كتمان الشوق

الجزء 02

ﻳﻮﻡ ﺍﻟﺠﻤﻌﻪ ﻋﻨﺪﻧﺎ ﻛﻴﻒ ﺗﺠﻲ ﺣﺒﻮﺑﺘﻲ ﻣﻦ ﺍﻟﺼﺒﺎﺡ ﻣﺎﺳﻜﻪ ﺟﺮﺱ ﺍﻟﺒﺎﺏ ﻣﺎ ﺑﺘﻔﻜﻮﺍ ﺍﻻ ﻧﺠﻲ ﻧﺤﻨﺎ ﻧﻘﻠﻌﻮﺍ ﻣﻨﻬﺎ ﺍﻭﻝ ﻣﺎ ﺗﺪﺧﻞ ﻭ ﺗﻘﻮﻝ ﺑﺴﻢ ﺍﻟﻠﻪ ﻛﺪﻩ ﺗﺴﺄﻝ ﻣﻨﻲ ﺍﻣﻲ . ﺑﺘﻚ ﺍﻟﺒﺎﻳﺮﻩ ﻭﻳﻨﻬﺎ ! ﺍﻗﻮﻝ ﻟﻴﻬﺎ ﻳﺎ ﺣﺒﻮﺑﻪ ﺍﻟﺒﺎﻳﺮﻩ ﻓﺘﺤﺘﺎ ﻟﻴﻚ ﺍﻟﺒﺎﺏ ﻗﺒﻞ ﺷﻮﻳﻪ ﺑﺲ ﺍﻟﺨﺮﻑ ﻣﺸﻜﻠﻪ .. ﺗﻘﺮﺻﻨﻲ ﻣﻦ ﺍﺿﺎﻧﻲ ﻭ ﺗﺠﺮﻧﻲ ﺟﻮﻩ ﻟﺤﺪﻱ ﻣﺎ ﺗﻘﻌﺪﻧﻲ ﻓﻲ ﺍﻻﺭﺽ ﺍﻧﺘﻲ ﻳﺎﺑﺖ ﻣﺎ ﺟﺎﻛﻲ ﻋﺮﻳﺲ ! ﺍﺟﻲ ﻳﺎ ﺣﺒﻮﺑﻪ ﻧﻔﺲ ﺍﻟﺴﺆﺍﻝ ﺑﺘﺴﺄﻟﻴﻨﻲ ﻟﻴﻬﻮ ﻛﻞ ﻳﻮﻡ ﺟﻤﻌﻪ ﻭ ﺑﺮﺩ ﻋﻠﻴﻚ ﻧﻔﺲ ﺍﻟﺠﻮﺍﺏ ﻣﺎﻓﻲ ﻋﺮﻳﺲ ﻭﻳﻌﻨﻲ ﻛﺎﻥ ﻓﻲ ﺡ ﻧﺪﺱ ﻣﻨﻚ ﻋﻠﻴﻚ ﺍﻟﻠﻪ ﻳﺎ ﺍﻣﻲ ﺗﻌﺎﻟﻲ ﺷﻮﻓﻲ ﺍﻣﻚ ﺍﻟﺨﺮﻓﺎﻧﻪ ﺩﻱ ﻣﻨﻲ .. ﻭ ﺗﺪﻳﻨﻲ ﺗﺎﻧﻲ ﻗﺮﺻﻪ ﻭﺗﻘﻮﻝ ﻟﻲ ﻳﺎ ﺑﺖ ﺍﻧﺎ ﻓﻲ ﻋﻤﺮﻙ ﺷﺎﻳﻴﻠﻪ ﺳﺘﻪ ﺷﻔﻊ ! ﺳﺘﻪ ﻳﺎ ﺣﺒﻮﺑﻪ ﺩﻱ ﺟﺪﻳﺪﻩ ﺍﻟﺠﻤﻌﻪ ﺍﻟﻔﺎﺗﺖ ﻗﻠﺘﻲ ﻛﻨﺘﻲ ﺷﺎﻳﻠﻪ ﺧﻤﺴﻪ ﻓﻲ ﻋﻤﺮﻱ ﻗﺎﻟﺖ ﻟﻲ ﺍﻧﺘﻲ ﻟﺴﺎﻧﻚ ﺍﻟﻄﻮﻳﻞ ﺩﻩ ﻛﺎﻥ ﺍﺗﻜﻠﻤﺘﻲ ﺑﻴﻬﻮ ﻣﻊ ﺍﻟﺮﺟﺎﻝ ﺳﻤﻤﺢ ﻣﺎ ﻛﺎﻥ ﻋﺮﺳﺘﻲ ! ﻫﺴﻲ ﻣﺎﻓﻲ ﻣﺤﺎﻣﻲ ﺑﺎﻟﻐﻠﻂ ﺟﺎ ﺍﻟﻤﻜﺘﺐ ﺍﻟﺨﻼ ﺩﻩ .. ﻭ ﺍﻗﻮﻝ ﻟﻴﻬﺎ ﻳﺎ ﺣﺒﻮﺑﻪ ﻭ ﺣﺎﺟﺎﺕ ﺍﻟﻠﻪ ﻏﻴﺮ ﺍﻟﺸﺤﺎﺩﻳﻦ ﻣﺎﻓﻲ ﺭﺍﺟﻞ ﺑﺎﻟﻐﻠﻂ ﺑﺠﻲ ﻭ ﺑﻌﺪﻳﻦ ﻟﻮ ﻓﻲ ﺭﺟﺎﻝ ﺡ ﻳﻌﺎﻳﻨﻮﺍ ﻟﻲ ﺍﻧﺎ ﻭ ﻳﺨﻠﻮﺍ ﺍﻟﻌﻮﺍﻟﻖ ﺍﻟﻬﻨﺎﻙ ﺩﻳﻞ ﻳﺎ ﺣﺒﻮﺑﻪ ﻋﻠﻴﻚ ﻭﺍﻟﻠﻪ ﻋﺎﻳﻨﻲ ﻟﻲ ﺭﻭﺣﻚ ﻣﺮﺗﻴﻦ .. ﻭﺗﺪﻳﻨﻲ ﻟﺒﻌﻪ ﻓﻲ ﻧﺺ ﺿﻬﺮﻱ ﺍﻧﺘﻲ ﺍﻟﺘﻌﻠﻴﻤﻲ ﻟﻲ ﺭﻭﺣﻚ ﻳﺎ ﻣﺎﺷﺒﻪ ﺍﻟﺒﻨﺎﺕ .. ﻃﻴﺐ ﻳﺎ ﺣﺒﻮﺑﻪ ﺍﻧﺘﻲ ﻋﺎﺭﻓﻪ ﻭﺍﻧﺎ ﻋﺎﺭﻓﻪ ﻟﺰﻭﻣﻮ ﺷﻨﻮ ﻛﻞ ﻳﻮﻡ ﺟﻤﻌﻪ ﻧﻌﻴﺪ ﻧﻔﺲ ﺍﻟﻔﻴﻠﻢ ﻳﻌﻨﻲ .. ﺍﻗﻮﻡ ﻋﻠﻰ ﺣﻴﻠﻲ ﺍﺧﻠﻴﻬﺎ ﺗﺸﺒﻚ ﺍﻣﻲ ﺑﺘﻚ ﺩﻱ ﺡ ﺗﻘﻌﺪ ﻛﺪﻩ ﺑﺲ ﻋﺎﺍﺍﺭﺽ ﻛﻴﻔﻦ ﻳﻌﺎﻳﻨﻮﺍ ﻟﻴﻬﺎ ﻭ ﻫﻲ ﻣﺒﺸﺘﻨﻪ ﻛﺪﻩ ﺗﺄﻛﻞ ﻭ ﺗﺘﺮﻗﺪ ﻣﻦ ﺳﺮﻳﺮ ﻟﻲ ﺳﺮﻳﺮ ﻟﻤﺎ ﺑﻘﺖ ﻗﺪﺭ ﺑﺮﻣﻴﻞ ﺟﺎﺭﺗﻨﺎ ﻛﻠﺘﻮﻡ ﺍﻟﻠﻪ ﻳﺮﺣﻤﻬﺎ .. ﻻﺯﻡ ﺍﻛﻮﺭﻙ ﻟﻴﻬﺎ ﻣﻦ ﺍﻟﻤﻄﺒﺦ ﺍﻟﻠﻪ ﻳﺮﺣﻤﻬﺎ ﺍﻟﺠﻤﻌﻪ ﺍﻟﻔﺎﺗﺖ ﻛﺎﻧﺖ ﻛﻠﺘﻮﻡ ﻋﺎﺍﻳﺸﻪ ﻫﺴﻲ ﻗﺘﻠﺘﻴﻬﺎ ﻭﺍﻟﻠﻪ ﻟﻜﻦ ﻣﺮﻩ ﺧﺮﻓﺎﻧﻪ ﺻﺤﻲ .. ﻧﺘﻨﺎﻗﺮ ﻛﺪﻩ ﺍﻧﺎ ﻭ ﻫﻲ ﻟﺤﺪﻱ ﺍﻟﻤﻐﺮﺏ ﺑﺤﻲ ﺍﻗﻌﺪ ﺗﺤﺖ ﺭﺟﻠﻴﻬﺎ ﺣﺒﻮﺑﻪ ﻋﺼﺮﻱ ﻟﻲ ﻋﻨﺪﻱ ﻗﻄﻴﻌﻪ .. ﺗﺪﻳﻨﻲ ﻟﺒﻌﻪ ﺗﺰﻳﺪﻫﺎ ﻋﻠﻲ ﺗﻘﻮﻝ ﻟﻲ ﻗﻄﻴﻌﻪ ﻣﻦ ﺷﻨﻮ ﻭ ﺍﻧﺘﻲ ﺍﻟﻴﻮﻡ ﻛﻠﻮ ﻣﺪﺭﺩﻗﻪ ﻣﻦ ﺍﻟﻤﻄﺒﺦ ﻝ ﺍﻟﺴﺮﻳﺮ .. ﻗﻠﺘﺎ ﻟﻴﻬﺎ ﺑﺲ ﺷﻔﺘﻲ ﻋﻴﻨﻚ ﺩﻱ ﻫﻲ ﺳﺒﺐ ﺍﻟﻘﻄﻴﻌﻪ ﺗﻘﻌﺪ ﺗﺨﺒﺖ ﻓﻴﻨﻲ ﻛﺪﻫﻪ ﻟﺤﺪﻱ ﻣﺎ ﺗﻤﺸﻲ ﻭ ﺗﺸﺒﻜﻨﺎ ﺳﺎﺍﻋﻪ ﻓﻲ ﺍﻟﺒﺎﺏ ﺍﻟﻠﻪ ﻳﺴﻠﻤﻚ ﺍﻟﻠﻪ ﻳﺒﺎﺭﻙ ﻓﻴﻚ .. ﻧﺨﻠﺺ ﻣﻦ ﻓﻴﻠﻢ ﺍﻟﺠﻤﻌﻪ ﺍﻟﺒﺘﻌﺎﺩ ﻛﻞ ﺟﻤﻌﻪ ﻭ ﺍﻗﻮﻝ ﺍﻣﺸﻲ ﺍﺭﺗﺎﺡ ﺷﻮﻳﻪ ﻳﺠﻴﻨﻲ ﺍﺧﻮﻱ ﺍﻟﺼﻐﻴﺮ ﻣﺼﻄﻔﻰ ﻭ ﺩﻩ ﺍﺧﺮ ﺍﻟﻌﻨﻘﻮﺩ ﺑﻌﺪﻳﻨﻲ ﻃﻮﺍﻟﻲ .. ﻭﺍﻧﺎ ﻃﺒﻌﺎ ﺑﺖ ﻭﺳﻂ ﺳﺘﻪ ﺍﻭﻻﺩ ﻣﺰﺯ ﻭ ﺑﻌﺪ ﺩﻩ ﺑﺎﻳﺮﻩ ﻋﺮﻳﺲ ﻭﺍﺣﺪ ﺟﺎﻧﻲ ﻣﻦ ﺍﺧﻮﺍﻧﻲ ﺍﻟﻌﻮﺍﻟﻖ ﻣﺎﻓﻲ ﺍﻱ ﻭﺍﺣﺪ ﻳﺠﻲ ﺩﺍﺧﻞ ﺑﻴﺘﻨﺎ ﻳﻘﻮﻝ ﻟﻴﻬﻮ ﺑﺲ ﺷﻔﺘﺎ ﺳﻨﺪﺱ ﺩﻱ ﺯﻱ ﺍﺧﺘﻨﺎ ﻭ ﻭﺍﺣﺪ ﺍﺧﺘﻜﻢ ﻳﺎ ﻛﻼﺏ ﻫﺴﻲ ﻟﻮ ﻛﻨﺘﺎ ﺍﻟﻨﻮﻉ ﺍﻟﺴﻤﺢ ﺩﺍﻙ ﻛﺎﻥ ﺟﻮ ﻃﺎﻳﺮﻳﻦ ﻫﻮﺍﺍ .. ﺍﺧﺘﻚ ﻣﺎ ﺑﻨﻀﻴﻌﻬﺎ ﻭ ﺍﺧﺘﻚ ﺯﻳﻬﺎ ﻭﻳﻦ ﺍﻫﺎ ﺍﺧﻮﻱ ﺍﻟﺼﻐﻴﺮ ﺩﻩ ﻓﻲ ﺗﺎﻟﺘﻪ ﺟﺎﻣﻌﻪ ﺟﻨﻮ ﻳﺸﺤﺪﻧﻲ ﻗﺮﻭﺵ ﻛﻞ ﻳﻮﻣﻴﻦ ﻳﺠﻲ ﻳﺤﻨﻜﻨﻲ ﻭ ﺍﻟﻠﻪ ﻋﺎﻳﺰ ﺍﻋﺰﻡ ﺣﺒﻴﺒﺘﻲ ﻭ ﺍﻟﻠﻴﻠﻪ ﻋﻴﺪ ﻣﻴﻼﺩ ﺻﺤﺒﺘﻲ .. ﻭﺍﻧﺎ ﻳﺎ ﻳﻤﻰ ﻗﺮﻳﺖ ﺍﻟﺠﺎﻣﻌﻪ ﻭ ﻃﻠﻌﺘﺎ ﺳﺎﺍﺍﻱ ﻛﺪﻫﻪ ﺯﻭﻝ ﻛﺎﻥ ﺑﺠﻲ ﻳﻘﻌﺪ ﺟﻨﺒﻲ ﻣﺎﻓﻲ ﻛﻢ ﻋﻴﺪ ﻣﻴﻼﺩ ﺑﻤﺮﻭﺍ ﻛﺪﻩ ﺑﺎﻟﺴﻼﻡ ﺍﻟﻤﻬﻢ ﺍﻧﺎ ﺑﺘﺤﻨﻚ ﻟﻴﻬﻮ ﻭ ﺑﺪﻳﻬﻮ ﻭ ﺑﻘﻮﻝ ﻟﻴﻬﻮ ﺍﺳﻤﻊ ﺍﻧﺎ ﺩﻱ ﻳﻌﺘﺒﺮﻫﺎ ﺻﺪﻗﻪ ﺟﺎﺍﺍﺭﻳﻪ ﻟﻲ ﺍﺧﺮﺗﻲ ﺗﺘﺼﺪﻗﻬﺎ ﻓﻲ ﺣﺒﻴﺒﺘﻚ ﻭ ﻻ ﺻﺤﺒﺘﻚ ﻭ ﻻ ﺍﻱ ﻋﻮﻻﻕ ﻣﺎ ﺷﻐﻠﺘﻲ ﺍﻋﺮﻑ ﺍﻧﻲ ﻣﻄﻠﻌﺎﻫﺎ ﺻﺪﻗﻪ .. ﻭ ﻫﻮ ﺍﻟﻜﻠﺐ ﻳﺸﻴﻠﻬﺎ ﻭ ﻳﻘﻮﻡ ﺟﺎﺭﻱ ﻳﻌﺪﻳﻬﺎ ﺭﺻﻴﺪ ﻭ ﻧﻘﻪ ﻭ ﻭﻧﺴﻪ ﻟﻴﻞ ﻛﺪﻩ ﺩﻗﺎﺍﺍﻕ
ﺍﺧﻮﻱ ﺍﻟﻜﺎﻥ ﺑﻠﻌﺐ ﺑﺎﻟﻌﺠﻠﻪ ﺍﻭﻝ ﺍﻣﺲ ﺑﺘﻜﻠﻢ ﻣﻊ ﺑﺖ ﻭ ﺑﻘﻮﻝ ﻟﻴﻬﺎ ﺍﻭﻻﺩﻧﺎ ﺡ ﻧﺴﻤﻴﻬﻢ ﻛﺪﻩ ﻭﻛﺪﻩ ﻭ ﺍﻭﻻﺩﻱ ﻃﻴﺐ ﻣﺎﻓﻲ ﺯﻭﻝ ﺳﺎﺋﻞ ﻋﻨﻬﻢ ﻟﻴﻪ ﻳﻮﻡ ﺍﻟﺴﺒﺖ ﺑﺮﺿﻮ ﻣﻌﻄﻠﻪ ﻭ ﻗﺎﻋﺪﻩ ﻓﻲ ﺍﻟﺒﻴﺖ ﻣﺎ ﻋﻨﺪﻱ ﺷﻐﻠﻪ ﻏﻴﺮ ﺍﺭﺍﻗﺐ ﺍﻟﺸﻐﺎﻟﻪ ﺍﻣﺴﺤﻲ ﺗﺤﺖ ﺍﻟﺪﻭﻻﺏ ﻭ ﺟﺮﻱ ﺍﻻﺭﺽ ﺩﻱ ﻛﻮﻳﺲ ﻭ ﺍﺟﺪﻉ ﻟﻴﻬﺎ ﻗﺸﺮ ﺍﻟﺒﺮﺗﻘﺎﻝ ﻓﻲ ﺍﻻﺭﺽ ﻭ ﺍﻣﻼ ﻟﻴﻬﺎ ﺍﻟﻐﺮﻓﻪ ﺗﺴﺎﻟﻲ ﻭ ﺩﻩ ﻛﻠﻮ ﻋﺸﺎﻥ ﺍﺧﻠﺺ ﻗﺮﻭﺵ ﺍﺑﻮﻱ ﺍﻟﺒﺘﺪﻓﻊ ﺩﻱ ﻋﺎﺩ ﺍﻟﺒﺖ ﺑﺘﻜﺮﻩ ﻳﻮﻣﻬﺎ ﻟﻤﺎ ﺍﻛﻮﻥ ﻗﺎﻋﺪﻩ ﻭ ﻫﻲ ﺗﺠﻲ ﺗﻨﻀﻒ .. ﺍﻫﺎ ﺑﻌﺪ ﺍﻛﺮﻫﻬﺎ ﻋﻴﺸﺘﻬﺎ ﺑﺸﻴﻞ ﺗﻠﻔﻮﻧﻲ ﻭ ﺍﺿﺮﺏ ﺑﻲ ﺯﻫﺮﻩ ﺍﻗﻮﻝ ﻟﻴﻬﺎ ﺟﺎﻳﻪ ﺍﺷﺮﺏ ﻣﻌﺎﻙ ﺍﻟﺠﺒﻨﻪ ﺟﻬﺰﻳﻬﺎ ﻭ ﺍﻧﺎ ﻣﺘﺄﻛﺪﻩ ﺍﻧﻬﺎ ﻣﺎ ﺣﺘﺘﺤﺮﻙ ﻣﻦ ﺳﺮﻳﺮﻫﺎ ﻭ ﺗﺠﻬﺰﻫﺎ ﻟﻲ .. ﻃﺒﻌﺎ ﺍﻟﻮﻗﺖ ﺩﻩ ﺃﺳﻤﺮ ﺑﻜﻮﻥ ﺑﻠﻌﺐ ﻛﻮﺭﻩ ﻓﻲ ﺍﻟﻤﻴﺪﺍﻥ ﻭﻻﺍﺯﻡ ﺍﻃﻠﻊ ﻣﺠﻴﻬﻪ ﺍﻋﺎ ﺑﻘﻮﻡ ﺍﺩﻋﻚ ﺩﻋﻚ ﻓﻲ ﺍﻟﺤﻤﺎﻡ ﻭ ﺑﺠﺮﻱ ﺍﻗﺴﻢ ﺷﻌﺮﻱ ﺍﻟﻤﻨﺘﻒ ﺩﻩ ﻟﻲ ﻛﻌﻜﺘﻴﻦ ﻭﺣﺪﻩ ﻻﻓﻪ ﺷﺮﻕ ﻭ ﻭﺣﺪﻩ ﻻﻓﻪ ﻏﺮﺏ ﻭ ﺑﻠﺒﺲ ﺷﺒﺸﺐ ﺍﻣﻲ ﺍﻟﺴﻤﺢ ﺩﺍﻙ ﻣﻠﻴﺎﻥ ﻭﺩﻉ ﺑﻲ ﻗﺪﺍﻡ ﻻﻧﻮ ﺍﻧﺎ ﻣﺎ ﻋﻨﺪﻱ ﺷﺒﺸﺐ ﺍﺳﺎﺳﺎ ﻏﻴﺮ ﺳﻔﻨﺠﻪ ﺍﺑﻮ ﺣﻤﺎﻣﻪ ﺩﻳﻚ ﻋﺎﻳﺸﻪ ﻣﻌﺎﻱ ﺗﻼﺗﻪ ﺳﻨﻴﻦ ﻛﻞ ﻣﺎ ﺗﺘﻘﻠﻊ ﺍﻏﺰ ﻟﻲ ﻓﻴﻬﺎ ﻣﺴﻤﺎﺭ ﻭ ﻋﻠﻰ ﻛﺪﻩ ﺑﺮﺑﻂ ﺗﻮﺏ ﺍﻣﻲ ﺍﻟﻬﺰﺍﺯ ﻭ ﺑﻠﻔﻮ ﺳﺒﻌﻪ ﻣﺮﺍﺕ ﻓﻲ ﻭﺷﻲ ﻭ ﺑﻄﻠﻊ .. ﻻﺯﻡ ﺍﻏﻴﺮ ﺍﻟﺸﺎﺭﻉ ﻭ ﺍﻟﻒ ﺑﻲ ﻭﺭﺍ ﻋﺸﺎﻥ ﺍﺷﻮﻑ ﻓﻼﻥ
