غدر يبني طريق العشگ

البارت 4

(غدر يبني طريق العشگ)
#بقلمي_اقبال_محمد
أنة دليتك علية

و علگت ورقة مصيري بين جفينك رسالة
&&&&&&&&&&&&

طلعت من غرفتي اريد اروح للحمام واذااا انصدم  ..

باحمد حاصر نبراس بينه وبين الحايط جوه الدرج ..
ويبوس بيها  ...

صخام الصخمكم ع هلعمله هاي دخلت لغرفتي مكدرت اباوع عليهم رايحين لغير عالم وفاصلين طبعاً مشافوني لان ..
اني غرفتي مقابيل الدرج بدايته وهمه جوه الدرج
فمشافوني ...  الله ياخذج يانبراس ع هلسوايه  ..

وهذه السرسري شلون هيج يسوي وبيتنا صخام

زين هسه مايهدها ليش لهسه مااجت عزاا بس لا يتقربلها  ولو وهمه شمبقين  ضليت افكر اريد اقطع عليهم صخامهم هذه  شلون يمي سله مال وصخ بس فارغه جريتها وشمرتها ع الباب حييل طلع صوت ..

سمعت صوت ماعرف شنو بس يتبسبسون ...

عفتهم ولفيت راسي ونمت واني استغفر ربي

ماكعدت لصلاة الفجر نبراس نايمه يمي ..
باوعتلها مال خنك  نايمه مرتاحه الخانم ....

ندهتا
عسل كومي نبراس ولج كومي ...

نبراس همممم شكو ...

عسل اذان الفجر متصلين ...

نبراس ماصلي اني ...

عفتها وطلعت توضيت وصليت شفت امي كاعده ..

عسل يتقبل الله ...

ام احمد منه ومنج يمه بنت خالج ويييين؟؟؟

عسل نايمه يمه بغرفتي ..

هزت راسها ومجاوبت وحسيتها ضايجه ..

عسل  شبيج يمه

ام احمد ولج يمه اخيج الليل كله يفتر  ع هلبنيه ولا كعد اني اعلمه صاير فد مره لايعترف بعيب وحرام ... اذا يريدها مايحجي ماشفتي البارحه كدامنه واكلها بعيونه اكل

عسل هاا مادري يمه انتي حاجي خطيه يعني تجي يمنه ترتاح وهوه يفتر عليها وخطيه هيه من اجيت تبات عبالها محد يمنه بس اني وياج ...

مانطيت بيها ابد كدام امي وخليت الصوج باخوي ..

ام احمد يصير خير اني احاجي . 

جاي نحجي وطلع هوه من غرفته

احمد صباح الخير  . .
هاا شتسوون من الصبح ..؟؟

عسل صباح النور
امي مردت عليه ...  من صبح
دخلت لغرفتي اني ستحيت اضل واكفه عرفت امي تريد ترزله يستاهل طبيت وكفت وره الباب ..
اتسمع ..

ام احمد احمد شعندك ويه نبراس

احمد شعندي يمه وياها

ام احمد ولك ماتعقل انته شنو رجعت تراهق تالي وكت الليل ..
كله تفتر ع البنيه ماكعدت مو عيب عليك ماستحيت بنيه يتيمه وارمله اجت يمنه يوم و احد شبيك تخبلت
خاف ربك يا احمد لا والله اخبر ابوك واخلي يلعب بيك طوبه توب احسلك . . .