غدر يبني طريق العشگ

البارت 35

(غدر يبني طريق العشك)
#بقلمي_اقبال_محمد
&&&&&&&&&&&

عاط بيه فززني ..

حيدر كتللللللج ماكو شي ليش تحلين اسكتيييي ..

انصدمت هذه شبي .. يمكن استهان بيه لان ضربني وماحجيت لاهلي شافني سهله ويكدر يكفخ ويعيط بكيفه ..
صديت عنه ع الجامه ونزلن دموعي ..

وصلنه للبيت  نزلت  بسرعه ..دخلت لغرفتي ..

بدلت وتمددت بالفراش .. وابجي .. حيل استهضمت وتندمت لان ماكلت لبابا جان خلاله حد ..
شويه ودخل هو يتنهد وضايج فتح لغطه وحضني ..
نفرت منه ..

عسل وخرررر ايدك واياك تلمسني ..

حيدر عسل ضايج فدوه لعينج اريد ارتاح ..

عفته وكمت فرشت بطانيه بالكاع وخليت مخده وتغطيت بطانيه وهو بس يباوع عفته ونمت بالكاع  تنهد ونام ..
كعدت الصبح شفته نايم يمي وحاضني ..

كمت غسلت  وطلعت سويت ريوك ..
دخلت لغرفتي شفته كاعد وضارب صفنه ..

عسل حضرت اليريوك ..

عفته واخذت ملابس بدلت بالحمام .. شفته مو بالغرفه رتبت حجابي وخليت مكياج خفيف ..

اخذت جنطتي والسجلات ..شفتهم كاعدين يتريكون هو وعمتي ..

عسل لعد البنات وين..

ام حيدر بغرفتهن يمه ..

رحت عليهن شفت رشا جاي تبدل .. وبراء نايمه

عسل لعد وبراء شنو ماتداوم ..

رشا لاا ماداوم ..

طلعنه .. اني طول الطريق ساكته وارتب بالمحاضرات...
وصلني يم كليتي اول مادخلت صار بوجهي استاذ انمار شكله جان منتضرني . 

انمار ماتوقعت تسوينها صدك وتخبرين اهلج بس لو همه صدك رجال يجون ويكوفون بوجهي مو اني لمتحرش بعرضهم لا يضلون خاتلين ..

عسل يكفي انو خلصو الجامعه منك ..

عفته ومشيت دخلت لمحاضرتي ..

كملت دوامي واجه حيدر اخذني واني كالبه وجهي عليه ..

وصلت للبيت شفت براء كاعده يم عمتي انصدمت بوجها خدها ازرك وشفتها مشكوكه ..

عسل عزااا وجهج شبي ..

اشو عافتني وراحت لغرفتها ..
دخلت وراها ..

عسل ولج شبي وجهج..

براء حيدر ضربني ..

عسل ياا شبي وياج انوب ..

براء عسل تعرفين الطالب امجد الذاك اليوم جان واكف وياي من اجيتو انتي وحيدر لكليتي..