غدر يبني طريق العشگ

البارت 9

(غدر يبني طريق العشگ)

#بقلمي_اقبال_محمد
&&&&&&&&&&&

صوت همس ممفهوم تقربت للباب اتسمع ..
اسمع صوت احمد يجر بنبراس لغرفته وهيه متقبل .. تدخل تهمسله انته بس تريد تلعب وياي وممفكر بيوم تخليني مرتك ....
وهوه يكللها منو كلج ممفكر اخليج مرتي اني احبج ..
نبراس عسل كلتلي عمتي محاجيتك وانته رافض تخطبني ..

احمد ولج هذه الحجي قديم احنه ولد اليوم وجنت بيومها اصلا ممفكر اتزوج بس مادري بروحي احبج

نبراس جذاب متحبني ...

احمد احبج والله شبيج مو العصر جنتي بين اديه شجاج هسه دتعالي يروحي شتاقيتلج ..

مسمعت بعد صوتهم غير بس صوت باب انسد يعني اخذها بغرفته

عزااا ذوله لازم اخليلهم حد شنو بيت هواى وهيج يسوون حتى احمد نزل من عيني شلون هيج يسوي ويه بنت خاله وبالحرام هاي هم تنحسب عرضه ..

وهاي العار بنت خالي شلون هيج يستغلها وتقبل تدخل غرفته نص الليل قابل راح يعلمها اصول الدين

طخت براسي اروح لامي واكللها اخلي تطلع تصخمهم ..

بس بطلت تصير مشكله بنص الليل ..
عفتهم ورجعت نمت ..
كعدت الفجر اريد اصلي وبعدهي مراجعه هاي للغرفه
عزاا بس لا بعدهي يمه .. طلعت توضيت وصليت هستوني لميت المصلايه وفتحت الباب ودخلت ..

شعرها منفوش وحنجها ازرك مبين ..
لميت المصلايه وهزيت ايدي ورجعت نمت مدرتلها بال تجاهلتها ..
اجت نامت

كعدت الصبح غسلت ورحت للمطبخ لكيت امي جاي تسلك بيض واحمد كاعد يمها سابح وبس بالفالينه التعلاكه صدك نزل من عيني اخوي .. جان بعيني جبير واحترمه لكونه هوه اخوي الجبير صبحت ع امي وخليت الجاي ع النار كملت امي البيض

ام احمد كومي صيحي نبراس خلي تجي تتريك ..

عسل نايمه بعدهي .. الله يعينها لصلاة الفجر يالله نامت ..

اباوع الاحمد وجها فلت ..

ام احمد يااا شعدها كاعده ولج ..

عسل كاعده تقره قران يمه الليل كله ...

حجيتها ودخلت هيه
صبحت مرديت عليها اني تجاهلتها ..
واحمد نتبه ..

كعدت كبالي
ام احمد كومي يمه طلعي كيمر ومبربه لبنت خالج ..

خليت الها كيمر ومبربه طبعاً اني ماكله تلعب نفسي من الكيمر او القشطه ..

انتبهت اني متجاهلتها
عسل اريد اروح للسوك ..

احمد خير مو البارحه رحتي ..

عسل والله اريد اروح اليوم ..

ام احمد شتريدين تاخذين ..