غدر يبني طريق العشگ

البارت 15

(غدر يبني طرق العشگ)
#بقلمي_اقبال_محمد
&&&&&&&&&&

نار بيه اريد اطفيها بس شلون اريد انتقم من نبراس والله الادفعها الاثمن غالي من عسل بنت حسين اذا ماخليتها تدفع الثمن  واتوبها تلعب وياي .. ضليت افكر واجت بالي شغله ..

فكرت اخبر حيدر بكلشي واخبره بخيانه نبراس ..
ادري بيها تحبه وقبل لو زعل وياها تضل لا اكل ولا شرب وبس تبجي .. مثل مخلتني اعوف الحسن اله اكشفها كدام حيدر واخلي يعوفها ادري بي لو عرف بخيانتها مستحيل يضل وياها لان هوه رجال غيور كلش ومن اهل العمارة ..

جريت موبايلي بدون تفكير ماعرف تصرفي غلط لو صح بوقتها يمكن تصرفت بطيش .. ودخلت ع الماسنجر شفته فاتح نت بس عجيب شو مادز رساله مو يعرف حساب نبراس ..

دزيتله السلام عليكم  ..

بسرعه جاوب وعليكم السلام منو ..

عسل خيي اني عسل ..

حيدر هلا خويه شلونج اخبارج والف مبروك ع الخطوبه فرحتلج تستاهلين كل الخير خيتي بس هذه مو حساب نبراس  ..

عسل تحت رحمه .. والله يبارك بيك ايي بس اني فاتحته . . خويه عندي طلب يمك ..

حيدر امري خيتي خادم ..

عسل خادم ربك  . . راح ادزلك رقم مال فيس والماسنجر والرمز ..

حيدر ايي ..

عسل افتح الحساب وادزلك الرمز من يدزو الشركه ..

حيدر تمام بس شنو السبب ..

عسل خويه افتح وشوف شنو بي ماريدك تضل مخدوع مثل ما اني انخدعت ..

حيدر خوفتيني الصراحه يله راح اسجل الدخول .

شويه ودزت الشركه فيس بوك الرمز ودزيته اله ..

ماتصل بعد ولا عرفت فتحه لا ..
طلعت يم امي وابوي لكيت امي جاي تصب كهوة 
..
عسل صبيلي ماما وياج ..

ابو احمد شلون صرتي باباتي ..

عسل الحمدلله ..
صبتلي امي رغم مرة الكهوه بس احبها ومن اشربها افرها بيدي مره شربتها ويه الحسن وهو يشيل شكر ويخوط خربت ضحك .. كال شبيج صبيت اليه وفريتها كتله عيب الكهوه تنخاط تنفر باليد ..
ضحك وكال غلسي ..

هسه احسها وكفت بلعومي ..

ابو احمد باجر يجن سماء وهدى ..

عسل فدوه هلا بيهن .. لعد عبدلله شو مااجه ..

ابو احمد طالع من الفجر هسه بالطريق ..

ام احمد خابرته قبل شويه كال بالطريق جاي ..

طلع بابا واني طلعت للحديقه ااشم هوى احس ختنكت وكعدت انضف بيها .. كملت وتذكرت براء  ..
كلت خلي اخابرها اعرف شكو ماكو ..
دخلت اخذت فوني واتصلت جاوبت ..