غدر يبني طريق العشگ

البارت 27

(غدر يبني طريق العشگ)
#بقلمي_اقبال_محمد
&&&&&&&&&&&

رحت للغرفه شفته كاعد يكلب بفونه تمددت يمه فتحلي ايده ... وشمر الفون صد عليه ..

حيدر كم يوم وننتقل لبيت وحدنه ..

عسل ليش وبيت اهلك ..

حيدر هذه بيت ابوي الله يرحمه واني اريد نستقر بيت وحدنه وناخذ راحتنه ..

عسل لعد منو يضل يم اهلك ..

حيدر عمر موجود .. وبيت اخوي بصفنه واختي بالفرع نازله ..

عسل براحتك حبيبي بس فدوه خلي بيتنه قريب ع بيت اهلي ..

حيدر ان شاءالله ..

حضني وغفه اني ضليت اكلب بفوني .. راسلت يمامه .. ضلينه نسولف وتسئلني شلونكم شخباركم ..

يمامه مادري راح يجون عليج اهلج جان اجيت وياهم ..
غير مره ان شاءالله ..

شويه وسديته منها .. ضليت افكر علمود القبول عود اطلع معدل يدخلني كلية الطب .. اني ادري بروحي زينه بالامتحانات بس معدل الطب لازم ميقل عن 98

زين اذا مانقبلت شلون ادخل كلية اهليه .. ضليت افكر شويه وحسيت ع بوسه بركبتي ..
صديت عليه ..

حيدر بشنو شاغل باله الحلو مالي ..

عسل افكر بالتقديم مال الكلية عود اطلع معدل يدخلني طب ..

حيدر ان شاءالله حبيبي طلعين اعلى معدل وترفعين راسي ..

عسل واذا ماطلع المعدل زين شلون ..

حيدر اعرف شتفكرين .. من هاي قبل هاي احسن كلية اهليه دخلين ودرسين طب .. واشر ع عيونه ..

يمااا حبيبي .. حضنته بسرعه ..

عسل فديت الي يعرف تفكيري .. بوسته ..

تقرب يمي ويبوس بيه ..

حيدر لعد حبيبج جوعان كلشش ..

فهمت شريد .. تلمست خدوده ولحيته ..

عسل يخسى الجوع ..
تقربت بوسته بشفايفه ..

هو ماصدك تقرب ويهمس باذني احبج احبج ..
يتقرب بحب يتعامل وياي بهدوه ورقه عبالك ماي بيده ويخاف يتبده ضلينه .. وكلمه احبج ماتفارك لسانه يهمس احبج اعشگج ..

ضلينه سوه فزيت ع صوت الباب يندك ..
فز وكال منوو ..

رشا اني رشا خلي عسل تجي خالتي اجتي ..