كتمان الشوق

الجزء 14

ﻛﺬﺑﺘﺎ ﻋﻠﻰ ﺍﻣﻲ 😿 ﻟﻜﻦ ﻛﻨﺘﺎ ﻣﺠﺒﻮﺭﻩ ﺍﻋﻤﻞ ﻛﺪﻩ ﻗﻠﺘﺎ ﻟﻴﻬﺎ ﺍﻧﻲ ﺡ ﺍﺳﺠﻞ ﻓﻲ ﻣﻌﻬﺪ ﻟﻐﻪ ﻓﺮﻧﺴﻴﻪ ﻓﻲ ﺍﻳﺎﻡ ﺍﻻﺳﺒﻮﻉ ﺍﻟﻔﺮﺩﻳﻪ ﻋﺸﺎﻥ ﺍﻻﻳﺎﻡ ﺍﻟﺰﻭﺟﻴﻪ ﻋﻨﺪﻱ ﺍﻟﺰﻭﻣﺒﺎ ، ﻋﺸﺎﻥ ﺍﺗﻬﺮﺏ ﻣﻦ ﺯﻫﺮﺍﺀ ﺑﺮﺿﻮ ﻭﻣﻦ ﺗﺤﻘﻴﻘﻬﺎ ﻣﻌﺎﻱ ﻛﻞ ﻣﺮﻩ ﺍﻧﺘﻲ ﺑﺘﻤﺸﻲ ﻭﻳﻦ ﻭﺑﺘﺠﻲ ﻣﻦ ﻭﻳﻦ ! ﺍﻳﺎﻡ ﺍﻻﺳﺒﻮﻉ ﺍﻟﻔﺮﺩﻳﻪ ﺑﻘﻴﺖ ﺑﻤﺸﻲ ﻟﻲ ﺑﻴﺖ ﻧﺎﺱ ﻋﺒﺪ ﺍﻟﻠﻪ ﺑﻨﻘﻌﺪ ﻓﻲ ﺍﻟﻤﻜﺘﺒﻪ ﺩﻳﻚ ﻭ ﺑﻨﺬﺍﻛﺮ ﻫﺎﺟﺮ ﺑﺘﻌﻤﻞ ﻟﻴﻨﺎ ﺍﻟﺸﺎﻱ ﺑﺎﻟﻠﺒﻦ ﻭ ﺑﺘﺠﻲ ﺗﺨﺘﻮ ﻟﻴﻨﺎ ﻣﻊ ﺍﻟﺒﺴﻜﻮﻳﺖ ﺑﻨﺸﺮﺏ ﺍﻭﻝ ﺣﺘﻰ ﻧﺒﺪﺍ ﻧﺬﺍﻛﺮ ، ﻋﺒﺪ ﺍﻟﻠﻪ ﻛﺎﻥ ﺑﻤﺸﻲ ﺍﻟﺠﺎﻣﻌﻪ ﻭﺑﺤﻀﺮ ﺍﻟﻤﺤﺎﺿﺮﺍﺕ ﻭ ﺑﺪﺍ ﻳﺼﻠﻲ ﻭ ﻳﻠﺘﺰﻡ ﺣﺘﻰ ﻭﻧﺤﻨﺎ ﻗﺎﻋﺪﻳﻦ ﻟﻤﺎ ﻳﺠﻲ ﺍﻟﻤﻐﺮﺏ ﻭﻳﺸﻮﻓﻨﻲ ﻗﻤﺘﺎ ﺍﺻﻠﻲ ﺑﻘﻮﻡ ﻋﻠﻰ ﺻﻼﺗﻮ ، ﻣﺮﻩ ﺑﻌﺪ ﺧﻠﺼﻨﺎ ﻣﺬﺍﻛﺮﻩ ﻗﻌﺪﻧﺎ ﻓﻲ ﺍﻟﺴﻠﻢ ﺑﺘﺎﻋﻬﻢ ﺍﻟﻌﻠﻰ ﺑﺎﺏ ﺍﻟﺸﺎﺭﻉ ﺍﻟﺠﻮ ﻛﺎﻥ ﺑﺎﺍﺍﺭﺩ ، ﺷﻠﻨﺎ ﺍﻟﺸﺎﻱ ﻭﻗﻌﺪﻧﺎ ﻓﻲ ﺍﻟﺴﻠﻢ ﺑﻨﺸﺮﺏ ﻗﺎﻝ ﻟﻲ ﺍﻧﺘﻲ ﻋﺎﺭﻓﻪ ﺍﻧﻚ ﺍﻭﻝ ﺻﺤﺒﻪ ﻟﻲ ﻗﻠﺘﺎ ﻟﻴﻬﻮ ﻭﺍﻧﺖ ﻛﻤﺎﻥ ﻣﺎﺗﺴﺘﻐﺮﺏ ﺑﺲ ﺍﻧﺖ ﺍﻭﻝ ﺻﺎﺣﺐ ﻟﻲ ﻗﺎﻝ ﻟﻲ ﻟﻴﻪ؟ ﻗﻠﺘﺎ ﻟﻴﻬﻮ ﻓﻲ ﺍﻟﺠﺎﻣﻌﻪ ﻣﺎ ﻛﺎﻧﻮﺍ ﺍﻻﻭﻻﺩ ﺑﻘﺮﺑﻮﺍ ﻣﻨﻲ ﺷﺎﻳﻔﻴﻨﻲ ﻣﺘﻮﺣﺸﻪ ﻭﻣﺤﻤﺪ ﻭﻟﺪ ﺑﺲ ﻣﺎ ﻛﺎﻥ ﻓﻲ ﺯﻭﻝ ﺑﻘﺮﺏ ﻣﻨﻲ ﺍﻻ ﻭﻗﺖ ﺍﻻﻣﺘﺤﺎﻧﺎﺕ ﺍﻟﻜﺎﻧﻮﺍ ﻋﺎﻳﺰﻳﻦ ﺷﺮﺡ ﺑﺠﻮﻧﻲ ، ﻛﻨﺖ ﻋﺎﺭﻓﻪ ﺍﻧﻬﻢ ﺑﺘﺎﻋﻴﻦ ﻣﺼﺎﻟﺢ ﺑﺲ ﺑﺸﺮﺡ ﻟﻴﻬﻢ ، ﻗﺎﻝ ﻟﻲ ﻭﻫﻮ ﻣﺒﺘﺴﻢ ﺍﻧﺘﻲ ﺟﺒﺘﻲ ﺣﺐ ﺍﻟﻨﺎﺱ ﺩﻩ ﻣﻦ ﻭﻳﻦ ! ﻗﻠﺘﺎ ﻟﻴﻬﻮ ﻣﻦ ﺍﻣﻲ ﺍﺑﺘﺴﻢ ﺗﺎﻧﻲ ﻗﺎﻝ ﻟﻲ ﺍﻷﻡ ﺩﻱ ﺣﺎﺟﻪ ﻋﻈﻴﻤﻪ ﻳﺎﺥ ، ﺍﺑﺘﺴﻤﻨﺎ ﺳﻮﺍ ﻭﺳﻜﺘﻨﺎ ﺷﻮﻳﻪ ﻋﺎﻳﻨﺘﺎ ﻟﻴﻬﻮ ﺍﻧﺖ ﻓﺎﻗﺪﻫﺎ؟ ﻗﺎﻝ ﻟﻲ ﺷﺪﻳﺪ ، ﻣﺪﻳﺖ ﺭﺟﻮﻟﻲ ﻟﻠﺴﻠﻤﻪ ﺍﻟﻘﺪﺍﻣﻲ ﺍﻧﺎ ﻓﻲ ﺍﻟﺴﻠﻤﻪ ﺍﻟﺒﻲ ﻓﻮﻕ ﻟﻴﻬﻮ ، ﻗﻠﺘﺎ ﻟﻴﻬﻮ ﻋﺒﺪ ﺍﻟﻠﻪ ﺍﻧﺖ ﻣﺮﺗﺎﺡ ﻛﺪﻩ ؟ ﻗﺎﻝ ﻟﻲ ﻛﻴﻒ ﻳﻌﻨﻲ ﻗﻠﺘﺎ ﻟﻴﻬﻮ ﺣﻴﺎﺗﻚ ﺍﻹﻧﺖ ﻋﺎﻳﺸﻬﺎ ﺩﻱ ﻋﺎﺟﺒﺎﻙ ﻗﺎﻝ ﻟﻲ ﻣﺎﺷﺎﻳﻔﻪ ﺍﻧﻬﺎ ﺍﺗﺤﺴﻨﺖ ؟ ﻗﻠﺖ ﻟﻴﻬﻮ ﻻ ﻣﺎ ﻗﺼﺪﻱ ﺍﻟﺼﻼﻩ ﻭﺍﻟﺠﺎﻣﻌﻪ ﻗﺼﺪﻱ ﺣﻴﺎﺗﻚ ﺍﻟﺘﺎﻧﻴﻪ ﻋﺎﻟﻢ ﺍﻟﻤﺨﺪﺭﺍﺕ ﺍﻟﻌﺎﻳﺶ ﻓﻴﻬﻮ ﺩﻩ ﻗﺎﻝ ﻟﻲ ﺍﻧﺘﻲ ﻗﺎﻳﻠﻪ ﺍﻧﻮ ﺍﻟﺰﻭﻝ ﺍﻟﻤﺪﻣﻦ ﻣﺪﻣﻦ ﻻﻧﻮ ﺑﺤﺒﻬﺎ؟ ﻣﺎﻓﻲ ﺯﻭﻝ ﺑﺤﺐ ﺍﻟﻤﺨﺪﺭﺍﺕ ﺑﺲ ﺍﻹﺩﻣﺎﻥ ﺑﺨﻠﻲ ﺍﻟﺰﻭﻝ ﻣﺎ ﻳﻘﺪﺭ ﻳﻔﺎﺭﻗﻬﺎ ﻗﻠﺖ ﻟﻴﻬﻮ ﻭﺍﺫﺍ ﺍﻧﺖ ﻛﺎﻥ ﻋﻨﺪﻙ ﺍﺳﺒﺎﺏ ﻛﺘﻴﺮﻩ ، ﻗﺎﻝ ﻟﻲ ﻣﺎ ﻋﻨﺪﻱ ﺍﺳﺒﺎﺏ ﻗﻠﺖ ﻟﻴﻬﻮ ﻋﻨﺪﻙ ﺣﺒﻮﺑﺘﻚ ﺍﻟﻘﺎﻋﺪﻩ ﻣﻘﻠﻘﻪ ﻋﻠﻴﻚ ﺍﻟﻮﻗﺖ ﻛﻠﻮ ﺧﺎﻳﻔﻪ ﻳﺤﺼﻞ ﻟﻴﻚ ﺷﻲ ﺍﻧﺖ ﻗﺎﻳﻞ ﺍﻟﻨﺎﺱ ﺩﻳﻞ ﻣﺎ ﻋﺎﺭﻓﻨﻚ ﺑﺘﺸﺮﺏ؟ ﻋﺎﺭﻓﻨﻚ ﻋﻠﻰ ﻓﻜﺮﻩ ﺑﺲ ﺧﺎﻳﻔﻴﻦ ﻳﺼﺎﺭﺣﻮﻙ ﺑﺤﺎﺟﻪ ﻭﺗﻄﻔﺶ ﻣﻦ ﺍﻟﺒﻴﺖ ، ﻋﺒﺪ ﺍﻟﻠﻪ ﺍﻧﺖ ﻣﻌﻴﺶ ﺍﻫﻠﻚ ﺩﻳﻞ ﻓﻲ ﺭﻋﺐ ﺍﻟﻮﻗﺖ ﻛﻠﻮ ، ﺍﻧﺖ ﻋﺎﺭﻑ ﺧﺎﻟﺘﻚ ﻟﻤﺎ ﻗﺎﻟﺖ ﻟﻲ ﺳﺎﻋﺪﻳﻬﻮ ﻛﺎﻧﺖ ﻋﻴﻮﻧﻬﺎ ﺑﺘﻘﻮﻝ ﻟﻲ ﺍﻧﻘﺬﻳﻬﻮ ﻗﺒﻞ ﻣﺎ ﻳﻤﻮﺕ ، ﺍﻧﺖ ﺳﺒﺐ ﺣﺰﻥ ﺍﻟﻨﺎﺱ ﺩﻳﻞ ﻳﺎﻋﺒﺪ ﺍﻟﻠﻪ ﻫﻢ ﻣﺎﺿﺎﻳﻘﻴﻦ ﻃﻌﻢ ﻟﻠﺴﻌﺎﺩﻩ ، ﺍﻟﺒﺸﻮﻑ ﺑﻴﺘﻜﻢ ﺑﻲ ﺑﺮﻩ ﺑﺤﺴﺪﻛﻢ ﻋﻠﻰ ﺍﻟﻌﺰ ﺍﻟﻌﺎﻳﺸﻴﻦ ﻓﻴﻬﻮ ﺩﻩ ﻭ ﺍﻟﺒﺪﺧﻠﻮﺍ ﺑﺸﻮﻑ ﺍﻧﻮ ﺍﻟﺒﻴﺖ ﺩﻩ ﻣﻀﻠﻢ ﻭﺍﺳﻮﺩ ﻭ ﻣﺎﻟﻴﻬﻮ ﺍﻟﻮﺟﻊ ﻣﻦ ﻛﻞ ﺯﺍﻭﻳﻪ ، ﻋﺒﺪ ﺍﻟﻠﻪ ﺍﻣﻚ ﻟﻤﺎ ﻣﺎﺗﺖ ﺧﻠﺖ ﺟﻮﺍﻙ ﻃﻔﻞ ﻟﺴﻪ ﺑﺲ ﺍﻟﻄﻔﻞ ﺩﻩ ﻣﺎﻟﻘﻰ ﺍﻟﺰﻭﻝ ﺍﻟﺒﻠﻤﻮﺍ ﻋﻠﻴﻬﻮ ﻭﻳﺤﺘﻮﻳﻬﻮ ، ﺍﻧﺖ ﻣﺎ ﻟﻘﻴﺖ ﻳﺪ ﺍﻟﻤﺴﺎﻋﺪﻩ ﺍﻧﺎ ﻣﺘﺄﻛﺪﻫﻪ ﻟﻮ ﺍﻧﻚ ﻟﻘﻴﺘﻬﺎ ﻣﺎ ﻛﺎﻥ ﺿﻌﺘﺎ ، ﻛﺎﻥ ﻋﺎﻳﺰ ﺑﺮﺿﻮ ﻳﺨﺘﺼﺮ ﺍﻟﻤﻮﺿﻮﻉ ﻭﻳﺠﺮﺣﻨﻲ ﺑﻜﻠﻤﻪ ﻛﻠﻤﺘﻴﻦ ﺯﻱ ﻣﺎ ﺑﻌﻤﻞ ﺑﺲ ﺛﺒﺘﻮﺍ ﻭﻗﻠﺖ ﻟﻴﻬﻮ ﺍﻧﺖ ﻋﺎﺭﻑ ﺍﻧﻚ ﻃﻴﺐ ﻭﺍﻧﺖ ﻣﻦ ﺟﻮﺍﻙ ﻛﺪﻩ ﻭﻋﺎﻳﺰ ﺗﺘﻐﻴﺮ ﺑﺲ ﺍﻧﺖ ﻣﺎﻋﺎﺭﻑ ﺗﺒﺪﺍ ﻣﻦ ﻭﻳﻦ ، ﻓﻲ ﻋﺒﺪ ﺍﻟﻠﻪ ﺻﻐﻴﺮﻭﻧﻲ ﺟﻮﺍﻙ ﻋﺎﻳﺰ ﻳﻄﻠﻊ ﻣﻦ ﺍﻟﻀﻼﻡ ﺍﻟﻌﺎﻳﺶ ﻓﻴﻬﻮ ﻋﺒﺪ ﺍﻟﻠﻪ ﺍﻟﻜﺒﻴﺮ ﺑﺲ ﻣﺮﺑﻂ ﻭﻣﺎﻗﺎﺩﺭ ﻷﻧﻮ ﺍﻟﻜﺒﻴﺮ ﺭﺍﻓﺾ ﺍﻟﺘﻐﻴﻴﺮ ، ﻗﺎﻝ ﻟﻲ ﺍﻧﺘﻲ ﻣﺤﺎﻣﻴﻪ ﻭﻻ ﺩﻛﺘﻮﺭﻩ ﻧﻔﺴﻴﻪ ! ﻗﻠﺖ ﻟﻴﻬﻮ ﻣﺎﺗﺘﺮﻳﻖ ﻋﻠﻲ ﺍﻧﺎ ﺟﺎﺩﻩ ﻫﺴﻲ ، ﻋﺎﺭﻑ ﻟﻴﻪ ﺍﻧﺎ ﺣﺎﺳﻪ ﺑﻴﻚ ﻷﻧﻲ ﻋﺸﺘﺎ ﺍﻟﻮﺣﺪﻩ ﻭﺟﺮﺑﺘﻬﺎ ﺟﺮﺑﺖ ﻟﻤﺎ ﻛﻞ ﺍﻟﻨﺎﺱ ﻳﺸﻮﻓﻮﻙ ﻣﺎ ﻣﻨﻚ ﻓﺎﻳﺪﻫﻪ ﻭﻫﻢ ﻣﺎ ﺣﺎﺳﻴﻦ ﻗﺪﺭ ﺷﻨﻮ ﺍﻟﻜﻠﻤﻪ ﺩﻱ ﺑﺘﻮﺟﻊ ، ﺟﺮﺑﺘﺎ ﻟﻤﺎ ﺍﻟﻨﺎﺱ ﻳﻨﺘﻈﺮﻭﺍ ﻣﻨﻚ ﺣﺎﺟﻪ ﻭﺍﻧﺖ ﺗﺨﺬﻟﻬﻢ ﻻﻧﻮ ﺍﻟﺤﺎﺟﻪ ﻣﺎﻓﻲ ﻳﺪﻙ ، ﺍﻧﺖ ﻣﺎﺿﻌﻴﻒ ﺍﻧﺖ ﻗﻮﻱ ﺷﺪﻳﻴﻴﺪ ﻋﺎﺭﻑ ﻟﻴﻪ .. ﻷﻧﻚ ﻣﺎ ﺍﻧﺘﺤﺮﺗﺎ ﺯﻱ ﺍﺧﻮﻙ ﻭﻻ ﺿﻌﻔﺘﺎ ﻗﺪﺍﻡ ﺍﻟﻤﻮﺕ ﻭﺍﺳﺘﺴﻠﻤﺘﺎ ، ﺯﻱ ﻣﺎﻗﺪﺭﺗﺎ ﺗﻐﻠﺐ ﺿﻌﻔﻚ ﻟﻤﺎ ﺍﻣﻚ ﺍﺗﻮﻓﺖ ﻭﻟﻶﻥ ﺍﻧﺖ ﻋﺎﻳﺶ ، ﺍﻧﺖ ﻣﻤﻜﻦ ﺗﻌﻴﺶ ﺑﻄﺮﻳﻘﻪ ﺍﺣﺴﻦ ﻣﻦ ﻛﺪﻩ ﻋﺸﺎﻥ ﻟﻤﺎ ﺗﻼﻗﻴﻬﺎ ﺑﻌﺪﻳﻦ ﻓﻲ ﺍﻟﺠﻨﻪ ﺗﻔﺮﺡ ﺑﻴﻚ ، ﺍﻧﺎ ﻣﺎ ﺑﻘﻮﻝ ﺍﻟﻜﻼﻡ ﺩﻩ ﻟﺸﺎﻓﻊ ﺍﻧﺖ ﻋﺎﺭﻑ ﺍﻧﻮ ﻣﺼﻴﺮﻙ ﺗﻼﻗﻲ ﺍﻣﻚ ﻋﺎﻳﺰ ﺗﻼﻗﻴﻬﺎ ﻭﺍﻧﺖ ﺑﺎﻟﻬﻴﺌﻪ ﺩﻱ؟ ﻫﺴﻲ ﻟﻮ ﺍﻧﺖ ﻣﺘﺎ ﻓﻲ ﺣﺎﺩﺙ ﺑﻄﺮﻳﻘﺘﻚ ﺩﻱ ! ﺗﻘﺎﺑﻞ ﺭﺑﻨﺎ ﻭﺍﻧﺖ ﻣﺴﻄﻮﻝ؟ ، ﺳﺮﺡ ﺑﻔﻜﺮ ﻓﻲ ﻛﻼﻣﻲ ﻭﺍﻧﺎ ﺍﺳﺘﻤﺮﻳﺖ ﺍﺩﻳﻬﻮ ﻓﻲ ﺍﻟﻜﻼﻡ ، ﻗﻠﺘﺎ ﻟﻴﻬﻮ ﺍﻧﺖ ﻋﺎﺭﻑ ﺍﻧﺎ ﻟﻮ ﻣﻜﺎﻧﻚ ﻛﻨﺖ ﺡ ﺍﻋﻤﻞ ﺷﻨﻮ ؟ ﻗﺎﻝ ﻟﻲ ﺡ ﺗﻌﻤﻠﻲ ﺷﻨﻮ ! ﻧﺰﻟﺘﺎ ﻣﻦ ﺍﻟﺴﻠﻢ ﻭﻭﻗﻔﺘﺎ ﻗﺪﺍﻣﻮ ﻗﻠﺘﺎ ﻟﻴﻬﻮ ﺡ ﺍﺑﻘﻰ ﺭﺟﻞ ﺍﻻﻋﻤﺎﻝ ﻋﺒﺪ ﺍﻟﻠﻪ 💜 ﻋﻠﻴﺖ ﻧﻔﺴﻲ ﻋﺸﺎﻥ ﺍﺑﻘﻰ ﻃﻮﻳﻠﻪ ﺭﻓﻌﺘﺎ ﺭﺟﻮﻟﻲ ﻟﻲ ﻓﻮﻕ ﻭﺑﺤﺎﻛﻲ ﻓﻴﻬﻮ ﺑﺼﻮﺕ ﺧﺸﻦ 😂😂 ،، ﺍﻟﺴﻼﻡ ﻋﻠﻴﻜﻢ ﺍﻫﺎ ﺍﻟﻮﺭﻕ ﺟﺎﻫﺰ ! ﺭﻓﻌﺘﺎ ﻳﺪﻱ ﻭﺧﺘﻴﺘﻬﺎ ﻣﺤﻞ ﺍﻟﺘﻠﻔﻮﻥ ﻭﺑﻘﻴﺖ ﺑﺘﻜﻠﻢ ﻳﺎ ﺷﺒﺎﺏ ﺍﺷﺘﺮﻳﺘﻮ ﺍﻟﻌﻘﺎﺭ ﺍﻟﻘﻠﺘﺎ ﻟﻴﻜﻢ ﺍﺷﺘﺮﻭﻫﻮ ! ﺗﻤﺎﻡ ﻃﻴﺐ ﺍﺑﺪﻭﺍ ﺑﻨﻴﺎﻥ ، ﻫﻮ ﺑﻀﺤﻚ ﻓﻴﻨﻲ ﻭﺍﻧﺎ ﺑﺤﺎﻛﻲ ﻓﻴﻬﻮ ، ﻗﻠﺘﺎ ﻟﻴﻬﻮ ﺍﻭﻝ ﺣﺎﺟﻪ ﻛﻨﺖ ﺣﺎﺑﺪﺍ ﺑﻴﻬﺎ ﺍﻋﻤﺎﻣﻚ ﺍﻟﻜﻼﺏ 😒 ﺍﻟﺸﺎﻟﻮﺍ ﻗﺮﻭﺵ ﺍﺑﻮﻙ ﻭ ﺻﻴﺪﻟﻴﺎﺗﻮ ﻭ ﻋﻴﺎﺩﺗﻮ ﻭﻛﻞ ﺍﻟﻌﺎﺋﺪﺍﺕ ﺩﻱ ﺑﻘﺖ ﺑﺘﺮﺟﻊ ﻟﻴﻬﻢ ﻟﻴﻪ؟ ﻭﺍﻧﺖ ﺍﻟﻮﻟﺪ ﻭﺍﻟﻮﺍﺭﺙ ﺍﻟﻮﺣﻴﺪ ﻫﺴﻲ ﻷﻧﻚ ﻏﺒﻲ ﺿﻴﻌﺘﺎ ﺣﻘﻚ ﻭﺧﻠﻴﺘﻮ ﺑﺎﻟﺴﺎﺍﻫﻞ ﻛﺪﻩ ﻟﻴﻬﻢ ! ﻗﺎﻝ ﻟﻲ ﻣﺎﺩﺍﻳﺮ ﺷﻲ ﻣﻨﻬﻢ ، ﻣﺸﻴﺖ ﺭﻛﺒﺘﺎ ﺍﻟﺴﻠﻢ ﻭﻗﻌﺪﺗﺎ ﻋﺎﻳﻨﺘﺎ ﻟﻴﻬﻮ ﻗﻠﺘﺎ ﻟﻴﻬﻮ ﻗﺒﻞ ﻋﻠﻲ ﻋﺎﻳﻦ ﻟﻲ ﻗﺎﻝ ﻟﻲ ﻣﺎ ﺩﺍﻳﺮ ﻧﻘﺎﺵ ﻓﻲ ﺍﻟﻤﻮﺿﻮﻉ ﺩﻩ ، ﻗﻠﺘﺎ ﻟﻴﻬﻮ ﺍﻧﺖ ﻏﺒﻲ ﻭﺍﻟﻠﻪ ، ﻓﻲ ﺯﻭﻝ ﺑﺴﻴﺐ ﺍﻟﻌﺰ ﺩﻩ ﻛﻠﻮ ﻟﻲ ﺍﻋﻤﺎﻡ ﻫﻢ ﻣﺎ ﺳﺄﻟﻮﺍ ﻣﻦ ﺣﺎﻟﺘﻚ ﺍﻟﻨﻔﺴﻴﻪ ﻛﺎﻧﺖ ﻛﻴﻒ ! ﺍﻫﻤﻠﻮﻙ ﻋﺸﺎﻥ ﺗﻤﻮﺕ ﻭﺣﺘﻰ ﺍﻟﺒﻴﺖ ﺑﺘﺎﻉ ﺍﺑﻮﻙ ﻳﻮﺭﺛﻮﻫﻮ ﻭﻳﻄﻠﻌﻮﺍ ﺣﺒﻮﺑﺘﻚ ﻭﺧﺎﻟﺘﻚ ﻭﻫﺎﺟﺮ ، ﻋﺒﺪ ﺍﻟﻠﻪ ﺍﻧﺘﻮ ﻋﻨﺪﻛﻢ ﻋﺮﺑﻴﻪ ﻣﺮﻛﻮﻧﻪ ﻭﺭﺍ ﻣﺎ ﺑﺘﺴﻮﻗﻬﺎ ﻟﻲ ! ﻗﺎﻝ ﻟﻲ ﺣﻘﺖ ﺍﺑﻮﻱ ﻗﻠﺘﺎ ﻟﻴﻬﻮ ﻃﻴﺐ ﺍﺑﻮﻙ ﺩﻩ ﻣﺶ ﻋﺬﺑﻚ ﺍﻧﺖ ﻭﺍﻣﻚ ﻭﺍﻳﺎ ﻛﺎﻥ ﺍﻟﻌﻤﻠﻮﺍ ﻣﺎ ﺑﺘﻘﺪﺭﺗﻨﻜﺮ ﺍﻧﻮ ﺍﺑﻮﻙ ، ﻋﺒﺪ ﺍﻟﻠﻪ ﺑﻌﺪ ﺍﻟﺘﻌﺐ ﺍﻟﺘﻌﺒﺘﻮ ﺍﻣﻚ ﻭﻭﻗﻔﺖ ﻣﻌﺎﻫﻮ ﻟﺤﺪﻱ ﻣﺎ ﺑﻘﻰ ﻋﻨﺪﻭ ﻗﺮﻭﺵ ﻭﻋﺰ ، ﺩﻩ ﻣﺎﺗﻌﺐ ﺍﺑﻮﻙ ﺑﺮﺍﻫﻮ ﻋﻠﻰ ﻓﻜﺮﻩ ﺩﻩ ﺗﻌﺐ ﺍﻣﻚ ﻭﺍﻧﺖ ﺑﻐﺒﺎﺋﻚ ﺩﻩ ﺿﻴﻌﺘﺎ ﺣﻘﻮﻕ ﺍﻣﻚ ﻟﻴﻬﻢ ، ﻭﺳﻜﺘﺎ ﻋﺎﺭﻓﺎﻫﻮ ﺡ ﻳﻔﻜﺮ ﻓﻲ ﺍﻟﻤﻮﺿﻮﻉ ﻭ ﺣﻴﺤﺮﻗﻮﺍ ﻗﺎﻝ ﻟﻲ ﺡ ﻳﻠﻘﻮﺍ ﻃﺮﻳﻘﻪ ﻭ ﻳﻘﻮﻟﻮﺍ ﺍﻧﻲ ﻣﺪﻣﻦ ﻭﺑﺘﻌﺎﻃﻰ ، ﻗﻠﺘﺎ ﻟﻴﻬﻮ ﻭﻟﻴﻪ ﻣﺎ ﺗﺨﻠﻲ ﺍﻻﺩﻣﺎﻥ ﻗﺎﻝ ﻟﻲ ﻣﺎﺑﻘﺪﺭ ﻗﻠﺘﺎ ﻟﻴﻬﻮ ﻣﺎﻓﻲ ﺣﺎﺟﻪ ﺍﺳﻤﻬﺎ ﻣﺎ ﺑﺘﻘﺪﺭ ،، ﺍﻟﺸﻐﻠﻪ ﺗﻌﻮﻳﺪﺓ ﺑﺲ ﻣﺜﻼ ﺍﻧﺎ ﻛﻨﺖ ﻣﺎ ﺑﻌﻤﻞ ﻣﻴﻚ ﺍﺏ ﻟﻲ ﻭﺷﻲ ﺍﺑﺪﺍ ﻭﻟﻤﺎ ﻟﻘﻴﺘﻮ ﺣﻠﻮ ﻣﻌﺎﻱ ﻭﺍﺗﻌﻠﻤﺘﻮﺍ ﺑﻘﻴﺖ ﺑﺤﺒﻮ ﺟﺪﺍ ﺟﺪﺍ ، ﻛﻞ ﺍﻟﻘﺼﻪ ﺍﻟﺤﺎﺟﻪ ﺍﻟﻌﺎﻳﺰ ﺗﺼﻞ ﻟﻴﻬﺎ ﺑﺘﺼﻞ ﻟﻴﻬﺎ ﻟﻮ ﺍﺻﺮﻳﺖ ، ﺍﻧﺖ ﻣﺎ ﻧﻔﺴﻚ ﺗﻜﻮﻥ ﺻﺎﺣﺐ ﻗﺮﺵ ﻭ ﻋﺰ ﻭ ﺷﺮﻛﺎﺕ ﻭ ﻛﻠﻮ ﻳﻜﻮﻥ ﻋﺰﻙ ﺑﺮﺍﻙ ! ﺍﻋﻤﺎﻣﻚ ﻳﺎﺧﺪﻭﺍ ﻧﺼﻴﺒﻬﻢ ﺍﻟﺸﺮﻋﻲ ﺑﺲ ﻭﺣﻘﻚ ﻳﺮﺟﻊ ﻟﻴﻚ ﻣﺎﻓﻲ ﺣﺎﺟﻪ ﺍﺳﻤﻬﺎ ﺩﻩ ﻗﺮﺵ ﺍﺑﻮﻱ ﻭﻣﺎﺩﺍﻳﺮﻭ ، ﻗﺎﻝ ﻟﻲ ﺳﻨﺪﺱ ﻣﺎ ﺗﺰﻧﻲ ﻟﻲ ﻓﻲ ﺭﺍﺳﻲ ﻗﻠﺖ ﻟﻴﻬﻮ ﺑﺮﺍﺣﺘﻚ ﺑﺲ ﻓﻲ ﺍﻟﻨﻬﺎﻳﻪ ﺩﻱ ﻗﺮﻭﺷﻚ ﻭﺍﻧﺖ ﺣﺮ ، ﻛﻤﻠﻨﺎ ﺷﺎﻱ ﺍﻟﻤﻐﺮﺏ ﺑﺘﺎﻋﻨﺎ ﺩﻩ ﻭﺍﻧﺎ ﻣﺘﺄﻛﺪﻩ ﺍﻧﻮ ﻣﺎ ﺣﻴﻨﻮﻡ ﺍﻻ ﻭﻳﻔﻜﺮ ﻓﻲ ﻛﻼﻣﻲ ﻛﻨﺖ ﻋﺎﺭﻓﻪ ﺍﻧﻮ ﺍﻟﻘﺮﻭﺵ ﻟﻤﺎ ﺗﻜﻮﻥ ﻟﻴﻚ ﻭﻳﺎﺧﺪﻫﺎ ﻏﻴﺮﻙ ﺡ ﺗﺤﺮﻗﻚ ﺷﺪﻳﻴﺪ ، ﺩﺧﻠﺘﺎ ﻟﻴﻬﻮ ﺑﻤﻔﻬﻮﻡ ﺍﻟﻘﺮﻭﺵ ﻋﺸﺎﻥ ﻳﺨﻠﻲ ﺍﻻﺩﻣﺎﻥ .. ﺍﺗﻼﻗﻴﻨﺎ ﺑﻌﺪﻫﺎ ﻳﻮﻣﻴﻦ ﻋﺸﺎﻥ ﺑﺮﺿﻮ ﻧﺮﺍﺟﻊ ﺍﻟﺸﻴﺘﺎﺕ ﻭﺍﺣﻨﺎ ﺑﻨﺬﺍﻛﺮ ﻓﻲ ﻧﺺ ﺍﻟﺸﺮﺡ ﻛﺪﻩ ﻛﺎﻥ ﺧﺎﺗﻲ ﺍﻟﻘﻠﻢ ﻓﻲ ﺧﺸﻤﻮ ﻭﺑﻴﺎﻛﻞ ﻓﻲ ﻧﻬﺎﻳﺘﻮ ، ﻗﻠﺖ ﻟﻴﻬﻮ ﻋﺒﺪ ﺍﻟﻠﻪ ﻣﺎﻟﻚ ﻣﺎ ﻣﺮﻛﺰ ﺍﻟﻠﻴﻠﻪ ! ﻣﻦ ﻗﺒﻴﻞ ﺍﻧﺎ ﺑﺸﺮﺡ ﻭﺍﻧﺖ ﺳﺮﺣﺎﻥ ﻣﺎﻟﻚ ؟ ﻗﺎﻝ ﻟﻲ ﺍﻧﺎ ﻗﺮﻳﺖ ﺍﻣﺒﺎﺭﺡ ﻓﻲ ﺍﻟﻨﺖ ﻋﻦ ﺣﺎﺟﻪ ﺍﺳﻤﻬﺎ ﺍﻟﺴﻴﺠﺎﺭﻩ ﺍﻻﻟﻜﺘﺮﻭﻧﻴﻪ، ﻃﻮﺍﻟﻲ ﺍﻟﻔﺮﺣﻪ ﻇﻬﺮﺕ ﻓﻲ ﻭﺷﻲ ﻋﺮﻓﺘﻮ ﺍﻧﻮ ﻓﻜﺮ ﻳﺨﻠﻲ ﺍﻟﻤﺨﺪﺭﺍﺕ ﻣﻤﺎ ﻓﻜﺮ ﻓﻲ ﺍﻟﺴﻴﺠﺎﺭﻩ ﺍﻻﻟﻜﺘﺮﻭﻧﻴﻪ ،، ﻗﻠﺘﺎ ﻟﻴﻬﻮ ﻋﺒﺪ ﺍﻟﻠﻪ 😍 ﻣﺎﻗﺎﺩﺭﻩ ﺍﺻﺪﻕ ﺍﻧﺖ ﻗﺮﻳﺖ ﻋﻦ ﺍﻟﻤﺨﺪﺭﺍﺕ ؟ ﻗﺎﻝ ﻟﻲ ﻃﻌﻢ ﺍﻟﺴﻴﺠﺎﺭﻩ ﺍﻻﻟﻜﺘﺮﻭﻧﻴﻪ ﺑﻜﻮﻥ ﻛﻴﻒ ! ﺿﺤﻜﺘﺎ ﻭﻗﻠﺘﺎ ﻟﻴﻬﻮ ﻭﺍﻟﻠﻪ ﻣﺎﺟﺮﺑﺘﺎ 😂😂 ﺿﺤﻜﻨﺎ ﺳﻮﺍ 😂😂😂 ﺑﻌﺪ ﺧﻠﺼﻨﺎ ﻣﻦ ﺍﻟﻘﺮﺍﻳﻪ ﻃﻠﻌﻨﺎ ﻧﺘﻤﺸﻰ ﻭ ﻓﻲ ﺍﻟﺸﺎﺭﻉ ﻗﺎﻝ ﻟﻲ ﺍﻧﺘﻲ ﻋﺎﺭﻓﻪ ﺍﻧﺎ ﻋﺎﺭﻑ ﻣﻜﺎﻧﻬﺎ ﻭﻳﻦ ! ﻗﻠﺖ ﻟﻴﻬﻮ ﺩﺍﻳﺮﻫﺎ؟ ﻗﺎﻝ ﻟﻲ ﻣﺎﻋﺎﺭﻑ ﻗﻠﺘﺎ ﻟﻴﻬﻮ ﺍﺭﺡ ﻧﺠﻴﺒﻬﺎ ، ﺭﻛﺒﻨﺎ ﺭﻛﺸﻪ ﻣﺸﻴﻨﺎ ﺍﺷﺘﺮﻳﻨﻬﺎ ﻛﻤﻴﻪ ﺳﻴﺠﺎﺭﻩ ﺑﺘﻨﻮﺭ ﻭﺑﺘﻄﻠﻊ ﺩﺧﺎﻥ ﻳﻌﻨﻲ ﺑﺘﻮﻫﻢ ﺍﻟﺰﻭﻝ ﺍﻧﻮ ﺑﺘﺪﺧﻦ ﺑﺲ ، ﻋﺒﺪ ﺍﻟﻠﻪ ﻣﺎﺳﻜﻬﺎ ﺗﻼﺗﻪ ﺍﻳﺎﻡ ﺑﺲ ﻣﺎ ﺣﺎﺳﻲ ﺑﺸﻲ ﻷﻧﻮ ﺟﺴﻤﻮ ﻣﻠﻴﺎﻥ ﺳﻤﻮﻡ ، ﻟﻤﺎ ﺑﺘﻜﻠﻢ ﻣﻌﺎﻫﻮ ﺑﺎﻟﺘﻠﻔﻮﻥ ﻗﺎﻝ ﻟﻲ ﻣﺎ ﺣﺎﺳﻲ ﺑﻲ ﺍﻱ ﺗﻐﻴﻴﺮ ،، ﻛﺎﻥ ﻓﻲ ﺩﻛﺘﻮﺭ ﺍﺳﻤﻮ ﺍﺳﺎﻣﻪ ﺍﺗﻌﺮﻓﺖ ﻋﻠﻴﻬﻮ ﻣﺮﻩ ﻓﻲ ﻣﻜﺘﺒﻨﺎ ﻟﻤﺎ ﺟﺎ ﻳﻐﻴﺮ ﺍﻭﺭﺍﻕ ﻋﺮﺑﻴﺘﻮ ﻭﻳﻨﻘﻞ ﺍﻟﻤﻠﻜﻴﻪ ﺑﺘﺎﻋﺖ ﺍﻟﻌﺮﺑﻴﻪ ، ﺷﻠﺘﺎ ﺗﻠﻔﻮﻧﻲ ﻭﺿﺮﺑﺘﺎ ﻟﻴﻬﻮ ﻛﺎﻥ ﻫﻮ ﺍﻟﺤﻞ ﺍﻟﻮﺣﻴﺪ ﺯﻱ ﺳﺎﻋﻪ ﻭﻧﺺ ﺣﻜﻴﺖ ﻟﻴﻬﻮ ﻋﻦ ﻋﺒﺪ ﺍﻟﻠﻪ ﻭﻋﻦ ﺣﺎﻟﺘﻮ ﻭ ﺩﻻﻧﻲ ﻋﻠﻰ ﺩﻛﺘﻮﺭ ﺷﺎﺍﻃﺮ ﺟﺪﺍ ﻫﻮ ﺍﻟﻜﺎﻥ ﺳﺒﺐ ﻓﻲ ﻣﺴﺎﻋﺪﺓ ﻋﺒﺪ ﺍﻟﻠﻪ ﻣﺎ ﻛﺎﻥ ﻋﻨﺪﻱ ﺣﻞ ﻏﻴﺮﻭ ،، ﻳﻮﻡ ﻣﺸﻴﺖ ﻋﺸﺎﻥ ﺍﺭﺍﺟﻊ ﻣﻊ ﻋﺒﺪ ﺍﻟﻠﻪ ﺍﻟﺸﻴﺘﺎﺕ ﻛﻨﺖ ﻣﺘﻮﺗﺮﻩ ﻭﺧﺎﻳﻔﻪ ﻣﻦ ﺭﺩﺕ ﻓﻌﻠﻮﺍ ﻭﻣﺎﻋﺎﺭﻓﻪ ﺍﻓﺎﺗﺤﻮ ﻛﻴﻒ ﻓﻲ ﺍﻟﻤﻮﺿﻮﻉ ﺑﺲ ﺍﺗﺸﺠﻌﺘﺎ ﻭﻭﺭﻳﺘﻮ ﺍﻧﻮ ﻣﺎ ﻋﻨﺪﻧﺎ ﺍﻻ ﺣﻞ ﻭﺍﺍﺍﺣﺪ

يتبع......