كتمان الشوق

الجزء 03

ﻗﻌﺪﺗﺎ ﻣﻊ ﺯﻫﺮﻩ ﺻﺤﺒﺘﻲ ﻋﺸﺎﻥ ﺗﻔﻬﻤﻨﻲ ﺍﻋﺠﺐ ﺃﺳﻤﺮ ﺩﻩ ﻛﻴﻔﻦ ﻭ ﺍﻭﺻﻠﻮﺍ ﺍﻟﺒﻴﺖ ﻟﻠﻌﺮﺱ ﻋﺪﻳﻞ .. ﺍﻫﺎ ﺗﻘﻮﻡ ﻭ ﺗﻘﻌﺪ ﻭ ﻋﺎﺷﺖ ﻟﻲ ﺍﻟﺪﻭﺭ ﻭﺗﻨﺼﺢ ﺳﺎﺍﻱ ﺍﻭﻝ ﺣﺎﺟﻪ ﻗﺎﻟﺘﻬﺎ ﻟﻲ ﻻﺯﻡ ﺗﻀﻌﻔﻲ ﻳﺎﺳﻨﺪﺱ ﺍﻧﺘﻲ ﻣﺎﺷﺎﻳﻔﻪ ﻧﻔﺴﻚ ﺑﺮﻣﻴﻴﻠﻪ ﻗﺪﺭ ﺷﻨﻮ ! ﻗﻠﺘﺎ ﻟﻴﻬﺎ ﻻﺍﺍ ﻛﻠﻮ ﺍﻻ ﺍﻟﻀﻌﻔﻪ ﺍﻧﺎ ﻣﻤﻜﻦ ﺍﻋﻴﺶ ﻣﻦ ﻏﻴﺮ ﺃﺳﻤﺮ ﻭ ﻣﺎ ﺍﻋﻴﺶ ﻣﻦ ﻏﻴﺮ ﺍﻛﻞ ﻛﺘﻴﺮ ﻗﺎﻟﺖ ﻟﻲ ﻣﺶ ﻗﻠﺘﻲ ﺥ ﺗﺴﻤﻌﻲ ﺍﻟﻜﻼﻡ ! ﻗﻠﺘﺎ ﻟﻴﻬﺎ ﺧﻼﺹ ﻣﺎ ﺡ ﺍﻗﺎﻃﻌﻚ ﻭﺍﺻﻠﻲ ﺍﻫﺎ ﻭﺑﻌﺪ ﺍﺗﻘﺴﻢ ﻧﺼﻴﻦ ﺍﻟﻠﻪ ﻳﻘﺴﻢ ﺭﺍﺳﻮ ﺩﻩ ﻗﺎﻟﺖ ﻟﻲ ﻳﺎﺑﺖ ﻫﺴﻲ ﻣﺎﻗﻠﺘﻲ ﺣﺒﻴﺐ ﺍﻟﻘﻠﺐ ﻭ ﺑﺘﺎﻉ .. ﻗﻠﺘﻲ ﻟﻴﻬﺎ ﺗﻤﻲ ﻋﻠﻴﻚ ﺍﻟﻠﻪ ﺭﺍﺟﻴﻨﻲ ﺷﻐﻞ ﺑﻜﺮﻩ ﻗﺎﻟﺖ ﻟﻲ ﺡ ﺍﻋﻤﻞ ﻣﻌﺎﻙ ﺭﺟﻴﻢ ﻇﺎﺍﺍﺑﻂ ﻳﻀﻌﻔﻚ ﺷﻮﻳﻪ ﺷﻮﻳﻪ ﻛﺪﻩ ﻻﻧﻮ ﺑﺼﺮﺍﺣﻪ ﻳﺎﺻﺤﺒﺘﻲ ﺍﻟﺰﻭﻣﺒﺎ ﻣﺎ ﺡ ﺗﻘﺪﺭﻱ ﻋﻠﻴﻬﺎ ﻗﻠﺖ ﻟﻴﻬﺎ ﻣﺎ ﺗﺨﻠﻴﻨﻲ ﺍﻗﻮﻡ ﺍﻭﺭﻳﻚ ﺑﺘﺮﺗﺮ ﻛﻴﻴﻒ ﻗﺎﻟﺖ ﻟﻲ ﻻ ﻋﻠﻴﻚ ﺍﻟﻠﻪ ﻣﺎ ﺗﺘﺨﺠﻲ ﻟﻲ ﺯﻱ ﻗﺰﺍﺯﻩ ﺍﻟﺒﺎﺭﺩ .. ﺗﺎﻧﻲ ﺣﺎﺟﻪ ﺍﻧﺘﻲ ﻣﺎ ﺗﻬﺮﺑﻲ ﻛﻞ ﻣﺎ ﺗﻼﻗﻴﻬﻮ ﻳﻌﻨﻲ ﻣﺜﻼ ﻟﻤﺎ ﺗﺸﻮﻓﻴﻬﻮ ﻓﻲ ﺍﻟﺸﺎﺭﻉ ﺳﻠﻤﻲ ﻋﺎﺍﺩﻱ ﺑﺪﻭﻥ ﻣﺎ ﺗﺘﻌﺎﻭﺭﻱ ﻋﺎﺩﻱ ﻳﻌﻨﻲ ﻫﻮ ﻭﻟﺪ ﺟﻴﺮﺍﻧﺎ ﻭﻛﺪﻩ ﻣﺎ ﻻﺯﻡ ﺗﺘﻜﺒﻜﺒﻲ ﻛﻞ ﻣﺎ ﺗﺸﻮﻓﻴﻬﻮ ﻗﺪﺍﻣﻚ ﻗﻠﺘﺎ ﻟﻴﻬﺎ ﻋﺎﺩ ﻟﻜﻦ ﻋﻴﻮﻧﻮ ﺩﻱ ﻣﺎ ﺷﻲ ﻛﺪﻩ ﺧﻄﻴﻴﻴﺮ ﻣﺎﺑﻘﺪﺭ ﻋﻠﻴﻬﻮ ﻗﺎﻟﺖ ﻟﻲ ﺗﺎﻟﺖ ﺣﺎﺟﻪ ﻳﺎ ﺳﺘﻲ ﺡ ﻧﺰﻭﺭ ﺍﻟﻜﻮﻓﻴﺮ ﻛﻞ ﻳﻮﻡ ﺳﺒﺖ ﺗﻈﺒﻄﻲ ﺷﻌﺮﻙ ﻭ ﺍﺿﺎﻓﺮﻙ ﻭ ﻟﻮﻧﻚ ﺩﻩ ﺧﻠﻴﻬﻮ ﺯﻱ ﻣﺎ ﻫﻮ ﻷﻧﻮ ﻟﻮ ﺟﻴﺘﻲ ﺗﻔﺴﺨﻲ ﺡ ﺗﺤﺘﺎﺟﻲ ﺑﺮﺍﺍﺍﻣﻴﻞ ﻛﺮﻳﻤﺎﺕ ﻭ ﺍﻧﺎ ﻋﺎﺭﻓﺎﺍﻙ ﻗﺮﻭﺷﻚ ﺩﻱ ﻣﺎ ﺑﺘﻄﻠﻌﻴﻬﺎ ﺑﺎﻟﺴﺎﻫﻞ ﻛﻠﻮ ﻛﻠﻮ .. ﻗﻠﺖ ﻟﻴﻬﺎ ﻛﻠﻮﻭﻭ ﺍﻻ ﻟﻮﻭﻭﻧﻲ ﺍﻟﺪﺍﻳﺮﻧﻲ ﻭﺍﻧﺎ ﺯﻳﺘﻮﻧﻪ ﻛﺪﻩ ﺍﻫﻼ ﺑﻴﻬﻮ ﻭ ﺍﻟﻤﺎﺩﺍﻳﺮﻧﻲ ﺍﻟﺒﺎﺏ ﻳﻔﻮﺕ ﺑﻘﺮ ﻗﺎﻟﺖ ﻟﻲ ﻭﺍﻟﻠﻪ ﺑﻘﺮﻩ ﻏﻴﺮﻙ ﻫﻨﺎ ﻣﺎﻓﻲ ﻳﺎﺻﺤﺒﺘﻲ ﻗﻠﺘﺎ ﻟﻴﻬﺎ ﻃﻴﺐ ﺧﻼﺹ ﻋﺸﺎﻥ ﺍﺳﻤﺮ ﺡ ﺍﺧﻔﻒ ﺍﻟﻌﻴﺶ ﻣﻦ ﺗﻤﻨﻴﻪ ﻟﻲ ﺳﺘﻪ ﻭ ﺑﺪﻝ ﺍﻟﺸﻌﻴﺮﻳﻪ ﺑﺎﻟﻠﺒﻦ ﺑﺘﺎﻋﺖ ﺍﻟﺼﺒﺎﺡ ﻣﻤﻜﻦ ﺍﻛﻞ ﺑﺴﻜﻮﻳﺖ ﺩﻩ ﻛﻠﻮ ﻋﺸﺎﻥ ﻋﻴﻮﻧﻮ ﺍﻻﺳﻤﺮ ﺍﻟﺠﻤﻴﻞ ﺩﻩ ﻗﺎﻟﺖ ﻟﻲ ﻳﻼ ﺍﺗﻔﻀﻠﻲ ﺍﻃﻠﻌﻲ ﺳﺮﺭﺭﻋﻪ ﻣﻦ ﺧﻠﻘﺘﻲ ﻷﻧﻚ ﺟﺒﺘﻲ ﻟﻲ ﺍﻟﺸﻠﻞ ﻭ ﻋﻠﻴﻚ ﺍﻟﻠﻪ ﻣﺎ ﺗﻤﻌﻄﻴﻨﻲ ﻓﻲ ﺍﻟﺘﻠﻔﻮﻥ ﺑﺲ ﺍﺳﻤﺮ ﻋﻤﻞ ﻭ ﻋﻤﻞ ﻭ ﺑﻘﺘﺮﺡ ﺍﻟﺒﻠﻜﻮﻧﻪ ﺩﻱ ﻣﺎ ﺗﻌﺘﺒﻴﻬﺎ ﺗﺎﺗﻲ ﻗﻠﺘﺎ ﻟﻴﻬﺎ ﺍﻻ ﺍﻟﺒﻠﻜﻮﻭﻭﻧﻪ ﺩﻱ ﺑﺪﺍﻳﻪ ﻗﺼﻪ ﺣﺒﻲ ﻫﻨﺎﻙ .. ﻃﻠﻌﺘﺎ ﻣﻨﻬﺎ ﻭﻗﻠﺘﺎ ﺑﺎﻟﺠﺪ ﺍﻗﻮﻱ ﻋﺰﻳﻤﺘﻲ ﻭ ﺑﻌﺪ ﺩﻩ ﺍﺑﻘﻰ ﺷﺒﻪ ﺍﻟﺒﻨﺎﺕ ﻳﺎﺥ ﺑﻲ ﻟﻴﻠﻲ ﺩﺍﻙ ﺟﺮﻳﺖ ﺷﻠﺘﺎ ﺍﻟﻔﺎﺯﻟﻴﻦ ﻭﺍﺗﺠﻠﺒﻄﺘﺎ ﻭﺷﻠﺘﺎ ﺗﻠﻔﻮﻧﻲ ﻓﺘﺤﺘﺎ ﺍﻟﻔﻴﺴﺒﻮﻙ ﻭ ﺍﻟﻘﻰ ﻟﻴﻚ ﻓﻲ ﻭﺷﻲ ﺍﺷﺨﺎﺹ ﻗﺪ ﺗﻌﺮﻓﻬﻢ ﺍﺳﻤﺮ ﻣﻨﻬﻢ ﻃﻮﺍﻟﻲ ﺩﺧﻠﺘﺎ ﺍﻟﺼﻔﺤﻪ ﻭﻗﻌﺪﺗﺎ ﺍﻗﻠﺐ ﻭ ﺍﻗﻠﺐ ﻭ ﺍﺳﻤﺮ ﻃﻠﻊ ﻛﺎﺗﺐ ﻳﺎﺳﻼﺍﺍﺍﻡ ﻟﻤﻦ ﻗﻠﺒﻲ ﺍﻧﺸﺮﺡ ﺍﻟﺼﻔﺤﻪ ﻛﻠﻬﺎ ﻛﻼﻡ ﺣﺐ ﻭ ﻛﻼﻡ ﻣﻮﺯﻭﻥ ﻭ ﻟﻐﻪ ﻋﺮﺑﻴﻪ ﻓﺼﺤﻪ ﻭ ﺍﻧﺎ ﻃﺒﻌﺎ ﺍﺳﻤﻲ ﻣﺎ ﺑﻘﺪﺭ ﺍﻛﺘﺒﻮ ﺑﺎﻟﻌﺮﺑﻲ .. ﻗﻠﺖ ﻛﺪﻱ ﺍﺟﻴﺐ ﻟﻲ ﻗﻠﻢ ﻭ ﻭﺭﻗﻪ ﻭ ﺑﺪﻝ ﺷﻐﻞ ﺍﻟﻤﺤﺎﻣﺎﻩ ﺍﻟﻤﺎ ﺟﺎﻳﺐ ﺣﻘﻮ ﺩﻩ ﻛﺪﻱ ﺍﻟﻨﻄﻠﻊ ﻣﻮﻫﺒﻪ ﺍﻟﻜﺘﺎﺑﻪ ﺍﻟﺪﻓﻴﻨﻪ ﺟﻮﺍﻱ ﺩﻱ ﻋﺴﻰ ﻭﻟﻌﻞ ﺍﻗﺮﺏ ﻟﻲ ﻗﻠﺐ ﺃﺳﻤﺮ
ﻗﺪﺭ ﻣﺎﻋﺼﺮﺗﺎ ﻣﺨﻲ ﻛﻠﻤﺘﻴﻦ ﺳﻤﺤﺎﺕ ﻣﺎ ﻃﻠﻌﻮﺍ ﺭﻣﻴﺖ ﺍﻟﻮﺭﻕ ﺩﻩ ﻫﻨﺎﺍﺍﻙ ﻭ ﺍﺗﻠﻔﻠﻔﺘﺎ ﺑﺎﻟﻐﻄﺎ ﻭﻧﻤﺘﺎ .. ﺻﺤﻴﺖ ﺍﻟﺼﺒﺎﺡ ﻣﺘﺄﺧﺮﻩ ﺑﺴﺒﺐ ﺍﻟﺴﻬﺮ ﻣﺎ ﻣﺘﻌﻮﺩﻩ ﻟﻜﻦ ﻋﻠﻰ ﺍﻟﺴﻬﺮ ﻭ ﻻ ﻳﻮﻡ ﺍﺗﺨﻠﻄﺘﺎ ﺑﺎﻟﻠﻴﻞ ﻭ ﻣﺎ ﺟﺮﺑﺘﺎ ﺍﺣﺴﺎﺱ ﺗﻠﻔﻮﻧﺎﺕ ﺍﻟﻠﻴﻞ ﺩﻱ ﻗﻤﺘﺎ ﺍﺗﻨﻔﻀﺘﺎ ﻣﻦ ﺳﺮﻳﺮ ﻭ ﻋﺎﻳﻨﺖ ﻟﻲ ﺭﻭﺣﻲ ﻓﻲ ﺍﻟﻤﺮﺍﻳﻪ ﻭﺍﻟﻠﻪ ﻛﻼﻡ ﺯﻫﺮﻩ ﺻﺤﻲ ! ﺍﻧﺎ ﻟﻴﻪ ﻣﺒﺸﺘﻨﻪ ﻗﺪﺭ ﺩﻩ ﺣﻨﻴﺖ ﻋﻠﻰ ﺭﻭﺣﻲ ﻭ ﺣﺎﺍﺍﺕ ﺍﻟﻠﻪ ﻭ ﻟﺒﺴﺘﺎ ﻋﺒﺎﻳﺘﻲ ﻭ ﺭﻗﺪﺗﺎ ﺍﻟﺸﻌﺮ ﺑﻤﻮﻳﻪ ﻭ ﺑﺎﻟﻔﺮﺷﻪ ﺳﺮﻳﻊ ﺳﺮﻳﻊ ﻭ ﻧﺰﻟﺘﺎ ﻃﺒﻌﺎ ﻓﻮﺗﺎ ﻣﻮﺍﻋﻴﺪ ﺍﺳﻤﺮ ﺍﻟﺒﻄﻠﻊ ﻓﻴﻬﺎ ﻣﺸﻴﺖ ﺍﻟﺸﻐﻞ ﺯﻫﺠﺎﺍﺍﻧﻪ ﻭﻣﻌﻜﺮﺭﻩ ﻣﻦ ﺍﻟﺰﻋﻞ ﻣﺎ ﻓﻄﺮﺗﺎ ﺍﻟﺒﻮﺵ ﻣﻊ ﺧﺎﻟﺘﻮ ﻧﻔﻴﺴﻪ ﻟﻘﻴﺖ ﻓﻲ ﺍﻟﻤﻜﺘﺐ ﻭﺭﻕ ﺑﺘﺎﻉ ﻭ ﺣﺪﻩ ﻋﺎﻳﺰﻩ ﺗﻮﺛﻖ ﺑﻴﺘﻬﺎ ﻗﻠﺘﺎ ﺍﺷﺘﻐﻞ ﻓﻴﻬﻮ ﻟﺤﺪﻱ ﻣﺎ ﻳﻮﻣﻲ ﺍﻟﻤﻌﻔﻦ ﺩﻩ ﻳﺨﻠﺺ .. ﻫﻮ ﺑﺨﻠﺺ ﻛﻴﻴﻴﻒ ﻭ ﺍﻧﺎ ﻟﺴﻪ ﻣﺎ ﻋﺘﺒﺘﺎ ﺟﺎﻛﺴﻮﻥ ﻭﻏﺎﻳﺘﻮ ﺍﻟﻴﻮﻡ ﺍﻟﻜﻌﺐ ﺩﻩ ﺑﺎﺍﺍﺍﻳﻦ ﻣﻦ ﻋﻨﻮﺍﻧﻮ ﻣﺸﻴﺖ ﺟﺎﻛﺴﻮﻥ ﻟﻘﻴﺖ ﺍﻻﺭﺽ ﺻﺤﺮﺍﺍﺍﺀ ﺑﺲ ﻭ ﺍﻟﺪﻧﻴﺎ ﻛﻠﻬﺎ ﻓﺎﺭﺷﻪ ﺟﺮﺍﻳﺪﻫﺎ ﻭ ﻗﺎﻋﺪﻩ .. ﺍﺟﻲ ! ﻓﻲ ﺷﻨﻮ ﺍﻟﻠﻴﻠﻪ ﺣﻔﻠﻪ ﺷﺎﻱ ﺍﻱ ﺑﺘﻴﻦ ﺧﺎﺗﻴﻦ ﻓﻲ ﻧﺼﻬﻢ ﻛﻴﺲ ﺗﺴﺎﻟﻲ ﻭ ﺑﺘﻮﻧﺴﻮ ﻭ ﻓﻲ ﺍﻟﻨﻮﻉ ﺍﻟﻤﺴﺘﻐﻞ ﺣﻜﺎﻳﻪ ﺍﻟﻀﻼﻡ ﺩﻱ ﺗﻠﻘﺎﻫﻮ ﺧﺎﻟﻠﻂ ﺣﺒﻴﺒﺘﻮ ﺑﻌﻴﻴﻴﺪ ﻣﻦ ﺍﻟﻨﺎﺱ ﻭ ﺍﻟﻨﻮﻉ ﺍﻟﺒﺘﺸﺎﻭﺭﻭ ﻓﻲ ﻣﻮﺍﺿﻴﻊ ﺍﻟﻌﺮﺱ ﻭ ﺍﻟﺸﻴﻠﻪ ﻏﺎﻳﺘﻮ ﻓﻲ ﻭﺍﺣﺪ ﻭ ﺧﻄﻴﺒﺘﻮ ﻟﻘﻴﺘﻬﻢ ﺑﺘﺸﺎﻛﻠﻮﺍ ﻟﻤﺎ ﻟﻘﻴﺖ ﻟﻲ ﻓﺮﻗﻪ ﻛﺪﻩ ﻓﻲ ﺍﻻﺭﺽ ﺍﻓﺮﺵ ﻓﻴﻬﺎ ﺟﺮﻳﺪﺗﻲ ﺍﻋﺎﻳﻦ ﻟﻲ ﺟﻮﺯ ﺍﻟﻠﻮﺯ ﺩﻳﻠﻚ ﺍﺗﺼﺎﻟﺤﻮﺍ ﻫﻲ ﻟﻜﻦ ﻣﺎ ﺍﻟﻔﺮﺍﻍ ﺑﻌﻤﻞ ﺍﻛﺘﺮ ﻣﻦ ﻛﺪﻩ .. ﻭ ﺍﻟﻤﺮﻩ ﺍﻟﺒﺘﻘﺮﻱ ﻓﻲ ﺷﺎﻓﻌﻬﺎ ﺗﺤﺖ ﺍﻟﻨﻮﺭ ﻭ ﻭﺣﺪﻩ ﺷﻜﻠﻬﺎ ﻣﺎﺷﻪ ﻋﺮﺱ ﻭﺍﻗﻔﻪ ﻭﺭﺍ ﺍﻟﻬﺎﻳﺲ ﺗﻈﺒﻂ ﻓﻲ ﻭﺷﻬﺎ ﻗﺎﻟﺖ ﺍﺣﺴﻦ ﻧﻜﺴﺐ ﺯﻣﻨﻲ .. ﺍﻫﺎ ﺍﻧﺎ ﻻ ﻭﺭﺍﻱ ﺯﻭﻝ ﺑﺴﺄﻝ ﻣﻨﻲ ﻭﻻ ﺯﻭﻝ ﻳﺪﻕ ﻟﻲ ﺑﺎﻟﻐﻠﻂ ﺍﻧﺘﻲ ﻭﻳﻦ ﻧﺎﺱ ﺍﻟﺒﻴﺖ ﺍﻟﺘﻘﻮﻝ ﻣﺄﺟﺮﻳﻦ ﻟﻲ ﻓﻲ ﺩﺍﺧﻠﻴﻪ ﺑﺲ ﻓﺎﻟﺤﻴﻦ ﻳﺴﺄﻟﻮﺍ ﺻﺮﻓﺘﻲ ﻭ ﻻ ﻟﺴﻪ .. ﺍﺗﺮﺑﻌﺘﺎ ﻓﻲ ﺍﻻﺭﺽ ﺍﻋﺎﻳﻦ ﻟﻲ ﺩﻳﻞ ﻭ ﺩﻳﻞ ﻭ ﺟﻨﺒﻲ ﺑﺘﻴﻦ ﻣﺎ ﺧﻠﻦ ﺑﺖ ﻣﺎ ﻗﻄﻌﻦ ﻓﻴﻬﺎ ﻭﻏﺎﻳﺘﻮ ﺑﻨﺎﺕ ﺣﻮﺍﺀ ﺩﻳﻞ ﻟﻤﻦ ﻳﻘﻮﻣﻦ ﺻﻌﺒﺎﺕ ﺧﻼﺹ .. ﻭﺍﻧﺎ ﻣﻨﺘﻈﺮﻩ ﻛﺪﻩ ﺍﺷﻮﻑ ﻟﻴﻚ ﻃﺮﻑ ﺣﺎﻓﻠﻪ ﻣﻦ ﺑﻌﻴﻴﻴﺪ ﻟﻤﺤﺘﻮ ﺷﻠﺘﺎ ﺷﻨﻄﻨﻲ ﻭﻗﻤﺘﺎ ﺟﺎﺭﻳﻪ ﻗﺒﻞ ﻣﺎ ﺍﻟﺨﻠﻖ ﺩﻳﻞ ﻳﻠﻤﺤﻮﺍ ﻣﻌﺎﻱ ﻭ ﺍﻭﻝ ﻣﺎ ﻭﺻﻠﺘﺎ ﻭﺳﺄﻟﺘﻮ ﻣﺎﺷﻲ ﻋﻠﻰ ﻭﻳﻦ ! ﺷﺎﻑ ﻭﺷﻲ ﻣﺎ ﺑﺴﺘﺎﻫﻞ ﺍﻟﺘﻮﺻﻴﻞ ﻗﺎﻝ ﻟﻲ ﻣﺎ ﻣﺎﺷﻲ ﻳﺎ ﺍﺧﺘﻨﺎ ﻳﻤﺸﻲ ﻓﻴﻚ ﻗﻄﺮ ﺍﻧﺖ ﻳﺎﻳﻤﻰ ﺑﺎﻟﻠﻪ ﻣﺎ ﺍﺗﺤﺮﻙ ﺩﻗﻴﻘﺘﻴﻦ ﻟﻘﺘﻮ ﻭﺣﺪﻩ ﻧﺠﻔﻪ ﺑﺲ ﻻﺑﺴﻪ ﺑﻨﻄﻠﻮﻥ ﻭ ﻓﺎﻛﻪ ﺍﻟﺸﻌﺮ ﻭﺷﻜﻠﻬﺎ ﻣﻀﻴﻔﻪ ﺳﺄﻟﺘﻮﺍ ﻣﺎﺷﻲ ﻭﻳﻦ ! ﺑﺲ ﻣﺎ ﺳﻤﻊ ﺍﻟﺼﻮﺕ ﺍﻟﻤﻌﻔﻦ ﻗﺎﻝ ﻟﻴﻬﺎ ﻣﺎﺷﻪ ﻭﻳﻦ ﺍﻧﺘﻲ ! ﻗﺎﻟﺖ ﻟﻴﻬﻮ ﻣﺪﻳﻨﺔ ﺍﻟﻨﻴﻞ ﻗﺎﻝ ﻟﻴﻬﺎ ﻟﻮ ﻣﺎﻣﺸﻲ ﻣﺪﻳﻨﻪ ﺍﻟﻨﻴﻞ ﻫﺴﻲ ﺑﺸﺤﻦ ﻋﺸﺎﻥ ﺧﺎﻃﺮ ﻋﻴﻮﻧﻚ .. ﺍﺩﺗﻮ ﻟﻴﻚ ﺑﺴﻤﻪ ﺑﺴﻤﺘﻴﻦ ﻛﺪﻩ ﺭﻛﺒﻬﺎ ﺍﺟﻲ ﻭ ﺍﻧﺎ ﺍﻟﻮﺍﻗﻔﻪ ﺍﻟﻤﻠﻄﻮﻋﻪ ﻟﻲ ﺧﻤﺴﻴﻦ ﺳﺎﻋﻪ ﺩﻱ .. ﻗﻌﺪﺗﺎ ﺍﻧﺒﺰ ﻓﻴﻬﻮ ﻭ ﺍﻧﺎ ﻣﺎﺷﻪ ﺍ ﺭﺟﻊ ﺍﺩﺧﻞ ﺟﻮﻩ ﺍﻻﺳﺘﺎﺩ ﺑﺲ ﺳﻤﻌﺘﺎ ﺯﻭﻝ ﺑﻜﻮﺭﻙ ﻟﻲ ﻣﻦ ﺑﻌﻴﻴﺪ ﺍﻧﺘﻲ ﺍﺍﻱ ﺍﻧﺘﻲ ﺍﺗﻠﻔﺘﺎ ﻟﻴﻬﻮ ﻟﻘﻴﺘﻮ ﻭﻟﺪ ﺣﻼﺗﻮ ﻛﺪﻩ ﺳﻜﺮﺍﻥ ﻻﺧﺮ ﺣﺪ ﻣﺎﺷﻲ ﻳﺘﺮﺗﺢ .. ﻗﺎﻳﻼﻫﻮ ﺑﺘﻜﻠﻢ ﺳﺎﺍﺍﻱ ﻗﺎﻝ ﻟﻲ ﺍﻧﺘﻲ 👋 ﻭ ﺭﺍﺟﻠﻚ ﺩﻩ ﻋﺰﺍﺍﺍﺍﻝ ﻟﻜﻦ ﻳﺎﺍﺍﻣﺎﻥ .. 