اريد حبك للكاتبه حسناء حسني

الفصل الثالث والعشرون

الفصل الثالث والعشرون
اريد حبك بقلمى حسناء حسنى

الى ..من . اخترقت جدار قلبي ..
يامن اكتب اليكي حروفي ..
ولكي وحدك اهمس ...
انا رجل فائق الاحساس ....
وانتي فائقة الجمال ...
هكذا انا تعلمت الحب على يديكي ...
حبيبتي .. عمري ..
دعيني اغرق في بحر هواكي ..لا ..لا تنقذيني ..
أميرتي،،،،،،،
دعينــــي أخــــبرك انــــك صــــدفــــة
حملــــت معهـــا جميـــــع الاقــــدار
فـ أي.قـــدر عظيــــم الــــذي جعــــل منـــــك.
شيئـــــآً لآ ينتهـــي ونبضــــاً تستمــــر بْـــــه الحيــــاة ،،،،،

فى الطريق للمستشفى
يرى نصار سيارة تتبعه ليظنها سيارة من سيارات رجال الملك وليجهز سلاحه لاى غدر ولكن يشير له من السيارة احدى رجاله ليقف بالسيارة على جانب الطريق وينزل منها
نصار هو يوجه كلامه لاحدى رجاله : انت لحقنى من امتى
احمد احد رجال نصار : ما تقلقيش يا نصار بيه احنا كنا بنوفر ليك حمايه بناء على طلب اللواء امجد مننا
نصار : واللواء امجد قال لك تراقبنى
احمد : مش بنراقب حضرتك بس رجاله العمرى كلها معاها اوامر بقتلك
نصار : العمرى عرف ان عثمان اتقتل صح
احمد : ايوة والخطه ماشيه تمام
نصار : طيب خليكم وراء هنروح المستشفى الدولى وهناك هفهمك ايه مطلوب منك
احمد : اوامرك يا نصار بيه
ليركب نصار السيارة وينطلق مرة اخرى ولكن يجرى اتصال
نصار : ايوة جهز الطيارة
ليغلق الهاتف
يصل نصار للمستشفى الدولى ويدخل ليسال عن غرفه عدى
نصار وهو يدخل الغرفه : السلام عليكم
عدى وعنان : وعليكم السلام
نصار : عدى انا هنا علشان لازم اخرجك انت وعنان من المستشفى باسرع وقت كل دقيقه بتعدى فيها خطر على حياتك
عدى : بس الرائد حسام جاى بعد شويا
نصار : انت كلمته
عدى : ايوة كلمته علشان عايز حراسه لعنان ووالداتها
نصار : احنا لازم نتحرك بسرعه لو حسام وصل قبل ما نتحرك حياتك هتبقى فى خطر
عدى بعدم فهم : ازاى
نصار : الراجل بتاع العمرى فى الادارة هو الرائد حسام واللى خلينا نقل الخطه زى ما احنا عايزينه يسمعها ويبلغها
يلا فى عربيه مستناكم بره هتوصلكم لحد مقلع الطيارة الخاصه وهتوصلكم لاسكندريه هناك الدكتور منتصر هيستقبلكم ويعمل لكم دخول للمستشفى علشان العمليه
عنان : طيب وماما واياد
نصار : ماماتك لازم تفضل هنا هى الكارت اللى هنقدر نخرج بيه اياد
يلا مافيش وقت للشرح
لتساعد عنان عدى فى تبديل ملابسه ويخرجون من المستشفى
نصار وهو يوجه كلامه لاحمد
نصار : وصلهم مكان الطيارة الخاصه وساعد عدى لحد ما يدخل الطيارة
احمد : اوامرك يا نصار بيه
ليساعد احمد عدى لدخول السيارة ثم تجلس عنان بجانب عدى وتنطلق السيارة بهم
