اريد حبك للكاتبه حسناء حسني

الفصل السابع عشر

الفصل السابع عشر
اريد حبك بقلمى حسنااء حسنى

عندما تهمس لي بكلمة أحبـــــك
هل تعلم ماذا تفعل بي ؟؟؟؟
كل ذرة من جسدي تهتز طربا أغمض عيناي
لأتذوق روعة الشوق في كل حرف من حروفها
وجودك بجانبي يمطرني عشقا ويسقيني غراما ويحيني بكل آمال
آه كم حلمت بك تراقصني على شاطئ يداعبه ضوء القمر
تهمس في أذني كلمات من ذهب تداعب أذني كالحرير
بأجمل كلمات العشق
ليت روحي بين يدي لأضعها بين يديكِ
ليت قلبي سماء ووجهك قمر لأشعر بهمسك كل ليلة
روحي تعشقك..تهواك..بل تستنشق هواك
بكل لغات الدنيا أحبـــك لا بل أعشقــــك
لأن حبك وشم محفور هنا في أعماق أعماق قلبي
يناديك دوما بحبيبي فأنا لــــك ولن أكون لسواك ابـــدا.❤

فى فيلا العرباوى تظل عنان على صدمتها حتى تسمع جرس الفيلا
عنان : استنى يا عفاف انا هفتح
تفتح الباب لتتفاجا بعدى
عدى : عنان ممكن ادخل اتكلم معاكى شويا
عنان : اتفضل
ليدخل عدى : ممكن نعد فى الجنينه شويا مع بعض
عنان : اتفضل لتذهب معه للجنينه ليجلس عدى يشعر بالتوتر ولا يدرى من اين يبدا فكل الكلام الذى حضره ليقوله هرب منه تحت نظرات عنان
عنان : اتفضل انا سامعك
عدى : بصى قبل اى حاجه هقولها لك انتى لازم تعرفى حاجه مهمه انا بحبك مش بس بحبك انا بعشقك من زمان وكنت مستنى الوقت المناسب علشان اطلبك من اياد وما حبيتش اتكلم معاك قبل كده علشان ما اخونش صاحبى
عنان : علشان كده اتفقت مع اياد وكتب الكتاب حتى من غير ما اعرف
عدى : ارجوكى اسمعينى وانا هحكى لك كل حاجه وانا هرضى باى حاجه هتقوليها بعد كده
انا فى راجل اعمال كبير بيعمل صفقات مشبوه والراجل ده يبقى جدك ابو ماماتك ابراهيم العمرى وانا الظابط اللى ماسك القضيه دى وكان فى صفقه جاى الفترة اللى فاتت البلد باسم الشاذلى ده دراع العمرى اليمين وانا كنت هقبض عليهم بس قبل العمليه بيومين اياد اتصل بيا علشان اروح له الفيلا وطلب منى طلبين الطلب الاول انى اسيب القضيه والتانى انى اتجوزك بس بعد امتحاناتك وانا وافقت لان اصلا انى اتجوزك وتبقى مراتى ده حلم حياتى وكنت مستعد اتنازل عن اى حاجه مقابل انك تبقى ليا حتى لو القضيه وشغلى كله
بس تانى يوم الصبح بدرى اتصل بيا اياد علشان اروح له البيت روحت لقيت اياد ونصار وشاهد والماذون علشان اكتب كتابى عليكى واياد طلب منى اوافق على ده لانه هيحمى حياتك وحياتى علشان الملك بيدبر لحاجه خطيرة وان جوازنا هيبقى مجرد ورقه لحد ما انتى توافقى او اطلقك لو طلبتى ده
بس والله انا ما قصدى انى اجرحك او اقلل منك خالص بالعكس انا كنت فرحان والدنيا كلها مش سيعانى لمجرد ان اسمى واسمك فى ورقه تجمعنا
عنان كتب الكتاب كان كارت لحمايتى من الموت بس لو اعرف انه هيخليك تزعلى منى كنت فضلت الموت
عنان وهى تضع يدها على فمه :بعيد الشر عنك
عدى بلهفه : عنان انا اسف بس والله انا بحبك واتمنى انك توافقى تكملى معايا
عنان بحب : وانا بحبك اووى انت حب طفولتى وشبابى وانا بتمناك من يوم ما عرفت يعنى ايه حب
عدى وهو يقبل يدها : وانا اوعدك انى اخليكى اسعد انسانه فى الدنيا كلها يا عنان قلبى
عنان بخجل : ربنا يخليك ليا
عدى : ويخليكى ليا يا عمرى كله
بصى انا بكرة هاخدك اشترى لك احلى واحسن شبكه فى الدنيا كلها وبعدها هاخدك ونسافر اى بلد تختاريها واما نرجع هعمل لك احلى فرح فى الدنيا كلها
عنان : وانا معاك فى كل حاجه
عدى بفرحه : طيب ممكن اعمل حاجه بس مش تزعلى منى
عنان :عمرى ما ازعل منك
ليقترب عدى ويضع يده خلف راسها ويقبلها بشغف قبله طال انتظارها تحت صدمه عنان من فعلته ولكن لم يدعها تبتعد بل كلما ابتعدت عمق قبلته اكتر حتى استسلمت وبادلته قبلته
عدى وهى يبتعد لتشهق عنان طالبه للهواء ويثبت جبينه على جبينها
عدى : لو ما كنتش عملت كده كنت هتجنن
عنان بخجل : اوعى تعمل كده تانى
عدى :ما اقدرش اوعدك
لتقوم عنان وتجرى داخل الفيلا وتصعد السلالم بسرعه حتى غرفتها تحت ضحكات عدى
عنان وهى تضع يدها هلى قلبها :والله مجنون بس بعشقه