غدر يبني طريق العشگ

البارت 2

(غدر يبني طريق العشگ)
بقلمي_اقبال_محمد
&&&&&&&&&&&&

اراسل بنبراس وما تجاوب اخابرها مغلق مر اليوم اني بالي يمها
خلص يومي ثاني يوم داومت وشفت يمامه سلمت عليها ....
يمامه عسوله حبي اليوم يجون اهلي يتفقون ..
ع موضوعج انتي والحسن ..

عسل يماا يعني اليوم تجي امج ومنو انوب ..؟

يمامه اني وامي ورونق وخالتي هم تجي ..

عسل اهااا ومنو يجيبكم ...؟؟؟

يمامه حسوني يجيبنه يعسل ...

عسل ههههههه امشي حبيبه امشي ...

طلعت من المدرسه واني افكر شالبس وشنو يكولون وياتره ينتضر منا لما اخلص دراسه ..؟؟
انوب اخاف ميصبر ويروح يخطب ....
عزااا لا اذا يحبني ينتضرني ..

خلي احجيلكم مواصفات الحسن
الحسن عمره 27 سنه خريج كليه حقوق محامي حاليا ويدرس ماجستير .. مواصفاته ابيض عيونه
خضر ع صفار تبين طويل ماعرف شكد طوله ..
يلعب حديد دائماً فعنده عضلات وصدره عريض ...
.. هذي مواصفات الحسن

.. خلص الدوام ورجع للبيت شفت امي بالمطبخ...
عسل . ماما بيت عمي العصر يجون ...

ام احمد هلا بيهم علمودج انتي والحسن مو ..؟؟

عسل .. ايي ماما وتجي اخت ام الحسن ..

ام احمد اها هلا بيهم يمه ولو مداخله براسي هلزواجه

عسل ليش ماما دائماً احسج مفرحانه ..؟؟

ام احمد يمه اكو ام متفرح بخطوبه بنتها بس انتي بعدج صغيره والحسن احسه مو راحه عينه شوي زايغه ..

عسل ماعرف ماما بس بابا لو ميدري بي زين .. مينطيني تره ..

ام احمد الله يسعدج يمه ويوفقج شرايده اني ...
غير سعادتكم

عسل الله يحفظج النه حبيبتي ..
دخلت سبحت ولبست دشداشه سبورت وردي وبيها
سمايلات وبيها فتحات من جوه ولبس حجل ... و شسورت شعري ونثرته طلعت ويه امي سويت كيكه .. خليتها بالفرن وكعدت بغرفتي اقره شويه للعصر واني افكر بكلام امي بس الولد مشايفه عنه شي ..

زين ليش امي هيج حجت بس لو ابوي يدري ..
مو خوش مجان فااتحني بالموضوع اصلا ...

صارت العصر واجت يمامه ومرت عمي وخالته ...
وبنت عمي مزوجه رونق

كعدو وقدمت الهم اني من الكيكه وعصير ...
فتحو ويه امي السالفه ...

ام الحسن ... ام عسوله عيوني الولد رايدها .. وهوه ابن عمها ويكولج التاخذ ابن عمها اديها بالعسل ..
شتكولون ونفرح بيهم

ام احمد والله حبيبه ماعدنه اشكال بس اهم شي رأيها ودراستها شلون ... وحجه بالموضوع ابو احمد
قبل لا يلتحق اخوتها كالو تكمل دراسه اول متكدر توازن بين بيت ورجال ..