الفصل الثانى والعشرون
اريد حبك بقلمى حسنااء حسنى
ساعشقك الي ان تنتهي النبضات
ويسكن القلب في سكات من شده الضربات..💗
ساحبك الي ما بعد الممات
فى المستشفى الدولى خاصه فى الغرفه التى تم نقل عدى بها من العنايه
تدخل عنان ليترى عدى جالس على السرير وينظر الى نقطه بعيده
عنان : عدى حبيبى حمد على سلامتك
عدى بحزن : اى سلامه بتكلمى عنها انى مش قادر احرك رجلى دى خالص وهو يشير لرجله اليمين
لتجلس عنان بجانبه على السرير
عنان : عدى حبيبى انت ايمانك بربنا كبير وربنا كاتب لك ده وانا معاك وهتعمل العمليه وهنعمل علاج طبيعى وهترجع تمشى عليها احسن من الاول كمان
عدى : وانتى ايه ذنبك تكملى مع واحد ممكن يفضل طوال عمره عاجز
عنان : ما تقولش على نفسك كده تانى
عدى : بس هى دى الحقيقه اللى لازم تفهميها انا بقيت عاجز
عنان : حتى لو العمليه فشلت زى ما انت عايز توصل لى انا عايزك باى وضع من الاوضاع وده مش هيغير من حبى ليك ذرة واحدة
عدى : عنان ما تحكميش قلبك انتى لسه صغيرة وحلوة ليه تحكمى على مستقبلك مع واحد عاجز
عنان : عدى انا مش هسيبك لو خدوا روحى منى وكلامك ده كله ما يهمنيش فى حاجه ولا فارق معايا اصلا
عدى : عنان لو سمحتى سيبنى لوحدى وانا اما اخرج من هنا ورقتك هتوصل لك وانتى اصلا ما اتجوزتنيش باراتك وانا هخلصك من كل ده
عنان ببكاء : عدى انا مش هتحرك من هنا ولا هقدر اسيبك انا بحبك ولو انت اتجوزتنى من غير ما اعرف فانا بقيت اسعد انسانه فى الدنيا انى بقيت مراتك ولو ده هيتغير هيبقى بموتى بس
عدى : بعيد الشر عليكى
عنان : عدى ما تبعدنيش عنك انا ما اقدرش اعيش من غيرك ارجوك
لينظر لها عدى طويلا ولا يقدر على نظرة الرجاء والدموع بعيونها ليضمها بلهفه لتضمه عنان بحب وهى تحس بدموعه على راسها
لتبتعد عنان وتمسح دموعه : عدى اوعى اشوفك ضعيف ابدا انا باخد قوتى منك واعمل حسابك مش هنطلع من هنا قبل ما نعمل العمليه
عدى : بس انا مش عايزة اعملها وممكن تنجح او لا
عنان : لو فى امل 5% لازم تتمسك بيه
عدى : ولو العمليه فشلت
عنان : ده مش هيغير شى من حبى ليك بالعكس هحبك كل ثانيه بتعدى اكتر من اللى قبلها
ليقترب عدى منها ويقبلها قبله وضع بها مدى ضعفه والمه وحبه لها
ليبتعد بعد قليل ويسند جبينه على جبينها
عدى : انا هعملها واوعدك احارب واقف على رجلى علشانك
عنان بابتسامه : وانا معاك وبعد العمليه هنعمل فرحنا ونعيش حياه حلوة انا وانت
عدى : ياارب
اما فى المشفى الخاص تجلس نوران على كرسى بجانب سرير ياسمينا
نوران وهى توجه كلامها لاياد : هنعمل ايه اما تفوق وتسال على نصار
اياد : نصار قال انه مش هيتاخر ممكن يبقى هنا قبل ما تفوق
نوران : انا خايفه عليها اووى
ليقطع كلامهم رنين الهاتف الخاص باياد لينظر للرقم بصدمه
نوران : مين يا اياد
ليخرج اياد من الغرفه دون الاجابه عليها ليرد على الهاتف
اياد : الو
العمرى : الو يا اياد كفايه لعب سيبتك انت ونصار تلعبوا زى ما عايزين جى وقت الجد
اياد: المطلوب
العمرى : انا مستناك فى الفيلا تعال
اياد:بس انا ما اقدرش اسيب مراتى
العمرى : مافيش حد هيقرب منهم ما تقلقش ده كانت قرصه ودن لنصار علشان يعرف انا اقدر اعمل ايه
اياد :ساعه وهكون عندك
العمرى : مستناك سلام
اياد : سلام
ليدخل الغرفه لنوران
اياد: انا لازم امشى دلوقتى
نوران : بس هتسيبنا تانى
اياد وهو يحتضن وجهها : ما تخافيش يا حبيبتى انا هكلم اللواء امجد دلوقتى يبعت حراسه ونصار كمان هكلمه علشان يجى لك فى اقرب وقت بس انا لازم اتحرك دلوقتى
نوران ببكاء : خالى بالك من نفسك
اياد : حاضر يا حبيبتى ما تقلقيش
ليميل عليها يقبلها قبله تعبر عن مدى خوفه ثم يخرج من الغرفه
نوران : ربنا يحفظك يااارب
ليخرج اياد من المشفى لياخد تاكسى حتى فيلا العمرى
أنت تقرأ
اريد حبك للكاتبه حسناء حسني
Açãoالمقدمه علشان اليه مش قراها ومعادنا كل يوم الساعه 9 صباحا فصل جديد شئت ام ابيت سوف تقابله وتتعايش معه بكل تفاصيله واوجاعه بما هو الا اوجاع فى حياتنا نعيشها فاوقات تبكينا واوقات اخرى تضحكنا ولكن هل هناك وجع يجعلنا نضحك ؟ نعم انه وجع الحب فالحب ب...
