اريد حبك للكاتبه حسناء حسني

الفصل الثامن عشر

الفصل الثامن عشر
اريد حبك بقلم الحسناااء

💞المرأه
  رقيقة المشاعر ومرهفة الاحساس جامحة الحب والحنان تمر بلحظات
ضعف كائن خلقه الله حنون تتقلبه العواطف وتؤثر في كيـانه تعـاريج الزمان يبحث عن الملاذ والمأوى فلا يجد أكثر حناناً وعطفاً أكثر من صـدر رجل يشعر بالتزود من قوته لمواصلة الحياة دون عقد أو تعقيد أو هماً وغماً وأحزان ان دمعة تنثرها وجنتا تلك المرأة لاتتصورها زيف أو تمثيل بل هي نقية أصدق من وضوح🌅 الشمس وأشد حـرارة من أشعتها ان لم تجد مقراً لها على حنايا رجـل عطـوف وفــــي يستقبل دموعها ويواسيها ويتلقى شكواها ويخفف عنها بكاها من تكون بالنسبة لها 

فى المكتب الخاص بنصار
نصار وهو يدخل مع اياد : اهلا نورت يا متر
المحامى : متكشر يا نصار بيه
نصار بجديه : جهزت الورق اللى طلبته منك
المحامى : كل جاهز يا نصار بيه اتفضل
لياخد نصار الورق ويراجعه
نصار : تمام اووى كده يا متر متشكر
المحامى : العفو استاذن انا لو حضرتك احتاجت اى شى تقدر تكلمنى
نصار : اتفضل
اياد : ممكن افهم ده ورق ايه
نصار : ده ورق الصفقه اللى انت هتستلمها
اياد : ازاى دى انا حتى ما اعرفش هى جايه امتى
نصار : اسمع بس انا اما حطيت لك المايك فى هدومك ما كنتش انا بس اللى بسمعك ولا خليتك تعد مع العمرى تتفق من فراغ بالعكس هو كان بيلعب لعبته بس بقوانينى
اياد : بردوا مش فاهم
نصار بضحك : هفهمك
كل كلامك كان متسجل لامن الدولة علشان دى اكبر شحنه هتدخل البلد وانا من زمان وانا متفق معاهم علشان الوقت ده وكنت عارف انه هيدخلك اللعبه بس هو عمل عكس توقعاتى اما حاول يقتلك
بس دايما كنت واثق انك هتبقى ورقته الجايه
الشاذلى ورقه خسرانه هو لعب بيها كتير وانا ما بيقدرش يتحكم فيا وما تبقاش ادامه غيرك
انا جاى لى اخبار عن الشحنه من ناس اكبر ميت مرة من العمرى  وليهم مصلحه فى تصفيته لانه بيلعب من زمان من وراهم وجى وقت نهايته
اياد : طيب وانا دورى ايه
نصار : انت هتروح وهتستلم الشحنه عادى زى اوامره وانا هتخلص من الشاذلى بس فى مفاجاه عمره ما تخيلها مستناه احنا مش هننهى عليه هو اللى هيجى لقضاه لوحده
اياد : وانت هتقتل الشاذلى ليه
نصار : كل حاجه هتعرفها فى وقتها انا بس عايزك تنفذ اوامره بالحرف حتى لو قال لك اتقتل
اياد بصدمه : اقتل
نصار : اه
اياد : طيب عنان ويومين وهتبقى بره البلد مع عدى
بس مراتى ومراتك
نصار : ومين قالك انى هسيبهم هنا
اياد : اما هنعمل ايه
نصار : انا وانت هنسافر بكرة لمده 3 ايام جزيرة ومعانا ياسمينا ونوران
اياد : وبعدان
نصار : بس هنرجع لوحدنا انا وانت وبعد ما ينتهى كل حاجه هنروح لهم تانى
اياد : تمام
نصار : يلا بينا نشوف الاختين بيعملوا ايه علشان نجهز للسفر
اياد : يلا
ليبعث نصار الخادمه لتخبر نوران ان تنزل لان زوجها يريدها حتى يتمكن هو من الصعود لحبيبته

