غدر يبني طريق العشگ

البارت 16

(غدر يبني طرق العشگ)
#بقلمي_اقبال_محمد
&&&&&&&&&&

شفت مكالمه فائته فتحتها من حيدر مرتين داك ..

شيريد هذه   !!!؟؟؟؟
ضليت متردده اتصل عليه .. تالي اتصلت جاوب ..

حيدر الؤؤؤ خيتي ..

عسل لا خويه شلونك ..

حيدر مو زين عسل اني اعتبرج اختي ..

عسل عز الله اخ عزيز والله  ..

حيدر خويه شخبار نبراس ..؟؟؟؟

عسل ليش تسئلني اني اصلا منقطعه وياها تدري بعد انته ..

حيدر خيتي مجاي لا اكدر انسى خيانتها تاكل وتشرب وياي .. ولا اكدر انساها

عسل خويه النسايان صعب خاصه اذا كان شخص غالي عليك بس حاول تتناسه ..

حيدر وشلون اتناسه اذا اني حتى اهلي كتلهم راح اخطب وجهزت كلشي بيومين تالي طلعت تريدني اطم عارها ..

ضجت لا حجى هيج هيه اول وتالي بنت خالي ..

حيدر اسف مو قصدي اضوجج ..

عسل ولا يهمك ..

حيدر اخذي راحتج خويه بس حبيت اعرف اخبارها   ...

عسل الله وياك ..
سديته منه وكسر خاطري اول حب اله هيج ينغدر ..
اؤيلي شسويتي ولج نبراس بسوايتج كسرتي قلبي وقلب هذه المكرود وانتي شربحتي غير سمعتج صارت بالكاع .. دموعي تجري بدون ماحس

دخلت عليه هدى شافت دموعي وكفت ع راسي ..
ومسحت دموعي ..

هدى ليش هيج تاذين روحج دشوفي شصاير بيج ولج وين ذيج عسل المخبله البيت كله بضحكتها ولج ضعفانه وجهج جنه وجه عجوز عيونج كلها هالات .. ليش هيج ؟؟؟ 

عسل هدى ماكدر لج هدى والله كلامهم يرن باذني اؤل حب بحياتي هيج ولج اني فتحت عيني ع حبه .. من انام ماخلص من الكوابيس اضل اتحلم بيهم سوه  واموت الف موته ..

هدى ياروحي لا تعذبين روحج انسي مدام خانج حتى لو ضاله وياه يخونج انوب الف مره ويه غيرها وغيرها ..

عسل ادري والله ادري بس مجاي انسه احس قلبي يوجعني ..

هدى سلامت قلبج يروحي

عسل هدى اختنك كل ماذكرهم ..

هدى وليش تتذكريهم ولج هيج عالم شيليهم من بالج اصلا  او تناسيهم ..

عسل ماكدر ماكدر  ....

هدى لا اشو تكدرين اني ادري بيج  قويه ومو واحد مثل الحسن يكسرج ولج .. يله حبيبتي مسحي دموعج وكومي لا تضلين كاعده وحدج وتبجين ..

عسل روحي يمهم انتي  هسه اغسل واجي ..

رحت غسلت باوعت بالمرايه صايره جني عجوز وجهي ضعفان وعيوني من جوه سود حبوب طالعه بوجهي صايره اخرع  .. اني من انقهر لو اشوط وجهي يطلع حب بي ..