كتمان الشوق

الجزء 05

ﻳﻮﻡ ﺍﻟﺠﻤﻌﻪ ﻣﻦ ﺍﻟﺼﺒﺎﺡ ﻗﻤﺘﺎ ﻟﺒﺴﺘﺎ ﻋﺒﺎﻳﺘﻲ ﻭ ﺍﺗﺨﻤﺨﻤﺘﺎ ﺑﺎﻟﻄﺮﺣﻪ ﻻﻓﺎﻫﺎ ﻓﻲ ﻭﺷﻲ ﻭ ﺍﻟﺸﺮﺍﺑﺎﺕ ﻭﺍﻟﺠﻮﻧﺘﺎﺕ ﺑﺲ ﺍﻟﻌﺮﻭﺱ ﺍﻟﺤﺎﺑﺴﻨﻬﺎ ﻭﻳﺎ ﺳﻮﻕ ﺍﻣﺪﺭﻣﺎﻥ ﺟﺎﻙ ﺯﻭﻝ .. ﺟﺮﻱ ﻋﻠﻰ ﻣﺤﻼﺕ ﺍﻟﺰﻳﻮﺕ ﻭﺭﺍ ﻋﺎﺍﺍﺭﻓﻪ ﺩﺭﺑﻬﺎ ﺑﻲ ﻭﻳﻦ ﻟﻜﻦ ﻣﺎ ﺑﻤﺸﻴﻬﺎ ﻛﻠﻮ ﻛﻠﻮ ﻫﺴﻲ ﻋﺸﺎﻥ ﺧﺎﻃﺮ ﺍﺳﻤﺮ ﻋﺎﻳﺰﺓ ﺍﺑﻘﻰ ﺑﺖ .. ﻣﺸﻴﺖ ﻣﺤﻼﺕ ﺍﻟﺰﻳﻮﺕ ﻭﺍﻟﻌﻄﺎﺭﻳﻦ ﺍﻫﺎ ﻣﺎ ﻋﺎﺭﻓﻪ ﺍﺷﺘﺮﻱ ﺷﻨﻮ ﻭﻻ ﺍﺑﺪﺍ ﻣﻦ ﻭﻳﻦ ﻭﻗﻔﺘﺎ ﻓﻲ ﻧﺺ ﺍﻟﺴﻮﻕ ﺍﻋﺎﻳﻦ ﻭﺍﺑﺤﻠﻖ ﻓﻲ ﺍﻟﻤﺎﺷﻪ ﻭﺍﻟﺠﺎﻳﻪ ﻭﺧﻔﺘﺎ ﺯﻣﻦ ﺍﻟﺼﻼﻩ ﻳﺠﻲ ﻭﻳﻘﻔﻠﻮﺍ ﺑﺎﻟﻠﻪ ﺍﻟﺒﻨﺎﺕ ﺩﻳﻞ ﺑﺼﺤﻮﺍ ﻣﻦ ﺍﻟﻨﻮﻡ ﻭﻳﺠﺮﻭﺍ ﻟﻠﺴﻮﻕ ﻛﺎﻧﻮﺍ ﺍﻟﻌﻴﺪ ﻳﺤﻠﻴﻠﻲ ﺍﻧﺎ ﻣﺎ ﺑﺸﻮﻓﻮﺍ ﺍﻻ ﻟﻤﻦ ﺍﻣﻲ ﺗﺮﺳﻠﻨﻲ ﻟﻠﻔﺴﻴﺦ ﺍﻫﺎ ﺑﺲ ﻟﻤﺤﺘﺎ ﺑﺖ ﻣﺎﺍﺷﻪ ﻛﺪﻩ ﺣﻼﺍﺍﺍﺗﻬﺎ ﺍﻟﻌﻴﻮﻥ ﻣﺎﺷﺎﺀ ﺍﻟﻠﻪ ﻏﺰﺍﻟﻪ ﺑﺲ ﻭ ﺍﻟﻠﻮﻥ ﺩﻩ ﻧﻀﻴﻴﻴﻒ ﻳﻠﻤﻊ ﺑﺎﻟﻠﻪ ﺍﻟﺒﺖ ﺷﺎﺭﺩﻩ ﻣﻦ ﺍﻟﺠﻨﻪ ﻳﻘﺮﺏ ﺍﻟﺰﻭﻝ ﻳﺒﻠﻌﻬﺎ ﺑﻲ ﻧﻌﻼﺗﻬﺎ .. ﺑﺲ ﺟﺮﺭﺭﻳﺖ ﻭﺭﺍﻫﺎ ﻣﺎﺷﻪ ﺑﺎﻟﺴﻴﺴﻲ ﻛﻞ ﻣﺎﺗﺮﻓﻊ ﺭﺍﺳﻬﺎ ﺗﻌﺎﻳﻦ ﻟﻲ ﺣﺎﺟﻪ ﺍﺭﻓﻊ ﺭﺍﺳﻲ ﻣﻌﺎﻫﺎ ﺗﺨﺶ ﻣﺤﻞ ﺗﺘﻔﺮﺝ ﺍﺧﺶ ﻭﺭﺍﻫﺎ ﺍﻫﺎ ﻻﻓﻪ ﻭﺭﺍﻫﺎ ﺯﻱ ﺍﻟﻘﻄﺮ ﻛﺪﻩ ﻟﻔﻠﺘﻨﻲ ﺍﻟﺴﻮﻕ ﻛﻠﻮ ﻟﻤﻦ ﺭﺟﻠﻴﻨﻲ ﻓﺘﺮﻭ ﻭﺍﻟﺒﺖ ﻣﺎ ﺍﺷﺘﺮﺕ ﺷﻲ .. ﻣﺸﻴﺖ ﻭﻗﻔﺘﻬﺎ ﻗﻠﺖ ﻟﻴﻬﺎ ﻟﻮ ﺳﻤﺤﺘﻲ ﺍﺗﻠﻔﺘﺖ ﻗﺎﻟﺖ ﻟﻲ ﺍﺗﻔﻀﻠﻲ ! ﻋﺎﺩ ﺍﻧﺎ ﺑﺖ ﻭ ﻫﻲ ﺑﺖ ﻗﻠﺘﺎ ﻟﻴﻬﺎ ﻣﻤﻜﻦ ﺗﻤﺸﻲ ﻣﻌﺎﻱ ﻣﺤﻼﺕ ﺍﻟﺰﻳﻮﺕ ؟ ﺑﺼﺮﺍﺣﻪ ﺍﻧﺎ ﻣﺎ ﺑﻌﺮﻑ ﺣﺎﺟﻪ ﻭ ﺷﻌﺮﻱ ﺩﻩ ﻣﻘﺼﻒ ﻭﻧﺎﺍﺍﺷﻒ ﻭ ﻭﺍﻗﻒ ﺍﺭﺑﻌﻪ ﻭﻋﺸﺮﻳﻦ ﺳﺎﻋﻪ ﻭ ﻗﺼﻴﺮ .. ﺿﺤﻜﺖ ﻛﺪﻩ ﻭﺣﻜﺖ ﺣﺎﺟﺒﻬﺎ ﻭﻋﺎﺩ ﺍﻟﺤﺎﺟﺐ ﻣﺎﺷﺎﺀ ﺍﻟﻠﻪ ﻫﻼﻝ ﺑﺲ ﻗﺎﻟﺖ ﻟﻲ ﻃﻴﺐ ﺍﺭﺡ ﻣﻌﺎﻱ ﺍﻭﺭﻳﻚ .. ﺑﺎﻟﻠﻪ ﻓﻲ ﺑﻨﺎﺕ ﻇﺮﻳﻔﺎﺕ ﻛﺪﻩ ﻭﻣﺎ ﻏﺘﻴﺘﺎﺕ ! ﻭﺍﻟﻠﻪ ﺍﻟﺴﻮﺩﺍﻥ ﻟﺴﻪ ﺑﺨﻴﺮ ﺍﺗﺒﺴﻄﺘﺎ ﺑﺴﻄﻪ ﻣﻨﻬﺎ ﻭﻣﺸﻴﺖ ﻣﻌﺎﻫﺎ ﻭﺻﻠﻨﺎ ﻋﻄﺎﺭﺓ ﺍﻟﺘﻴﻤﺎﻥ ﺍﻟﺒﺖ ﻣﺸﺖ ﻣﺤﻞ ﻗﺎﻟﺖ ﻟﻴﻬﻮ ﺍﺩﻳﻨﻲ ﺯﻳﺖ ﺧﺮﻭﻉ ﻭﻧﺎﺭﺟﻴﻦ ﻭ ﺯﻳﺘﻮﻥ ﻭﺟﺮﻳﺠﺮ ﻭ ﺍﻟﺤﺒﻪ ﺍﻟﺴﻮﺩﺍﺀ ﻭ ﺯﻳﺖ ﺳﻤﺴﻢ ﻭ ﺷﻤﻊ ﺍﺻﻔﺮ ﻭﻏﺎﻳﺘﻮ ﻛﺎﻥ ﻓﻲ ﺯﻳﺖ ﺑﻘﺪﻭﻧﺲ ﻛﺎﻥ ﺍﺷﺘﺮﺗﻮ ﻭﻛﻤﻠﺖ ﻟﻲ ﻗﺮﻭﺷﻲ ﻏﺎﻳﺘﻮ ﻛﺘﻤﺘﻬﺎ ﻓﻲ ﺣﻨﺎﻧﻲ ﺳﻮﻳﺘﻬﺎ ﺑﺮﺍﻱ ﻓﻲ ﺭﻭﺣﻲ ﻗﺎﻟﺖ ﻟﻲ ﺍﺩﻓﻌﻲ ﺩﻓﻌﺘﺎ ﻭﺍﻧﺎ ﺧﺸﻤﻲ ﻋﻨﺪﻱ .. ﺑﻌﺪﻫﺎ ﻣﺸﻴﻨﺎ ﺍﻟﺤﺘﺒﻮ ﻣﺤﻞ ﺍﻟﻮﺩﻙ ﻗﺎﻟﺖ ﻟﻴﻬﻮ ﺍﺩﻳﻨﻲ ﻧﺺ ﺭﻃﻞ ﻭﺩﻙ ﺍﺑﻴﺾ ﺻﺎﺍﺍﺍﻓﻲ ﺍﺷﺘﺮﻳﻨﺎﻫﻮ ﺻﺎﺍﺍﻓﻲ ﺑﻌﺪﻫﺎ ﺍﺷﺘﺮﺕ ﺯﻧﺠﺒﻴﻞ ﻋﺎﺩ ﺍﻟﺒﺖ ﺩﺍﻳﺮﻩ ﺗﺒﻘﻴﻨﻲ ﻣﻤﻴﺎﺀ .. ﺑﻌﺪ ﺳﻠﻤﺘﻨﻲ ﺍﻻﻛﻴﺎﺱ ﻗﺎﻟﺖ ﻟﻲ ﺍﻭﻝ ﺣﺎﺟﻪ ﺗﻌﻤﻠﻴﻬﺎ ﺯﻳﺖ ﺍﻟﺴﻤﺴﻢ ﻭﺍﻟﺰﻧﺠﺒﻴﻞ ﺗﻐﻠﻴﻬﻢ ﻣﻊ ﺑﻌﺾ ﻭ ﺑﻌﺪﻫﺎ ﺗﻀﻴﻔﻲ ﺍﻟﺸﻤﻊ ﺍﻻﺻﻔﺮ ﺗﺬﻭﺑﻴﻬﻮ ﻓﻴﻬﻮ ﻭ ﺑﻌﺪﻫﺎ ﺗﻀﻴﻔﻲ ﺍﻟﻮﺩﻙ ﺣﺒﻪ ﺣﺒﻪ ﻟﻴﻬﻮ ﻟﺤﻜﻲ ﻣﺎ ﺍﻟﻮﺩﻙ ﻛﻠﻮ ﺯﻳﻮﺕ .. ﻓﻲ ﻣﺎﻋﻮﻥ ﺗﺎﻧﻲ ﺗﻠﺨﺒﺘﻲ ﺍﻟﺰﻳﻮﺕ ﺍﻟﻜﺘﻴﺮﻩ ﺩﻱ ﻛﻠﻬﺎ ﻣﻊ ﺑﻌﺾ ﻭ ﺑﻌﺪﺍﻙ ﺗﻀﻴﻔﻴﻬﺎ ﻟﻠﺨﻠﻴﻂ ﺑﺘﺎﻉ ﺍﻟﻨﺎﺭ .. ﻓﻲ ﻛﺮﻳﻢ ﺍﺳﻤﻮ ﻳﺎﺭﺩﻟﻲ ﺗﺠﻴﺒﻲ ﻣﻨﻮ ﻋﻠﺒﺘﻴﻦ ﺗﺸﺘﺮﻳﻬﻮ ﻣﻦ ﺍﻟﺼﻴﺪﻟﻴﻪ ﺍﺣﺴﻦ ﺩﻩ ﺗﻀﻴﻔﻴﻬﻮ ﺑﻌﺪ ﺧﻠﻴﻂ ﺍﻟﻨﺎﺭ ﺩﻩ ﻳﺘﻘﻞ ﻭﺑﻌﺪﻫﺎ ﺗﺨﻠﻴﻬﻮ ﻳﺒﺮﺩ ﻭﻛﺪﻩ ﺑﻜﻮﻥ ﺑﻘﻰ ﺟﺎﺍﻫﺰ ﻭ ﺗﺨﺘﻴﻬﻮ ﻓﻲ ﻋﻠﺒﻪ .. ﺗﺘﻤﺴﺤﻲ ﺍﻟﺼﺒﺎﺡ ﻭ ﺗﻠﻔﻲ ﺭﺍﺳﻚ ﻛﻌﻜﻌﺎﺕ ﻭ ﻗﺒﻞ ﺍﻟﻤﻐﺮﺏ ﺗﻐﺴﻠﻲ ﺷﻌﺮﻙ ﻣﺎ ﺗﻨﻮﻣﻲ ﻭ ﻫﻮ ﻣﺰﻳﺖ ﻻﺯﻡ ﺗﻮﺍﻇﺒﻲ ﻋﻠﻰ ﺍﻟﻤﺴﻴﺢ ﻛﺪﻩ ﻛﻞ ﻳﻮﻡ ﻋﺸﺎﻥ ﺷﻌﺮﻙ ﻳﻠﻦ ﻭ ﻳﻄﻮﻝ ﻭ ﺡ ﺗﺪﻋﻲ ﻟﻲ ﺍﻧﺎ ﻣﺘﺄﻛﺪﻩ ﻣﻴﻪ ﺍﻟﻤﻴﻪ ﻗﻠﺘﺎ ﻟﻴﻬﺎ ﺗﺴﻠﻤﻲ ﻭﻣﺎﻗﺼﺮﺗﻲ ﺍﻧﺘﻲ ﻛﺎﻥ ﻛﻞ ﺍﻟﺒﻨﺎﺕ ﺯﻳﻚ ﺍﻟﺪﻧﻴﺎ ﻟﺴﻪ ﺑﺨﻴﺮﻫﺎ .. ﻗﺎﻟﺖ ﻟﻲ ﺗﺴﻠﻤﻲ ﻗﻠﺖ ﻟﻴﻬﺎ ﻃﻴﺐ ﺑﺎﻟﻨﺴﺒﻪ ﻟﻲ ﻟﻮﻧﻲ ﻗﺎﻟﺖ ﻟﻲ ﺍﻧﺘﻲ ﻟﻮﻧﻚ ﺣﻠﻮ ﻛﺪﻩ ﻣﺎ ﺗﻔﺘﺤﻴﻬﻮ ﺑﺲ ﺗﻌﺎﻟﻲ ﻣﻌﺎﻱ ﺍﻭﺭﻳﻚ ﺗﻌﻤﻠﻲ ﺷﻨﻮ ! ﻣﺸﻴﻨﺎ ﻟﻤﻜﺎﻥ ﺍﻟﻜﺮﻳﻤﺎﺕ ﺍﺷﺘﺮﺕ ﻟﻲ ﺑﻴﺒﻲ ﺍﻭﻳﻞ ﻭ ﺑﻮﺩﺭﺓ ﺍﻃﻔﺎﻝ ﻭ ﺟﻠﻴﺴﻠﻮﻳﺪ ﻛﺮﻳﻢ ﻗﺎﻟﺖ ﻟﻲ ﺗﻠﺨﺒﻄﻴﻬﻢ ﻭ ﺑﺒﻘﻮﺍ ﻛﺮﻳﻢ ﺑﻨﻌﻢ ﻭ ﺑﻨﻀﺮ ﺑﺎﻟﻨﺴﺒﻪ ﻟﻲ ﻭﺷﻚ ﻣﺎﺀ ﺍﻟﻮﺭﺩ ﺩﻩ ﺗﻤﺴﺤﻴﻬﻮ ﺑﻴﻬﻮ ﻭ ﻛﻞ ﻓﺘﺮﻩ ﺗﻌﻤﻠﻲ ﺗﻘﺸﻴﺮ ﺑﻲ ﻟﻴﻤﻮﻥ ﻭ ﺳﻜﺮ ﻭ ﻟﺒﻦ ﺑﺪﺭﻩ ﻓﻲ ﺍﻻﺳﺒﻮﻉ ﻣﺮﺗﻴﻦ .. ﺑﺎﻟﻠﻴﻞ ﺗﻤﺴﺤﻴﻬﻮ ﺑﻲ ﻛﺮﻳﻢ ﻣﺮﻃﺐ ﺯﻱ ﺍﻻﻟﻮﻓﻴﺮﺍ ﺑﺮﺿﻮ ﺗﺸﺘﺮﻳﻬﻮ ﻣﻦ ﺍﻟﺼﻴﺪﻟﻴﻪ ﻭ ﺑﺲ ﺗﻜﺘﻔﻲ ﺑﻲ ﻛﺪﻩ ﻋﺸﺎﻥ ﻟﻮﻧﻚ ﻳﻜﻮﻥ ﻧﻀﺮ ﻭ ﻧﺎﺍﻋﻢ ﻭ ﻫﻮ ﺍﺳﻤﺮ ﺣﻠﻮﻭ .. ﺑﺎﻟﻨﺴﺒﻪ ﻟﻲ ﺭﺟﻮﻟﻚ ﺍﻟﺘﺤﺖ ﺍﺷﺘﺮﻱ ﺣﺠﺮ ﻭ ﺍﻛﺮﺷﻴﻬﻢ ﻷﻧﻮ ﻣﻨﻈﺮﻫﻢ ﻣﺎ ﺣﻠﻮ ﻛﺪﻩ ﺑﺎﻟﺼﺮﺍﺣﻪ ﻭ ﺑﺎﻟﻠﻴﻞ ﺍﻣﺴﺤﻴﻬﻢ ﺑﻲ ﺟﻠﺴﺮﻳﻦ ﻭ ﺯﻳﺖ ﺯﻳﺘﻮﻥ ﻭﺍﻟﺒﺴﻲ ﺷﺮﺍﺑﺎﺕ ﻭ ﻧﻮﻣﻲ ﺗﻤﺎﻡ .. ! ﻗﻠﺘﺎ ﻟﻴﻬﺎ ﻛﺘﺮ ﺧﻴﻴﻴﺮﻙ ﻛﺘﻴﻴﻴﺮ ﻭﺍﻟﻠﻪ ﻣﺎﻗﺼﺮﺗﻲ ﻗﺎﻟﺖ ﻟﻲ ﺍﻟﻌﻔﻮ ﻳﺎﺥ ﻭ ﻭﺩﻋﺘﻬﺎ ﻭ ﻣﺸﻴﺖ ﺭﻛﺒﺘﺎ ﺍﻟﻤﻮﺍﺻﻼﺕ ﻋﺎﺩ ﻣﻌﻨﻮﻳﺎﺗﻲ ﻣﺮﺗﻔﻌﻪ ﺑﺴﻤﻊ ﻓﻲ ﻏﻨﻴﺔ ﻧﺎﻧﺴﻲ ﻋﺠﺮﻡ " ﺑﻌﺪ ﻣﺎﺭﺗﺒﺖ ﺗﺮﺗﻴﺒﺎﺗﻲ ﺍﻧﻲ ﺍﻧﺖ ﻃﻠﻌﺖ ﻣﻦ ﺣﻴﺎﺗﻲ " ﻟﺤﺪﻱ ﻣﺎ ﻭﺻﻠﺘﺎ ﺍﻟﺒﻴﺖ ﻟﻘﻴﺖ ﺯﻫﺮﻩ ﻣﻨﺘﻈﺮﺍﻧﻲ ﻗﺎﻟﺖ ﻟﻲ ﻧﻔﻄﺮ ﻭ ﻧﻤﺸﻲ ﻓﻄﻮﺭﻧﺎ ﻛﺎﻥ ﻋﺒﺎﺭﻩ ﻋﻦ ﺟﺒﻨﻪ ﻭ ﺧﻴﺎﺭ ﻭﻋﻴﺸﻪ ﺭﺟﻴﻢ ﺍﻛﻠﻨﺎ ﻭ ﺷﺮﺑﻨﺎ ﺑﺮﺗﻘﺎﻝ ﺑﺪﻭﻥ ﺳﻜﺮ ﻭ ﺻﻠﻴﻨﺎ ﻭﻃﻠﻌﻨﺎ ﻟﻠﻜﻮﻓﻴﺮ ﺑﻌﺪ ﺍﻟﻌﺼﺮ ﻛﺪﻩ .. ﻣﺸﻴﻨﺎ ﻻﻭﻝ ﻣﺮﻩ ﺍﻋﻤﻞ ﺣﻤﺎﻡ ﻣﻐﺮﺑﻲ ﻭ ﺍﺷﻴﻞ ﻭﺷﻲ ﻭﺣﻮﺍﺟﺒﻲ ﻋﺎﺩ ﺍﻧﺎ ﻟﻤﻦ ﻣﺎ ﺍﺗﻌﺮﻓﺘﺎ ﻋﻠﻰ ﻧﻔﺴﻲ ﻭ ﺍﻟﺠﻴﻬﻪ ﺳﻤﺤﻪ ﻳﺎ ﺧﻮﺍﻧﺎ
ﺳﺠﻠﻨﺎ ﻓﻲ ﺍﻟﻤﻌﻬﺪ ﺑﻌﺪ ﺍﻟﻤﻐﺮﺏ ﻟﻴﻮﻡ ﺍﻟﺴﺒﺖ ﻭﺍﻻﺗﻨﻴﻦ ﻭﺍﻻﺭﺑﻊ ﺭﺟﻌﺘﺎ ﺍﻟﺒﻴﺖ ﺍﻣﻲ ﺗﻌﺎﻳﻦ ﻟﻲ ﻣﻦ ﻓﻮﻕ ﻟﻲ ﺗﺤﺖ ﻗﻌﺪﺕ ﺗﻀﺤﻚ ﻗﺎﻟﺖ ﻟﻲ ﻭﺍﻟﻠﻪ ﻟﻜﻦ ﻃﻠﻊ ﻋﻨﺪﻱ ﺑﺖ ﻗﻠﺖ ﻟﻴﻬﺎ ﺍﻫﺎ ﻣﺎ ﺗﺨﺠﻠﻴﻨﻲ ﻳﺎﺣﺠﻪ ﺍﺩﺗﻨﻲ ﺩﻋﻮﻩ ﻛﺪﻩ ﺳﻤﻤﻤﺤﻪ ﻭﺩﺧﻠﺘﺎ ﻧﻤﺘﺎ ﻣﺒﺴﻮﻭﻭﻃﻪ ﺍﻟﺼﺒﺎﺡ ﻗﻤﺘﺎ ﻣﺠﺘﻬﺪﻩ ﻋﻤﻠﺘﺎ ﺍﻟﺤﺎﺟﺎﺕ ﻟﻲ ﺷﻌﺮﻱ ﻭﺩﺧﻠﺘﺎ ﻏﺴﻠﺘﻮ ﻭﻋﻤﻠﺘﺎ ﺯﻱ ﻣﺎ ﺍﻟﺒﺖ ﻗﺎﻟﺖ ﻭ ﺑﺪﻳﺖ ﺍﺳﺘﻌﻤﻞ ﻟﻤﻦ ﺣﺴﻴﺖ ﺑﺮﺍﺣﻪ ﻛﺪﻩ ﻋﺠﻴﻴﻴﺒﻪ .. ﺍﻟﻤﻐﺮﺏ ﺟﺎ ﻭﻟﺒﺴﺘﺎ ﺑﻨﻄﻠﻮﻧﻲ ﻭ ﻧﺰﻟﺘﺎ ﻟﻠﺰﻭﻣﺒﺎ ﻣﻊ ﺯﻫﺮﻩ ﺍﻫﺎ ﻟﻤﺎ ﻣﺎﺷﻴﻦ ﻓﻲ ﺍﻟﺸﺎﺭﻉ ﻟﻘﻴﺖ ﺍﺳﻤﺮ ﺩﺍﺧﻞ ﺍﻟﻤﻴﺪﺍﻥ ﺑﺲ ﺯﻫﺮﻩ ﻗﺮﺻﺘﻨﻲ ﻭﻗﺎﻟﺖ ﻟﻲ ﺍﻭﻭﻭﻋﻚ ﻛﻔﺎﻳﻪ ﻓﻀﻴﺤﺔ ﺍﻟﻴﻮﻡ ﺩﺍﻙ ﻣﻦ ﻭﺭﺍﻱ
ﺍﺭﺡ ﻭﺍﻧﺘﻲ ﺳﺎﻛﺘﻪ ﺍﻭﻭﻋﻚ ﺗﺘﻠﻔﺘﻲ ﻟﻤﺎ ﻗﺮﺑﻨﺎ ﻟﺒﺎﺏ ﺍﻟﻤﻌﻬﺪ ﻫﻮ ﻣﻘﺎﺑﻞ ﻟﻠﻈﻠﻂ ﻛﺪﻩ ﻭ ﺍﻟﻤﻌﻬﺪ ﻓﺎﺗﺢ ﻓﻲ ﺍﻟﻈﻠﻂ ﻭ ﺍﻟﺠﻬﻪ ﺍﻟﺘﺎﻧﻴﻪ ﻓﻴﻬﺎ ﺑﻴﺖ ﺍﺳﻮﺩ ﻛﺪﻩ ﺭﻫﻴﻴﻴﺐ ﺍﻧﺎ ﻛﻨﺖ ﻗﺎﻳﻼﻫﻮ ﺑﻴﺖ ﻭﺯﻳﺮ ﻭﻻ ﺣﺎﺟﻪ .. ﺑﺲ ﻋﻴﻨﻲ ﻣﺎ ﺗﺸﻮﻑ ﺍﻻ ﺍﻟﻨﻮﺭ ﺍﻟﺰﻭﻝ ﺍﻟﻄﺎﻟﻊ ﻣﻨﻮ ﺍﻟﻮﻟﺪ ﺍﻟﻤﺴﻄﻮﻝ ﺍ ﻟﻠﻘﻴﺘﻮ ﻓﻲ ﺍﻻﺳﺘﺎﺩ

يتبع.....