فى غرفه ياسمينا
نوران وهى تدخل : حبيبتى
ياسمينا بابتسامه : حبيبتك ده كله تاخير عليا انا قلت هاجى القيك هنا
نوران وهى تعض على شفتيها بخجل : اصلا يعنى
ياسمينا بمكر : اصلا يعنى قولتى لى
نوران : الف مبرووك على البيبى اخيرا هبقى خالتو
ياسمينا بضحك : اه انا عملت بنصيحتك ثم تكمل بخبث والواضح كمان انك عملتى بنصيحتى
نوران بوجه احمر : ياسمينا بطلى
ياسمينا بضحك : الف مبروووك يا قلبى يلا شد حيلك عايزة انا كمان ابقى خالتو قريب
نوران : بس احكى لى اللى حصل معاكى النهاردة وسبب جنان نصار
ياسمينا : بصى يا ستى ............ بس لحد ما وصلت هنا ده كل اللى حصل
نوران : وانا كمان اما طلبت من اياد يعرفنى قالى ثقى فيا وهتفهمى بعدان
ياسمينا : انا قلقانه اوى  على نصار
نوران : ربنا يستر
ياسمينا : يارب
لتقطع كلامهم الخادمه وهى تبلغهم كلام نصار
لتنزل نوران
نوران : اياد طلبتنى
اياد : ايوة يا حبيبتى
ليستاذن منهم نصار ليصعد لزوجته
اياد : تعالى نعد فى الجنينه بره
نوران بابتسامه : يلا
ليخرجوا ويجلسون على العشب لتبدا نوران بالكلام
نوران : خير يا حبيبى
اياد : حبيبتى احنا هنسافر كام يوم فسحه مع نصار وياسمينا على جزيرة هتعجبك اووى
نوران بفرحه : بجد
اياد : بجد
بس فى حاجه عايزة اقولها انا ونصار هنعد معاكم 3 ايام وبعد كده هنسيبكم انتى وياسمينا ومعاك امن ونرجع مصر وبعد 5 ايام هنرجع لكم
نوران : بس ليه
اياد : انا بس عايزك تثقى فيا انا بعمل كل ده لمصلحتك عايز ابعدك عن اى خطر
نوران : خطر ايه انا مش فاهمه حاجه انا قلقانه اووى عليك
اياد : ما تقلقيش فى ظرف 10 ايام كل شى هينتهى اوعدك وهحكى لك كل حاجه
نوران : بس
اياد : من غير بس اوعدك كل حاجه هتبقى تمام
يلا قومى هنروح الفيلا نجهز للسفر لان الهدوم اللى انت جايبه اكيد مش هتنفع
نوران :ماشى يلا بينا
لتذهب معه ويحضرون الشنط الخاصه بهم ثم يعودوا لفيلا نصار مرة اخرى
فى غرفه ياسمينا يدخل نصار الغرفه
نصاروهو يجلس بجانب ياسمينا : حبيبتى عاملة ايه دلوقتى
ياسمينا : انا بخير طوال ما انت جانبى
نضار : انا هفضل جانبك طوال ما فيا النفس مش يبعدنى عنك غير الموت وبس
ياسمينا بلهفه: بعيد الشر عنك
نصار : بصى يا حبيبتى احنا هنسافر كام يوم مع بعض كلنا فى جزيرة حلوة هتعجبك وهسيبكم انا واياد 5 ايام بس وهنرجع لكم واوعدك نعمل شهر عسل جديدة مع ابننا
ياسمينا : بس انا ونوران هنعد فى الجزيرة دى لوحدنا
نصار : اكيد لا هيبقى معاكم امن وكمان دى زى الجزيرة اللى كنا فيها يعنى بيت مجهز ومياه وكل وسائل الراحه
ياسمينا : وطبعا لو سالتك هتسيبنى ليه مش هتجاوبنى
نصار : انا بس عايزك تصبرى عليا واوعدك هحكى لك كل حاجه من الاول ومش هيبقى فى اى عقبه بعد كده
ياسمينا : حاضر
نصار : انا هقوم احضر الشنط وبكرة الصبح الساعه 7 هنكون فى الطيارة
ياسمينا :بس انا مافيش خطورة على البيبى من السفر
نصار : حبيبتى انا عمرى ما اعمل حاجه تضرك او تضر ابنى انا سالت الدكتور وقال انه مافيش خطورة عليكى ولا على ابنى
يلا انا هقوم وانتى ارتاحى شويا
ياسمينا باستلام : حاضر

