كتمان الشوق

الجزء 08

ﺍﻟﻮﻟﺪ ﻗﺎﻝ ﻟﻲ ﻋﻔﻮﺍً ! ﻗﻠﺘﺎ ﻟﻴﻬﻮ ﺍﻧﺖ ﺑﺘﺸﺮﺏ ﻓﻲ ﺷﻨﻮ ؟ ﻭﺍﻧﺎ ﺑﺒﻜﻲ ﻭ ﺑﻘﺶ ﻓﻲ ﻋﻴﻮﻧﻲ ﺑﺎﻟﻄﺮﺣﻪ .. ﻗﺎﻝ ﻟﻲ ﺍﻧﺘﻲ ﻣﺠﻨﻮﻧﻪ ﻭﻻ ﺣﺎﺟﻪ ! ﻗﻠﺖ ﻟﻴﻬﻮ ﻣﺠﻨﻮﻥ ﺍﻧﺖ ﻳﺎ ﺍﺧﻮﻱ 😒 ﺗﺘﺬﻛﺮ ﻟﻤﻦ ﻟﻘﻴﺘﻨﻲ ﻓﻲ ﺍﻻﺳﺘﺎﺩ ﻭﻗﻌﺪﺗﺎ ﺗﻜﻮﺭﻙ ﻟﻲ ﻳﺎ ﻣﺰﺯﺯﻩ ﺭﺍﺟﻠﻚ ﻋﺰﺍﺍﺍﻝ ﻭ ﺗﺮﻓﻊ ﻓﻲ ﻳﺪﻙ ﺯﻱ ﺿﺎﺑﻂ ﺍﻟﻤﺮﻭﺭ 👋 ﻭﻻ ﻟﻤﻦ ﺧﺒﻄﺘﺎ ﺍﻟﻌﻤﻮﺩ ﻭ ﻗﺎﻳﻠﻮﺍ ﺭﺍﺟﻠﻲ ! ﻫﺴﻲ ﺍﻟﻤﺠﻨﻮﻥ ﻓﻴﻨﺎ ﻣﻨﻮ ﺍﻟﻠﻪ ﻳﺴﺄﻟﻚ ﻳﺎ ﻣﺴﻄﻮﻝ ﻳﺎ ﺑﺘﺎﻉ ﺍﻟﺒﻨﻘﻮ .. ﺍﻟﻮﻟﺪ ﻗﺎﻡ ﻋﻠﻰ ﺣﻴﻠﻮ ﺟﺴﻤﻲ ﻟﻤﻦ ﻫﺒﻂ ﺧﻔﺘﺎ ﻳﺪﻳﻨﻲ ﻛﻒ ﻣﻊ ﻋﻴﻮﻧﻮ ﺍﻟﺤﻤﺮ ﺩﻳﻚ ﺑﻌﺪ ﺍﻟﻠﺴﺎﻥ ﺍﻟﺴﻠﻴﺘﻮ ﻃﻮﻭﻭﻝ ﺍﻟﺴﻜﻪ ﺣﺪﻳﺪ ﺩﻩ ﺧﻔﺘﺎ .. ﻗﺎﻝ ﻟﻲ ﺍﻧﺘﻲ ﺷﻜﻠﻚ ﻣﺎ ﻭﺍﻋﻴﻪ ﻟﻠﺒﺘﻘﻮﻟﻲ ﻓﻴﻬﻮ ﺍﻣﺸﻲ ﻣﻦ ﻭﺷﻲ ﻻﻧﻲ ﻣﺎ ﻧﺎﻗﺼﻚ ﻳﻼ ﺍﻣﺸﻲ👋😒 ﺑﻲ ﻧﻬﺮﻩ ﻭ ﻋﻴﻮﻧﻮ ﻣﺤﻤﻤﻤﺮﺓ ﻣﺎ ﻋﺎﺭﻓﻪ ﺍﻧﺎ ﺍﻟﺒﺠﺪ ﻛﻨﺘﺎ ﻣﺴﻄﻮﻟﻪ ﺍﻟﻠﺤﻈﻪ ﺩﻳﻚ ! ﺑﻜﻴﻴﻴﺖ ﺑﺼﻮﻭﻭﺕ ﻭﺩﻣﻮﻋﻲ ﺟﺮﺕ ﺍﻟﻮﻟﺪ ﻃﻮﺍﻟﻲ ﺭﺧﺎ ﻗﺎﻝ ﻟﻲ ﺍﻧﺘﻲ ﺣﺎﺻﻞ ﻟﻴﻚ ﺷﻨﻮ ! ﻣﺎﻟﻚ ﺧﻴﺮ ؟ ﻣﻤﻜﻦ ﺍﺳﺎﻋﺪﻙ ﻭﺭﻳﻨﻲ ﺑﺘﺒﻜﻲ ﻣﺎﻟﻚ ﻭ ﻗﺎﻝ ﻟﻲ ﺍﻗﻌﺪﻱ ﻭﺍﻫﺪﻱ ﻛﺪﻱ ﻗﻌﺪﺗﺎ ﻓﻲ ﺍﻟﻤﺼﻄﺒﻪ ﻛﺎﻥ ﺧﺎﺗﻲ ﻋﻄﺮ ﺟﻨﺒﻮ ﺷﺎﻟﻮﺍ ﺍﺗﺒﺨﺒﺦ ﻛﻠﻮﻭﻭﻭ ﻣﻼ ﻧﻔﺴﻮ ﻋﻄﺮ ﻭﺟﺮﺍ ﺩﺧﻞ ﺑﻴﺘﻬﻢ ﻋﺮﻓﺘﻮ ﻋﻤﻞ ﻛﺪﻩ ﻋﺸﺎﻥ ﻧﺎﺱ ﺍﻟﺒﻴﺖ ﻣﺎ ﻳﺸﻤﻮﺍ ﺭﻳﺤﺔ ﺍﻟﺴﻴﺠﺎﻳﺮ .. ﺟﺮﺍ ﺟﺎﺏ ﻟﻲ ﻣﻮﻳﻪ ﻓﻲ ﺟﻚ ﻭ ﻛﺒﺎﻳﻪ ﻭ ﺟﺎ ﻗﻌﺪ ﻓﻲ ﺍﻟﻤﺼﻄﺒﻪ ﻛﺒﺎ ﻟﻲ ﻣﻮﻳﻪ ﻗﺎﻝ ﻟﻲ ﺍﺷﺮﺑﻲ ﻭ ﻏﺴﻠﻲ ﻭ ﺷﻚ ﺷﺮﺑﺘﺎ ﻭ ﻏﺴﻠﺘﺎ ﻭﺷﻲ ﻭ ﻳﺪﻳﻨﻲ ﻭ ﺷﻠﺘﺎ ﻣﻦ ﻋﻄﺮﻭ ﺍﻟﺨﺎﺗﻴﻬﻮ ﻓﻲ ﺍﻟﻤﺼﻄﺒﻪ ﺩﻩ ﻭ ﺑﺨﻴﺖ ﺭﻭﺣﻲ ﺯﺍﺗﻲ ﺑﺎﻟﻠﻪ ﺍﻧﺘﻌﺸﺘﺎ ﺍﻧﺘﻌﺎﺵ 💔😂😂 .. ﺑﻌﺪﻫﺎ ﻟﻘﻴﺖ ﻃﺮﺣﺘﻲ ﻭ ﺩﻩ ﻛﻠﻮ ﻫﻮ ﺑﻌﺎﻳﻦ ﻟﻲ ﻟﻤﻦ ﺍﺳﺘﻮﻋﺒﺘﺎ ﺍﻧﻲ ﻛﻨﺖ ﺑﺘﻌﻮﻟﻖ ﻗﻤﺘﺎ ﻋﻠﻰ ﺣﻴﻠﻲ ﻗﻠﺘﺎ ﻟﻴﻬﻮ ﺍﺳﻔﻪ ﻭﻣﻌﻠﻴﺶ ﻭ ﺑﻌﺘﺬﺭ ﻋﻠﻰ ﺍﻻﺯﻋﺎﺝ ﻗﺎﻝ ﻟﻲ ﻭﻻ ﻳﻬﻤﻚ ﻣﺪﺍ ﻟﻲ ﺷﻨﻄﺘﻲ ﺍﻟﺮﻣﻴﺘﻬﺎ ﻭﺍﻧﺎ ﺑﺒﻜﻲ ﻭﻫﻮ ﻣﺨﻠﻮﻉ ﺑﻌﺎﻳﻦ ﻟﻲ .. ﻗﻠﺖ ﻟﻴﻬﻮ ﺷﻜﺮﺍ ﻟﻠﻤﺴﺎﻋﺪﺓ ﻭﺟﻴﺖ ﻣﺎﺷﻪ ﻗﺎﻝ ﻟﻲ ﻋﻤﻮﻣﺎ ﺍﻟﺤﺎﺟﻪ ﺍﻟﻤﺰﻋﻼﻙ ﻣﺎ ﺑﺘﺴﺘﺎﻫﻞ ﻗﺪﺭ ﺩﻩ ﻣﺎ ﺗﺰﻋﻠﻲ ﻧﻔﺴﻚ ﻭ ﻋﻴﺸﻲ ﺣﻴﺎﺗﻚ ﻛﻠﻬﺎ ﺣﻴﺎﻩ ﻭﺣﺪﻩ ﺑﺲ .. ﻋﺎﻳﻨﺘﺎ ﺍﺑﺘﺴﻤﺘﺎ ﻟﻴﻬﻮ ﻭﻣﺸﻴﺖ ﻛﻤﻠﺘﺎ ﻟﻠﺒﻴﺖ ﻟﻘﻴﺖ ﺍﻟﺸﺎﺭﻉ ﻓﺎﺍﺍﺍﺿﻲ ﺟﺮﻳﻴﺖ ﺟﺮﺭﺭﻱ ﻗﺒﻞ ﻣﺎ ﺯﻭﻝ ﻳﺸﻮﻓﻨﻲ 😂💔 ﻭ ﻛﺄﻧﻮﺍ ﺡ ﺍﺗﺨﻄﻒ ﻣﺜﻼ ! ﺍﻟﻤﻬﻢ ﻻﺯﻡ ﺍﺳﺘﻘﻞ ﻓﺮﺻﻪ ﺍﻟﺸﺎﺭﻉ ﻓﺎﺿﻲ ﻭ ﺍﻗﻮﻡ ﺟﺎﺭﻳﻪ ..
