(Pipe,Bulag at Bingi / Pamahalaang Blah Blah: Puro satsat)
Binulag ang mga mata
Isinara ang mga tainga
At itinikom ang bibig mula sa mga balita
Mga nagaganap sa labas ng pinto at bintana
Sa gitna ng pandemya
Takot lamang ang nadarama
Na hinahaluan ng poot at pagkadismaya
At bawat parte ng katawan ay nanginginig sa pangamba
Tila isang tangang walang magawa
Na pilit na tumatakas sa katotohanan
Na lumalala na ang kalagayan ng ating Bayan
At mahirap na itong gamutin pa
Na kahit na natuklasan na natin ang tamang lunas
Hindi pa rin pala rito magwawakas
Walang hanggang katapusang paghahangad sa kapangyarihan
At kasakiman
Ng mga nakaupo sa itaas
Nagugulilat pero pilit na pinoprotektahan ang kayang protektahan
Dahil bukod sa kailangan ko ang sarili ko ay kailangan din ako ng aking Bayan
Para ipaglaban, hindi lang karapatan ng mga mamamayan
Kundi pati ang pansariling karapatan
Na ngayon ay ipinagkakait na ng sariling pamahalaan
Ginagawa tayong terorista sa sariling bayan
Na dapat ay tayo ang pinagsisilbihan
Na tayo ang kaniyang nasasakupan
Pero sa maling paraan tayo pilit na pinoprotektahan
Subalit paano?
Maraming Pilipino ang nagsusumamo
Sumisigaw, sumasayaw, humihiyaw
May ibang dinadaan sa kantyaw
Mga hindi halatang biro
Mga salitang nilalaro
At kahit pa diretsahin ang punto
Tila bingi pa rin ang siyang dapat makarinig nito
Iba't ibang paraan
Iba't ibang klase ng tao
May bata, may matanda
May natapos o Wala
At kahit pa may titulo sa simula o dulo ng ngalan
Pipe, bulag at bingi ba talaga ang nasa itaas?
Akala ko ako lang ang umiiwas?
Nagtatago mula sa mg problema
At ayaw makita ang kinakaharap na paghihirap
At iniindang sakit ng masa
BINABASA MO ANG
Untold Truth
Randomcomposed of my own works may ibang galing sa sariling karanasan may ibang mula sa imahinasyon Iba-ibang klase. Pili mga suki Presy---- charot. Wala lang. Bored lang ako kaya ko po ito ginagawa. Please do not plagiarize (feeling maganda gawa) Thank y...
