Blanko ang aking utak
Pero naririnig ko pa rin ang mga salita mong mabulaklak
Pero bukod pa doon, may kung anong ngiti sa aking mga labi na nagtutulak
Ngumiti at tuluyang humalakhak
Hindi marahil sa nakatatawang mga salitang binibitawan
Pero marahil may bahid ng kaunting katotohanan na gusto kong paniwalaan
Estrangherong mga banat sa akin pinakakawalan
Pero syempre hindi ako papatalo't ikaw rin ay babanatan
Hindi ako mangmang sa laro ng pag ibig
Pero hindi ko rin gamay kung paano ito laruin at paikutin
Subalit kaya kong sumabay sa agos ng laro't baguhin ang takbo
sabi ng mga kaibigan ko pagdating sa paglalaro ng mga letra't salita
may talento ako
naitatapal ng tama ang bawat letra
naitatama ang bawat salita
sa bawat taludtod ay nagtutugma
nalalaro ang bawat pangugusap sa bawat talata
pero ...
siguro kahit na anong subok kong hindi maniwala
o makipagsabayan sa tuksuhan
o makipaglaro na mga taksil na salita ang sandata
magkasungay man sa laro na sinalihan
sa dulo mahuhulog pa rin sa sariling patibong
sa maling tao pa din mahuhulog
sa maling tao pa rin makukulong
Tama pa ba 'to?
o naliligaw na ako sa larong ako lang pala ang nag imbento?
Kathang isip ko lang ba na nilalaro lang ako ng taong 'to?
O baka totoong mas magaling makipaglaro ang mga lalaki gamit ang mga letrang akala ko'y sandata ko
hanggang dulo di ko pa rin mapag tanto
kayo? ano sa tingin nyo?
BINABASA MO ANG
Untold Truth
Randomcomposed of my own works may ibang galing sa sariling karanasan may ibang mula sa imahinasyon Iba-ibang klase. Pili mga suki Presy---- charot. Wala lang. Bored lang ako kaya ko po ito ginagawa. Please do not plagiarize (feeling maganda gawa) Thank y...