وليدخل نصار المستشفى مرة اخرى ليرى الحجه فاطمه تسال على عدى وعنان
نصار : خالتو
الحجه فاطمه بصدمه : نصار
نصار : ممكن نتكلم مع بعض شويا
الحجه فاطمه : عدى وعنان اختفوا
نصار : ما تقلقيش هم فى امان
بس لازم نتكلم علشان محتاج مساعدتك انا واياد
الحجه فاطمه : مساعدتى فى ايه
نصار :انا هفهمك كل حاجه
دلوقتى اياد فى فيلا العمرى
الحجه فاطمه : اياد عند الراجل ده بيعمل ايه انا مقطعاه من يوم ما قتل اختى وكان السبب فى كل المشاكل اللى حصلت
نصار : انا عارف كل حاجه ونهايه العمرى قربت بس انا عايزك تسمعينى العمرى مستناه شحنه كبيرة من الاغذيه الفاسدة والمخدرات واللى المفروض هيستلمها اياد ويدخلها البلد باسمه وبعد كده يسلمها للعمرى والعمرى هيخلى رجالته يخلصه على اياد بعد كده
الحجه فاطمه : اياد ليه يوافق على انه يستلم الشحنه دى
نصار : لان العمرى هدده انه هيقتل عنان وعدى ويقتلك انتى كمان
الحجه فاطمه : ده لايمكن يكون بنى ادم انا بحس بقرف لمجرد ان اسمه بعد اسمى
نصار : عنان وعدى دلوقتى فى امان وخرجوا بره القاهرة اصلا وعقبال ما العمرى يفكر يوصل لهم هيكون اتقبض عليه
الحجه فاطمه : والمطلوب منى
نصار :انا عايزك تروحى فيلا العمرى وتطلبى منه تشوفى اياد وتوصلى لاياد الميكرفون ده من غير ما العمرى يحس
الحجه فاطمه : وهو  هيرضى يخلينى اشوفه
نصار : اه هيخليكى تشوفيه وعايزك كمان تكلمى معاه انك عايزة ترجع العلاقه بينكم وان اللى حصل زمان انتهى
الحجه فاطمه : بعد اللى قلته عايزنى اقوله كده
نصار : ايوة وكل حاجه اياد هيفهمها لك بعدان
الحجه فاطمه : ماشى
نصار :انا هسيبك دلوقتى وبعد ساعه فى عربيه هتيجى تاخدك توصلك لحد فيلا العمرى وبعد كده العربيه هتاخدك توصلك بيتك
انا لازم امشى دلوقتى سلام
الحجه فاطمه : ربنا يحفظك يا نصار انت واياد يارب
ليخرج نصار من المستشفى ليركب عربيته وينطلق حتى فيلاته ويتصل باحدى رجاله
نصار : انا عايز كل الرجاله تكون عندى النهاردة عندنا مهمه
ويغلق الهاتف
نصار : وقت خلص يا ملك
اما فى فيلا العمرى
العمرى : نفذت اللى قلت لك عليه
الشاذلى : كله تمام وحتى الاماكن جاهز لاستلام الشحنه
بس انت هتقتل اياد فعلا
العمرى : لا مش هقتله قتله مش هيفدنى بحاجه
الشاذلى : بس انا عندى سوال انت ازاى عرفت خطه اللوء امجد
العمرى : اوقات كتير بحسك غبى
الشاذلى : تشكر يا ملك
العمرى : انت نسيت ان الرائد حسام ده تربيتى ومن بعد ما ابوه مات عاملته زى ابنى وجى الوقت اللى يرد فيه الجميل ده
وكمان هيكون معاكم بكرة فى استلام الشحنه الجمارك ويسهل لكم تخريجها
الشاذلى : تمام
ليرن جرس الفيلا ويدخل احدى رجاله : فى ست بره بتقول انها بنت حضرتك
العمرى باستغراب : بنتى انا
الشاذلى : ممكن دى فاطمه بنتك
العمرى : دخلها
لتدخل الحجه فاطمه بعد قليل
العمرى وهو يقف مصدوم : فاطمه
الحجه فاطمه : كويس انك لسه فاكرنى انا جايه اشوف ابنى
العمرى : ابنك ومين قالك ان ابنك عندى هو انا اعرف عنكم حاجه من يوم ما قطعتونى
الحجه فاطمه : انت عارف كويس ان اياد هنا
العمرى : لو هنا انت جايه فاكرة انى هخليه يمشى معاكى بسهولة لو هو عندى فعلا
الحجه فاطمه : ممكن نتكلم لوحدنا
الشاذلى :عن اذنكم
الحجه فاطمه : انا سامحتك على اللى حصل زمان وانك السبب فى موت اختى بحسرتها على جوزها وانك خليت نصار يفكر العمر ده كله ان ابو اياد الله يرحمه هو السبب
بس انا بديك فرصه انى هنسى كل اللى فات بس ما تعرضش حد من ولادى للخطر
العمرى : وتفتكرى انا عايزك تسامحينى بعد العمر ده كله
الحجه فاطمه : الحاجه الوحيدة اللى مش هتقدر تسامح نفسك عليها هى موت بنتك بحسرتها بسببك وانا هخلصك من الذنب ده
العمرى : انا مش قتلتهاش انا كنت بخلصها من كلب اتجوزته وخلفت منه كلب تانى(نصار)
الحجه فاطمه : اللى فات خلاص راح واختى حبيته وانت عارف انت اللى ما اتقبلتش حد يعمل حاجه بظون اوامرك
العمرى : ما اتخلفش لسه اللى يقف ادامى واللى يقف هنسفه
الحجه فاطمه : انا عايزة اشوف اياد
العمرى : انا هطلعك ليه 10 دقايق بس
الحجه فاطمه : اوعدنى ما تاذيش ابنى
العمرى : انا مش هاذيه دلوقتى  بس لو فضل مع نصار ضدى انا هنسفهم الاتنان
لينادى العمرى على احدى رجاله ليوصل الحجه فاطمه لابنها فى الغرفه
تدخل الحجه فاطمه الغرفه ليقف اياد مصدوم
اياد : امى ايه اللى جابك هنا
الحجه فاطمه : انا جيت اتطمئن عليك لتحتضنه وتضع الميكرفون فى ملابسه
الحجه فاطمه بهمس : نصار بعت ده وهو هيعرف يوصل لك
ثم تركته وخرجت من الغرفه بل وخرجت من الفيلا كلها على السيارة التى تنتظرها لتوصلها بيتها
ليصعد العمرى لغرفه اياد
العمرى : بنتى لسه فاكرة ان ليها اب مقطعاه من26 سنه وجت لحد هنا علشان بس تشوف ابنها وتحميه منى
اياد : ياريت تقولى المطلوب منى علشان اخلص وتطلع من حياتنا كلها
العمرى : انا مش هقتلك بس علشان مجيه بنتى هنا بعد السنين دى كلها بس الشحنه هتدخل وانت هتستلمها واول ما تسلمها للشاذلى انت حر
اياد : وانت الشحنه دى مهمه اووى لدرجه مستعد تقتل وتقضى على صله الدم بسببها
العمرى : الصفقه دى صفقه حياتى كلها اكبر صفقه دخلت او هتدخل البلد
فيها كوكايين بمليارات هبقى انا الموزع الاساسى  للمافيا فى مصر كلها بعد الشحنه دى
ومش بس مستعد اقتل انا مستعد ادمر الكل لو الشحنه بس ما وصلتش واتخزنت بامان انا حاطط فيها كل ما املك ولسه باقى ثمنها ولو بس الشحنه ما ادفعش باقى ثمنها هيبقى الثمن حياتى تفتكر هفكر ثانيه انى اقتلك او اقتل اى حد على وجه الارض او انسفه