ﻣﺮﺍ ﻋﻠﻲ ﺍﺳﺒﻮﻉ ﻭﺍﻧﺎ ﻣﻨﻌﺰﻟﻪ ﻣﻦ ﺍﻟﻨﺎﺱ ﺑﺲ ﺑﻤﺸﻲ ﺍﻟﺸﻐﻞ ﻭ ﺑﺮﺟﻊ ﺑﺘﺠﻨﺐ ﻣﻮﺍﻋﻴﺪ ﺍﺳﻤﺮ ﻭ ﻣﺎ ﺑﺸﻮﻑ ﺍﻟﺒﻠﻜﻮﻧﻪ ﻭ ﺣﻈﺮﺗﺎﺍ ﺭﻗﻤﻮ ﻣﻦ ﺍﻟﻮﺍﺗﺲ ﻭ ﻟﻐﻴﺖ ﺍﻟﺼﺪﺍﻗﻪ ﻭﺍﻟﻤﺘﺎﺑﻌﺔ ﻭ ﺩﻩ ﻛﻠﻮ ﻋﺸﺎﻥ ﺍﻧﺴﺎﻫﻮ ﺷﻮﻳﻪ ﻭ ﺑﻌﺪ ﺩﻩ ﻟﻤﻦ ﺍﺭﻗﺪ ﺑﺎﻟﻠﻴﻞ ﻛﻞ ﻳﻮﻡ ﺑﺘﺬﻛﺮﻭﺍ ﻭ ﺑﺒﻜﻲ ﺑﺮﺍﻱ 💔 ﺯﻫﺮﻩ ﻣﺎ ﺑﻼﻗﻴﻬﺎ ﺍﻻ ﻓﻲ ﺍﻟﺰﻭﻣﺒﺎ ﻻﺣﻈﺖ ﻟﻲ ﺑﺪﻳﺖ ﺍﻧﺤﻒ ﺑﻄﺮﻳﻘﻪ ﺳﺮﻳﻌﻪ ﻛﺎﻧﺖ ﻣﺒﺴﻮﻃﻪ ﻭ ﻣﺎﻋﺎﺭﻓﻪ ﺍﻟﺴﺮ ﻭﺭﺍ ﺩﻩ ﺍﻟﺤﺰﻥ ﺍﻟﺴﺪﺍ ﻧﻔﺴﻲ ﻣﻦ ﺍﻻﻛﻞ 💔😭 ﻻﻭﻝ ﻣﺮﻩ ﺍﻭﻗﻒ ﺍﻛﻞ ﻛﺘﻴﺮ ﺑﺴﺒﺐ ﺯﻭﻝ ﻣﺰﻋﻠﻨﻲ ﻭ ﺍﻧﺎ ﻃﻮﻝ ﻋﻤﺮﻱ ﻣﺎ ﺑﺸﺘﻐﻞ ﺑﻲ ﺯﻭﻝ ﺍﺳﻤﺮ ﻳﻌﻤﻞ ﻓﻴﻨﻲ ﻛﺪﻩ 💔 ﺣﺘﻰ ﺍﻟﺸﺎﻱ ﺍﻻﺧﻀﺮ ﺍﻟﻤﺎ ﺑﺤﺒﻮ ﺑﻘﻴﺖ ﺑﺸﺮﺑﻮ ﺍﺭﺑﻊ ﻭﺳﺘﻪ ﻣﺮﺍﺕ ﻓﻲ ﺍﻟﻴﻮﻡ ﻭ ﺷﻌﺮﻱ ﺍﻟﻤﺎﻭﺑﺴﺮﺣﻮ ﺑﻘﻴﺖ ﻛﻞ ﻳﻮﻡ ﺍﺳﺮﺣﻮ ﻭ ﺍﻭﺍﺳﻲ ﺿﻔﻮﺭﻱ ﻭﻣﺮﺍﺕ ﺍﻋﻤﻞ ﻣﻨﻜﻴﺮ ﻭ ﺩﻩ ﻛﻠﻮ ﻋﺸﺎﻥ ﺍﺳﺪ ﺍﻟﻔﺮﺍﻍ ﻭ ﻣﺎ ﻋﺎﻳﺰ ﻳﺘﺴﺪﺍ .. ﻣﺮﺍ ﺷﻬﺮ ﻭ ﺍﻧﺎ ﻗﻀﻴﺘﻮ ﺑﺪﻭﻥ ﺍﺳﻤﺮ ﻭ ﺯﻫﺮﻩ ﻛﺎﻧﺖ ﻓﺎﻛﺮﺍﻧﻲ ﺑﺴﻔﻬﻪ ﻓﻴﻬﻮ ﻋﺸﺎﻥ ﺗﻌﻠﻴﻤﺎﺗﻬﺎ ﻫﻲ ﻣﺎ ﻋﺎﺭﻓﺎﻫﻮ ﻃﻠﻊ ﻣﺮﺗﺒﻂ 😭💔 .. ﺑﻌﺪ ﺍﻟﺸﻬﺮ ﻭ ﻧﺺ ﻣﺸﻴﻨﺎ ﻧﻮﺯﻥ ﻟﻘﻴﺖ ﻧﻔﺴﻲ ﻣﻦ ٨٢ ﻧﺰﻝ ﻟﻲ ٦٥ ﺯﻫﺮﻩ ﻛﺎﻧﺖ ﻣﺒﺴﻮﻭﻭﻃﻪ ﺑﺎﻟﻨﺰﻭﻝ ﺩﻩ ﺍﻛﺘﺮ ﻣﻨﻲ ﻭﺣﺤﻠﻔﻔﺖ ﺍﻻ ﺗﻤﺸﻲ ﻣﻌﺎﻱ ﺍﻟﺴﻮﻕ ﻋﺸﺎﻥ ﺍﻏﻴﺮ ﺍﺳﺘﺎﻳﻠﻲ ﺑﻘﻴﺖ ﺑﻘﻮﻝ ﺍﻱ ﻭ ﺣﺎﺿﺮ ﻟﻲ ﺍﻱ ﺯﻭﻝ ﻭ ﻣﺎﺑﻌﺎﻧﺪ ﺯﻭﻝ ﻛﺎﻧﺖ ﻧﻔﺴﻲ ﻣﺴﺪﻭﻭﻭﺩﻩ ﻣﻦ ﻛﻞ ﺷﻲ ﻣﺎ ﻋﺎﺭﻓﻪ ﻣﻼﻣﺤﻲ ﺍﺗﻐﻴﺮﺕ ﻣﻦ ﺍﻟﻀﻌﻔﻪ ﻭﻻ ﺍﻟﺤﺰﻥ ! ﻋﻤﻮﻣﺎ ﺍﻟﻨﺎﺱ ﻻﺣﻈﻮﺍ ﻟﻲ ﺍﻧﻲ ﺑﻘﻴﺖ ﻣﺰﺯﻩ ﻭ ﺭﺷﻴﻘﻪ ﻭ ﻣﻼﻣﺤﻲ ﻇﻬﺮﺕ ﺣﻠﻮﻭﻩ .. ﺷﻌﺮﻱ ﻛﺎﻥ ﻣﺎﺷﻲ ﻓﻲ ﺗﺤﺴﻦ ﻭﺍﺍﺍﺿﺢ ﺟﺪﺍ ﻭ ﺑﺪﺍ ﻳﻄﻮﻝ ﻭ ﺳﺒﻴﺒﺘﻮ ﺍﺗﻐﻴﺮﺕ ﻭﻛﻨﺖ ﺑﻌﻤﻞ ﻟﻴﻬﻮ ﺣﻤﺎﻡ ﺯﻳﺖ ﻓﻲ ﺍﻟﺸﻬﺮ ﻣﺮﺗﻴﻦ .. ﻟﻤﺎ ﻧﺰﻟﺖ ﻣﻌﺎﻫﺎ ﺍﻟﺴﻮﻕ ﻣﺎ ﺧﻠﺖ ﻟﺒﺴﻪ ﻭﻣﺎﻃﻘﻤﺘﻬﺎ ﻭ ﻣﺎ ﺧﻠﺖ ﺷﻨﻄﻪ ﻭ ﺟﺰﻣﻪ ﻭ ﺷﺒﻂ ﻣﺎ ﺍﺷﺘﺮﺗﻮ ﻟﻲ ﺭﺟﻌﻨﺎ ﺍﻟﺒﻴﺖ ﻭﻧﺤﻨﺎ ﺷﺒﻪ ﻣﻜﻤﻠﻴﻦ ﺍﻟﺴﻮﻕ 💔😂😂 ﺣﺘﻰ ﻋﺰﻣﺘﻨﻲ ﻭﺍﻓﻠﻲ ️❤ ﻣﺎ ﺍﺗﺨﻴﻠﺘﺎ ﺍﻧﻲ ﻣﺎ ﺍﻗﺪﺭ ﺍﺗﻢ ﺍﻟﺼﺤﻦ ﻭﺍﻧﺎ ﻛﻨﺖ ﺑﻄﻠﺐ ﺗﻼﺗﻪ ﻃﻠﺒﺎﺕ ! ﺑﺎﻟﺠﺪ ﺍﺗﻐﻴﺮﺗﺎ ﻭﻧﻔﺴﻴﺘﻲ ﻣﺎﺷﻪ ﻟﻠﺰﻓﺖ .. ﻣﻨﻮﺷﺪﺓ ﻣﺎ ﺍﺗﻐﻴﺮﺗﺎ ﺑﻘﻴﺖ ﺑﺘﺎﺑﻊ ﺣﺎﺟﺎﺕ ﺍﻟﺒﻨﺎﺕ ﻋﻠﻰ ﺍﻟﻔﻴﺴﺒﻮﻙ ﻭ ﺍﻻﻫﺘﻤﺎﻡ ﻭ ﺍﻟﻨﻀﺎﻓﻪ ﻭﺍﻟﻤﻴﻜﺐ ﻭ ﺷﻠﺖ ﺭﻗﻢ ﻭﺣﺪﻩ ﺑﺘﺒﻴﻊ ﻣﻴﻜﺐ ﺍﺷﺘﺮﻳﺖ ﻣﻨﻬﺎ ﻭﻣﺸﻴﺖ ﺳﻮﻕ ﺑﺤﺮﻱ ﺟﺒﺘﺎ ﺍﻛﺴﺴﻮﺍﺭﺍﺕ ﻭ ﺳﻌﺪ ﻗﺸﺮﻩ ﺟﺒﺘﺎ ﻣﻨﻮ ﻗﻤﺎﺷﺎﺕ ﻭ ﻃﻠﻌﺖ ﻗﺼﺎﺕ ﻟﻠﻔﺴﺎﺗﻴﻦ ﺑﺘﺎﻋﺖ ﺍﻻﻋﺮﺍﺱ ﻭﺍﻣﻲ ﻃﺒﻌﺎ ﻛﺎﻧﺖ ﻣﺒﺴﻮﻭﻃﻪ ﺍﻧﻮ ﺑﻨﺘﻬﺎ ﺑﻘﺖ ﺑﻨﺖ ﻋﺪﻳﻴﻴﻴﻴﻞ .. ﺑﻤﺸﻲ ﺍﻟﻌﺮﺱ ﺑﻔﺴﺘﺎﻥ ﺑﻨﺎﺕ ﺭﺍﻗﻲ ﻭ ﺷﺒﻂ ﻭﻣﻴﻚ ﺍﺏ ﻭ ﺣﺘﻰ ﻧﺎﺱ ﺍﻟﺸﻐﻞ ﻭ ﺧﺎﻟﺘﻮ ﻧﻔﻴﺴﻪ ﻻﺣﻈﺖ ﻟﻲ ﺍﺗﻐﻴﺮﺗﺎ ﺭﻏﻢ ﺍﻧﻮ ﺍﻟﺘﻐﻴﻴﺮ ﻣﻦ ﺑﺮﻩ ﻛﺎﻥ ﻇﺎﻫﺮ ﺣﻠﻮﻭ ﺑﺲ ﻣﻦ ﺟﻮﻩ ﺍﻧﺎ ﻣﺪﻣﺮﻩ ﻧﻔﺴﻴﺎ ﻭ ﻛﺎﺗﻤﻪ ﺍﺣﺴﺎﺳﻲ ﺩﻩ ﺟﻮﺍﻱ ﺣﺘﻰ ﺷﻮﻗﻲ ﻛﺎﺗﻤﺎﻫﻮ ﺟﻮﺍﻱ ﻟﻲ ﺍﺳﻤﺮ 💔 ﺑﻌﺪ ﺷﻬﺮﻳﻦ ﻭﻧﺺ ﻣﻦ ﻋﺪﻡ ﻣﻼﻗﺎﺗﻮ ﺍﺷﺘﻘﺖ ﻟﻴﻬﻮ ﺷﻮﻭﻭﻕ ﺭﻫﻴﻴﻴﺐ ﻗﺪﺭ ﻣﺎ ﺍﻗﻮﻝ ﺍﺭﺟﻊ ﺍﺳﺎﻝ ﻣﻨﻮ ﺑﺘﺬﻛﺮ ﺍﻧﻮ ﻣﺮﺗﺒﻂ ﻭﺍﻧﻮ ﺍﺳﺎﺳﺎ ﻣﺎ ﺣﺎﻭﻝ ﻳﺴﺎﻝ ﻣﻦ ﻏﻴﺎﺑﻲ ﺍﻟﻤﻔﺎﺟﻲﺀ ﺩﻩ ﻓﻴﺎﺳﻨﺪﺱ ﺍﻧﺴﻴﻬﻮ ﻭﺷﻴﻠﻴﻬﻮ ﻣﻦ ﺭﺍﺳﻚ ..
ﻳﻮﻡ ﺭﺍﺟﻌﻪ ﻣﻦ ﺍﻟﺸﻐﻞ ﻗﻠﺘﺎ ﺍﺗﻤﺸﻰ ﺍﺳﺎﺳﺎ ﺑﻘﻴﺖ ﺑﺤﺐ ﺍﻟﻤﺸﻲ ﺍﻟﻜﺘﻴﺮ ﻣﺸﻴﺖ ﺍﻟﺼﻴﺪﻟﻴﻪ ﺍﺷﺘﺮﻳﺖ ﻓﻴﺘﺎﻣﻴﻦ ﺳﻲ ﻭ ﺑﻠﻌﺘﻮ ﻣﻊ ﻣﻮﻳﺔ ﺻﺤﻪ ﻛﺎﻥ ﺑﺤﺎﻓﻆ ﻋﻠﻰ ﻧﻮﺭﺗﻲ ﻭ ﺑﺨﻠﻲ ﺍﻟﺒﺸﺮﻩ ﻣﺸﺮﻗﻪ ﻛﺪﻫﻪ ﻭﻗﺴﺘﺎ ﻭﺯﻧﻲ ﻃﻠﻊ ٦٠ ﺍﺗﺒﺴﻄﺘﺎ ﺷﺪﻳﺪ ﻋﻠﻰ ﺍﻻﻧﺠﺎﺯ ﺍﻟﻌﻤﻠﺘﻮ ﺩﻩ ﻭ ﻛﻤﻠﺖ ﺍﻟﻤﺸﻲ .. ﺟﻴﺖ ﺑﺠﻨﺐ ﺍﻟﻤﻌﻬﺪ ﻋﺎﻳﻨﺘﺎ ﻣﻦ ﺑﻌﻴﺪ ﻟﻲ ﺑﻴﺖ ﺍﻟﻤﺴﻄﻮﻝ ﻣﺎ ﻟﻘﻴﺘﻮ ! ﺿﺤﻜﺘﺎ ﻭ ﺍﺗﺬﻛﺮﺗﺎ ﺍﻟﺪﺭﺍﻣﺎ ﺍﻟﻌﻤﻠﺘﻬﺎ ﻟﻴﻬﻮ ﻗﺒﻞ ﺷﻬﺮﻳﻦ ﻛﻨﺘﺎ ﻋﻮﻳﺮﺓ ﺷﺪﻳﺪ ﺍﻟﻴﻮﻡ ﺩﺍﻙ ﻳﺎﺧﻲ 😭💔 .. ﻟﻔﻴﺖ ﺑﻲ ﺷﺎﺭﻋﻬﻢ ﻭﻣﺸﻴﺖ ﻃﻮﻳﻴﻴﻴﻞ ﻟﻤﺎ ﺟﻴﺖ ﺭﺍﺟﻌﻪ ﻟﻘﻴﺘﻮ ﺭﺍﺟﻊ ﻓﻲ ﻧﻔﺲ ﺍﺗﺠﺎﻫﻲ ﻭ ﺍﻧﺎ ﻣﺎﺷﻪ ﺑﻲ ﻭﺭﺍﻫﻮ ﻣﺎﻋﺮﻓﺘﺎ ﺍﻧﺎﺩﻳﻬﻮ ﺑﻲ ﺷﻨﻮ ! ﺟﺮﺭﺭﻳﻴﺖ ﻟﺤﻘﺘﻮ ﻟﻤﻦ ﻗﺮﺑﺘﺎ ﻟﻴﻬﻮ ﺑﻘﻴﺖ ﺑﻤﺸﻲ ﺑﺮﺍﺣﻬﻪ ﻭﻋﺎﻳﺰﺓ ﺍﻟﻔﺘﻮ ﻣﺎ ﻋﺎﺭﻓﻪ ﻛﻴﻒ ﺑﺲ ﻭﻗﻌﺘﺎ ﺷﻨﻄﺘﻲ ﻭ ﻗﻠﺘﺎ ﻳﺎ ﺍﻟﻠﻪ ﺑﺼﻮﺕ ﻋﺎﻟﻲ 💔😂 ﻛﺎﻥ ﺍﻟﻮﻟﺪ ﺍﺗﻠﻔﺖ ﻋﺎﻳﻦ ﻟﻲ ﻣﺎ ﺍﺗﻌﺮﻑ ﻋﻠﻲ ﻛﻨﺖ ﻻﺑﺴﻪ ﺍﺳﻜﻴﺮﺕ ﺟﻴﻨﺰ ﻭ ﺍﻟﻤﻴﻜﺐ ﻭ ﺍﻟﺤﻮﺍﺟﺐ ﻭ ﺍﻟﺤﺠﺎﺏ ﺑﺎﻟﻄﺮﺣﻪ ﺍﻟﻨﺒﻴﺘﻲ ️❤ ﻭﺍﻧﺎ ﺳﻤﺎﺭﻱ ﻣﻊ ﻟﻮﻥ ﺍﻟﻘﻤﻴﺺ ﺍﻻﺑﻴﺾ ﻭ ﺍﺳﺒﻮﺭﺗﻴﻨﻲ ﺍﻻﺑﻴﺾ ﻛﻨﺖ ﻧﺠﻔﻪ ﺗﺴﻮ ﻛﺪﻱ 👋 ﻭﻻﺑﺴﻪ ﺷﻨﻄﺔ ﺿﻬﺮ ﻛﻴﻮﻭﺗﻪ ﺑﺎﻟﻠﻮﻥ ﺍﻟﺒﻴﺞ ﺍﻟﻐﺎﺍﺍﻣﻖ ﻓﻲ ﻋﻼﻗﻪ ﻣﻨﺰﻟﻪ ﺯﻱ ﻛﺪﻳﺴﻪ ﻛﺪﻩ ﻣﻦ ﺍﻟﺮﻳﺶ .. ﺍﻟﻮﻟﺪ ﺍﺑﺘﺴﻢ ﻟﻤﺎ ﺍﺗﻠﻔﺖ ﺍﻧﺎ ﺷﻠﺘﺎ ﺍﻟﺸﻨﻄﻪ ﻧﻔﻀﺘﻬﺎ ﻭ ﻟﺒﺴﺘﻬﺎ ﻟﻤﻦ ﻋﺎﻳﻨﺖ ﻟﻴﻬﻮ ﻋﻤﻠﺘﺎ ﻓﻴﻬﺎ ﻛﺎﻧﻲ ﻳﺎﺩﻭﺏ ﺷﻔﺘﻮ ﻗﻠﺘﺎ ﻟﻴﻬﻮ ﺍﻧﺖ 😳 ﻗﺎﻝ ﻟﻲ ﺷﻜﻠﻚ ﻣﺎﺍﻏﺮﻳﻴﺐ ﻋﻠﻲ ﻃﺒﻌﺎ ﺍﻟﺠﺴﻢ ﺍﺗﻘﺴﻢ ﻭﺧﺼﺮﻱ ﻗﺪﺭ ﺭﻗﺒﺘﻲ ﺑﻘﻰ .. ﻗﻠﺘﺎ ﻟﻴﻬﻮ ﻭﺍﻧﺎ ﺑﻀﺤﻚ ﻃﺒﻌﺎ ﻣﺎ ﺣﺘﻌﺮﻓﻨﻲ ﻭﻣﺪﻳﺖ ﻟﻴﻬﻮ ﻳﺪﻱ ﺍﻧﺎ ﺳﻨﺪﺱ ﻋﺎﻳﻦ ﻟﻠﺴﺎﻋﻪ ﺍﻻﺑﺴﺎﻫﺎ ﻭﻗﺎﻝ ﻟﻲ ﻭ ﺍﻧﺎ ﻋﺒﺪ ﺍﻟﻠﻪ ️❤ ﻗﻠﺘﺎ ﻟﻴﻬﻮ ﺍﺗﺸﺮﻓﻨﺎ ﻳﺎﻋﺒﺪ ﺍﻟﻠﻪ ﻭ ﻣﺪﺍﻡ ﺍﻧﺖ ﻋﺒﺪ ﺍﻟﻠﻪ ﻣﺎ ﺗﻌﺒﺪ ﺍﻟﻠﻪ ﻭ ﺗﺴﻴﺐ ﺍﻟﺒﺘﻌﻤﻞ ﻓﻴﻬﻮ ﺩﺍ .. ﻗﺎﻝ ﻟﻲ 😒 ﻋﻔﻮﺍ 😒 ﻗﻠﺘﺎ ﻟﻴﻬﻮ ﺑﻬﻈﺮ ﻳﺎﺥ ﻗﺼﺪﻱ ﺍﻟﺴﻴﺠﺎﻳﺮ ﻛﺎﻥ ﻣﺎﺳﻜﻬﺎ ﻓﻲ ﻳﺪﻭ ﺍﻟﺸﻤﺎﻝ ﻟﻤﺎ ﺳﻠﻢ ﻋﻠﻲ .. ﺿﺤﻚ ﻭ ﻗﺎﻝ ﻟﻲ ﺳﻴﺠﺎﻳﺮ ﻋﺎﺩﻱ ﻏﻴﺮ ﻣﻀﺮ ﺑﺎﻟﺼﺤﻪ ﺑﺲ ﻋﺎﻳﻦ ﻟﻲ ﻛﺪﻩ ﻗﺎﻝ ﻟﻲ ﺍﻳﻮﺍﺍﺍﺍ ﺍﺗﺬﻛﺮﺗﻚ ﺍﻧﺘﻲ ﺍﻟﻜﻨﺘﻲ ﺑﺘﺒﻜﻲ 😂😂 ﺍﻟﻴﻮﻡ ﺩﺍﺍﺍﻙ ﺍﻳﻮﺍﺍﺍﺍ .. ﺑﺎﻟﻠﻪ ﺍﻟﻮﻟﺪ ﻟﻤﻦ ﺧﻠﻌﻨﻲ ﺑﺎﻟﺠﺪ ﻣﺴﻄﻮﻝ ﺑﻌﺪ ﻣﺴﺎﻓﻪ ﺣﺘﻰ ﻳﺘﺬﻛﺮ ﻗﻠﺘﺎ ﻟﻴﻬﻮ ﻳﺎﻧﻲ ﺍﻧﺎ ﺯﺍﺍﺍﺗﻬﺎ ﺳﻨﺪﺱ .. ﻗﺎﻝ ﻟﻲ ﺍﺗﻐﻴﺮﺗﻲ ﻟﻜﻦ 😳 ﻗﻠﺘﺎ ﻟﻴﻬﻮ ﻣﺎ ﺍﺗﻐﻴﺮﺗﺎ ﺑﺲ ﺍﻧﺖ ﺷﻔﺘﻨﻲ ﻓﻲ ﺍﻟﻀﻼﻡ ﻋﻠﻰ ﻓﻜﺮﻩ . ﺍﻧﺖ ﻻﻗﻴﺘﻨﻲ ﻓﻲ ﺍﻻﺳﺘﺎﺩ ﻭ ﻗﻠﺘﺎ ﻟﻲ ﻗﺎﻡ ﻭﻗﻔﻨﻲ ﻗﺎﻝ ﻟﻲ ﻣﺎ ﺗﻌﻴﺪﻱ ﻟﻲ ﻗﺼﺼﻚ ﺩﻱ ﻋﻠﻴﻚ ﺍﻟﻠﻪ .. ﻋﺎﻳﺰ ﻳﻤﺸﻲ ﻗﻤﺘﺎ ﻟﺤﻘﺘﻮ ﺗﺎﻧﻲ ﺑﻲ ﻭﺭﺍﻫﻮ ﻣﺎﺷﻪ ﻗﻠﺘﺎ ﻟﻴﻬﻮ ﺍﻧﺎ ﻣﺤﺎﻣﻴﻪ ﻗﺎﻝ ﻟﻲ ﻛﻮﻳﺲ ﻃﻴﺐ ﺟﻴﺘﻮ ﺑﺎﻟﻨﺎﺣﻴﻪ ﺍﻟﺘﺎﻧﻴﻪ ﻭ ﺍﻧﺎ ﺳﺎﻛﻨﻪ ﻓﻲ ﺍﻟﺤﻠﻪ ﺍﻟﺠﻨﺒﻜﻢ ﻗﺎﻝ ﻟﻲ ﻃﻴﺐ ﺑﺎﻟﻬﻨﺎ ﻋﻠﻴﻚ .. ﻗﻠﺘﺎ ﻟﻴﻬﻮ ﺍﻧﺖ ﺛﻘﻴﻞ ﻛﺪﻩ ﻟﻴﻪ 😒 ﻗﺎﻝ ﻟﻲ ﺍﻧﺘﻲ ﺩﺍﻳﺮﻩ ﻣﻨﻲ ﺷﻨﻮ ؟؟ . ﻗﻠﺘﺎ ﻟﻴﻬﻮ ﻋﺎﻳﺰﺓ ﺍﺣﻜﻲ ﻟﻴﻚ ﺍﻧﺖ ﺍﻟﻮﺣﻴﺪ ﺍﻟﺤﺘﻔﻬﻤﻨﻲ . ﻋﺎﻳﻦ ﻟﻲ ﻣﺨﻠﻮﻭﻉ ﻭﻣﺎﻗﺎﺩﺭ ﻳﻌﺒﺮ 😳💔 ﻗﺎﻝ ﻟﻲ ﺍﻧﺎ ﻣﺎ ﻗﺎﺩﺭ ﺍﺻﺪﻕ ﺍﻟﺒﺘﻘﻮﻟﻲ ﻓﻴﻬﻮ ﺩﻩ ﺍﻧﺎﻱ ﻳﺎﺑﺖ ﻏﺮﻳﺒﺔ ﻛﺪﻩ ﻣﺎﻟﻚ ؟ .. ﻗﻠﺘﺎ ﻟﻴﻬﻮ ﻣﺎﻣﺸﻜﻠﻪ ﺧﻼﺹ ﻣﺎ ﺡ ﺍﺣﻜﻲ ﻟﻴﻚ ﻭ ﺟﺒﺖ ﺍﻣﺸﻲ ﻋﺎﺭﻓﺎﺍﺍﻫﻮ ﺡ ﻳﻮﻗﻔﻨﻲ ﺧﻼﻧﻲ ﻭﺻﻠﺘﺎ ﻧﻬﺎﻳﻪ ﺍﻟﺸﺎﺭﻉ ﻧﺎﺩﺍﻧﻲ ﺳﻨﺪﺱ ! ﻭﻗﻔﺘﺎ ﻟﻴﻬﻮ ﺟﺎﻧﻲ ﻓﻲ ﻣﻜﺎﻧﻲ ﻭ ﻗﻌﺪ ﻓﻲ ﻣﺼﻄﺒﻪ ﺟﻨﺐ ﺑﺎﺏ ﺑﻴﺖ ﻧﺎﺱ ﺑﻲ ﻓﻮﻗﻬﺎ ﺷﺠﺮﻩ ﻛﺒﻴﺮﻩ ﻛﺪﻩ ﻗﺎﻝ ﻟﻲ ﺗﻌﺎﻟﻲ ﺍﻗﻌﺪﻱ ﻭ ﺍﺣﻜﻲ ﻛﻨﺘﻲ ﻣﺎﻟﻚ ﺭﻏﻢ ﺍﻧﻮ ﻗﺼﻪ ﺣﻴﺎﺗﻚ ﻣﺎ ﺑﺘﻬﻤﻨﻲ ﻟﻜﻦ ﺷﺨﺼﻴﺘﻚ ﻏﺮﻳﺒﻪ ﻭﻋﺠﻴﺒﻪ ﺑﺲ ﺍﺑﺘﺴﻤﺘﺎ ﻟﻴﻚ ﻟﻴﻬﻮ ﻛﺪﻩ ﻭﺟﻴﺖ ﻗﻌﺪﺗﺎ .. ﻛﻨﺘﺎ ﺑﺤﺐ ﺍﻟﻠﺤﻈﺎﺕ ﺍﻟﻐﺮﻳﺒﻪ ﺯﻱ ﻟﻤﺎ ﺍﺗﻮﻧﺲ ﻣﻊ ﺍﻟﻜﻤﺴﺎﺭﻱ ﺍﻭ ﺍﺷﺮﺏ ﺷﺎﻱ ﻣﻊ ﺑﺘﺎﻉ ﺍﻻﻭﺭﻧﻴﺶ ﺍﻭ ﺍﻟﻢ ﺍﻟﺰﺑﺎﻟﻪ ﻣﻊ ﺍﻟﺒﻨﻀﻒ ﻟﻴﻨﺎ ﺍﻟﻤﻜﺘﺐ ﻛﻨﺖ ﻛﺪﻩ ﺍﺣﺘﻤﺎﻝ ﺍﻟﻨﺎﺱ ﻛﺎﻧﻮﺍ ﺑﺸﻮﻓﻮﻧﻲ ﻣﺠﻨﻮﻧﻪ ﺍﻭ ﻗﻠﻴﻠﻪ ﺍﺩﺏ ﺑﺲ ﺍﻧﺎ ﻛﻨﺖ ﺑﺤﺐ ﺍﻟﺤﺎﺟﺎﺕ ﺍﻟﻐﺮﻳﺒﻪ ﻣﺜﻼ ﺍﻗﻮﻝ ﻟﻲ ﻭﺍﺣﺪ ﻓﻲ ﺍﻟﺤﺎﻓﻠﻪ ﻗﻤﻴﺼﻚ ﺣﻠﻮ ﻭﻋﺠﺒﻨﻲ ﻭﻫﻮ ﻳﻜﻮﻥ ﻗﻤﻴﺼﻮ ﺯﻱ ﻭﺷﻮ 💔😂😂 ﻋﻤﻮﻣﺎ ﻛﻨﺖ ﺷﺨﺼﻴﻪ ﻛﺪﻩ ﺻﻌﺐ ﻳﺘﻔﻬﻢ ﻓﻲ ﺭﺍﺳﻬﺎ ﺷﻨﻮ ﻭﻻ ﻫﻲ ﻋﺎﻳﺰﺓ ﺗﺼﻞ ﻟﺸﻨﻮ .. ﻗﻌﺪﺗﺎ ﻣﻊ ﻋﺒﺪ ﺍﻟﻠﻪ ﻭﺍﻧﺎ ﻛﺎﻥ ﻧﻔﺴﻲ ﺍﺗﻌﺮﻑ ﻋﻠﻴﻬﻮ ﻟﻴﻪ ﻣﺎﺑﻌﺮﻑ ! ﻗﻌﺪﺗﺎ ﻣﻌﺎﻫﻮ ﻭﻭﺑﺪﻳﺖ ﺍﺣﻜﻲ ﻟﻴﻬﻮ ﻗﺼﺘﻲ ﻣﻊ ﺍﺳﻤﺮ ﻣﻦ ﺑﺪﺍﻳﺘﻬﺎ ﻟﺤﺪﻱ ﻟﺤﻈﻪ ﺍﻟﺸﺎﻛﻮﺵ 💔 ﻭﺍﻟﻤﻬﻢ ﺍﻧﻮ ﻋﺒﺪ ﺍﻟﻠﻪ ﻣﺎ ﺳﻲﺀ ﻟﻠﺪﺭﺟﻪ ﺍﻟﻜﻨﺘﺎ ﻣﺘﺨﻴﻼﻫﺎ ﻗﻌﺪ ﻳﺴﻤﻌﻨﻲ ﻭ ﺍﻧﺼﺖ ﻟﻲ ﻛﺄﻧﻮﺍ ﻣﻬﺘﻢ ﻟﻠﻘﺼﻪ ﻓﻲ ﺍﻟﺤﻘﻴﻘﻪ ﻟﻔﺖ ﺍﻧﺘﺒﺎﻫﻲ ﻟﻴﻪ ﻣﺎ ﺑﻌﺮﻑ ﺑﺮﺿﻮ ﻓﻴﻬﻮ ﺷﻨﻮ ﺧﻼﻧﻲ ﺍﺭﻛﺰ ﻣﻌﺎﻫﻮ 💔

يتبع....