اريد حبك للكاتبه حسناء حسني

الفصل الخامس عشر

الفصل الخامس عشر
اريد حبك بقلمى حسناء حسنى

نعم احبك
سأهمس بها للقمر ليلاً احبك
سأبوح بها لشمسي احبك
سأرسمها على الرمال احبك
سأهديها لامواج البحار احبك
سأدونها على الجدران احبك
سأرسلها للسحاب احبك
نعم يا انا يا كلى
احبك
هل يوجد مفردات أخري للحب
كي أبوح بها احبك
لكني لن أقول لبشر اني احبك
عسي أن يتمنوك
وانت لي

فى فيلا العرباوى
يرن جرس الفيلا
عنان : استنى انتى يا دادة انا هفتح
تفتح عنان الباب : عدى
عدى : ممكن ادخل
عنان : اكيد اتفضل ماما فى الجنينه بره
عدى : بس انا جاى ليكى انتى
عنان بارتباك : انا
عدى : ايوة انتى مش عايزنى اساعدك فى المزاكرة علشان امتحاناتك قربت
عنان بحزن  : اه بس انت اتصلت بماما واعتذرت علشان عندك شغل
عدى : اه بس ما عنديش اهم منك انتى
عنان بخجل : طيب ادخل هنتكلم على الباب
عدى : لا طبعا وادينى دخلت يا ستى تسمح باه عقبال ما اروح لطنط فى الجنينه تبعتى  توصى لنا على الغداء علشان انا ما بعرفش اركز وانا جعان وتجيب فى ايدك وانت جايه عصير مانجا فريش
عنان بصدمه : غداء ايه بس ده احنا لسه فى اول النهار
عدى : هنقر باه وبعدان انا النهاردة هفطر واتغداء واتعشى هنا عندك مانع
عنان : لا ماعنديش مانع طيب تحب تتغدى ايه
عدى بخبث : اى حاجه تحبيها اصل انا بحب اليه يحبه حبيبى
عنان بخجل : طيب انا هروح المطبخ يلا روح الجنينه باه
عدى بضحك : طيب هروح بس انا اليوم كله معاك يا قمر

عنان فى نفسها ماله ده شكله اتجنن
عدى : سامعك على فكرة بس هجننك معايا يا قمر
ويذهب للجنينه الخاصه بالفيلا
عدى : مساء الورد والفل والياسمين
الحاجه فاطمه : اهلا بالبكاش تعال يا واد
عدى : يعنى انا ضابط واوقف رجاله بشنبات وفى الاخر تقولى لى واد ينفع كده يا بطه
الحاجه فاطمه : بطه فى عينك قليل الادب وبعدان مهما كبرت هتفضل فى نظرى عيل
ولم نفسك باه اياد لسه مكلمنى وقال لى على كل حاجه لو ما اتعدلتش مافيش جواز ولا حتى هخليك تشوفها
عدى : انا اسف الله يسترك بلاش تهديد ده انا اما صدقت بنتك دى حب عمرى كله
الحاجه فاطمه : طيب يا بكاش بس اياك تكلم معاها فى حاجه لحد بعد الامتحانات فاهم
عدى : اوامرك يا فندم ولا اخليها حماتى 😉
الحاجه فاطمه بضحك : والله ما فى فايدة فيك
عدى : عسل انا صح ههههههه
عنان وهى قادمه تجاههم
عنان : ما ضحكونى معاكم شويا
عدى : لا الضحك خلص يلا روحى هاتى اليه عايزنى اساعدك فيه علشان اقدر اشرح لك كل اليه عايزة ونراجع مع بعض لحد الامتحانات
عنان : حاضر هجيب كل حاجه واجى بسرعه
عدى: بسرعه يا عسل انت 😉
الحاجه فاطمه : احم انا هنا
عدى : منورة يا طنط والله
تذهب عنان وتاتى له بعد قليل ببعض الكتب وعدة اقلام
عنان بحماس : يلا نبدا
عدى بابتسامه : يلا يا عسل
ويظل عدى يشرح لعنان طوال اليوم وعنان تنظر له ليرتبك فى بعض الاحيان ويغازلها دون قصد منه