غدر يبني طريق العشگ

البارت 14

  (غدر يبني طرق العشگ)
                   #بقلمي_اقبال_محمد                    &&&&&&&&&&
   
عمي الخاني واحنه مخطوبين شلون تريدني اثق بي باجر من نتزوج .. يحرم عليه الحسن مثل حرمت احمد عليه

ابو الحسن لا تحرمين بنيتي رجلج تحرمينه عليج ..

عسل عمي ماصير للحسن مره لو ادري احرك روحي واموت ..
عفتهم ودخلت لغرفتي اجن وراي يمامه ورونق ..
رونق تحجي من وره خشمها بس يمامه زينه ..

رونق عسل اعقلي ولا تخربين بين الخوه من وره رعونتج ..

عسل اهاا رعونتي لعد مدكولين الاخوج المايعرف يفرق بين الحلال الحرام ..

رونق صح غلط الحسن بس شوفي روحج بشنو مقصره وياه وراح دور غيرج ...

عسل وشتريديني اسويله مثلا اتحضرله وازيله الغرفه واحنه مخطوبين لو اكله تعال اخذني ..

رونق مكتلج سوي هيج بس لو قابل تتزوجون والدراسه تكمليها بيته مجان خان لان هوه رجال واله حتياجاته واكيد لو حبيبته ومرته يمه ميخون ولايمشي بهيج درب ..

عسل لا حبيبتي يخون ونص لان بوكتها راح اني اهمله واهتم دراستي واصلا هوه الخيانه تمشي بدمه ..

رونق كضيتيها دراستي ودراستي لحد ماخسرتي هسه شربحتي ..؟؟

عسل ايي والله حبيبه دراستي تسوه راس الحسن راس براس ماضيع مستقبلي علمود واحد خاين ومسقط ..

رونق احترمي نفسج عسل ماسمحلج تتجاوزين تره

عسل محترمه نفسي كلش زين  ..

عفتها ورحت للحمام غسلت واديه ترجف بجيت بجيت طلعت كل دموعي غسلت وطلعت ..

لكيت بس يمامه بغرفتي ..

يمامه هاا حبيبتي ..

عسل وين راحت رونق ..

يمامه راحت يم امي بالاستقبال ..

عسل اهاا ..

يمامه لا تقهرين روحج حبيبتي خلي يولي ..

عسل ولويش اقهر روحي خلاص انتهى بالنسبه الي ..

يمامه عفيه حبيبتي ..

هزيت الها راسي ضليت ساكته ..

شويه وصاحو يمامه رحت عليهم واسمع صوت مرا عمي تلعلع ...

ام الحسن الله لا يوفقها علكت قلب ابني بيها وعافته صرف العنده والماعنده وجهز الها وذهب اشتراه الها وتالي صار بي كخه ولج عسيلان ام الولد شفتيلج واحد احلى منه وعفتي ..

من حجت هيج عمي لطمها ع حلكها ..

ام الحسن لهنا وبس ممنوع تحجين ع بنت اخوي هذه الكلام مهما صار ابنج الغلطان وعسل تشرف الشرف ..
من سمعت كلامها كمت للكنتور طلعت كل الملابس الشتراها الي وبقيه من الفلوس النطاهن اليه مجهزت بعد كلت منا للعرس تجي موديلات احلى والذهب اخذته شلتهن كلهن وخليتهن كدامها والفلوس خليتهن بيدها