كتمان الشوق

الجزء 07

ﻭﻭﻭﺏ ﻋﻠﻲ ﺍﻧﺎ ، ﺍﺳﻮﻱ ﺷﻨﻮ ﺗﺎﻧﻲ ﺍﺫﺍ ﻟﻘﻴﺘﻮ ﺍﻋﺎﻳﻦ ﻟﻴﻬﻮ ﻛﻴﻴﻔﻦ ﻓﻲ ﻭﺷﻮ ﻏﺎﻳﺘﻮ ﺑﻌﺪ ﻳﻮﻣﻴﻦ ﻛﺪﻩ ﻭ ﺍﻧﺎ ﻣﺎﺷﻪ ﺍﻟﺸﻐﻞ ﺍﻟﺼﺒﺎﺡ ﻻﻗﻴﺘﻮ ﻓﻲ ﺍﻟﺸﺎﺭﻉ ﺩﺍﺧﻞ ﺑﻴﺘﻬﻢ ﺷﻜﻠﻮﺍ ﺟﺎﻳﺐ ﺣﺎﺟﺎﺕ ﻣﻦ ﺍﻟﺒﻘﺎﻟﻪ ﻛﻮﺭﻛﺖ ﻟﻴﻬﻮ ﺍﺳﻤﺮﺭﺭﺭ ﺍﺗﻠﻔﺖ ﻋﺎﻳﻦ ﻟﻲ ﻭﻭﻗﻒ ﻭ ﻣﺎﻓﻲ ﺍﻱ ﺍﺑﺘﺴﺎﻣﻪ ﺑﺎﻟﻐﻠﻂ ﺟﺮﻳﺖ ﻋﻠﻴﻬﻮ ﻗﻠﺘﺎ ﻟﻴﻬﻮ ﻛﻴﻔﻚ ؟ ﻗﺎﻝ ﻟﻲ ﺍﻟﺤﻤﺪ ﻟﻠﻪ ﺑﺨﻴﺮ ﻛﻴﻔﻚ ﺍﻧﺘﻲ ﻭ ﺍﻫﻠﻚ ؟ ﻗﻠﺖ ﻟﻴﻬﻮ ﺍﻟﺤﻤﺪ ﻟﻠﻪ ﻭ ﻋﺎﻳﺰ ﻳﺪﺧﻞ ﻃﻮﺍﻟﻲ ﻗﻠﺖ ﻟﻴﻬﻮ ﺩﻗﻴﻴﻘﻪ ﻳﺎ ﺍﺳﻤﺮ ﺍﻧﺖ ﺯﻋﻼﻥ ﻣﻦ ﺣﺮﻛﺘﻲ؟ ﺍﻧﺎ ﺍﺳﻔﻪ ﻭﺍﻟﻠﻪ ﻣﺎ ﻗﺼﺪﺗﺎ ﺷﻲ ﻛﻨﺖ ﺑﻬﻈﺮ ﻣﻊ ﺻﺤﺒﺘﻲ ﻭ ﺧﻼﺹ ﻗﺎﻝ ﻟﻲ ﻣﺎ ﻣﺸﻜﻠﻪ ﺣﺼﻞ ﺧﻴﺮ ﻣﺎ ﺯﻋﻼﻥ ﻭﻻ ﺣﺎﺟﻪ ﻋﺎﺍﺩ ﺍﻧﺎ ﺍﺑﺘﺴﻤﺘﺎ ﻟﻲ ﻫﻨﺎﻙ ﻭ ﻣﺸﻴﺖ ﻟﻠﺸﻐﻞ ﺑﻌﺪ ﻣﺎ ﺍﺑﺘﺴﻢ ﻓﻲ ﻭﺷﻲ .. ﺍﻭﻝ ﻣﺎ ﻭﺻﻠﺘﺎ ﺍﻟﺸﻐﻞ ﻟﻘﻴﺖ ﻧﻤﺎﺭﻕ ﻗﺎﻋﺪﻩ ﺳﻠﻤﺖ ﻋﻠﻴﻬﺎ ﻣﺒﺴﻮﻭﻃﻪ ﻗﺎﻟﺖ ﻟﻲ ﺳﻨﺪﺱ ﺍﺳﻤﺮ ﻛﻴﻒ ﻋﻠﻴﻚ ﺍﻟﻠﻪ ؟ ﻗﻠﺖ ﻟﻴﻬﺎ ﺡ ﻳﻜﻮﻥ ﻛﻴﻒ ﻣﺶ ﺷﻔﺘﻴﻬﻮ ﻗﺒﻞ ﻳﻮﻣﻴﻦ ! ﻗﺎﻟﺖ ﻟﻲ ﻣﻤﻜﻦ ﺗﺠﻴﺒﻴﻬﻮ ﺗﺎﻧﻲ ﻗﻠﺖ ﻟﻴﻬﺎ ﻫﻲ ﺷﻐﻠﻪ ﻭﻻ ﻛﻴﻒ ﺑﻌﺪﻳﻦ ﺍﻧﺘﻲ ﺍﺷﺘﻐﻠﺘﻲ ﻟﻲ ﺷﻐﻠﻲ ﺑﺘﺎﻉ ﺍﻟﻤﺮﻩ ﺍﻟﻔﺎﺗﺖ ﻣﺶ ﻛﺎﻥ ﺑﻴﻨﺎ ﺍﺗﻔﺎﻕ ﻗﺎﻟﺖ ﻟﻲ ﻟﺴﻪ ﻭﺍﻟﻠﻪ ﻣﺎ ﺍﺷﺘﻐﻠﺘﻮﺍ ﻗﻠﺖ ﻟﻴﻬﺎ ﻳﻼ ﺑﺎﻟﻠﻪ ﻋﻠﻰ ﺷﻐﻠﻚ ﻭﺷﻐﻠﻲ ﺳﺮﻳﻴﻴﻊ ﻗﻌﺪﺗﺎ ﺧﻠﻔﺘﺎ ﺭﺟﻞ ﻓﻮﻕ ﺭﺟﻞ ﻭ ﻓﺘﺨﺘﺎ ﺍﻟﻼﺑﺘﻮﺏ ﻭ ﺑﺪﻳﺖ ﺍﺗﺼﻔﺢ ﻓﻲ ﺻﻔﺤﻪ ﺣﺒﻴﺐ ﺍﻟﻘﻠﺐ ﻟﻘﻴﺘﻮ ﻣﻨﺰﻝ ﺑﻮﺳﺖ ﺑﻌﺪ ﻣﺎ ﺍﻧﺎ ﻻﻗﻴﺘﻮ ﻃﻮﺍﺍﺍﻟﻲ " ﻭﻣﺎﺫﺍ ﺍﻥ ﻛﺎﻥ ﺍﻟﺼﺒﺢ ﻳﺒﺪﺃ ﺑﺼﻮﺕ ﺣﺒﻴﺐ ﻗﺮﻳﺐ ! ﺍﻟﻠﻬﻢ ﻫﺬﺍ ﺍﻟﺼﺒﺎﺡ ﻛﻞ ﻳﻮﻡ " ﻋﺎﺩ ﺍﻧﺎ ﻟﻤﻦ ﻗﺮﻳﺖ ﺍﻟﺒﻮﺳﺖ ﺍﻻﺑﺘﺴﺎﻣﻪ ﺩﺍﻳﺮﻩ ﺗﺸﺮﻁ ﺧﺸﻤﻲ ﻗﺴﻤﻴﻴﻴﻦ ﺍﻟﻜﻼﻡ ﺩﻩ ﻟﻲ ﺑﻌﺪ ﻻﻗﺎﻧﻲ ﻣﺒﺎﺍﺍﺷﺮﺓ ﻛﺘﺐ ﻛﺪﻩ ﺍﻫﺎ ﺍﻧﺎ ﺍﺗﺤﻤﺴﺘﺎ ﻭ ﺭﺳﻠﺖ ﻟﻴﻬﻮ ﻃﻠﺐ ﻗﺎﻡ ﻗﺒﻠﻮﺍ ﻗﻤﺘﺎ ﺍﻧﻄﻂ ﻓﻲ ﺍﻟﻤﻜﺘﺐ ﻭﻧﻤﺎﺭﻕ ﺗﻌﺎﻳﻦ ﻟﻲ ﺑﻘﻌﺮ ﻋﻴﻨﻬﺎ .. ﻟﻤﻦ ﻫﺪﻳﺖ ﻭﻗﻌﺪﺗﺎ ﺍﻫﺎ ﻃﺒﻌﺎ ﺻﻔﺤﺘﻲ ﻛﻠﻬﺎ ﻛﻼﻡ ﺧﺎﺭﻡ ﺑﺎﺭﻡ ﻛﺪﻩ ﻻ ﻓﻴﻬﺎ ﻟﻐﻪ ﺯﻱ ﺍﻟﻨﺎﺱ ﻭﻻ ﻣﺸﺎﻋﺮ ﻭﻻ ﺍﺣﺎﺳﻴﺲ ﻭﻻ ﺍﺳﺎﺳﺎ ﺑﻌﺮﻑ ﺍﻛﺘﺐ .. ﻗﻤﺘﺎ ﺭﺳﻠﺖ ﻟﻴﻬﻮ ﻓﻲ ﺍﻟﻤﺴﻨﺠﺮ ﻧﻮﺭﺕ ﺍﻟﺼﻔﺤﻪ ﺍﻟﺨﺮﺑﺎﻧﻪ ﻭﺍﻟﻠﻪ ﺭﺳﻞ ﻟﻲ ﺍﻳﻤﻮﺷﻨﺎﺕ ﺿﺤﻚ ﻛﺪﻩ ﻭ ﻗﺎﻝ ﻟﻲ ﺑﻲ ﻧﻮﺭﻙ ﺍﻟﺼﻔﺤﻪ ﺍﻟﺨﺮﺑﺎﻧﻪ ﻣﻨﻮﺭﻩ ﻭ ﻋﻠﻰ ﻓﻜﺮﻩ ﻗﺮﻳﺖ ﻟﻴﻚ ﺑﻮﺳﺘﻴﻦ ﺿﺤﻚ ﻛﺪﻩ ﻋﻠﻰ ﺍﻟﺴﺮﻳﻊ .. ﺍﻧﺎ ﺑﺤﺐ ﺍﻟﻨﺎﺱ ﺍﻟﺒﺘﺪﺧﻞ ﺍﻟﺒﻬﺠﻪ ﻋﻠﻰ ﻗﻠﻮﺏ ﻏﻴﺮﻫﺎ ﻭ ﺍﻧﺘﻲ ﻣﻦ ﺍﻟﻨﻮﻉ ﺍﻟﺒﻨﺰﻝ ﺑﻮﺳﺘﺎﺕ ﺿﺤﻚ ﻭ ﺑﻔﺮﺡ ﺍﻟﻨﺎﺱ ﻭﺑﺨﻠﻴﻬﻢ ﻳﻀﺤﻜﻮﺍ ﺻﺮﺍﺣﻪ ﺷﺨﺼﻴﺘﻚ ﺣﻠﻮﻩ ﺣﺎﻓﻈﻲ ﻋﻠﻰ ﺭﻭﺣﻚ ﺍﻟﻤﺮﺣﻪ ﺩﻱ ﻳﺎ ﺳﻨﺪﺱ ﻋﺎﺍﺩ ﺍﻧﺎ ﺑﻌﺪ ﺍﻟﺮﺳﺎﻟﻪ ﺩﻱ ﻓﺮﺣﻪ ﻓﺮﺣﻪ ﻛﺪﻩ ﺧﻠﺘﻨﻲ ﺍﺗﺼﺪﻡ ﻣﻦ ﺍﻟﻔﻄﻮﺭ ﻭ ﺟﺮﺭﺭﻱ ﺷﻠﺘﺎ ﺍﻟﺘﻠﻔﻮﻥ ﻭﺿﺮﺑﺘﺎ ﻟﻲ ﺯﻫﺮﻩ ﺍﺣﻜﻲ ﻟﻴﻬﺎ ﺑﻌﺪ ﺭﺻﻴﺖ ﺍﻟﺮﺳﺎﻟﻪ ﻛﻠﻬﺎ ﻗﺎﻟﺖ ﻟﻲ ﻣﺎ ﺗﺸﺘﻐﻠﻲ ﺑﻴﻬﻮ ﻭ ﺍﻭﻭﻭﻋﻚ ﺗﺮﺩﻱ ﻋﻠﻴﻬﻮ ﻣﺎ ﻛﻔﺎﻳﻪ ﺍﻧﻚ ﺧﺮﺑﺘﻴﻬﺎ ﻭ ﺭﺳﻠﺘﻲ ﻟﻴﻬﻮ ﺍﻟﻄﻠﺐ ﺍﻧﺘﻲ ﻋﻠﻴﻚ ﺍﻟﻠﻪ ﻣﺎ ﺗﺬﻟﻲ ﺭﻭﺣﻚ ﺍﻛﺘﺮ ﻣﻦ ﻛﺪﻩ .. ﻗﻔﻠﺖ ﻣﻨﻬﺎ ﺑﺎﻟﻠﻪ ﺍﻟﺒﺖ ﻗﻔﻠﺖ ﻧﻔﺴﻲ ﻣﺎ ﺍﺷﺘﻐﻠﺖ ﺑﻜﻼﻣﻬﺎ ﻭ ﻣﺸﻴﺖ ﺭﺩﻳﺖ ﻟﻴﻬﻮ " ﻭﺍﻧﺖ ﻭﺍﻟﻠﻪ ﺷﺨﺼﻴﻪ ﻣﺤﺒﻮﺑﻪ ﻭ ﺣﻠﻮﻩ ﻭﺟﺬﺍﺑﻪ ﻭ ﻛﺘﺎﺑﺎﺗﻚ ﺗﻌﺒﺮ ﻋﻦ ﻣﺸﺎﻋﺮ ﻛﻞ ﺍﻟﻨﺎﺱ ﻭ ﻳﺎﺭﻳﺖ ﻧﻜﻮﻥ ﺍﺻﺤﺎﺏ ﺑﺠﺪ ﻣﻤﻜﻦ ؟ ﻗﺎﻡ ﺿﺤﻚ ﻭ ﻗﺎﻝ ﻟﻲ ﺑﺘﺸﺮﻑ ﻭﺍﻟﻠﻪ " ﻋﺎﺍﺍﺩ ﺍﻧﺎ ﺍﻟﻔﺮﺣﻪ ﻣﺎ ﺳﺎﻳﻌﺎﺍﺍﻧﻲ ﻟﻤﻠﻤﺖ ﻋﻔﺸﻲ ﻭ ﻃﻠﻌﺘﺎ ﻣﻦ ﺍﻟﻤﻜﺘﺐ ﺑﺪﺭﻱ ﻟﻘﻴﺖ ﺍﻟﻤﻮﺍﺻﻼﺕ ﻭﺍﺍﺍﻗﻔﻪ ﻳﺤﻨﺴﻮﺍ ﻓﻲ ﺍﻟﻨﺎﺱ ﻳﺮﻛﺒﻮﺍ ﻭ ﺑﺎﻟﻠﻴﻞ ﻧﺤﻨﺎ ﻧﺠﺮﻱ ﻭﻧﺪﺭﺩﻕ ﻭﺭﺍ ﺍﻟﺤﺎﻓﻠﻪ ﻭ ﻳﻘﻔﻞ ﺷﺒﺎﺑﻴﻜﻮ ﻭﻳﻘﻮﻝ ﺑﻴﻨﺎ ﻣﺎ ﻣﺎﺷﻲ ﻣﺰﺍﺝ ﻛﺪﻩ ﺑﺲ ﻭﺑﻌﺪ ﺷﻮﻳﻪ ﺗﺸﻮﻓﻴﻬﻮ ﻣﺪﺭﺩﻕ ﺟﺎﺭﻱ ﻳﺸﺤﻦ .. ﺍﻫﺎ ﻭﺻﻠﺘﺎ ﺑﻴﺘﻨﺎ ﻣﻨﺸﺮﺣﻪ ﻭ ﺣﻠﻔﺘﺎ ﻣﺎ ﺍﻣﺸﻲ ﻟﻲ ﺯﻫﺮﻩ ﺗﺴﺪ ﻟﻲ ﻧﻔﺴﻲ .. ﺍﺳﺒﻮﻭﻭﻉ ﻋﺪﺍ ﻭ ﻣﺎ ﻻﻗﻴﺘﻬﺎ ﺷﻐﺎﻟﻪ ﻭﻧﺴﻪ ﺻﺒﺎﺡ ﻣﺴﺎﺀ ﻣﻊ ﺍﺳﻤﺮ ﻭ ﻛﻞ ﻣﺎ ﺍﺷﻮﻓﻮ ﺩﺍﺧﻞ ﺍﺗﻜﻠﻢ ﻭ ﺍﺭﺳﻞ ﻟﻴﻬﻮ ﻭ ﺍﺻﺒﺢ ﻭ ﺍﻣﺴﻲ ﻭﻟﺤﺪﻱ ﻣﺎ ﺍﺩﺍﻧﻲ ﺭﻗﻢ ﺍﻟﻮﺗﺴﺎﺏ ﺑﺘﺎﻋﻬﻮ ﻭ ﺑﻌﺪ ﻛﺪﻩ ﺍﺳﺘﻠﻤﺖ ﺍﻟﻤﻮﺍﺿﻴﻊ ﻛﻠﻬﺎ ﺑﺒﺪﺍ ﺑﺮﺳﻞ ﻟﻴﻬﻮ ﺍﻧﺎ ﻻﻧﻮ ﻫﻮ ﻣﺴﺘﺤﻴﻴﻞ ﻳﺮﺳﻞ ﺑﺮﺍﻫﻮ ﺯﻫﺮﻩ ﻗﺪﺭ ﻣﺎ ﺗﻀﺮﺏ ﻣﺎ ﺑﺮﺩ ﺍﻫﺎ ﻳﻮﻡ ﺑﻌﺪ ﻣﺎ ﺍﻧﺎ ﺭﺟﻌﺘﺎ ﻣﻦ ﺍﻟﺸﻐﻞ ﻫﻲ ﻟﺒﺴﺖ ﻭﺟﺎﺗﻨﻲ ﺍﻭﻝ ﻣﺎ ﺍﻣﻲ ﻓﺘﺤﺖ ﻟﻴﻬﺎ ﻗﺎﻟﺖ ﻟﻴﻬﺎ ﺑﺘﻚ ﺍﻟﻔﺜﺮ ﺍﻟﺒﺎﻳﺮﻩ ﻭﻳﻨﻬﺎ ! ﺟﻴﺘﻬﺎ ﻃﺎﻟﻌﻪ ﺑﺎﻳﺮﻩ ﺍﻧﺘﻲ ﺩﻩ ﻛﺎﻥ ﺯﻣﺎﻥ ﻗﺎﻟﺖ ﻟﻲ ﺍﻧﺘﻲ ﻧﺤﻨﺎ ﺳﺠﻠﻨﺎ ﻓﻲ ﺍﻟﺰﻭﻣﺒﺎ ﻋﺸﺎﻥ ﺗﻐﻴﺒﻲ ﺍﺳﺒﻮﻉ ﻗﻠﺖ ﻟﻴﻬﺎ ﻫﻲ ﻛﻠﻬﺎ ﺗﻼﺗﻪ ﺍﻳﺎﻡ ﻓﻲ ﺍﻻﺳﺒﻮﻉ ﺍﻟﺪﻧﻴﺎ ﺧﺮﺑﺖ ﻳﻌﻨﻲ ﻟﻤﺎ ﻣﺎ ﻣﺸﻴﺖ ﻗﺎﻟﺖ ﻟﻲ ﺳﻨﺪﺱ ﻣﺎ ﺗﺘﻌﻮﻗﻠﻲ ﻣﻌﺎﻱ ﻭ ﻣﻦ ﺑﻌﺪﻳﻦ ﺍﻟﻤﻐﺮﺏ ﺍﻟﻘﺎﻙ ﻫﻨﺎﻙ ﺳﻤﻌﺘﻲ
ﻗﻠﺘﺎ ﻟﻴﻬﺎ ﺣﺎﺍﺍﺿﺮ ﻗﺎﻟﺖ ﻟﻲ ﻋﻠﻰ ﻓﻜﺮﻩ ﻻﻗﻴﺖ ﺍﺳﻤﺮ ﺗﺤﺖ ﺳﻠﻤﺖ ﻋﻠﻴﻬﻮ ﻗﻠﺖ ﻟﻴﻬﺎ ﺻﺤﻲ ﻭﺍﻟﻠﻪ ﻳﺎﺻﺤﺒﺘﻲ ﻭ ﺷﺎﺍﺍﻳﻞ ﺗﻠﻔﻮﻧﻮ ﺑﺘﻜﻠﻢ ﻭ ﻳﺘﻀﺤﻢ ﺑﺮﺍﺍﻫﻮ .. ﻗﻠﺘﺎ ﻟﻴﻬﺎ ﻳﺘﻜﻠﻢ ﻗﺎﻟﺖ ﻟﻲ ﺑﺮﺭﻱ ﻣﺎ ﺍﻇﻦ ﻟﻲ ﺩﻩ ﺗﻠﻔﻮﻥ ﺭﺟﺎﻝ ﻣﻊ ﺑﻌﺾ .. ﺍﻫﺎ ﻗﺎﻣﺖ ﻣﺎﺭﻗﻪ ﺑﻌﺪ ﻣﺎ ﻓﻮﺭﺗﻨﻲ ﺍﻟﺒﺖ ﻭ ﻫﻲ ﻣﺎ ﻋﺎﺭﻓﺎﻧﻲ ﺍﻧﺎ ﺑﺮﺳﻞ ﻟﻴﻬﻮ ﻛﻞ ﻳﻮﻡ .. ﻗﻤﺘﺎ ﺿﺮﺑﺘﺎ ﻟﻘﻴﺘﻮ ﻣﺸﻐﻮﻝ ﻭﺗﺎﻧﻲ ﻣﺸﻐﻮﻝ ﻭ ﺗﺎﻟﺖ ﻣﺸﻐﻮﻝ ﻗﻠﺒﻲ ﺍﻛﻠﻨﻲ ﻟﻔﻴﺖ ﺍﻟﺒﻴﺖ ﻋﺸﺮﻩ ﻣﺮﺍﺕ ﻭﻗﻔﺘﺎ ﻓﻲ ﺍﻟﺒﻠﻜﻮﻧﻪ ﻣﺎ ﺷﻔﺘﻮ ﻟﻤﺎ ﺧﻠﺺ ﺭﺟﻊ ﻟﻲ ﻗﻠﺒﻲ ﻗﻌﺪ ﻳﻨﻘﺰ ﻛﺪﻩ ﺑﻌﺪﺍﻙ ﺭﺩﻳﺖ ﻗﻠﺖ ﻟﻴﻬﻮ ﻛﻨﺖ ﺩﺍﻳﺮﻩ ﺍﺟﺮﺏ ﺍﻟﺮﻗﻢ ﻗﺎﻡ ﺿﺤﻚ ﻗﺎﻝ ﻟﻲ ﻇﺮﻳﻔﻪ ﻗﻠﺖ ﻟﻴﻬﻮ ﺭﺟﻞ ﺍﻋﻤﺎﻝ ﻣﻬﻢ ﻭ ﻻ ﻛﻴﻒ ! ﻗﺎﻡ ﺿﺤﻚ ﺗﺎﻧﻲ ﻭ ﻗﺎﻝ ﻟﻲ ﻳﻌﻨﻲ ﺍﻧﺘﻲ ﻣﺰﻋﺠﻪ ﻛﺪﻩ ﻭ ﻃﻠﻊ ﻣﻦ ﺑﺎﺏ ﺑﻴﺘﻬﻢ ﻭ ﺍﻧﺎ ﻭﺍﻗﻔﻪ ﻓﻲ ﺍﻟﺒﻠﻜﻮﻧﻪ ﺷﻔﺘﻮ ﺍﺷﺮﺕ ﻟﻴﻬﻮ ﻭ ﺑﻘﻰ ﺑﻌﺎﻳﻦ ﻟﻲ ﻗﺎﻝ ﻟﻲ ﻳﻌﻨﻲ ﺍﻟﺰﻭﻝ ﻣﺎ ﻳﺨﻠﻂ ﻣﻌﺎﻙ ! ﻗﻠﺘﺎ ﻟﻴﻬﻮ ﻳﺨﻠﻂ ؟ ﻗﺎﻝ ﻟﻲ ﻗﻔﻠﺖ ﺍﻟﺨﻂ ﻓﻲ ﺣﺒﻴﺒﺘﻲ ﺑﺴﺒﺒﻚ .. ﻟﻤﺎ ﻗﺎﻝ ﻟﻲ ﻛﺪﻩ ﺣﺴﻴﺖ ﺑﻐﺼﻪ ﺟﻮﻭﻭﻩ ﻗﻠﺒﻲ ﻗﺮﺑﺘﺎ ﺍﺑﻜﻲ ﺑﺲ ﻷﻧﻮ ﻭﺍﻗﻒ ﻭﺷﺎﻳﻔﻨﻲ ﻣﺴﻜﺘﺎ ﻧﻔﺴﻲ ﺑﺎﻟﻘﻮﻫﻪ ﻗﻠﺘﺎ ﻟﻴﻬﻮ ﻳﻌﻨﻲ ﺍﻧﺖ ﻣﺮﺗﺒﻂ ؟ ﻗﺎﻝ ﻟﻲ ﺍﻳﻮﻩ ﻣﺮﺗﺒﻂ ﺍﺭﺗﺒﺎﻁ ﻭﺛﻴﻖ ﻛﻤﺎﻥ ﻭﺿﺤﻚ ﻭﻫﻮ ﺑﻌﺎﻳﻦ ﻟﻲ ﻋﻤﻠﺘﺎ ﻓﻴﻬﺎ ﺍﻣﻲ ﺑﺘﻨﺎﺩﻳﻨﻲ ﻗﻠﺖ ﻟﻴﻬﻮ ﺩﻗﻴﻘﻪ ﻣﺎﻣﺎ ﺑﺘﻨﺎﺩﻳﻨﻲ ﻗﺎﻝ ﻟﻲ ﺍﺧﺪﻱ ﻭﻗﺘﻚ .. ﺟﺮﺭﺭﻳﺖ ﺟﻮﻩ ﺍﻟﺤﻤﺎﻡ ﻗﻔﻠﺘﻮ ﻭﻗﻌﺪﺗﺎ ﻓﻲ ﺍﻻﺭﺽ ﺍﺑﻜﻲ ﻭ ﺍﻗﺶ ﻓﻲ ﺩﻣﻮﻋﻲ ﻭ ﺧﺎﺗﻪ ﻗﻄﻌﻪ ﻓﻲ ﺧﺸﻤﻲ ﻋﺸﺎﻥ ﺻﻮﺗﻲ ﻣﺎ ﻳﻄﻠﻊ ﺑﻜﻲ ﻳﻴﺖ ﺑﻜﻴﻴﻴﺖ ﻟﻤﺎ ﻓﺘﺮﺕ ﻭﺍﻟﻤﻐﺮﺏ ﺍﺫﻥ ﻟﻲ ﻭﺍﻧﺎ ﺑﺒﻜﻲ ﺟﻮﻩ ﺍﻟﺤﻤﺎﻡ
ﺍﻫﺎ ﻟﻤﺎ ﺟﺎ ﻭﻗﺖ
ﺍﻟﺰﻭﻣﺒﺎ ﻭ ﻃﻠﻌﺖ ﺑﺮﻩ ﺟﻬﺰﺗﺎ ﻧﻔﺴﻲ ﻭﻗﻠﺖ ﻟﻲ ﺍﻣﻲ ﺍﻧﺎ ﻣﺎﺷﻪ ﻣﻊ ﺯﻫﺮﺍﺀ ﺟﻴﻨﺎ ﻣﺎﺭﻳﻴﻦ ﺑﺎﻟﻤﻴﺪﺍﻥ ﺍﻧﺎ ﻭﺯﻫﺮﻩ ﺷﺎﻓﺘﻮ ﻫﻨﺎﻙ ﻗﺎﻟﺖ ﻟﻲ ﺳﻨﺪﺱ ﻋﺎﻳﻨﻲ ﻋﺮﻓﺘﻬﺎ ﻗﺼﺪﻫﺎ ﺍﺳﻤﺮ ﻗﻠﺘﺎ ﻟﻴﻬﺎ ﻣﺎ ﺩﺍﻳﺮﻩ ﺍﻋﺎﻳﻦ ﺍﺳﺘﻐﺮﺑﺖ ﻓﻴﻨﻲ ﻭ ﻣﺸﻴﻨﺎ ﻟﻠﻤﻌﻬﺪ .. ﺍﻭﻝ ﻣﺮﻩ ﺍﺭﻗﺺ ﺯﻱ ﺍﻟﻤﺪﺭﺑﻪ ﻭﺣﺎﺳﻪ ﻧﻔﺴﻲ ﻋﺎﻳﺰﻩ ﺍﺑﻜﻲ ﻟﻤﺎ ﺍﻧﺘﻬﻴﻨﺎ ﻗﻠﺖ ﻟﻲ ﺯﻫﺮﻩ ﺍﻣﺸﻲ ﺍﻧﺘﻲ ﺍﻧﺎ ﺩﺍﻳﺮﻩ ﺍﺗﻤﺸﻰ ﻗﺎﻟﺖ ﻟﻲ ﺍﻣﺸﻲ ﻣﻌﺎﻙ ﻗﻠﺘﺎ ﻟﻴﻬﺎ ﻻ ﻗﺎﻟﺖ ﻟﻲ ﺳﻨﺪﺱ ﻣﺎ ﺗﻜﻮﻧﻲ ﻋﺎﻳﺰﺓ ﺗﻼﻗﻲ ﺍﺳﻤﺮ ﻗﻠﺘﺎ ﻟﻴﻬﺎ ﺯﻫﺮﻩ ﺧﻠﻴﻨﻲ ﺑﺲ ﻓﻲ ﺣﺎﻟﻲ ﻭﺍﻣﺸﻲ ﻟﻤﺎ ﻟﻘﺘﻨﻲ ﻣﺘﻀﺎﻳﻘﻪ ﻓﻌﻼ ﻣﺎ ﺣﺒﺖ ﺗﻜﺘﺮﻫﺎ ﻣﻌﺎﻱ ﻭ ﻣﺸﺖ .. ﺍﻧﺎ ﻗﻌﺪﺕ ﻓﻲ ﺑﺎﺏ ﺍﻟﻤﻌﻬﺪ ﻭ ﺍﺑﻜﻲ ﻓﻲ ﺍﻟﺸﺎﺭﻉ ﺯﻱ ﺍﻟﻬﺒﻠﻪ ﻟﻤﻦ ﺭﻓﻌﺘﺎ ﺭﺍﺳﻲ ﺍﺷﻮﻑ ﺍﻟﻤﺴﻄﻮﻝ ﻃﺎﺍﺍﻟﻊ ﻭ ﺑﺴﺠﺮ ﻭ ﻗﺎﻋﺪ ﻓﻲ ﻣﺼﻄﺒﺘﻬﻢ ﺑﺲ ﻣﻦ ﻏﻴﺮ ﺍﻱ ﻋﻘﻞ ﻗﻮﻣﻲ ﻳﺎ ﺳﻨﺪﺱ ﺍﻗﻄﻌﻲ ﺍﻟﻈﻠﻂ ﻭﺍﻣﺸﻲ ﺍﻗﻴﻔﻲ ﻓﻲ ﻭﺷﻮ ﺍﻟﻮﻟﺪ ﺑﻘﻰ ﺑﻌﺎﻳﻦ ﻟﻲ ﻭ ﺭﻓﻊ ﺣﺎﺟﺒﻮ ﻳﻌﻨﻲ ﻓﻲ ﺷﻨﻮ ! ﻭ ﺍﻧﺎ ﺑﻘﺸﻘﺶ ﻓﻲ ﺩﻣﻮﻋﻲ ﺑﻲ ﺍﻟﻄﺮﺣﻪ ﻭﺑﺠﺮ ﻣﻌﺎﻫﺎ ﺍﻧﻔﻲ ﻗﻠﺘﺎ ﻟﻴﻬﻮ ﺍﺩﻳﻨﻲ ﺑﺲ ﻣﻦ ﺍﻟﺒﺘﺸﺮﺏ ﻓﻴﻬﻮ ﺩﻩ

يتبع......