😍😘 ﻗﻠﺘﺎ ﻓﻲ ﺳﺮﻱ ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ ﺭﺍﺟﻠﻲ ﻭﻳﻨﻮ 😳 ﺑﺲ ﺍﻟﻮﻟﺪ ﺷﻐﺎﻝ ﻳﻘﺮﺏ ﻭ ﻳﻜﻮﺭﻙ ﺍﻧﺘﻲ .. ﺭﺍﺟﻠﻚ ﻋﺰﺍﺍﺍﻝ ﻟﻜﻦ 😳😳 ﺍﻟﺨﻠﻌﻪ ﻣﺴﻜﺘﻨﻲ ﻭ ﺧﻮﻓﺘﺎ ﻋﺪﻳﻴﻞ ﻣﺎ ﻋﺮﻓﺘﺎ ﺍﺗﺤﺮﻙ ﺑﻲ ﻭﻳﻦ .. ﺍﻟﻮﻟﺪ ﻟﻤﺎ ﻗﺮﺏ ﻟﻲ ﺍﺗﺨﻴﻠﺘﻮ ﺡ ﻳﻀﺮﺑﻨﻲ .. ﺑﺲ ﻫﺒﺶ ﺍﻟﻌﻤﻮﺩ ﺍﻟﺠﻨﺒﻲ ﺍﺩﺍﻫﻮ ﺿﺮﺑﺘﻴﻦ ﺯﻱ ﻛﺎﻧﻮﺍ ﺑﻀﺮﺏ ﻓﻲ ﺯﻭﻝ ﻓﻲ ﻛﺘﻔﻮ ﻭ ﻗﺎﻝ ﻟﻴﻬﻮ ﻣﺮﺗﻚ ﺳﻤﺤﻪ ﻳﺎ ﺍﺻﻠﻲ .. 😘 ﻭﻋﺎﻳﻦ ﻟﻲ ﻭﻣﺸﻰ ﺑﻘﻴﺖ ﺑﻌﺎﻳﻦ ﻓﻲ ﺭﻭﺣﻲ ﻣﻦ ﻓﻮﻕ ﻟﻲ ﺗﺤﺖ 😳 ﺍﻧﺎ ﻭ ﺭﺍﺟﻠﻲ ﻣﺎﻋﺮﻓﺘﺎ ﺍﺿﺤﻚ ﻭﻻ ﺍﻋﻤﻞ ﺷﻨﻮ .. ﺍﻟﻐﺮﻳﺒﻪ ﺍﻧﻮ ﺍﻟﻮﻟﺪ ﺩﻩ ﻭﻟﺪ ﻧﺎﺱ ﻭ ﻟﺒﺴﻮﺍ ﻛﻮﻳﺲ 😳 ﻣﺎ ﺯﻭﻝ ﺳﻜﺮﺍﻥ ﺳﺎﻱ .. ﺣﻴﺮﻧﻲ ﻭﺍﻟﻠﻪ ﻷﻧﻮ ﺯﻭﻝ ﺷﺎﺏ ﻭﺟﻴﻪ ﻭ ﺻﻐﻴﺮ ﺍﻟﺒﺨﻠﻴﻬﻮ ﻳﺴﻄﻞ ﻛﺪﻩ ﺷﻨﻮ

يتبع.....