اريد حبك للكاتبه حسناء حسني

الفصل الرابع عشر

الحلقه الرابعه عشر
اريد حبك بقلمى حسنااء حسنى
بعد مرور ساعتين قام اياد بالتحامل على نفس والاستحمام وتهذيب لحيته وتغير ملابسه ليبدوا احلى بكتير مما كان لتدخل نوران الغرفه وتنظر له بشدة من وسامته
اياد وقد لاحظ نظراتها : احم معجبه حضرتك
نورتن بدون وعى : اه معجبه جدا
اياد وهو يضحك على ردها السريع : طيب اسف انا متجوز وبحب مراتى
نوران بخجل : وهى كمان بتحبك اوى
اياد وهو يضمها بابتسامه: انا مش بس بحبها انا بعشقها
نوران : اياد يلا ننزل عدى تحت مستناك
اياد : ده وقته ده
نوران بضحك : طيب يلا
ينزل اياد ونوران لمقابله عدى ويطلب اياد من نوران انا تحضر لهم القهوة حتى يستطيع الكلام مع عدى على انفراد
اياد : ازيك يا كبير من يوم ما كنت هنا ما حدش شاف وشك
عدى : والله يا صاحبى مطحون معايا صفقه كبيرة لازم ما تتدخلش البلد
ثم اكمل باسف حتى كنت قايل لعنان انى هساعدها واتصلت اعتذرت لانى الوقت مش مساعدنى خالص
اياد : انا عايزك فى موضوع مهم يا صاحبى واتمنى تسمعنى للاخر
عدى : خير
اياد : انا هطلب منك طلبين وليك الحق توافق او ترفض بس لازم تبقى عارف انك اخويا وانا بعمل ده كله علشان احافظ على عيلتى اليه انت واحد منهم
عدى بقلق : انا عارف يا اياد بس ياريت تقول على طوال بدوم مقدمات انا قلقت
اياد : اول طلب انا عايزك تعتذر عن قضيه الشاذلى وتسيبها لحد تانى من زميلاك الضباط
وجاى عدى ليقاطعه ليشير له بالصمت
وتانى طلب انا عايزك تكتب كتابك على عنان اختى وتاخدها بعد امتحاناتها وتسافر ان وهى
عدى بصدمه : انت عايزنى اتجوز عنان
اياد : عدى انت ليك الحب تقبل او ترفض يا صاحبى بس انا اتمنى انك توافق وحتى لو مش عايز الجوازة دة تكمل بعد فترة معينه ممكن تطلق عنان بس اتمنى لو الجوازة دى مش هتكمل تعامل عنان زى اختك مش كزوط فاهمنى
عدى : اياد انا مش هلف وادور عليك انا بحب عنان وكنت هطلب منك اننا نتخطب بعد امتحانتها
اياد : انا مش هلاقى احسن منك يا صاحبى انا ممكن امانك على حياتى مش بس اختى
عدى : طيب وعنان رايها ايه
اياد : عنان لسه ما تعرفش حاجه انا هعرفها بعد امتحاناتها
ى : طيب ممكن افهم ليه عايزنى اسيب قضيه الشاذلى واسيب تعبى ده انا شغال فيها من 3 شهور
اياد بهدوء : انا اكيد مش هضيع تعبك بس انا طلبت منك الطلبين دول لاما ترفضهم او تقبلهم وليك حريه الاختيار وكمان فى حاجه بعد كتب كتابك على عنان هتاخدها وتسافر اى مكان وانا هحصلكم بعد شهر ومش تسالنى ليه
عدى : طيب يا صاحبى
انا هقوم باه الحق اروح الادارة علشان اقدم طلب اعتذار عن المهمه دى لان المفروض انى هطلع مع فرقه الهجوم بعد بكرة نقبض على شحنه كبيرة داخله
اياد : ربنا معاك يا صاحبى
عدى : ليا عندك طلب يعنى
اياد : قول ولو انى عارفه
عدى : انا بما انى هسيب المهمه يعنى هيبقى عندى وقت ممكن اروح لعنان اساعدها علشان امتحاناتها
اياد : روح يا صاحبى بس عنان امانه وانت طبعا احسن من تصون الامانه
عدى : عنان فى عينيا ما تقلقش يا اياد
نوران وهى قدامه نحوهم بالقهوة اسفه اتاخرت عليكم بس حسيت انكم عايزين تتكلموا مع بعض قلت اسيبك شويا
اياد : تعالى يا حبيبتى احنا خلصنا كلامنا
عدى : انا هستاذن لانى عندى مشوار مهم واشرب القهوة مرة تانيه او ممكن نخليها شربات المرة الجايه وهم يغمز لاياد يلا سلام
اياد وهو يضحك : سلام يا مجنون
نوران : حبيبى مش هتقوم ترتاح شويا
اياد وهو يسحب يديها ويقبلها : راحتى فى موجودك معايا يا قلبى
نوران : انا هقوم اكلم ياسمينا اطمئن عليها هى اديتنى رقمها قبل ما تمشى
اياد : ماشى يا حبيبتى ولو مش هتعبك ابعتى لى الفون بتاعى عايز اعمل مكالمه ضرورى
نوران : حاضر يا حبيبى
لتاتى بعد قليل الخادمه لتعطى لاياد هاتفه ليتصل بعد ارقامه
الممرضه : الو اقدر اخدم حضرتك بايه
اياد : لو سمحتى حولينى لدكتور ابراهيم عايزة ضرورى وقولى له اياد العرباوى
الممرضه : تحت امر حضرتك ثوانى بس
بعد دقيقه : الدكتور ابراهيم : اهلا وسهلا يا اياد بيه
اياد : اهلا بحضرتك يا دكتور انا كنت عايز حضرتك تيجى لى البيت بكرة
الدكتور : تحت امر حضرتك بكرة الصبح هكون عند حضرتك
اياد :  تمام مع السلامه
الدكتور : مع السلامه
اياد بعدما اغلق الهاتف مع الدكتور فى خاطره
انا لازم افهم ازاى نصار عرف ان عدى بيحب عنان وايه سبب طلبه لسفرهم وكمان ليه طلب ان امى تروح عمرة فى الوقت ده اكيد الفترة الجايه هتبقى صعبه انا بس خايف على نوران