ﺑﺠﻲ ﻣﺎﺭﻩ ﻛﺪﻩ ﺍﻭﻝ ﻣﺎ ﺍﻟﻤﺤﻮ ﻣﻦ ﺑﻌﻴﺪ ﺑﻔﺮﻣﻞ ﺣﺘﻪ ﺣﺘﻪ ﻭ ﺍﻗﻌﺪ ﺍﺗﺄﻣﻞ ﻭﻫﻮ ﺑﻠﻌﺐ ﻛﺪﻩ ﺑﺎﻟﺒﺮﻣﻮﺩﺍ ﻭ ﺗﺸﻴﺮﺕ ﺍﻟﻜﻮﺭﻩ ﻭ ﺍﻟﺸﻌﺮ ﺍﻟﺴﻤﺢ ﻭ ﻛﻞ ﻣﺎ ﺯﻫﺮﻩ ﺗﻀﺮﺏ ﺍﻓﺼﻞ ﻓﻲ ﻭﺷﻬﺎ ﻟﺤﺪﻱ ﻣﺎ ﺍﺻﻠﻬﺎ .. ﻭ ﺗﺸﺒﻜﻨﻲ ﺍﻧﺘﻲ ﻳﺎﺑﺖ ﻛﻨﺘﻲ ﻭﻳﻦ ﻛﺎﻥ ﻣﺎ ﻣﺴﺎﻓﻪ ﺍﻟﺰﻗﺎﻕ ﺍﻟﻀﻴﻖ ﺩﻩ .. ﺍﻗﻮﻝ ﻟﻴﻬﺎ ﻳﺎﺥ ﻣﺎﻟﻚ ﻣﻌﺎﻱ ﺍﻧﺘﻲ ﻳﺎ ﺍﻡ ﻭﺵ ﺣﺮﻳﺮ .. ﺍﻟﻘﺎﻫﺎ ﻟﺴﻪ ﺑﺘﺤﻤﺮ ﻭ ﺗﻘﻠﺐ ﻟﻲ ﻓﻲ ﻋﻴﻮﻧﻬﺎ ﺍﻟﻜﺒﺎﺭ ﻃﻴﺐ ﻣﺎﻟﻚ ﻫﺴﻲ ﻓﻲ ﺷﻨﻮ ! ﺗﻘﻮﻝ ﻟﻲ ﺍﻧﺘﻲ ﻣﺘﺮﻳﺤﻪ ﺑﻲ ﺧﻤﺮﻩ ﻣﺎﻟﻚ ﺍﺟﻲ ﻳﺎ ﻛﺪﺍ ﺧﻤﺮﻩ ﺷﻨﻮ ﻳﻌﻨﻲ ﻣﺎﺷﺎﻣﺎﻫﺎ ﻗﻠﺘﺎ ﻟﻴﻬﺎ ﻭﺍﻟﻠﻪ ﺩﻩ ﺗﻮﺏ ﺍﻣﻲ ﻟﻔﺤﺘﻮ ﻭﺟﻴﺖ .. ﺗﺪﻳﻨﻲ ﺗﺎﻧﻲ ﺣﻤﻴﺮﻩ ﻭ ﺗﻤﺸﻲ ﺗﺠﻴﺐ ﺍﻟﻘﻬﻮﻩ ﺗﺨﺘﻬﺎ ﻭ ﺍﻧﺎ ﻋﺎﺭﻓﻪ ﺟﺒﻨﺘﻬﺎ ﻣﺮﺭﻩ ﻭﺍﻧﺎ ﺑﺤﺒﻬﺎ ﺑﺴﻜﺮ ﻟﻜﻦ ﺑﺲ ﻋﺸﺎﻥ ﺧﺎﻃﺮ ﺍﻟﺠﻤﻴﻞ ﺍﻟﻨﺰﻟﺘﺎ ﻋﺸﺎﻧﻮ ﺩﻩ ﺑﺸﺮﺑﻬﺎ .. ﻭ ﺍﺟﻐﻤﻬﺎ ﺳﺮﻳﻴﻊ ﺳﺮﻳﻴﻴﻊ ﻛﺪﻩ ﻗﺒﻞ ﻣﺎ ﺗﺠﻲ ﺭﺍﺟﻌﻪ ﺍﻟﻠﺨﺖ ..
