كتمان الشوق

الجزء 11

ﻭﺍﻟﻠﻪ ﻏﺎﻳﺘﻮ ﻳﻮﻡ ﺍﻟﺴﺒﺖ ﺩﺍﻙ ﻛﺎﻥ ﻳﻮﻡ ﻣﺎ ﺑﺘﻨﺴﻲ ﻛﻠﻮ ﻛﻠﻮ .. ﺑﺴﺒﺐ ﺷﻤﺎﺭﺍﺗﻲ ﺍﻟﻜﺘﻴﺮﻩ ﻣﺎﻗﺪﺭﺕ ﺍﻧﻮﻡ ﻛﻠﻮ ﻛﻠﻮ ﻃﺎﻟﻌﻪ ﻭ ﺩﺍﺧﻠﻬﻪ ﺑﻔﻜﺮ ﻓﻲ ﻋﺒﺪ ﺍﻟﻠﻪ 😂👋 ﺍﺣﻞ ﻟﻴﻬﻮ ﻣﺸﺎﻛﻠﻮ ﻛﻴﻒ ﻏﺎﻳﺘﻮ ﺑﺲ ﺑﻘﻰ ﻋﻨﺪﻱ ﻫﻢ ﺟﺪﻳﺪ ﻛﻤﺎﺍﻥ ﻗﻠﺖ ﻣﺎﻓﻲ ﺯﻭﻝ ﺍﺳﺘﺸﻴﺮﻭ ﻭ ﺑﻔﻴﺪﻧﻲ ﻏﻴﺮ ﺣﺒﻮﺑﻪ .. ﻟﻔﺤﺘﺎ ﺗﻮﺏ ﺍﻣﻲ ﻭ ﺑﻲ ﻛﻌﻜﺎﺗﻲ ﻭ ﺳﻔﻨﺠﺔ ﺍﺧﻮﻱ ﻃﻠﻌﺘﺎ ﻋﺎﺩ ﺩﻱ ﻣﺎ ﺣﺒﻮﺑﻬﻪ ﻣﺎﺩﺍﻳﺮﻩ ﺍﺟﺘﻬﺎﺩ ﻛﺘﻴﻴﺮ 😂😂👋 .. ﺍﻭﻝ ﻣﺎ ﻧﺰﻟﺘﺎ ﺍﻟﻘﻰ ﺍﺳﻤﺮ ﻓﻲ ﺧﻠﻘﺘﻲ ﺑﺎﻟﻠﻪ ﺍﻟﻮﻟﺪ ﺍﻟﺘﻘﻮﻝ ﺑﻨﺘﻈﺮﻧﻲ ﺍﺗﺒﻬﺪﻝ ﺍﻟﻤﺮﻩ ﺩﻱ ﺑﺎﻟﺠﺪ ﻣﺎ ﻛﻨﺖ ﻓﺎﺿﻴﻪ ﻟﻴﻬﻮ ﻟﻴﺖ ﻣﻮﺿﻮﻉ ﺟﺪﻳﻴﺪ ﺷﺎﻏﻠﻨﻲ ﻗﻠﺘﺎ ﻟﻴﻬﻮ ﺍﻟﺴﻼﻡ ﻋﻠﻴﻜﻢ ﻭ ﻗﺒﻞ ﻣﺎ ﻳﺮﺩ ﻣﺸﻴﺖ ﺑﻘﻰ ﺑﻌﺎﻳﻦ ﻟﻲ ﻣﺴﺘﻐﺮﺏ ! ﺩﻱ ﺟﺎﺕ ﻧﺎﺯﻟﻪ ﻣﻦ ﻳﺎﺗﻮ ﻛﻮﻛﺐ ﻭ ﺍﻟﺴﻔﻨﺠﻪ ﺍﻻﺑﺴﺎﻫﺎ ﺩﻱ ﺷﻨﻮ 😳 ﺍﺳﺎﺳﺎ ﻫﻮ ﺣﺎﺭﻗﻮ ﺍﻧﻲ ﺑﻘﻴﺖ ﺳﺎﻓﻬﺎﻫﻮ ﺍﻟﻤﻬﻢ ﺭﻛﺒﺘﺎ ﺭﻛﺸﺘﻲ ﻭﻣﺸﻴﺖ ﻟﻲ ﺣﺒﻮﺑﻪ ﺩﺧﻠﺘﺎ ﻭ ﺳﻠﻤﺘﺎ ﻋﻠﻰ ﻧﺎﺱ ﺍﻟﺒﻴﺖ ﺧﺎﻟﻲ ﻭ ﺧﺎﻟﺘﻲ ، ﻣﺘﻌﻮﺩﻳﻴﻴﻦ ﻳﺸﻮﻓﻮﻧﻲ ﺑﺎﻟﻤﻨﻈﺮ ﺩﻩ 😂👋 ﻗﻌﺪﺗﺎ ﻣﻌﺎﻫﺎ ﻭ ﺍﻧﺘﻈﺮﺗﻬﻢ ﻃﻠﻌﻮﺍ ﻣﻦ ﺍﻟﻐﺮﻓﻪ ﻛﺪﻩ ﻃﻮﺍﺍﻟﻲ ﺟﺮﻳﺖ ﺍﻟﺒﺎﺏ ﻗﻔﻠﺘﻮﺍ ﻭﻗﻌﺪﺗﺎ ﻓﻲ ﺍﻻﺭﺽ ﻗﻠﺘﺎ ﻟﻴﻬﺎ ﺣﺒﻮﺑﻪ ﺍﺳﻤﻌﻴﻨﻲ ﻓﻲ ﻣﻮﺿﻮﻉ ﺿﺮﻭﺭﻱ ﻭﻻﺯﻡ ﺗﻠﻘﻲ ﻟﻴﻬﻮ ﺣﻞ ، ﻗﺎﻟﺖ ﻟﻲ ﺍﻧﺎ ﻣﻦ ﺷﻔﺘﺎ ﺟﻴﺘﻚ ﺩﻱ ﻣﺎ ﻃﻤﻨﺘﻨﻲ ﺍﻫﺎ ﻓﻲ ﻋﺮﻳﺲ ﺟﺎﻛﻲ ! ﻗﻠﺘﺎ ﻟﻴﻬﺎ ﺍﻟﻠﻪ ﻳﺴﺎﻟﻚ ﻋﺮﻳﺲ ﺷﻨﻮ ﻳﺎﻣﺮﻩ ﺍﻗﻮﻝ ﻟﻴﻚ ﻣﻮﺿﻮﻉ ﻣﻬﻢ ﻭﺿﺮﻭﺭﻱ ﻗﺎﻟﺖ ﻟﻲ ﻗﻮﻟﻲ ﻓﻲ ﺷﻨﻮ ! ﻗﻠﺘﺎ ﻟﻴﻬﺎ ﻓﻲ ﻭﺍﺣﺪ ﺑﺘﺎﻉ ﻣﺨﺪﺭﺍﺕ ﻭﻗﺒﻞ ﻣﺎ ﺍﺗﻢ ﻗﺎﻟﺖ ﻟﻲ ﺳﺠﻤﻤﻤﻤﻲ ﺑﻘﻴﺘﻲ ﺑﺘﺎﻋﺖ ﻣﺨﺪﺭﺍﺕ
ﺍﻧﺎ ﻗﻠﺘﺎ ﻟﻲ ﺍﻣﻚ ﺍﻟﺴﺠﻤﺎﻧﻪ ﺩﻱ ﺑﺘﻚ ﺩﻱ ﺍﻻﻳﺎﻡ ﺩﻱ ﻣﺎﺍﺍﻋﺎﺟﺒﺎﻧﻲ ﺑﻘﺖ ﺑﺘﺤﺒﺲ ﺭﻭﺣﻬﺎ ﻃﺒﻴﻌﻲ ﻓﻲ ﺍﻟﻐﺮﻓﻪ ﺯﻱ ﺍﻟﺸﻴﻄﺎﻧﻪ ﻭ ﺿﻌﻔﺘﺎ ﺍﺗﺴﻠﺖ ﻛﺪﻩ ﺑﺴﺮﺭﻋﻪ .. ﺍﺧﻮﺍﻧﻚ ﺍﻟﺴﺠﻤﺎﻧﻴﻦ ﺍﻟﺒﺮﻩ ﺩﻳﻞ ﻛﺎﻥ ﺟﻮﺍ ﺭﺑﻮﻙ ﻣﺎ ﻛﺎﻥ ﺧﺮﺑﺘﻲ ﻛﺪﻩ ، ﻗﻠﺘﺎ ﻟﻴﻬﺎ ﺣﺒﻮﺑﻪ ﺍﺳﺘﻐﻔﺮ ﺍﻟﻠﻪ ﺑﺲ ﺗﻨﺪﻣﻲ ﺍﻟﺰﻭﻝ ﻋﻠﻰ ﺍﻟﺠﻴﻪ ﺑﺎﻟﻠﻪ ﻋﺮﻓﺘﺎ ﺍﻣﻲ ﺍﻻﻳﺎﻡ ﺍﻟﻔﺎﺗﺖ ﻛﻞ ﻣﻞ ﺗﻠﻘﺎﻧﻲ ﻗﺎﻓﻠﻪ ﺑﺎﺏ ﺍﻟﻐﺮﻓﻪ ﺗﺤﻠﻒ ﻭﺗﻘﻮﻝ ﺍﻻ ﺍﺧﻠﻴﻬﺎ ﻓﺎﺗﺤﻪ ﺍﺗﺎﺭﻳﻬﺎ ﻛﺎﻧﺖ ﺑﺘﺮﺍﻗﺒﻨﻲ ﺑﺴﺒﺐ ﻧﻘﺘﻚ ﻣﺶ 😒 ﻭﺍﻓﻜﺎﺭﻙ ﺍﻟﺪﺧﻠﺘﻴﻬﺎ ﻟﻠﻤﺮﻩ ﻓﻲ ﺭﺍﺳﻬﺎ . ﺍﻟﻤﻬﻢ ﺍﻧﺎ ﻭﺣﺎﺍﺕ ﺍﻟﻠﻪ ﺳﻠﻴﻤﻪ ﻭ ﻣﺎﻣﺪﻣﻨﻪ ﻭ ﻣﺎﺗﻘﺎﻃﻌﻴﻨﻲ ﻟﺤﺪﻱ ﻣﺎ ﺍﺗﻢ ﻟﻴﻚ ﻗﺎﻟﺖ ﻟﻲ ﻗﻮﻟﻲ 😒👋 ﻗﻠﺘﺎ ﻟﻴﻬﺎ ﻓﻲ ﻭﺍﺣﺪ ﻣﺴﻜﻴﻦ ﺷﺪﻳﻴﺪ ﻗﺎﺍﻃﻊ ﻗﻠﺒﻲ ﻃﺒﻌﺎ ﻋﺎﺍﺭﻓﻪ ﻗﻠﺒﻬﺎ ﺣﻨﻴﻦ ﻭﻣﻦ ﺍﻗﻮﻝ ﻣﺴﻜﻴﻦ ﺩﻱ ﺡ ﺗﺴﻜﺖ ﻭﺗﺴﻤﻌﻨﻲ ﺣﻜﻴﺖ ﻟﻴﻬﺎ ﻗﺼﺔ ﻋﺒﺪ ﺍﻟﻠﻪ ﻛﻠﻬﺎﺍﺍ ﻛﺎﺍﺍﻣﻠﻪ ﻭ ﺍﻟﻤﺮﻩ ﺍﺗﺎﺛﺮﺕ ﻭﺷﺒﻜﺘﻨﻲ ﻛﺮﺭ ﻋﻠﻲ ﻭ ﺷﺒﺎﺑﻮ ﺿﺎﺍﻉ ﻭ ﻳﺤﻠﻴﻠﻮ ، ﻗﻠﺘﺎ ﻟﻴﻬﺎ ﺣﺒﻮﺑﻪ ﺍﺩﻳﻨﻲ ﺍﻟﺰﻳﺖ ﺑﺎﻟﻠﻪ ﻭ ﺑﻌﺪﺍﻙ ﺍﺗﺒﻜﺒﻜﻲ ﻗﺎﻟﺖ ﻟﻲ ﻭﺍﻟﻠﻪ ﺯﻭﻝ ﺯﻱ ﺩﻩ ﻣﺎ ﻋﺎﺭﻓﻪ ﻳﺼﻠﺤﻮﺍ ﺣﺎﻟﻮ ﻛﻴﻒ ﺑﻌﺪﻳﻦ ﺍﺣﺘﻤﺎﻝ ﻣﺎﻳﺴﻤﻊ ﻟﻴﻚ .. ﻟﻜﻦ ﺍﻟﻤﺎ ﻋﻨﺪﻭ ﺧﻴﺮ ﻓﻲ ﺻﻼﺗﻮ ﻣﺎ ﺑﺠﻴﻬﻮ ﺍﻟﺨﻴﺮ ﻗﻠﺘﺎ ﻟﻴﻬﺎ ﻫﻮ ﻭﻟﺪ ﻃﻴﻴﻴﺐ ﺑﺲ ﻣﺎ ﻟﻘﻰ ﺍﻟﺰﻭﻝ ﺍﻟﺒﻜﻮﻥ ﺣﻨﻴﻦ ﻣﻌﺎﻫﻮ ﻭ ﻳﻤﺴﻚ ﻟﻴﻬﻮ ﻳﺪﻭ ﻭ ﻳﻮﺭﻳﻬﻮ ﺍﻟﺼﺢ ، ﻗﺎﻟﺖ ﻟﻲ ﻭﺍﻟﻠﻪ ﻣﻮﺿﻮﻉ ﺯﻱ ﺩﻩ ﺻﻌﺐ ﺷﺪﻳﺪ ﻟﻜﻦ ﺑﻨﺼﺤﻚ ﺑﻲ ﺣﺎﺟﻪ ﻭﺍﺣﺪﻩ ﺍﺫﺍ ﺻﻠﻰ ﺍﻟﻮﻟﺪ ﺩﻩ ﺣﺎﻟﻮ ﺑﻨﺼﻠﺢ ، ﻏﺎﻳﺘﻮ ﺩﻩ ﻛﻞ ﺍﻟﻄﻠﻌﺘﺎ ﺑﻴﻬﻮ ﻣﻦ ﺣﺒﻮﺑﻪ ﺩﻱ ﺍﻫﺎ ﻗﻤﺘﺎ ﻋﻠﻰ ﺣﻴﻠﻲ ﻭ ﺍﺗﻨﻔﻀﺘﺎ ﻭﻗﻠﺘﺎ ﺍﻟﺒﺪﺍﻳﻪ ﺍﻟﺼﻼﻩ ﺡ ﺗﻜﻮﻥ ﺡ ﺍﺧﻠﻴﻬﻮ ﻳﺼﻠﻲ ﺣﺘﻰ ﻟﻮ ﻣﺮﻩ ﺑﻲ ﻣﺮﻩ ﺑﺴﻜﺮ ﺍﻧﺎ ﺍﺳﺎﺳﺎ ﻣﻘﺘﻨﻌﻪ ﺍﻧﻮ ﺍﻟﺰﻭﻝ ﻟﻮ ﺑﺼﻠﻲ ﻭ ﺑﻐﻠﻂ ﻓﻲ ﻳﻮﻡ ﺡ ﻳﺴﻴﺐ ﺍﻟﻐﻠﻂ ﺩﻩ ﺑﺴﺒﺐ ﺍﻟﺼﻼﻩ ، ﻗﻤﺘﺎ ﻣﻦ ﻫﻨﺎﻙ ﺭﻛﺒﺘﺎ ﺭﻛﺸﻪ ﻭﻣﺸﻴﻴﺖ ﻟﻲ ﺑﻴﺖ ﻧﺎﺱ ﻋﺒﺪ ﺍﻟﻠﻪ ﺿﺮﺑﺘﺎ ﻟﻴﻬﻮ ﺗﻠﻔﻮﻥ ﻗﻠﺘﺎ ﻟﻴﻬﻮ ﺍﻧﺎ ﻣﻨﺘﻈﺮﺍﻙ ﺑﺮﻩ ﻗﺎﻡ ﻃﻠﻊ ﺍﻭﻝ ﻣﺎﺷﺎﻓﻨﻲ ﺿﺤﻚ ﻭﺿﺤﻚ ﻭﺿﺤﻚ 😂😂😂 ﻗﻠﺘﺎ ﻟﻴﻬﻮ ﺍﺿﺤﻚ ﻟﻤﺎ ﺗﻤﻮﺕ ﺍﺭﺡ ﺳﺎﻳﻘﺎﻙ ﻣﻌﺎﻱ ﻣﺸﻮﺍﺭ ﻗﺎﻝ ﻟﻲ ﻭﻳﻦ؟ ﻗﻠﺘﺎ ﻟﻴﻬﻮ ﺍﺭﺡ ﺑﺲ ، ﺭﻛﺒﻨﺎ ﺍﻟﺮﻛﺸﻪ ﻭ ﻣﺸﻴﻨﺎ ﺍﻭﻝ ﻣﺎ ﻭﺻﻠﻨﺎ ﺍﻟﺠﺎﻣﻊ ﻧﺰﻟﻨﺎ ﻗﺎﻝ ﻟﻲ ﺍﻧﺘﻲ ﺟﺒﺘﻴﻨﻲ ﻭﻳﻦ؟ ﻗﻠﺘﺎ ﻟﻴﻬﻮ ﺟﻴﻨﺎ ﻫﻨﺎ ﻧﺼﻠﻲ ﻟﻲ ﺍﻣﻚ ﻗﺎﻝ ﻟﻲ ﻟﻤﺎ ﺍﻓﻀﻰ ﺑﺼﻠﻲ ﻭ ﻋﺎﻳﺰ ﻳﻤﺸﻲ ﻻﺣﻈﺘﺎ ﻟﻴﻬﻮ ﺯﻋﻞ ﻭ ﻃﻮﺍﻟﻲ ﻣﻼﻣﺤﻮ ﺍﺗﻐﻴﺮﺕ ﺟﺮﻳﺖ ﻭﻗﻔﺘﺎ ﺟﻨﺒﻮ ﻭﻗﻠﺘﺎ ﻟﻴﻬﻮ ﺍﻧﺖ ﻋﺎﺭﻑ ﺍﻣﻚ ﺡ ﺗﺘﻌﺬﺏ ﻓﻲ ﺍﻟﻨﺎﺭ ﺑﺴﺒﺒﻚ ! ﻃﺒﻌﺎ ﻣﺎ ﺟﺒﺘﺎ ﺳﻴﺮﺓ ﺍﻻﺑﻮ ﻻﻧﻲ ﻋﺎﺭﻓﺎﻫﻮ ﺑﻜﺮﻩ ﺍﺑﻮﻫﻮ ﻛﻴﻔﻦ .. ﻗﺎﻝ ﻟﻲ ﺍﻣﻲ ﺩﻱ ﻃﻴﺒﻪ ﻭ ﺻﻼﻳﻪ ﺍﻟﺒﺨﻠﻴﻬﺎ ﺗﺨﺶ ﺍﻟﻨﺎﺭ ﺷﻨﻮ ؟ ﻗﻠﺘﺎ ﻟﻴﻬﻮ ﺍﻧﺖ ﺍﻧﺖ ﻭﻟﺪ ﻋﺎﻕ ﺣﺘﻰ ﻭ ﻫﻲ ﻋﺎﻳﺸﻪ ﻛﻨﺖ ﺑﺘﺸﺮﺏ ﻭﻫﻲ ﻣﺎ ﺿﺮﺗﻚ ﺑﺸﻲ .. ﻗﺎﻝ ﻟﻲ ﺧﻼﺹ ﺍﺳﻜﺘﻲ ﻏﻠﻄﺎﻥ ﺍﻧﺎ ﺍﻟﺤﻜﻴﺖ ﻟﻴﻚ ﻋﻨﻲ ﺍﻭﻋﻚ ﺗﺎﻧﻲ ﺗﺘﺼﻠﻲ ﻋﻠﻲ ﻭ ﻣﺸﻰ ﺗﺎﻧﻲ ﻟﺤﻘﺘﻮ ﻭ ﻭﻗﻔﺘﺎ ﻟﻴﻬﻮ ﻓﻲ ﻭﺷﻮ ﻗﻠﺘﺎ ﻟﻴﻬﻮ ﻟﻮ ﻣﺎ ﻣﺼﺪﻗﻨﻲ ﺍﺳﺎﻝ ﺍﻱ ﺯﻭﻝ ﺍﻭ ﺍﻣﺸﻲ ﺍﻟﻤﻘﺎﺑﺮ ﻭ ﺃﺳﺄﻝ ﻫﻨﺎﻙ ﺍﻣﻚ ﺑﺘﺘﻌﺬﺏ ﻭ ﺍﻧﺖ ﺍﻟﺴﺒﺐ ﻗﺎﻡ ﻟﺰﺍﻧﻲ ﺑﻲ ﻳﺪﻭ ﺑﻌﻴﻴﻴﺪ ﻗﺮﺑﺘﺎ ﺍﻗﻊ ﻭﻗﺎﻝ ﻟﻲ ﺍﻣﻲ ﺩﻱ ﺍﻧﻀﻒ ﻣﻨﻚ ﻭ ﻣﻦ ﺍﻱ ﺯﻭﻝ ﻓﻲ ﺍﻟﺪﻧﻴﺎ ﺳﻤﻌﺘﻲ ﻭ ﻣﺸﻰ ﻛﻤﻞ ﻃﺮﻳﻘﻮ ﺯﻋﻼﺍﻥ ﻣﻨﻲ ، ﺿﺮﺑﺘﻮ ﻛﺎﻧﺖ ﻗﻮﻳﻪ ﺑﺲ ﺍﺳﺘﺤﻤﻠﺘﻬﺎ ﻭ ﺟﺮﻳﺖ ﺑﻲ ﻭﺭﺍﻫﻮ ﺭﻛﺐ ﺭﻛﺸﻪ ﻭ ﺍﻧﺎ ﺗﺎﺑﻌﺘﻮ ﺑﻲ ﺭﻛﺸﻪ ﻛﻨﺖ ﻋﺎﺭﻓﺎﻫﻮ ﺡ ﻳﻤﺸﻲ ﺑﻌﺪ ﻛﻼﻣﻲ ﺍﻟﻤﻘﺎﺑﺮ ﻭﻓﻌﻼ ﻇﻨﻲ ﻃﻠﻊ ﺻﺢ ﻣﺸﻰ ﺩﺧﻞ ﻟﻘﺒﺮﻫﺎ ﻭ ﻗﻌﺪ ﻳﻌﺎﻳﻦ ﻓﻴﻬﻮ ﻣﺴﺎﻓﻬﻪ ﺗﻘﺮﻳﺒﺎ ﺍﻻﻫﺒﻞ ﺻﺪﻗﻨﻲ ﻭ ﺷﻜﻠﻮﺍ ﻛﺎﻥ ﺑﺤﺎﻭﻝ ﻳﻌﺮﻓﻬﺎ ﺑﺘﺘﻌﺬﺏ ﺑﺠﺪ ! ﺑﻘﻴﺖ ﺑﺴﺘﻐﻔﺮ ﻟﻲ ﺍﻟﻠﻪ ﻭ ﺑﻘﻮﻝ ﻳﺎﺭﺏ ﺍﻏﻔﺮ ﻟﻲ ﺍﻧﺎ ﻛﺬﺑﺘﺎ ﻋﺸﺎﻥ ﺍﺧﻠﻴﻬﻮ ﻳﺼﻠﻲ ﺑﺲ ﺍﻟﻤﻬﻢ ﺑﻘﻴﺖ ﺑﻌﺎﻳﻦ ﻟﻴﻬﻮ ﻣﻦ ﺑﻌﻴﻴﻴﺪ ﻭ ﺍﻟﻮﻟﺪ ﺑﺪﺍ ﻳﺒﻜﻲ 😭 ﺑﺪﻭﻥ ﻣﺎ ﺍﺣﺲ ﺑﻜﻴﺖ ﻣﻌﺎﻫﻮ ﺍﻭﻝ ﻣﺮﻩ ﺍﺷﻮﻑ ﻭﻟﺪ ﻛﺒﻴﺮ ﺑﺒﻜﻲ ! ﺑﺒﻜﻲ ﺯﻱ ﺍﻟﺸﻔﻊ .. ﻏﺎﻳﺘﻮ ﻋﺮﻓﺘﺎ ﺍﻧﻲ ﺣﺴﺎﺳﻪ ﻣﻦ ﺍﻟﻠﺤﻈﻪ ﺩﻳﻴﻚ ﺑﻜﻴﺖ ﺟﻨﺲ ﺑﻜﺎ ﻣﻌﺎﻫﻮ 😭😭 ﻟﻤﺎ ﺟﺎ ﻃﺎﻟﻊ ﻣﻦ ﺍﻟﻤﻘﺎﺑﺮ ﻟﻘﺎﻧﻲ ﻭﺍﻗﻔﻪ ﻓﻲ ﺍﻟﺒﺎﺏ ﻫﻮ ﺑﻘﺶ ﻓﻲ ﺩﻣﻮﻋﻮ ﻭﺍﻧﺎ ﻟﺴﻪ ﺑﺒﻜﻲ ﻭ ﺑﻘﺶ ﺑﻲ ﺗﻮﺏ ﺍﻣﻲ ، ﻗﺎﻝ ﻟﻲ ﻟﺤﻘﺘﻴﻨﻲ ﻟﻴﻪ ! ﻗﻠﺘﺎ ﻟﻴﻬﻮ ﺭﺑﻨﺎ ﻳﺮﺣﻤﻬﺎ ﻭﻳﻐﻔﺮ ﻟﻴﻬﺎ ﻗﺎﻝ ﻟﻲ ﺍﻧﺘﻲ ﻣﺎ ﺑﺘﺘﻮﺑﻲ ! ﺍﻧﺎ ﻋﺮﻓﺘﺎ ﺍﻟﻮﻟﺪ ﺩﺍﻙ ﻣﺎ ﺩﺍﻳﺮﻙ ﻟﻴﻪ ﻻﻧﻚ ﻭﺣﺪﻩ ﺣﺸﺮﻳﻪ ﻭﺑﺘﺪﺧﻠﻲ ﻓﻲ ﺣﻴﺎﺓ ﺍﻟﻨﺎﺱ ﻭ ﺑﺘﻔﺮﺿﻲ ﺭﻭﺣﻚ ﺑﺎﻟﻐﺼﺐ ﻳﺎﺥ ﺍﻃﻠﻌﻲ ﻣﻦ ﺣﻴﺎﺗﻲ ﻳﺎﺥ ﻧﺪﻣﺘﺎ ﻋﻠﻰ ﺍﻟﻴﻮﻡ ﺍﻟﻌﺮﻓﺘﻚ ﻓﻴﻬﻮ ﻭ ﻣﺸﻰ .. ﺍﻧﺎ ﻃﺒﻌﺎ ﺍﻟﻜﻼﻡ ﺣﺮﻗﻨﻲ ﺍﺗﺬﻛﺮﺗﺎ ﺍﺳﻤﺮ ﺍﻟﻔﻌﻼ ﻣﺎ ﺩﺍﻳﺮﻧﻲ 💔 ﺑﻜﻴﻴﺖ ﺯﻳﺎﺩﺓ ﻭ ﺟﺮﻳﺖ ﺭﻛﺒﺘﺎ ﺍﻟﺮﻛﺸﻪ ﻣﺸﻴﺖ ﺑﻴﺘﻨﺎ ﺯﻋﻠﺘﺎ ﺯﻋﻞ ﻏﺮﻳﺐ ﺍﻟﻴﻮﻡ ﺩﺍﺍﻙ ﺯﻋﻞ ﺑﻘﻮﻭﻩ ﻛﺪﻩ ﺑﺪﻳﺖ ﺍﻛﺮﻩ ﺳﻨﺪﺱ ﺍﻟﺠﻮﺍﻱ ﺍﻟﺒﺘﺤﺐ ﺍﺳﻤﺮ ﻷﻧﻲ ﺑﺪﻳﺖ ﺍﺣﺲ ﺍﻟﺤﺐ ﺩﻩ ﺯﺍﻟﻴﻨﻲ ﻭﻳﻦ ﻣﺎ ﻣﺸﻴﺖ ﻭ ﻣﻦ ﻛﻞ ﺯﻭﻝ ، ﻳﻮﻣﻴﻦ ﻣﺎ ﻣﺸﻴﺖ ﺍﻟﺸﻐﻞ ﻭ ﻣﺎ ﻃﻠﻌﺘﺎ ﻣﻦ ﺍﻟﺒﻴﺖ ﻭ ﺗﺎﻟﺖ ﻳﻮﻡ ﻣﺎﻗﺪﺭﺗﺎ ﺍﻗﻌﺪ ﻟﺒﺴﺘﺎ ﻋﺒﺎﻳﺘﻲ ﻭﻣﺸﻴﺖ ﻃﻠﻌﺘﺎ ﻟﻘﻴﺖ ﺍﺳﻤﺮ ﺟﻨﺐ ﺑﺎﺏ ﺑﻴﺘﻬﻢ ﺑﺮﺿﻮ ﻣﺎ ﺳﻠﻤﺘﺎ ﻋﻠﻴﻬﻮ ﻛﺘﻴﺮ ﻭ ﻣﺸﻴﺖ ﻛﻤﻠﺘﺎ ﻃﺮﻳﻘﻲ ﺗﺎﻧﻲ ﺍﺳﺘﻐﺮﺏ ﺍﻧﻲ ﻃﻨﺸﺘﻮ ! ﻣﺸﻴﺖ ﻟﻲ ﻋﺒﺪ ﺍﻟﻠﻪ ﺭﺯﻋﺘﺎ ﻟﻴﻬﻮ ﺍﻟﺒﺎﺏ ﺭﺯﻉ ﻗﻠﺖ ﺗﺎﻧﻲ ﻟﻮ ﺯﻭﻝ ﺯﻋﻠﻨﻲ ﻭﻻ ﺍﻫﺎﻧﻲ ﻣﺎ ﺡ ﺍﺳﻜﺖ ﻟﻴﻬﻮ ﻭﺣﺎﺍﺑﺪﺍ ﻣﻦ ﻋﺒﺪ ﺍﻟﻠﻪ ﺩﻩ ، ﻓﺘﺢ ﺍﻟﺒﺎﺏ ﻣﻬﺠﻮﻡ ﻟﻘﺎﻧﻲ ﻭﺍﻗﻔﻪ ﻗﻠﺘﺎ ﻟﻴﻬﻮ ﺍﻧﺖ ﻭﺍﺣﺪ ﻣﻠﻌﻮﻥ ﻭ ﺍﻣﻚ ﻭ ﺍﺑﻮﻙ ﺡ ﻳﺘﻌﺬﺑﻮ ﻭ ﺍﺧﻮﻙ ﻛﻤﺎﻥ ﻛﻠﻜﻢ ﺡ ﺗﺨﺸﻮﺍ ﺍﻟﻨﺎﺭ ﻷﻧﻜﻢ ﺑﺘﺴﺘﺎﻫﻠﻮﺍ ﺍﻧﺖ ﺑﺘﺴﺘﺎﻫﻞ ﺍﻟﻤﻮﻭﺕ ﺍﻟﻐﻠﻂ ﻣﺎ ﻣﻨﻚ ﻣﻦ ﺍﻣﻚ ﺍﻟﻤﺎﻋﺮﻓﺘﺎ ﺗﺮﺑﻴﻚ ﻃﺒﻌﺎ ﺍﻟﺮﺩﺡ ﺩﻩ ﻛﻠﻮ ﻗﺪﺍﻡ ﺍﻟﺒﺎﺏ ﻭ ﻛﻮﻳﺲ ﺍﻧﻮ ﻣﺎﻓﻲ ﺯﻭﻝ ﺳﻤﻌﻨﻲ ﻋﺒﺪ ﺍﻟﻠﻪ ﺑﺲ ﻭﻗﻒ ﺗﻨﺢ ﻓﻴﻨﻲ ﻣﺎﻋﺎﺭﻓﺎﻫﻮ ﺻﺒﺮ ﻋﻠﻲ ﻛﻴﻒ ﻟﻤﺎ ﻧﺒﺬﺗﺎ ﻟﻴﻬﻮ ﺍﻣﻮ ﺑﻌﺪ ﺧﻠﺼﺘﺎ ﻣﻦ ﻛﻼﻣﻲ ﻗﺎﻝ ﻟﻲ ﻋﺎﻳﺰﺓ ﺷﻨﻮ ﺍﻧﺘﻲ ! ﻗﻠﺘﺎ ﻟﻴﻬﻮ ﺍﻧﺎ ﻣﺎﺑﺴﻤﺢ ﻟﻴﻚ ﺗﺰﻟﻨﻲ ﻛﻞ ﻣﺮﻩ ﻻﻧﻲ ﺣﻜﻴﺖ ﻟﻴﻚ ﺑﻲ ﺍﺳﻤﺮ ﻗﺎﻝ ﻟﻲ ﻣﺎ ﻛﻔﺎﻳﻪ ﻟﻌﻠﻌﻪ ﻓﻲ ﻧﺺ ﺍﻟﺸﺎﺭﻉ ! ﻗﻠﺘﺎ ﻟﻴﻬﻮ ﻓﻬﻤﺘﺎ ﻭﻻ ﻷ ! ﻧﺰﻝ ﻣﻦ ﺍﻟﻤﺼﻄﺒﻪ ﻭ ﺟﺎ ﻭﻗﻒ ﻗﺪﺍﻣﻲ ﻃﺒﻌﺎ ﺧﻔﺘﺎ ﺧﻮﻭﻭﻑ ﺍﻟﻠﺤﻈﻪ ﺩﻳﻴﻚ 💔 ﻋﻴﻮﻧﻮ ﻛﺎﻧﺖ ﻣﺤﻤﺮﻩ ﺯﻱ ﺍﻟﺪﻡ ﻗﺎﻝ ﻟﻲ ﺍﻧﺘﻲ ﻣﺎﻟﻚ ﻣﻌﺎﻱ ﻳﺎﺑﺖ ﺍﻟﻨﺎﺱ؟ ﻗﻠﺘﺎ ﻟﻴﻬﻮ ﺑﺼﻮﻭﺕ ﻭﺍﺍﻃﻲ ﻋﺎﻳﺰﺍﻙ ﺗﺼﻠﻲ ﻣﻌﺎﻱ ﻟﻲ ﺍﻣﻚ ﻭ ﻧﻘﺮﺍ ﻟﻴﻬﺎ ﻗﺮﺁﻥ ﻗﺎﻝ ﻟﻲ ﺍﻣﻲ ﻭﻻ ﺍﻣﻚ ؟ ﻗﻠﺘﺎ ﻟﻴﻬﻮ ﺍﻧﺎ ﻋﺎﺭﻓﻪ ﺍﻧﻚ ﺑﺘﺤﺒﻬﺎ ﺷﺪﻳﻴﺪ ﺍﻧﺖ ﻃﻴﺐ ﻭ ﻛﻮﻳﺲ ﻟﻴﻪ ﻋﺎﻳﺰ ﺗﻜﻮﻥ ﺍﻟﺰﻭﻝ ﺍﻟﻜﻌﺐ ؟ ﻛﻼﻣﻲ ﺩﻩ ﻏﻴﺮ ﻣﻼﻣﺤﻮ ﺷﻮﻳﻪ ، ﻗﺎﻝ ﻟﻲ ﻃﻴﺐ ﺡ ﺍﺻﻠﻲ ﻣﻌﺎﻙ ﻓﻲ ﺍﻟﻤﺴﺠﺪ ﻭﺑﻌﺪﻫﺎ ﻣﺎ ﺗﻮﺭﻳﻨﻲ ﺧﻠﻘﺘﻚ ! ﺍﺑﺘﺴﻤﺘﺎ ﻟﻲ ﺍﺧﺮ ﺿﺮﺱ ﻭﻣﺸﻴﻨﺎ ﺍﻟﻤﺴﺠﺪ ﻗﻠﺘﺎ ﻟﻴﻬﻮ ﺑﺼﻠﻮﺍ ﺭﻛﻌﺘﻴﻦ ﺍﻭﻝ ﺗﺤﻴﻪ ﻟﻠﻤﺴﺠﺪ ﻛﻮﻳﺲ؟ ﺣﻤﺮ ﻟﻲ ﻭﻗﺎﻝ ﻟﻲ ﻋﺎﺭﻑ ﻗﻠﺘﺎ ﻟﻴﻬﻮ ﻣﺪﺍﻡ ﻋﺎﺭﻑ ﻣﺎ ﺑﺘﺼﻠﻲ ﻣﺎﻟﻚ 😒👋 ﺍﻟﻤﻬﻢ ﺩﺧﻠﻨﺎ ﻭﺻﻠﻴﻨﺎ ﻭﺍﻧﺘﻈﺮﻧﺎ ﺍﻟﻀﻬﺮ ﺑﻌﺪ ﺻﻠﻴﻨﺎ ﺍﻟﻀﻬﺮ ﺻﻠﻴﻨﺎ ﺭﻛﻌﺘﻴﻦ ﺍﻷﺳﺎﺳﺎ ﻣﻔﻬﻤﺎﻫﻮ ﻟﻲ ﺍﻣﻮ .. ﻃﻠﻊ ﻣﻦ ﺑﺎﺏ ﺍﻟﺮﺟﺎﻝ ﻭ ﺍﻧﺎ ﻃﻠﻌﺘﺎ ﻣﻦ ﺟﻬﻪ ﺍﻟﻨﺴﻮﺍﻥ ﻣﺒﺴﻮﻭﻃﻪ ﻋﺸﺎﻥ ﺣﺼﻞ ﺍﻟﻌﺎﻳﺰﺍﻫﻮ ، ﻗﺎﻝ ﻟﻲ ﺧﻼﺹ؟ ﻗﻤﺘﺎ ﻓﺘﺤﺘﺎ ﻟﻴﻬﻮ ﻳﺪﻳﻨﻮ ﺍﻻﺗﻨﻴﻦ ﻟﻠﺪﻋﺎﺀ ﻭﻗﻠﺘﺎ ﻟﻴﻬﻮ ﺍﻟﻠﻪ ﻳﺮﺣﻤﻬﺎ ﻭﻳﻐﻔﺮ ﻟﻴﻬﺎ ﻭﻳﺤﺴﻦ ﺍﻟﻴﻬﺎ ﻭﻳﺜﺒﺘﻬﺎ ﻭﻳﺠﻌﻠﻬﺎ ﻣﻦ ﺍﻫﻞ ﺍﻟﻴﻤﻴﻦ ﻭ ﻳﺪﺧﻠﻬﺎ ﺍﻟﺠﻨﻪ ﻭ ﻳﺠﻌﻠﻚ ﻣﻦ ﺍﻻﻭﻻﺩ ﺍﻟﺼﺎﻟﺤﻴﻦ ﺍﻟﺒﺪﻋﻮﺍ ﻟﻴﻬﺎ ، ﻋﺒﺪ ﺍﻟﻠﻪ ﻛﺎﻧﺖ ﺍﻳﺪﻳﻨﻮ ﺑﺘﺮﺟﻒ ! ﻗﺎﻝ ﺁﻣﻴﻴﻦ ﻭﺻﻮﺗﻮ ﺑﺮﺟﻒ ﻛﻨﺖ ﻋﺎﺭﻓﻪ ﺍﻧﻮ ﺍﻣﻮ ﻫﻲ ﻧﻘﻄﺔ ﺿﻌﻔﻮ ﺍﻟﺢ ﺍﻗﺪﺭ ﺍﻏﻴﺮﻭ ﺑﻴﻬﺎ ﻭ ﺍﺧﻠﻴﻬﻮ ﻳﺼﻠﻲ ﺑﻌﺪ ﺍﻟﺪﻋﺎﺀ ﺩﻩ ﻋﺎﻳﻦ ﻟﻲ ﺑﻌﻴﻦ ﻓﻴﻬﺎ ﻃﻤﺄﻧﻴﻨﻪ ﻛﺪﻫﻪ ﻗﺎﻝ ﻟﻲ ﺍﻣﻴﻦ ﻣﺸﻴﻨﺎ ﺭﺟﻌﻨﺎ ﻣﺸﻲ ﺍﻟﻤﺮﻩ ﺩﻱ ﺍﻟﻤﺴﺎﻓﻬﻪ ﻣﺎ ﻛﺎﻧﺖ ﺑﻌﻴﺪﻩ ﻣﻦ ﺍﻟﺒﻴﺖ ﻫﻮ ﺑﺼﻞ ﺍﻭﻝ ، ﻟﻤﺎ ﻭﺻﻠﻨﺎ ﻟﺒﻴﺘﻬﻢ ﻗﺪﺍﻡ ﺑﺎﺑﻬﻢ ﻗﺎﻝ ﻟﻲ ﺷﻜﺮﺍ 💜 ﻗﻠﺘﺎ ﻟﻴﻬﻮ ﻋﻔﻮﺍ ﻭ ﻣﺸﻴﺖ ﻗﺎﻡ ﻛﻮﺭﻙ ﻟﻲ ﻓﻲ ﺍﻟﺸﺎﺭﻉ ﻗﺎﻝ ﻟﻲ ﻋﻠﻰ ﻓﻜﺮﻩ ﺃﺳﻤﺮ ﺍﻟﺨﺴﺮﺍﻥ ﻷﻧﻮ ﻣﺎﻋﺮﻑ ﻳﺤﺎﻓﻆ ﻋﻠﻴﻚ ﻭ ﺍﺑﺘﺴﻢ ﻛﺪﻩ ﻭ ﺩﺧﻞ ﺍﻟﺒﻴﺖ .. ﺩﻱ ﻛﺎﻧﺖ ﺍﻭﻝ ﺧﻄﻮﻫﻪ ﻟﻲ ﻣﻊ ﻋﺒﺪ ﺍﻟﻠﻪ ﻭﻃﺒﻌﺎ ﺍﺗﺤﻤﺴﺘﺎ ﻛﻴﻒ ﻭﺍﺗﺒﺴﻄﺘﺎ ﺗﺎﻧﻲ ﻳﻮﻡ ﻣﻦ ﺍﻟﺼﺒﺎﺡ ﺑﺪﺭﻱ 😂😂 ﻗﺒﻞ ﻣﺎ ﺍﻧﺰﻝ ﺍﻟﺸﻐﻞ ﻣﺸﻴﺖ ﺑﻬﻨﺎﻙ ﻟﻲ ﺣﻠﺘﻬﻢ ﺩﻗﻴﺖ ﻟﻴﻬﻮ ﺍﻟﺒﺎﺏ ﻣﻦ ﺍﻟﺼﺒﺎﺡ ﻓﺘﺢ ﻟﻲ ﻫﻮ ﻧﺺ ﻣﻐﻤﺾ ﻭﻧﺺ ﻣﻔﺘﺢ 

يتبع......