غدر يبني طريق العشگ

البارت 10

(غدر يبني طريق العشگ)
#بقلي_اقبال_محمد
&

&&&&&&&&

دخلنه للمحل مال الذهب ..
وكانت الصدمه ..
الرجال اني اعرفه منوو هذه منوو سلم عليه الحسن ..
وهوه يباوع وكانه عرفني ..
اشويه وطخت بالي هذه حيدر ياااا ..
فهمه الحسن وطلع مجموعه كلايد ..

الحسن حبيبي اختاري ...

عسل ايي لحظه اباوع وحده احلى من الثانيه ..

حيدر مبينين عرسان موو وذهب مال خطوبه ..

الحسن ايي والله ..

حيدر مدام عرسان لعد خصم الك خاص ..

الحسن رحمه الله والديك غالي .. يوم لالك ..

حيدر الله يسمع منك والله ..

كلهن حلوات بس معجبني اني اريد اخذ تخم كامل ..
الحسن هاا حبيبي شتردين ..

عسل بله اريد تخم كامل ..

الحسن تدللين .. رايد تخم وكون نازكو ومرتب ..

حيدر تدلل ..
طلع مجموعه .. عجبني تخم نازك وحلوو الكلاده عصافير ثنين .. واكفين ع غصن .. والمحبس هم عصفورين كل واحد صاد بجها .. والحلقه منقوش بيها عصافير التراجي هم بس نزللات يعني يوصلن شوي عن جتفي لنص ركبتي .. وحجل كلش حلو نازلات منه عصافير ..

عسل حبيبي ..

الحسن هاا عمري ...

عسل هذه شنو رايك بي ..

الحسن كلش حلو ونازك اخذه الج ..

عسل ايي ..

تعامل وياه والصراحه حيدر حسيته كلش كسر بسعر التخم هوه مبين غالي بس انطاه بسعر مناسب جداً ..
واما نبراس اخذت كلاده اسمها بس تصميمها كلشش حلو ونزاكه ..
كملنه بس الحسن كاله اريد حجل ثاني علمود يصيرن ثنين ..
اني منتبهت لشغله الحلقه مالته .. بس هوه كله واريد حلقه رجاليه ...
الحسن علمود ابين صدك رجال مزوج ..

عسل فديتك حبيبي الصراحه اني نسيت الحلقه مالتك راحت عن بالي ..

اخذ حلقه ساده مابيها اي نقشه .. والحجل نفس هذه الويه التخم ..

كملنه ودفع الحسن الحساب وطلعنه .. طبعاً اني طول الوقت مرفعت راسي بوجها حيدر ابدددد ..
فترينه شويه ورجعنه للسياره .. عبالي نرجع للبيت بس ودانه للكورنيش .. نزلنه كعدنه بمطعم صغير مقابل النهر .. والجو يخبل ..

الحسن هاا منو جاع اطلب غده ..

نبراس لا بعد وكت مجوعانين ..

الحسن وانتي عسوله حياتي ...

عسل لا مجوعانه حبيبي ..

الحسن براحتج ..
ضلينه كاعدين شويه نباوع ع النهر وهو لازم ايدي ..
صارت ساعه ب11 وجعت باوعتله ..