فى صباح اليوم التالى

عنان : ماما انا خارجه عدى مستنينى بره
الحجه فاطمه : ماشى يا حبيبتى ربنا يسعدكم بس ما تتاخريش
عنان : حاضر يلا باى
لتخرج لتجد عدى واقف منتظرها مستند على عربيته ومتانق للغايه وعلى وجهه ابتسامه جعلتها تقع فى حبه الالاف المرات
عدى : صباح الفل على عيونك يا قمر
عنان بخجل : صباح الخير
عدى : يلا يا قمر عندنا يوم طويل بس هنبدا بفطار حلو
عنان : انا مش عارفه انت صمتت ليه اننا ننزل بدرى اوى كده ده الساعه 6 ياعدى
عدى : ورانا يوم طويل يا قلب عدى
عنان : تمام يلا بينا
عدى : يلا يا قلبى
ليذهبوا الى احدى المطاعم ويفطروا سريعا
عنان : هنروح فين دلوقتى
عدى : دلوقتى هنروح بيتنا نشوفه
عنان : بيتنا !!!
عدى : اه يا قلبى يلا
ليصلوا بعد ذلك لفيلا صغيرة
عدى : يلا انزلى يا حبيبتى
لتنزل عنان وتنبهر من شكل الفيلا الخارجى
عنان : الله شكلها حلو اووى
عدى : ولسه اما تشوفيها من جوا
ليسحب يدخلها ويدخلوا معا
عدى : انا الفيلا دى اشتريتها من 3 سنين ووضبتها زى ما انتى شايفه كل حاجه فيا على ذوقى حتى الورد اللى فى الجنينه زرعته علشان خاطر عيونك
عنان : بجد كل حاجه فيها روعه
عدى : مش ناقصها غير العروسه وبس
عنان بخجل وهى تحتضنه : انا بحبك اووى
عدى : وانا بعشقك
لتظل فى احضانه مدى لا يعرفها كل منهم
ليبتعد عدى : انا بقول يلا بينا علشان انا ممكن اتهور
عنان بتوتر : يلا بينا
ليخرجوا من الفيلا
عدى : ودلوقتى هنروح نجيب شبكتك يا احلى عروسه فى الدنيا كلها
ليتحرك بالسيارة حتى يصل لمحل مجوهرات
عدى : يلا يا حبيبتى
ليدخلوا للمحل
صاحب المحل :اهلا اتفضلوا
عدى : اهلا بيك انا عايز كذا طقم علشان نختار منهم وكمان عايز تشكيله دبل
صاحب المحل : حاضر يا افندم
ليبدا بعرض مجموعات ليختار عدى مجموعه منهم وتحبها عنان كتير
عدى : تمام هناخد دى ممكن الدبل
لياتى لهم بالدبل
عنان : انا هاخد دى حلوة اووى
عدى : حلوة علشان ليكى يا قلبى
لتخجل عنان من غزله
عدى : تمام هناخد دى
ليخرجوا بعد قليل من المحل
عنان : هنروح فين تانى
عدى : دلوقتى هنرجع الفيلا علشان نتجهزى نفسك هنسافر بالليل
عنان : تمام
لتركب السيارة بجانبه ليوصلها حتى الفيلا
عدى وهو يقبل يدها : اشوفك بالليل يا حبيبتى
عنان بخجل : هستناك
لتنزل وتدخل الفيلا وهى تشعر بالسعادة
وينطلق عدى حتى يجهز لسفرهم

بس الفصل خلص
عنان وعدى هيسافروا فين ؟؟
الملك هيكتشف خطه نصار واياد ؟؟
اياد هيوافق يقتل ؟؟
انتظرونى غدا
واسفه على تاخيرى عليكم بس كان غصب عنى الفون مسح اللى كنت كاتبه كله 😭😭

اريد حبك
بقلمى حسناء حسنى