﺘﺄﻛﺪ؟ ﻗﺎﻝ ﻟﻲ ﺑﻜﺮﻩ ﺑﻤﺸﻲ ﻣﻌﺎﻙ ﻋﺸﺎﻥ ﺗﺘﺄﻛﺪﻱ ﺍﻟﻠﺤﻈﻪ ﺩﻳﻚ ﺍﺗﺒﺴﻄﺘﺎ ﺷﺪﻳﻴﻴﺪ ﻗﻠﺖ ﻟﻴﻬﻮ ﻣﻦ ﺍﻟﺼﺒﺎﺡ ﺡ ﺍﺧﺪ ﺍﺫﻥ ﻣﻦ ﺍﻟﺸﻐﻞ ﻭﺍﻣﺸﻲ ﻣﻌﺎﻙ ﺗﻤﺎﻡ ﻗﺎﻝ ﻟﻲ ﻃﻴﺐ ﻣﺘﻔﻘﻴﻦ ﺍﺑﺘﺴﻤﻨﺎ ﻟﻲ ﺑﻌﺾ ﻭﻫﻮ ﻣﺸﻰ ﺍﻧﺘﻈﺮﺗﻮ ﻟﻤﻦ ﻟﻔﻰ ﻭﻗﺒﻠﺘﺎ ﺍﻣﺸﻲ ﻟﻘﻴﺖ ﺍﺳﻤﺮ ﻓﻲ ﻭﺷﻲ ﻭﺍﻗﻒ ﺑﻌﺎﻳﻦ ﻟﻲ ﻣﺸﻴﺖ ﻋﻠﻴﻬﻮ ﺑﻤﻨﻈﺮﻱ ﺍﻟﻘﺎﺳﻲ ﺩﺍﻙ ﻭﻗﻠﺖ ﻟﻴﻬﻮ ﻛﻴﻔﻚ ! ﻗﺎﻝ ﻟﻲ ﺗﻤﺎﻡ ﺑﺒﺮﻭﺩ ﻛﺪﻩ ﺭﺩﺍ ﻟﻲ ﻗﻠﺘﺎ ﻟﻴﻬﻮ ﺍﻧﺖ ﻫﻨﺎ ﻣﻦ ﺑﺘﻴﻦ ! ﻗﺎﻝ ﻟﻲ ﻣﻦ ﺍﻧﺘﻲ ﻭﺍﻗﻔﻪ ﻣﻊ ﺍﻟﻮﺩ ﺍﻟﺒﺸﺮﺏ ﺩﻩ ﻗﻠﺘﺎ ﻟﻴﻬﻮ ﻋﻔﻮﺍ ! ﻗﺎﻝ ﻟﻲ ﺍﻧﺘﻲ ﻋﺎﺭﻓﻪ ﺍﻧﻮ ﺍﻟﻮﻟﺪ ﺩﻩ ﺑﺒﻠﻊ ﺣﺒﻮﺏ؟ ﻗﻠﺘﺎ ﻟﻴﻬﻮ ﺍﻱ ﻋﺎﺭﻓﻪ ، ﻋﺎﻳﻦ ﻟﻲ ﺑﺨﻠﻌﻪ ! ﻋﺎﺭﻓﻪ ﻭ ﻟﺴﻪ ﻣﻮﺍﺻﻠﻪ ﻋﺮﻓﺘﻚ ﻟﻴﻬﻮ؟ ﻗﻠﺖ ﻟﻴﻬﻮ ﺩﻱ ﺣﺎﺟﻪ ﺑﺘﺨﺼﻨﻲ ﺍﻓﺘﻜﺮ ﻭﺟﻴﺖ ﻣﺎﺷﻪ ﻛﻮﺭﻙ ﻟﻲ ﺍﺧﻮﺍﻧﻚ ﻋﺎﺭﻓﻴﻦ؟ ﻫﻨﺎ ﻗﻠﺒﻲ ﻭﻗﻒ ﺍﻟﻤﺸﻜﻠﻪ ﺍﻧﻮ ﺑﻌﺮﻑ ﺍﺻﻌﺐ ﺍﺧﻮﺍﻧﻲ ﻣﻬﻨﺪ ﻗﻠﺘﺎ ﻟﻴﻬﻮ ﻣﻤﻜﻦ ﺗﻤﺸﻲ ﺗﻜﻠﻤﻬﻢ ﺍﺫﺍ ﻋﺎﻳﺰ ' ﻗﺎﻝ ﻟﻲ ﺳﻨﺪﺱ ﺍﻟﻮﻟﺪ ﺩﻩ ﻣﺎ ﻛﻮﻳﺲ ﺍﺑﻌﺪﻱ ﻣﻦ ﺳﻜﺘﻮ ﺍﺣﺴﻦ ﻟﻴﻚ ﻗﻠﺘﺎ ﻟﻴﻬﻮ ﻭﺍﻧﺖ ﻣﺎﻟﻚ ؟ ﻗﺎﻝ ﻟﻲ ﺍﻟﻮﻟﺪ ﺩﻩ ﻛﻌﺐ ﻭﺍﺧﻼﻗﻮ ﻛﻌﺒﻪ ﻗﻠﺘﺎ ﻟﻴﻬﻮ ﺍﻧﺎ ﺑﻌﺮﻑ ﺍﺫﺍ ﻫﻮ ﻛﻌﺐ ﺍﻭ ﻻ ﻗﺎﻝ ﻟﻲ ﻫﻮ ﺻﺤﺒﻚ ﺑﺲ ﻭﻻ ﺣﺎﺟﻪ ﺗﺎﻧﻴﻪ؟ ﻋﺎﻳﻨﺘﺎ ﻟﻴﻬﻮ ﻛﺪﻫﻪ ﺟﻮﻭﻭﻩ ﻋﻴﻮﻧﻮ ﻣﺎ ﻋﺮﻓﺖ ﺩﻱ ﻏﻴﺮﻩ ﻭﻻ ﺷﻨﻮ؟ ﺍﻟﻤﻬﻢ ﺍﺗﺒﺴﻄﺘﺎ ﻗﻠﺖ ﻟﻴﻬﻮ ﺻﺤﺒﻲ ﺑﺲ ﻗﺎﻝ ﻟﻲ ﺗﻤﺎﻡ ﻭﻋﻤﻞ ﻓﻴﻬﺎ ﻛﺄﻧﻮ ﻣﺎﻫﺎﻣﻴﻬﻮ ، ﻣﻔﺘﺮﺭﺭﻱ ﺧﻼﺹ ﺍﻟﺰﻭﻝ ﺩﻩ ﻛﻤﻠﺘﺎ ﻟﻠﺒﻴﺖ ﻭ ﻫﻮ ﻣﺸﻰ ﻗﺪﺍﻣﻲ ﻛﻤﺎﻥ ﻭﺧﻼﻧﻲ ﻋﺸﺎﻥ ﺣﺮﻛﺎﺗﻮ ﺩﻱ ﻣﺸﻴﺖ ﺑﺎﻟﻠﻴﻞ ﻛﺘﺒﺖ ﺑﻮﺳﺖ " ﺷﻮﻓﺘﻚ ﺗﺮﺩ ﺍﻟﺮﻭﺡ " ﺍﻟﺰﻭﻝ ﺍﺗﻐﺎﺍﻅ ﺗﺎﻧﻲ ﻭﺭﺳﻞ ﻟﻲ ﻓﻲ ﺍﻟﻤﺴﻨﺠﺮ ، ﺍﻧﺎ ﻣﺎ ﺍﺧﻮﻙ ﻋﺸﺎﻥ ﺍﻧﺘﻲ ﺗﺨﻤﻴﻨﻲ ﻓﻲ ﺍﻟﺮﺩ ﻛﺎﻥ ﻣﻤﻜﻦ ﺗﻘﻮﻟﻲ ﻟﻲ ﺍﻧﻚ ﻣﺮﺗﺒﻄﻪ ﺑﻴﻬﻮ ﺑﺲ ﺭﺩﻳﺖ ﻟﻴﻬﻮ ﺍﻧﺖ ﺣﻴﻬﻤﻚ ﺷﻨﻮ ﻳﺎ ﺃﺳﻤﺮ؟ ﻗﺎﻝ ﻟﻲ ﻣﺎ ﺑﻬﻤﻨﻲ ﺷﻲ ﻭﺍﻋﻤﻠﻲ ﺍﻟﺒﺮﻳﺤﻚ ، ﺍﺗﻐﻈﺘﺎ ﻣﻨﻮ ﺷﺪﻳﻴﺪ ﻭﻗﻠﺖ ﻟﻴﻬﻮ ﺍﺳﺎﺳﺎ ﻗﺎﻋﺪﻩ ﺍﺳﻮﻱ ﻓﻲ ﺍﻟﺒﺮﻳﺤﻨﻲ .. ﺗﺎﻧﻲ ﻳﻮﻡ ﺍﺧﺪﺗﺎ ﺍﺟﺎﺯﺓ ﻭﻣﺸﻴﺖ ﻻﻗﻴﺖ ﻋﺒﺪ ﺍﻟﻠﻪ ﻣﺸﻴﻨﺎ ﺍﻟﺠﺎﻣﻌﻪ ﻓﻌﻼ ﺟﺎﻧﻲ ﺷﺎﻳﻞ ﻣﻠﻔﻮ ﺳﺠﻠﻨﺎ ﻭﺩﻓﻌﻨﺎ ﻗﺮﻭﺵ ﺍﻟﺴﻤﺴﺘﺮ ﻋﺎﻧﺪﻧﻲ ﻭﺍﺑﻰ ﻳﻤﺸﻲ ﺍﻟﻘﺎﻋﻪ ﻋﺸﺎﻥ ﻳﺤﻀﺮ ، ﻗﻠﺘﺎ ﻟﻴﻬﻮ ﺧﻼﺹ ﺍﻧﺎ ﺡ ﺍﻣﺸﻲ ﻭﺃﺳﺄﻝ ﻣﺸﻴﺖ ﺍﻟﻘﺎﻋﻪ ﻭ ﺑﺤﻜﻢ ﺍﻧﻲ ﺑﺖ ﻭﺑﻘﻴﺖ ﻣﺰﻩ ﺩﺧﻠﺘﺎ ﻭ ﺳﻠﻤﺘﺎ ﻋﻠﻰ ﺑﺖ ﺳﺄﻟﺘﻬﺎ ﺍﻟﺒﺮﻭﻑ ﻫﻨﺎ ﻣﻨﻮ ! ﻃﺒﻌﺎ ﻫﻢ ﺻﻐﺎﺍﺍﺭ ﺑﺎﻟﻨﺴﺒﻪ ﻟﻲ ﺧﻠﻲ ﺑﺎﻟﻨﺴﺒﻪ ﻟﻲ ﻋﺒﺪ ﺍﻟﻠﻪ ﺍﻟﺒﺖ ﺍﺑﺖ ﺗﻮﺭﻳﻨﻲ ﺍﻟﻐﺘﻴﺘﻪ
ﻣﺸﻴﺖ ﻟﻲ ﺍﻟﺒﻌﺪﻫﺎ ﻣﻦ ﺍﻟﻨﻮﻉ ﺍﻟﺒﻘﻌﺪ ﻗﺪﺍﺍﺍﺍﻡ ﻟﻠﻤﺤﺎﺿﺮﻩ ﻭﻗﻠﺘﺎ ﻟﻴﻬﺎ ﺑﺮﻭﻑ ﺍﻟﺪﻓﻌﻪ ﻣﻨﻮ ! ﻗﺎﻟﺖ ﻟﻲ ﺍﺳﻤﻬﺎ ﺍﺳﻤﻬﺎﻥ ﻗﻠﺖ ﻟﻴﻬﺎ ﺍﻳﻮﻭﻩ ﻃﻴﺐ ﻭﻳﻦ ﻫﻲ ﻗﺎﻟﺖ ﻟﻲ ﻣﺸﺖ ﺗﻔﻄﺮ ، ﻗﻠﺖ ﺍﻟﺸﻔﻊ ﺩﻳﻞ ﻗﻠﻴﻠﻴﻦ ﺍﺩﺏ ﺧﻼﺹ ﺍﻧﺘﻈﺮﺗﺎ ﺍﻟﺴﺖ ﺍﺳﻤﻬﺎﻥ ﻟﻤﻦ ﺷﺮﻓﺖ ﻭﻇﺎﺍﺍﻫﺮ ﻣﻦ ﺑﻌﻴﺪ ﺍﻟﻨﻮﻉ ﺍﻟﻤﺎ ﺑﺘﺪﻳﻚ ﻣﻌﻠﻮﻣﻪ ﻭﻻ ﺑﺠﻨﻴﻪ ﻣﺸﻴﺖ ﺳﻠﻤﺘﺎ ﻭﻗﻌﺪﺗﺎ ﻣﻌﺎﻫﺎ ﻗﻠﺘﺎ ﻟﻴﻬﺎ ﺍﻧﺎ ﺑﺼﺮﺍﺣﻪ ﻣﻔﺮﻭﺽ ﺍﻧﺰﻝ ﻭ ﺍﺩﺍﻭﻡ ﻣﻌﺎﻛﻢ ﻭ ﺍﻧﺎ ﻭﻗﻔﺘﺎ ﺍﻟﺪﺭﺍﺳﻪ ﻟﻲ ﺯﻣﻦ ﺑﺼﺮﺍﺣﻪ ﻋﺸﺎﻥ ﺍﺗﺰﻭﺟﺘﺎ ﺑﻌﺪ ﺟﺒﺘﺎ ﺍﺣﻤﺪ ﻭ ﻣﺤﻤﺪ ﻭ ﻋﺒﺎﺱ ﺗﺎﻧﻲ ﺍﺗﻘﻄﻌﺘﺎ ﻋﻠﻴﻨﺖ ﻟﻲ ﻣﺨﻠﻮﻋﻪ ﺍﻧﺘﻲ ﺍﻡ ﻗﻠﺘﺎ ﻟﻴﻬﺎ ﺍﻱ ﺍﻡ ﻟﻲ ﺗﺆﺍﻡ ﻭﺍﻟﻜﺒﻴﺮ ﻋﺒﺎﺱ ﻗﺎﻟﺖ ﻟﻲ ﻣﺎﻇﺎﻫﺮ ﻋﻠﻴﻚ ﻣﺎﺷﺎﺀ ﺍﻟﻠﻪ ﻗﻠﺘﺎ ﻟﻴﻬﺎ ﻫﺴﻲ ﺭﺍﺟﻠﻲ ﺡ ﻳﺮﺳﻞ ﻟﻲ ﻫﻮ ﻓﻲ ﺍﻳﺮﻟﻨﺪﺍ ﻭ ﺑﻌﺪ ﻛﺪﻩ ﻣﻔﺮﻭﺽ ﺍﺳﺎﻓﺮ ﻟﻴﻬﻮ ﺍﻫﺎ ﺑﺲ ﺍﻟﺴﻨﻪ ﺩﻱ ﻭﻗﻔﺖ ﻟﻲ ﻋﺎﺭﺽ . ﺣﻠﻘﻲ ﻧﺸﻒ ﻣﻦ ﺍﻟﻜﺬﺏ ﻭﺍﻟﺘﺄﻟﻴﻒ
ﻭ ﺍﻟﺒﺖ ﻟﻤﻦ ﺍﻗﺘﻨﻌﺖ ﻟﻲ ﻭﻗﺎﻣﺖ ﻃﻠﻌﺖ ﻟﻲ ﺩﻳﻴﻴﻚ ﻳﺎ ﺍﻟﺸﻴﺘﺎﺕ ﺍﻟﺴﻤﺤﻪ ﻭ ﺩﻓﺎﺗﺮﻫﺎ ﻗﺎﻟﺖ ﻟﻲ ﺍﺭﺡ ﺑﻤﺸﻲ ﻣﻌﺎﻙ ﺗﺼﻮﺭﻱ ﺩﻩ ﻛﻠﻮ ﻋﺸﺎﻥ ﺗﻀﻤﻦ ﻣﺎ ﺡ ﺍﺩﻱ ﺯﻭﻝ ﻣﺸﺖ ﻭﺣﺮﺳﺘﻨﻲ ﺻﻮﺭﺗﺎ ﺟﻴﺖ ﺧﺎﺍﺍﻣﻪ ﺍﻟﺸﻴﺘﺎﺕ ﻭﺍﻻﺥ ﻋﺒﺪ ﺍﻟﻠﻪ ﻗﺎﺍﻋﺪ ﺣﺎﺭﺳﻨﻲ ﺍﻟﺘﻘﻮﻝ ﻣﻮﺍﺩﻱ ﺍﻧﺎ ﻗﻠﺘﺎ ﻟﻴﻬﻮ ﺟﻴﺐ ﺍﻝ٩٠ ﺟﻨﻴﻪ ﺑﺘﺎﻋﺖ ﺍﻟﺘﺼﻮﻳﺮ ، ﻃﻠﻊ ﻣﻴﻪ ﺟﻨﻴﻪ ﺍﺩﺍﻧﻲ ﻟﻴﻬﺎ ﻗﻠﺖ ﻟﻴﻬﻮ ﺍﻟﻌﺸﺮﻩ ﺩﻱ ﻋﺸﺎﻥ ﺍﻟﻤﺮﺍﺳﻴﻞ ﺍﻟﺸﻴﺘﺎﺕ ﺩﻱ ﻣﺎ ﺗﻄﻠﻊ ﻣﻦ ﺑﻴﺘﻜﻢ ﻛﻠﻮ ﻛﻠﻮ ﺍﻟﺒﺖ ﺩﻱ ﻣﺎ ﺗﺸﻮﻓﻚ ﺷﺎﻳﻠﻬﺎ ﻓﻲ ﺍﻟﺠﺎﻣﻌﻪ ﻋﺎﻳﻦ ﻟﻲ ﺑﺤﻘﺎﺭﻩ ﻭﻣﺸﻰ ﻗﺪﺍﻣﻲ ﺳﻜﻴﺘﻮ ، ﺍﻟﻤﻬﻢ ﺭﻛﺒﻨﺎ ﺍﻟﻤﻮﺍﺻﻼﺕ ﻭﻭﺻﻠﻨﺎ ﺍﻱ ﺯﻭﻝ ﻟﺒﻴﺘﻮ ، ﺑﻘﻴﺖ ﻟﻤﺎ ﺍﺧﻠﺺ ﻣﻦ ﺍﻟﺸﻐﻞ ﻣﺎ ﺑﺮﺟﻊ ﺍﻟﺒﻴﺖ ﻭﻻ ﺑﻤﺸﻲ ﻟﺰﻫﺮﺍﺀ، ﻣﺸﻴﺖ ﻟﻌﺒﺪ ﺍﻟﻠﻪ ﻓﻲ ﺑﻴﺘﻬﻢ ﻓﺘﺤﺖ ﻟﻲ ﻫﺎﺟﺮ ﺳﻠﻤﺖ ﻋﻠﻲ ﻭ ﺩﺧﻠﺘﻨﻲ ﻗﺎﻟﺖ ﻟﻲ ﻋﺒﺪ ﺍﻟﻠﻪ ﻃﻠﻊ ﻣﺸﻮﺍﺭ ﻗﻠﺖ ﻟﻴﻬﺎ ﺑﻨﺘﻈﺮﻭ ﺟﻮﻩ ، ﺍﻟﺤﺒﻮﺑﻪ ﺑﺘﻔﺮﺡ ﺷﺪﻳﺪ ﻟﻤﺎ ﺗﺸﻮﻓﻨﻲ ﺿﻴﻔﻮﻧﻲ ﻭﺍﺗﻐﺪﻳﺖ ﻣﻌﺎﻫﻢ ﻭ ﺣﺎﺭﺳﻪ ﺍﻻﺳﺘﺎﺫ ﻣﺎ ﺟﺎ ﻟﺴﻪ ﻗﺪﺭ ﻣﺎ ﺿﺮﺑﺘﺎ ﻟﻴﻬﻮ ﻣﺎ ﺭﺩﺍ ، ﻓﻲ ﺍﻻﺧﺮ ﺑﻌﺪ ﺍﻟﻤﻐﺮﺏ ﺟﺎ ﻭ ﺍﻧﺎ ﻛﺎﻥ ﻣﻔﺮﻭﺽ ﺍﻣﺸﻲ ﺍﻟﻤﻌﻬﺪ ﻭ ﻗﻠﺘﺎ ﻟﻴﻬﻢ ﺧﻼﺹ ﺑﺠﻲ ﻭﻗﺖ ﺗﺎﻧﻲ ﺍﻧﺎ ﺟﻴﺖ ﺍﺭﺍﺟﻊ ﻣﻌﺎﻫﻮ ، ﻭﺍﻧﺎ ﻃﺎﻟﻌﻪ ﻛﺎﻥ ﻫﻮ ﺟﺎ ﺩﺍﺧﻞ ﺍﻟﺒﻴﺖ ﻋﻴﻮﻧﻮ ﺣﻤﺮﺭﺭﺭ ﻭ ﻣﺘﻌﻄﺮ ﻋﺮﻓﺘﻮ ﻃﻮﺍﻟﻲ ﻛﺎﻥ ﺳﺎﺍﻃﻞ ﻏﻀﺒﺘﺎ ﺷﺪﻳﻴﻴﺪ ﻫﺎﺟﺮ ﻋﻤﻠﺖ ﺭﺍﻳﺤﻪ ﻣﻦ ﺍﻟﻤﻨﻈﺮ ﻭ ﺩﺧﻠﺖ ، ﻫﻮ ﺳﻠﻢ ﻋﻠﻲ ﻭﻗﻌﺪ ﻗﺎﻝ ﻟﻲ ﺷﺎﻳﻔﻚ ﺣﺎﺑﻪ ﺗﻜﻮﻧﻲ ﻣﺮﺗﻲ ﻭﺿﺤﻚ ﺍﺑﻴﺖ ﺍﺑﺘﺴﻢ ﺯﺍﺗﻮ ﻫﺎﺟﺮ ﺟﺎﺑﺖ ﻟﻴﻬﻮ ﻣﻮﻳﻪ ﻭﻗﺎﻟﺖ ﻟﻴﻬﻮ ﻣﻦ ﻗﺒﻴﻞ ﻛﺎﻧﺖ ﺣﺎﺭﺳﺎﻙ ﻗﺎﻟﺖ ﺡ ﺗﺮﺍﺟﻌﻮﺍ ﻗﺎﻝ ﻟﻴﻬﺎ ﺍﻱ ﺍﻱ ﺻﺎﺡ ، ﺍﺗﻔﻀﻠﻲ ﻳﺎﺳﻨﺪﺱ ﻧﺰﻟﻨﺎ ﺳﻮﺍ ﺍﻟﺒﻴﺖ ﺍﻟﺘﺤﺖ ﺑﻨﻴﺎﻥ ﻓﻈﻴﻴﻴﻊ ﺟﺪﺍ ﺟﺪﺍ ﺑﺲ ﺩﺧﻠﻨﺎ ﻟﻤﻜﺘﺒﻪ ﺍﻟﺒﻴﺖ ﻓﻴﻬﺎ ﻛﻤﻴﺔ ﻣﻦ ﺍﻟﻜﺘﺐ ﻭ ﻣﻜﺘﺐ ﻟﻠﻘﺮﺍﻳﻪ ﻛﺎﻧﺖ ﺑﺘﺪﺭﺱ ﻓﻴﻬﺎ ﻫﺎﺟﺮ ، ﺟﺎﺕ ﺧﺘﺖ ﻟﻴﻨﺎ ﻋﺼﻴﺮ ﻭ ﻣﺸﺖ ، ﻟﻤﺎ ﺑﻘﻴﻨﺎ ﺑﺮﺍﻧﺎ ﻗﺎﻝ ﻟﻲ ﺳﻨﺪﺱ ﻣﺮﺍﺟﻌﺔ ﺷﻨﻮ ؟ ﻗﻠﺘﺎ ﻟﻴﻬﻮ ﺍﻧﺖ ﻛﻨﺖ ﺑﺘﺸﺮﺏ ﺳﻴﺠﺎﺭﻩ؟ ﻗﺎﻝ ﻟﻲ ﺍﻱ ﻋﻨﺪﻙ ﻣﺎﻧﻊ ! ﻗﻠﺘﺎ ﻟﻴﻬﻮ ﻋﺒﺪ ﺍﻟﻠﻪ ﺍﻧﺖ ﻣﺎ ﺑﺘﺨﺎﻑ ﻋﻠﻰ ﻧﻔﺴﻚ ﻗﺎﻝ ﻟﻲ ﻟﻮ ﻋﺎﻳﺰﺓ ﺗﺪﻳﻨﻲ ﻣﺤﺎﺿﺮﻩ ﺍﻧﺎ ﺡ ﺍﻃﻠﻊ ﻭﺍﺧﻠﻴﻚ ﺑﺮﺍﻙ ، ﻗﻠﺘﺎ ﻟﻴﻬﻮ ﺗﻤﺎﻡ ﻃﻠﻌﺘﺎ ﺍﻟﺸﻴﺖ ﻭﺧﺘﻴﺘﻮ ﻗﻠﺘﺎ ﻟﻴﻬﻮ ﺡ ﻧﺒﺪﺍ ﺑﺎﻟﻤﺎﺩﻩ ﺩﻱ ﺍﻭﻝ ، ﻗﻌﺪ ﻳﻀﺤﻚ ﻟﻤﻦ ﺩﻣﻊ ﻗﺎﻝ ﻟﻲ ﺍﻧﺘﻲ ﻳﺎﺑﺖ ﺍﻧﺎ ﺍﻛﺒﺮ ﻣﻨﻚ ﺑﻲ ﻋﺸﺮﻩ ﺳﻨﻴﻦ ﻋﺎﻳﺰﺓ ﺗﻌﻤﻠﻲ ﻓﻴﻬﺎ ﺍﺳﺘﺎﺫﺗﻲ ﻗﻠﺘﺎ ﻟﻴﻬﻮ ﻣﺎﺗﺘﺮﻳﻖ .. ﺗﺎﻧﻲ ﺿﺤﻚ ﻓﻴﻨﻲ ﻭ ﺍﻧﺎ ﺍﺳﺎﺳﺎ ﻏﻀﺒﺎﻧﻪ ﻻﻧﻮ ﺷﺮﺏ ﻗﻤﺘﺎ ﻛﻮﺭﻛﺘﺎ ﻓﻴﻬﻮ ﺍﻧﺖ ﻗﺎﻳﻞ ﻧﻔﺴﻚ ﺑﺮﺍﻙ ﺍﻟﻌﻨﺪﻙ ﻣﺸﺎﻛﻞ ! ﺍﻧﺎ ﺍﺑﻮﻱ ﻣﺎﺕ ﺑﻌﺪ ﻭﻟﺪﻭﻧﻲ ﻃﻮﺍﻟﻲ ، ﺍﺧﻮﺍﻧﻲ ﺍﻟﻜﺒﺎﺭ ﻛﺎﻧﻮﺍ ﺑﻌﺬﺑﻮﻧﻲ ﺑﺎﻟﺤﺒﺴﻪ ﻓﻲ ﺍﻟﺒﻴﺖ ﺍﻧﺖ ﻗﺎﻳﻞ ﺍﻧﻲ ﻛﻨﺖ ﺳﻤﻴﻨﻪ ﺳﺎﻱ ﻭﻻ ﺑﺤﺐ ﺍﻻﻛﻞ ﺑﺲ؟ ﺍﻧﺎ ﻛﻨﺖ ﺑﺒﻠﻊ ﺣﺒﻮﺏ ﻧﻔﺴﻴﺎﺕ .. ﺍﻧﺎ ﻟﻤﻦ ﺣﺒﻴﺖ ﻭﺍﺣﺪ ﻛﺎﻥ ﺑﺮﺿﻮ ﻣﺎ ﺑﺤﺒﻨﻲ ﻭ ﻟﻌﺐ ﺑﻲ ﻛﻤﺎﻥ ﻟﻤﺎ ﻋﺮﻓﻨﻲ ﺩﺍﻳﺮﺍﻫﻮ ﻳﻔﻬﻤﻨﻲ ﻣﺮﺗﺒﻂ ﻭﻟﻤﺎ ﻳﺸﻮﻓﻨﻲ ﺑﻘﻴﺖ ﺳﻤﺤﻪ ﻳﺤﺎﻭﻝ ﻳﺨﻠﻴﻨﻲ ﺗﺎﻧﻲ ﺍﺣﺒﻮ ، ﺍﻧﺎ ﺍﺧﻮﻱ ﺍﻟﻜﺒﻴﺮ ﻛﻞ ﻣﺮﻩ ﺑﻘﻮﻝ ﻟﻲ ﺍﻧﺘﻲ ﺡ ﺗﻘﻌﺪﻱ ﻟﺒﺘﻴﻦ ﻛﺪﻩ ﻭﻛﺎﻥ ﻋﺎﻳﺰ ﻳﻌﺮﺱ ﻟﻲ ﺑﺎﻟﻐﺼﺐ ﻣﻦ ﺭﺍﺟﻞ ﻛﺒﻴﺮ ﻋﺸﺎﻥ ﻋﻨﺪﻭ ﻣﻌﺎﻫﻮ ﺷﻐﻞ ، ﺍﻧﺖ ﻣﺎ ﺑﺮﺍﻙ ﺍﻟﻌﻨﺪﻙ ﻣﺸﺎﻛﻞ ﻓﻲ ﺍﻟﺪﻧﻴﺎ ﺩﻱ ﻳﺎﺥ ﻭﺑﺲ ﺑﻘﻴﺖ ﺑﺒﻜﻲ ﻭﺑﻌﺰﻱ ﻋﺒﺪ ﺍﻟﻠﻪ ﺻﻨﺎ ﺻﻨﺎ ﻭﺍﺍﺍﺣﺪﻩ ﻭﺳﻜﺖ ﺧﻼﻧﻲ ﺑﻘﻴﺖ ﻭﻗﺸﻴﺖ ﺩﻣﻮﻋﻲ ، ﻗﺎﻝ ﻟﻲ ﻫﺎﻙ ﺍﺷﺮﺑﻲ ﻣﻮﻳﻪ ﺷﺮﺑﺘﻬﺎ ﻭﺧﺘﻴﺘﻬﺎ ﻗﻠﺘﺎ ﻟﻴﻬﻮ ﺍﻧﺎ ﻣﺎﺷﻪ ﺑﻴﺘﻨﺎ ﻗﺎﻝ ﻟﻲ ﻣﺎ ﺗﻤﺸﻲ ﻗﻠﻨﺎ ﻟﻴﻬﻮ ﻻ ﺩﺍﻳﺮﻩ ﺍﻣﺸﻲ ﺧﻼﺹ ، ﻗﺎﻝ ﻟﻲ ﺍﻧﺎ ﻋﺎﻳﺰ ﺍﻗﺮﺍ ﻟﻜﻦ ﻣﻤﻜﻦ ﺗﻘﺮﻳﻨﻲ ؟ ﺿﺤﻜﺘﺎ ﻭﻋﺎﻳﻨﺖ ﻟﻴﻬﻮ ﻗﻠﺘﺎ ﻟﻴﻬﻮ ﻋﺬﺑﺘﻨﻲ ﻳﺎﺥ
ﻓﺘﺤﻨﺎ ﺍﻟﺸﻴﺖ ﻭﺍﻧﺎ ﺑﻘﺮﺍ ﺍﻟﺼﻔﺤﻪ ﻭ ﻫﻮ ﺑﺴﻤﻊ ﻓﻴﻨﻲ ﺑﻌﺪﻳﻦ ﺑﻠﺨﺼﻬﺎ ﺑﺮﺍﻫﻮ ﻓﻲ ﻭﺭﻗﻪ ﻗﻌﺪﻧﺎ ﻛﺪﻩ ﻟﺤﺪﻱ ﻣﺎ ﺍﻟﻌﺸﺎﺀ ﺟﺎ ﻭﻃﻠﻌﺘﺎ ﻣﻨﻬﻢ ، ﻓﻲ ﺑﺎﺏ ﺍﻟﺸﺎﺭﻉ ﻗﺎﻝ ﻟﻲ " ﺍﻧﺘﻲ ﺃﻗﻮﻯ ﺑﺖ ﺍﻧﺎ ﺍﺷﻮﻓﻬﺎ ﻓﻲ ﺣﻴﺎﺗﻲ " ﻗﻠﺘﺎ ﻟﻴﻬﻮ ﺩﻩ ﻋﻠﻰ ﺍﺳﺎﺱ ﻛﻨﺘﺎ ﻭﺍﻋﻲ ﻟﻠﺒﻨﺎﺕ ﻗﺎﻝ ﻟﻲ ﺳﻨﺪﺱ ﺑﺠﺪ ﺷﻜﺮ ﻟﻴﻚ ، ﻗﻠﺘﺎ ﻟﻴﻬﻮ ﺣﺘﻤﺸﻲ ﺑﻜﺮﻩ ﺍﻟﺠﺎﻣﻌﻪ ﻗﺎﻝ ﻟﻲ ﺍﻳﻮﻩ ﺡ ﺍﻣﺸﻲ ، ﻛﺎﻥ ﻣﻔﺮﻭﺽ ﻳﺪﺧﻞ ﺍﻟﺒﻴﺖ ﺑﺲ ﻃﻠﻊ ﻗﻠﺘﺎ ﻟﻴﻬﻮ ﺍﻧﺎ ﻣﺎﺷﻪ ﺑﻴﺘﻨﺎ ﺍﻧﺖ ﻣﺎﺷﻲ ﻭﻳﻦ ؟ ﻗﺎﻝ ﻟﻲ ﻣﺎﺷﻲ ﺍﻟﺠﺎﻣﻊ ﺃﺻﻠﻲ ﺍﻟﻌﺸﺎﺀ ، ﺍﺗﺒﺴﻄﺘﺎ ﺑﺴﻄﻪ ﺑﻌﺪ ﺷﻔﺘﻮ ﻣﺎﺷﻲ ﻟﻠﺠﺎﻣﻊ😍

يتبع.....