ﺍﻫﺎ ﻃﺒﻌﺎ ﺩﺍﻳﺮﻩ ﺍﻓﺘﺢ ﻣﻌﺎﻫﺎ ﻣﻮﺿﻮﻉ ﺃﺳﻤﺮ ﻋﺸﺎﻥ ﺗﻮﺭﻳﻨﻲ ﺣﻞ ﺍﺗﺼﺮﻑ ﻣﻌﺎﻫﻮ ﺍﺻﻠﻬﺎ ﻫﻲ ﺗﺠﻲ ﻣﺎﺭﻩ ﺑﺎﻟﺸﺎﺭﻉ ﻳﺠﺮﻭﺍ ﻭﺭﺍﻫﺎ ﻋﺸﺮﻩ ﻋﺮﺳﺎﻥ ﻭﺍﻧﺎ ﻳﺎ ﻳﻤﻰ ﻏﻴﻰ ﻛﻼﺏ ﺣﺎﺝ ﺍﻟﺨﻀﺮ ﻣﺎﻓﻲ ﺣﺎﺟﻪ ﺑﺘﺴﻜﻨﻲ .. ﺍﻟﻤﻬﻢ ﻗﻌﺪﺗﻬﺎ ﻛﺪﻩ ﻭ ﻗﻠﺘﺎ ﻟﻴﻬﺎ ﺍﺳﻤﻌﻴﻨﻲ ﺍﻧﺎ ﺑﺼﺮﺍﺣﻪ ﻛﺪﻩ ﺑﺤﺐ ﻭﺍﺣﺪ ﺍﻟﻘﻰ ﻟﻴﻚ ﺍﻟﺒﺖ ﺑﺘﻀﺤﻚ ﻭ ﺗﺪﺭﺩﻕ ﻣﻦ ﺍﻟﻀﺤﻚ ﻳﻌﻨﻲ ﺍﻧﺘﻲ ﺑﺘﺤﺴﻲ ﻭ ﻛﺪﻩ ﻳﺎ ﺳﻨﺪﺱ ﻃﻴﺐ ﻣﺎ ﻟﻲ ﺳﻨﻴﻴﻴﻦ ﺑﻘﻮﻝ ﻟﻴﻚ ﺍﺷﺘﺮﻱ ﺷﺎﻣﺒﻮ ﺑﺎﻧﺘﻴﻦ ﻳﺮﻗﺪ ﺷﻌﺮﻙ ﺍﻟﻨﺎﺷﻒ ﺩﻩ ﻣﺎﺣﺴﻴﺘﻲ ﻣﺎﻟﻚ ﻫﺴﻲ ﺯﻱ ﺩﻱ ﺑﻔﻀﻔﻀﻮﺍ ﻟﻴﻬﺎ .. ﻗﻠﺘﺎ ﻟﻴﻬﺎ ﺍﻟﻠﻪ ﻳﻨﺸﻒ ﺩﻣﻚ ﻫﺴﻲ ﺩﻩ ﻭﻗﺖ ﺷﺎﻣﺒﻮ ﻭ ﺷﻌﺮﻙ ﺍﻟﻨﺎﺷﻒ ﻳﺎﻣﻌﻮﻟﻘﻪ ﺍﻗﻮﻝ ﻟﻴﻚ ﺍﻧﺎ ﺑﺤﺐ ﻭ ﻋﻨﺪﻱ ﻣﺸﺎﻋﺮ ﻭ ﻛﺪﻩ ﻗﺎﻟﺖ ﻟﻲ ﺑﺎﻟﺠﺪ ﻳﻌﻨﻲ ﻭ ﺩﻩ ﻣﻨﻮ ﺍﻟﻤﻮﺿﻮﻉ ﻣﺎﻋﺎﻓﻴﻪ ﻋﻨﻮ ﺩﻩ .. ﻗﻠﺘﺎ ﺑﻴﻬﺎ ﺃﺳﻤﺮ ﻭ ﺍﻟﺒﺖ ﺍﺗﺸﺮﻃﺖ ﺗﺎﺍﺍﻧﻲ ﻣﻦ ﺍﻟﻀﺤﻚ ﻟﻤﺎ ﺩﻣﻮﻋﻬﺎ ﺟﺮﺕ .. ﻗﺎﻟﺖ ﻟﻲ ﺃﺳﻤﺮ ﻳﺎ ﺳﻨﺪﺱ ﺑﺤﺎﺍﺍﻟﻮ ﻳﺎ ﺑﺖ ﺍﻟﺮﺍﺟﻞ ﺩﻩ ﻣﺎ ﻓﻀﻞ ﺍﻻ ﻳﺒﻘﻮﻫﻮ ﻣﻤﺜﻞ ﻳﻌﺎﻳﻦ ﻟﻴﻚ ﺍﻧﺘﻲ ﻗﻠﺘﺎ ﻟﻴﻬﺎ ﻋﺎﺭﻓﺎﻙ ﻭﺣﺪﻩ ﺣﻘﻴﺮﻩ ﺑﺲ ﺍﻗﻴﻔﻲ ﻣﻌﺎﻱ ﻭ ﺍﺭﻓﻌﻲ ﻣﻌﻨﻮﻳﺎﺕ ﺷﻮﻳﻪ ﻗﺎﻟﺖ ﻟﻲ ﻳﻌﻨﻲ ﺍﻏﺸﻚ ﻗﻠﻨﺎ ﻟﻴﻬﺎ ﻣﺶ ﻗﻠﺘﻲ ﻛﺪﻩ ﻃﻴﻴﻴﺐ ﻭ ﺷﻠﺘﺎ ﺷﺒﺸﺒﻲ ﻟﺒﺴﺘﻮ ﻭ ﻗﻤﺘﺎ ﻋﻠﻰ ﺣﻴﻠﻲ ﻗﻠﺘﺎ ﻟﻴﻬﺎ ﻣﻦ ﺑﻜﺮﻩ ﺑﺸﻮﻑ ﻟﻲ ﺍﺧﻮﻱ ﻣﻌﺎﺫ ﺍﻟﺸﻐﺎﻝ ﻓﻲ ﻗﻄﺮ ﻭ ﻋﻨﺪﻭ ﻋﺮﺑﻴﻪ ﻭ ﺑﻴﺖ ﻫﻨﺎﻙ ﻋﺮﻭﻭﻭﺱ ﺳﻤﺤﻪ ﻛﺪﻩ ﺑﺘﺸﺒﻬﻮ .. ﻃﻮﺍﻟﻲ ﺍﻟﻤﻌﻔﻨﻪ ﺟﺎﺕ ﺟﺎﺭﻳﻪ ﻭﺭﺍﻱ ﻗﺎﻟﺖ ﻟﻲ ﻛﺪﻱ ﺍﺻﺒﺮﻱ ﻧﺘﻔﺎﻫﻢ .. ﻋﺎﺭﻓﺎﻫﺎ ﺍﻟﻜﻠﺒﻪ ﻣﻴﺘﻪ ﻓﻴﻬﻮ ﻣﻦ ﺯﻣﺎﺍﺍﻥ ﻭ ﻣﺎﻻﻗﻴﻪ ﻓﺮﺻﻪ ﻋﺎﺩ ﻟﻜﻦ ﻣﺎ ﺍﺧﻮﻱ ﺍﻟﻜﺒﻴﺮ ﻭ ﺍﻟﻤﺮﻭﻕ .. ﺟﺎﺕ ﺟﺮﺗﻨﻲ ﻗﻌﺪﺗﻨﻲ ﻭ ﻗﺎﻟﺖ ﻟﻲ ﻳﻌﻨﻲ ﺍﻟﺰﻭﻝ ﻣﺎ ﻳﻬﻈﺮ ﻣﻌﺎﻙ ﻳﺎﻗﻤﻴﻴﻞ ﺍﻧﺖ ﻗﻠﺘﺎ ﻟﻴﻬﺎ ﻗﻤﻴﻴﻴﻞ ﺑﺘﺎﻋﺖ ﺍﻟﺴﺎﻋﻪ ﻛﻢ ﺍﻫﺎ ﺡ ﺗﻮﺭﻳﻨﻲ ﺍﺗﺼﺮﻑ ﻛﻴﻒ ﻭﻻ ﻻ ! ﻗﺎﻟﺖ ﻟﻲ ﺡ ﺍﻭﺭﻳﻚ ﻭ ﺃﺳﻤﺮ ﺩﻩ ﺡ ﺍﺧﻠﻴﻬﻮ ﻳﺤﺒﻚ ﺑﺲ ﻻﺯﻡ ﺗﺴﻤﻌﻲ ﻛﻼﻣﻲ ﻭ ﺗﻌﻤﻠﻲ ﺍﻟﺒﻘﻮﻟﻮﺍ ﻟﻴﻚ ﺑﺎﻟﻜﺮﺑﻮﻭﻭﻥ ﻋﺸﺎﻥ ﻳﺘﻠﻔﺖ ﻟﻴﻚ

يتبع.....